رواية لوعة العشق

نوفيلا لوعة العشق للكاتبة سحر فرج الفصل الثاني

عدى اسبوع بعد وفاه ابوا امال وكانت بتحاول على اد ما تقدر انها تخبى وجعها وحزنها جواها علشان صحه مامتها وخوفها عليها.
طلعت شمس يوم جديد وكانت صحيت امال من النوم وجهزت الفطار لمامتها لانه كان أول يوم تنزل فيه الشركه بعد وفاه باباها ولبست ملابسها السوداء و وخدت شنتطها وسلمت على أمها قبل ما تنزل.
امال، انا نازله يا امى عاوزة حاجه اجبها وأنا جايه؟
الام، عاوزة سلامتك يا حبيبتى ربنا يحفظك ويحميكى.

امال، ربنا ما يحرمنى منك ابدا وانا كل شويه هاتطمن عليكى بالتليفون.
الام، ماشى يا بنتى يالا انزلى علشان ما تتأخريش ربنا يخليكى ليا يارب.
نزلت امال وركبت الميكروباص اللى هايوديها على الشركه وكانت طول الطريق بتفكر في كل اللى حصل معاها الايام الاخيرة دى وبتفكر في موت باباها.
وطلبت له الرحمه والمغفره.
ودعت ربنا أنه يقويها في الشغل ويخلى مامتها.

نزلت امال ودخلت على الشركه والكل بدأ يتجمع حوليها علشان يعزيها.
من موظفين وعاملين في الشركه لان الكل كان بيحترمها ويحبها من اخلاقها الطيبه ومعاملتها الكويسه معاهم كلهم.
وفجأه سمعوا صوت عالى
شريف، الله الله على الناس اللى سايبه شغلها متعطل ووقفين مع امال هانم.
ياريت يا هانم الموضوع ده ما يحصلش هنا تانى جوه الشركه. وبرة الشركه تعملى اللى انتى عوزاه. دى سمعتك وانتى حرة فيها.
انتى سامعه.

ده أنزار منى ليكى ولو اتكرر تانى هاتكونى برة في الشارع يالا على شغلك.
امال كانت مصدومه من كلامه ومن طريقته معاها ومقدرتش ترد عليه والكل سابها وراح على شغله من كلام شريف معاهم.
شريف، بصوت عالى. بقول اتفضلى على شغلك انتى ما بتفهميش.
امال في ثوانى كانت جريت وراحت على البوفيه بس دموعها كانت ماليه عنيها وكانت مخنوقه بالعياط لولا قابلت فاتن واول ما شافتها اترمت في حضنها واتفتحت في العياط.

فاتن، ايه ده مالك يا امال مالك يا حبيبتى في ايه وايه اللى حصل اهدى.
امال، ده مش انسان ابدا ده واحد مريض ولازم يتعالج.
فاتن، هو مين ده وايه اللى وصلك للحاله دى.
امال حكت لفاتن على كل اللى حصل من اول ما دخلت من باب الشركه لحد ما طلعت البوفيه.
فاتن، يخرب بيته شريف بيه هو عمل فيكى كده ده مجنون ده ولا ايه.

امال، فعلا هو انسان مريض وهايطلعه عليا الظاهر بس والله لاقول لكمال بيه واحكيله اللى حصل ولو مجبش حقى انا هاسيب الشركه دى.
فاتن، اهدى يا امال ووحدى الله وانشاء الله كمال بيه مش هايعجبه اللى حصل من ابنه ده.
قامت امال وراحت غسلت وشها وجهزت القهوة وراحت على كمال بيه.
خبتطت على باب المكتب بعد ما استأذنت من صفاء السكرتيرة واللى اول ما شافت امال سلمت عليها وحضنتها وعزتها في بابها.

دخلت امال واول ما دخلت رحب بيها كمال بيه وقام من مكتبه وقرب منها ومد أيده ليها وعزاها هو كمان.
كمال، اهلا يا امال ازيك يا بنتى والبقاء لله وحده.
امال، ونعمه بالله متشكرة ليك يا كمال بيه.
كمال، متشكرة علي ايه بس ده انا زعلان من نفسى أنى مجتش وعزيتك يا بنتى بنفسى في بيتك واعزى الحاجه والدتك بس حقك عليا انتى عارفه ظروفى الصحيه.
امال بدأت تتخنق بالعياط ودموعها بدأت تنزل على وشها.

