نوفيلا جسد بلا روح للكاتبة سدرة أمونة الفصل الخامس
في منزل شريف روز: ليش هيك ساويت؟، اذا كرمالي انا بروح، ما بدي سببلك مشاكل شريف بصراخ: وين بدك تروحي هااا، عند ابوكي يلي باعك ولا تقعدي بالشوارع روز هبطو الدموع من عينيها في صمت عندما قال هذا الكلام... شريف بأعتذار: اسف، بس انا مضغوط شوية، طلعت الجنونة فيكي روز بدموع: عادي، هي حقيقتي، انت ما الك ذنب شريف جلس بجانبها و قبل رأسها بعد ان اسندهُ ع صدرهِ، هُنا روز ظهر صوت بُكائها بعد ان قتل حُنجرتها.
شريف بحزن: روز لابقى تبكي، انا برجع بقلك اسف، ما بعرف كيف طلع الحكي هيك روز مسحت دموعها نهضت رأسها من ع صدرهِ و ابتسمت: خلص ما بقى ابكي، و ما تعتذر انت مقامك اكبر من هيك شريف بابتسامة: وانتي احلى بنت بالكون روز: بس بدي افهم ليش هيك ساويت؟ شريف تنهد تنهيدة مليئة بالوجع: رح احكيلك ليش هيك عملت، انا عندي اخ واخت، اخي هاد رؤوف و اختي رحيمة هي مسافرة.
وقت ماتت لورا، شافوني حزنت و ما بقى بوعيي و ما فارقة معي شو ما صار، صارو كل يوم عندي بيت رؤوف انا قلت عم يواسوني بوحدتي، بس ليوم بكتشف كانو عم يشوفو شو عندي اموال و شقد بيطلع و خصوصاً وقت غيث ستلم الشركة و عرف ع الاسهم يلي كنت مخبيها عنن، صارو يتقربو مني لحتى ياخدو كلشي و لحتى سجل الاملاك بأسمائن، كتشفت لعبتن و قررت جيبك و اعلنك بنتي و اكتب كلشي باسمك، انا فكرت رح يسندو ظهري بس طلع العكس كسرو ظهري.
روز بحزن: حسبنا الله و نعم الوكيل شريف: وهلئ عرفتي السبب وليش، فبدي منك طلب روز: انت ما بتطلب انت بتأمر شريف بابتسامة: الله لا يامر عليكي ظالم، روز انا بدي سجل كلشي بملوكو ل الك و رح سجل الشركة و خليكي انتي ديريها روز بقلق: بس اخواتك... شريف قاطعها: انتي ما الك علاقة باخواتي انا بكامل وعي و عم اعرف شو عم اتصرف لسه ما فقدت الذاكرة روز باستسلام: متل ما بدك.
بمنزل رؤوف جلست سُمية بجانب رؤوف وضعت يدها ع كتفهِ سُمية بهدوء: رؤوف، طول بالك رؤوف بغضب: لك بس بدي افهم من وين جايبها، وهي اكيد طمعاني فيه سُمية: يصطفل هو حر رؤوف: لأ ما حر هو، لا تنسي هالاموال رح تكون الي و لا اولادي.
وفي هذه اللاحظة اتى ليث ليث: بابا رؤوف: شو؟ ليث: ما بدك تنزل ع القبو و تشوف شو هي القصة يلي بدو يحكيها هالكلب رؤوف: اي صح، انده لا اخواتك.
ليث ذهب ل اخبار اخوتهِ، بعد مرور دقائق ليسهَ طويلة، اجتمعو، امر رؤوف ليث و غيث احضار عثمان، و فعلا ذهب ليث و غيث إلى القبو اخرجو عثمان متربط الايدي و متغطي العينين، وصلو عندا رؤوف اجلسو عثمان ع ركبتيهِ، و ازالو عنهُ ربطة العينان، نظر عثمان إلى روؤف الذي ينظر اليهِ بحدة جلساه غيث وليث ع الكنبة مقابل عثمان و جلست سمية و شام ايضاً رؤوف بحدة: تفضل احكي هي العيلة كلها هون.
