رواية فارس عشقي

رواية فارس عشقي الجزء الثاني للكاتبة سحر فرج الفصل الثالث عشر

ابعد يا حيوان .. ابعد حرام عليك .. ابعد ابوس ايدك .
وللاسف فهد شدها من فستانها اللى كانت لبساه واتقطع وجزء كبير من جسمها بان وحاولت تحافظ على نفسها وغطت جسمها بأيديها وصوت صريخها سمع عز من بره فاعرف انها فى الاوضه دى فضل يخبط كتير ويرزع على الباب ويقول .. افتح يا فهد . افتح .. هاموتك لو جيت جنبها اقسم بالله .

بس للاسف فهد كان زى الحيوان وشدها وحدفها على السرير وقرب منها وحاول يبوسها بس هى بتقاومه وتصرخ وهو زى المجنون بيحاول يوصل ليها تانى باى طريقه وبيشد الفستان ويقطعه اكتر واكتر ولسه هايبوسها كان عز اسرع منه وكسر الباب
وراح شده من قفاه وفضل يضرب فيه زى المجنون بكل قوته ويقول ..
انت حيوان
انت قذر
انت مجرم
انت لا يمكن تكون بنى ادم
انا هاموتك
انا هاموتك يا فهد يا جبالى
ودب دب فيه لحد ما وشه غرق دم وفقد الوعى من كتر الضرب الى ادهاله عز .

وكل ده ورهف مش متخيله اللى حصل وحاسه انه مجرد كابوس بتحلم بيه وبتحاول تصحى منه .. وفضلت تصرخ وتصرخ باعلى صوتها .
وكانت واقفه بعيد عن السرير فى ركن من الاوضه وفضلت منكمشه فى نفسها زى الاطفال وبتحاول تغطى جسمها اللى ظهر من قطع الفستان .
وكانت ميته من العياط ومش مصدقه اللى حصل معاها ده .. وكل ده وهى مش شايفه الشخص اللى بيضرب فهد بالقسوة دى لانه كان مديها ضهره .
وفجاه وقف عز عن ضرب فهد واتاكد انه فقد الوعى فخد نفس طوييييل ولف نفسه بسرعه علشان يطمن على رهف اللى اول لما شافته اودام عنيها ...

رهف .. عزززززززززززززززز
جريت عليه واترمت فى حضنه كانها لقت الامان واطمنت بوجوده .
عز ضمها فى حضنه اوى وحس برعشه جسمها من كتر الخوف والرعب اللى مرت بيه وكان هاين عليه يدخلها جوه ضلوعه ويخبيها عن الناس كلها وقال ...
اهدى يا حبيبتى .. اهدى خالص .. انا جنبك متخافيش من اى شىء .. اهدى يا رهف اهدى ارجوكى محدش هايقدر يجى جنبك .. وفهد ده انا هاموته .. اقسم بالله هاموته لو فكر يجى جنبك مرة تانيه .

وقام قالع قميصه ولبسه لرهف علشان يدارى جسمها المكشوف ده .
وفجاه انتبهت رهف لكلام عز وبعدت عنه وبكل علامات الاستفهام اللى فى الدنيا مسحت دموعها وقالت ... انت تعرف الحيوااااان ده يا عز ؟
عز اتصدم من السؤال ده وبرق عيونه ومعرفش يرد ولا كلمه .
رهف بصدمه اكبر قالت ... هو ده فهد الجبالى اللى يبقى عمك يا عز و الدكتور حسام بيجى يعالجه هنا
عز حس انه عاجز عن الكلام وقال ... انااااااااا
رهف .. اناااا ايه يا عز انطق !

عز حاول يقرب منها ويفهمها الحقيقه كلها بس للاسف رهف بعدت عنه وقالت .. انت عز الجبالى ابن اخو الحيوان القذر ده ومش بعيد تكون انت اللى خطتت لخطفى انا وهمس صح يا عز .
عز قرب منها وحاول يمسك اديها علشان يفهمها الحقيقه بس رهف ما ادتهوش فرصه لكده وزقت ايده وقالت .. ابعد عنى يا حيوان .. ابعد عنى خالص .. انا مش عاوزة اشوف وشك اودامى .. اخرج بره .. اخرررررج براااااااا .

لحد ما وقعت فى الارض وفقدت الوعى وده اللى جنن عز من كتر خوفه عليها فجرى شالها بسرعه ونومها على السرير وغطاها علشان جسمها اللى باين ده وحاول يفوقها بس للاسف فضلت فاقده الوعى .
عز القوى الشديد العنيد اللى بيرعب الناس كلها من قوته وجبروته دموعه بدات تنزل وحس بخوف اول مره يحسه تجاه حد خايف انه يفقده وقال ..

فوقى يا رهف
فوقى يا حبيبتى
انا بحبك
بحبك اوى اوى
انا اول مرة احب حد بالشكل ده
انا عمرى ما هاقدر أءذيكى
ولا هاخلى حد يأذيكى طول ما انا عايش .
فوقى يا حبيبتى
فوقى ارجوكى
اوعى تسبينى زى ما الكل بيسيبنى ويموت
فوقى يا رهف ابوس ايدك .

بدا النهار يطلع وكان يادوبك فارس لسه راجع هو والشباب من قسم الشرطه وكان الحزن سيد الموقف عليهم كلهم وطبعا بالتحديد فارس وعمر اخو همس
ركنوا عربياتهم ودخلوا على جوا وراحوا على شقه عمر اللى كان الكل متجمع فيها و كانوا لسه سهرانين لوش الصبح ومحدش عرف ينام خالص منهم و مستنين اى خبر يطمنهم على البنات .
دخل فارس وقال .. سلام عليكم .

ام همس وخالته سعاد .. خير يا فارس يا ابنى طمنى عملتم ايه ؟ والشرطه قدرت تعرف مين عمل كده فيهم ؟
ابوا فارس .. اهدوا يا جماعه وادوهم فرصه يشموا نفسهم ويستريحوا دول زمانهم مش قادرين يقفوا على رجليهم .
ام فارس .. غصب عنهم يا حاج .. دول مهما كان عيالهم وكلنا عاوزين نطمن عليهم باى شكل .

فارس بكل حزن ... للاسف لحد دلوقتى مقدروش يوصلوا لاى شىء ولا عرفوا مين اللى عمل كده وايه سبب خطفهم هما الاتنين .. وحاولوا يشوفوا الكاميرات بتاعه الفيلا جوا وبره ولقوهم مش مسجلين اى شىء .. وده يدل على ان فيه حد قاصد انه يبوظهم او يوقف تشغيلهم علشان ما يسجلوش اى حاجه من اللى حصلت والشرطه ما تقدرش توصل ليهم بسهوله .

كل اللى قدروا يكتشفوه من كلام عم احمد البواب الشاهد الوحيد ان اللى كانت مقصوده بالخطف هى همس مش رهف .. ورهف خطفوها خوف من انها تكون شافتهم وتقول للشرطه على شكلهم واوصافهم لما خرجت تطمن على همس .
ام همس ... يا لهوى يا بنتى يا ترى انت فين وعملوا فيكى ايه يا حبيبتى .. طيب مين اللى عاوز يأذيها ويخطفها عملت ايه هى لده كله .

عمر قرب من امه وحاول يطمنها ويهديها علشان خاطر صحتها وقال ... اهدى يا امى .. ان شاء الله هنلاقيها وترجع لينا فى اسرع وقت .. الداخليه كلها بتدور وبتعمل تحرياتها ومتنسوش موضوع الترشح بتاعها ده .. علشان كده هما مهتمين بالموضوع جدا جدا وان شاء الله هاتيجى بالسلامه هى و رهف .
سعاد بدموع ... يا ترى يا بنتى عامله ايه دلوقتى ولا مكانك فين .. ربنا يسترها عليكم وترجعوا بالسلامه .
لو كان ليكى اخ او ابوكى موجود مكنش حصل فيكى كده يا حبيبتى .

