رواية حبيب الروح

رواية حبيب الروح للكاتبة لولو الصياد الفصل الثاني

الخادمه: ام ملك هانم جت
امير: بصوت مكتوم: خليها تدخل
دخلت امراه فى حوالى ٢٨ من العمر ترتدى ملابس فاضحه ومكياج صارخ وهذا هو سبب انفصالهم عدم حبها سوا لنفسها وغرورها وحب الذات حتى انها لم تكن تهتم لابنتها كانت والدته هى امها والخدم هم اغلى عندها عن والدتها كانت ام بالاسم فقط تدعى سلمى
دخلت سلمى بكل عجرفه وغرور
سلمى: هاى
الام: اهلا يا بنتى.

بينما صلاح لم يرد نهائيا عليها كان ينظر لها بقرف يشعر دائما بالنفور والقرف حين يراها يشعر بالغيظ من نفسه يشعر بالخطاء الفادح الذى ارتكبه بالزواج من تلك المراه بالنسبه له الحسنه الوحيده هى ابنته ملك
اسرعت ملك تحتضن والدتها
ولكن سلمى نزلت الى مستواها قبلتها قبله عاديه وربتت على وجهها
سلمى: اهلا بيبى وحشتى مامى
ملك بطفوله: ماما شيلينى.

سلمى: لالا يا موكا ماما فستانها يبوظ يتكسر اطلعى فوق العبى لان عاوزه بابى
ملك بحزن: اوك
الام: تعالى يا بنتى نلعب سوا
جرت ملك وارتمت فى حضن جدتها الدافىء وتركتهم وذهبت
كان صلاح يشعر بنار تنهشه من الداخل وتلك النظره الحزينه بعيون طفلته كانت مثل الرصاصه التى تخترق صدره
صلاح بقرف: انت ام ازاى
جلست سلمى بغرور واخرجت سيجاره واشعلتها وهى تنظر له ببرود
سلمى: بليز يا صلاح بلاش محاضره كل مره ياريت نتكلم فى المهم.

صلاح: خير يا ترى ايه اللى فكرك بينا
سلمى. بجديه. وهى تاخد نفس من السيجاره
سلمى: ملك
صلاح بعدم فهم: ملك ليه مالها
سلمى: بهدوء: ملك انا عاوزها تعيش معايا وطبعا والدتك كبيره ومفيش ست تاخد بالها منها ومش هسيبها للخدم انا
صلاح. بغضب: يعنى ايه
سلمى: بجديه. بنتى عاوزها يا اما يكون لها ام
صلاح: بعصبيه: انت عاوزنى ارجعك ليا تبقى بتحلمى.

سلمى: بسخريه: انا ارجعلك تانى ارجع للزهق والقرف نو يا قلبى انا عاوزك تتجوز وخلال اسبوع: بس لو اتجوزت خلاص هسيبهالك واتنازل عن حضانتها بس كمان هتدينى مبلغ صغير
صلاح: بسخريه: وليه اللفه دى تما اديكى فلوس وخلاص وتتنازلى
سلمى: بابتسامه ساخره نو يا قلبى انا عاوزه اخليك تتجوز فى خلال اسبوع علشان تيجى واحده تطلع عينك وابقى كده خدت حقى
صلاح: بتحدى: ماشى يا سلمى اسبوع واتجوز واخد بنتى للابد منك.

سلمى: بفرح: اوك اتفقنا اسبوع وارجعلك باى يا قلبى.

على الجانب الاخر فى منزل مريم المنصورى
فتاه من اسره بسيطه تعيش مع اخوها وزوجته حياه صعبه زوجه اخيها دائما ما تعايرها بكل شىء وخصوصا انها ليست جميله انما فتاه عاديه طبيعيه بعيونها السوداء ووجهها البيضاوى وانفها وفمها الصغير وما يميزها تلك الابتسامه والغمازات بوجهها
نزلت مريم الى شاهى وهى تستغفر ربها من كلام زوجه اخيها وسخريتها منها
شاهى بمرح: ايه ام اربعه واربعين ضايقتك تانى.

