رواية فتاة في العسكرية

رواية فتاة في العسكرية للكاتبة سدرة أمونة الفصل الثاني

نجوان برعب: بسم الله الرحمن الرحيم
زينة بغضب: انا قلت قومي درسي مو نامي
نجوان: لك امي خليني ارتاح شوية والله نعسانة
زينة بحدة: قومي درسي انا قلت ياللله
نجوان باستسلام: حاضر
قامت نجوان و صارت تدرس.

بعد مرور شهر
نجوان: امي دعيلي اليوم آخر يوم بالفحص
زينة بحب: الله يكون معك، و يوفقك ربي
طلعت نجوان من البيت برفقت اختها لندا يلي رايحة ع الجامعة دخلت ع القاعة المخصصة بالامتحان قدمت و راحت ع البيت، فتحت الباب و دخلت و هي عم ترقص
نجوان: هيييييه خلصت ولللللليش
زينة بلهفة: شو طمنيني
نجوان: الحمدلله كتبت كويس
زينة: الحمدلله.

نجوان بمرح: انا داخلة نام ما بدي صوت، ايوااا صرلي شهرين ما بعرف طعمن النوم شو هوي، و المافيا عم تسرح و تمرح ع كيفا
زينة بضحك: الله معك، بس ديري بالك ما تتصاوبي
نجوان بضحك: ماشي
دخلت نجوان ع غرفتها و هي فرحانة انو خلصت امتحان تسطحت ع التختها و راحت نايمة.

بالمعسكر التدريب
رن تليفون ضياء اطلع فيه شاف اسم بيعشقو
ضياء بابتسامة: يا صباح الفل
ريمة(ام ضياء): كيفك ياروحي
ضياء: الحمدلله بشكر الله، انتي كيفك كيفو بابا و اخواتي انشالله بخير
ريمة: الحمدلله الكل بخير، بس والله شتقتلك يا عمري
ضياء: والله يا امي ما عم اغضر انزل بس باقرب وقت رح انزل اجازة
ريمة بحب: ربي يحميك و يحرسك ويبعد عنك الشر و المكروه
ضياء: الله لايحرمنا منك.

المسا بيندق الباب عند اهل نجوان بيقوم طارق بيفتح
الشرطي: مرحبا
طارق باستغراب: اهلا
الشرطي: مو هون بيت جلال قاطرجي؟
طارق باستغراب عم يزيد: اي هون
الشرطي: ممكن تخليه يجي و يحكي معي
طارق: اي تكة
دخل لجوا لحتى يقلو ل ابوه، و فعلاً طلع جلال
الشرطي: انت جلال قاطرجي
جلال: اي انا
الشرطي: تفضل هي الورقة طلب عسكرية ل ابنك نجوان
جلال اخد الورقة من ايدو بذهول: بس نجوان بنت مو شب.

الشرطي: ما بعرف شب ولا بنت كل يلي بعرفو انو هي او هو مطلوب ع العسكرية
جلال بذهول: كيف بنت بدا تروح ع العسكرية؟
الشرطي: بس مكتوب ذكر مو انثى، بدك تراجع شعبة التجنيد
جلال: ماشي، يعطيك العافية
الشرطي بابتسامة: شكرا
سكر الباب جلال دخل لجوا و وجه ما عم يتفسر
زينة بقلق: خير، ليش الشرطي هون؟ و شو بدو؟
جلال ساكت تماماً:
لندا شافت الورقة بايدو: بابا شو فيها هالورقة
جلال عم يحاول يستوعب يلي صار.