فارس راح قعد اودام رجل خالته سعاد ومسك اديها وباسها وقال .. ليه كده بس يا خالتوا . انا اخوها اهو وموجود وهاعمل المستحيل علشان ارجعهم .. وبابا كمان اهو موجود معانا ربنا يخليه ومتنسيش انه بيحب رهف جدا جدا وهو اللى رباها من وهى صغيرة .. ولا ايه يا خالتوا .
امسحى دموعك يا حبيبتى واطمنى ان شاء الله هاترجع لينا هى وهمس فى اسرع وقت .
وجه يقف وغصب عنه وهو جاى يقوم ويرفع نفسه من قعدته اودام رجل خالته .. الجاكيت بتاه عز وقع على الارض فشاله ورفعه من على الارض وحطه على الكنبه.

امه خدت بالها وافتكرت موضوع الجاكيت ده وانهم لاقوه على تربيزة فى الجنينه فقالت .. ده جاكيت عز يا فارس يا ابنى .. لقيناه فى الجنيه ابقى ادهوله لما تفوق من اللى انت فيه ده يا حبيبى ونطمن على البنات .
فارس .. ماشى يا امى .. اسيبكم انا بقى واطلع اغير هدومى دى وانزل اروح تانى على قسم الشرطه .

كل الفترة اللى عدت دى وهمس كانت لسه على السرير من ساعه ما فقدت الوعى وحطوها فى اوضه غير اللى فيها رهف .
فابدأت تفوق وفتحت عنيها بشويش ولقت نفسها فى نفس الاوضه اللى اتخطفت فيها اول مرة وفهد حاول يعتدى عليها فيها .
وافتكرت كل اللى حصل معاها هى ورهف .
وقامت منطورة من على السرير وحالتها كانت سيئه جدا جدا .

ولقت باب الاوضه مفتوح فخرجت بشويش على طراطيف صوابعها علشان محدش يحس بيها .. وكان كل همها انها تطمن على رهف وتشوفها هى فين بالضبط .
فافتحت كذا باب اوضه وللاسف مكنش فيها اى حد خالص .
لحد ما وصلت لباب الاوضه اللى كانت فيها رهف وعز الجبالى وكان الباب مقفول فافتحته بشويش واتصدمت اول لما شافت رهف نايمه على السرير اللى موجود فى الاوضه وشكلها مبهدل وشعرها منكوش وهدومها مقطعه .
فخافت لا يكون حد عمل فيها حاجه وجريت عليها وبدات تفوقها بشويش من غير ما حد يسمع .

همس بدموع قالت .. رهف .. رهف .. فوقى يا حبيبتى .. فوقى يا حبيبتى . انا السبب انا السبب فى اللى حصلك ده فوقى ارجوكى .
لحد ما بدأت رهف تفتح عنيها بارهاق وتعب واول لما شافت همس اودمها افتكرت كل اللى حصل معاها من فهد ومن عز وجالها زى حاله هيستيريه وبدات تصرخ وتدارى فى جسمها المكشوف .
همس .. اكيد الكلب ده عمل فيكى حاجه .. انا هاموته اناااا هاموته .
وارجوكى اهدى اهدى يا رهف .
عز كان قاعد تحت بعد ما دخل فهد اوضه وقفل عليه بالمفتاح لحد ما يشوف هايتصرف معاه ازاى .

وكان معاه الرجاله كلها وبمنتهى الغضب والقوة والبركان والثورة الى جواه قال .. مين اللى قالكم تيجيبوا رهف مع همس
واحد منهم قال انااااااااااا يا باشا
وقبل ما يكمل ليه الكلام كان عز فى ثانيه مطلع سلاحه وضاربه بالنار اودام الكل.
الكل بدا يتوتر ويخاف من الغضب اللى فيه عز وكانوا اول مرة يشوفوه فى الحاله دى فكشوا واترعبوا من منظره .
فامرهم عز انهم يمشوا ويسيبوا الفيلا خالص دلوقتى بعد ما يخفوا الجثه دى من هنا .. ولو احتجهم او عاز حاجه منهم هو هايكلمهم بنفسه .
ومن هنا ورايح يخدوا أوامرهم منه هو وبس .

وينسوا ان فى حاجه اسمها فهد الجبالى .
ودلوقتى فيه عز الجبالى وبسسسسسس .
واحد من الرجاله .. طب يا باشا وبالنسبه لبلال اللى محبوس فى الاوضه الى جنب المخزن هانعمل فيه ايه .
عز .. سيبوه زى ما هو لحد ما اشوف انا هاتصرف معاه ازاى .
وفعلا الرجاله خرجت بجثه الراجل اللى عز موته ونضفه المكان وسابوا الفيلا خالص وخرجوا منها كلهم .
عز فضل قاعد لوحده يفكر فى كل اللى حصل مع رهف ومع همس هى كمان وحس ان عمه ده انسان قذر جدا جدا علشان اللى عمله معاهم وكان عاوز يعمل اكتر لولا هو جه فى الوقت المناسب وانقذهم وندم انه مشى وراه وورا كلامه ده ونفذهوله كمان
وفجاااااااا...

سمع صوت صريخ رهف فجرى على فوق بسرعه وراح على الاوضه الى هى فيها واتصدم من الحاله اللى فيها رهف و بوجود همس معاها
همس عيونها جت عليه واتفأجات بوجوده هنا بالتحديد واتاكدت ان شكوكها صح وانه مش مجرد تشابه اسماء وان عز الجبالى ده قريب فهد الجبالى .
همس برعب .. انت بتعمل ايه هنا
عز بهدوء .. ارجوكى متخافيش .. انا ماليش ذنب فى اى شىء .. واوعدك محدش هايجى جنبك ولا جنب رهف .. والله العظيم ما هاعملكم اى شىء ولا هاخلى حد يقرب منكم .. ارجوكى صدقينى .
همس بخوف .. انتم اكيد مجانين .. انتم عاوزين مننا ايه .. لو كلامك ده مضبوط . رجعنا على البيت دلوقتى .
كل ده ورهف واقفه وبتراقب كلامهم وهى مكسورة وحزينه وفجاه ..

لا برافووو يا عز باشا .. برافو اللى انت عملته ده وجبتنا لحد هنا وتحت رجل عمك القذر ده .. وقدرت تكسرنى .. بس ذنب همس ايه .
ليه عملت كده يا عز ليه .. انا عمرى ما اذيتك فى اى شىء .. انا مجرد دكتورة وبتأدى وظيفتها نجاه المريض بتاعها .. ليه دايما بتحسسنى انى رخيصه فى نظرك ليييييه يا عز .. وياترى قدرت تعمل ايه انت ولا عمك وانا فاقده الوعى .
عز حب يدافع عن نفسه فقال ... والله يا رهف انا ما عملت حاجه ولاحد قرب منك ابدا اطمنى .
انا ماليش دعوة بكل اللى حصل معاكى انتى بالذات .. انتى متعرفيش اناااااااا بح...
رهف .. متكملش .. انت انسان قذر زى عمك بالضبط .. انا مش عارفه **كم ايه بالضبط .. حرام عليكم حراااام عليكم .
كل ده وهمس واقفه مستغربه ان عز ورهف عارفين بعض فقالت ! رهف انتى تعرفى عز الجبالى ده .

رهف بدموع ... للاسف عرفته من كام يوم وكان مريض عندى فى المستشفى مش اكتر
عز بتأنيب الضمير قال ... انا مستعد ارجعكم دلوقتى حالا للبيت .
رهف وهمس بصوا لبعض وهما مش مصدقين كلامه وفى صوت واحد قالوا ... معقول انت بتتكلم بجد .
عز قرب من رهف وحاول يمسك اديها بس هى للاسف بعدت بخوف عنه وده اللى خلاه يزعل من نفسه لانه وصلها للحاله دى وخلاها تخاف منه كده فقال ... رهف انا بحبك وعمرى ما هاسمح لاى حد انه يقرب منك ولا من همس .. ارجوكى تصدقينى .
رهف بشجاعه .. انا عمرى ما هاسمحلك انك تكدب او تضحك عليا يا عز بيه بكلمتين زى دول وعمرى ما هاصدقك فى اى شىء تقوله انت فاهم .. وعمرى ما هاحب حد زيك عمرررررى عمررررررى.