نظر عثمان عليهن و استغرب بعدم وجود شريف عثمان: وينو شريف بيك رؤوف غضبَ كثيراً عند سماع اسمهُ: شو بدك منو هو مسافر، احكي عثمان بعدم تصديق: اممممم، رح احكي ( ونظر إلى سمية) و رح يظهر المخفي نظرة سمية اليهِ بارتباك و خوف بان واحد عثمان نظر الى رؤوف: انا رح قلكن كلشي، ما بعرف اذا بيعرف بهالقصة رؤوف بيك رؤوف بترقب: شو هي؟
عثمان: في واحد، وقت كان عمرو ١٦ سنة كان يشتغل بشركة، كان بيمسح السيارات و صاحبين الشركة كانو بيبهدلو و يضربو ع المليان و الفاضي، و كان اولاد صاحب الشركة من عمرو، كانويعطوه اتياب يلي ما بقى بدن اياه، وهو يفرح، عم يلبس لبس الاغنية، و كانو يعيرو بالفقير، وهو يحط بقلبو و يكبس ع الجرح ملح و يقول كرمال ابي العجوز و امي العجوز، ضل هيك ٤ سنين، ليوم بيجي واحد غني كتير بيطلب منو يشتغل عندو و براتب اعلى من راتبو، هو وافق، وراح شتغل وصار معو مصاري، كمل دراستو، و نجح باعلى معدل، صاحب الشركة عرض عليه يمسك الشركة، هو وافق بدون تردد، صار يشتغل و ينجح بشغلو و سنة و ورا سنة وهو عم يحقق النجاح، و بعد ١٠ سنين صار عندو شركة و صار وين ما راح يضربو تحية، ليوم اجتو رسالة و بتقول انت ما ابن العيلة الفقيرة انت ابن فلان الفلان اول شي هو ما صدق وكيف هيك بعد ٣٠ سنة يطلعو مو اهلو يلي مفكرن اهلو، صار يدور و يبحبش بالقصة، عرف انو مظبوط كلام المجهول يلي ما عرف مين هو، و عرف انو ابوه الاصلي تزوج وحدة خدامة يلي هي امو بالسر حملت، هون كان هو متزوج من وحدة ما بترحم و ما بتعرف شو هي الرحمة، عرفة الزوجة القصة و العيلة كمان عرفت، وصار مشكلة الها اول ما الها اخر، طلبو من الخدامة تنزل الولد هي ما قبلت، اقامو عليها حد انو تقعد بلا اكل و لا شرب لحتى تموت هي و الولد، حبسوا و صار كلشي بدن اياه بس ما ماتت لاني كان عم يتسربلها الاكل و الشرب ضلت هيك لحتى ولدت، وهي عم تولد ماتت و ضل الولد، هون كانت العيلة ما الها خبر بس الزوجة...
خبرة الخادمة ما تقول لحدا ان ماتت او ولدت، و الخادمة ما حكت شي، بعتت ورا الحارس وهاد الحارس طلع زوجة للخادمة يلي خبت الحقيقة، قالتلو بتاخد الولد و بترميه ع طريق و بتجبلي لعبة، و طبعا الرجل اخد الولد و راح حطو ع الرصيف، و كان الدنيا مطر و برد، رجع الرجل ع السيارة لحتى يرجع ع القصر، بيسمع صوت الولد عم يبكي، بيتجاهلو و بيمشي بالسيارة، فجأة بيرجع محل ما حط الولد، بينزل بياخدو و بيطلع، بيحطو ببيت فيه وحدة عجوز، و بيرجع ع القصر و بيخبر الزوجة انو عمل متل ما بدا، هي خبرة القصر كلو انو ماتت هي و لولد، طلعو و دفنوا، رجعت الخادمة هي و زوجها ع بيتن، بتشوف مع امها ولد، بتقرب عليه بتشوفو هو نفسو، بتستفسر من الموضوع بيقلا نحنا منربي و ما منقول لحدا انو عنا ولد، هي بالاول رفضت لاني الدنيا كلها بتعرف ما بيجيبو اولاد، بس بعد اصرار الرجل وافقت، بس عرفة الخانم و قلعتها من الشغل هي و زوجها و حذرتن اذا بيقولو لحدا او بيعرف حدا بيكونو عم يلعبو بعداد عمرن.
