رواية فتاة في العسكرية للكاتبة سدرة أمونة الفصل السابع عشر
هون لندا كانت كاسة المي بأيدها وقت سمعت اسمو فلتت الكاسة من ايدها و صارت عدة قطع، قامت نجوان قربت عليها و سندتها لحتى ما توقع ع الارض لندا اطلعت فيها وحكت بصوت تايه: نبيل قاطع كلامها صوت المذيعة، المذيعة: سيد جعفر ماذا ستفعلون مع هذا المجرم؟ العميد جعفر: حالياً ستجري التحقيقات و اخذ المعلومات و بعدها سوف يتحول إلى القاضي العام و يتخذ كُل العقوبات المستحقة لهذا الشخص.
المذيعة: اشكرك سيد العميد جعفر ع حضورك و مجهودك العميد جعفر بابتسامة: العفو هاد واجبي المذيعة: كنتُ معكم في برنامج لحظة بلحظة، و سلام و عليكم ورحمة الله و بركاته.
لندا قعدة ع الكنبة متل التايها و دموعها صارت تنزل بغزارة من عيونها قعدة نجوان جنبها هي و زينة نجوان: انشالله خير زينة: دعيلو يا بنتي جلال بعدم تصديق: لأ لأ ما ممكن نبيل يعمل هيك في شي بالموضوع لندا بدموع: يااااارب.
ببيت صابر كانو عم يسمعو الخبر يلي طش ع الفضائيات ريمة بدموع: مشان الله عملو شي لا تخلو ينام بالسجن ضياء و هو عم يعمل اتصال: مارح خليه نام طولي بالك لشوف صابر وهو عم يدخن سيجارة بقهر: ما ممكن نبيل يعمل هيك ابني و بعرفو رتاج بدموع: يارب تجيب العواقب سليمة يارب.
ضياء اتصل ب العميد حسن يلي رد فوراً العميد حسن: الو ضياء: احترامي سيدي كيفك العميد حسن: الحمدلله، لك شو صاير مع اخوك الفضائيات كلها عم تحكي بقصتو ضياء: في غلط و انا وراه وراه لحتى اعرف شو هو نبيل مستحيل يعمل هيك العميد حسن بتأكيد: بعرف نبيل و بعرف اخلاقو ما بيعمل هيك ضياء: عرفت انو العميد جعفر مستلم القضية العميد حسن: اي ضياء: ممكن تخليني اتقابل انا و هو.
العميد حسن: اي تكرم رح اتصل فيه و حط موعد لحتى قابلكن مع بعض ضياء بأمتنان: انا بشكرك سيدي العميد حسن بابتسامة: هاد واجبي.
بعد مرور ساعتين و الكل عايش ع اعصابو مستنايين ضياء ببيت جلال بعد اصرار جلال لحتى ينطرو عندن.
مكتب العميد جعفر، ضياء بتفهم: هلئ فهمت العميد جعفر: و بتمنى الكل يتفهم متلك ضياء و هو واقف و مادد ايدو لحتى يسلم عليه: اطمن انا رح فهمن بطريقتي العميد جعفر بادلو السلام، ضياء بابتسامة: تشرفت بمعرفتك سيدي العميد جعفر بابتسامة: شكراً المعيد حسن: بكرا رح شوفك بغير هالمكان العميد جعفر: انشالله طلع ضياء و العميد حسن من مكتب العميد جعفر و راحو ع بيت جلال، دخل ضياء ع البيت قامت ريمة بلهفة: طمني مشان الله.
ضياء باس ايدها و اخدها و قعدها ع الكنبة و قعد جنبها ضياء بهدوء: اطمني نبيل بخير و انشالله خير صابر: ما قالولك شو السبب و ما قلتلن نبيل ما بيساوي هيك ضياء: قلتلن وهني بيعرفو نبيل اكتر مني ومنك لاني كلنا مراقبين و بيعرفو شو نحنا بس قالولي المشكلة بسيطة و رح تنحل لندا بدموع: يعني بدو يضل بالحبس ضياء بحزن: ما طالع شي بأيدنا الا ما عملنا بس ما قدرنا نطلعو قانون قانون.
اطلعت نجوان فيه و بعيونو و قلبها حسها في حلقة مفقودة و هي رح تلاقيها عند ضياء و عم يكذب عليهن كرمال يبرد قلبن مو اكتر.