عز بحزن .. ماشى يا رهف ماشى المهم دلوقتى يالا ننزل بسرعه من هنا علشان ارجعكم على البيت ومسيرك فى يوم تعرفى انى مش بكدب عليكى .
وفعلا بدؤوا يطمنوا شويه من كلام عز معاهم
وراح جاب من اوضته قميص وبنطلون علشان رهف تغير فستانها اللى اتقطع ده وراح اداهم ليها علشان تغير بسرعه وبلغهم انه هايستنى تحت لحد ما تخلص تغير وتلبسهم .

وفعلا رهف خدتهم ولبستهم وفى اقل من خمس دقايق خدوا بعضهم هما الاتنين رهف وهمس ونزلوا لتحت وعز قام وقف اول لما شافهم وخدهم وخرجوا من باب الفيلا وطلعوا للجنينه .
بس للاسف محدش شاف ولا سمع فهد الكلب وهو واقف فى شباك اوضته زى المجنون وبينده على اى حد من الرجاله يطلعله .
واول لما شاف عز وهو خارج مع همس ورهف
قرب باب القصر مد ايده بسرعه وجاب المسدس بتاعه اللى كان جنبه على طول وراح على الشباك تانى وبصوت عالى قال ...
عززززززززززززز .

البنات اول لما سمعوا صوته المرعب ده اترعبوا وخافوا اوى ولفوا نفسهم لمصدر الصوت .
عز لف نفسه هو كمان وعينه جت على فهد الجبالى وهو ماسك مسدسه ومصوبه ناحيتهم وقال ... عاوز ايه يا فهد يااا جبالى .
فهد بغضب ... انت واخدهم ورايح على فين يا ابن اخويا .
عز رجع البنات ورا ضهره لما شاف منظرهم كده وحس وشاف رعشه جسمهم وقال ...
انا هارجعهم لبيوتهم يا فهد عندك مانع .

فهد صوب مسدسه تجاه عز وقال ... لو خرجت بيهم بره باب القصر يا عز هاقتلك .
عز بابتسامه عريضه قال ... مش هاتقدر تمنعنى يا عمى انت فاهم .. ومش هاتقدر تؤمرنى تانى باى شىء ولا تسيطر عليا .
طول عمرى كنت ليك انسان مطيع وبنفذ كل شىء تقولى عليه من غير ما افكر فيه .. لكن لحد هنا وهاقولك لا يا فهد لااااااااا .
وعز مسك ايد رهف وايد همس ولف نفسه ولسه هايخرج من باب القصر الا وفهد كان ضربه بالمسدس والطلقه جت فى عز .
البنات بدات تصرخ جامد وعز وقع على الارض غرقااااااااان فى دمه .

رواية فارس عشقي الجزء الثاني للكاتبة سحر فرج الفصل الرابع عشر

بس فى ثوانى كان عز مطلع مسدسه بصعوبه من بنطلونه وصوب على اتجاه فهد وركز اوى وضرب رصاصه جت فى نافووووخ فهد مباشرا .
البنات فضلت تصرخ جامد .. ورهف نزلت جانبه على الارض ورفعت راس عز على ايديها ودموعها كانت مغرقه وشها وقالت .. ارجوك اوعى تموت ارجوك اوعى تغمض عنيك .

عز وهو بيتنفس بصعوبه ومش قادر يقول ولا كلمه غير ابتسامه كلها حب ونظره عنيه اللى كلها عشق بصلها وقال بحبببببك يااااا رههههف
وفى ثوانى كان مغمض عيونه .
رهف بصدمه ... عز.. عز... عز فوق .. عزززززز
رهف بانهيار قالت .. همس حاولى تتمالكى نفسك وبطلى عياط علشان نقدر ننقذه قبل ما يموت من كتر النزيف .. روحى بسرعه شوفى اى شىء نكتم بيه الدم ده بس بسرعه ارجوكى .

همس حاولت تتمالك نفسها زى ما رهف طلبت منها وقامت وقفت وفضلت تبص حواليها لحد ما شافت كام باب جنب بعضهم على بعد كام متر فى الجنيه فجريت وراحت ناحيتهم واول لما وصلت عندهم سمعت صوت واطى جدا لحد بيستغيس .
فقربت بسرعه ناحيه مصدر الصوت ده وفتحت الباب الاولانى ومكنش فيه حد خالص وافتكرت ان المكان ده هو نفس المكان اللى جابوهم فيه اول لما وصلوا على القصر .

ومن كتر خوفها خرجت منه بسرعه وشافت الباب التانى وقربت منه واتاكدت ان الصوت جاى منه وحاولت تفتحه بس عرفت ان الباب مقفول بالمفتاح من بره فافتحته واول لما فتحته اتصدمت لما شافت بلال اودامها فى حاله بشعه وغرقان فى دمه من كتر الضرب .
جريت عليه وحاولت تعرف منه فى ايه بالضبط ومين عمل فيه كده .
بس هو مقدرش يرد عليها من شده التعب اللى هو كان فيه ومن حالته اللى تصعب على الكافر وقال لازم اكلم عز الجبالى .. لازم اقوله الحقيقه كلها .. لازم اقوله ان امه عايشه وان اخوه يبقى فا... !

وسكت خالص عن الكلام ومقدرش يكمل كلامه لهمس ويعترف ليها بالحقيقة .
همس .. حقيقه ايه يا بلال ! بلال حقيقه ايه قولى !
وفجاه حست بخطوات جايه ناحيه الاوضه فخافت اوى واترعبت لا يكون حد من الرجاله الى موجوده فى القصر .
واطمنت اول لما عرفت انها رهف وجت علشان تستعجلها بسرعه .

رهف .. كل ده يا همس بتعملى ايه .. عز هايموت مننا .. قومى بسرعه ويالا ناخده على اقرب مستشفى انا ربطله الجرح بقميصه اللى كان لابسه قومى بسرعه .
واول لما عيونها جت على بلال قالت .. مين ده كمان .
واستغربت اول لما شافته نايم على الارض وقالت مين ده يا همس ومين اللى عمل فيه كده .. مش ده الراجل اللى كان واقف معاكى ساعه ما خطفونا ؟
همس بصتلها بخوف وقالت .. ايوا يا رهف ده بلال والظاهر انهم ضربوه لحد ما حصله كده هانعمل ايه دلوقتى ومش معقول نسيبه هنا بالمنظر ده هايموت .
تعالى ناخد موبيل عز ونتصل بفارس وهو اللى يجى ويطلعنا من هنا بسرعه ويبلغ الشرطه .

رهف .. مش هاينفع يا همس .. كده عقبال ما نقول لفارس ويجى هو والشرطه هايكونوا ماتوا هما الاتنين .
جمدى قلبك يا همس ونحاول انا وانتى نطلعهم من هنا ونخدهم فى العربيه ونوديهم على طول لقرب مستشفى .
همس ... انا خايفه يا رهف خايفه اوى .
رهف .. اخلصى يا همس امسكيه معايا ويالا بينا على العربيه علشان نقدر ننقذهم .. عز حالته خطيره جدا والرصاصه جت جنب قلبه على طول .
همس حاولت تتمالك نفسها ومسكت بلال هى ورهف وفضلوا يشدوه لحد ما وصلوا للعربيه وحطوه .

ورجعوا شالوا عز اللى كان غرقان فى دمه هو كمان بسرعه وحطوه فى العربيه وركبت همس اودام جنب رهف لان رهف هى اللى هاتسوق وحطوا عز وبلال فى العربيه من ورا .
رهف كانت خدت المفاتيح من جيب البنطلون بتاع عز وقت ما شالوه من الارض وشغلت العربيه على طول وطلعوا على اول الطريق الزراعى لان القصر كان بعيد جدا عن العمار .. ودخلوا بعدها على الطريق السريع علشان يدوروا على اقرب مستشفى .

ام فارس كانت قاعده هى واختها سعاد فى اوضه لوحدهم بعد ما اتوضوا وراحوا يصلوا فيها ويدعوا ربنا ان البنات ترجع لهم بالسلامه .
سعاد اول لما خلصت الصلاه رفعت اديها لربنا وبدأت تدعيه من قلبها انه يحفظ بنتها ويصونها ويرجعهلها بالسلامه هى وهمس ودموعها بدات تنزل .
ام فارس شافت دموع اختها فاصعبت عليها اوى وقربت منها وخدتها فى حضنها وفضلت تهديها وتوسيها وطمنها ان ربنا هايرجعهم بالسلامه قريب اوى وهايحفظهم ان شاء الله .