كمال، خير يا بنتى مالك في ايه اوعى يكون حد مزعلك.
امال، الصراحه يا كمال بيه انا عاوزة اسيب الشغل هنا خالص او اتنقل لمكان تانى.
كمال، ليه بتقولى كده بس يا امال وانتى عارفه كويس انى مش هاقدر استغنى عنك.
امال، اصل، اصل..
كمال، احكيلى يا بنتى في ايه؟
امال بدأت تحكيله على كل اللى شريف عمله معاها وطريقه تجريحه ليها اودام الموظفين ومش اول مرة ده على طول كده معاها بيهنها وبيجرحها دايما.

كمال، معلش يا بنتى حقك عليا ده كمال ابنى قلبه طيب بس هو من ساعه ما انجرح من البنت اللى كان بيحبها وسابها وكان خلاص هايخطبها وهو بقى إنسان تانى خالص حتى معانا في البيت اعزريه يا بنتى معلش علشان خاطرى انا وحقك عليا انا يا امال.
امال، ماشى يا كمال بيه علشان خاطر حضرتك انت ربنا يعلم انا بحترمك وبعزك اد ايه ومستحملع شريف بيه علشان خاطرك انت وبس..

كمال، ربنا يخليكى يا بنتى ولو عزتى اى حاجه انا موجود اطلبيها على طول من غير تردد وخلى بالك من والدتك وصحتها ربنا يخليكم لبعض.
خرجت امال من مكتب كمال بيه وللأسف كان شريف داخل عنده واول ما شفته بصت على الأرض وجريت بسرعه من اودامه قبل ما يديها درس تانى.
شريف، البنت دى كانت عاوزة ايه يا كمال بيه؟
كمال، كويس انك جيت يا كمال كنت لسه هابعتلك.
شريف، خير يا بابا في ايه؟

كمال، يا ابنى خف على البنت شويه حرام عليك اللى انتى بتعمله معاها ده كفايه اللى هي فيه.
شريف، بنت مين وعملت ايه.
كمال، امال البنت الموظفه بتاعه البوفيه.
شريف، الهانم اللى بتلم الموظفين حوليها كل شويه ولا عامله اى احترام للشركه ولا الشغل دى المفروض تترفض.

كمال، يا ابنى بتلم ايه بس دى بنت مسكينه وظروفها وحشه جدا والموظفين كانوا ملفوفين حوليها علشان بيعزوها في ابوها اللى مات الأسبوع اللى فات وده كان أول يوم تنزل فيه الشركه النهارده.
شريف، ابوها؟ وبيعزوها؟ طب ليه مفيش حد فهمنى الكلام ده ولا هي حتى ردت عليا وفهمتنى.
كمال، تلاقيها انكسفت من جرحك ليها وزعيقك ليها اودام الموظفين والعاملين.
شريف، انا بجد اسف يا بابا ولو كنت اعرف كده مكنتش زعقت بالمنظر ده.

كمال، خلاص يا شريف حاول ترضيها بكلمتين يا ابنى.
شريف، هي مين دى اللى أراضيها بتاعه البوفيه دى كمان.
الاب، علشان خاطرى يا ابنى دى بنت مسكينه وظروفها وحشه ومع كل ده انسانه ومحترمه ومتعلمه ومعاها ثانويه عامه كمان.
شريف، ان شاء الله يا بابا.
شريف خلص كلام مع باباه في المناقصة اللى الشركه كانت دخلاها الفترة اللى جايه وراح على مكتبه.

اول لما دخل قعد على مكتبه وبدأ يفتكر معاملته لامال الوحشه وأنه على طول بيجرحها وبيستفزها وهي مش بتقدر ترد عليه.
بس شويه وخد بعضه وراح اجتماع مهم للموظفين اللى في الشركه.
الشغل كان خلص وكانت كل شويه امال تتصل على أمها وتطمن عليها وتشوفها عامله ايه.
نزلت هي وفاتن على تحت وخرجوا من باب الشركه وفاتن ركبت الميكروباص اللى هايوصلها لبيتها لكن امال فضلت واقفه على المحطه عقبال ما الميكروباص بتاعها يجى.

وفجاه وقفت عربيه سودا كبيرة اودمها واتفتح الباب ونزل منها شخص وقرب منها.
امال اتصدمت من اللى شافته اودمها وخلاها مش عارفه تتصرف ولا تهرب وتروح على فين.
شريف، ازيك يا امال.
امال بدأت تتلفت حوالين نفسها وقالته، حضرتك بتكلمنى انا.
شريف، اه هو في حد غيرك واقف ولا ايه. انا كنت عاوز اعزيكى.
البقاء لله وربنا يرحمه ويغفرله ويصبرك.

