رواية فتاة في العسكرية للكاتبة سدرة أمونة الفصل العشرون
نجوان بصدمة: نورهان ضياء بترقب: نجوان شوفي؟ نجوان: نورهان اجت ع الشركة وهي اكيد بتعرفني ورح تكشفني ضياء بصوت عالي شوية: نجوان بسرعة نزلي و جيبي معك الاوراق انا رح استناكي تحت نجوان بانهاء المكالمة: يالله.
سكرت نجوان التليفون ضبط اغراضها و الاوراق و هي وطالعة تذكرت انو ما حاطة العدسات، بسرعة فتحت شنطتها و طلعت نظارات الشمسية و راحت ع الاسانسير لحتى تنزل فيه، بتطلبو ما بتشوف الا فتح الباب الاسانسير و طلعت بوجها نورهان هي و البنت يلي معها.
نورهان اطلعت فيها و ضيقت عيونها هي وطالعة من الاسانسير، دخلت بسرعة نجوان و كبست ع الرقم ٠ لحتى تنزل وهو عم يتسكر باب الاسانسير عم تطلع فيها نورهان، وقت تسكر الباب و نزل الانساسير اخدت نفس عميق لحتى تضبط توترها.
بنفس اللحظة وقت ضياء سكر مع نجوان قام بسرعة اخد المفاتيح السيارة و نزل من الفندوق طاير طلع بالسيارة و طار فيها من كتر السرعة يلي هو فيه وصل ع الشركة بزمن قياسي ركن بعيد عنو شوية.
عند نجوان وصلت عالطابق التحت مشت لعند الابواب الخروج بخطوات سريعة نزلت الدرج شبه الركيض من كتر السرعة هون صارت تدور ع ضياء ما شافتو بيرن تليفونا نجوان بصوت متقطع: وي، نك، انت ضياء: هون جنب الشجرة اطلعت محل ما قلها شافتو راحت لعندو بسرعة ركبت بالسيارة وهي عم تاخد انفاسها بسرعة: امشي بسرعة، شكلها عرفتني ضياء شغل السيارة و طلع بسرعة ع الفندق.
بنفس اللحظات بالشركة رزان و نورهان دخلت لعند اشرف، رزان بدلع: هاي اشرف بنشافة: اهلين، نعم رزان بذهول: نعم؟، كانو ما مبسوط بجيتي يعني؟ اشرف وهو لسه ع وضعو: اي انتي قلتيها ل حالك ما مبسوط رزان بحدة: بتعرف الحق علي يلي اجيت لعندك نورهان واقفة معن بس عقلها عم يفكر ب البنت يلي شافتها، نورهان بينها وبين نفسها: انا شايفتها بس وين وين، انا متأكدة بعرفها رزان مسكت ايدها يلي فيقتها من تفكيرها، نورهان: شبك؟
رزان: تفضلي امشي ما شايفة عم يقلعنا اشرف بعدم مبالاة: الباب بيفوت جمل رزان بغضب: ماشي يا سيد اشرف محضورة طلعت رزان هي و نورهان من الشركة طلعو بالسيارة، رزان اتبهت ع نورهان مو معها رزان بترقب: نورهان شبك؟ عم احكي معك ما عم تردي نورهان بتفكير: رزان بتتذكري البنت يلي لتقينا فيها ع باب الاسانسير رزان بتذكر: اي، شبها؟ نورهان: انا شايفتها، بس ما عم اتذكر وين رزان بغيظ: وكيف شفتيها اذا هي حاطة نظارات، هااا.
نورهان: لك والله شايفتها وانا متأكدة بعرفها رزان: مصدقتك نورهان بتذكر: صح نحنا ليش اجينا ع الشركة؟ رزان بحزن: كنت جاية احكي مع اشرف يحكي بقصة نبيل بلكي بيطلعو نورهان شي نذكر اسم نبيل تذكرة: هلئ عرفت مين هي رزان ترقب: مين؟ نورهان: هي نجوان رزان بعدم فهم: مين نجوان؟ نورهان بحقد: خطيبت ضياء رزان: شو عم تعمل هون؟ نورهان بتفكير: ما بعرف.
بالفندق وصل ضياء و نجوان طلعو ع الغرفة نجوان و قعدة نجوان حكتلو ل ضياء كلشي من وقت ما شافتها ل وقت ما وصلت لعندو ضياء: شو عم تعمل بالشركة نجوان: ما بعرف( وطلعت الاوراق من شنطتها) و هدول هني الاوراق ضياء اخد الاوراق منها واطلع علين شاف توقيع اشرف، طلع تليفونو وعمل اتصل بالعميد جعفر و خبرو كلشي صار، والعميد جعفر طلب منو يجو لعندو ع المكتب.