سعاد بكل حزن قالت .. دى بنتى الوحيده يا سهير اللى طلعت بيها من الدنيا دى كلها .. ولا ليها اخ ولا ليها اخت .. وحرمت نفسى من الجواز طول العمر ده كله علشانها هى وبس ..وربتها احسن تربيه وكبرتها وبقت اشطر دكتورة والكل بيحلف بيها .
الله ينتقم منه فهد الجبالى هو الى عمل فينا كده ووصلنا للحال اللى احنا فيه ده .
فاكرة يا سهير عمل ايه معايا زمااان وانتى متجوزة اخوه .. وكان السبب فى موت بابا الله يرحمه .

ضحك عليا بالكلام الحلو وانا صدقته لانى كنت لسه صغيرة فى السن وافتكرته بيحبنى بجد وسلمتله نفسى بسهوله .. وضيع اغلى حاجه البنت بتملكها وهى شرفها .
وبعدها على طول جوزك مات هو وعز الله يرحمه فى حادثه.. ودريت الموضوع وخبيت عليكى وعلى بابا اللى فهد عمله معايا .
وما اتكلمتش وعرفتك اللى حصل غير لما شوفته بحقارته ونادلته وقاذرته جاى يطلب ايدك من بابا علشان يتجوزك انتى بعد ما اخوه مات مش يطلب ايدى انا علشان يصلح غلطته معايا .

لحد ما بابا فى يوم سمعنا بظروفها انا وانتى واحنا بنتكلم على اللى عمله معايا ده ومن الصدمه جاله ساكته قلبيه ومات فى ساعتها .
ونزلنا على القاهرة وبعدنا عن عيون الناس ومفيش حد عرف غير ابوا فارس لانه ابن عمى وحاول يستر عليا .
وحملت فى رهف وولدتها وزورنا لها شهاده ميلادها وكتبتها باسم اخوا جوزك الصغير اللى هو ابن عمى اللى مات قبلها بسنتين فى حادثه كبيرة وكانت فكرة ابوا فارس ساعتها .. ومعرفتش فهد الجبالى ان ليه بنت طول السنين دى كلها لانى مكنتش عاوزة بنتى تعرف ان ليها اب زى فهد الجبالى ده.

وكانت كل لما تسأل على باباها اقولها مات وانا حامل فيكى فى حادثه .
ام فارس ... يااااااه يا سعاد ايه لزومه بس الكلام ده دلوقتى يا حبيبتى .. ربنا هايرجعها ان شاء الله هى وهمس ويطمنا عليهم باذن الله قولى يارب .
سعاد بكل دموع ... يااااااارب

فارس كان غير لبسه هو والشباب كلهم ونزلوا على تحت علشان يبلغوا الكل انهم خلصوا ورايحين تانى على القسم ليشوفوا اخر التطورات فى التحقيق واى مستجدات قدروا يوصلولها .
فارس اول لما نزل .. هى فين امى يا سلمى لو سمحتى ؟
سلمى .. جوا هى وطنط سعاد فى الاوضه بيصلوا ويدعوا ربنا يا فارس من شويه زمانهم خلصوا .
فارس .. ماشى يا سلمى شكرا .
وراح على الاوضه وخبط على الباب ووالدته سمحتله يدخل .
دخل فارس وقال .. حرما يا امى .. حرما يا خالتو .. انا خلصت يا امى ورايح على القسم انا والشباب وعاوزكم تطمنوا وان شاء الله هانرجع ليكم باخبار حلوة باذن الله ادعولنا .

الام .. ان شاء الله يا ابنى ربنا معاكم .
وخرج فارس من الاوضه وقفل الباب وراه وهو خارج لقى رغد بتنادى عليه وقالت .. فارس لو سمحت .
فارس .. ايوا يا رغد فى حاجه؟
رغد .. ابدا يا فارس اصل لقيت الفيزا كارد دى واقعه جنب الكرسى الظاهر وقعت منى وانا جايبه الجاكيت من الجنينه ساعه لما لقيته وباسم عز .
فارس باستغراب ورينى كده .. وخد منها الفيزا وبص فى الاسم اللى موجود واتصدم اول لما قرا الاسم بالكامل.

عمر وعادل لاحظوا ملامح فارس فاستغربوا وقربوا منه وقالوا .. فى ايه يا فارس ؟
فارس بصدمه .. عز الجبالى .
عمر باستغراب ... ماله يا فارس انطق ؟
فارس فضل مصدوم وقال .. عز الجبالى طلع ابن اخوا فهد الجبالى ! يعنى عز اكيد ورا خطف همس ورهف وهو اللى خطت لده كله علشان ينتقم من اللى حصل لعمه فهد الجبالى .

كل ده وامه كانت جوا الاوضه مع خالته ومسمعتش اى حاجه من الكلام ده خالص .
الكل اتصدم من كلام فارس وفجاه موبيل فارس رن فامسكه وشاف رقم عز الجبالى بيرن عليه !
فارس بغضب رد بسرعه وقال ... انت فين يا حيوان انا عرفت كل شىء وديت همس ورهف فين هاموتك يا عز اقسم بالله هاموتك .
همس اللى كانت بتتكلم من موبيل عز الجديد اللى بدله بدل اللى باظ من العصير فقالت .. انا همس يا فارس انا همس يا حبيبى .
فارس بصدمه .. همس .. انت فين يا حبيبتى . والحيوان ده عمل معاكم ايه طمنينى عليكم .

همس .. احنا فى المستشفى بتاعه رهف وعز فى اوضه العمليات ومعاه رهف .. وبدات تحكيله على كل اللى حصل معاهم من ساعه لما اتخطفوا .
فارس .. اهدى يا همس يا حبيبتى وانا مسافه السكه وهاكون عندكم ماشى يا روحى .
همس .. بسرعه يا فارس انا محتجاك اوى اوى يا حبيبى .
وقفل فارس مع همس وبلغهم بكل اللى حصل ودخل فرح امه وخالته وام همس وفرحوا جدا للخبر ده وحمدوا ربنا وشكروه .. وفى ثوانى الشباب كلها نزلوا ومعاهم سلمى و رغد وجنه ونزلوا على العربيات على طول وركبوا وراحوا على المستشفى .

وفى المستشفى وبالتحديد فى اوضه العمليات
كان عز نايم ومتبنج ورهف بتعمله العمليه بنفسها لانها اشطر جراحه تقدر تعمله العمليه الخطيرة دى اللى استمرت حوالى تلت ساعات من ساعه دخوله للعمليات .
وبعد اقل من ربع ساعه بالضبط كانوا الشباب كلهم وصلوا على المستشفى ودخلوا بسرعه بعد ما ركنوا عربياتهم ودخلوا على الاستقبال وسألوا عن همس والدكتورة رهف .

والاستقبال بلغهم ان مدام همس فى اوضه رقم ٢٣ وان الدكتورة رهف فى اوضه العمليات من كذا ساعه .
الكل راح على الاسانسير وطلعوا لحد الدور الى فيه اوضه همس واول واحد طبعا دخل كان ابو الفوارس..
فارس بكل شوووق ولهفه فتح الباب ودخل وشاف همس نايمه على السرير ومتركب لها محاليل فى ايديها فاقرب منها وقال ... همس حبيبتى مالك يا قلبى فى ايه طمنينى عليكى يا قلبى وعلى البيبى .
وفضل يبوس فى كل حته فيها وهى دموعها بدأت تنزل والكل كان واقف بيتفرح على اجمل مشهد رومانسى شافوه فى حياتهم اللى جمع بين همس وفارس عشقها
فخرجوا وقفلوا الباب وراهم وسابوهم لوحدهم.