امال مكنتش مصدقه ودانها وان اللى واقف اودمها ده شريف بيه الرخم الرزل اللى بيشخط ويزعق على طول ومن أتفه الأسباب.
شريف، ايه روحتى فين يا امال.
امال، ابدا ابدا يا شريف بيه معلش اصل صرحت شويه.
ونعم بالله.
شريف، انتى واقفه هنا ليه كده؟
امال، هاكون واقفه ليه يعنى؟
واقفه مستنيه الميكروباص علشان ارجع على البيت..
شريف، طيب أركبى وانا اوصلك اى مكان.
امال، لا طبعا متشكرة جدا وسلام يا شريف بيه الميكروباص جه عن اذنك.

شريف، ابتسم ابتسامه على شفايفه وفضل واقف لحد ما ركبت العربيه ومشيت.
ركب عربيته بس كان ماشى ورا الميكروباص اللى فيه امال.
ياترى هو بيعمل كده ليه وايه اللى خلاه يتغير بالمنظر ده.

نوفيلا لوعة العشق للكاتبة سحر فرج الفصل الثالث

نزلت امال من العربيه وعدت على الصيدليه تجيب العلاج الناقص لمامتها علشان كان خلص.
وكل ده وشريف كان بيراقبها من على بعد بعد ما فضل ماشى وراها بعربيته واطمن انها دخلت من باب العمارة بتاعتها.
ورجع ركب عربيته ومشى وهو عمال بيفكر هو ازاى عمل كده وعلشان ايه مشى وراها كل المسافه دى.
دى مجرد موظفه بسيطه في الشركه وبس.
فتحت امال باب الشقه ودخلت حطت الشنط اللى في اديها.

على التربيزة ودخلت على اوضه مامتها لقيتها بتصلى العصر.
اطمنت وخدت نفسها أن مامتها كويسه ودخلت على اوضتها علشان تغير هدومها.
غيرت امال ودخلت لقت مامتها خلصت الصلى قربت منها وحضنتها وباست اديها.
امال: حرما يا امى.
الام: جمعا يا حبيبتى إن شاء الله.
عملتى ايه النهارده في شغلك.
امال: تمام يا امى والله كله كويس وزمايلى والموظفين كلهم عزونى في بابا الله يرحمه.
الام: الله يرحمه يا بنتى وربنا يحبب فيكى خلقه.

امال: يارب يا امى.
قامت امال راحت على المطبخ علشان تجهز الغدا ليها ولأمها.
شريف كان رجع على ڤيلته وراح على اوضته بعد ما سلم على امه.
اترمى على السرير وبدأ يفكر في كل اللى حصل معاه من الصبح واد ايه هو زعل من نفسه و من طريقته مع امال وحس أنه غلط اوى في حقها.
وسرح في امال وملامحها واد ايه هي انسانه جميله وحساسه.
بس فجاه قام وقال.
( كلهم زى بعض كلهم زى بعض )
فلاش باك.

شريف كان بيحب زميلته في الكليه وفضلوا سنتين يحبوا بعض مع تحزيرات كتير من زميله احمد ليها وأنها مش اد كده ومش مناسبه ليه خالص ومتعوده على الدلع والنادى والسهر لحد الصبح ومع ده كله شريف ما قدرش يبعد عنها.
وفضلوا مع بعض لحد ما خلصوا الكليه وقرر شريف أنه يروح يخطبها من اهلها.
فجاه جاله تليفون من احمد صاحبه وقاله تعلالى بسرعه يا شريف على العنوان ده.
شريف: في ايه يا احمد فهمى في ايه؟
وعنوان مين ده؟

احمد: مش وقت الكلام ده خالص تعال بسرعه ولما تيجى هاتفهم كل حاجه.
وفعلا قام شريف بسرعه وخد مفاتيح عربيته وراح على العنوان اللى ادهوله احمد.
وصل شريف للعنوان وشاف احمد قاعد في عربيته مستنيه.
شريف: خير يا احمد في ايه وعنوان مين ده؟
احمد نزل من عربيته وقال لشريف تعال معايا وانت هاتعرف كل حاجه وتشوف بعنيك.
طلعوا عمارة وركبوا الاسانسير ووقفوا في الدور الرابع وخبط احمد على شقه من الشقق اللى في الدور ده.

شريف: فهمنى يا احمد في ايه وشقه مين دى؟
احمد: دلوقتى هاتشوف بعينك يا شريف كل حاجه.
الباب اتفتح وخرجت واحده وباين عليها انها مش محترمه من لبسها اللى شبه عريان ومكياچها الكتير اوى اوى.
ماهى: خير عاوزين ايه؟
احمد: عاوزين نسهر معاكم.
ماهى: اه طيب ما تقول كده من الصبح تعالوا ادخلوا.
شريف: في ايه يا احمد وايه المكان المشبوه ده.
احمد: اصبر يا شريف.

