رواية مر العمر للكاتبة الشيماء محمد الفصل الرابع عشر
عند ليلي اسماء: قوليلي يا ليلي، هو انتي خلاص نسيتي ادهم ليلي: ادهم؟وانتي ايه فكرك بيه دلوقتي.؟ اسماء: النهارده لما كنا قدام باب الكليه. انا افتكرت انك شوفتيه ليلي: لا ما شفتهوش... اسماء: لسه بتحبيه؟ ليلي: بحبه بس على قد ما بحبه على قد ما بكرهه، جواي كره غريب قوي ليه، بس مديوناله بحاجات كتير اسماء: مديوناله بايه؟بانك مش عارفه تتصاحبي على اي حد؟او ترفضي اي ولد يقرب من غير حتى ما تتكلمي معاه.
ليلي: مديوناله انه كل ما بضعف كرهي ليه بيقويني تاني، اما الحب فمش وقته وده برضه بفضله الحب في الوقت الغلط بيوجع وانا معنديش استعداد ولا احب ولا اتحب.
عدت باقي السنه ببطء شديد واليوم بيعدي بسنه على ادهم احمد: ادهم ادهم ادهم احمد كان داخل بيت ادهم وبينادي بصوته كله على ادهم فكل البيت خرج وفاء: ايه يا مجنون انت كسبت اليانصيب؟ امجد: لا وانتي الصادقه تلاقيه عامل عمله وعايز ادهم يلحقه منها زي عوايده، عبد العزيز: ايه الدوشه دي؟في ايه؟وانت يا ولد بتزعق كده ليه؟ احمد: انا اسف ليكم جميعا بس عندي خبر حلو ادهم اخيرا خرج ادهم: قول اخبارك.
احمد: هتجوز انا وعبير الشهر الجاي ادهم: اخيرا هتتنيلوا ونخلص منكم، حددتوا يوم ولا احمد: اه عبير عايزاه يوم 213 يوم عيد الام ادهم اتفاجئ بالتاريخ ده. لان ده اهم تاريخ في حياته، تاريخ فراقه عن ليلي وتاريخ رجوعه ليها برضه احمد: ايه مالكم مفيش مبروك؟ الكل: مبروك وربنا يتملك على خير ادهم: مبروك يا احمد عدي الشهر بسرعه وادهم بيحاول ما يفكرش ومغرق نفسه في تجهيزات شقه احمد وبيساعد عبير برضه وواقف معاهم...
قبل الفرح بيوم ادهم مستني النهار يطلع لان اول حاجه هيعملها هيروح لليلي وبيفكر يعزمها تحضر معاه فرح احمد عبدالعزيز دخل على ادهم لاقاه بيجهز البدله اللي هيحضر بيها الفرح عبدالعزيز: عقبال كده ما تجهز بدله فرحك انت... ادهم: ربنا يسهل عبدالعزيز: مالك مش على بعضك ادهم: ماليش، ما تشغلش نفسك انت عبدالعزيز: الصبح كنت عايزك معايا في مشوار ممكن ادهم: لا الصبح مش فاضي.
عبدالعزيز: وراك ايه؟، انتو جهزتو كل حاجه للفرح؟، في حاجه ناقصه لسه ادهم: لا ده مشوار خاص بيا انا عبدالعزيز: مشوار ايه؟ ادهم: بكره هكون في حل من عهدي ليك، بكره الخمس سنين هيكونوا خلصوا عبد العزيز: ايه؟خمس سنين ايه؟وعهد ايه؟ ادهم: هاه، نسيت؟وانت هتفتكر ليه، دول يدوب خمس سنين ضيعتهم من حياه ابنك عبدالعزيز: انت بتتكلم عن ايه؟
ادهم: عن ليلي، نسيتها؟نسيت العهد اللي خليتني اعاهدك بيه؟ نسيت الخمس سنين اللي طلبت مني ابعدهم عنها؟ انا حافظت على عهدي ليك وماكلمتهاش ولا مره ولا حتى عرفت اسيبلها رساله، وبكره هروحلها الصبح عبدالعزيز: انت عايز تفهمني انك لسه فاكر البنت دي؟ده فات خمس سنين، وانت في شغلك وحياتك.
ادهم: لسه فاكرها؟ انا ليلي مش بتغيب عن بالي لحظه، انا منسيتهاش ولو ثانيه(مسك السلسه بايده) طول الوقت كانت في قلبي وما بعدتش لحظه عبدالعزيز: انا قلت انك خفيت من جنونك ده؟لكن الظاهر انك لسه مجنون ادهم: انا سبق وقلتلك اني حبيتها بجد وانت مصدقتنيش، ده مش جنون ده حب عبدالعزيز: علشان كده كنت بترفض كل البنات اللي امك بتحاول تعرفك عليهم وعماله تدورلك على عروسه.
ادهم: انا ما طلبتش منها تدورلي على حد، وانت عارف اني بحب ليلي يبقى ازاي عايزني ابص لغيرها، بعد اذنك انا عايز انام عبد العزيز: تنام؟ انا تقريبا عمري ما شفتك نايم ادهم: بكره هنام، عايز ارتاح طالما انام مضايقاك.
