رواية هو والجميلات

رواية هو والجميلات الجزء الأول للكاتبة سحر فرج الفصل العشرون والأخير

طلع النهار والكل كان بدأ يصحى في بيت سيف.
خرجت الام من اوضتها لقت البنات مي وجنه بيجهزوا الفطار.
الام: صباح الخير يا بنات ايه الهمه والنشاط اللى على الصبح ده ما اتحرمش منكم ابدا وافرح بيكم واشوفكم عرايس.
مي: صباح الفل يا ماما ربنا ما يحرمنا منك ابدا.
جنه: صباح النور يا عمتى.
سيف كان تليفونه بيرن ويا دوبك وهو خارج من الحمام سمعه راح مسك الموبيل ورد لما لقاه خالد صاحبه.

سيف: ايوا يا خالد على الصبح مش عاويدك تصحى بدرى كده هي القيامه قامت ولا ايه.
خالد: صباح الفل يا باشمهندس سيف مبروك يا معلم النتيجه ظهرت وبابا جبهلنا احنا الاتنين من واحد دكتور في الكليه.
سيف: انت بتتكلم جد والله انا نجحت.
خالد: لا بهزر على الصبح.
ياض بقولك نجحنا. نجحنا واتخرجنا اخيرا.

سيف: الحمد الله. الف حمد وشكر ليك يارب. لا بقى ده انت لازم تيجى تتغدنا عندنا النهارده وكل الاكل اللى بتحبه يا اسطا انت تؤمر.
خالد: اوبا بدام فيها عزومه انا راشق وهاجى طبعا يا باشا.
سيف: يالا سلام وما تتأخرش عليا هستناك وهاقفل علشان اروح افرح الست الوالده.
خالد: ماشى يا معلم اشطا يالا باى.
سيف قفل الموبيل بسرعه وفتح باب الاوضه وجرى على والدته ومسكها وحضنها.
سيف: صباح الفل على عيونك يا ام المهندس سيف.

اخيرا يا امى النتيجه ظهرت وابنك نجح وبقى مهندس.
الام: ما شاء الله بتتكلم جد يا سيف.
سيف: وهي دى فيها هزار يا حاجه والله العظيم نجحت وخالد لسه متصل بيا وبشرنى.
مي: جريت وحضنت اخوها وباركتله.
جنه: الف مبروك يا سيف الف الف مبروك على التخرج.
سيف: الله يبارك فيكم وعقبالك يا جنه لما تخلصى كليه الطب ان شاء الله
الكل كان فرحان وسعيد وفجاه الام بدأت تعيط.
سيف: في ايه يا امى بتعيطى ليه.

الام: ابدا يا حبيبى اصل افتكرت ابوك الله يرحمه كان نفسه يفرح بين ويشوفك مهندس اد الدنيا دى كلها.
سيف حضن أمه وباس رأسها وقال الله يرحمه ويغفرله.
في فيلا يوسف كان الكل صحى والاب راح على الشركه ويوسف كان صحى علشان يحصله.
نور: صباح الخير يا حبيبى.
نازل بدرى يعنى النهارده.
يوسف قرب منها وباسها وقالها صباح الفل يا قلبى معلش ازعجتك معايا.

اصل بابا عاوزنى ضرورى في الشركه النهارده وهو سبقنى وانا هاحصله على طول.
نور: طيب استنى اجهزلك الفطار قبل ما تنزل.
يوسف: انا عاوز افطر من عندك انتى.
نور: ازاى مش فاهمه؟
يوسف: قرب منها وحط أيده على شعرها وقرب من شفايفها وبسها بوسه طويله بكل حب وحنيه.
نور: خدت نفسها بالعافيه من طول البوسه.
يوسف: انا عاوز افطر تانى لوسمحتى لسه جعان.
نور: بس كده انت تؤمر والمرة دى انا اللى هافطرك بس من شفايفى.

حضنته نور وبدأت تفك زراير قميصه وتحسس على كل حته في صدره بشويش خالص لحد ما راحوا في عالمهم الخاص.
بعد شويه كان قام يوسف على رنه الموبيل.
يوسف: الووو ايوا بابا معلش اتأخرش عليك الطريق زحمه شويه عشر دقائق واكون عندك على طول.
كل ده ونور عماله تحسس على ضهره بأديها من ورا وحطت راسها على صدره.
يوسف كان حاطت أيده على بطنها وعمال يكلمها ويقولها بنوتى الحلوة عامله ايه.

نور: بنوتك الحلوة بتقولك وحشتنى يا بابى وكلها كام شهر وأكون في حضنك.
يوسف: حبيبه بابى وقلب بابى من جوه.
معلش لازم اسيبك دلوقتى واروح الشركه انا اسف يا حبيبتى.
وفعلا كان قام يوسف وخد شور ونزل راح على الشركه.
دخل على باباه وبدؤوا يتكلموا في المشاريع الجديده.
موبيل يوسف رن وكان زمايله في الكليه بيبلغوه أن نتيجته هو ونور ظهرت ونجحوا هما الاتنين.
يوسف: الحمد الله متأكد يا عمرو من النتيجه.

عمرو كان زميله في الكليه.
عمرو: اه يا يوسف طبعا متأكد انتم الاتنين نجحتوا بتقدير كمان.
قفل يوسف مع عمرو وبلغ باباه بالنتيجه والاب كان فرحان جدا بيهم هما الاتنين وان الجواز ما اثرش عليهم وعلى امتحناتهم.
يوسف: طيب انا لازم امشى معلش يا بابا مش هينفع ابلغ نور بالموبايل.
الاب: ماشى يا باشمهندس مش هقدر اقولك لا طبعا وخلى ماما تجهز لنا حفله باليل بمناسبه النجاح.

نزل يوسف من الشركه بسرعه وركب عربيته وراح على الفيلا.
دخل من باب الفيلا وجرى على جوا وبص في الريسبشن ملقاش حد موجود جرى على فوق ودخل على اوضه النوم لقى نور بتقرأ روايه حلوة.
يوسف: نور يا نور نجحنا يا حبيبتى اخيرا نجحنا.
نور رمت الروايه اللى في اديها على السرير وقامت وقفت عليه وقالتله انت بتتكلم جد يا يوسف احنا نجحنا.