فجاه شريف سمع صوت حبيبته جاى من اوضه موجوده في الشقه وسمع صوت ضحكها العالى اللى عارفه كويس جدا.
جرى ناحيه الباب وفتحه واتصدم من اللى شافه.
شاف حبيبته شبه عريانه ونايمه في حضن واحد في السرير.
ماهى: ايه ده ايه اللى انت عملته ده ازاى تهجم على الاوضه كده انت مين وعاوز ايه.
شريف ولا كأنه سمع منها حاجه وقرب من حبيبته وفضل يضرب فيها لحد ما دمها نزل.
خاينه
خاينه
خاينه
باااااك.
( فعلا كلهم زى بعض ).

قام غير هدومه ودخل علشان ياخد شور ويريح شويه من تعب الشغل طول النهار.
جه الليل وكانت امال خلصت غسيل الاطباق بعد الغدا ودخلت علشان تاخد شور بعد ما اطمنت أن أمها هتنام شويه.
خدت الشور ودخلت اوضتها وبدأت تسرح شعرها وافتكرت اللى شريف عمله معاها والكلام اللى هو قالوا ليها.
واستغربت اوى لما شافته بعربيته ونزل اتأسف لها وعزاها.
فعلا انسان غريب اوى اوى.

طلعت شمس يوم جديد وصحيت امال وزى كل يوم جهزت الفطار لمامتها واطمنت عليها ونزلت راحت على شغلها.
امال: صباح الخير يا فتونه.
فاتن: صباح الورد يا حبيبه قلبى.
امال: اخبارك ايه يا فاتن.
فاتن: زى كل يوم يا اختى بين جوزى والعيال لحد ما خلاص قربت اتجنن.
امال: هههه انتى اللى عملتى في نفسك كده وجبت العيال ورا بعضها وانتى اصلا لسه مكملتيش 22 سنه.

فاتن: احنا كده بنتجوز صغيرين الصعايده كلها كده البت لو عدت 16 سنه من غير جواز بتكون بارت.
امال: على كده بقى انا بورت خلاص وفاتنى قطر الجواز.
فاتن: ما تقوليش كده ده انتى قمر. جمال وحلاوة وجسم ايه ما شاء الله.
ده انا لو ليا اخ كنت جوزتهولك.
فضلوا يضحكوا ويهزروا وفجاه دخل عليهم موظف من الموظفين.
الموظف: خير يا بنات بتضحكوا على ايه ضحكونى معاكم.
فاتن: ابدا يا استاذ عصام كنت بتكلم انا وآمال في حاجه كده.

عصام: ربنا يفرحكم دايما يارب.
فاتن راحت علشان تودى الشاى للموظف اللى طلبه وفضلت امال وعصام لوحدهم في البوفيه.
عصام: عامله ايه يا امال وازى الحاجه الوالده.
امال: الحمد لله يا استاذ عصام.
عصام فضل يتكلم معاها ويضحكوا.
من برة كان معدى بظروفها شريف وسمع كلام وهزار امال مع عصام ومن جواه كان مدايق وزعلان من كلامها وهزارها مع الموظفين.
فكر أنه يدخل ويزعق لها بس رجع في كلامه وخد بعضه ومشى.

دخل مكتبه ورزع الباب وراه ورن الجرس وطلب من السكرتيرة ان امال تعمله فنجان قهوة وتجيبه بنفسها.
السكرتيرة فعلا طلبت البوفيه وطلبت من امال انها تجهز القهوة وتجيبها بنفسها للباشمهندس شريف.
امال لفاتن: اه ربنا يستر والنبى يا فاتن هاعمل فنجان القهوة وانتى وديه ليه.
فاتن: يا ربى يا امال ماتوديه انتى وبلاش انا المهندس شريف ده.
امال: وحياتى يا فاتن علشان خاطرى.

فاتن: طيب يا اختى علشان خاطر عيونك انتى بس وربنا يستر.
وفعلا عملت امال القهوة وخدته فاتن ووصلت لباب المكتب وخبتط ودخلت.
شريف كان قاعد ولافف الكرسى بتاع المكتب ومدى ضهره ليها.
فاتن: القهوة يا باشمهندس شريف.
شريف سمع صوتها وعرف أنه مش صوت امال ولف بالكرسى علشان يشوف مين دى.
شريف: فين امال؟
فاتن: اصلها كانت بتجهز قهوة لكمال بيه يا فندم.
شريف: طيب اتفضلى انتى على شغلك.
فاتن..
حاضر يا فندم تؤمر بحاجه تانيه.