بعد مرور ساعتين، بمكتب العميد جعفر العميد جعفر: وهلئ رح نلقي القبض عليه ضياء: ونبيل ايمت بيطلع؟ العميد جعفر بجدية: خلال هالاسبوع لحتى تثبت برائتو، وهلئ انتو فينكن ترجعو ع البيت ونحنا رح نتكفل بالموضوع بيرن الجرس و بيدخل العسكري، العسكري: احترامي سيدي العميدجعفر: جهزلي الدورية بسرعة طلع العسكري لحتى يلبي طلب العميد جعفر بعد ۵دقائق كانت الفرقة ع اتم الاستعداد.
نزل الفريق يلي بقيادة العميد جعفر و طلعو بالسيارات الخاصة وصلو قدام الشركة وامر العميد جعفر انتشار العساكر حول الشركة، دخل العميد جعفر ع الشركة ومعو العساكر، اطلعو الموظفين عليهن و خافو، وخصوصا وقت سكرو باب الشركة ومنعو حدا يدخل او يطلع طلع العميد جعفر ع مكتب اشرف دفش الباب برجلو و دخل اشرف وقف وقت صار هيك، اشر العميد جعفر باصبعتو ع اشرف: خدو.
قربت العساكر كلبشو دياتو ل اشرف، اشرف بعياط: لك شوفي لوين اخديني، لك فلتوني وقف مقابيلو العميد جعفر و مسك فك تمو السفلي، وحكى بحدة وغضب: خراس، ما رح اسمع صوتك واذا سمعتو لحتى اقطعلك لسانك وارمي للكلاب فهماااان، خدوووو.
نزلو اشرف تحت اسغراب و ذهول و صدمت الموظفين، طلعو ع السيارة و راحو ع مديرية مكافحة المخدرات يلي بيشتغل فيها العميد جعفر ضل العميد جعفر بمكتب اشرف و صار يتفحص الاوراق وشاف شي بلاوي وكلها الاوراق ع المخدرات العميد جعفر بذهول: يخرب بيتك وبيت بيتك يا اشرف، لعمى طلعت انت اكبر مول مخدرات بالبلد، انا بفرجيك اذا ما بخليك عبرا يلي ما عتبر نزل العميد جعفر من الشركة و راح ع المديرية.
دخلت نجوان ع البيت و الارهاق ظاهر ع وجها زينة طلعت من غرفتها ع تسكيرت الباب، : نجواان نجوان قربت عليها و حضنتها، طلع جلال ع كلمة زينة و طارق كمان ولندا يعني كل العيلة جلال: نجوان، شبك ليش وجهك اصفر نجوان بتعب: ماش بس تعبت من السفر طارق باستغراب: بس هي اول مرة بتتعبي فيها نجوان: اي ما بعرف شو صرلي هالمرة، انا داخلي ارتاح شوية دخلت نجوان ع غرفتها و دخلت لندا وراها فوراً لندا بقلق: نجوان شو صاير.
نجوان قعدة ع التخت و حكتلا كل القصة: وهي كل القصة لندا: يعني هلئ كمشو لے اشرف نجوان بتأكيد: اي وانشالله خلال اسبوع بكون نبيل قدام عيونك لندا ابتسمت من بين دموعها وحضنت اختها.
دخل ضياء ع البيت شاف رتاج قاعدة وعم تحكي مع فؤاد ع التليفون، قرب عليها بدون ما تحس و اخد التليفون من ايدها هي هون شهقت من الفزع اطلعت وراها شافت ضياء ضياء بهمس: هوووووس وحط التليفون ع اذنو و قلد صوت رتاج ضياء: اي حبيبي، شو كنت عم تقول فؤاد باستغراب: رتاج ليش صوتك تغير صار اخشن من الاول.
ضياء بضحكة مكتومة: كنت عم اشرب مي ولا غصيت فيها ولهلئ الغصة عالقة بحلقي، المهم هلئ وين كنا فؤاد: كنت عم بقول ما مصدق ايمت يجي اليوم يلي يجمعني معك بدون ما اخوكي ضياء ينطلنا متل القرد ضياء بغيظ: انا قرد يا كلب فؤاد شال التليفون من ع اذنو اطلع فيه ورجع رجعو: انا بمين متصل ضياء: بعذرايل يلي جاي ياخد روحك فؤاد بلع ريقو من الخوف: ما بتعملها انت حباب.