يوسف: ايوا يا حبيبه قلب يوسف من جوا وعيونى وحياتى اخيرا اتخرجنا يا عمرى وقام شايلها وبدأ يلف بيها الاوضه كلها.
نور: براحه يا مجنون براحه يا يوسف علشان البيبى.
يوسف من فرحته فضل شايلها وعمال يلف بيها.
الام وملك واحمد جريوا على صوتهم العالى وكان باب الاوضه مفتوح.
الام: خير يا ولاد في ايه فرحونا معاكم.
نور: النتيجه ظهرت يا ماما ونجحنا احنا الاتنين الحمد لله.
ملك: وااااو مبروك يا شباب الف مبروك.

يوسف كان نزل نور براحه على الأرض وجرى عليها احمد وحضنها وبارك لها.
الام: مبروك يا حبايب قلبى الف مبروك احنا لازم نحتفل النهارده.
يوسف: اه يا ماما بابا قالى قول لماما تجهز نفسها في حفله حلوة النهارده علشان النجاح والتخرج ليا انا ونور.
الام: ايوا طبعا يا حبيبى هو احنا عندنا كام يوسف ونور يعنى.
ملك: يا سلام يا سلام على الحنيه وانا بنت القطه السوداء يعنى ولا ايه انا وأحمد.

ما احنا نجحنا احنا كمان ولا ايه يا ست ماما.
الام: طبعا يا حبيبتى يالا بينا علشان نبدا نجهز الحفله.
في بيت سيف كان بلغ والدته بالغداء اللى عزم عليه خالد وبدأ فعلا يعملوا الغدا.
جنه: ايه يا ست مي سرحانه في ايه من ساعه لما سيف قالنا إن خالد جاى على الغدا انطقى.
مي: قصدك ايه بس يا ست جنه.
جنه: مش قصدى حاجه بس انا من ساعه الحادثه بتاعه سيف وانا ملاحظه كده أنه معجب بيكى وانتى كمان معجبه بيه صح اعترفى.

مي: بس يا بت انتى دلوقتى خلينا في اللى بنعمله بدل ما سيف يدخل علينا ولا تحبى اقوله عليكى وعلى اللى في قلبك.
جنه: بت انتى اوعى والله ازعل منك انتى فاهمه.
الام دخلت عليهم المطبخ وكانوا خلصوا كل الاكل وبلغتهم أن خالد جه تحت وسيف نزله.
سيف: اتفضل يا خالد البيت بيتك يا عم.
مي بصت لجنه وهما في المطبخ وابتسموا لبعض..
سيف دخل خالد على اوضه الصالون وكان خالد جايب شويه حاجات وهو جى معاه.

الام دخلت وسلمت عليه ورحبت بيه وقالته ليه كده يا ابنى تعبت نفسك ايه كل اللى انت جايبه ده.
خالد: ولا تعب ولا حاجه يا امى دى حاجه بسيطه.
البنات بدأت تجهز السفرة بعد ما غيروا هدومهم وبلغوا سيف أن الاكل جاهز على السفرة.
سيف جاب والدته وخالد وراحوا على السفرة.
خالد: ازيك يا انسه مي.
مي وشها جاب ميت لون واحمر اوى من الكسوف.
مي: الحمد لله يا خالد كويسه.
خالد: ازيك يا انسه جنه.
جنه: الحمد لله.

بدؤا يكلوا كانت التربيزة مليانه بكل انواع المحاشى اللى بيحبها خالد وسيف وحمام محشى فريك وملوخيه خضرا بس ايه ريحيتها روعه.
في الفيلا كانت نهله بدأت تجهز الحفله وتعزم الناس صحابها واهلها عليها وبلغتهم بنجاح يوسف ونور.
ملك كانت في اوضتها بترن على سيف علشان تطمن على نتيجته هو كمان.
سيف كان لسه يا دوبك مخلص الغدا وكان قاعد بيشرب الشاى هو وخالد في البلكونه.
سيف: ايوا يا ملك عامله ايه.

ملك: الحمد لله يا سيف طمنى عليك وعلى نتيجتك.
سيف: الحمد لله يا ملك نجحت بتقدير جيد جدا كمان.
ملك: مبروووك يا سيف الف مبروك ويوسف ونور برضه نجحوا.
وعاملين حفله كبيرة عندنا النهارده ياريت تيجى مع خالد اكيد يوسف هايعزمه علشان تتعرف على ماما.
سيف: لا ملوش لازمه يا ملك مش هقدر اجى.
ملك: علشان خاطرى يا سيف وحياتى عندك.
سيف: معلش يا ملك مش هقدر انا اسف.

ملك: ماشى يا سيف هاقفل دلوقتى علشان الحق اجهز نفسى يالا باى.
قفل سيف الموبيل ولقى خالد بيكلم حد هو كمان على الموبيل وقفل معاه على طول.
سيف: ايه يا عم كنت بتكلم مين؟
خالد: ده يوسف كان بيعزمنى على حفله نجاحه هو ونور النهارده.
سيف: يعنى هاتروح الحفله.
خالد: مش عارف لسه يا صاحبى والله.
سيف: اصل ملك كلمتنى وعوزانى اروح انا كمان الحفله.
خالد: ايه ده بجد هاتروح.

سيف: مش عارف والله لسه يا خالد خايف اروح واعمل مشكله لنور.
خالد: يا عم ولا مشكله ولا حاجه وبعدين الموضوع ده انتهى ولا ايه يا عم سيف؟
لسه بتفكر فيها؟
سيف: مش هاكدب عليك يا خالد انت اخويا نور عمرها ما بتروح من بالى بس أنا بحاول ما فكرش فيها واقول لنفسى انها خلاص مش بتاعتى وبقت زوجه وقريب هاتكون ام كمان.
خالد: زين العقل يا صاحبى بس ايه حكايه ملك دى اوعى يا سيف تكون بتقرب من ملك علشان تقرب من نور.