شريف: لا اتفضلى انتى.
ولسه يا دوبك بتفتح الباب سمعت شريف بينادى عليها تانى.
شريف: فاتن.
فاتن: نعم يا باشمهندس.
شريف: هي امال في الشركه من امتى؟
فاتن: بقالها حوالى سنتين يا فندم.
شريف: وانتى تعرفى عنها ايه وظروفها ايه؟
فاتن حكت لشريف على كل ظروف امال وعلى ظروف والدها ووالدتها وفاه ابوها وان امال كانت نفسها تكمل دراستها لولا ظروف ابوها والحادثه اللى اتعرض لها.

شريف: تمام يا فاتن اتفضلى انتى على شغلك وما تقوليش لامال أنى سألتك على حاجه.
خرجت فاتن ورجعت على البوفيه ولقت امال بتكلم مامتها وتطمن عليها في التليفون.
خلصت امال وسألت فاتن على سبب تأخيرها عند شريف.
فاتن قررت انها تقولها على اسئله شريف عنها واستغربت امال اوى من كلامها ده.
امال: وبيسأل ليه وعاوز منى ايه ده؟
فاتن: العلم علمك يا اختى ربنا يستر.

شويه وكمال بيه طلب ان امال توديله فنجان قهوة وفعلا امال جهزته وراحت علشان توديه وهي راحه وماسكه الفنجان في ايديها كان شريف خارج بظروفها من مكتب ابوه ومدى ضهره لامال وفجاه وبدون مقدمات اتقلب فنجان القهوة السخن عليها وصرخت صرخه الكل اتلم عليها.
شريف: انا اسف
انا اسف والله مش واخد بالى المهم انتى جرالك ايه وحصلك حاجه.
كمال: في ايه يا شريف وآمال حصلها ايه؟

شريف: فنجان القهوة اتقلب عليها يا بابا واكيد اتحرقت منه.
امال: اه. اه مش قادرة الم فظيع.
شريف في ثوانى كان شالها
امال: انت بتعمل ايه نزلنى. نزلنى
وركب الاسانسير وراح على عربيته والموظفين كلهم كانوا مستغربين من اللى بيحصل اودام عنيهم ده.
ركب عربيته بعد ما حطها على الكرسى وراحوا على المستشفى.
وصلوا اودام باب المستشفى واستقبلهم الممرضين وطلعوا بأمال على الاستقبال بسرعه.

فضل شريف واقف اودام الباب وكانت زعلان جدا على اللى حصل وكان مستنى الدكتور يطلع ويطمنه بفارغ الصبر على امال.
وشويه والدكتور خرج قرب منه شريف وسأله اخبار امال ايه طمنى يا دكتور.
الدكتور: الحمد لله الجرح سطحى واحنا عملنا اللازم وكتبنلها على شويه مراهم تبقى تستعملها لان الحرق في مكان حساس شويه.
شريف شكر الدكتور وطلب منه أنه يدخل يطمن على امال بنفسه.

وفعلا دخل لامال اللى كانت نايمه على السرير وقرب منها وبدأ يكلمها.
شريف: انا اسف والله حقك عليا مختش بالى خالص وانا خارج من المكتب.
امال: حصل خير يا شريف بيه الحمد لله.
شريف: الدكتور طمنى والحمد لله قال إنه جرح سطحى وكتب على شويه ادويه وقال انك ممكن تخرجى في اى وقت باليل.
امال: باليل ايه مقدرش علشان والدتى لوحدها ومش عوزاها تقلق عليا انا هامشى دلوقتى لو سمحت.

شريف: طيب اللى تشوفيه وانا هاروح اقول للدكتور واخلص الحساب وارجعلك على طول واوصلك بنفسى لحد البيت.
امال: لا متشكرة جدا ما تتعبش نفسك انا هاروح لوحدى.
شريف: تعب ايه بس دى اقل حاجه اقدر اقدمهالك مش كفايه انا السبب في كده.
تليفون شريف رن وكان كمال بيه بيطمن على امال وشريف طمنه
كمال: اعمل كل اللازم يا ابنى وخليك معاها متسبهاش ووصولها لحد بيتها.
. شريف: امرك يا بابا.

شويه وجه شريف بعد مخلص حساب المستشفى وراح على الاوضه اللى فيها امال ودخل بس للاسف ملقهاش في الاوضه ولقاها سايبه خبر مع الممرضه انها روحت لوحدها وبتشكر سياتك على تعبك معاها.
شريف خبط أيده في الحيطه اللى جنبه وخد بعضه ونزل ركب عربيته.
امال كانت وصلت للبيت وفتحت باب الشقه ولقت مامتها قاعده بتقرأ في المصحف واستغربت الام من امال اللى جت بدرى من الشغل.