ضياء: طول بالك علي شوي بس اخلص من قصة نبيل اذا ما بخليك تشتهي تسمع صوتها ما بيكون اسمي ضياء فؤاد: صح شو صار مع اخوك ضياء بتنهيدة: انشالله خير، اذا فاضي تعا فؤاد بانهاء المكالمة: تمام ربع ساعة بكون عندك ضياء وهو عم يعطيها التليفون: خدي، وين امي و ابي؟ رتاج: عند بيت خالي ضياء: ايوا، انا داخل اخد دُش عقبال ما يجي فؤاد دخل ضياء اخد دُش و طلع ع الصالون شاف فؤاد قدامو قرب عليه فؤاد لحتى يسلم عليه.
فؤاد بابتسامة واسعة: ضيائوو يا حبيبي ضياء بغيظ: حبيبك!طلاع من هالابواب فؤاد: له يا ضياء والله بحبك ضياء رفع حاجبو: صادق البعيد، انا قرد يا تيس فؤاد بضحك: هههه مزح مزح انت، انت فل ضياء بغيظ: يا لطيف شو كذاب بيرن تليفون ضياء يلي قطع حديثن بيطلع عليه بيشوف اسم ابوه ضياء: الو صابر: تعا ع بيت خالك ضياء ببلاهة: ليش شوفي؟ صابر بحزن: اخدو اشرف ع السجن ضياء بفرحة: عنجد.
صابر ما نتبه ع صوت ضياء بسبب الضجي يلي حوليه: اي والله ضياء: يالله جاي، الله معك سكر التليفون ضياء مع ابوه و بعت ل نجوان رسالة، محتواها~هلئ اتصل فيي ابي و قلي اشرف بالسجن، اطمني وطمني لندا، وقوليلا نبيل نهاية الاسبوع بيكون قاعد معها~ فؤاد باهتمام: خير شوفي ضياء ضياء بابتسامة: لقتو اشرف وهلئ صار بالسجن رتاج بذهول: و مبسوط! ضياء بتأكيد: اي و فوق ما بتتصوري فؤاد: ومن ايمت بتكرهو كل علمي كنتو متل الاخوة.
ضياء: انت قلت كنا، يعني هلئ بح مافي رتاج بترقب: بس لهلئ ما فهمت شو سبب بسطك؟ ضياء اخد نفس عميق وقعد يحكيلن القصة.
عند نجوان بيرن تليفونها اعلاناً ع وصول رسالة بتفتح التليفون و بتقرءة الرسالة يلي باعتها ضياء، وهي عم تقرءة ابتسامتها ملت كل تمها، لاحظ عليها ابوها جلال بفضول: نجوان مين هاد؟ نجوان بابتسامة: هاد ضياء جلال: ايواا، صح نزل معك؟ نجوان: اي وهو بالبيت، ما بتعرفو ما بيخليني انزل اذا ما نزل هو جلال: الله يسعدكن يارب قامت نجوان باست راسو: الله يخلينا اياك يارب.
وراحت ع غرفة لندا لحتى تخبرها الخبر اليقين، دقت الباب استأذان و دخلت نجوان بفرحة: هاتي البشاره لندا بترقب: بشاره؟ بشارت شو؟ نجوان فتحت التليفون و فرجتها رسالة ضياء يلي خلتها طير من الفرح لندا بفرحة: عنجد رح يطلع نجوان بابتسامة: اي و انشالله ما بيطول لندا بدموع الفرح: يارررب.
بالصالون زينة: جلال شو صار معك مشان الدكتورة لاقيتها؟ جلال بيأس: لا والله ما الها اثر وكأنو الارض انشقت و بلعتها زينة بحزن: لا حولا ولا قوة الا بالله، يارب فرجك طارق اجا بسرعة من غرفتو شغل التلفزيون وحط ع قناة الفضائية المخصصة للاخبار جلال بصدمة: لعمى هون طلعت نجوان ولندا ع الصالون قعدو ع الكنبايات و صارو يسمعو نشرة الاخبار.
المذيعة: السلام عليكم و رحمة الله و بركاته، خبر عاجل وردنا الان عن شركة مواد غذائية، تستورد من خارج البلد كميات هائلة من المخدرات، التفاصيل مع العميد جعفر، اهلاً سيد العميد جعفر العميد جعفر: اهلا بكي المذيعة: جأنا خبر عن شركةمواد غذائية تستورد مواد غذائية، و معها كميات هائلة من المخدرات، ولكن التفاصيل مجهولة و الشركة و صاحب الشركة ايضا، ممكن توضحلنا سيد جعفر.