سلمى دموعها نزلت من المنظر اللى شافته اودامها دلوقتى فقرب منها شريف وضمها فى حضنه وقال .. ليه بس الدموع يا حبيبتى . هى كويسه اهى وهاتبقى بخير ان شاء الله اطمنى يا حبيبتى .
سلمى .. همس صعبانه عليا اوى اوى يا شريف .. دى صحبتى واختى وحبيبتى وزعلت اوى للى حصل معاها ده .
شريف بحب .. الحمد لله اننا قدرنا نوصل لهم وان شاء الله هاترجع معانا على فيلتنا كلنا ونعيش مع بعض زى الاول .
سلمى .. يارب يا حبيبى .

عمر كان واقف هايتجنن على منظر اخته اللى شافه ده ودماغه راحت لحاجات كتير اوى محدش قدر يفكر فيها حتى فارس .. وهى ان حد من البنات يكون حصلها حاجه او حد قرب منهم
عادل لاحظ على عمر شروده ده فقال ... مالك يا عمر سرحان فى ايه يا ابنى اختك كويسه اهى الحمد لله متقلقش عليها .
عمر .. لا يا عادل مفيش حاجه بس سرحت شويه مش اكتر الحمد لله انها رجعت لنا بالسلامه هى ورهف .
عادل .. الحمد لله وربنا ينتقم من اللى كان السبب .. ده اخر شىء كنت اتخيله انى اعرف ان الزفت اللى اسمه فهد الجبالى ده يكون عايش والاسد سابه من غير ما يكله .

ده انا قولت انه زمانه مات وشبع مووووت والله .
الكل بدا يضحك على كلام عادل وكل واحد بقى يقول كلمه تضحك .
وبعدها قرروا انهم يفتحوا الباب بقى على فارس وهمس وكفايه عليهم كده حب ورومانسيه ويأجلوها لحد ما يرجعوا على شقتهم .
علشان يقدروا يطمنوا عليها هما كمان بقى وعلى النونو وعلى رهف الى لسه لحد دلوقتى مخرجتش من اوضه العمليات .
وفعلا فتحوا الباب بعد ما خبطوا وفارس سمح لهم بالدخول .
سلمى بضحك .. انا قولت كفايه عليك بقى كده .. علشان الحق شويه قوبلات واحضان قبل ما تخلصهم كلهم يا سى فارس يا طماع انت وسع كده خلينى احضنها وابوسها .

فارس بضحك .. انا طماع يا سلمى اخص عليكى .. طب هى عندك اهى اسأليها بنفسك .
سلمى بسرعه راحت جنب همس وسلمت عليها وحضنتها ودموعهم نزلت هما الاتنين بعد الضحك من كتر الفرحه .
وبعدها قربت جنه ورغد وسلموا على همس واطمنوا على النونو وانه بخير الحمد لله زى ما الداكترة فى المستشفى طمنوها .
وبعد شويه فارس قام وقف واستأذن انه يروح يطمن على بلال فى اوضته ويحاول يعرف منه الحقيقه بالضبط اللى بلغ بيها همس لما كان واقع على الارض وغرقان فى دمه وهمس حكت لفارس عليها .

وفعلا خرج من الاوضه وراح على اوضه بلال وعادل طلب شريف و من سلمى ورغد وجنه انهم ينزلوا الكافيتريا ويسيبوا عمر مع همس اخته شويه لوحدهم .
وخرجوا كلهم بره الاوضه وقفلوا الباب على همس وعمر لوحدهم .
همس شافت اسئله كتير جوه عيون عمر من ساعت لما وصل وحبت تخفف عليه الضغط اللى هو فيه ده شويه فندهت عليه وطلبت منه انه يقعد جنبها .
وفعلا عمر شد الكرسى بتاعه وحطه جنب سرير همس وقال .. طمنينى عليكى يا حبيبتى انتى كويسه .

همس فهمت قصد عمر وحبت تطمنه فقالت .. اطمن يا حبيبى انا كويسه ومحدش جه جنبى ولا قرب منى ولا من رهف الحمد لله كله بفضل ربنا وبفضل دعوات امى ليا . واستحاله كان حد يقدر يجى جنبى انت مش عارف انا مين ولا ايه يا كابتن.
عمر خد نفس طويل واستريح من كلام اخته واطمن عليها وعلى رهف وقال .. عارف طبعا يا احلا واجمل سياده وكيل الوزاره.
وطلع موبيله ورن على امه علشان يسمعها صوت همس ويطمنها عليها .
وهمس كلمت مامتها وطمنتها عليها وعلى رهف وانهم بخير الحمد لله .

رهف كانت يا دوبك لسه خارجه من اوضه العمليات بعد ما اطمنت على نجاحها وعلى سلامه عز الجبالى وانه بخير وامرت انهم ينقلوه على اوضه الرعايه لحد ما يبدا يفوق من تاثير البنج .
راحت على اوضتها وغيرت لبسها وبعد شويه خرجت وراحت على الاوضه الى فيها همس علشان تطمن عليها وعلى صحتها وتطمن كمان الكل عليها اللى زمانهم كلهم هناك .

فارس كان وصل لاوضه بلال وفتح الباب ودخل .
واول لما دخل شاف بلال على السرير وكان فيه كدمات وبعض الجروح وكسر فى دراعه اليمين فقرب منه فارس وقال ... الف سلامه عليك يا بلال .
بلال بتعب .. الله يسلمك يا فارس يا ابنى .
فارس .. هما ليه عملوا فيك كده وضربوك بالمنظر الفظيع ده .

بلال .. كل ده علشان قولتلهم انى هاقولك على كل شىء واعرفك الحقيقه كلها يا ابنى .
فارس باستغراب .. حقيقه ايه اللى عاوز تقولهالى يا بلال قولى .
بلال وهو بيتألم من كتر الوجع اللى حاسس بيه قال ... عاوز اقولك ان عز الجبالى يبقى ..

رواية فارس عشقي الجزء الثاني للكاتبة سحر فرج الفصل الخامس عشر والأخير

فارس باستغراب .. يبقى ايه يا بلال قول انا جنبك وسامعك ومحدش هايقدر يعمل فيك حاجه تانى متخفش .
بلال ... عز الجبالى يبقى اخوووك يا فااارس .
فارس بصدمه قال .. انت بتقول ايه .. عز الجبالى اخويا انااا طب ازاى انطق .
بلال خد نفس طويل وبدا يحكى لفارس على كل شىء يعرفه من اكتر من تلاتين سنه .
لما كان شغال مع اخوا فهد الكبير .
فقاااااال !

انا ساعتها كنت لسه صغير وبدات شغل مع اخوا فهد الكبير الله يرحمه .. وساعتها كان هو صاحب الشركه ويملك كل شىء فيها .. لان ابوه قبل ما يموت كتب كل شىء باسمه هو ومرضيش يكتب حاجه لفهد الجبالى ابنه الصغير لانه كان فاشل ومستهتر وبضيع الفلوس ومش بيعرف اى شىء عن الشركه ولا الشغل خالص وكل حياته كانت مع البنات والكابريهات وبس .

فالاب خاف لا يضيع كل شىء منه ومرضيش يكتبله نصيبه فى الورث وكتب كل شىء باسم ابنه الكبير ..
وبقى هو اللى يملك كل حاجه من بعد ما ابوه مات .
وطبعا فهد ساعتها زعل غضب وادايق لما عرف ان ابوه مكتبش ليه اى شىء والمحامى بلغهم بالوصيه .
وان كل حاجه بقت ملك الاخ الكبير وبس .
وساعتها فهد بدا يكره اخوه الكبير وبقى يحقد عليه جدا .. وبيحاول يستغله باى طريقه علشان يقدر ياخد منه فلوس .

ومع كل اللى كان بيعمله ده لكن اخوه الكبير كان بيحبه ومش مخليه يحتاج لاى شىء ابدا وكان معتبره زى ابنه بالضبط .
لحد ما اخوه ده قرر انه يتجوز واحده من عيله محترمه ويأسس اسرة ويجيب ولى العهد .
وساعتها راح اتقدم لوالدتك سهير هانم وخلال شهر واحد كانوا اتجوزا وعاشوا فى القصر مع فهد الجبالى .
فارس بصدمه قال ... انت تقصد امى اناااااا !