الام: امال حبيبتى جيتى بدرى كده ليه في حاجه حصلت ولا ايه يا بنتى وحتط أديها على صدر امال.
امال: اه حسبى يا امى براحه عليا اصلى تعبانه شويه.
الام: خير يا بنتى فيكى ايه وتعبانه من ايه؟
امال: اطمنى يا أمى دى حاجه بسيطه و بدأت تحكى لامها على اللى حصل.
الام: يعنى انتى بخير يا حبيبتى والنبى طمنينى وورينى الجرح.
امال: والله كويسه يا امى وشريف بيه ودانى المستشفى بنفسه ومخرجونيش غير لما الدكتور اطمن عليا.

الام: طيب يا بنتى ادخلى انتى نامى واستريحى عقبال لما أنا اجهز الغدا بنفسى.
امال: لا يا امى انا كويسه وانا اللى هاعمل الغدا بنفسى ما تتعبيش نفسك انتى يا حبيبتى.
الام: ولا تعب ولا حاجه ولا ما نفسكيش تكلى من ايدى زى زمان الاكل اللى بتحبيه؟
امال: نفسى والله يا امى اكلك وحشنى اوى بس مش عاوزة اتعبك معايا.
الام: ولا تعب ولا حاجه يا روح امك يالا ادخلى غيرى هدومك ونامى شويه عقبال لما اخلص.

امال: ماشى يا حبيبتى حاضر.
دخلت امال غيرت هدومها ونامت على سريرها وبدأت تفتكر كل اللى حصل واد ايه شريف كان خايف عليها وفضلت تفكر وتكلم نفسها.
يا ترى هو بيعمل معايا كده ليه؟ وعاوز منى ايه؟ وايه التغير اللى حصل فيه فجاه كده بعد معاملته الوحشه ليها طول الفترة اللى فاتت دى كلها؟
عاوز منى ايه يا شريف بيه؟

نوفيلا لوعة العشق للكاتبة سحر فرج الفصل الرابع

الام كانت في المطبخ بتعمل الغدا وسمعت باب الشقه بيخبط فراحت بسرعه علشان تفتح علشان امال ما تصحاش من نومها وهي تعبانه.
فتحت الام الباب وشافت شاب واقف وشايل بوكيه ورد في أيده.
الام: مين حضرتك وعاوز مين يا ابنى؟
شريف: اهلا يا حاجه انا شريف كمال مدير امال في الشركه وكنت جاى اطمن عليها.
الام: اهلا وسهلا يا ابنى اتفضل.
شريف دخل والام رحبت بيه وبدأ يسأل عن امال.
شريف: امال عامله ايه دلوقتى يا حاجه؟

الام: الحمد لله يا ابنى من ساعه ما جت وهي نايمه.
وحكت ليا على اللى حصل معاها ومتشكرين لتعبك يا ابنى معاها.
شريف: والله يا حاجه ما كنت اقصد خالص وانا خارج من المكتب بتاع والدى ولقيتها فجاه في وشى وبعدين ولا تعب ولا حاجه دى اقل حاجه قدرت اقوم بيها.
الام: حصل خير يا ابنى الحمد لله على كل شىء.
تحب تشرب ايه قهوة ولا حاجه ساقعه؟

شريف: ما تتعبيش نفسك يا حاجه انا هاطمن على امال وامشى على طول علشان بابا عاوز هو كمان يطمن عليها.
الام: ثانيه واحده وهادخل اناديها من اوضتها.
شريف: اتفضلى يا حاجه.
الام راحت على اوضه امال اللى كانت نايمه من التعب وبدأت تصحيها بشويش.
الام: امال. امال
قومى يا بنتى في ضيوف عاوزينك بره.
امال: مين بس يا ماما اللى عاوزينى سبينى انام شويه.
الام: شريف بيه المدير بتاع الشركه برة وجاى علشان يطمن عليكى.

امال: ايه بتقولى مين؟
شريف برة وعاوز يطمن عليا.
ده جى ليه ده
الام: اهدى يا بنتى هايكون جاى ليه يعنى اكيد علشان يكمن عليكى ويشوفك عامله ايه.
قامت امال بسرعه من السرير وطلبت من مامتها انها تخرج تقعد معاه عقبال لما تغير هدومها وتطلع تسلم عليه وتقدمله حاجه يشربها.
وفعلا راحت الام وقعدت معاه وبعد شويه خرجت امال وسلمت على شريف اللى اول ما شافها قام وقف وسلم عليها.
شريف: عامله ايه دلوقتى يا امال.