عبدالعزيز خرج من اوضته وهو هيتجنن هو عمره ما تخيل انه لسه فاكر البنت دي، فضل يفتكر الخمس سنين اللي فاتوا يفتكر ابنه، عمره ما شافه بيضحك من قلبه، عمره ما شافه نايم في اوضته ديما بينام لو نام في اي مكان، عمره ما شافه بيتكلم مع اخواته او امه زي الاول، عمره ما شافه بيعمل اي شيئ للتسليه، كان متخيل انه كبر وبقى جد لكن عمره ما تخيل ابدا انه كان عايش على العهد وحارم نفسه من الحياه، معقوله هو عمل في ابنه كده؟، بس كان في ايده ايه البنت كانت صغيره قوي...
اخيرا طلع النهار وادهم راح لليلي ودخل كليتها وعمال يحلم باللحظه اللي هيضمها تاني لصدره، عنيه بتدور عليها في كل مكان، عامل زي المجنون عايز يشوفها... ليلي خرجت من المحاضره وفجأه لمحته من بعيد بيدور على حد دخلت بسرعه جوه المدرج تاني واستخبت شافها اتنين من اصحابها عمر وايناس كانوا مخطوبين لبعض عمر: ايه يا ليلي مالك مستخبيه كده ليه؟في ايه؟ ايناس: في حاجه يا ليلي؟مالك وشك مخطوف كده ليه.
ليلي: ايناس انا ممكن اطلب منك طلب غريب؟ ايناس: طبعا يا حبيبتي اطلبي ليلي: تسلفيني خطيبك عشر دقايق عمر وايناس: افندم؟ ليلي: في واحد بره بيضايقني من فتره وانا مش عارفه اخلص منه فلو قلتله اني مخطوبه مش هيجي تاني عمر: لو بيضايقك انا ممكن، ليلي: لا مش بيضايقني هو حد محترم ولو قلتله اني مخطوبه مش هيجي تاني، هو مش من النوع اللي بيفرض نفسه ايناس: يعني انت عايزه عمر يقول قدامه انه خطيبك؟ ليلي: لو متضايقه بلاش.
ايناس: لا طبعا، احنا لبعض وخدي دي كمان علشان يصدق ليلي: لا دي دبلتك مقدرش البسها ايناس: مؤقتا وهترجعيها، لو شاف الدبله هيصدق اكتر خرجت ليلي وهيا ماشيه جنب عمر واخيرا ادهم لمحها، طار عليها ادهم: ليلي، ازيك ليلي: ادهم ازيك عامل ايه؟ ادهم: انا كويس وانتي؟ ليلي: انا كويسه... ادهم: بقيتي دكتوره اهوه ليلي: نص دكتوره لسه ادهم: حطيتي رجلك على الطريق الباقي سهل هنا اتدخل عمر في الكلام اللي ادهم اصلا ما كانش شايفه.
عمر: ليلي هنتأخر على المحاضره ادهم: مهمه قوي محاضرتك دي؟ ليلي: كل محاضراتي مهمه عمر: لولي يالا ادهم: لولي؟ عمر: سوري مش عرفتك على نفسي ليلي: سوري انا مش عرفتكم على بعض، عمر ده ملازم ادهم كان صديق قديم قوي ادهم: رائد دلوقتي بقيت رائد ليلي: بجد؟سوري رائد ادهم، ادهم ده عمر زميلي في الكليه(واترددت تكمل) فكمل عمر: وخطيبها، زميلها وخطيبها عمر مسك ايد ليلي ورفع الدبل علشان ادهم يشوفهم.
ادهم حس انه عجز عشرين سنه فجأه، حس ان حمل الخمس سنين اللي فاتوا ظهروا عليه فجأه، خمس سنين بيحلم باللحظه دي، بس معملش حساب انها تكون كملت حياتها ونسيته وبقى ماضي، صدقها لما وعدته انها عمرها ما هتحطه في الموقف ده ابدا، حس انه مش قادر يتكلم او حتى يتنفس واتمني انه يختفي في اللحظه دي لانه مش عارف يتكلم او يتحرك او يتنفس عمر: ادهم انت كويس، رائد ادهم ادهم: هاه، اه كويس ليلي: مالك، مش هتباركلي؟
ادهم: اباركلك؟ افتكر انه وعدها انها لو حبت هيتمنالها السعاده من قلبه وينسحب بهدوء ادهم: مبروك يا ليلي، وربنا يتمملك على خير ليلي حست للحظه انها عايزه تضمه وتقوله انها بتحبه هوه بس افتكرت الفيديو اللي احمد وراهولها، فكملت جرح فيه ليلي: من قلبك يا ادهم؟ ادهم: من قلبي يا ليلي، ربنا يسعدك مع اللي قلبك اختاره... ليلي: انت جاي ليه؟ ادهم: وعدتك قبل كده اني هرجع صح؟ وقلتلك اني بنفذ وعودي ليلي: رجعت بعد خمس سنين؟
ادهم: المهم اني رجعت، يالا علشان محاضرتك ليلي: هشوفك تاني؟ ادهم: لأ ما اعتقدش، دي كانت اخر مره سابها ومشي بسرعه لانه لازم يكون لوحده، واخيرا وصل عربيته ساقها زي المجنون ليلي وقفت مكانها وجالها عمروايناس فقلعت الدبله ورجعتها لصاحبتها عمر: انتي متأكده من اللي عملتيه؟مش عارف ليه حسيت انه اتصدم، ده كان هيعيط ليلي: متهيألك، هو اللي سابني من سنين عمر: يمكن كان غصب عنه؟لان ده كان شكل واحد عاشق واتصدم.