بلال خد نفس طويل وقال .. ايوا يا فارس يا ابنى سهير هانم اتجوزت زمان اخوا فهد الجبالى وبعد كام شهر من الجواز خلفت ولدين توأم ! عز واسلام الله يرحمه .
فارس من الصدمات اللى ورا بعض حط ايده على عيونه وسكت شويه وقال .. كمل يا بلال كمل ...
بلال .. والله العظيم كل اللى بقولك عليه ده حقيقه وحصلت وعندك سهير هانم تقدر تسألها لو انا بكدب عليك فى اى شىء .
فارس .. كمل يا بلال .

بلال ... وطول فترة جواز البيه الكبير من سهير هانم وفهد الجبالى كان بيحاول باى طريقه انه يدايقها ويتقرب منها و...
انا اسف وشوفته اكتر من مرة بيحاول يبوسها غصب عنها وهى تصده .
وسمعت مرة من المرات سهير هانم وهى بتشتكى للبيه الكبير عن عمايل فهد الجبالى مهاها وهو ساعتها كدبها ومصدقهاش .
المهم !
فارس من كلام بلال كان الغضب ظاهر على وشه وعيونه كلها كره لفهد الجبالى وكل اللى كان بيعمله وقال لبلال كمل .

بلال كمل وقال .. وبعد كام شهر لما سهير هانم خلفت الولدين التوأم دول البيه الكبير قرر انه ياخدهم ويسافروا يقضوا كام يوم فى الغردقه ويغيروا جو شويه هناك .. وطلب من فهد انه يخلى باله من الشركه والمشاريع لحد ما هو يرجع من السفر .
وسافروا وعدى حوالى عشر ايام من سفرهم وانا كنت مخلى بالى من كل شىء عن الشغل وببلغ البيه عن كل حاجه بيعملها فهد اول باول .
لحد ما جه يوم وجالنا خبر ان البيه الكبير وهو راجع من السفر عمل حادثه كبيرة واتنقلوا كلهم على المستشفى والبيه فى حاله خطيرة جدا .
خدنا بعضنا انا وفهد الجبالى وروحنا على المستشفى واول لما وصلنا عرفنا ان البيه الكبير مات .

وان سهير هانم فى حاله خطيرة ودخلوها العنايه المركزه وعندها غيبوبه .
والحمد لله ان الولدين ربنا حفظهم ومحصلش ليهم اى حاجه من الحادثه دى .
فهد اول لما عرف كده لقيته بيطلب منى طلب غريب اوى .
انى اخد ولد منهم ووديه عندى فى البيت ولو حد سأل عليه نقوله انه مات مع البيه الكبير فى الحادثه .
ونفذت كل اللى فهد بيه طلبه منى قبل ما حد يجى من قرايب سهير هانم ويعرف انه لسه عايش .

وتانى يوم دفنا البيه الكبير وخدنا طفل ميت من مشرحه المستشفى وادينى تمرجى شغال فى المشرحه فلوس كتير علشان مايبلغش اى حد ويكون سنه قريب من الولد بالضبط علشان محدش يشك فى اى حاجه .
كل ده وفارس قاعد مصدوم من كل اللى بيسمعه من فارس وقال .. كمل يا بلال
بلال .. سهير هانم ساعتها فضلت فى غيبوبه حوالى اسبوعين ولما فاقت بلغناها ان البيه الكبير مات وولد من اولادها التوأم كمان .
وحزنت جدا من الخبر ده وفضلت نفسيتها مدمرة فترة طويله .

وراحت عاشت فى بيت ابوها ومرديتش ترجع تانى على القصر وتعيش هى وفهد فى بيت واحد لانها عارفه كل تصرفاته القذرة .
وكمان رفضت فهد لما عرض عليها الجواز ومرديتش ابدا تتجوزه مع انه قالها لو متجوزتكيش مش هاطولى منى مليم واحد من فلوس اخويا .. وهى فضلت انها تبعد وتعيش بعيد عن فهد الجبالى ومش عاوزة اى شىء منه اطلاقا .

وفى يوم من الايام واحنا فى القصر دخلت عليه المكتب وهو محسش بدخولى وكان بيتكلم فى التليفون وسمعته بيقول لحد انت حمار اصلا مش انا قولتلك اقطع فرامل العربيه ولما العربيه تتقلب وتعمل حادثه اتاكد ان كل اللى فى العربيه ماتوا
ومن هنا عرفت ان اللى كان السبب فى موت البيه الكبير هو فهد الجبالى .
ولنا خلص التليفون ولف نفسه عملت نفسى لسه داخل عليه وكأنى مسمعتش اى حاجه من اللى هو قاله ده .

وبالنسبه لعز بيه سفره بره وهو لسه صغير وسابه فى اكبر المدارس الداخليه هناك لحد ما كبر وخلص كليته وخلاه يمسك كل الشغل بتاعه فى اوربا .
وكان عز بيه وقت ما يسال عن امه وابوه يقوله فهد بيه انهم ماتوا فى خادثه وانت صغير وانا اللى ربيتك .
وطبعا خد كل حاجه كان بيملكها اخوه لنفسه ومداش سهير هانم ولا اسلام ابنها ولا عز اى شىء .
فارس بصدمه .. يعنى عز واسلام اخوات توأم .

بلال بحزن ... ايوا اخوات توأم من نفس الام والاب يا فارس يا ابنى .
فارس ... طب فهد هو اللى كان السبب فى موت اسلام اخويا زمان .
بلال بأسف .. ايوا هو اللى خطط وامر ناس تدبر ليه حادثه يموت فيها .. علشان ميجيش فى يوم ويعرف الحقيقه من امه ويطالب بورثه فى ابوه .
وكان طول حياته بيتمنى انه يقضى عليك انت واسرتك كلها علشان كان خايف منك وقت ما تعرف الحقيقه كلها انك تموته .

وهى دى الحقيقه اللى كنت عاوزك تعرفها انت وعز لان عز لحد اللحظه دى ما يعرفش انك اخوه من امه وان امه اصلا عايشه .
وللاسف سهير هانم نفسها ما تعرفش ان عز ابنها لسه عايش
فارس سرح شويه وعرف ايه سبب اغماء امه فى الحفله اول لما شافت عز اودامها وشافت الشبه اللى بينه وبين اسلام .

فارس خرج من عند بلال والدنيا بتلف بيه وحاسس انه فى كابوس من كتر الحاجات اللى اتصدم بيها وعرفها واول حاجه فكر فيها انه يروح ويطمن على عز ...
قصدى على اخوه عز اللى اخر حاجه كان ممكن يتوقعها فارس ان عز الجبالى يطلع اخوه من الام وكمان تؤام اسلام اخوه الله يرحمه .
فاحاول يتمالك نفسه شويه وراخ على الهنايه النركزه اللى كان عز الحبالى فيها بعد العمليه .. ومن ورا الازاز اللى بيفصل عز عنه وقف فارس وشاف عز وهو نايم على السرير ومتعلق ليه محاليل واجهزة ومش حاسس باى شىء حوليه .

وفحاه دموع فارس لاول مرة تنزل على حد .. لما اول مرة بعرف ان ليه اخ طول السنين دى كلها وعاش بعيد عنه ومن غير حتى ما يعرفه اصلا .
اخ اتربى طول عمره على الجشع والحقد والغل والكره اللى رباه عليه فهد الجبالى طول حياته .
وتخيل لو عز ده هو واسلام لسه عايشين كانت هاتبقى حياتهم عامله ازاى مع بعض .
زى اى اخوات بيحبوا بعض واتربوا كلهم فى نفس البيت ونفس الام والاب .
وفجاه حس بأيد بتتمد على كتفه وهو سرحان وبيبص على عز .
فالف نفسه وشاف رهف اودام عنيه .

فارس مسح دموعه وابتسم و مد ايده وسلم عليها وقال .. حمد الله على سلامتك يا بنت خالتى .
رهف استغربت دموع فارس دى ايه سببها وقالت .. الله يسلمك يا فارس الحمد لله كانت ازمه وعدت على خير .
فارس ... اخبار عز الجبالى ايه بعد العمليه يا رهف .
رهف .. مش قادرة اقولك اطمن هايبقى كويس لانى عارفه اد ايه انت بتكرهه ومش طايقه وبتتمناله الموت بسبب اللى عمله معانا .
فارس .. كنت هاكون كده فعلا قبل ما اعرف الحقيقه اللى عرفتها من بلال دلوقتى يا رهف .
رهف باستغراب ! حقيقه .. حقيقه ايه يا فارس اللى انت عرفتها من بلال .