ليث: ونحنا شو النا دخل بهالموضوع؟ عثمان نظر إلى سُمية: ما بدكن تعرفو مين هاد؟ سُمية بارتباك: وننننحنا شو النا، علاقة، مين ما كان يكون عثمان: لأ لازم تعرفو مين هاد و مين ابوه رؤوف بنفاذ الصبر: احكي مين هاد؟ عثمان: عثمان رؤوف الاسمر وعند نطق هذا الكلام سمية احمر وجها خوفا رؤوف بصدمة: شووووو ليث بغضب: لا تكذببببب.
عثمان بصوت عالي: ما عم اكذب عم احكي الحق، و ابوك هو يلي ساهم كمان ساهم بقتلي و قتل امي، امي يلي ما بعرفها( نظر إلى رؤوف)لك انت ما في بقلبك رحمة ولا حنية ولاحتى شرف لا انت ولا مرتك ست سمية، يلي بتعرف من الاول و بتعرف عم اشتغل برزقي و عم اتبهدل و انذل.
ليث بصريخ: انشالله بطنك يطق انو حق، و صرمايت رؤوف الاسمر اشرف منك يا كلب، كذاب كل هالحكي كذب لا صار ولا حتى رح يصير لاني الحنية و العفية خلقت ل رؤوف الاسمر و بس عثمان بحدة: ويلي ساواه ويلي عم يساويه، لو فعلا عندو شرف ماكان قتل رولا وهي وعايشة ليث بصوت تايه: رولااااا عثمان: اي رولا، رولا يلي بتحبها، رولا يلي ظنيت فيها سوء، رولا يلي دافعت ع حبها و شرفها ليث بصوت تايه: انت شو عم تحكي؟
عثمان: انا رح فهمك، انا مرة كنت عم اشرب قهوة بالكفتريا، واذ بيجي ابوك و واحد بيقعدو وراي ع الطاولة، بسمع ابوك بيقلو للشخص، بتاخد رولا ع بيت و بتغتصبها و بتقلو ل ليث انو هي اجت لعندي و انا ما قدرت قاوم لاني كنت سكران ليث بصدمة: شووووووووو.
غيث بذهول: معقول! شام: لالالالالا بابا ما بيعمل هيك مستحيل عثمان: وليش ما بيعمل بيعمل و بيعمل لسه افظع بس ما حدا بيعرفو قدي... ليث نهض من ع الكنبة و لكمهُ لعثمان، نزل دم من فم عثمان ليث بغضب: كذاااااااب عثمان بحدة: كذاب ماشي، اتصل ب عابدين و هو بقلك الحقيقة ليث بتحذير: واذا بتطلع عم تكذب والله ذبحك ما بيكفيني عثمان ببرود: من شوف.
اتصل ليث ب عابدين رفيقهُ سابقا قبل هذه الحادثة الذي سببت الكثير من متاعب ل ليث عابدين بذهول: ليث ليث بحدة: وينك انت؟ عابدين: بالبيت ليث بنشافة: تعا لعندي ع الفيلا عابدبن باستغراب: ماشي اغلق ليث مع عابدين و نار الغضب تحرقه حرق بعد مرور نصف ساعة اتى عابدين إلى فيلا رؤوف، و عندما نظر ليث اليهِ اتاه بعض من مشاهد الذي تألم منها كثيراً.
