رواية طغيان عاشق للكاتبة أسماء صلاح الفصل الخامس والثلاثون
سمر كانت راحت لبيتها و طبعا سامي و يوسف كانوا معاها، سعد استغرب من قدومهم، و قال اتفضلوا... اول ما دخلوا و قعدوا تحدث سامي قائلا سمر تبقى بنتي و عارفين انك اشتريتها و هي طفلة سعد اتبرجل و كان عايز يضللهم بس هما شكلهم متأكدين و قال انا اشتريتها من راجل اسمه صبري تنهد سامي و قال انا و لا عايز اعمل شوشرة و لا حاجه أهم حاجه ان بناتي رجعوا... -بس سمر اتربت في البيت دا؟
-عارف يا سعد بس هي من حقها ترجع لأهلها، نبيلة قامت و سأبتهم فهي ربتها و كانت ابنتها فكيف ستغادرها بهذه السهولة، قامت سمر خلفها و دخلت إليها و قالت انتي بتعيطي ليه؟ نبيلة ببكاء خلاص اهلك هيخدوكي مني؟ سمر اقتربت منها و احتضنتها و قالت ببكاء حتى لو روحت معاهم انتي هتفضلي امي اللي ربتني... عناقتها نبيلة بشده على عيني يا بنتي ياخدوكي من هنا؟ ابتعدت سمر عنها و قالت انا هفضل بنتك مهما حصل...
حكمت اتصلت بسامي و قالته على اللي حصل، سامي قام و قال يوسف خد اختك و راحوا و انا هروح مشوار ضروري... سمر خلصت و ودعتهم و مشيت مع يوسف و وصلوا البيت و حكمت حكيت ليهم اللي حصل... سامي كان بيدور عليها و هيتجنن و قال ليه يا بنتي بتعملي كدا بس..؟ و بعد ما دور، تقريبا لف اسكندرية كلها رجع البيت و قال مش لاقيها... حكمت بعصبية يعني ايه؟
يوسف طبعا كان جاب آخره و قال طب ما يمكن تكون راحت للباشا، يعني كانت لازم تتجوز دا...؟ تنهد سامي و قال استنى هكلم نسمه يمكن تعرف حاجه، اتصل بنسمه قائلا تعرفي حاجه عن ليلياس... نسمه بقلق لا يا خالو هو حصل ايه؟ -ولا حاجه يا بنتي بس لو كلمتك قوليلي... و بعد ما قفل سامي مع نسمة، اتصلت نسمه بجاسر و قالتله اللي حصل.
ذهبت ليل إلى الشاطئ و تنظر إلى البحر و تقلب امواجه و تشعر بتقلبات قلبها، حقا له سحرا خاص حتى في ظلمته كانت تفكر في جاسر التي لم تعلم إلى أن تصل علاقتهم هل حقا هذه النهاية، شعرت بتساقط دموعها على وجنتها ذلك الحزن الذي لم يريد أن يفارقها، و كلما تبسمت لها الحياة تعود كما كانت...
كانت تستعيد كل ذكرياتها معه، و تنهد بحزن و مررت يدها على بطنها و قالت مش عارفه افرح عشان بقى عندي اهل ياخدوا بالهم منك لو حصلي حاجه و لا ازعل على اني ممكن اتحرم منه باقي عمري... تفاجأت بمن يضع يده عليها، فانتفضت ليل و التفت لتراه لم تصدق عينها و شعرت بأنها تتخيل فهي دائما تتخيله أمامها، ظهر على ثغرها شبح ابتسامه و قالت جاسر؟! رد ببروده المعتاد و قال بتعملي ايه هنا؟
أوصدت عينها لوهله و تساقطت الدموع منها و قالت و لا حاجه... -طب روحي... ليل كانت مستغربة من جفافه معها بهذه الطريقة و قالت جاسر هو انا مش فارقة معاك لدرجة دي، مشيت و سيبتني طب على الأقل كنت اطمن على ابنك... هزت جملتها حصون قلبه و لكنه أصر بداخله على عدم انصهار جليده و قال خلاص يا ليل...
توقفت دموعها فجأة لتحدق به بصدمة و قالت بجد؟! انت شايف كدا، دلوقتي عايز تسيبني، دا انا كنت بتحايل عليك و انت مكنتش راضي دلوقتي خلاص -هتبري من أهلك يعني؟! سكتت و اخفض نظرها و قالت بحزن انا مش عايزة حد كفايه لحد كدا، تعجبت من صمته و قالت تعرف اني مغفلة عشان فكرت انك ممكن تتغير... -عايزني أقبل ببنت سامي العراقي ازاي؟ ابتلعت ريقها و نظرت له و قالت دلوقتي بقيت بنت سامى العراقي... -امشي يا ليل روحي لأهلك...
-انا بحبك... نظر جاسر إلى البحر و قال انتي دلوقتي ليلياس بنت سامي العراقي و بس... ليل بصدمة انا مش ليلياس... نظر لها و قال لا انتي ليلياس سامي العراقي و دي الحقيقه اللي مش هنعرف نغيرها -مليش دعوة بكل دا انا بحبك يا جاسر، انا عايزة اكون معاك... -و انا مش عايز... -دي النهاية يعني؟! -اهااا... -لو مشيت مش هرجعلك تاني و هتبقى أنت اللي سيبتني -يبقى احسن مترجعيش...