العميد جعفر: الاسم عن صاحب الشركة و الشركة فهذا رح يضل مجهول لحتى يصدر الحكم، اما بالنسبة للمخدرات فےنحنا اجتنا معلومات ان هناك كميات كبيرة من المخدرات دخلت ع البلد، القينا القبض ع صاحب الشركة و المخدرات، وهلئ رح يصدر الحكم عليه، ومن خلالها تقدرو تتعرفو ع الشخص ومن هو.
المذيعة: نشكرك سيد جعفر، ويبقى السؤال من هو صاحب الشركة المجهولة حتى الان و ماذا يريد من كل هذا، تخريب البلد! ام كسب الاموال؟و سنكون معكم في كل جديد بهذه القضية، كنت معكم في برنامج لحظة بلحظة، و سلام عليكم و رحمة الله و بركاته.
نجوان ببلاهة: مين معقول يكون؟ جلال: الله اعلم.
بالحبس عند اشرف اشرف: شو بدكن تعملو فيي؟ العميد جعفر: رح نحولك ع القاضي العام اشرف بحزن: ممكن اطلب منك طلب يمكن اخر طلب بطلبو بهالدنيا العميد جعفر: تفضل شو هو اشرف: بدي شوف نيكولا العميد جعفر ببلاهة: مين نيكولا؟ اشرف: يلي كانت تشتغل عندي بتكون مديرة اعمالي سابقا العميد جعفر: معناتا لازم نجيبها ع الحبس لكن اذا مديرة اعمالك.
اشرف بسرعة: لأ لأ لأ هي ما الها علاقة شتغلت عندي اخر فترة وانا اخر فترة ما كنت عم استورد شي ابدا العميد جعفر: وبلكي بتعرف شي؟ اشرف هز راسو بمعنى لأ: لأ ابدا ما بتعرف شي لاني انا خبيت كل الاوراق عنها هي ما الها دخل بهالشي العميد جعفر: اكتبلي عنونها لحتى نجيبها اشرف: ما عندي عنونها العميد جعفر: لكن كيف بدنا نجيبها؟ اشرف: ما بعرف العميد جعفر: اكتبلنا رقمها ونحنا من تواصل معها اشرف: مامعي رقمها.
العميد جعفر رفع حاجبو: لكن كيف بدنا نتواصل معها اشرف: ولووو انتو ما بدكن شي لحتى تغضرو تجيبوها العميد جعفر: رح دورلك عليها.
طلع العميد جعفر من عند اشرف و اتصل بضياء ضياء بابتسامة: حبيبي يا سيدي العميد جعفر بضحك: روقت هلئ ضياء: اخر رواق العميد جعفر سكت لحتى يرتب جملتو: ضياء اشرف بدو يشوف نيكولا، وانا عم بقول خليه يشوفها ضياء بذهول: نعمممم...
رواية فتاة في العسكرية للكاتبة سدرة أمونة الفصل الحادي والعشرون والأخير
العميد جعفر: شبك؟ ضياء بغيرة: قلو سافرت، او ايه شي، المهم ما بقى يشوفها العميد جعفر بتفهم: ماشي رح اتصرف انا ضياء بأمتنان: شكرا سيدي عم نعذبك معنا العميد جعفر بابتسامة: العفو يا ضياء، انا رح سكر هلئ و بخبرك شو بيصير.
سكر التلبفون العميد جعفر وقعد لحتى يرتاح شوية من التفكير بعدها طلب من العسكري يطلعلو اشرف وفعلا مافي شوية طلع العسكري ومعو اشرف العميد جعفر: اقعد قعد اشرف ع الكرسة يلي اشرلو عليه العميد جعفر و علامات الاستفهام ظاهرة ع وجهو العميد جعفر بجدية: نحنا عملنا بطاقة بحث ع نيكولا، طلعت مسافرة برا البلد اشرف بصدمة: كيف؟ بس قبل ما يصير هالشي كانت موجودة هي بالشركة.
العميد جعفر: اي و هي عرفت شو صار فخافت و هربت ل برا اشرف بحزن: شكرا سيدي العميد جعفر: ممكن تقلي ليش انت عملت بحالك هيك؟ اشرف بصدق: والله ياسيدي ورطة العميد جعفر بذهول: ورطة؟ ورطة و الاوراق فيها كميات هائلة من المخدرات و بتأكد انت اكبر مول بالبلد.