سيف: ايه الهبل اللى انت بتقوله ده بطل عبط لا طبعا انا الصراحه شخصيه ملك عجبانى بس اكدب عليك لو قلتلك انى بحبها.
خالد: طيب ناوى على ايه دلوقتى هاتروح الحفله ولا ايه.
سيف: انت شايف ايه اروح ولا لا؟
خالد: تعال نروح وزى ما تيجى تيجى.

نور بدأت تلبس الفستان اللى نزل جابهولها يوسف علشان الحفله وعملهولها مفاجاه وكانت طالعه زى القمر.
يوسف لبس قميص وبنطلون وكان عامل زى مهند في مسلسل نور التركى طالع موووووز.
ملك كانت نزلت على السريع اشترت فستان احمر روعه وسرحت شعرها وكانت زى القمر.
الضيوف بدؤا يجوا ونهله والاب كانوا بيرحبوه بيهم وبدأت الحفله والموسيقى ونزل يوسف ونور وهما ماسكين ايد بعض على السلالم والكل بدأ يصقف ليهم.

وهما نازلين نور لمحت حد داخل من الباب واستغربت اوى من اللى شافته
سيف.
سيف وخالد كانوا وصلوا واول لما شافتهم ملك جريت عليهم ورحبت بيهم.
ملك: انا مش مصدقه نفسى انت غيرت رايك وجيت يا سيف.
سيف: اه يا ملك علشان خاطرك انتى.
ملك: ودى احلى مفاجاه ليا انت مش عارف انا فرحانه اد ايه.
ملك مسكت ايد سيف وراحت على مامتها.
ملك: مامى احب اعرفك على المهندس سيف اللى حكيت لحضرتك عنه..

الام: اهلا وسهلا بيك يا باشمهندس ومبروك النجاح.
سيف: الله يبارك فيكى يا طنط.
نور كانت لسه مش مستوعبه أن سيف موجود معاها في الفيلا ومش عارفه رد فعل يوسف هايكون ايه.
يوسف لمح سيف وهو واقف مع ملك ومع مامته واستغرب اوى لوجوده.
راح يوسف عليهم وسلم على خالد وعلى سيف.
يوسف: ازيك يا سيف مبروك النجاح.
سيف: الله يبارك فيك يا يوسف.
خالد: مبروك يا يوسف النجاح انت ونور.

يوسف: الله يبارك فيك يا خالد ومبروك ليك انت كمان.
رضوى زميله نور كانت وصلت هي كمان وسلمت عليهم كلهم.
يوسف: لو سمحتى يا ملك كنت عاوزك.
راحت ملك مع يوسف ودخلوا اوضه المكتب بتاعه الاب.
يوسف مسكها من اديها جامد وقالها مش انا قولتلك ملكيش دعوة بالانسان ده خالص.
ملك: سيب ايدى يا يوسف وفيها ايه يعنى أنا قولت لماما.
يوسف: ماشى يا ست ملك لينا كلام مع بعض بعدين.

الحفله استمرت كذا ساعه والكل كان فرحان وقررت رضوى انها تمشى.
سيف: استنى يا رضوى انا هاجى اوصلك انتى قريبه من بيتى.
خالد: استنوا ونمشى مع بعض كلنا.
وفعلا خرجوا كلهم مع بعض بعد ما سلموا على الكل وملك سلمت على سيف.
ولسه يا دوبك هايركبوا مع خالد واحد زميله اتصل بيه وعاوزه ضرورى في الكافيه اللى بيسهروا فيه.
سيف ورضوى كانوا ركبوا تاكسى وفجاه طلب منها سيف انها تحكيله عن سر جواز نور بالسرعه دى.

رضوى استغربت اوى من طلب سيف بس قررت انها تحكيله على كل حاجه علشان سيف من حقه يفهم وعلشان ما يظلمش نور زى ما هو مفكر.
رضوى حكت كل الحكايه وسيف كان مستغرب اوى من اللى بيتقال وعرف اد ايه أنه ظلم نور بس بعد ايه خلاص.
التاكسى وصل لبيت رضوى وبعدها وصل سيف.
يوسف كان بدأ يزعق لملك بعد ما الناس مشيت على موضوع سيف والكل كان مستغرب لتصرفه ده وعصبيته وكان أول مرة يعامل ملك كده بس نور كانت عارفه طبعا.

ملك: انا بحبه يا يوسف استريحت وقريب هايجى ويخطبنى إن شاء الله.
يوسف: انتى اتجننتى ده لا يمكن يحصل طبعا.
عدى كذا يوم وملك ويوسف ما كنوش بيكلموا بعض خالص.
ملك كانت حكت لسيف على كل اللى حصل بس ما قدرش يقولها سبب كره يوسف ليه.
بس فاجئيها وقالها أنه الحل الوحيد أنه يجى يخطبها.
ملك: انت بتقول ايه يا سيف عاوز تيجى تخطبنى.
سيف: ايوا يا ملك هاجى اطلب ايدك من باباكى بكرة بلغيهم بكده.

سيف كانت قفل مع ملك وراح علشان يبلغ والدته واخته بس للاسف جنه كانت عندهم ساعتها.
سيف: بقولك يا امى انا قررت اخطب.
مي بصت على جنه بسرعه اللى لقتها مبتسمه لأنها متخيله انها العروسه.
الام: تخطب دلوقتى يا سيف مش لما تشتغل يا ابنى الاول وبعدين مين دى بنت الحلال وبتبص على جنه.
سيف: ملك
الكل اتصدم لما سمعوا اسم ملك لأنهم كانوا متوقعين تكون جنه طبعا.
الام: بتقول ملك.
قصدك على ملك زميلتك اللى كانت بتيجى هنا.

سيف: ايوا يا امى وهاروح بكره أقابل ابوها واحدد معاه معاد نروح كلنا.
الام: اللى تشوفه يا ابنى.
ملك كانت راحت بلغت مامتها والام استغربت من السرعه دى بس بعدين رحبت.
الام بلغت الاب والاب وافق على المقابله بس مش موافقه على جواز طبعا.
الام كانت بلغت يوسف وكان مستغرب جدا لطلب سيف ده بس قرر بعدم موافقته طبعا على الجوازة دى.