امال: الحمد لله يا شريف بيه احسن بكتير.
الام: اروح انا بقى وأجهز الغدا لازم نتغدا مع بعض.
شريف: لا يا افندم ما تتعبيش نفسك انا شويه وهامشى على طول.
الام: وده يصح يا ابنى احنا ناس تعرف في الواجب والأصول كويس ولا احنا مش اد المقام.
شريف بص لامال اللى كانت لسه مش مستوعبه أن شريف عندها في البيت ومش عارفه تقول ايه.
الام: ولا ايه يا امال يرضيكى كده ينزل من غير ما ناكل مع بعض عيش وملح.

امال: لا طبعا يا امى خلى حضرتك وانا هاروح اجهز السفرة.
وفعلا راحت امال ودخلت المطبخ ومكنتش مصدقه أن شريف عندهم في فى البيت وقرصت نفسها علشان تفوق وتعرف أن ده فعلا حقيقى.
جهزت السفرة وحطت الاطباق وجهزت السلطه وخلت السفرة تفتح النفس وبعدها راحت علشان تناديهم.
مامتها كانت لسه مخلصه الاكل اللى كانت ريحته الروعه طالعه وماليه المكان كله.
راحت امال وطلبت من شريف ومامتها أنهم يجوا علشان الاكل جاهز.

قام شريف وطلب أنه يغسل أيده قبل ما يقعد وياكل وآمال دخلته الحمام وبعدها راح السفرة وقعد الكل وبدؤوا يكلوا.
شريف: ما شاء الله يا حاجه الاكل حلو جدا تسلم اديكى.
الام: شكرا يا ابنى وبالهنا والشفا.
انا بقالى كتير ما وقفتش اعمل اكل بس علشان تعب امال وقفت النهارده وعملته ونصيبك انك تدوقه.
شريف: ربنا يديكى الصحه.

امال كانت في دنيا تانيه ومش عارفه تقول ايه ولا تتصرف ازاى وكانت مستغربه جدا أن شريف قاعد معاهم وكمان ايه على سفرة واحده وعندها في البيت كمان.
وطول ما هي قاعده كانت سرحانه وعماله تقلب بالشوكه وخلاص في الطبق اللى قدامها وده اللى خلى شريف واخد باله منها.
خلصوا الاكل وقاموا قعدوا في الانتريه.
الام، اروح انا بقى اجيب القهوة.
قهوتك ايه يا ابنى.
شريف: مضبوطه لو سمحتى.
الام: ثوانى وهاتكون جاهزة يا ابنى.

شريف: عامله ايه يا امال.
امال: الحمد لله يا شريف بيه.
شريف: ممكن تقولى شريف بس لو سمحتى.
امال وشها احمر اوى ومعرفتش ترد عليه
شريف: انتى ليه نزلتى من المستشفى ومستنتيش علشان اوصلك للبيت.
امال: يا شريف بيه احنا ناس في منطقه شعبيه ووالدى متوفى الناس تقول ايه وانا راكبه معاك العربيه لوحدنا وكمان موصلنى لحد البيت.

شريف: عندك حق طبعا بس انا مش قصدى أنى احرجك مع حد انا كنت عاوز اوصلك علشان انتى تعبانه وانا السبب في تعبك ده.
امال: والناس اللى هاتشوفنا ما تعرفش كل ده يبقى ليه اجيب لنفسى الكلام واخلى حد يتكلم عليا.
شريف: كلامك صح وانا بعتذر أنى جيت من غير ميعاد بس ما كنتش اقدر انام الا لما اطمن عليكى.
امال انكسفت اوى من كلامه ومن نظراته ليها.
ومعرفتش ترد عليه لولا أمها جت و دخلت بفنجان القهوة.

الام: اتفضل يا ابنى القهوة.
شريف: تسلم اديكى يا حاجه تعبتك معايا.
الام: تعبك راحه يا ابنى.
شرب قهوته والام استأذنت انها تقوم تصلى وشريف قام علشان يمشى بس قبل ما ينزل طلب من امال رقم تليفونها علشان يبقى يطمن عليها وبلغها أن ابوه اداها يومين اجازة علشان تستريح براحتها.
نزل شريف وآمال خدت نفسها وكأنها كانت بتحلم.
فاقت على موبيلها بيرن وراحت علشان تشوف مين.
امال: السلام عليكم.

فاتن: وعليكم السلام ازيك يا امال عامله ايه يا حبيبتى دلوقتى.
امال: الحمد لله يا فاتن احسن.
فاتن: معلش يا حبيبتى والله كان نفسى اجى معاكى المستشفى بس انتى عارفه علشان الشغل ومفيش غيرى انا وانتى.
امال: عارفه يا قلبى ولا يهمك وشكرا على سؤالك.
قفلت امال مع فاتن وراحت تشوف مامتها اللى في أوضتها.
الام: الضيف مشى يا بنتى؟
امال: اه يا امى نزل.
الام: ما شاء الله عليه شكله ابن حلال ومحترم ومؤدب.