مريم بحزن: انا مش عارفه فى ايه هى ناسيه ان ليا نص الشقه انا خلاص يا شاهى تعبت ورحمه امى خلاص حاسه انى كل ما ادخل البيت كانى داخله اتعدم بحس بحسره وكسره غريبه واخويا عادى ولا هو هنا يقولى معلش حامل والحوامل خلقهم ضيق
شاهى: بهدوء: معلش يا روما متزعليش ان شاء الله ربنا يعوض صبرك خير
مريم: يارب يله بينا
ركبت كل منه التاكسى وتوجهوا الى شركه صلاح كانت كل منهم تشعر بتوتر غريب
واخيرا سمح لهم بالدخول.

كان صلاح ينتظر دخول تلك الفتيات الذين صمموا علي الدخول معا.

صلاح برسميه: اهلا وسهلا
مريم بقوه: اهلا بحضرتك انا مريم ودى صحبتى شاهيناز وده السيفى بتاعنا
نظر صلاح باوراقهم
صلاح: برافوا كويس جدا اتفضلوا اقعدوا
جلست الفتيات امامه وكان صلاح ينظر لهم بتقيم ولكن شعر بجاذبيه غريبه تجاه مريم وخصوصا تلك النظره الحزينه بعيونها
سالهم عده اسئله واخيرا
صلاح: تمام انا عجبنى جدا ردكم وثقه النفس وانا بحب كده وعلشان كده ان شاء الله تم قبولكم فى الوطيفه.

شعروا بفرحه كبيره للغايه
صلاح: بجديه من بكره الساعه ٨ تكونوا هنا ان شاء الله
شاهى. بسعاده: ان شاء الله
كان صلاح يتابع مريم بكل شىء وخصوصا ما شده اليها اكثر التزامها وحجابها الذى يزين راسها
خرجوا من الشركه وهم يطيرون فرحا
وتوجهت كل منهم الى منزلها.

على الجانب الاخر
كان امير هو مرام يجلسون بمنزلها فى الصالون الخاص بهم
مرام. بدلع: امير حبيبى عاوزه طلب
امير: بحب: انتى تؤمرى حبيبتى
مرام: بدلع: انا عاوزه هديه معينه لعيد ميلادى
امير: ايه هى
مرام: بسرعه: عاوزه احدث موبايل تمنه ١٠ الالاف جنيه بس
امير بصدمه: بس ده مبلغ كبير وانتى عارفه ظروفى وكمان انتى عارفه انى بجهز شقتنا
مرام بغضب: كل شويه كده انت بخيل اوى اوف.

امير بهدوء: انا مش بحب ازعلك ولا بحوش عنك حاجه بس فى حاجات اهم يا مرام وانتى المفروض تاخدى بالك من كده وكمان تشجعينى على التدبير لاننا بنبنى حياتنا
مرام. بزهق: اه هندخل فى محاضره كل مره
امير بحزن: خلاص يا مرام هجبلك الموبايل حاضر
مرام بفرحه: واو اهو كده تبقى حبيبى.

وصلت مريم الى منزلها وهى تشعر بفرحه كبيره
دخلت وجدت اخيها وزوجته يشاهدون التلفاز
مريم: مساء الخير عليكم
ردوا السلام ونظروا لها
اخوها: ايه حاسك فرحانه
مريم: ايوه جدا انا قبلت فى الشغل
الاخ: مبروك
زوجه اخيها: بغيظ: مبروك يا اختى على الله تعمرى فيه
مريم بهدوء: ان شاء الله
زوجه اخيها: مش هتقولها علشان تفرحها كمان
مريم: وهى تنظر لاخيها بتساؤل: يقولى ايه
الاخ: جايلك عريس الحج فتحى صاحب السوبر ماركت اللى تحت.

مربم بصدمه: ده عنده ٥٠ سنه ومتجوز ٢ انت اكيد بتهزر
زوجه اخيها: وهي تعادل وتتجه نحوها: هو انتى طايله ده راجل مقتدر وهيعيشك فى نعيم
مريم بغضب: وانا مش موافقه
الاخ: بهدوء. ليه كده
مريم: بغضب: دى حياتى وانا حره
زوجه اخيها: وهي تشعلل النار بينهم: لا ماهو انا مش هفضل متحملاكى كتير
مريم وقد فاض بها: تتحملى متتحمليش ماليش فيه
زوجه اخيها: تقصدى ايه.