زينة بترقب: جلال شبك؟ لك احكي شغلت بالنا
جلال وعلامات الصدمة ع وجهُ: هاي الورقة ل نجوان
نجوان: اي و شوفيها لحتى مصدوم؟
جلال: فيها سحبها ع العسكرية
الكل حكى بصوت واحد: شوووو؟
زينة بذهول: بس كيف بدن يا خدوها وهي بنت؟
جلال: ما بعرف قال مكتوب عندن ذكر، بكرا رح روح ع شعبة التجنيد لحتى شوف شو القصة
نجوان دخلت ع غرقتها تسطحت ع التختها و ما بتعرف ليش حاسة حالها فرحانة و مبسوطة و بنفس الوقت مصدومة من يلي سمعتو.

بالمعسكر التدريب
وائل: ضياء شبك ليش ع طول حاسك زعلان و مهموم
ضياء بحزن: ما عم تروح من بالي و هي رايحة مع واحد غيري، ما عم اغضر اتقبل انو صارت لواحد غيري
وائل: الا ما ربك يبعتلك وحدة تنسيك اياها
ضياء: صعب، صعب كتير انساها، هي حب الطفولة و المراهقة هي كلشي بحياتي، بس طلعت وحدة انانية ما بتحب الا نفسها
وائل: بكرا وشوف اذا ما بتجي هالوحدة تقلبلك حياتك كلها بكرا و بتشوف
ضياء بفقدان الامل: انشالله.

اشرقت الشمس من جديد لتعلن عن رحلة العمر
جلال: انا رايح ع شعبة التجنيد
زينة: الله معك
نجوان: تكة بابا رايحة معك
زينة باستغراب: وشو بدك تساوي معو يعني؟
نجوان: ما هوي رايح لحتى يقلن انو انا بنت
زينة: اي
نجوان: اي وبلكي ما صدقو ف بروح معو احسن
زينة باستسلام: روحي
راحت نجوان و جلال ع شعبة التجنيد، وصلو دخلو لعند العقيد بعد ما سمحلن بالدخول
العقيد: تفضل، شو مشكلتك؟

جلال حكالو كل القصة: اي سيدي و هي هيي نجوان بنتي
العقيد بذهول: بس مكتوب عندي ذكر مو انثى
جلال: والعمل؟
العقيد: بدك تطلع لعند العميد حسن هو يمكن يطلع بأيدو
جلال وهوي واقف: شكراً
العقيد: العفو
طلعت نجوان و جلال لعند العميد و صلو ع مكتبو
جلال: العميد حسن مو جود؟
السكرتيرة: اي موجود، مين بقلو؟
جلال: مواطن عندي مشكلة
السكرتيرة: تفضل اقعد لحتى شوفو اذا فاضي.

قعد جلال و نجوان ع الكراسة الموجودة دخلت السكرتيرة و بايدها الاوراق لعند العميد ضلت شي ١٠ دقائق
نجوان ب زهق: اوففف مليت
جلال بهمس: قالتلك امك لا تجي
نجوان: طب و بلكي طلبوني انا قلت مشان ما يروح مشوارك ع الفاضي
طلعت السكرتيرة: تفضل
دخل جلال و نجوان لعند العميد حسن
جلال: مرحبا
العميد حسن: تفضلو، شو مشكلتك.

جلال: الحقيقة هي انو، اجاني مبارح تبليغ مشان ابني يروح ع العسكرية، بس هي الحقيقة نجوان مو شب بنت(واشر ع نجوان)
العيمد حسن بذهول: كيف هيك، مكتوب عندي ذكر(وطلع الورقة لحتى يشوفوها) تفضل هي الورقة مكتوب اسم نجوان جلال قاطرجي و النوع ذكر
نجوان قربت لحتى تشوف الورقة شافت اسمها و صارت تضحك: ييي اسمي هههه و نوع ذكرههههه والله شي بضحك هههه
العميد حسن ضحك ضحكة خفيفة: وهي ضحكناها
جلال بذهول: و العمل؟

العميد حسن: بدك تروح ع النفوس و تصلح الخطأ، بس في مشكلة، لازم تروح ع الخدمة، هون مكتوب ذكر و اذا ما راحت بدك تدفع غرامة او تنحبس، بس انا يلي بقدر اعملو انو اتوصى فيها
جلال وقف و مد ايدو لحتى يصافحو: شكرا
العميد حسن بادلو المصافحة: العفو.