اشرف بحزن: انا اول ما بشتغل بالشركة تشاركت انا و واحد صرنا نستورد و نصدر مواد غذائية وكان شغلنا كلو نظامي، ليوم كنت سهران بكبريه كالعادة بيجي اكبر تاجر بالسوق قعدت انا وهو ع الطاولة و صرنا نحكي ومن كلمة لكلمة، عرفت انو هو كان اندبوري حقو فرنك بسوق الغلى، فجأة بيشتغل سنة سنتين بيصير اكبر تاجر.
سئلتو ع السبب ما كان يقول، انا صرت هون اسئل عنو ومن واحد لواحد عرفت انو هو بيدخل مخدرات ع البلد و من وراه صار و تصور، عرف هو هون انو انا عرفت كلشي، اجا ع الشركة لعندي و طلب مني نعمل شراكة مع بعضنا فرجاني اوراق الصفقة، وكان كلشي نظامي.
ليوم اجت الشحنة رحنا لحتى نشوفها بطلع هيك بشوف كمية كبيرة من المخدرات انا اول شي نصدمت و عصبت كتير هددتو بس طلع ورقة من جيبو، وقلي ايه حركة منك بخلي هالوراقة عند الدولة.
العميد جعفر بترقب: وشو فيها هي الورقة؟ اشرف بتنهيدة: كان فيها انو الشحنة كلها الي و فيها توقيعي العميد جعفر: ليش انت ما عم تقول قراءة الاوراق اشرف بتوضيح: اي قراءتن، بس هي ما خلاني اقراءها منيح قراءة اول اسطرة العميد جعفر: و بعدين شو صار اشرف: بعدين صرت اشتغل معو و وقت مات هو صرت اشتغل لحالي، بس والله ندمان.
العميد جعفر: يا ضيعان شبابك، بس يلي ضرب ضرب و يلي هرب هرب، رح تتحول ع القاضي العام وهو رح يأصدر الحكم عليك، بس قبل ما تتحول ع النيابة العامة بدي اطلب منك طلب اشرف بذهول: انا؟ العميد جعفر: اي انت اشرف: تفضل اذا بقدر تكرم العميد جعفر: بتقدر، تعترف انو نبيل بريء اشرف بابتسامة: كنت رح خبر القاضي انو نبيل ما الو علاقة وانو انا السبب، قبل ما تقول العميد جعفر اكتفى بابتسامة خفيفة.
ابو اشرف: ضياء شفت شو صار ضياء بحزن: حسبنا الله ونعم الوكيل ام اشرف بدموع: ضياء هلئ مافينا نطلعو ضياء: والله يا مرت خالي لأ، لاني هالشي خارج ارادتنا كلنا ريمة بدموع: حسبنا الله ونعم الوكيل صابر اخد ضياء ع جنب، ضياء بترقب: ليش اجينا لهون؟ صابر: هلئ شو حكمو ل اشرف؟ ضياء: والله يا ابي الله اعلم بس بعتقد مؤبد، لاني الاوراق يلي ماسكينو ع اشرف بتحطو ورا الشمس صابر: لا حول ولا قوة الا بالله.
بعد مرور اسبوع حولو اشرف ع النيابة العامة لحتى يأصدر الحكم عليه بالقاعة الحكم كل يلي بيعرف اشرف اجا ع المحكمة دخل القاضي، الحاجب بصوت عالي: محكمة الكل يلي بالقاعة وقف وقت دخل القاضي قعد القاضي و قعد الكل القاضي امر العسكري يدخل اشرف وفعلا دخلو وحطو بالحبس يلي بقلب المحكمة، القاضي بعد ما قراء الاوراق يلي موجودة قدامو، واخد ارائ المستشارين الاول و الثاني.
القاضي: بعد الادلة والتصريحات وجمع اقول المدعي عليه، القانون رقم(، ) يصدر حكم و بالاجماع، حكمت المحكمة حضوريا ع المدعي اشرف الاقرع عليه سجن مؤبد مع اشغال شاقة بعد ما صدر الحكم ع اشرف قامت القاعة كلها ولاويل و صياح و بكي، و مطرقة القاضي خلاه القاعة ترجع في سكوت تام القاضي: سكوووووت اشرف: سيدي بدي قول شغلة القاضي: تفضل.