طلع ضياء ع البلكونا لحتى ياخد شوية هوا بلكي بيخفف عنو شوي، بتطلع نجوان بخطوات بطيئة.. ضياء و هو مغمض عيونو: قربي نجوان بهدوءقربت و وقفت جنبو وهي عم تطلع بالسما: الجو حلو مو ضياء و هو ع وضعو: نجوان دخلي بالموضوع نجوان اطلعت فيه: مستناي تحكي ضياء فتح عيونو و اطلع فيها: شو بدي احكي؟ نجوان بهدوء: الحقيقة ضياء بعدم فهم: حقيقة شو؟ نجوان: حقيقة نبيل.
ضياء اطلع فيها بتردد بدو يحكي و ما بدو محتار، نجوان فهمت عليه من نظراتو: اطمن ما رح احكي لحدا حتى ل لندا ضياء اخد نفس عميق و طلعو بهدوء عكس يلي اخدو وحكالها كلشي صار معو بمكتب العميد جعفر نجوان بتفهم: هيك لكن ضياء بارهاق: اي هيك و مشان هيك ما قلت ل اهلي الحقيقة نجوان بتفكير: هلئ كلشي بان، انا عندي فكرة ضياء بترقب: شو هي قعدة نجوان و حكتلو ل ضياء ع خطتها، و ضياء كان عم يسمعها وكل اذانٌ صاغية.
نجوان: وهيك بيكون صار كلشي بدنا اياه و ظهرت الحقيقة ضياء بتفكير: تركيني مخمخ عليها.
اشرقت الشمس من جديد لتبدء المغامرة.
فاقت نجوان قامت ع الحمام اخدت دُش و طلعت لبست تيابها و اتصلت بضياء، ضياء رد فوراً نجوان: صباح الخير ضياء بتعب ظاهر ع صوتو: صباح النور نجوان: اسفة فيقتك هلئ بس بتعرف لازم نلحق ضياء: عادي ليش انا نمت لحتى فيق، هلئ المهم خلصتي؟ نجوان: اي و طالعة من البيت ضياء: شو بدك تقولي ل اهلك؟ نجوان: لا تخاف علي انا مدبرتها قلتلون من مبارح بدي اطلع ع المعسكر وانت ختفى كمان مشان ما حدا يشك.
ضياء: ماشي لكن رح ضب غراضي و ننزل سوا نجوان: ok انا بأنتظارك سكر ضياء مع نجوان و قام لبس تيابو و جهز الشنطة و طلع ع الصالون شاف امو و ابوه قاعدين ضياء: صباح الخير صابر ريمة: صباح النور ريمة بترقب: شو وين رايح و اخد الشنطة ضياء: رايح ع المعسكر صابر: و اخوك بدك تتركهُ لا حالو ضياء بغموض: لأ صابر بعد فهم: كيف صارت معك بدك تروح ع المعسكر و بدك تضل جنب اخوك؟ ضياء: بكرا كلشي رح يتوضح، يالله دعولي.
ريمة: الله يكون معك و يحميك صابر: الله يحميك و يحرسك ضياء بابتسامة: سلام طلع ضياء بعد ما رن ل نجوان و تقابلو عند الباب، نزلو ع السيارة و طلعو و قبل ما يشغلها ضياء: انتي فينك تطلعي من الموضوع اذا خايفة معك وقت نجوان حطت ايدها ع ايدو بحب: معك ع الموت ضياء بسلها ايدها و شغل السيارة و راحو..
بعد مرور اسبوع... واقفة قدام المرآية و تحط اخر لمسات ع شكلها المزيف، بيندق الباب بتقوم بتفتح الباب ضياء بضحك: بتصدقي لو ما بعرف انو انتي نجوان ما عرفتك هههه نجوان ضحكت معو: فعلا انا ما عرفت حالي هههه ضياء باعجاب: بس طالعة حلوة نجوان بابتسامة: شكراً، وانت طالع حلو ضياء بغرور: بعرف نجوان رفعت حاجبها: مغرور ضياء: انا رح كون جنبك لا تخافي تمام.
نجوان بابتسامة: ما خايفي انت معي و بقلبي ضياء: يالله تفضلي نزلو من الفندوق يلي هني قاعدين فيه و صلو ع الشركة و قبل ما تنزل نجوان اطلعت ب ضياء و ابتسمت ابتسامة نا عمة وهي بدا تنزل مسك ضياء ايدها ضياء: ديري بالك ع حالك نجوان هزت راسها و ضمتو بعدها نزلت اطلعت عليه و لوحت بأيدها بمعنى باي، رجعت اطلعت بالشركة، اخدت نفس عميق لحتى تهدي شوي من توترها وهي عم تتفحص المكان بتشوف رجل مغطي راسو شعر اشيب.