و عابدين ينظر إليهِ بنظرات القلق و الخوف و خاصة عندما شاهد عثمان جالساً ع ركبته و الدماء ع كنزتهِ ليث بحدة: اقعد جلس عابدين ع الكنبة و هو ينظر اليهِ بقلق ظاهر ع عينيه ليث بغضب: انت يلي غتصبت رولا وهي ما الها رضى عابدين ابتلع ريقهُ بخوف و انزل رأسهُ بندم ليث بصراخ: عم بقللللك ااااانت عابدين اغمض عينيهِ: اي انا، وهي ما الها رضى ليث بترقب: شو السبب يلي خلاك تعمل هيك نظر عابدين إلى رؤوف الذي نظر اليهِ بقلق.
نوفيلا جسد بلا روح للكاتبة سدرة أمونة الفصل السادس
ليث بصوت تايه: ليش هيك عملتو، ليش قتلتوني وانا عايش، ليش هيك ساووووويت عابدين بصدق: قسم بالله ما كنت بدي المس شعرة من شعرها، بس ابوك هددني قلي اذا ما بتعمل يلي بدي اياه، رح يموتو اهلك ليث نظر إلى رؤوف بنظرة كلها خيبة امل و وجع و قهر رؤوف بدفاع: كذاب ليث هو عم يكذب ليث ضحك ضحكة كلها وجع: هههها عم يكذب تنين و عم يكذبو رؤوف: اي اي عم يكذبو مشان يوقعو بيناتنا.
عثمان: لأ مو صحيح اذا بدك سأل رولا بذات نفسها رؤوف بغضب: انت خراااس يا كلب عابدين: ليش بدو يخرس مظبوط كلامو رؤوف بصوت عالي: يا حيوان اذا ما بخليك تموت الف موته باليوم ما بيكون اسمي رؤوف عابدين بعد مبالاة: ما بقى فرقانة معي لاني بعد ما سويت ب رولا هيك عم بموت بالثانية الف موتة كان ليث جالسً و يستمع إلى كلام ابيه الذي صدمهُ اكثر واكثر ليث وقفَ بغضب و حزم: بسسسس خلص ما بقى بدي اسمع شي، خرسو كلككككككن.
رؤوف اقترب منهُ و وضع يدهُ ع كتف ليث رؤوف: ليث انا... قاطعهُ ليث عندما انزل يدهُ من ع كتفهِ و تكلم بصوت عالي: انت، انت شو، لك انت دمرتني، حطمتني، قتلتني، وجعتني، كسرتلي ظهري، لك بكفييييي، لك ياللللللللللللله، شو الذنب يلي عملتو لحتى بعتلي هيك اب رؤوف انزل رأسهُ بندم و حزن ليث تركهم و صعد إلى غرفتهِ، اقترب غيث من ابيهِ.
غيث صفق بيديهِ: برافوووووو، يا ابو غيث وهي خسرت ابنك، و اخوك و كلشي حلو بالحياة خسرتو، شو ستفددت؟ اقترب غيث من عثمان فك قيدهُ و ساعدو ع الوقوف غيث: روح انت حر، و بتمنى ما بقى نشوفك كأخ ولا كعدو، وانت يا عابدين كمان روح و انسى كلشي صار ذهبَ عثمان و عابدين من منزل رؤوف.
شام بدموع: ماما ليش هيك عملتي، ليش بعدتي الابن عن ابوه، الله يسامحك بس، وانت يا بابا الله يسامحك بس بدي افهم شو طلعلكن من كل هالشغلة؟هااا شو؟ ما عندكن جواب مو؟ تركتهم و صعدت ع غرفتها و هي تبكي من حقيقة امها و ابيها و غيث ايضاً تركهم و خرج من منزل كلهُ.