اشرف: سيدي في نبيل صابر الاشقر، رح ينحكم هون بهاي القاعة وعندك انت، هو جريمتو استراد اطعمى فاسدة القاضي: شبو؟ اشرف: سيدي هو ما الو دخل انا يلي لعبت بالتواريخ، و حطيتها فاسدة بس هي سيدي صالحة القاضي: وشو بيأكدنا؟ انو كلامك صح اشرف: سيدي خدو عيني و شوفو و انا بحلف يمين ع المصحف انو انا يلي عملتها ابو اشرف بصدمة: انت صابر بذهول: شو يلي خلاك تعمل هيك؟ ريمة بعياط: لك ليش شو ساوالك لحتى تعمل هيك هااا.
اشرف وهو عم يشحطو العساكر: خلي يحكيلكن كلشي هو.
بعد مرور شهر، طبعاً القاضي امر ياخدو عينات من المواد الغذائية لحتى يتأكد و طلعت التحاليل صح مية بالمية الاطعمة صالحة، وبعد النتيجة صدرت براءة نبيل ضياء و نجوان حكو كل القصة للعيلة يلي فرحو اكتر شي ل صابر انو البنات ما اثرت ع الاخوة لأ بالعكس اشرف بالحبس تاب لربو وصار يصلي و يقراءة قرآن و يطلب المغفرة منو نورهان تزوجت وصار عندا بيبي رزان انقتلت من قبل شخص مجهول الهوية.
ضياء بابتسامة: يا اهلا وسهلا وائل: الله يسلمك، شو ايمت عرسك؟ ضياء: انشالله اخر الشهر وائل: لك صحيح شو صار بقصة نجوان ما لاقوها للدكتورة؟ ضياء: لا والله، والله صرلو عمي عم يدور عليها اكتر من ٦ شهور من وقت ما راحت نجوان ع العسكرية بس ما كان يلاقيها وائل بضحك: رح تتزوج فتاةفي العسكرية ههه حلو ضياء قلد صوتو: ههه حلو، وضريب تركني بهمي بكرا بيقولو جوز البنت العسكرية وائل بضحك: ههههه فاضي وراضي.
ضياء ضحك معو: ههه شو بدي اعمل ما طالع شي بأيدي وائل بفضول: شو اسمها للدكتورة بلكي منعرفها ضياء: والله ما بعرف، تكة ل اسئل نجوان اتصل ضياء بنجوان نجوان بنعومة: الو ضياء بغزل: ولي ع قلبي شو بحب كلمة الو من تمك يا عسلي نجوان بخجل: خجلتني ضياء: شو عم يساوي قمري وائل ضربو ع بطنو لحتى يدخل بالسؤال ضياء بغيظ: اي يا زلمة والله الا شوية كانت طلعت معدتي من تمي.
وائل بضحك: هيك بتاكل فورا بمعدتك بتوفر عليك مجهود ضياء ضحك معو: هه يقطع عمرك ما ابيخك نجوان: مين عندك؟ ضياء: اي حبي هاد وائل نجوان: سلم عليه كتيرررر كتيرر ضياء بابتسامة: بيوصل، اي شو بدي اسئلك الدكتورة يلي اشرفت ع ولادتك شو اسمها نجوان: والله ما بعرف بس ليش؟ ضياء: سيد وائل اطوع لحتى يدورنا عليها نجوان: تكة ل اسئل اهلي طلعت نجوان من غرفتها ع الصالون ما شافت حدا، دقت الباب ع غرفة نوم اهلى اجها صوت امها.
زينة: فتحي فتحت نجوان الباب و دخلت: مسالخير جلال وزينة: مسالنور نجوان: هلئ بدي اسئلكن شو اسم الدكتورة يلي اشرفت ع ولادتي؟ زينة: اسمها رحاب، بس ليش نجوان: رحاب شو؟ جلال: رحاب العبدلله، بس ليش عم تسئلي بابا نجوان: هلئ بقلكن تكة شوية( حطت ع ادنها التليفون)اي ضياء اسمها رحاب العبدالله، ok، باي زينة: ما جاوبينا ليش بدك اسمها؟
نجوان: لك رفيقو لضياء هاد يلي مقدم بالمعسكر، اي عم يسئل شو اسمها الدكتورة قال هو بدو يدور عليها جلال: انشالله يلاقيها زينة: يارب.