نجوان قربت لعندو: مرحبا المستخدم: اهلا شو بقدر ساعدك يا بنتي نجوان بابتسامة: عمو بدي قدم ع وظيفة المستخدم: اي تفضلي من هون يا بنتي دخلت نجوان ع الشركة و معها المستخدم طلعو بالاسانسير، وصلو ع الطابق يلي فيه صاحب الشركة السكرتيرة: اهلا عم احمد عم احمد: فيكي جبتلك وحدةقال بدها تقدم ع وظيفة هون السكرتيرةوجهت كلامها ل نجوان: خليكي انتي هون وقفت نجوان برا ودخلت السكرتيرة لجوا ع المكتب =: خير شوفي يا سارة؟
سارة: استاذ في وحدة بدها تقدم ع طلب توظيف بالشركة =: دخليها، و جيبيلي الاوراق الصفقة الجديدة هزت راسها سارة و طلعت لعند نجوان سارة: تفضلي دخلت نجوان ع المكتب، اطلع فيها صاحب الشركة و نبهر بجمالها، بياضها و عيونها البنية و حجابها يلي زادها جمالها جمال نجوان سعلت لحتى ترجعو ع وعيو: اح اح اح =بارتباك: هاا، اا. تفضلي قعدة نجوان ع الكرسة يلي جنب الطاولة =: شو اسمك؟و شو مأهلاتك؟ نجوان: اسمي نيكولا...
رواية فتاة في العسكرية للكاتبة سدرة أمونة الفصل الثامن عشر
=باعجاب: حلو اسمك نيكولا(نجوان): شكراً =: امم، شو عندك مؤهلات؟شو دراستك؟ نيكولا(نجوان): إدارة اعمال(وطلعت من شنطتها اوراق) و هدول هني الاوراق المطلوبة =: برافو، عرفتي الاوراق اللازمة بدون ما اطلب منك نيكولا(نجوان): انا سئلت شو هني الاوراق و جبتن =: تمام وانا وافقت ع توظيفك نيكولا(نجوان)بترقب: و بدون فحص =بابتسامة: مافي داعي بتدخل السكرتيرة و بتعطيه الاوراق الصفقة يلي طلبن منها.
سارة: تفضل استاذ، صح استاذ اشرف في اجتماع اشرف: تمام، و خدي الصبية دليها ع مكتب المدير الاعمال سارة: بس في استاذ عامر مدير اعمالك اشرف: بعرف، وبس اجا خليه يجي لعندي.
طلعت سارة و نيكولا يلي هي نجوان، و بتاخدها ع مكتب المدير الاعمال، دخلو ع المكتب و نبهرت نجوان بالديكور الموجود سارة: تفضلي هاد مكتبك نجوان بابتسامة: شكرا سارة مدت ايدها: انا اسمي سارة و شو ما بتحتاجي فينك تقوليلي نجوان بادلتها السلام: وانا اسمي نيكولا و بشكرك تاني مرة و شو ما حتجت شي اكيد رح اجي لعندك.
بتطلع سارة من المكتب، بتروح نجوان ورا المكتب و بتقعد بتشوف الاوراق الموجودة بتتفحصها، يعني عم تستطلع شوفي بقلب المكتب وهي عم تتفرج ع الاوراق الموجودة و مو فهمانة شي من شي، بيدخل شخص طويل جسم رياضي بشرة سمرا عيون سود و شعر اسود متل الليل عامر بغضب: شو عم تعملي هون نجوان ببرود: قاعدة بمكتبي عامر: مكتبك؟ نجوان: oie.
عامر بيطلع من المكتب و بيروح ع مكتب اشرف، (اي اي اشرف ابن خالو ل ضياء، منرجع ل قصتنا)بيفتح الباب بدون ما يدقو كأستذان اشرف بغضب: داخل ع زريبا ولا شو عامر: مين هي يلي قاعدة بمكتبي اشرف: مديرة اعمالي عامر: نعمم وانا اشرف: انت بدك تروح ع امريكا تدير الشركات هنيك عامر هدئ شوي: ليش ما خبرتني؟ اشرف بابتسامة خبث: حبيت اعملها مفاجأة، و كافئك ع مجهودك يلي عملتو معي عامر: وصلتك الاخبار؟
اشرف: شي اكيد، ورح يتختخ بالحبوس و تمرطخ اسمو بالاراضي عامر: بس والله حرام يلي سويت فيه اشرف بغضب: لأ ما حرام هو يلي جنى ع نفسو( وكمل بتحذير) و اوعى تلعب علي عامر: مو عيب، واصلا رجلينا سوا بالفلقة.