مريم. بعصبيه فقد فاض بها الكيل: اقصد والكلام ليكم انتم الاتنين جواز مش هتجوز وانا ليا نص الشقه وقله ذوق تانى مش هسمح والزمى حدودك بعد كده انا اتحملتك كتير
زوجه اخيها: وهي تمثل البكاء. شايف عمايل اختك
الاخ بغضب: ايه مالكيش كبير يحكمك.

مريم: بعصبيه: لما تبقى عادل الاول تبقى تتكلم انما انت ظالم يا اخويا شايفنى بتهزق وتسكت شايفنى مراتك بتكسر فرحتى دايما وتسكت شايفنى بتزل فى بيتى وتسكت لكن خلاص ماهو مش هتعمل راجل عليا انا بس.

فجاءه ودون مقدمات نزلت صفعه على وجهها جعلتها تنصدم تبكى بقهر ذلك الظلم اهى تلك وصيه اهلها هل هذا هو ذلك الوعد الذى قطعه لابيها ان يحميها ويكون الاب والاخ وكل شىء لها ولكن كل شىء تغير منذ دخول تلك الحيه الى حياتهم
الاخ: هتتجوزيه غصب عنك وورينى هتعملى ايه
مريم: بعصبيه وهي تمسك وجهها ودموع الحزن تنهمر. على وجهها: هنشوف يا ابن ام وابوياد..

رواية حبيب الروح للكاتبة لولو الصياد الفصل الثالث

مرت عده ايام كانت شاهى دائما ما تتجنب امير نهائيا
كانت تشعر بالقرف حين تسمعه من بلكونه غرفتها لقربها من غرفته وهو يتحدث مع مرام
ويخبرها بحبه كانت تتمزق من الداخل
ولكن الغريب انها لم تعد تذهب الى منزلهم وكان قلبها رفضع الخضوع والاستسلام للالم.

فى منزل امير
كان والدته تجلس بانتظاره حين خرج من غرفته
امير: صباح الخير يا امى
الام: صباح الهنا يا حبيبى خلاص هتفطر وتنزل
امير: اكيد ماهو لازم اروح اجيب البرنس بتاعك من المطار علشان يتغدى هنا وبعدين نروحه فيلته
الام: بيفكرنى بخالك الله يرحمه نسخه منه
امير: فعلا كرم نسخه من خالى بس مش عارف ازاى خالى غنى كده وانتى لا هههههههههه.

الام: الله يرحمه سافر بره من وهو شباب. وخد مراته وخلف كرم وكان مجتهد وفتح شركه واتنين لحد ما بقى رجل اعمال مشهور واهو كرم كمل بعده واخيرا قرر يرجع بلده علشان يعيش هنا
امير: هو كرم كام سنه دلوقتى
الام: ٣١ سنه بس نفسى يتجوز بنت الحلال اللى تسعده وتتحمله لانه عصبى جدا
امير: انتى هتقوليلى انا عارفه ده عامل زى الوحش لما بيتعصب رغم انه حكيم جدا
الام: فعلا يله كل بسرعه وروح هاتوا واحشنى اوى
امير: حاضر...

فى مطار القاهره الدولى
كان يحمل حقيبه سوداء ويمشى بكل شموخ رافع الراس لا يلتفت حوله
لا يهم سوى نفسه بينما كان يسمع همسات النساء على اناقته وجماله وهناك من يقول انه نسخه اخرى من حسين فهمى فيبتسم
نعم فعيونه الزرقاء وشعره البنى الناعم وبياض بشرته دائما ما كانوا محط الانظار ودائما ما كان والده يخبره انه يشبه ممثل مصرى.

كرم الحناوى شاب ٣١ من عمره رجل اعمال صارم جدا لم يعشق ولم يحب ولا مره بحياته وعلى رغم ذلك كانت له عده علاقات عابره. ولكن لم تاتى الى الان من تخطف روحه وقلبه ينتظرها كما اخبرته والدته انه حين يراها ستخطفه من النظره الاولى
بحث كرم حوله حتى وخد ابن عمته امير
اقترب منه بخطوات مدروسه واحتضنوا بعض بقوه
امير: واحشنى يا برنس
كرم: بضحك وانت كمان مش هتبطل برنس دى.