عند ضياء، وائل بذهول: بربك هيك اسمها؟ ضياء: اي والله هيك قالت، بس سمعان بهالاسم وكتير بس وين ما عم اتذكر وائل ضربو بخفة ع راسو: يا فهمان هاد اسم امي ضياء: اي اي هلئ تذكرت، بس معقول تكون هي الدكتورة يلي اشرفت ع ولادتها وائل: ليش لأ امي اسمها رحاب العبدلله و دكتورة نسائية ضياء: لعمى صرن شقد عم يدورو عليها وطلع ابنها قدامي ليل نهار متل اللاظقة وائل: انا رح اتصل بأمي و جيبها لهون.
ضياء: اي وانا بحاول لاقيهن ببعض بس من دون ما حدا يعرف القصة وائل: اي احسن بلكي مو هي منعشمن للجماعة ع الفاضي.
وائل اتصل بامو و طلب منها تلبس لحتى يجيبها ع بيت اهل ضياء، وهي وافقة بسرعة لاني صرلا فترة ما شافتهن نزل وائل ع سيارتو طلع فيها وراح ع بيتن جاب امو و اجا، وطبعا هون ضياء خبر ريمة انو جاية وريمة فرحة كتير بجيتها وصل وائل لعند بيت اهل ضياء طلع امو وطلع، و رحاب و ريمة سلمو ع بعض بكل الاشتياق يلي متخبي جوا قعدو الكل بالصالون وصارو يحكو عن حالن خلال فترة بلي ما شافو بعض فيها.
ريمة: اي والله ناس متلكن والله كويسين رحاب: الله يسعدن مع بعض ضياء: خالتي، ما بدك تشوفي خطيبتي رحاب بابتسامة: اي والله بدي شوفها لكن ضياء مسك ايدها: اي تعي لكن لحتى اخدك تشوفيها اخدها وراح ع بيت جلال دق الباب ضياء فتحت الباب نجوان ضياء: هي حرمي المصون المستقبلية رحاب: بسم الله و مشاء الله، الله يحميكي ربي، تعي هاتي بوسة نجوان سلمت عليها و تباوسو، نجوان بابتسامة: تفضلو.
دخلو لجوا البيت طلعت زينة و لندا ع الصالون، وطبعا زينة و رحاب ما عرفو بعض بسبب الكبر يلي غير شكلن ضياء: هي مرت عمي، ولندا بتكون خطيبت نبيل كمان سلمت زينة ع رحاب و لندا كمان وقعدو صارو يحكو، اجت هون ريمة و وائل و كل العيلة لعند بيت جلال لحتى يسهرو مع بعض اجت نجوان عملت قهوة وصارت تضيف وصلت لعند رحاب وهي عم تضيفها القهوة لاحظت رحاب ايد نجوان عليها وحمى.
رحاب شالت الصينية من ايدها و حطتها ع الطاولة يلي قدمها مسكت ايدها و صارت تطلع بالوحمى يلي في ايدها، الكل استغرب انو شو في نجوان باستغراب: خالتو في شي؟ رحاب وهي عم تطلع عليها وحاطة النظارات طبعاً: انا بعرف هي الوحمى اطلعت بنجوان و رجعت اطلعت بزينة و ابتسمت ابتسامة واسعة: انتي زينة زينة وقت قالت اسمها تذكرتها: رحاب قامو واخدو بعض بالاحضان( معلومة صغيرة؛؛؛ زينة ورحاب كانو رفقة و من هني وصغار).
رحاب: شقد كنت عم دور عليكي زينة: سبحان الله ع هالصدفة بعد ما حكو حكي كتيررر.. رحاب: يييي ع هالشغلة خلص هلئ بعملكن ورقة ريمة: هالدنيا صدف كلها كل حيانتا صدف رحاب: بتعرفي يا نجوان، وقت درست و تخرجت هون سافرت انا امك كانت متزوجة و حامل ب لندا كنت شقد حابة اشرف ع ولادة بنت رفيقتي بس الله ما طعمني، تاني سنة انا اجيت ع البلد زيارة لتقيت انا وامك وكانت امك ع وشك تجيبك، قمت ولادتك ورجعت سافرت.
ضياء: وكيف ما عرفتي مرت عمي و عرفتي الوحمى؟ رحاب: اخر مرة شفتها ل زينة كانت من ١٨ سنة، وهلئ تغيرت كتيررر علي، اما الوحمى وقت ولادة نجوان اجيت عم لبسها ولاشفتها بايدها مو هي بيضى مشالله عليها و الوحمى ع للون الكرزي سئلتا يوميتها قالتلتي توحمت ع كرز و ما كان في بالسوق ولا بالبلد ضلت بذاكرتي ع قد مو حلوة.