بمنزل شريف كانت جالسَ و تتابع التلفاز، اتى شريف و جلس بجانبها شريف: روز روز: نعم؟ شريف: انت لوين واصلة بالدراسي؟ روز: للعاشر شريف: يعني اخدتي التاسع روز بابتسامة: اي و جبت معدل عالي شريف: واللللله، معناتا سهلتي علينا الطريق روز بعدم فهم: ليش شوفي؟ شريف بابتسامة: بدي خليكي تقدمي بكلوريا و تدخلي الجامعة روز بفرحة: عنجد؟
شريف بتأكيد: اي، وحضري حالك اليوم بجبلك الكتب ومن بكرا بتبلشي تاخدي دروس من الاستاذ يلي بدو يجي روز ضمتهُ و قبلة رأسهُ: الله يخليلي اياك و ما يحرمني منك يارب شريف بابتسامة حب: ولا منك يا عمري، بس بشو كنتي شاطرة بالادبي ولا العلمي؟ روز: بمواد الادبي اكتر شريف: ماشي لكن ادبي بتدرسي، و بس تخلصي البكلوريا منحكي ع الجامعة روز: تمام.
بعد مرور ستة اشهر، في الصباح استيقظت روز ع المنبه، نهضت من الفراش و ذهبت إلى الحمام، بعدها ارتدت ثيابها و هبطت إلى الاسفل روز: صباح الخير شريف: صباح النور، تعي شربي القهوة قبل ما تروحي ع الفحص روز جلست مقابل لهُ و حتسئت القهوة و علامة القلق ظاهرة ع وجهها شريف بترقب: شبك روز؟ روز بقلق: خايفة اليوم اول يوم بالفحص، و عندي عربي كتيرررر خايفة.
شريف بابتسامة: لا تخافي، انتي شاطرة و رح تنجحي فيها، بس توكلي ع الله روز: ونعم بالله، يالله بدك شي انا رايحة شريف: الله معك تقدمت منهُ و طبعت قبلة ع خدهِ، روز: دعيلي شريف بحب: الله لا يضيعلك تعب و يوفقك يارب ابتسمت روز بوجههِ و ذهبت مع السائق إلى قاعة الامتحان.
في المساء في احد العمارات الحديثة، كان جالسً ع الكرسي و ينظر إلى السقف... الدكتور: كمل ليث: ممكن نأجل الحكي للجلسة الجاية الدكتور: متل ما بدك، لكن الثلاثاء تعا لعندي يعني بعد بكرا ليث بارهأق: انشالله.
خرج من عند الدكتور، فتح باب السيارة، جلس ع الكرسي القيادة و اسند رأسهُ ع ظهر الكرسي، اغمض عيناهُ من شددة الصداع الذي يرافقهُ منذُ الستة اشهر الماضية، فتح عينيهِ نظر إلى القارمة الدكتور النفسي، تنهد تنهيدة كلها وجع و قهر، شغل السيارة و ذهب الى المنزل.
كانت جالسَ ع الكرسي و المعلمة مقابلها وفي يديها كتاب و قلم، تُذاكر المادة المعلمة بابتسامة: مشالله عليكي حافظة مظبوط روز بقلق: بس خايفة.
المعلمة: لا تخافي طول ما انتي حافظة، وانتي توكلِ ع الله روز: ونعم بالله المعلمة: يالله، موفقة حبيبتي روز بابتسامة: تسلمي ربنا يحفظك خرجت المعلمة من غرفة روز، إلى صالة الجلوس شريف: طمنيني كيف حفظها المعلمة: انشالله التامة ع الحفظ يلي حافظتو شريف: يارررب، شكراً لمجهودك المعلمة بابتسامة: العفو اخرج شريف من جيبيهِ الداخلي ظرف ابيض اللون، : تفضلي المعلمة اخذت منهُ الظرف: يسلمو، بستأذن شريف: الله معك..