كل ده ونور ما كنتش تعرف حاجه عن المقابله دى بس راحت لها ملك وحكت لها على كل حاجه من ساعه أول مرة شافت فيها سيف لحد اللحظه دى.
جه سيف في الوقت والميعاد اللى قال عليه والاب والام قابله وبدأ يشرح ظروفه للاب وأنه لسه متخرج وهايبنى مستقبله وبعدين يتجوز وأنه مالوش غير والدته واخته بعد ما باباه مات.
الاب: يا ابنى انتى لسه اودامك الطريق طويل ومش هقدر اوافق على اى حاجه دلوقتى خالص الا إذا كنت مستعد لها.

نأجل الموضوع ده عقبال لما تبنى مستقبلك الاول وساعتها نقرر حاجه زى كده.
سيف: يعنى افهم من كلامك حضرتك انك مش موافق.
الاب: انا قولت نأجل.
سيف: اللى تشوفه حضرتك بعد اذنك انا هامشى..
الاب: نورت يا ابنى واهلا وسهلا بيك في اى وقت.
سيف وهو خارج شاف يوسف واقف قصاده وعلى وشه ابتسامه.
سيف سابه ومشى ورجع على البيت.
جنه ومى طبعا كانوا في اوضه مي وكانت جنه مش مبطله عياط من ساعه ما سيف قال لهم.

دخل سيف من باب الشقه وكان باين على وشه الحزن.
الام: خير يا ابنى عملت ايه.
سيف: ابوها رفض يا امى وقالى لما تبنى مستقبلك.
الام: عنده حق يا ابنى انت لسه المشوار قدامك طويل.
جنه ومى كانوا سمعوا الكلام اللى قاله سيف وفرحت جنه اوى من اللى سمعته.
ملك كانت منهاره جدا ومش مبطله عياط.
الام حاولت تهديدها بس للاسف فضلت على كده.

عدت ايام وشهور وملك حالتها بتتدهور يوم بعد يوم ومحدش قادر يعمل لها حاجه.
سيف كان نزل اشتغل مع خالد في شركه أبوه وبدؤوا يعملوا مشاريع كبيرة واسمهم بقى معروف.
لان شركه ابوا خالد شركه كبيره جدا وليها فروع كتير خارج مصر.
سيف كان جاب شقه أكبر ليه هو ووالدته واخته في حى راقى ونقلوا وعاشوا فيها واشتروا عربيه كمان.

نور كانت نايمه وفجاه حست بوجع في بطنها وبسرعه صحت يوسف اللى كان نايم في سابع نومه. من كتر الشغل اللى في الشركه.
بسرعه صحى يوسف وشال نور بعد ما صحى الكل ونزلوا على المستشفى وعلى طول كانت دخلت اوضه العمليات.
بعد شويه الدكتور كان خرج وبلغهم ان نور ولدت وجابت بنوته زى القمر.
يوسف: الحمد لله وهي عامله ايه دلوقتى يا دكتور.
الدكتور: الحمد لله يا يوسف كويسه.
الكل كان فرحان واحمد اخوها كان فرحان جدا هو كمان.

ملك كانت في الفيلا لأنها كانت تعبانه جدا وحالتها بتسوء يوم بعد يوم.
يا ترى ايه اللى لسه الايام مخبياه ليهم.
الفصل التالي
رواية هو والجميلات الجزء الأول للكاتبة سحر فرج الفصل الختامي

رواية هو والجميلات الجزء الأول للكاتبة سحر فرج الفصل الختامي

نور كانت خرجت من المستشفى بعد الولاده وكانوا جهزوا الفيلا علشان يعملوا سبوع حلو اوى لبنتهم اللى سموها: مليكة
كانت طالعه حلوة لمامتها عيونها ملونه وشعرها اصفر وعسوله.
الكل كان فرحان وسعيد بيها وخاصه يوسف ونور.
ملك كانت دائما قافله على نفسها اوضتها وكانت حالتها صعبه جدا وصحتها في النازل بعد فشل كل المحاولات اللى امها وابوها عملوها علشان ترجع تانى زى الاول.

وكانت كل فترة تتصل على سيف علشان تطمن عليه لكن للاسف سيف من كتر شغله نسى الحب لفترة وكان كل همه مستقبله وبس.
يوسف كانت صعبانه عليه ملك وحاول يدخل لها اكتر من مرة بس للاسف ملك كانت رافضه نهائى انها تشوفه.
باب اوضه ملك خبط ودخلت نور وهي شايله مليكه على اديها.
نور: مليكه جت علشان تشوف عمتها ملك بدام عمتها مش عاوزة تشوفها.
ملك: فرحت اوى لما شافت مليكه وخدتها من نور وفضلت تبوس فيها وده اللى خلى نور تعيط.

ملك بدأت تعيط هي كمان بس بسبب سيف.
نور قربت منها وخدت مليكه وسابتها على السرير وخدت ملك في حضنها.
ملك: بحبه اوى يا نور ومش هقدر اعيش من غيره ومحدش حاسس بيا خالص حتى يوسف اخويا الوحيد.
نفسى اعرف ايه سبب كرهه لسيف بالمنظر ده.
انا بموت من جوايا يا نور بموت كل ثانيه وكل وقت وانا بعيده عن سيف بموت يا نور بموت.
ارجوكى يا نور اعملى حاجه وحاولى تساعدينى انى اكون مع سيف.

كلمى يوسف واعرفى منه سبب رفضه ايه ارجوكى يا نور.
نور كان قلبها بيتقطع على منظر ملك وعلى الحاله اللى هي وصلت ليها دى بسبب حبها لسيف.
بس في نفس الوقت ماقدرتش تشرح لملك سبب كره يوسف لسيف بس قررت انها تتكلم معاه بعد سبوع مليكه علشان خاطر ملك.
ناس كتير جت من اهلهم واصحابهم وحضروا السبوع وكان جميل جدا وفي منتهى الروعه وجالها هدايا كتير جدا.
خلص السبوع والناس مشيت بس يوسف كان نقصه حاجه وهي ملك أخته الوحيده.