ليلي: لا هو ضحك عليا اسكت بقى عمر: هسكت بس الراجل ده كان بيحبك واتصدم فجأه ليلي جريت علشان تحصله وتسأله هو سابها ليه من خمس سنين؟كان لازم الاول تسأله سابها ليه؟ عيطت تاني هيا مصدقت انها عرفت تكمل حياتها، ليه ظهر تاني؟ليه فتح كل جروحها تاني؟ ليه صحي كل حاجه تاني؟
ادهم في عربيته وقف في مكان بعيد مقطوع وعيط، اول مره يعيط، اول مره يسيب نفسه يضعف كده؟بس امله انهار؟ خمس سنين عايش على امل انه يشوفها تاني؟عايش على امل انها هترجع تاني لحضنه؟دلوقتي هيعيش على ايه؟هيستني ايه؟هيعمل ايه وهيكمل ازاي؟هيواجه الناس ازاي؟هيواجه ابوه اللي اتحداه بحبه ازاي؟واهم من كل ده هيواجه نفسه ازاي؟ هيا كملت حياتها واتخطبت وهو واقف مكانه مش عارف يتحرك او يعمل اي شيئ، اجل كل حاجه لليوم ده، اجل فرحته وضحكه وابتسامته اجل كل حاجه علشان يعيشها معاها، دلوقتي هيعمل ايه؟فضل قاعد في مكانه زي ما يكون الزمن وقف بالنسبه له.
تليفونه عمال يرن ويرن واخيرا مسكه ورد ادهم: ايوه يا احمد؟ احمد: انت فين؟انت ازاي تسيبني في يوم زي ده؟انا عايزك حالا تروح الشقه وتقابل المهندس هيظبط باقي الاجهزه، ممكن؟ ادهم: معلش يا احمد انا بعيد حاليا، ممكن تشوف حد تاني من الشله احمد: لا كل حد في مكان، ارجوك يا ادهم اوقف جنبي النهارده ادهم: حاضر يا احمد هقف جنبك، نص ساعه وهكون قدام شقتك احمد: متشكر متشكر متشكر، ربنا يخليك ليا كده.
ادهم قرر جواه انه هيقف مع احمد لاخر اليوم بس مش هيحضر الفرح لانه مش هيقدر يمثل الضحك تاني وهينسحب بهدوء في اخر اليوم، راح شقه احمد ووقف مع المهندس لحد ما خلص احمد اتصل تاني ادهم: في ايه تاني؟ احمد: معلش ممكن تنزل تحت البيت هتلاقي محل ورد ممكنتشتريلي شويه وتفرشهم على السرير، عبير بتحب الورد ادهم: عبير بتحب الورد وهيا عروستك، انا مالي؟ احمد: انت صاحبي ارجوك ارجوك، بس معلش شيل الشوك من الورد.
ادهم: لا هحطهولك بشوكه علشان اعذبك! قفل ادهم وراح اشتري فعلا الورد وطلب من البايع انه عايز ورق الورد بس، لونين احمر وابيض,,اخدهم وطلع شقه احمد ودخل اوضه نومه، اول مره يشوف اوضه عريس، كانت جميله والوانها زاهيه وكل حاجه كانت مثاليه وتخيل للحظه انه بيعمل الورد ده لليلي بسافتكر انه عمره ما هيدخل اوضه زي دي تكون خاصه بيه...
رسم قلب كبير احمر وجواه اصغر ابيض وجواه اصغر احمر وهكذا وكانت قلوب جوه بعض احمر وابيض، احمر لون الحب وابيض لون النقاء، قفل الشقه ومشي راح للمدير بتاعه اللواء رياض: خير يا ادهم في ايه؟مش النهارده فرح صاحبك جاي ليه؟ ادهم: كنت عايز اسأل عن الوظيفه اللي كانت في السفاره فياستراليا لسه موجوده ولا لأ؟ اللواء: عندك حد كويس؟ ادهم: انا؟
اللواء: افندم؟انت؟وانت متخيل ان انا ممكن استغني عنك هنا؟لا طبعا، الوظيفه مش ليك ادهم: انا محتاج للوظيفه دي، وبالنسبه للمهمات الخارجيه حضرتك برضه تقدر تكلفني بيها من اي مكان؟يبقى ليه مش مستغني عني هنا؟
رواية مر العمر للكاتبة الشيماء محمد الفصل الخامس عشر
اللواء: انت مكانك هنا ادهم: اسف يا اما حضرتك تقبل طلبي للنقل او تقبل استقالتي، لاني في كلتا الحالتين هسافر اللواء: ايه اللي حصلك؟مالك؟ ادهم: ماليش حاجه هنا افضل علشانها اللواء: واهلك واصحابك؟ ادهم: عشت علشانهم كتير ومش هقدر اكتر من كده، ارجوك انا لازم ابعد اللواء: خلاص طالما مصر، ينفع تسافر امتي؟ ادهم: النهارده.
اللواء: النهارده فرح صاحبك، مهما يكون اللي حصلك ما ينفعش تتخلي عنه كده، بكره اخر النهار وده اخر كلام ادهم: خلاص بكره ادهم خرج فاتصلت بيه عبير عبير: ادهم اوعي تتأخر عليا ارجوك ادهم: اتأخر عليكي؟ عبير: انت نسيت انك انت اخويا ولا ايه؟انت اللي هتسلمني لعريسي الساعه 7 تجيلي الكوافير.