دخل ليث إلى المنزل نظرة إلى ابيهِ الذي يجلس ع الكرسي المتحرك، بسبب الجلطة الدماغية الذي ادت إلى شلل، نظر رؤوف اليهِ بعيون متلألأة بدموع الندم و حزن تجاهلهُ ليث و صعد ع اول ثلاثة درجات توقف عند سماع اسمهُ شام: ليث ليث بارهاق: نعم شام: ليش عم تتجاهل ابوك، شو ما صار بيضل ابوك ليث بنشافة: ما الي نفس احكي معو شام: ليث صرلك ستة اشهر ع هالحالة، و بسببك اجتو الجلطة و شلتُ، بكفي مشان الله.
ليث بغضب: شااااام طلعي من راسي، حكي ما بدي احكي معو فهمنا تركها و صعد ما تبقى من الادراج السلم و صل إلى غرفتهُ و رمى حالهُ ع السرير باهمال نظر إلى السقف و تتحرجت الدمعة من عينيهِ ع خدهِ ليث: لك اخخخخخ ياربي تعبت و حياة عرشك تعبت، خدني لعندك و ريحني، ريحني من هالحياة، من هالعيلة، من قلبي المتحطم، من كلشي، يارب انت عالم بحالي يا رحمن يارحيم ياللله.
نوفيلا جسد بلا روح للكاتبة سدرة أمونة الفصل السابع
بعد مرور اربعة سنوات دخلت إلى الشركة بشموح، وكانت ترتدي بنطال اسود اللون مع كنزة سوداء و حذاء اسود، دخلت إلى مكتبها و تتبعها السكرتيرة و معها الاوراق السكرتيرة: تفضلي هاد البريد جلست ع كرسيها الخاص، و اخذت الاوراق تقلب بهم و توقع عليهن روز: شو صار مشان الصفقة الجديدة؟ السكرتيرة بخوف: ما مابعرف.
روز بصوت عالي: شو هي ما بتعرفي لك انتي شو شغلتك هوووون، سمعي اخر مرة بسئلك سؤال و بتقليلي ما بعرف، والا رح اتصرف تصرف ما يعجبك خالص، بعتيلي ورا ماجد السكرتيرة: حاضر ذهبت السكرتيرة بخطوات سريعة، جلست ع الكرسي، امسكت بسماعة الهاتف الارضي السكرتيرة: طالبتك الآنسة روز ماجد بترقب: ما قالتلك شو بدا؟ السكرتيرة: لأ قال بس تعا لعندا.
ماجد انهى المكالمة مع السكرتيرة و ذهب إلى مكتب روز، طرق ع الباب كأستأذان، اتهُ صوتها روز: ادخل دخل ماجد مدير الاعمال الشركة، روز: اقعد جلسَ ماجد ع الكرسي وهو ينتظر ماذا تريد منهُ روز بجدية: ماجد شو صار معك مشان الصفقة الحديد؟ ماجد بتردد: بصراحة... روز باستغراب: احكي ليش سكتت؟ ماجد: بصراحة، حط سعر عالي واحد من الشركات يلي داخلي بالمزاد روز بترقب: مين هو؟ ماجد بتردد: واحد روز بغيظ: عنجد؟اي بعرف واحد بس مين؟
ماجد: ليث رؤوف الاسمر روز رفعت حاجبها: واللله، ليش اجا من لندن؟..
ماجد: اي اجا، صرلو سنة هون رز: اهلا وسهلا، رح نرحب فيه لكن ماجد بترقب: بس ليش ما بتحكو مع بعض اني اولاد عمك روز بحزن: تقاتلو مع بابا الله يرحمو لهيك ما منحكي مع بعض ماجد: الله يرحمو روز بجدية: المهم بدي الصفقة ترسه عليي انا ماجد: بس حاطط سعر كتير غالي هو روز بتحدي: وانا رح اخدها من بين عيونو ماجد بقلق: بس، يا آنسة روز الشغلة اكبر منك.