اللى بقاله فتره نفسه يشوفها ويطمن عليها بس هي للاسف رافضه الموضوع ده.
قعدت جنبه نور وبدأت تتكلم معاه.
نور: يوسف كنت عاوزة اتكلم معاك في موضوع مهم.
يوسف: اوى اوى يا حبيبتى اتفضلى.
نور: ملك يا يوسف لو شوفتها هاتصعب عليك جدا حالتها بقت صعبه جدا ولو شوفتها مش هاتعرفها.
يوسف: انا عارف وحاسس بس مش قادر اعمل لها حاجه وهي رافضه انها تشوفنى بقالها شهور على كده.

نور: طيب شوف ايه سبب كده وحاول تشوفها عاوزة ايه وتعمله ليها دى مهما كان اختك الوحيده يا يوسف وانت بقيت اب واكيد هاتحس باختك والعذاب اللى هي حاسه وعايشه فيه.
يوسف: قصدك موضوع سيف.
انتى يا نور اللى بتقولى كده انتى يا نور.
نور: موضوع سيف انتهى بالنسبه ليا يا يوسف من زمان وبقيت انت ومليكه كل حاجه ليا في الدنيا دى.
حاول تنسى الماضى يا يوسف زى ما انا نسيته.
يوسف: انتى متاكده من كلامك ده يا نور.

نور: وانت عندك شك في كده يا يوسف.
انت بقيت حياتى وعمرى وقلبى يا يوسف انت سندى وحبيبى وابوا بنتى.
يوسف حضنها وخدها في حضنه وفضل يبوس فيها ووعدها أنه يشوف حل لموضوع ملك أخته وان شاء الله يحاول يسعدها على اد ما يقدر.
عدى كام يوم وسيف كان في الشركه مع خالد في اوضته بيناقشوا اخر التطورات في المشروع الجديد اللى دخلوا فيه.

لانه هو ده المشروع اللى كانوا بيحلموا بيه وهو ده اللى هايخلى ليهم اسم كبير في عالم العقارات والمشروعات الكبيرة.
فجاه السكرتيرة دخلت وبلغت سيف أن فيه شخص عاوز يقابله ضرورى.
سيف بلغها انها تدخله.
دخل الضيف واول ما دخل أستغرب سيف وخالد من الضيف ده اللى هو كان يوسف.
سيف: يوسف اهلا بيك غريبه انك تيجى ليا هنا.
خالد: اهلا يوسف فينك يا ابنى بقالنا كتير ما شوفناش بعض.

يوسف: اهلا يا سيف واهلا يا خالد وحشنى والله.
يوسف: انا اسف أنى جيت من غير ميعاد بس كنت عاوزك يا سيف في موضوع مهم جدا.
خالد: طيب اسيبكم انا يا رجاله واروح لبابا اشوفه كان عاوزنى في ايه.
سيف: اوى اوى اتفضل يا يوسف.
يوسف: انا جاى مخصوص علشان موضوع ملك اختى يا سيف.
ملك من ساعه اخر مرة انت كنت عندنا وهي حالتها صعبه جدا وصحتها في النازل بسببك وبسبب حبها ليك.

اكيد انت مستغرب أن انا بالذات اللى يجى يقولك الكلام ده وانت اكتر واحد عارف سبب رفضى ليك.
بس مهما كان دى اختى الوحيده ومش هاقعد اتفرج عليها وهي بتموت كل شويه بسبب بعدك عنها.
وبالنسبه للى كان بينك وبين نور زمان انا اتاكدت أنه أصبح ماضى وانتهى.
لو لسه عاوز ملك يا سيف وعاوزها تكون شريكه حياتك انا موافق.

سيف: انا بالنسبه ليا كل اللى كان بينى وبين نور أصبح ماضى وكل اللى بفكر فيه دلوقتى هو مستقبلى علشان اكون في مستوى يليق بملك اختك.
انا هاجى واخطبها من اول وجديد يا يوسف وانت من النهارده اخ ليا وبالنسبه للماضى نحاول ننساه كلنا ونبدا صفحه جديده ونور بالنسبه ليا أصبحت مجرد اخت وبس.
يوسف قرب من سيف وخدوا بعض بالاحضان واتفق معاه أنه يزورهم في البيت باليل هو وأخته ووالدته.
يوسف: اه طبعا تنورونا في اى وقت.

رجع يوسف على الفيلا وبلغ الكل بالخبر ده وطلع على اوضه اخته ودخل.
ملك: انت ايه اللى دخلك هنا اطلع برا مش عاوزة اشوفك تانى.
يوسف: اهدى يا حبيبتى انا عندى ليكى خبر حلو اوى هايفرحك.
ملك: قولتلك اطلع برة. اطلع برة مش عاوزة اشوفك.
يوسف: سيف جاى باليل علشان يخطبك وانا موافق يا ملك يا حبيبتى عليه.
ملك: انت بتقول ايه انت بتتكلم جد يا يوسف.
يوسف: ايوا يا روح قلب اخوكى سيف هايجى ويخطبك النهارده هو ومامته.

ملك خدت اخوها بالحضن وفضلت تعيط اوى من كتر الفرحه ويوسف عيط هو كمان على فرحه أخته.
سيف بلغ والدته واخته مي بالخبر ده واستغربوا اوى أنه رجع تانى يتكلم في موضوع ملك ده وكويس أن جنه كانت مش موجوده المرة دى.
الام: انت متأكد يا سيف من الموضوع ده.
انا كان نفسى تاخد جنه بنت خالك اللى بتحبك من زمان اوى وبترفض كل العرسان اللى بيجولها علشانك انت.