تاني يوم الصبح اجت رحاب و جابت معها ورقة موثوقة انو نجوان انثى، راح جلال ع النفوس لعند المدير و عطاه الورقة جلال: تفضل هي الوراقة يلي بتثبت انو هي انثى المدير: تمام، انا اطلعت ع سجلات الموظفين، والموظف يلي اخطأ هو هلئ مو بالبلد للاسف و ما غضرنا نتواصل معو جلال: يعني ما بيصير هي الورقة؟ المدير: اي بيصير، وانا بنفسي رح صححلك اياه.
المدير طلب من السكرتيرة تجبلو الملف و فعلا جابتلو اياه وصحح الخطأ قدام جلال اخد جلال نسخة منها و راح ع شعبة التجنيد دخل لعند العميد حسن المعيد حسن: يا اهلا ومرحبا ابو طارق جلال بابستامة: فيك العميد حسن: شو طمنى كيفكن جلال: الحمدلله، انا جاي وقلك نحلت المشكلة العميد حسن بفرحة: عنجد جلال بابتسامة طلع الورقة من جيبو: اي وهي الورقة، اجيت لحتى تسرحولي اياها.
العميد حسن اخد الورقة منو و قراءها و ابتسم: تكرم انت و ست نجوان طلع ورقة وكتب عليها قصة نجوان بأختصار العميد حسن: انا هلئ رح ابعت الورقة و استنى الاوامر من الوزير و انشالله بكرا بيطلع خبر التسريح جلال بامتنان: انا عنجد بشكرك العميد حسن بابتسامة: العفو نجوان بنتي طلع جلال من عند العميد حسن و طاير من الفرحة يلي ما الها وصف بالكون راح ع البيت شافهن قاعدين وبايين عليهن مستنايين.
زينة بلهفة: طمني جلال مشي الحال قعد جلال ع الكنبة بابتسامة: اي و هلئ العميد حسن بعت ورقة للوزير بيحكي عن قصة نجوان و بعتلو الورقة يلي جبتا من النفوس و بقى بدنا نستنى لبكرا لحنى يطلع امر بتسريح نجوان زينة بفرحة: الحمدلله ياربي بحمدك و بشكرك لندا حضنت نجوان يلي فارطة من الضحك: مبروك يا نجوان.
نجوان بضحك: ههههه الله يبارك فيكي عقبال البكاري طارق ضحك معها: ما ابيخك نجوان: ما رح قلك خراس.
تاني يوم الصبح رن تليفون ضياء يلي كانو مستنايينو كل العيلة ضياء بلهفة: اي سيدي العميدحسن بابتسامة: مبروك نجوان تسرحت ضياء بفرحة: الله يبارك فيك، تسلم يارب، بيوصل، الله معك نجوان: شو قلك ضياء: لك انتي تسرحتي نجوان صارت تصقف: هيييي واخيرا صرت بنت الكل ضحك ع منظرها، ضياء برق: ليش ما كنتي بنت! نجوان بتوضيح: وك ع الورق ضياء: اي هيك من الاول هلئ رتحت.
بعد مرور شهر، بصالة الافراح الكل فرحان للعروسين، بساحة الرقص ضياء بعشق: مبروك يا قمري نجوان بحب: مبروك علينا بجهة التانية، لندا: شبك نبيل؟ نبيل بضيق: يعني ليش ما كنتي تقبلي نعمل عرسنا معن ما بعرف لندا بخجل: ما في فرق اليوم و بعد بكرا نبيل بحب: بحبك.
وبعد مرور ستة اشهر من الزواج العرسان سمعت القناة الفضايئة بقصة نجوان الغريبة ع المجتمع، فقررت تعمل معها مقابلا وضياء ونجوان وافقو يعملو المقابلة... نجوان همست لضياء: شايف يا ابن عمي صارت قصتي مشهورة ضياء بغيظ: وفرحانة نجوان بغرور: طبعا لاني تزوجتك بالاخر المذيعة: مرحبا بكم في برنامج غرائب و عجائب الدنيا السبعة، القصة اليوم بتحكي عن. تمت نهاية الرواية أرجوا أن تكون نالت إعجابكم
تحميل محتوى الموضوع
عرض نسخة صالحة للطباعة
أرسل هذا الموضوع إلى صديق
[19]
الدعوات : 2قوة السمعة : 10
رواية فتاة في العسكرية