طلع جلال من مكتب العميد حسن و هو مصدوم من يلي عم يصير، اما نجوان طلعت من عندو عم تضحك، و صلو ع البيت دخلت نجوان و عيونها عم يدمعو من الضحك
زينة بلهفة: طمني
جلال قعد ع الكنبة: قال راجع النفوس و صلح الخطأ
نجوان بضحك: لعمى شي بضحك هههه مكتوب اسمي نجوان جلال قاطرجي النوع ذكر هههههه الرقم ٢٠٠٣ نفس مواليدي سبحان الله هههههه
جلال: بكرا جهزيلا الشنطة مشان بعد بكرا بدا تروح
زينة بصدمة: شوووو.

بالمعسكر التدريب.
رن تليفون ضياء باسم العميد حسن رد فوراً
العميد حسن: بعد بكرا بدا تجي دفعة جديدة.

ضياء: تمام سيدي
العميد حسن: اي و رح اجي معاهن
ضياء بترقب: في شي سيدي
العميد حسن بانهاء المكالمة: بس اجي بقلك
ضياء: تمام سيدي.

قاعدة نجوان عم تتضحك بالقصة يلي صايرا معاها
زينة: كيف بدا تروح؟ ما بدي خليها تروح
جلال بغضب: اذا ما راحت يا بدك تدفعي غرامة يا تنحبس، وانا ما معي ادفع غرامة يا دوبة عم امن اللقمة الاكل، و قلي وقت بيتصلح الخطأ بترجع
لندا بغيظ: عم تضحكي بدال ما تزعلي
نجوان بضحك: شر البليه ما يضحك
طارق: طقو فيوزاتا
نجوان بضحك: خراس ههههه.

رواية فتاة في العسكرية للكاتبة سدرة أمونة الفصل الثالث

في اليوم التالي فاقت نجوان ع صوت اختها كل العادة
لندا: لك قووووومي
نجوان بنوم: اي اي قايمي
لندا بغيظ: لك بكرا وقت بدك تروحي ع التدريب لحتى يضل العصاية معلمة ع جنابك
نجوان صحصحت: و ضريب قولي صباح الخير
لندا مقلدا صوتها: صباح النور
نجوان: يافتاح يا عليم، ليكي لسه ما صحصحت منيح ف ما بدي عكر مزاجي
لندا: اي قومي مشان ننزل ع السوق
نجوان: ليش؟
لندا: مشان تشتريلك امك كم قطعة تلبسين هنيك.

نجوان: بتعرفي طول عمري بحلم انو روح ع العسكرية و احمل سلاح و قاتل فيه و اجي اجازات و امي تعمل كل الاكلات يلي بحبها خلال هالإجازة
لندا: اطمني تحقق حلمك
نجوان بابتسامة: عنجد مو مصدقة كتير فرحانة
لندا: الله يسبت علينا العقل و الدين
نجوان بابتسامة: ما رح احكي شي خليني فرحانة.

بالسوق، نجوان: ماما ليكي هيدا حلو كتيرر و مريح بالرياضة
زينة: عجبك؟
نجوان: Oie و كتير كمان
لندا: اي فعلا حلو و كيوت.

بعد ما شترو البدل و هو عبارة عن بنطلون اسود وسيع شوي و كنزة بيضة و مرسوم ع صدرها قطة و فوقو جاكيت اسود ب حفر ( قطوشة)
وهني و عم يتمشو بالسوق شافت نجوان بيجامة بنطلون احمر و كنزة بنفس اللون و داخلها ابيض و الها كبيشونه(طاقيه) باللون احمر و داناتها متل الميكي موس باللون الاسود.