ضياء قاعد ع التخت طلع تليفونو و عمل اتصال ب نجوان ضياء: كيفك نجوان: الحمدلله انت كيفك ضياء: بخير انا، كيف الوضع عندك؟ نجوان: الحمدلله لهلئ مشيانة متل ما خططنالو، بس ما عم افهم ع الاوراق يلي قدامي ضياء بابتسامة: لا تاكلي هم انتي صورين و بعتيلي اياهن لحتى قلك شو تساوي نجوان: ok، بحبك، باي بتسكر مع ضياء و بتصور الاوراق بدون ما حدا يشوفها و بتبعتن ل ضياء ع الوتساب.
هون ضياء شافن و قرأن و لاني عندو خبرا بهالموضوع بعتلى شو تساوي و شو تشتغل و كيف، منتركن لحتى يشتغلو بالاوراق و منروح ع السجن.
قاعد نبيل هو و المحامي بغرفة نبيل: بس والله العظيم ما الي خبر و اصلا انا راجعت الاوراق و بعتت رئيس المشتريات شافن و جبلي التقرير و انا ع التقرير يلي موجود انو كلشي سليم وقعت المحامي: بس الاوراق يلي عم تقول عليهن مكتوب اطعمي فاسدة نبيل بسرعة: لأ انا قرأتن اكتر من مرة المحامي طلع من الشنطة السودا اوراق يلي موقع عليها نبيل، : تفضل هدول هني الاوراق.
اخد نبيل الاوراق يلي معو و نصدم ب يلي قرأن، نبيل بصوت تايه: لأ، لأ، هدول مو هني، والله انا متأكد مو هني المحامي: انا رح ارجع ابحث وانشالله خير.
عند لندا قاعدة بغرفتها يلي ما طلعت منها من وقت ما صار ب نبيل هيك لا عم تاكل و لا عم تشرب و ع طول بكي زينة بمحاولة: لك بنتي كلي بس هاللقمة تقوتي فيها لندا: رتاج بدموع: مشان الله يا لندا كلي لك ليكي ع منظرك كيف صار متل الاشباح لندا ساكتة تماما متل كأنو حيط قاعد قدامن لا عم تحكي ولا عم تطلع فيهن و ع طول عم تطلع بولاشي بعيون مليانة دموع.
ريمة بحزن: يا بنتي كلي و كوني قوية مو مشانك ولا مشان حدا بس مشان نبيل، نبيل يلي هلئ هو بحاجتك و بحاجي وقفتك حنبو اكتر من ايه وقت لندا وقت سمعت اسم نبيل صارت تبكي اكتر و اكتر واكتر لختى جفو دموعها لندا بصوت مبحوح من كتر البكي: مشان الله تركوني لےحالي ريمة بحزن: تمام رح نتركك، يالله امشو.
طلعو ع الصالون و قعدو ع الكنبايات زينة بدموع: حسبنا الله و نعم الوكيل، لله يصطفل يلي عمل بنبيل هيك و فينا ريمة بحزن: اللله ع الظالم رتاج بيرن تليفونها، بتطلع عليه بتشوف اسم نجوان، بترد فوراً رتاج: الو نجوان: كيفك و كيف الجميع عندك رتاج: الحمدلله الكل بخير نجوان: كيفا لندا، لسه ما عم تطلع من الغرفة ولا عم تاكل؟ رتاج تنهدت بحزن: اي لسه متل ماهي نجوان: ممكن تعطيني اياها، احكي معها رتاج: يالله تكة شوية.
بتدخل رتاج لعند لندا و بتعطيها التليفون مشان تحكي مع نجوان و بتطلع ع الصالون طبعا كان هاد طلب نجوان لندا بتعب: اي نجوان نجوان: رح قلك شغلة و بتوعديني ما بتقولي لحدا لندا بترقب: شو هي؟ نجوان رجعت لےذكرياتها لوقت اخدو نبيل ع الحبس.