امير بمرح: والله يا بنى برنس قليله عليك وضحك بقوه ده انا بحس نفسى جنبك قرد وضحكت يا خوفى خطيبتى تفلسعنى علشانك
كرم: لالا متقلقش انت الاحلى
توجهوا الى سياره امير ومنها الى المنزل.

فى شركه صلاح
كانت مريم وشاهى يقمومون بعملهم على اتم وجه بينما كان
صلاح يتابعهم بكل خطوه واحيانا كان يختلس النظر ليهم ويحاول التقييم بينهم ومحاوله اختيار احدهما وبعد ما وصل عنهم من معلومات وجد ان مريم هى المناسبه له وظروفها تساعده على مفتحتها فى موضوع الزواج لعرض الحفاظ على ابنته
مريم: بس ومن ساعتها مبنتكلمش انا وهما.

شاهى بغضب: من الاخر اخوكى ده مش راجل الراجل اللى يمشى ورا كلام مراته يركب قرون احسن وبعدين انتى اخته يرميكى كده كل ده علشان الست هانم فعلا والله حرام مش ده اخوكى اللى انا عارفاه خالص
مريم: بحزن: فعلا
شاهى: من ساعه ما اتجوز العقربه دى وهو اتحول لانسان تانى قاسى عديم المشاعر.

مريم: هى مش سهله يا شاهى وكمان اخويا. مالوش اى خبره مع الستات وهى استغلت دى وهى تفكيرها مش سهل بس انا والله مش زعلانه منه على قد ما مصدومه انه يقولى كده
شاهى: سيبك انتى مش صغيره ولا قاصر واعلى ما فى خيلهم يركبوه يخبطوا دماغهم فى الحيطه
مريم: وده اللى هعمله فعلا
قطع حديثهم دخول السكرتيره الخاصه بصلاح وطلب مريم الحضور الى مكتبه
شاهى: اشمعنا يعنى
مريم وهى تقوم بتظبيط ملابسها
مريم: دلوقتى نعرف.

طرقت مريم الباب ودخلت
سمح صلاح لها بالدخول رغم توتره الداخلى الى انه رسم الهدوء على وجهه
مريم: صباح الخير يا فندم
صلاح: صباح النور اتفضلى اقعدى
جلست مريم على الكرسى امام مكتبه ونظرت له بتساؤل
صلاح: احم بصى يا مريم وتسميحلى اشيل الالقاب
مريم: اتفضل.

صلاح: انا راجل عندى بنت هى كل حياتى كنت متجوز ست اقل ما يقال عليها انها معندهاش قلب طلقتها وبنتى معايا حاليا بس للاسف فى حضانه امها وهى حاليا بتهددنى بكده انها تاخدها منى ولو خدت ملك يبقى بنتى ضاعت
مريم: بس انا مالى بكل ده
صلاح: ام ملك خيرتنى يا اما اتجوز خلال اسبوع يا اما تاخد ملك
مريم: مش فاهمه برده انا مالى.

صلاح: انا عملت بحث عنك وجمعت شويه معلومات منها عرفت انك مش مرتاحه فى حياتك مع مرات اخوكى ودايما مشاكل وحاجات تانيه حسيت ان ممكن توافقى نتجوز انتى ترتاحى من كده وانا احافظ على بنتى وصدقينى عمرك ما هتندمى لو وافقتى
مريم...

رواية حبيب الروح للكاتبة لولو الصياد الفصل الرابع

نظرت له مريم بهدوء
مريم: صلاح بيه انا فعلا مقدره كلامك كويس بس انت فاهم حياتى غلط انا ممكن يكون بينى وبين اخويا مشاكل بس مش لدرجه انى ادمر باقى حياتى وكمان مين قالك انى مبحبش حد
صلاح بتساؤل وتوتر: بتحبى حد
مريم: ايوه هو انا مش زى اى بنت احب واتحب انا فعلا بحب واحد ومفيش غير شاهى اللى تعرف بس كمان هو ميعرفش بس فى كل صلاه بتمنى يكون من نصيبى مقدرش اوافق اتجوزك وانا قلبى وروحى معاه.