مي: فعلا والله يا سيف جنه بتحبك اوى على فكرة وانت عمرك ما حسيت بيها ولا اديتها ريق حلو ابدا.
سيف: انتم بتقولوا ايه جنه دى بعتبرها زى مي بالضبط وعمرى ما فكرت انها تكون زوجتى.
الام: خلاص يا ابنى اللى يريحك وربنا يوفقك في حياتك والف مبروك.
مي: اللى تشوفه يا سيف بس كان نفسى تديها فرصه.
سيف: خلاص يا مي مالوش لازمه الكلام وربنا هايرزقها بشخص أفضل منى أن شاء الله.

الكل بدأ يستعد لاستقبال سيف وفعلا كان وصل سيف اللى كان طالع زى القمر
طول بعرض وجسم في منتهى الروعه وشعر فظيع وبقى شكله احلى من زمان بكتير.
نور كانت مع ملك في أوضتها بتساعدها وكانت طالعه حلوة اوى.
الام رحبت بالضيوف وسلمت هي والاب على سيف ووالدته ومى أخته وكان في استقباله معاهم يوسف.

الاب: اهلا يا سيف يا ابنى اسمك بقى مشهور ومعروف في الشركات كلها ما شاء الله عليك ما كنتش متخيل انك هاتكون كده بالسرعه دى.
فجاه دخلت نور ومعاها مليكه وملك وسلموا على الكل.
مي طبعا كانت سمعت عن نور من سيف بس ما كنتش تعرف انها بالحلاوة والجمال ده كله.
ملك سلمت على ام سيف وعلى مي وقربت من سيف ونظراتهم وعيونهم قالوا كل شىء لبعض.

قعدت نور وملك وبدأوا يتكلموا على الخطوبه والاب وافق وقرروا أنه يكون جواز على طول.
سيف كان خد فيلا جديده ضمن المشاريع اللى بتنفذها الشركه وهي دى اللى هايعيشوا فيها مع امه واخته مي.
الاب والام رحبوا بكده وحددوا ميعاد الفرح اللى هايكون بعد شهر من دلوقتى.
عدى كام يوم من المقابله دى وجنه كانت عرفت الخبر ده بس كانت في حاله وحشه اوى وكانت حزينه جدا على سيف وعلى جوازه.

عدى الشهر وكان خلاله تجهيز الفيلا الجديده للعرسان اللى فرشوها احلى فرش وكانت في منتهى الروعه.
وكانت نزلت ملك ونور ومى واختاروا فستانها وكان في منتهى الجمال والشياكه.
خالد كان بلغ سيف أنه عاوزه في موضوع مهم جدا وسيف سمعله واتفاجاه من اللى قاله خالد اللى هو جوزاه من مي أخته.
لانه معجب بيها من اول مرة شافها ومن شخصيتها وأدبها.
سيف استغرب من الطلب ده وقاله نأجلها دلوقتى لحد بعد الفرح بتاعه.

وأنه عمره ما هيلاقى زوج لاخته اكتر منه لأنه بيعتبر خالد بالنسبه ليه اخ وصاحب وصديق عشرة سنين طويله وأكيد عارفه وعارف شخصيته كويس اوى.
جه يوم الفرح وكانت ملك ونور ومى في البيوتى سنتر وكانوا كلهم طالعين حلوين جدا وزى القمر كلهم وفي منتهى الجمال.
سيف كان ركب عربيته وراه يوسف وخالد في عربياتهم وراحوا علشان يجيبوا العروسه ونور ومى.

وصل سيف عند البيوتى سنتر ونزل من عربيته ونزل يوسف وخالد اللى كانوا طالعين زى القمر هما التلاته كل واحد لابس بدلته و طلعوا للبنات على فوق.
نور كانت شايله مليكه الصغيرة وكانت ملبساها فستان ابيض صغير وحطلها توكه صغيره في شعرها وكانت عامله زى الملايكه.
قرب منها يوسف وباس راس نور وشال مليكه عنها.
خالد سلم على مي اللى انكسفت اوى منه بس سلمت عليه.
خالد: عقبالك يا مي.
مي: عقبالك انت كمان يا خالد.

سيف: مش وقتك خالص يا سى روميو أنت اخلص وامشى اودامى.
يوسف كان دخل مسك ايد ملك اللى ما شاء الله عليها كانت أميرة وهي لابسه فستانها الأبيض وتاج على رأسها ووصلها لحد ايد سيف.
سيف مسك اديها وباسها وقالها مبروك يا حبيبتى.
الكل نزل على تحت وسيف ركب عربيته هو وعروسته.
يوسف ركب عربيته هو ونور وبنته.
خالد استأذن من سيف أن مي تركب معاه عربيته وسيف وافق على كده.

وصلوا الشباب كلهم لحد الفندق اللى هايتم فيه الفرح والكل كان واقف في استقبالهم.
ام سيف واخوها بس للاسف جنه ما حضرتش الفرح وما كنتش هاتقدر تشوف حبيبها وهو بيتجوز واحده تانيه.
ام يوسف وباباه واحمد كانوا في استقبال الضيوف والاهل.
زمايل ملك من الجامعه وأصدقاء سيف وناس كتير تبع شغله.
الفرح بدا والكل كان فرحان وسعيد والموسيقى كانت شغاله والكل بيرقص عليها.
المأذون جه وتم كتب الكتاب واخيرا ملك وسيف اتجوزوا.

يوسف كان واقف هو ونور مع بعض طول الفرح لحد ما خلص.
سيف فتح عربيته ومسك ايد ملك وركبها وركب هو كمان وراحوا على عش حبهم.
وصلوا الفيلا بتاعتهم وشالها سيف لحد الاوضه ونزلها براحه على الأرض.
سيف قرب من ملك ومسكها من وسطها وقالها.
اخيرا يا حبيبتى بقيتى ملكى وبتاعتى وأنا وانتى تحت سقف واحد.
ملك: انا مش مصدقه يا سيف.
سيف: روح سيف وقلب سيف وعيون سيف.
بحبك اوى اوى يا ملك.
ملك: وانا كمان بحبك اوى اوى اوى يا سيف.