ادهم عنيه دمعت ومعرفش يرد، هو الكل اتفق عليه النهارده؟ ازاي يحضر فرح وهو ميت جواه؟ حتى الحزن مستكترينه عليه؟هو عايز يحزن على نفسه شويه، بس مش مسموحله عبير: ادهم رحت فين؟اوعي تتخلي عني ادهم: هكون موجود، مش هتأخر عبير: في حاجه؟صوتك مخنوق ادهم: لا مفيش ما تشغليش بالك يا عروسه باي حاجه ادهم فضل يلف بالعربيه مش عارف يروح فين ومش عايز يواجه حد، لحد النهار ما خلص ولازم يروح يلبس.
روح ودخل اوضته ولبس بدلته ووقف قدام المرايه يعدل الكرافات دخل عليه ابوه لاحظ ان ادهم ايديه بتترعش ومش عارف يربط الكرافات فقرب منه وربطهاله وادهم بيهرب من عنين ابوه لان لو اي حد بصله في عنيه هيعيط عبدالعزيز: عقبال ما اربطلك كرافته فرحك ان شاء الله، عقبالك ادهم: ما اعتقدش اليوم ده هيجي... عبد العزيز: انت بتقول كده ليه؟
ادهم: علشان انت من خمس سنين رفضت اني حتى اسيبلها رساله؟رفضت اني اكلمها مره واقولها اني راجع؟وهيا نسيتني وكملت حياتها، وبقيت ماضي، عرفت ليه؟ عبدالعزيز: بنات الدنيا كلها بتتمني يركعوا تحت رجليك ادهم: وانا مش عايز بنات الدنيا كلها، مش عايز غير واحده وانت حرمتني منها عبد العزيز: بكره تنساها وتفوق من الوهم ده.
ادهم: بكره انساها؟ كنت نسيتها ولو لحظه الخمس سنين اللي فاتوا، على العموم ما تشغلش انت بالك بيا، انا عشت الخمس سنين اللي فاتوا لوحدي وهعرف اكمل الباقي لوحدي عبدالعزيز: ادهم انا... دخلت وفاء: ايه كل ده ده احنا البنات جهزنا، عقبالك يا حبيبي ادهم: متشكر يا ست الكل ايه: انا جاهزه، ايه رأيكو؟ ادهم: احلي من اي عروسه وبكره تبقي عروسه زي القمر ايه: لا انت الاول انت الكبير.
ادهم: والكبير بيجوز اخته الصغيره الاول يالا بينا مشيوا كلهم مع بعض، عبدالعزيز ووفاء ومعاهم ايه وامجد مع بعض وادهم اخد عربيته وراح لعبير علشان ياخدها، طبعا كان جهز العربيه علشان يزفهم بيها اخد عبير من ايديها ودخل بيها القاعه وسلمها لعريسها احمد احمد: انا متشكر يا ادهم لولا انت مكنتش وصلت للمرحله دي ادهم: مبروك عبير واحمد: الله يبارك فيك عقبالك.
انسحب وقف بعيد وعايز ينسحب من الفرح من غير ما حد ياخد باله، طبعا ابوه كان بيراقبه وقلبه بيتعصر على ابنه اللي حاسس انه بيبكي جواه وبيضحك قدام الناس لسه هيمش احمد جاله يجري احمد: ادهم الحقني الفرح نايم قوي ادهم: وعايزني اعمل ايه؟مش بعرف ارقص احمد: انت بتهرج؟الناس هتنام، اتصرف، انت بتعرف تغني وبتعرف تعزف جيتار اتصرف ادهم: انت عايزني اغني؟ احمد: ايوه غني، فيها ايه؟اي اغنيه كده تصهلل الناس وهما هيكملوا.
ادهم بيسأل نفسه وصله العذاب دي هتنتهي امتي وهتنتهي ولا لأ؟ احمد: ده اخر طلب اطلبه منك صهليلي الفرح شويه فوق الناس اللي هتنام دي ادهم: عايزني اغني يا احمد؟ احمد: اغنيه واحده فعلا ادهم طلع الستيج وقررانه يغني لصاحبه وبدأ يغني ادهم:.
اسمعوا الاغنيه وانتو بتقروا اه اه اه اه ياللي تحب الجمال الحلو حلو الروح في ناس جميله قوي وعايشه حلاوه روح وبايه يفيد الجمال؟لو عيشت بيه مجروح اوعي الجمال يغرك او تنخدع فيه اصل الجمال لو غرك يكويك بنار لياليه ده مهما كان الجمال مسيره بكره يروح ده عشق الجسد مش دايم لكن اللي دايم حلاوه روح.
هنا الكل وقف وكل زماليه اتلموا والكل بدأ يهيص الا ابوه حاسس انه بيعيط مش بيغني، وحس ان ابنه في قمه ألمه بيغني وبيرسم ابتسامه على وشه وهو من جواه مدبوح نرجع للاغنيه انا اللي كان شاغلني واللي كان قاتلني اديتهم كل حاجه وهما استغنوا عني، هما استغنوا عني، هما استغنوا عني احمد حس ان ادهم بيغني الاغنيه دي عليه وعبدالعزيز عارف انه بيغنيها لحبيبته اللي استغنت عنه ادهم كان بيرقص مع اصحابه وشلته.