روز: وانا قدها انشالله، شو نسيان انو انا دارسي ادارة اعمال، يعني بعرف بهيك شغلات، المهم انت شوف شو السعر الحاطو و حط فوقو الدبل ماجد: بس ميزانيت الشركة ما بتتحمل روز: اذا بدي بيع الفوقي و التحتي بدي اخدها ماجد بصوت ضعيف: عنيدة، بس بحبك روز: شو قلت؟ ماجد ببلاهة: هااا ما قلت شي، يالله انا لازم روح روز: الله معك.
خرج ماجد، وتارك روز تفكر بأمرها، ما هي النهاية الطريق؟، هل ستنجو ام ستوقع تحت براثم الليث؟، هذا الكلام كان يدور في ذهنها روز امسكت فنجاة القهوة و احتسئت منهُ: اوففف شي بيوجع الراس، الله يرحمك يا بابا شريف شو تعبت لحتى صرت و تصورة، للله يرحمك شو شتقتلك.
بشركة الاسمر، كان هذا اسم شركة ليث كان جالسً و الغضب يتطاير من عيناهُ ليث بغضب: اخدتها! كمال: اي و بسعر ما حدا توقعو ليث: شقد السعر؟ كمال: ٣٠٠، ٠٠٠$ ليث بانبهار: اوفففف اضعاف المبلغ يلي حطيتو كمال: اي، و المزاد فورا رسي عليها لاني كان اخر وقت هي اولاً، تانياً ماحدا حط فوقها ولا نص رقم ليث باعجاب: والله ما سهلة كمال بتاكيد: فعلاً لاني نص الشركات خسرت و فلست من وراها.
ليث بينو وبين نفسو: والله وطالع منك يا روز، يا بنت عمي المزيفة.
في شركة شريف الاسمر روز بفرحة: يسعد ربك يا ماجد اي هااا هاد الكلام يلي بفرح القلب ماجد بابتسامة: انبسطتي؟ روز: اوخخخخ خير الله، االيوم المسا بدنا نحتفل ماجد: ليش لأ منحتفل روز: لكن العشا بالمطعم(، ) تمام ماجد: ماشي.
في المساء دخل ليث إلى المنزل بارهاق ظاهر ع وجههِ، نظر إلى غيث الذي يُلاعب ابنهِ الذي لا يتجاوز اربعة اشهر ليث اخذ الطفل من يد غيث و قبلهُ من كل وجههِ غيث بابتسامة: اقعد ليث وهو يُقبل رؤوف الصغير: تعبان، بدي اطلع نام عبير زوجة غيث: لكن اتعشا معنا نحنا لسه ما تعشينا ليث بتعب: معليش غير مرة ما الي نفس اكل شي غيث بمحايلة: تعشا و اطلع نام عبير: اي و انا رايحة حط العشا بسرعة ما بطول فيه.
استسلم ليث للأمر الواقع، جلس ع الكنبة مقابل اخيهِ غيث: شو في جديد ليث: مافي شي، هلئ كل الحكي ع الصقفة الحديد غيث بفضول: ع مين رست بالاخر ليث بغيظ: اذا قلتلك ما بتصدق غيث بترقب: مين؟ ليث: بنت عمك المزيفة، روز غيث بذهول: بربك ليث وهو يلاعب رؤوف الصغير: اي والله، انا متلك ما صدقت بالاول بس شفت اسمها بالاخبار الاقتصاد غيث: مع اني انت حاطت سعر عالي ليث: اي وحطت اضعافو يعني ٣٠٠، ٠٠٠ $.
غيث بذهول: يا محمد، معناتا نازلة ع السوق قوية ليث بتاكيد: اي والله نص الشركات يلي كانت اهم شركات بالبلد فلست هلئ من وراها غيث باعجاب: حلوووو، والله اخت رجال هالبنت ليث بتفكير: فعلاً.
تحميل محتوى الموضوع
عرض نسخة صالحة للطباعة
أرسل هذا الموضوع إلى صديق
[4]
الدعوات : 2قوة السمعة : 10
رواية جسد بلا روح