Flash baak طلع ضياء ع البلكونا لحتى ياخد شويت هوا بلكي بيخفف عنو شوي، بتطلع نجوان بخطوات بطيئة.. ضياء و هو مغمض عيونو: قربي نجوان بهدوءقربت و وقفت جنبو وهي عم تطلع بالسما: الجو حلو مو ضياء و هو ع وضعو: نجوان دخلي بالموضوع نجوان اطلعت فيه: مستناي تحكي ضياء فتح عيونو و اطلع فيها: شو بدي احكي؟ نجوان بهدوء: الحقيقة ضياء بعدم فهم: حقيقة شو؟ نجوان: حقيقة نبيل.
ضياء اطلع فيها بتردد بدو يحكي و ما بدو محتار، نجوان فهمت عليه من نظراتو: اطمن ما رح احكي لحدا حتى ل لندا ضياء بهدوء: رحت لعند العميد جعفر يلي مستلم قضية نبيل، قعدة معو و فهمني شو القصة كلها نجوان باهتمام: شو هي؟
ضياء: قلي وقت اجتن اخبارية انو في مواد فاسدة داخلي ع البلد هني راحو ع ميناء يلي باللاذقية فتحو الصناديق يلي فيها المواد و اطلعو ع التواريخ شافو كلها منتهية صلاحيتها، هون العميد جعفر ما صدق القصة، قلن يبعتولو من كل نوع علبة لحتى يتأكد، وفعلا بعتولو من كل نوع علبة اطلع عليها شافها مو مظبوطة العلبة في حدا لعبان فيها، فتح اول علبة وكانت علبة جبنة، شافها تازاية و بيضة ستغرب انو كيف فاسدة وكيف هيك شكلها و ريحتها لسه فيها يعني ريحة الجبنة ولونها ما متغير، بعتها ع المخبر عملو تحليلي مخبري طلعت صالحة للاكل، هون وقت اجتو التقرير شك انو لعبة، قام بعت كل المواد الموجودة وفعلا طلعت كلها صالحة، و الرقم يلي اتصل فيه و خبرن انو في مواد فاسدة، دقولو تاني مرة طلع خارج الخدمة عملو بحث طلع مو موجود، يعني الشخص يلي مخبرن كاسر الشريحة و كاببها.
نجوان باهتمام: وشو صار بعدين؟ ضياء: هون العميد جعفر عصب كتير و حلف يمين معظم لحتى يجيب يلي لعب عليه وع نبيل، وقت اتصل الشخص ع رقم العميد جعفر كان هون هو حاطت تطبيق تسجيلات للاتصالات الصادرة و الواردة فتح التليفون و حط ع التطبيق و سمع المكالمة، بعت التسجيل للجنة المختصة بهيك امور، وطبعاً دقائق كان عارف مين هو نجوان: مين؟ ضياء بحقد: اشرف، ابن خالي نجوان بصدمة: شو.
ضياء: اي اشرف، هو يلي وراه هالشي، وكلو مشان الشركة و الاموال، والعميد جعفر بدو يساعد نبيل لانو بريء و بدو يحط محلو اشرف بس ما عندو ادلي نجوان بتفهم: هيك لكن ضياء بارهاق: اي هيك و مشان هيك ما قلت ل اهلي الحقيقة نجوان بتفكير: هلئ كلشي بان، انا عندي فكرة ضياء بترقب: شو هي نجوان: رح اتنكر بشخصية غير شخصيتي و ادخل الشركة عأساس موظفة جديدة، و رح حاول كون انا مديرة اعمالو ورح ابحث ع ادلة و انشالله خير.
ضياء بسرعة: لأ، خطرة عليكي نجوان: حبيبي ما رح نخصر شي، اولا ابن خالك ما بيغرفني ولا مرة شافني، تانيا انا بدي اتنكر احطيات مو اكتر مشان اذا حدا بيعرفني ما يكشفني، وتالتا انت رح تكون جنبي فلا تخاف ويلي ربك كاتبو بدو يصير واذا ما عملنا هيك ما رح نغضر نوقعو ضياء باستسلام: هلئ التنكر مقدورة، بس كيف بدك تجيبي الاوراق و هي بدها شهادة من وين بدك تجيبيها نجوان غمزتو: ولووو صعبة ع المقدم ضياء.
ضياء بعد فهم: ما فهمت؟ نجوان بتوضيح: رح تجيب شهادة مزيفة و الاوراق المطلوبة، وهو اكيد رح يوظفني مديرة اعمالو ضياء بتفكير: تركيني مخمخ ع القصة baak.