بكره الايام تبين مين قاسي ومين حنين وساعتها هتعرفوني لما الايام تبين، لما الايام تبين عايم والموجه عاليه والموج عالي عليا بتشيل وتحط فيا، الكل جاي عليا، الكل جاي عليا ادهم بيقول الجمله دي وهو حاسس فعلا ان الكل جاي عليه انا اللي عشت ليهم وكنت بخاف عليهم نسوني حتى اسمي مش هبقي خلاص عليهم انا اللي بكره هبقي، انا اللي بكره هبقي الفرح كله بقى بيرقص، ادهم عرف يفرح الكل والكل قام يرقص.
وهنا هو انسحب بهدوء، راح يغرق في احزانه وهو خارج احمد لحقه احمد: ادهم انت رايح فين؟ ادهم: انا اعتقد عملت اللي عليا وزياده، اسف يا احمد معنديش زياده اقدر اقدمهولك اسف، ادخل لعروستك احمد: مالك يا ادهم؟ ادهم: ماليش يا احمد، ادخل لعروستك ااستمر الفرح واخر الليل روحوا البيت لقوا ادهم بيجهز شنطته وفاء: ادهم حبيبي، انت بتجهز شنطتك ليه؟ ادهم: علشان مسافر عبدالعزيز: مسافر فين وامتي؟
ادهم: مسافر بكره، استلمت شغل جديد في استراليا الكل اتصدم عبدالعزيز: وده امتي؟ ادهم: النهارده وبكره هسافر عبدالعزيز: قول تهرب مش تسافر ادهم: اهرب؟اسافر؟ ادفن نفسي؟ المسمي اللي يعجبك سميه عبدالعزيز: دي مش نهايه الكون ادهم: شوف علشان بس ما تتعبش نفسك، قرار سفري نهائي وفاء: ادهم مالك؟افتحلي قلبك، ايه اللي تاعبك؟
ادهم بصوت مخنوق: دعوتك هيا اللي تعباني، قلبي محروق ومش عارف اعمل ايه؟ومش عارف اهرب زي ما هو بيقول، انا عايز اهرب، بس يا تري هو الواحد ممكن يهرب من عقله ازاي؟ سابوه ومشيوا، الام بتعيط على ابنها هيا عمرها ما دعت عليه ولما دعت كانت بهزار، عماله تبكي وتبكي وتقول انا السبب عبدالعزيز: لا مش انتي السبب، انا اللي عملت فيه كده، انا اللي فرقتهم عن بعض بس مكانش بايدي حاجه حكي لوفاء على كل اللي حصل.
وفاء: طول عمر ابنك عاقل، كان ممكن تعالج الموضوع بطريق تانيه غير كده، كان ممكن تطلب منه ما يقابلهاش مثلا وكان هيسمع كلامك عبدالعزيز: كنت مصدوم ساعتها وده اللي حصل وتخيلت انه نسيها مكنتش اعرف انها لسه في قلبه وفاء: ومن امتي ابنك بيغير رأيه على حاجه عايزها؟ والصور فين الصور دلوقتي؟ عبدالعزيز: حرقتها من ساعتها، انتي متخيله اني ممكن افضح واحده كده؟انا كنت بهدده بس.
احمد عرف تاني يوم ان ادهم سافر وعرف من عبدالعزيز انه راح لليلي وعرف انها مخطوبه، احمد اتصدم وروح لعروسته واول ما شافها فضل يعيط في حضنها عبير: في ايه يا احمد مالك؟ احمد: ادهم هاجر عبير: وانت بتعيط علشان كده.
احمد: ادهم طول عمره جنبي وعمره ما اتأخر عني وامبارح الصبح راح لحبيبته ولقاها مخطوبه وكملت حياتها وانا طول اليوم بطلب منه حاجات وحاجات، تخيلي انا طلبت منه يغني؟انتي ما تتخيليش هو بيبحها قد ايه؟وفي عز حزنه انا بقوله يغني وفعلا غني علشاني عبير: طيب وهيا حبيبته كانت بعيده ليه عنه احمد: بسببي انا عبير: ايه بسببك؟انت فرقت ما بينهم يا احمد؟
عبير وقفت وبتبصله بصدمه وفجأه افتكر لما قالت انها حاسه انه ممكن يخون فتراجع انه يقولها الحقيقه كامله احمد: ادهم من خمس سنين حب بنت، وكان علاقته جامده جدا بيها وطول الوقت مع بعض وكانوا بيحبوا بعض بجنون عبير: وبعدين انت فرقتهم ليه؟ احمد: البنت كان عندها 14 سنه وخفت عليه يغلط معاها لانهم كانت علاقتهم مالهاش حدود عبير: وما نصحتوش ليه؟وازاي اصلا ادهم يحب عيله؟
احمد: لما حبها ما كانش يعرف عمرها. لانها كانت ناضجه شويه ولما عرف كان حبها ومعرفش يبعد، ونصحته كتير بس ما سمعنيش عبير: وعملت ايه؟ احمد: قلت لابوه على علاقتهم وابوه اللي عمل عبير: عمل ايه؟ احمد: معرفش كل اللي اعرفه انه عاهده انه يبعد خمس سنين من غير ما يكلمها او يبعتلها رساله او يتواصل بيها وده اللي حصل عبير: وادهم كان متخيل ان عيله عندها 14 سنه هيسيبها خمس سنين وهيرجع يلاقيها؟
احمد مقدرش يكمل لعبير اللي عمله لانه عارف انها ممكن تسيبه وفضل عايش تأنيب الضمير هيقتله... ادهم هاجر ومرجعش مصر غير مرتين مره يحضر فرح اخوه ومره حضر فرح اخته، بيحضر 24 ساعه يحضر الفرح واخرالليل يسافر تاني، واستمر الحال خمس سنين كمان خلصت الذكريات بس هنا بقى استوب خلصت الذكريات عدوا عشر سنين على فراق ادهم وليلي تعالو نرجع للواقع بقى.