وغرقوا في حبهم وعشقهم وراحوا عالم تانى خالص كله حب وعشق ولهفه سعادة.
تمت
الجزء التالي
رواية هو والجميلات الجزء الثاني للكاتبة سحر فرج كاملة

رواية هو والجميلات الجزء الثاني للكاتبة سحر فرج كاملة
اقتباس من الجزء الثاني

في شاليه على البحر كانت ملك وسيف صحيوا علشان كان ده اخر يوم ليهم في شهر العسل. وكمان علشان شغل سيف ما يتعطلش اكتر من كده لان خالد كان مش عارف يتصرف من غيره.
صحيت ملك وقربت من سيف وهو غرقان في النوم وقربت بشويش من وشه وبدأت تصحيه.

ملك: سيف
سيف حبيبى يالا اصحى وبطل كسل
الشمس طلعت اهى علشان ما نتأخرش.
سيف فتح عيونه وشاف ملك جنبه.
سيف: صباح الفل على احلى وأطعم ملك في الدنيا.
ملك: صباح الفل يا عيون ملك وقلب ملك يا حبيبى.
سيف: ايه رايك تعالى نقعد لنا يومين تانى انا ما شبعتش منك.
ملك: وانا كمان يا حبيبى ياريت.
فصول رواية هو والجميلات الجزء الثاني

رواية هو والجميلات الجزء الثاني للكاتبة سحر فرج الفصل الأول

يوسف كان نايم وفجاه صحى على صوت مليكه وهي بتعيط مع نور.
يوسف: خير يا حبيبتى مليكه مالها بتعيط ليه؟
نور: مش عارفه والله يا يوسف انا برضه صحيت على صوتها وهي بتعيط كده وحاولت اهديها مش راضيه خالص.
يوسف: طيب اصحيلك ماما تشوفها مالها.
نور: لا يا حبيبى ما تقلقش ماما دلوقتى ده احنا الفجر.
خليها معاك ثوانى اروح اعمل لها حاجه دافيه واجى.
وفعلا نزلت نور على المطبخ علشان تعمل حاجه دافيه لبنتها.

حامتها كانت صحيت و قلقت برضه من صوت البنت ودخلت لقت يوسف شايلها وبيحاول يهديها شويه.
الام: خير يا ابنى مليكه مالها بتعيط ليه.
يوسف: مش عارف والله يا ماما انا برضه صحيت على صوتها.
الام: طيب نور فين؟
يوسف: نور نزلت تعمل لها حاجه دافيه وزمانها طالعه.
ثوانى معدوده وكانت نور حضرت لها ببرونه وفيها ينسون دافى واديتهولها وفعلا هداها وخلاها تنام.
ام يوسف: اطمنوا يا ولاد الاطفال كلها في السن ده بتكون كده متخفوش.

نور: اكيد يا ماما طبعا وانا كنت بساعد ماما واحمد اخويا صغير علشان كده عارفه حاجات كتير عن الاطفال الصغيرين وخصوصا السن ده.
الكل اطمن على مليكه وراحوا يكملوا نوم.
في شاليه على البحر كانت ملك وسيف صحيوا علشان كان ده اخر يوم ليهم في شهر العسل.
وكمان علشان شغل سيف ما يتعطلش اكتر من كده لان خالد كان مش عارف يتصرف من غيره.
صحيت ملك وقربت من سيف وهو غرقان في النوم وقربت بشويش من وشه وبدأت تصحيه.
ملك: سيف.

سيف حبيبى يالا اصحى وبطل كسل
الشمس طلعت اهى علشان ما نتأخرش.
سيف فتح عيونه وشاف ملك جنبه.
سيف: صباح الفل على احلى وأطعم ملك في الدنيا.
ملك: صباح الفل يا عيون ملك وقلب ملك يا حبيبى.
سيف: ايه رايك تعالى نقعد لنا يومين تانى انا ما شبعتش منك.
ملك: وانا كمان يا حبيبى ياريت.
ولسه ما كملتش كلامها سيف كان موبيله بيرن.
سيف: مين هايرن عليا بدرى كده غير خالد بيه والله انت اللى جبته لنفسك بس اصبر عليا.

سيف: ايوا يا استاذ على الصبح كده عاوز ايه؟
خالد: الباشا صاحى اهو وعامل حسابه أنه راجع.
سيف: ما تعمل فيا ثواب وتخلينى يومين تانى يا خلود.
خالد: يا سلام ناس تتجوز وتقضى شهر العسل وناس مش عارفه حتى تخطب.
ارجع يا سيف باشا علشان اروح اتقدم رسمى لمى بدل ما والله أكتب كتابى عليها واجيلك في أول طيارة.
سيف: انت بتقول ايه يا مجنون انت اعقل لا خلاص انا مسافه السكه ما تقلقش المهم انتم عاملين ايه وازى عمى.

خالد: الحمد لله كويس واخلص بقى يا سيف وتعال على طول وحيات امك.
سيف: ماشى يا خالد يالا سلام واحنا مسافه السكه ونكون عندك باى.
وقام شادت ملك من اديها وقالها تعالى بقى لما نودع شهر العسل.
ملك: انت يا مجنون هاتعمل ايه؟
سيف: هاقولك هاعمل ايه حاضر.
وراحوا في عالم شهر العسل اللى لسه ما شبعوش منه.
شويه وقام خد شور وغير هدومه هو وملك وراحوا ركبوا العربيه ورجعوا على القاهرة.

وصلوا على الفيلا وملك نزلت وخلت الشغاله تاخد الشنط وسيف راح على الشركه.
وصل الشركه ودخل على اوضه خالد.
سيف: انا جيت اهو يا هندسه.
خالد: اهلا بالعريس وحشتنى اوى اوى.
عامل ايه وازى ملك واخبار الجواز معاك ايه.
واخبار شهر العسل
سيف: كله تمام الحمد لله وملك زى الفل.
خالد: بتتكلم بجد يا سيف.
سيف: اه طبعا يا خالد أنا نسيت الماضى بكل اللى فيه خلاص وملك هي كل حياتى دلوقتى.