فارس بحزن قال ... حاجه استحاله ان حد يتخيلها لكن هة دى الحقيقه اللى لازم الكل يعرفها .
رهف .. انطق يا فارس حقيقه ايه ؟
فارس قال ... عز الجبالى طلع اخويا من امى تخيلى .. يعنى طلع ابن خالتك يا رهف .. وهو نفسه مش عارف كده لسه .
رهف باستغراب .. انت بتقول ايه .. ازاى انت هاتجننى .
فارس .. هى دى الحقيقه اللى لازم تعرفيها .. الشخص اللى نايم اودامنا على السرير ده يبقى اخويا وابن خالتك انتى كمان .

وقبل ما رهف تستوعب الكلام ده وترد عليه مشى وساب رهف فى حيرة من اللى سمعته وراح علشان يبلغ همس والكل بكل اللى هو عرفه من بلال .
رهف كانت واقفه مصدومه ومش قادرة تتقبل حقيقه كلام فارس ده .. فافتحت الباب على عز وبخطوات بطيئه قربت منه ووقفت اودامه مباشرا .
مدت رهف ايديها على شعر عز وهو لسه نايم من تأثير البنج وبدأت تمرر ايديها على شعره وتقول .. انت معقول تكون ابن خالتى انا .. طب ازاى قولى .. انطق .. اتكلم .. قول الحقيقه .. انت مين يا عز انت مين .

وفضلت جنبه شويه تتأمل فى ملامحه الجميله الطفوليه وهو نايم .
وبعدها قررت انها تمشى دلوقتى وتبقى ترجعله تانى ولسه يا دوبك هاتخرج من الباب
سمعت صوت عز وهو بيقول
رهف
رهف انا بحبك
رهف ارجوكى ما تسبنيش
رهف.. رهف
ارجوكى تسامحينى
رهف جريت وقفت جنبه ومسكت ايديه وابتسمت برومانسيه من كلامه ده وفجأه فتح عز عيونه وقال بحبك يا رهف
وفى ثوانى كان شدها لصدره وباسها من شفايفها برقه واتفاجأت رهف باللى هو عمله ده وقامت بعدت بسرعه وضرباه على الجرح بتاع العمليه وقالت .. انت اكيد مجنون .

عز بعيون كلها عشق رغم التعب اللى هو فيه قال .. مجنون بيكى يا حبيبتى .
رهف بغيظ وانا بكرهك يا عز بكرهك ومش هاسمحك وقامت ضرباه على صدره .
عز من الوجع والالم بتاع ضربتها على الجرح قال ... اااااااه يا مجنونه
بس برضه بحبك .

فارس كان راح لهمس اوضتها وكانت سلمى معاها وراح قعد جنبها ومسك ادبها وباسها واطمن عليها .
سلمى شافت كده فاستأذنت بحجه انها هاتروح تشوف بقيه الشباب اللى استحلوا القاعده فى الكافيتريا تحت .
وفعلا سابت فارس مع همس وخرجت وقفلت الباب وراها .
همس لاحظت حزن كبير فى عيون فارس فسألته وقالت .. مالك يا حبيبى فى خاجه حصلت ولا ايه ؟
فارس بحزن بص لعيون همس وقال .. عز الجبالى طلع اخويا يا همس .
همس بصدمه .. انت بتقول ميييييين !

انت اكيد بتهزر.
فارس .. انا بتكلم جد يا همس .. عز الجبالى طلع اخويا وهى دى الحقيقه اللى بلال كان مخبيها طول السنين اللى فاتت دى كلها وقالهالى دلوقتى لما روحتله الاوضه اللى هو فيها .
وبدا يحكلها على كل حاجه عرفها من بلال .
وبعد فترة همس كانت مش مستوعبه كل اللى قاله ليها فارس ده وقالت .. وانت ناوى تعمل ايه دلوقتى يا حبيبى .. لازم طنط تعرف بكل الكلام ده وتعرف ان عز ابنها لسه عايش وكمان تعرف ان فهد كان السبب فى موت جوزها الاول وموت اسلام الله يرحمه .
وكمان عز نفسه مين اللى هايقدر يقوله ان مامته عايشه لسه وانك اخوه .

فارس.. انا خلاص دماغى هاتفرقع ومش قادر افكر ولا عارف هاعمل ايه .
همس .. انا حاسه باللى انت حاسس بيه دلوقتى يا روح قلبى ومقدره الموقف اللى انت فيه ده .. بس لازم الكل يعرف بالحقيقة دى ويعترف بيها .
فارس خد نفس كبييييير وقال .. اوعدك اول لما تخرجى من هنا بالسلامه وعز يشد حيله شويه وبعدها نفكر هانعمل ايه بالضبط .
همس .. اللى تشوفه يا حبيبى .

رهف كانت مشيت من عند عز بعد ما اطمنت عليه انه راح تانى فى النوم من تاثير البنج وطلبت من الممرضه انها تاخد بالها منه وانهم يودوه على اوضه عاديه اول لما يفوق ويقدر يتحرك .
وبعدها راحت اطمنت على همس وكان الكل طلع من الكافيتريا وسلمت عليهم وهما كمان اطمنوا على سلامتها .
فارس .. هى همس هاتفضل هنا لامتى يا رهف لو سمحتى .
رهف .. هى الحمد لله كويسه وتقدر ترجع على البيت من دلوقتى لو حبيت يا فارس .

وبالمرة علشان طنط وخالتوا يشفوها ويطمنوا عليها بنفسهم .
فارس .. طيب الحمد لله يالا بينا كلنا ننزل من هنا وناخد بعضنا ونرجع على الفيلا علشان زمانهم قلقانين عليكم ومش مبطلين تليفونات .
عمر .. عندك حق يا فارس والله يالا يا بنات جهزوا نفسكم وهمس كمان واحنا هانستناكم تحت ونرجع على الفيلا على طول . ومتنسوش ان الكل بقاله يومين منمش ولا استريح .

وبعد اقل من ربع ساعه كان الكل نزل من المستشفى ومعاهم همس ورهف وركبوا عربياتهم ورجعوا على الفيلا .
واول لما وصلوا الكل رحب بيهم وفرحوا ان همس ورهف بخير ومحصلش ليهم اى مكروه .
وشويه واتصل عمر بمطعم كبير وطلب منهم انواع اكل كتير واداهم العنوان علشان يبعتوه فى اسرع وقت .
وفعلا شويه والاكل جه وعمر خده منهم وحاسب عليه وبدأت البنات تجهز السفره وفى جو عائلى كبير قعدوا وكلوا والضحكه رجعت تانى ليهم كلهم .
بس للاسف فارس ورهف بالذات كان فى حاجه حصلت ليهم حاجه تشبه الكسر اللى استحاله يقدروا يعالجوه الا مع مرور الزمن .
وفجاه .

ام فارس .. اخبار عز ايه دلوقتى يا فارس طمنى عليه .
فارس عيونه جت فى عيون همس ورهف وقال .. عز مع كل اللى عمله ده يا امى وعاوزة تطمنى عليه .
الام .. مفيهاش حاجه يعنى يا فارس لما اسأل عليه يا ابنى .
رهف حبت ترد هى لما شافت فارس قال كده وكمان بصفتها الدكتورة اللى عملت العمليه فقالت .. الحمد لله يا خالتى هو هايبقى كويس بعد العمليه الى عملتهاله وخرجت الرصاصه من جسمه وكلها يومين ويرجع على بيته .
الام .. ربنا معاه .. بس هو كده فهد حصله ايه بالضبط .
فارس .. ماااات خلاص يا امى .