رواية مر العمر للكاتبة الشيماء محمد الفصل السادس عشر
نرجع للوقت الحاضر.
ادهم كان في الطياره راجع مصر وكل اللي فات كان بيفتكره. اخيرا هيرجع كفايه غربه، هو اتغلب اخيرا على حب ليلي ومستعد يبدأ حياه جديده مع اصحابه واهله ادهم رجع واكتشف انه فاته كتير قوي، فاته انه يشوف عيال اخواته، امجد اخوه عنده عيلين زياد عنده 4 سنين وسلمي عندها سنتين، واخته ايه عندها بنوته اسمها مريم عندها 3 سنين، حس انه لازم يعوضهم عن غيابه، فعلا بعد رجوعه من سفره اخد اجازه طويله بيقضيها كلها خروج ولعب مع العيال وبس، احمد صاحبه كمان عنده كريم عنده 4 سنين وكان صاحب مقرب لزياد وكان تقريبا كل يوم عندهم يلعب معاهم، ادهم اخد وقت في الاول لحد ما خلي العيال تتعود عليه، بس حبوه جدا كانوا بيقلوله بابا ادهم فطلب منهم يقلوله بابا بس من غير ادهم، حس انه عمره ما هيكون عنده عيال خاصين بيه فعوض ده بحبه لعيال اخواته.
خلصت الاجازه ورجع لشغله ولاصحابه اللي كلهم اتجوزوا وبقى عندهم عيال كمان الا هو واقف مكانه محلك سر... في يوم ادهم بيلعب مع عيال اخواته واحمد جاله ومعاه ابنه احمد: ادهم ازيك ادهم: الحمد لله، كوكي ازيك زياد: اهلا عمو ادهم: روح العب مع العيال، احمد ايه اخبارك وعامل ايه؟ احمد: كويس ادهم: ومالك بتقولها كده ليه؟عبير مزعلاك ولا ايه؟ احمد: يا ريتها بتزعلني.
ادهم: ايه ده اول مره اشوف حد بيتمني ان مراته تزعله، انت مجنون ياوله احمد: ديما بعيده عني، ديما في حاجه بيني وبينها، ديما بتبعد ومشعارف ليه، مهما اعمل بتفرح للحظات وترجع تاني، خمس سنين متجوزين وعمري ما حسيت انها مبسوطه معايا ادهم: طيب اتكلم معاها شوف ايه ناقصها معاك؟
احمد: اتكلمنا مليون مره، وكل مره تقولي مش قادره احس معاك بالامان، اعمل ايه يا ادهم عمري ما حبيت غيرها، عمري ما بصيت لواحده تانيه، عمري ما اتمنيت حد قدها، وبرضه مش مبسوطه، انا نفسي اسعدها نفسي اشوف الفرحه في عنيها، انا مش عارف انا عملت ايه ربنا بيعاقبني عليه؟عمري ما عشت يوم واحد مبسوط، عمري ما حسيت بالسعاده، خمس سنين وانا عايش في دوامه عذاب مش بتنتهي ابدا.
ادهم: مش عارف يا احمد اقولك ايه، طيب ابعدوا عن بعض فتره احمد: هههههه نبعد عن بعض فتره؟هو احنا مع بعض علشان نبعد عن بعض، احنا تقريبا ديما بعيد عن بعض، عبير بتقبل كل النبتشيات علشان تفضل بعيده، عبير تقريبا عايشه في المستشفي ولو بتكون موجوده بيكون علشان زياد؟دي حتى رافضه اننا نخلف تاني ادهم: طيب انا هحاول اتكلم معاها واشوف الحكايه ايه احمد: ادهم هو انت لسه بتحب ليلي؟ ادهم: لا يا احمد خلاص الموضوع انتهي.
احمد: ادهم انا... ادهم: انت ايه؟ احمد بيفكر يقوله على اللي عمله ادهم: مالك يا احمد؟ بابي بابي بابي العيال جم يجروا على ادهم ادهم: ايه يا كتاكيت مالكم؟ زياد: احنا كنا بنلعب انا وكليم ومليم عايسه تلعب معانا ادهم: اسمها مريم مش مليم، طيب وفيها ايه ما تلعبوها معاكم زياد: التوره لعبة اولاد مس بنات.
ادهم: التوره؟طيب ايه رأيكم نلعب كلنا مع بعض وبعدين مافيش حاجه اسمها ولد وبنت، بنت خالتك تلعبها معاك وتخلي بالك منها فاهم زياد: فاهم فاهم ادهم: احمد تلعب معانا؟ احمد: لا انا هتفرج، هما ليه بيقولولك بابي؟ ادهم: وفيها ايه مش عمهم؟ ادهم فضل يلعب معاهم كلهم، هنا جت ندي ندي: احمد ازيك، انت جيت امتي؟ احمد: من شويه، العيال اتعودت على ادهم بسرعه ندي: وهو في حد ما يتعودش على ادهم بسرعه، هيكون اب رائع احمد: فعلا.