نجوان بفرحة: واوووو امي امي
زينة: اي شو بدك؟
نجوان: امي خديلي هي حبابة
لندا بضحك: والله حاسة عم تتجهزي للعرس مو للعسكرية
نجوان بغيظ: ما الك دخل، شو امي حبابة
زينة: تعي اشتريلك اياها، واخلص
دخلو شتروها و طلعو، راحو ع محلات الاحذية، شترت شوز ابيض و داخلو اسود و كلاشة احمر و داخلها سترسات باللون الابيض
زينة: وهي الغراض جبتلك هني لسه في شي ناقصك
نحوان بابتسامة: لأ ما في شي خلصت.

رجعو ع البيت، دخلت نجوان ع غرفتها لحتى تجهز شنطتها.

بالمعسكر التدريب
ضياء: وائل بكرا جاية دفعة جديدة و جاي معها العميد حسن
وائل بترقب: ليش في شي؟
ضياء بتفكير: ما بعرف سئلتو قلي بس اجي بقلك
وائل: بجوز جاي تفتيش؟
ضياء: ما بعتقد لأني حاسسني قلبي في شي مهم و كتير كمان
وائل بقلق: خير انشالله.

المسا ببيت جلال
جلال بحزن: جهزتيلا الشنطة
زينة بدموع: اي
جلال: انشالله بكرا رح انزل ع النفوس و صحح الخطأ و بتمنى ما يطول
بغرفة نجوان قاعدة ع الشباك و عم تطلع ع السما، بيرن تليفونها بترد
نجوان: الو
هيفاء: كيفو الحلو
نجوان: الحمدلله
هيفاء: لك صح يلي سمعتو قال طالبينك ع العسكرية؟ مظبوط
نجوان بضحك: اي والله هههه شفتي ع هالقصة ههه قال انا ذكرههههه
هيفاء ضحكت معها: و ضريب ههه ضحكتيني، كيف الك نفس تضحكي؟

نجوان بضحك: ههه ما بعرف
هيفاء: ايمت بدك تروحي؟
نجوان: بكرا
هيفاء بذهول: بكرا؟ ليش ما قلتيلي لحتى اجي ودعك
نجوان: لك شبعرفني صارت بسرعة هلئ المهم بكرا تعي انا ما رح اطلع للساعة٩ بلحق ودعك
هيفاء بانهاء المكالمة: تمام لكن رح اجي قبل ما تروحي
نجوان: ok حب، وانتي من اهلو.

اشرقت الشمس من جديد لتبدأ اول محطة من محطة الحب.

الساعة ٨. ٣٠ صباحاً
نجوان قامت لبست بنطلون چنز و كنزة زيتية و عليها كتابة اجنبيةباللون الاسود و شوز ابيض طلعت شنطتها و طلعت من غرفتها ع الصالون حطت الشنطة ع جنب و سلمت ع هيفاء
هيفاء بدموع: الله معك، تروحي و ترجعي بالسلامة
نجوان بربع ابتسامة: شكرا
قربت ع لندا يلي دموعها عم ينزلو بغزارة و اخدتها بالاحضان: رح اشتقلك يا حيوانة
نجوان بضحك: شكراً ع التقدير.

قربت ع طارق و خضنها: ديري بالك ع حالك، رح افقدلك كتير
نجوان: انشالله وانت دير بالك ع اهلك، و سماع لا تاكل البرشميلو اذا ما شلتلي
قربت ع امها باست ايدها و راسها زينة بدموع: الله يكون معك و يحميكي، ديري بالك ع حالك و تغطي كويس بالليل اي امي
نجوان بصوت مهزوز: ماشي رح دير بالي ع حالي و رح اتغطى كويس كمان و اكل
جلال: يالله نجوان رح نتأخر.

وهي و رايحة لعند ابوها اطلعت ل وراها شافت الكل عم يبكي.