ام فارس جت عيونها فى عيون اختها سعاد اللى ما تأثرتش بالخبر ده وبموت فهد وقالت .. هى دى اخره كل واحد زيه يالا ربنا يسامحه على كل اللى عمله .
فضلوا يتكلموا كتير وبعد شويه كل واحد خد مراته وراح على شقته علشان ويستريحوا من تعب اليومين اللى فاتوا دول .
وفارس خد همس وخالته وباباه ومامته وكمان رهف وطلعوا على شقته بعد ما كانوا عاوزين يروحوا على بيوتهم بس فارس مرديش ابدا لان الوقت كان اتأخر وماينفعش يمشوا فى ميعاد متأخر زى ده .
وبعد حوالى ساعتين من نوم الكل وبعد ما اطمن فارس ان همس نامت فضل يفكر كتير فى كلام بلال وآخر ما زهق طلع قعد بره علشان ما يقلقش همس وهى نايمه .

رهف كانت هى كمان سهرانه ومش جايلها نوم وعماله تفكر فى عز وكل اللى هى مرت بيه اليومين الى فاتوا دول .. وفجاه موبيلها رن فامسكته بسرعه علشان متصحيش مامتها اللى نامت جنبها وردت وقالت ... الوووو
المستشفى .. ايوا يا دكتورة رهف احنا اسفين على الازعاج بس حبينا نبلغ حضرتك ان المريض اللى اسمه عز الجبالى من ساعه ما فاق ونقلناه على اوضه عاديه وهو رافض ياخد العلاج او اى حد من الموجودين يقربله وطلب حضرتك بالاسم .
رهف ... خلاص تمام انا مسافه السكه واكون عندكم حاولوا تهدوا لحد ما اجى علشان الجرح بتاعه ما يفتحش .. وانا ربع ساعه واكون فى المستشفى وقفلت معاهم.

قامت رهف وغيرت لبسها وسرحت شعرها وخدت شنتطها وفتحت الباب بشويش علشان مامتها ما تحسش بيها .
واول لما خرجت شافت فارس قاعد فاتفاجأت بيه وقالت .. ايه ده انت لسه صاحى يا فارس .
فارس .. اه يا رهف مش جايلى نوم من كتر التفكير .. انتى راحه فين دلوقتى .
رهف .. المستشفى اتصلت عليا دلوقتى وعز مش عاوز ياخد علاجه ولا مخلى حد يقرب منه وطالبنى انا بالذات .
فارس .. طب استنى انا هالبس واجى معاكى واطمن عليه .

وفعلا قام فارس وراح هو ورهف على المستشفى ووصلوا لحد اوضه عز اللى اتفاجأ برهف وفارس كمان معاها...
رهف قربت منه وقالت .. مالك يا استاذ . رافض تاخد العلاج بتاعك ليه وعامل دوشه .
عز عيونه كانت على عيون فارس لان ده كان اول لقاء ليهم ببعض بعد اللى حصل وشاف اسئله و كلام كتير فى عيون فارس فقال ...
فارس انااااااا ...
فارس .. ملوش لازمه الكلام دلوقتى ما تتعبش نفسك .. المهم انك بخير وانا جيت مع رهف علشان اطمن عليك يا عز .

عز .. معقول يا فارس .. بعد كل اللى انا عملته ده انا وفهد الجبالى .
فارس ... بس يا عز انت مش عارف حاجه .
عز باستغراب .. حاجه .. حاجه ايه يا فارس اللى بتتكلم عنها .
فارس قرب منه وحكاله على كل شىء من ساعه ما عز اتولد لحد اللحظه دى وعن سبب كره فهد الجبالى ليه ولعيلته .
عز من صدمه الحقيقه اللى عرفها دموعه هى اللى كانت بترد على فارس فى كل كلمه كان بيقولها فقال .. معقول عمى عمل كل ده معقووول !
وكمان موت ابويا وموت اخويا وحرمنى من امى طول السنين دى كلها ... وانت كمان يا فارس بتكون اخوياااااااااا...

فارس دموعه نزلت وقرب اكتر من اخوه واترمى فى حضنه وفضلوا يعيطوا بحرقه على كل لحظه بعدوا فيها عن بعض وكان سببها فهد الجبالى .. ورهف كمان كانت منهارة من العياط على منظرهم .
هديوا خالص وفرحوا ببعض ان بعد سنين طويله عز اكتشف ان ليه اخ زى فارس الحسن وكمان فارس اللى اتحرم من اسلام اخوه ربنا عوضه بأخ تانى زى عز الجبالى .
وشويه وفارس استاذن انه يرجع على الفيلا قبل ما حد يحس باختفائه واتفق مع عز انهم يقولوا الحقيقه لامهم بعد ما عز يخرج من المستشفى.
خرج فارس وقفل الباب وراه وساب رهف مع عز اللى كانت نظراته ليها كفيله انها تعترف لرهف بمدى حبه ليها .
رهف جت علشان تقوم فاعز قال .. راحه فين يا بنت خالتى وسيبانى .

رهف بصتله وقالت راحه اشوف شغلى يا أستاذ عندك مانع .
عز بحب .. ما انا شغلك برضه .. وبعدين انا عز الجبالى ولا نسيتى
رهف برخامه طيب استنى عليا وفتحت الباب وطلبت من الممرضه انها تجهز علاج عز وتجيبه وفعلا الممرضه جت بعد شويه وجابت العلاج اللى كان عبارة عن حقن .
عز بكل جبروته وقوته اول لما عرف انها حقن قال ... لااااااااا حقن لااااااا

عدى يومين وعز خلاص بقى كويس وجرحه بقى يتحسن وقرر انه يخرج من المستشفى
وجهز نفسه وخلص الحساب بتاعه ولسه يا دوبك هايخرج من باب المستشفى الا وشاف اودام عنيه ام فارس وفارس مع بعض مستنينه .
عز بزهووول قرب منهم وعرف من نظرات امه ليه انها عرفت كل الحقيقه من فارس .
فراح جنبها وقال .. ازى حضرتك يا ..

امه بحب وبعيون كلها دمووووع قالت .. قولها يا ابنى .. قوووول يا امى .
نفسى اسمعها منك يا ابنى .
عز بعيون مليانه دموع قال .. امى امى
اترمى فى حضنها وحس بحنيتها وحبها اللى اتحرم منه طول حياته .

وامه كمان حست بحضنه وشمت ريحته اللى اتحرمت منها سنين كتير وقالت .. سامحنى يا حبيبى .. سامحنى يا ابنى .. ماليش ذنب فى انك تعيش بعيد عنى طول الوقت ده .. ولو كنت اعرف انك عايش كنت جيت وخدتك فى حضنى وعوضتك حرمانك وبعدك عنى واعرفك انى عايشه وليك اخ كمان .
سامحنى يا نوووور عنيا .
عز بدموع مسك اديها وفضل يبوس فيها وقال .. سامحينى انتى يا امى عن كل لحظه وكل دمعه نزلت منك و كان السبب فيها فهد .
الام .. مسمحاك يا حبيبى.

عدى الوقت ورجعوا على الفيلا كلهم ومعاهم كمان رهف والكل رحب بعز وبرجعوه وسط اهله وامه واخوه .
واتعرف على خالته سعاد واعتذر لهمس عن كل شىء حصل لها من فهد .
واتلمت العيله من جديد وبعد كام يوم اعترف لرهف بحبه ليها وطلبها من خالته سعاد اللى رحبت بيه ووافقت انه يكون جوز بنتها .
ومات فهد بكل شره وحقده .
وعاشت العيله الكبيرة فى فرحه لا توصف وحددوا ميعاد جواز رهف وعز وهمس استلمت شغلها فى الوزارة .

وسلمى وشريف جايلهم نونو فى الطريق.
وعمر وجنه كمان هايكون عندهم نونو .

خلصت روايتنا وانتهت على خير.
ملحوظة: حبيت اخلى السر بتاع فهد انه ابوا رهف زى ما هو وما اخلهاش تعرف ان فهد الجبالى طلع ابوها بعد كل شره واجرامه ده .
وتفضل زى ما هى عارفه ان ابوها انسان محترم وشريف طول عمره زى ما هى عرفت عنه
وفضل السر بين سعاد وسهير اختها .
تمت
نهاية الرواية
أرجوا أن تكون نالت إعجابكم