صلاح: احترم صراحتك واسف لو كنت ازعجتك
مريم وهى تقف: ولا يهمك واتمنالك كل خير بعد اذنك
خرجت مريم بسرعه من الغرفه وتوجهت الى مكتبها هى وشاهى كانت شاهى تنتظرها على احر من الجمر لتعلم ماذا حدث
شاهى: ها كان عاوز ايه
حكت لها مريم كل شىء
شاهى: عارفه ان صلاح ده كل ما اشوفه بيفكرنى بامير
مريم: بصراحه مفيش مقارنه صلاح راجل جد جدا وامير مجنون
شاهى: سيبك عرفتى انه وصل
مريم: هو مين.

شاهى: احم كرم يا مريم جه مصر وقرر يستقر هنا
شعرت مربم بقلبها يخفض بقوى اتى اخيرا رجع الى مصر سنوات طوال تحلم به مرت ثلاث سنوات منذ ان راته تشتاق له وبقوه
مريم: ياااه واحشنى اوى يا شاهى
شاهى: وهى تقف وتضمها اليها
شاهى: ان شاء الله يحس بيكى وتتجوزوا واخلص منك
مريم: نفسى يا شاهى نفسى اسمع منه بحبك نفسى تكون الاحلام حقيقه متفضلش خيال بتمنى ربنا يعوضنى بحبه ليا وانه يعرف اد ايه انا بحبه.

شاهى: ربنا يحققلنا كل اللى بنتمناه
مريم: يارب...

على الجانب الاخر فى منزل مرام
والدتها سيده تدعى كريمه وهى امراه متسلطه غريبه الطباع مثل ابنتها
الام: ايوه يا بت انحلى وبروه ويا هبله ليه تخليه هو يشترى خدى انتى منه الفلوس وقوليله هشترى انا وحوشيها لنفسك
مرام: تصدقى عندك حق
الام: يا بت ده انا اى قرش بطلوه بعينه واجيب دهب واخبيه للزمن اصل الراجل مالوش امان يا مامنه للرجال يا مامنه للميه فى الغربال.

مرام: والله عندك حق: يا ماما بس انا كل اللى غيظنى من امير زفته الطين بنت خالته
الام: مالها مقصوفه الرقبه دى عملت ايه
مرام: اوف معملتش بس مخنوقه منها عاوزه اخلص منها
الام: بتفكير: هقولك تعملى ايه
مرام: قولى...

وصل اخيرا امير وكرم الى منزله والدته
بعد الترحاب والسلام بين وبين عمته والعناق الطويل والبكاء لشده الاشتياق هاهم يجلسون بعد الغذاء يتناولون الشاى
الام: وانت ناوى تفتح شركه هنا
كرم: ايوه فعلا هكمل شغلى فى مجال الادويه زى والدى الله يرحمه
امير: ما تاخد ابن عمتك الغلبان تشغله معاك
كرم بجديه: ومين قالك انك مش هتشتغل معايا
امير بفرحه: بجد
كرم: طبعا اعمل حسابك انك هتمسك حسابات شركتى كلها.

امير: يابركه داعكى يا اما
الام: بضحك ابنى اتهبل
كرم بضحك: من زمان
امير: بضحك وربنا انا فرحان اوى لدرجه انى عاوز ارقص
كرم: مش بنقول اهبل
امير: اهبل بس واد مز.

كانت شاهى تتجه الى منزلها حين وجدت مرام تقف على جانب الشركه
وكانها تنتظر احد بينما شاهى تخرج وحدها لذهاب مريم مبركا لامر هام ب الجامعه
قررت شاهى تجاهلها منعا للصدام بينهم لعلها بانتظار احد
ولكن كانت المفاجاه ان مرام وقفت امامها وكانت تبدو وكانها عقدت العزم على شىء ما خطير
شاهى: ازيك يا مرام
مرام بلهجه ساخره: كويسه
شاهى: خير
مرام: من الاخر كده انتى مش هتحلى عننا ولا عاوزنى افضحك.

شاهى: تفضحى مين وتحلى عن مين
مرام هى تحرج من حقيبتها ظرف ما وتفتحه وتعطى ما بداخله الى شاهى
وسط نظرات شماته وفرحه
اخذت شاهى الظرف ولكن صدمت وبقوه لما راته حتى كاد يغمى عليها من الرعب.