نجوان بمرح: والله ما عرفت حالي كل هالشي مهمة عندكن الا هلئ، اخخخ شقد في فرق بين امبارح و هلئ مبارح كانت نجوان عم تتهزق ام هلئ الكل عم يبكي عليها، لو من زمان طلبوني ع العسكرية
(عرضت صوتها شوية) الف حبل مشنقه و ما يقولو نجوان خاينة يا زينة
الكل ضحك، طارق: لعمى هالبنت فاضية و راضية
نجوان بضحك: خراس ههههه.

نزلت نجوان و جلال ع السيارة و راحو لعند العميد حسن مشان يطلعو، وصلو ع المكان يلي فيه التجمع العساكر
نزلت نجوان و جلال من السيارة و راحو لعند العميد حسن يلي ناطرن
جلال: تأخرنا
العميد حسن: لأ بالعكس ع الوقت( اطلع بنجوان) رح طلعك معي بالسيارة
نجوان باست ايد ابوها و راسو جلال بصوت مهزوز: الله يكون معك، ديري بالك ع حالك وانا انشالله رح عجل بتصليح الخطأ
نجوان بدموع: ماشي، دعيلي و ارضى علي.

جلال: الله يرضى عليكي دنيا و آخرة
راحت نجوان مع العميد حسن و طلعت معو بالسيارة طلعت راسها من الشباك و لوحت بأيدها ل ابوها بشكل باي
ضلت تلوح بيأدها لحتى ختفى عن نظرها، عدلت قعدتها و صارت تبكي.

العميد حسن اتصل ب ضياء
ضياء: الو
العميد حسن: نحنا ع الطريق
ضياء: تمام سيدي
سكر التليفون ضياء و اتصل ب وائل
ضياء: وائل و ينك انت؟
وائل: انا بالغرفة ليش
ضياء بجدية: العميد حسن ع الطريق، اللبس تيابك و سبقني ل تحت قربو يوصلو
وائل: ثواني بكون خلصت انا.

بعد مرور ساعة و صلو ع المعسكر انفتح الباب المعسكر و دخلت سيارة العميد حسن و وراه السيارات العساكر
كان ضياء و وائل واقفين قدام باب المبنا نزلو الدرج الموجود
العميد حسن: انا رح انزل اول شي و بعدين بأشرلك بتنزلي تمام
نجوان: تمام سيدي
نزل العميد حسن سلم ع ضياء و وائل و اشر بأيدو ل نجوان تنزل، نزلت نجوان و قربت عليهن، هون شافها ضياء و اعجب بجمالها.

العميد حسن: المقدم ضياء الاشقر و المقدم وائل الحلبي
نجوان بابتسامة: تشرفت
العميد حسن: نجوان جلال قاطرجي بتكون عسكري
وائل بصدمة: شوو
ضياء بذهول: نعمممم.

رواية فتاة في العسكرية للكاتبة سدرة أمونة الفصل الرابع

العميد حسن قعد و حكالن القصة: وهي القصة كلها، بدي اياكن تديرو بالكن عليها
ضياء و وائل علمات الصدمة و الذهول ظاهر ع وجهن
هون نجوان ضحكت: معكن حق تنصدمو ههه انا لهلئ مو مصدقة ب يلي عم يصير ههه والنبي هالقصة مسخرة هههه
العميد حسن بضحك: اي والله هالقصة مسخرة ههه.

عند جلال راح ع النفوس لحتى يصلح الخطأ
الموظف: بأيه سنة؟
جلال: ب ٢٠٠٣
الموظف قام من ع الكرسي وراح لعند الملفات و صار يدور لاقى الملف
الموظف: هااا ليكو الملف
جلال بفرحة: الحمدلله
الموظف: بدك تقلي بأيه شهر و يوم، بيصير اسهل ملاقاته
جلال: ع ما اعتقد ٢٠٠٣. ١١. ٥
الموظف فتح الملف وصار يدور ع اسم نجوان، ضل هيك شي ربع ساعة
جلال بترقب: شو ما لتقى؟
الموظف: اي ليكو، نجوان جلال قاطرجي.