نجوان: وانا هلئ قاعدة بالفندق انا وضياء مشان اهلك ما يقولو شو القصة ما بدنا نقول لحدا هلئ، لحتى تطلع الحقيقة و انا هلئ عم داوم بالشركة لندا بقلق: يعني انتي بخطر نجوان بابتسامة: لا اطمني ما بخطر هو حتى لو شافني ع الحقيقة مارح يعرفني لاني ما شافني ولا مرة بس اضمن تنكرت لندا: الله يحميكي من كل مكروه.
نجوان: وهلئ بتقومي بتتحممي و بتاكلي لقمة و بتلبسي و بتاخدي ل سيد نبيل اكلي من اكلاتك و بتروحي لعندو وكوني قوية و اطمني رح تظهر الحقيقة قريباً و وعد مني لندا بابتسامة: الله لا يحرمني منك، يالله باي، ديري بالك ع حالك، الله معك.
بتقوم لندا بتطلع تيابها من الخزانة و بتطلع برا الغرفة بتشوف امها قاعدة هي و ريمة و رتاج لندا بابتسامة: ماما سخنيلي اكل عميل ما اتحمم لحتى اكل و روح لعند نبيل بتروح لندا تحت نظرات الاستغراب و التعجب من الكل، ع تغيرها المفاجئ...
بتخلص لندا من حمام بتطلع بتروح ع غرفتها و بتلبس قميص طويل يصل ل ركبتيها باللون السومو و بنطلون اسود و شوز سومو و حجاب باللون الاسود و السومو بتطلع ع الصالون بتشوف امها مجهزتلها الاكل بتقعد بتاكل... لندا بابتسامة: الحمدلله، ماما بدك شي؟ زينة باستغراب: وين رايحة؟ لندا بجدية: لعند نبيل رتاج: بدي روح معك لندا: ok روحي لبسي بتروح رتاج و بتلبس تيابها و بتجي، رتاج: خلصت يالله.
هون اجا طارق باستغراب: وين رايحين؟ رتاج: لعند نبيل طارق: ل حالكن؟ لندا: اي طارق: امشو لحتى اخدكن انا بيروحو ع السجن يلي فيه نبيل بتوقف السيارة يلي جايي فيها بينزلو منها، وهني و داخلي بتوقف لندا...
رواية فتاة في العسكرية للكاتبة سدرة أمونة الفصل التاسع عشر
رتاج باستغراب: لندا شبك؟ لندا وهي عم تمسح دموعها: ماش، يالله تفضلو دخلو لجوا لعند رئيس القسم و طلبو منن يشوفو نبيل، و رئيس القسم وافق رئيس القسم: خليكن بالمكتب لحتى يجي.
طلب رئيس القسم الشرطي اجا الشرطي و ادى التحية العسكرية، طلب رئيس القسم منو يجيب نبيل، وفعلا راح الشرطي وجاب نبيل يلي متبهدلي حالتو، ذقنو طولاني شعرو طولان تيابو مكركبا مو مرتبها يعني متل المشردين شكلو، دخل ع المكتب و وقت لندا شافتو ما غضرت تحبس دموعها يلي نزلو غصب عنها، رتاج وقت شافتو شهقت و راحت فورا ضمتو و صارت تبكي بحضنو نبيل بصوت مهزوز: هوووس اهدي.
رتاج وهي ع وضعها: تقبر قلبي يا اخي ريتي متت ولا شفتك هيك نبيل مسك راسها بين كفوفو بحنية: بعيد الشر عنك (وهو عم يمسحلها دموعها) خلص لا بقى تبكي اطلع ع لندا يلي عيونها عم يسبحو ببحر دموعها رئيس القسم: انا رح اطلع لبرا خدو راحتكن طلع رئيس القسم من المكتب، و ضلو هني نبيل سلم ع طارق قرب ع لندا يلي بدورها رتمت بحضنو و صارت تكبي، مسح دمعتو يلي ما حدا شافها نبيل بصوت مهزوز: خلص اهدي انا بخير.
لندا اطلعت فيه بعيون حمر: اكيد نبيل ابتسم ابتسامة صغيرة: اكيد بخير لاني شفتك لندا ابتسمت من بين دموعها، قعدو و صارو يحكو مع بعض و نبيل اطمن ع امو و ابوه من رتاج نبيل بتذكر: صح وين ضياء صرلي اسبوع ما شفتو لندا سكتت ما كانت تحكي بسبب وعدها ل نجوان انو ما تحكي ل حدا شي من يلي عرفتو و خصوصا نبيل رتاج: طلع ع المعسكر هو و نجوان نبيل بتفكير: ايواا طارق: يالله يا بنات خلصت الزيارة، وانشالله بيطلع نبيل بهالفترة.