وشكله كده مهتم بيكى.
امال: ده اتحول فجاه من ناحيتى يا ماما والله.
ده كان بيعاملنى وحش اوى ومش انا بس اى وحده بتشتغل في الشركه بيعاملها وحش شكله مش بيحب البنات خالص.
الام: اكيد فيه سبب لكده علشان مايحبش البنات بس اللى انا شوفته بعينى واهتمامه بيكى حاجه تانيه.
امال: انا برده بدأت احس الاحساس
ده وأنه مهتم بيا الايام دى.
ده حتى كمال بيه ربنا يكرمه بيعاملنى كويس اوى.
الام: ابوه اسمه كمال يا بنتى.

امال: اه يا امى اسمه كمال مهران الشرقاوى.
صاحب اكبر مجموعه شركات في الوطن العربى.
الام: انتى بتقولى اسمه ايه؟
امال: في ايه يا ماما انتى اتفاجئتى بالاسم كده ليه؟
الام وشها ظهر عليه الاستغراب والزهول.
انتى متاكده يا امال من الاسم ده.
امال: اه طبعا يا امى انا شغاله معاهم بقالى اكتر من سنتين وعارفه اسمه كويس.
فى ايه يا ماما انتى تعرفيه ولا ايه.

الام: اقعدى يا امال وانا هاحكيلك كل حاجه مقدرتش احكيهالك طول العمر ده وكنتى على طول تسألينى وانا اهرب من سؤالك انا وابوكى الله يرحمه.
وكنتى بتستغربى اوى من وانتى صغيرة اننا ملناش اهل ولا قرايب زى بقيت اصحابك.
انا هاحكيلك يا بنتى كل حاجه علشان تعرفيها قبل ما يجرالى حاجه واموت.
امال: بعد الشر عليكى يا ماما.
الام بدأت تحكى وآمال كانت سمعاها.
فلاش باك.
الاب: قولتلك مش هاتتجوزيه يعنى مش هاتتجوزيه يا جميله.

جميله: يا بابا احنا بنحب بعض من زمان وهو هايشتغل وهايبنى نفسه وبكرة يبقى حاجه كبيرة.
الاب: هي كلمه واحده مفيش غيرها ولو عملتى اللى في دماغك لا انتى بنتى ولا اعرفك وهاتبرا منك خالص لحد ما اموت.
كمال: اسمعى كلام بابا يا جميله واوعى تسبينا احنا ملناش غير بعض.
بعد ماما الله يرحمها.
جميله: انت لسه صغير يا كمال وبكرة تعرف يعنى ايه حب وانك مش هاتقدر تستغنى عن اللى بتحبه.

كمال: واحنا بنحبك يا جميله وانا مليش غيرك بعد امى الله يرحمها ومش هاقدر استغنى عنك.
جميله خدته في حضنها وفضلوا يعيطوا مع بعض.
صحى الاب الصبح ودور على جميله في كل العزبه ملقهاش.
بااك
الام: هي دى حكايتى يا امال سبت ابويا وسبت اخويا الوحيد واتجوزت ابوكى اللى كنت بحبه بس كانت ظروفه وحشه وفضلت وحشه لحد ما مات.
ولما خلفتك سميتك على اسم امى الله يرحمها امال.

امال: انا مش مصدقه كل اللى انتى قولتيه ده انا كأنى بحلم.
ليه ما قولتيش الحكايه دى من زمان انا اول مرة اسمعها منك وكنت على طول اقولك فين اهلك وفين اخواتك كنتى تردى وتقولى انا مقطوعه من شجرة ومليش اهل خالص.
حتى بابا الله يرحمه كان كده مالوش اهل خالص.
الام: ابوكى لما هربنا مع بعض كان عايش مع عمته بعد ما أمه وأبوه ماتوا وهي اللى ربته وعرفنا بعد كام شهر من هروبنا انها ماتت من زعلها على ابوكى.

وانا كنت عرفت برضه أن ابويا مات من زعله عليا وحاولت ادور على اخويا كمال بس ما لقتهوش وعرفت أنه باع كل حاجه وسأل البلد وده اللى كان تاعبنى وتاعب قلبى طول حياتى.
امال اترمت في حضن امها وفضلوا يعيطوا هما الاتنين.
امال: يعنى كمال بيه ده يبقى خالى وشريف ده بيكون ابن خالى
. الام: لازم نتأكد الاول ومش هاتاكد غير لما اشوفه بعينى اودامى واعرف أنه كمال اخويا.
امال: يبقى لازم نروح على الشركه الصبح انا وانتى.