جلال بفرحة: اي هاد الاسم، شو مكتوب ال**ية؟
الموظف: ذكر
جلال: والعمل، هي بنت مو شب كيف بدي رجعها بنت؟
الموظف: بدك تقدم شكوى، وهني بيظبطوها بس بعتقد بتاكل معك وقت لأني هالشغلة صرلا ١٨ سنة
جلال: شقد ما بتاكل وقت تاكل المهم ترجع البنت
طلع جلال من عند الموظف بعد ما اخد من عندو ورقة و كتب عليها الشكوى و رقم تليفونو مشان يتواصلو معو، حطها بالصندوق تعيت الشكاوى
وراح ع البيت دخل
زينة: شو مشي الحال.

جلال بتعب: شفتها و مكتوب ال**ية ذكر و قدمت شكوى و حطيت رقم تليفوني مشان يتواصلو معي
زينة بدموع: ياربي من وين اجتنا هالقصة
جلال بارهاق: انا داخل نام شوية.

المسا بالمعسكر التدريب
ضياء: هي غرفتك يلي رح تنامي فيها وفيها حمام
نجوان بابتسامة: شكرا
ضياء بادلها الابتسامة: العفو
راح ضياء ع غرفتو و ما بيعرف ليش نشدلها لهالبنت، دخل ع الغرفة وقعد ع الكرسة وهوي عم يفكر فيها
ضياء: لك انا شو صرلي ليش عم فكر فيها و ليش نشديتلها، اكيد مشان قصتها يلي غريبة، اي اي مشان قصتها.

وائل كان عم يراقبو من الشباك الغرفة: والله ياضياء هالبنت هي يلي بدا تخلي قلبك يدق من اول وجديد بعد ما قفلتو و حرمت يدق ل وحدةتانية و بكرا من شوف.

بغرفة نجوان، دخلت اخدت حمام و لبست البيجمة الحمرا و قسمت شعرها بالنص و عملتو ضفرة(جدولة) وحطت الكبيشونه ع راسها و طلعت شعرها حطتون برا الكبيشونه، اطلعت ع حالها بالمرايا و ضحكت: والله شكلي متل الاولاد يلي عمرن ١٠ سنين، وهلئ كيف بدي احكي مع اهلي؟(لمعت براسها فكرة) اي والله ما في غيرو رح روح لعندو.

طلعت من غرفتها و راحت ع غرفت ضياء دقت الباب بخفة
ضياء وهوي ماسك التليفون: ادخل
دخلت نجوان وخلت الباب مفتوح، اطلع ضياء لحتى يشوف مين دخل و بينبهر فيها، بيضل عم يطلع فيها بدون ما يرف عينو...
نجوان صارت تسعل مشان يشيل عيونو: اح اح
ضياء رجع لوعيو: في شي؟ لازمك شي؟
نجوان بتردد: هوي اصلاً بصراحة يعني
ضياء بضحك: هههه يعني شو والله ما فهمت شي
نجوان ضحكت معو: ههه ولا انا
ضياء قلب ملامحو للجد: حكي من الاخر.

نجوان جمعت كل قوتها: ممكن استخدم تليفونك، بدي احكي مع اهلي، وما خلوني جيب تليفوني
ضياء وهو عم يعطيها التليفون: اي تفضلي
نجوان بابتسامة ساحرة: شكراً ما بطول فيه
طلعت برا الغرفة ع الممر مقابيل الغرفة مشان تحكي و ضل ضياء بغرفتو عم يراقبها، نجوان طلبت رقم ابوها.