نبيل وجه كلامو ل طارق: طارق اهلي اماني عندك طارق: ولوو يا نبيل اهلك اهلي بودعن نبيل و بيرجع ع الحبس بيقعد ع الدشك يلي مافيي سفنج لا شي بسيط و وجهو متأكل من كتر العتق نبيل بينو وبين نفسو: ياترى ليش ضياء راح ع المعسكر معقول في شي؟ مستحيل ضياء يتركني بهيك محنى، انا متوقع في شي ولا مو متوقع متأكد ١٠٠%في شي، اخخ راسي وجعني من التفكير، رح سلم امري لربي احسن شي.
لندا بتدخل ع غرفتها و بترمي حالها ع التخت و بتبكي اكتر و اكتر بصوت ما طالع من كتر ما هو مبحوح، بضل هيك لحتى تروح نايمة من كتر التعب.
بعد مرور شهر، وكلشي متل ما هو ما صار شي جديد، نجوان لسه هي نيكولا و ضياء عم يساعدها بكل شي بيتعلق بالشغل الشركة وهيك قصص، و نبيل لسه التحقيق معو مستمر لندا وضعها تحسن و صارت تتقبل الوضع، اشرف عم يتعلق بنيكولا الشخصية المزيفة، جلال عم يدور ع الدكتورة يلي اشرفت ع ولادت نجوان بس لا حياة لمن تنادي ما كان يوصل لشي، متل كأنو كبكوبة خيطان و مشربكة ببعضها لا عم تعرف وين راسها ولا عم تقدر تقصها لاني بس قصيتها للكب.
بالشركة فادي: يعني بتحبها؟ اشرف بحب: فوق ما بتتخيل يا رجل اذا مر اليوم و ما شفتها بحس الدنيا سودا بعيوني فادي: اوف اوف اوف كل هالشي مأثرة فيك اشرف بتنهدية: اخخخ ولسه اكتر.
بيندق الباب، اشرف: ادخل بتدخل نجوان بطلتها المبهورة بيطلع فيها اشرف بعيون مليانة حب و عشق نجوان وهي عم تعطيه الاوراق ومعهن قلم: تفضل استاذ هي صفقة جديدة حبوب مستوردة من باريس فےبدنا توقيعك مشان نغضر نستلمن اشرف وقعهن و هو عم يطلع فيها، نجوان وقت شافت التوقيع صارت ع الاوراق اخدت نفس عميق و ابتسمت بخبث اشرف وهو عم يعطيها الاوراق: تفضلي.
نجوان بابتسامة اخدت الاوراق من ايدو و هي بدا تطلع بتوقف ع صوت اشرف يلي وقف معها قلبها اشرف: نيكولا نجوان اطلعت فيه وحكت بتوتر: ن، نعم اشرف بابتسامة: نسيتي القلم نجوان بربع ابتسامة: اهه، شكرا اشرف بحب: العفو.
اخدت القلم وطلعت من المكتب بسرعة مشان نظراتها ما تكشفها، وصلت ع مكتبها قعدة و حطت الاوراق قدامها اخدت التليفون و فتحت ع الرسائل sms ع اسم ضياء و بعتت رسالة، محتواها~لقد وقع في الفخ~ بتسكر التليفون بتحطو ع جنب، بتشيل العدسات البنية من ع عيونها بعد ما حست بوجع بعيونها، بترجع راسها ع الكرسة و بتغمض عيونها و بتتذكر شو صار و شو سبب الاوراق.
Flahs baak. المسا بالفندق بيلتقى ضياء و نجوان ع طاولة العشا بالمطعم وهني وقاعدين بيجي العميد جعفر يلي الوحيد بيعرف وين هني.
ضياء: اهلا سيدي، تفضل قعد العميد جعفر: شو يا نجوان كيف الوضع؟ نجوان بابتسامة: تمام كلو ماشي ع الخطة وصار اشرف يوثق فيي زيادة عن اللزوم العميد جعفر: اوخخ عال العال، وهلئ الخطوة التانية ضياء و نجوان حكو مع بعض: شو هي العميد جعفر طلع اوراق من جيب جاكبتو الرسمي من جواه وعطاهن ل نجوان: وهلئ يا نجوان رح تخليه يوقع ع الاوراق هي ومن خلالها منخليه يقعد بدال نبيل بسجن و بتظهر الحقيقة.