ندي: الكتاكيت كله يجمع هنا كلهم جم يجروا حتى ادهم ندي: تعالوا كلو سندوتشات واطلعوا العبوا تاني الكل: يوووووه ادهم: بس، كلوا وتعالوا الكل: حاضر وجريوا على جوه ندي: كلمه واحده منك ويجروا وانا ممكن ساعه قصادهم ومايعبرونيش ادهم: شخصيات بقى، هيا السندوتشات دي للصغيرين بس؟مفيش للكبار الغلابه دي اي حاجه؟ ندي: بس كده انت تأمر يا جميل هبعتلك الداده بالسندوتشات وعصير اوك ادهم: منتحرمش يا قمر.
ادهم: ايه يا احمد كنت عايز تقول ايه قبل ما العيال يقاطعونا احمد: لا ولا حاجه، ابقي اتكلم مع عبير وبلغني ادهم: اوك احمد: طيب انا همشي سلام وكريم ممكن عبير تعدي تاخده ادهم: والسندوتشات احمد: بالهنا انت سلام وفاء في مره عملت حفله كبيره وتقريبا كل اللي عزمتهم كانوا بنات علشان ابنها يختار عروسه وطبعا ابنها كالعاده حضر الحفله بس البنات كانوا مختفين بالنسباله...
خلصت الحفله والكل قاعد مع بعضه وفاء وعبدو وادهم وامجد ومراته ندي وايه وجوزها المهندس هشام وفاء: هاه يا حبيبي ايه رايك في الحفله؟ ادهم: اه حلوه يا ست الكل ايه: ماما قصدها على البنات يا ادهم ادهم: مالهم البنات؟ وفاء: مفيش واحده يا حبيبي شدتك؟ ادهم: شدتني؟انتي عامله الحفله علشان كده بقى؟طيب مش كنت تقوليلي كنت ريحتك من الاول وفاء: قصدك ايه؟ ادهم: قصدي شيلي موضوع البنات ده من دماغك نهائي.
عبدالعزيز: يعني ايه بقى؟مش هتفرحنا بيك؟ ادهم: سيبك مني، واحمد ربنا ان عندك امجد وايه واديك فرحت بيهم وبعيالهم، متبقاش طماع، تصبحوا على خير سابهم ومشي قبل ما حد يتكلم، طلع اوضته وقلع هدومه ووقف تحت الشاور وفجأه لمح السلسله اللي في رقبته اللي عمره ما خلعها من رقبته لدرجه حس انها بقت جزء منه...
لازم يحاول يشيلها من دماغه، قلع السلسه وحطها على الحوض وطلع اوضته ومجرد ما غمض عنيه، افتكر لوليتا اللي وعدها انه عمره ما هيقلع السلسله ابدا من رقبته، لقي نفسه قام وراح جاب السلسه ولبسها تاني وحس كأن جزء من روحه رجعله، حتى لو هيا نسيته وبطلت تحبه هو حبها ووعدها بالحب، ومش معني انها اتغيرت انه ينساها لانه هيفضل يحب لوليتا بتاعته لاخر يوم في عمره والغريب انه مش بيندم على عمره اللي بيضيع في حبها.
عدي كام شهر وفي يوم المدير طلبه في مكتبه المدير: مقدم ادهم اتفضل ادهم: افندم المدير: كنت عايز اكلفك بمهمه جديده، بس مختلفه شويه وهتاخد منك كام شهر كده..؟ ادهم: كام شهر؟على العموم معنديش مانع، الوقت بالنسبالي مش بيفرق المدير: مهمتك تتدرب الخريجين الجداد اللي هيستلموا معانا هنا ادهم ابتسم: انت عايزني انا ادرب الطلبه الجداد..؟ المدير: ايوه، احنا خلاص صفيناهم وهما عشر طلاب هيستلموا بس عايزين تدريبات خاصه.
ادهم: كوتش رأفت راح فين؟ المدير: عمره بقى فوق الستين ادهم: كان مدرب رائع المدير: اكيد والدليل انتو، انت وزمايلك من اكفأ الظباط اللي اشتغلت معاهم وعلشان كده عايزك انت تدربهم، انت مهاراتك عاليه وعندك نفس اسلوب رأفت وبعدين مفيكش حته العطف او الحنيه في الشغل انت جد اغلب الوقت ادهم: قصدك دمي تقيل ورخم فبالتالي عندي الكارزما الخاصه بالاستاذ المكروه المدير: لا طبعا مش ده رأيي فيك نهائي.
ادهم: عارف عارف انا بس بهزر، اوك انا مستعد، شوف امتي وفين وانا جاهز المدير: اوك هبلغك، بس براحه عليهم في الاول ادهم: ما تخافش مش هموتهملك كلهم المدير: تموتهم؟ ادهم: مش هموتهم اموتهم يعني، ما تشغلش بالك حضرتك المدير: خلاص النهارده الخميس هتسافر انت السبت تبدأ الاسبوع من اوله، في هليكوبتر هتاخدك للموقع بتاعهم الصبح الساعه 6 ادهم: حاضر وانا هكون جاهز ادهم بيجهز شنطته فدخلت عليه وفاء امه.