خالد: عقبالى يارب انا كمان لما تبقى مى كل حياتى.
سيف ضربه بالبوكس في وشه وقاله لا والله عينى عينك كده مش حتى لما تكتب كتابك عليها أو تديها حتى خبر انك بتحبها وعاوزها.
خالد: ما البركه فيك يا هندسه وانشاء الله اجيب بابا وماما ونيجى نطلبها منك بكرة.
سيف: بالسرعه دى ما تصبر يا عم الحبيب انت.
خالد: يا سلام اشمعنى انت مقضيها انت ومراتك يا اخويا.
(حب لاخيك ما تحب لنفسك ).

سيف: ماشى يا اخويا انا هاعدى عليهم النهارده في البيت وأبلغهم الخبر ده.
واخليهم بقى يرجعوا معايا على الفيلا احسن من قعدتهم لوحدهم في الشقه دى.
خالد: ايوا فعلا عندك حق.
ملك كانت مسكت موبيلها واتصلت بمامتها علشان تطمنها أنهم وصلوا بالسلامه.
ملك: صباح الفل يا مامى انا جيت.
نهله: حبيبه قلب مامى جيتوا امتى وما قولتيش ليه كنت استنيتكم في الفيلا أنا و نور.

ملك: عادى بقى خليناها مفاجاه. ده يادوبك سيف وصلنى من على الباب وطلع على الشركه علشان الشغل والمشاريع المتعطله.
الام: حمد الله على السلامه لازم تيجوا تتغدوا معانا بقى النهارده ولا مامى مش وحشاكى والانسه مليكه.
ملك: ده انا هاتجنن واشوفها القمر دى حبيبه عمتها.
انا هاتصل بسيف واقوله حاضر يا ماما.
يالا باى دلوقتى علشان انا تعبانه خالص وهاروح اخد شاور.
وفعلا قفلت ملك مع مامتها ودخلت خدت شور.

واتصلت بسيف وقالتله على موضوع الغدا ده. ونامت شويه عقبال ما سيف يجى.
نهله: ندهت على الشغاله علشان تنادى نور من فوق.
نور نزلت هي ومليكه لتحت والام بلغتها أن ملك وسيف جم من السفر وهايجوا يتغدوا معاهم.
نور: بجد يا ماما ده ملك كانت وحشانى اوى هي عامله ايه وسيف عامل معاها ايه.
الام: هي كويسه وصوتها بيدل على أنها سعيده وفرحانه.
نور: الحمد لله يا ماما وحمد الله على سلامتها.

الام: اومال احمد فين مش باين من الصبح.
نور: اصله نزل من بدرى وراح على النادى يقابل صحابه.
سيف كان شاف الشغل المتعطل وحل الموضوع وركب عربيته وراح على بيت والدته.
رن الجرس وجريت مى علشان تفتح.
مى: سيف حبيبى حمد الله على السلامه جيتم امتى وفين ملك.
سيف: اهدى يا مى واحده واحده عليا فين ماما وحشانى اوى.
مى: يا سلام ومى مش وحشاك يا اخويا.
سيف: لا طبعا وحشانى موت هو انا اقدر استغنى عنها.

مى: ماما جوه بتصلى تعالى اقعد لما تخلص صلى.
ويادوبك لسه ها يقعد لقى جنه جايه من جوا جرى اول ما سمعت صوت سيف.
جنه: سيف انت جيت امتى وحشتنى اوى.
قصدى وحشتنا اوى.
سيف: اهلا يا جنه عامله ايه وايه اخبارك.
جنه: الحمد لله يا سيف.
انت اللى عامل ايه.
سيف: تمام الحمد لله.
الام كانت خلصت الصلاه واول لما سمعت صوت سيف خرجت بسرعه وجريت عليه وفضلت تبوس فيه.
الام: حبيبى يا ابنى وحشتنى اوى اوى.

سيف بأس اديها وقالها: وانت والله يا امى وحشتينى جدا جدا.
الام: اومال فين مراتك يا حبيبى.
سيف: وصلتها على الفيلا اول لما جينا وطلعت على الشركه وجيت علشان أخدكم معايا على هناك.
الام: ليه بس يا ابنى ادينا قاعدين في الشقه دى وخليك انت ومراتك في بيتكم وبراحتكم.
سيف: ما تقوليش كده يا امى تانى البيت بيتك من دلوقتى. وهانعيش كلنا مع بعض وملك بنت حلال وهاتحبيها اوى يا امى.

جنه قامت دخلت على جوا وقفلت عليها الباب.
مى بصت لسيف ولأمها وحسوا أن جنه زعلت من كلام سيف على ملك.
الام: روحى يا مى يا بنتى شوفيها واقعدى معاها يا بنتى احنا ما صدقنا طلعت من الهم والحزن اللى هي كانت فيه من ساعه جواز سيف.
مى دخلت ليها لقتها عماله تعيط جامد.
مى: جنه يا حبيبتى احنا كنا نسينا بقى موضوع سيف ده ارجوكى يا جنه حاولى تنسى وان شاء الله ربنا هايرزقك بواحد احسن منه.

مى: انا عمرى ما حبيت ولا هاحب حد تانى يا مى خلاص وعمرى ما هاقدر انسى سيف.
سيف ده بيمشى في دمى وفي عروقى.
ده النفس اللى باتنفسه.
سيف ده هو اول واحد واخر واحد هاحبه.
انا بنام واصحى على حبه.
استحاله يا مى هاقدر انساه استحاله.

في الفيلا عند يوسف كان الكل موجود وفي انتظار العرسان اللى رجعوا من السفر.
نور: انا هاطلع يا ماما علشان اغير هدومى خلى مليكه مع حضرتك عقبال لما انزل.
الام: اطلعى يا حبيبتى وسبيها معايا انا وجدها واحمد.
طلعت نور على أوضتها بس كانت حاسه احساس غريب اوى جواها ومكنتش عارفه ايه هو الاحساس ده بس هي كانت فرحانه من جواها اوى.

بس يا ترى فرحانه برجوع ملك تانى علشان كانت وحشاها جدا وعلى علشان سيف هاتشوفه بعد الفترة دى كلها.
يا ترى المقابله هاتكون ازاى بين نور وسيف ويوسف وده اول لقاء للكل بعد جواز ملك.
تواقعتكم ايه؟