نجوان بترقب: وكيف بدي خليه يوقعها؟ العميد جعفر: بتقليلو هي صفقة جديدة من صفقات الشركة وهيك قصص نجوان بخوف: وبلكي قراءن؟ شو رح يصير؟ العميد جعفر: اطمني مارح يقراءن نجوان باستغراب: وشو عرفك؟ العميد جعفر: في رفيقو اسمو فادي هو ضابط رح خليه يروح لعندو و يلهي وقت بيوقعن نجوان بتردد: مماشي ضياء بترقب: ليش شو هني الاوراق؟ العميد جعفر: الورقة الاولى فيها اكبر كمية مخدرات داخلي من خلال شركتو.
الورقة التانية فيها اكبر شحنة دخلت ع البلد اطعمي فاسدة ضياء بذهول: يا محمد لحتى يحكمو مؤبد العميد جعفر: اي وانا ما تبليتو تبلي، بتتذكر اول ما نجوان شتغلت بالشركة و بعتتلك صور عن الاوراق يلي موجودة ع الطاولة ضياء: اي بتذكر، وكان في ورقة منن فيها رموز ما فهمتها حاولت حلها بس يطلعلي اسماء غريبة العميد جعفر: بتتذكر شو هني الاسماء؟ ضياء: اي، ذ، اوغاريت ح، المدينة، د، بذورية، وفي كمان بس ما عم تذكر.
العميد جعفر بتوضيح: اي هدول اسماء مناطق ببعض المحافظات، ذ يعني اللاذقية سوق اوغاريت، ح حلب سوق المدينة، د دمشق سوق البذورية، ولسه فيه بكل الحافظات نجوان: وهدول شو قصتن؟ العميد جعفر: هدول بوزعو فيها الاطعمى الفاسدة ونحنا صادرناهن قبل ما توصلن ضياء: و صاحبين المحلات عندن خبر؟
العميد جعفر: لأ لاني بحطو تواريخ صالحة وهلئ يا نجوان رح تخليه يوقعن و بشطارتك نجوان هزت براسها و الخوف امتلك قلبها ضياء بترقب: والمخدرات؟ العميد جعفر بابتسامة: صارو بقلب البحر نجوان بعدم فهم: كيف يعني؟ العميد جعفر بتوضيح: وهني عم ينزلو البضاعة اجتنا اوامر انو نقتحم المرفأ و فعلاً وقت اقتحمنا وصرنا نفتش كل الصناديق شفنا كمية مخدرات كبيرة جاية نجوان: كل هالدليل ما غضرتو تمسكو؟
العميد جعفر: لاني نكرو الكل، حتى مدير المينا نكر فمغضرنا نكمشو ضياء: وبعدين؟
العميد جعفر: وبعدين الضابط يلي كان عم يفتش وهيك وسئل لمين نكرو طلب دعم وقبل ما يوصل الدعم وانا معن لاني كنت بللاذقية، ما بيشوفو الا شي و نفجر بيطلعو هيك بيشوفو الصندوق يلي فييو المخدرات مشتغل نار، ( للتوضيح، الصندوق حاطينو قريب ع المي يعني ع حرف اليابسة) اي و فتح الصندوق كلو وقت الانفجار و صار اكتريت الكمية بقلب المية و شوية ع اليابسة و محروقة نجوان بخوف: مو سهل معناتا.
العميد جعفر بتأكيد: اي ولهيك ديري بالك ع حالك وكتير منيح كمان نجوان قلبها حاسسها رح يصير شي و متلك تفكيرها احداث غريبة من كتر الخوف و القلق baak.
فتحت عيونها ع صوت تليفونها اطلعت عليه شافت اسم ضياء نجوان: الو ضياء بقلق: ليش تأخرتي بالرد صاير معك شي؟ نجوان بابتسامة: لأ ما في شي بس كنت شاردة شوية ما سمعتو ضياء بتنهيدة: اوخخ فكرة صاير معك شي، طمنيني كلشي تمام نجوان قامت من ع الكرسة و وقفت ع الشباك يلي بيطل ع البوابات الشركة: اي تمام وهي عم تحكي معو شافت بنتين داخلين و وحدة من بيناتن بتعرفها كتير منيح نجوان بصدمة: نورهان...
تحميل محتوى الموضوع
عرض نسخة صالحة للطباعة
أرسل هذا الموضوع إلى صديق
[16]
الدعوات : 2قوة السمعة : 10
رواية فتاة في العسكرية