وفاء: ايه ده انت هتسافر تاني؟ ادهم: عندي مهمه كام شهر وفاء: حرام عليك كده ادهم: حرام عليا ايه بالظبط؟شغلي كده وفاء: ولحد امتي يا ادهم؟لحد امتي هتفضل من بلد لبلد؟ابوك غلط وهو معترف بده سامحه بقى ادهم: وانتو فاكرين ان انا زعلان منه؟ وفاء: ايوه، انت من ساعه اللي حصل وعمرك ما قعدت مع حد فينا او اتكلمت معانا، لحد امتي هتفضل تعاقبنا على حاجه مش مقصوده، لحد امتي هتفضل تعاقبني يا ادهم؟
ادهم ساب اللي في ايده وراح لامه اللي بتبكي وضمها ادهم: انا مش بعاقبكم ابدا، ومش زعلان ولا منك ولا منه، وبعدين انتي هزعل منك ليه يعني؟ وفاء: علشان دعوتي اللي بتدفع ثمنها لحد دلوقتي، والله يا ادهم ما كان قصدي ابدا، وكل يوم وكل لحظه ادعي ربنا انه يريح قلبك بس مش عارفه مش بيستجاب ليا ليه؟
ادهم: ست الكل انا مش زعلان منك نهائي وعارف انه مكنش قصدك والموضوع ده انتهي، انا مش زعلان من حد، صدقيني انا بحاول اكون طبيعي على قد ما اقدر ويمكن اكون ببعد علشان انتو ما تعملوش اللي بتعملوه دلوقتي وفاء: ايه هوا اللي مش عايزينا نعمله واحنا مش هنعمله؟
ادهم: انكم تفضلوا مراقبني بالطريقه دي، كل ما اسهر في الجنينه اشوفك انتي وبابا واقفين بتراقبوني من البلكونه وبصعب عليكم انا مش بنام اكتر من ساعتين، طيب اعمل ايه؟كل ما تشوفوني لوحدي بتبصولي بطريقه، انا عارف ان وجودي بيتعبكم وفاء: انت عمر ما وجودك بيتعبنا ابدا، ادهم انت ابننا وده طبيعي، طبيعي لما اشوف عمرك بيعدي وانت...
ادهم: وانا ايه؟واقف مكاني؟لو عارف او قادر اعمل حاجه كنت عملتها من زمان، انتو بتخلوني اسافر علشان نظراتكم ليا وفاء: طيب اتجوز ادهم: ههههههههههههه، ضحكتيني، اتجوز مره واحده وفاء: مش يمكن لما تتجوز وتخلف تنسي،.
ادهم: انسي ايه بالظبط؟انتي متخيله اني ما حاولتش انساها مثلا ومستمتع بالعذاب ده؟احب اقولك اني حاولت كتير، عرفت بنات بره كتير جدا ,,,وحاولت، اه صدقيني حاولت حتى اتسلي مجرد تسليه بس للاسف فشلت، وانتي بتقوليلي اتجوز، وبعد ما اتجوز هاظلم واحده معايا هتفضل طول الوقت بتحاول ترضيني او تسعدني وهتفشل، وهتفضل تسأل نفسها كل لحظه ياتري عملت ايه علشان هو كده وفاء: مش يمكن تحبها؟ليه لأ.
ادهم: امي افهميني مستحيل تملي كوبايه هيا اصلا مليانه، انا قلبي ليلي ساكنه جواه حاولت اخرجها ومعرفتش، هيا خلاص عششت في قلبي فمهما اي حد يحاول يدخل مش هيلاقي مكان اصلا، فهمتي؟ وفاء: طيب لما تخلف هتحب عيالك، انت شايف عيال اخواتك بيحبوك قد ايه، وشايف العيال بيملو البيت فرحه.
ادهم: عارف، بس هفضل طول الوقت بتمني ان امهم تكون شخص تاني وده هيدمر علاقتي بيها وهيأثر على العيال اللي بتتكلمي عنهم، لو الاب والام مش بيحبوا بعض اكتر حد بيتأثر هوالعيال، وبدل ما اكون انا لوحدي كده هدخل عيله بحالها في الدوامه بتاعتي، ارجوكي يا ست الكل سيبيني براحتي وفاء: طيب... قاطعها ادهم: يووووووه ارحميني بقى وفاء: مش هتكلم في الموضوع ده ادهم: طيب قولي.
وفاء: انت بطلت تقولي يا فوفا ليه؟وحشتني قوي فوفا منك ادهم: حاضر هقولك يا فوفا ما تزعليش ادهم راح المستشفي علشان يكلم عبير وهناك اتفاجأ لما شافه شاف عمر اللي المفروض كان خطيب ليلي في يوم من الايام ,فضل يبص حواليه وقلبه بيدق بسرعه ومتخيل ليلي تدخل في اي لحظه... ادهم: دكتور عمر ازيك عمر: اهلا وسهلا، افندم ادهم: انت مش عارفني؟ عمر: لا معلش مش واخد بالي حضرتك تبقي؟
ادهم: ادهم، قابلتك من خمس سنين في كليتك وكنت خاطب الدكتوره ليلي عمر: انا خاطب ليلي؟ افتكر عمر ساعتها اللي حصل عمر: اها اه اه افتكرت حضرتك، اهلا اهلا بحضرتك ادهم: اهلا بيك، الدكتوره ليلي اخبارها ايه؟ عمر: ليلي؟ هنا جت ايناس ايناس: عمر حبيبي هتروح ولا اسبقك انا؟ ادهم واقف مستغرب مش فاهم حاجه عمر: دي دكتوره ايناس مراتي، ايناس ده رائد ادهم قابلته ونا في الكليه قبل كده لما كنت لسه خاطب ليلي.
تحميل محتوى الموضوع
عرض نسخة صالحة للطباعة
أرسل هذا الموضوع إلى صديق
[13]
الدعوات : 2قوة السمعة : 10
رواية مر العمر