جلال رن تليفونو بيرد عليه
جلال: ايواا نعم
نجوان: كيفك بابا انا نجوان
جلال بفرحة: نجوان حبيبتي، كيفك طمنيني عنك
نجوان: انا الحمدلله منيحة، انت كيفك كيفا ماما ولندا و طارق
جلال: الحمدلله الكل بخير
زينة اخدت التليفون من ايد جلال وقت سمعت نجوان يلي ع التليفون: اي حبيبتي
نجوان: اي امي كيفك
زينة بدموع: الحمدلله، طمنيني يا امي كيفك انشالله ما حدا عم يدايقك.

نجوان بابتسامة: الحمدلله انا منيحة، ليكي انا مافيي طول لاني اخدت التليفون من المقدم، و انشالله كل فترة انا بدق و بطمنكن عني
زينة: ديري بالك ع حالك ايه و ابوكي عم يسعى بالموضوع
نجوان بانهاء المكالمة: ماشي، يالله سلام
سكرت التليفون وصارت تبكي كان ضياء عم يتابعها من جوا الغرفة وقت شافها عم تبكي قلبو تقطع عليها و ما بيعرف ليش
نجوان مسحت دموعها و دخلت عطتو التليفون
نجوان بابتسامة: شكراً.

ضياء وهو عم يطلع بعيونها مباشر: العفو
كتفت نجوان بابتسامة ناعمة و ساحرة و راحت ع غرفتها، رمت حالها ع التخت وصارت تبكي وقت تذكرت صوت امها هي و عم تبكي.

تاني يوم الساعة ٧ صباحاً بالمعسكر التدريب و تحديداً بغرفة ضياء، رن المنبه فتح عيونو بصعوبة مد ايدو و طفى المنبه قام من ع التخت وراح ع الحمام عمل دش و طلع لبس تيابو العسكرية و سرح شعرو وحط برفانو المفضل.

بغرفة نجوان قامت نشيطة غير العادة دخلت ع الحمام غسلت وجها و طلعت لبست البدل الاسود و الشوز و سرحت شعرها و عملتو ذيل الحصان جابت الطاقيه البيضة و حطتها.

وائل دق ع باب غرفة ضياء
ضياء: ادخل
وائل بأعجاب: اي شو هالجمال هاد لأ والريحة عطر كمان قوية
ضياء و هوي عم يلبس بوطو العسكري: خلصت غزل
وائل بضحك: اي خلصت
ضياء و هوي طالع من الباب: اي تفضل لكن
وهني و طالعين شافو نجوان جايي لعندهن
وائل بهمس: اوووووو شو كيوت
ضياء بغضب: خراس
وائل: اي شو حكيت قلت شو كيوت
ضياء بحدة: عم بقلك خرااأس
هون وصلت نجوان لعندن بابتسامة: صباح الخير.

وائل: يا صباح الفل و الياسمين و العنبر و...
ضياء قاطع كلامو بنحرة ع خاصرتو و ابتسم ل نجوان: صباح النور
وائل هون وجه صار احمر بدو يضحك ما عم يقدر و بدو يقول اخخخ ما عم تطلع معو
نجوان لاحظت عليه: سيدي وائل فيك شي؟ ليش وجهك احمر
وائل بابتسامة: لأ مافي شي.... هلئ انتي شو مفيقك من هلئ
نجوان ببرأءة: مشان ادرب
ضياء: تتدربي ب شو.

نجوان: بصراحة انا طول عمري بحلم صير عسكري و اتدرب ع القتال و روح حارب
بتعرف انا كل يوم بحلم انو عم اقتل المافيا... هههه شو بدك تعمل انوثتي ظاهرة كتير... الكل بقلي فعل ذكر و الشكل انثى
ضياء بهدوء: اذا هاد حلمك ف تفضلي لحتى تتدريب
نجوان بفرحة: عنجد
ضياء: اي عنجد
نجوان صقفت متل الاطفال: هييييي
ونزلت ع الساحة التدريب
وائل بضحك: هههه هيييي
ضياء ضحك معو: ههههه... مهضومة
وائل: فعلاً... نيالو يلي رح تكون من نصيبو