شعرت بتحجر قلبها مثل الثلج البارد، حتى أنه تقف عن نبضه و أصبح ببطء للغاية حدقت به و لكن عادت نظراته القاسية كما كانت، تراجعت ليل للخلف و هي تشعر بالخذلان لم تكون مرتها الأولى، فهي تلقيت منه صفعات متتالية، و لكن لماذا ظل الخذلان صديقها المخلص الذي لم يتركها؟! اصدمت قدمها بحجر، فلحقها قبل أن تسقط و قال خلي بالك... ازحت يده و قالت شكرا، مشيت ليل و سأبته و ذهبت و ظلت واقفه تنتظر تاكسي...
وقف جاسر بسيارته أمامها و قال اركبي... أدارت وجهها و قالت شكرا، ، نزل جاسر من العربية و فتح لها الباب و قال الوقت متأخر اركبي... ركبت و ظلت صامته فهو تحدث بما يكفي... وصل جاسر أمام قصر العراقي و قال انزلي... نظرت له و قالت مكنتش متخيلة انك هتسيبني بالسرعة دي؟! -انزلي يا ليل... سقطت بحور دموعها و قالت مش عايزة اشوفك تاني... -هيبقى احسن لينا...
نزلت ليل من السيارة و دخلت إلى المنزل، فتح لها سامي و احتضنتها بلهفة مشيتي ليه يا بنتي؟ ليل بعدت عنه بسرعه و قالت و لا حاجه... -طب اطلعي ارتاحي، امك تعبت و هتلاقيها نايمه دلوقتي و اختك في الاوضه اللي جنبك هزت ليل رأسها و كانت تشعر بالغربة رغم حديثه الهادئ معها، اوقفها سامي و قال كل دا عشانه؟ ليل فهمت السؤال و عرفت انه يقصد جاسر و ردت مش ابوه ابني.
عقد سامي حاجبه بدهشة و محدش يقدر يتكلم في حاجه بس اكيد جاسر مش مناسب ليكي... -ليه؟، انا عارفه سبب كرهكم لبعض اصلا -انتي فاهمة غلط يا بنتي انا اكيد مش هدخل المسائل العائلية بكل حاجه لكن هو اللي قرر يحاربنا و كمان أخلاق جاسر مش حلوة، تنهدت ليل و قالت بس انا مليش علاقه بكل دا؟! -هو قرر يطلقك؟ -انا هطلع بعد أذنك تنهد سامي بيأس و قال طيب يا بنتي...
مر شهر و ليل كانت تحاول التأقلم معهم لم تنكر بأن معاملتهم لها جيدة و لكنها كانت تفكر في شخص آخر، و أكنها تركت كل شي معه قلبها و عقلها و جميع جوارحها كانت لم تستطيع الاستماع بشي رغم معاملة والدتها و والدها معها و حتى سمر و يوسف و نسمه التي كانت تأتي بين الحين و الآخر... كانت جالسة شاردة، جلست حكمت بجوارها و قالت سرحانه في ايه؟ انتبهت لها و قالت و لا حاجه... -طب انتي مش بتأكلي ليه؟ -مليش نفس...
-هو المفروض انتي في الشهر الكام -بداية الرابع، ، تنهدت حكمت و قالت طيب يا حبيبتي على الأقل عشان ابنك... ابتسمت ليل و قالت حاضر... يوسف و سمر نزلوا من فوق و جلسوا معهم، كل منهم كأن يشغله حديث و لكن ليل لم تكون منتبه معاهم، فقامت و لكنها شعرت باختلال توازنها بعد أن سارت عده خطوات سقطت ليل على الأرض شهقت سمر و حكمت بخوف، فلحق بيها يوسف و حملها و وضعها على الاريكة... حكمت بقلق اختك مالها يا يوسف...
-مش عارف وقعت فجأة، النبض بتاعها ضعيف اوي... حكمت بلفهه اتصل بالإسعاف بسرعه و كلم أبوك... وصلت الإسعاف و ذهبت حكمت معها و كانت تدعي بداخلها أن تكون ابنتها بخير و لم يحدث لها مكروه... وصلوا إلى المستشفى و يوسف و سمر كانوا وراهم بالعربية... انتقلت ليل إلى غرفة الفحص و بعد قليل خرج الطبيب و قال لازم تدخل جراحي حكمت بصدمة مالها؟ -عندها مشكلة في شرايين القلب و لازم نعمل ليها عملية...
حكمت جلست على المقعد المجاور ليها فقدميها لم تعد تحملها.. -بس هي حامل...؟ قالها يوسف -للأسف لازم تعمل إجهاض هي تعبانة اوي و حالتها صعبه و الحمل ذات نفسه غلط عليها و ممنوع حد يدخلها... يوسف بحيرة و نظر إلى حكمت المنهارة و قال اللي تشوفه يا دكتور المهم تبقى كويسه... ذهب الطبيب و تركهم، جلس يوسف بجوارها و قال هتبقى كويسه يا ماما متقلقيش...
حكمت ببكاء خايفه تضيع مني، خليهم يعملوا إيه حاجه بس تعيش، رتب عليها و قال طب يلا نروح... -مش هسيبها، سمر رتبت عليها و قالت خير يا ماما أن شاء الله بس لازم جاسر يعرف... يوسف بضيق هو جاسر سأل عليها اصلا و لا يعرف عنها حاجه هو سابها و خلاص... تنهدت سمر و قالت طب بابا فين؟ -قال انه جاي... وصل سامي و قال بلفهه هي فين؟ حكمت ببكاء بنتنا هتضيع يا سامي...
سامي بحزم متخافيش انا هدخل للدكتور و اشوفه تعالى معايا يا يوسف...
-هتفضل انت كدا؟ زفر جاسر بضيق و قال مالي يعني؟ -مفيش بس و لا بشوفك و لا بتكلم حد تقريبا و سعاد قالت انك مبترجعش البيت من الأساس... -انا عندي شغل يا نسمه... -ليل تعبانة على فكرة... تنهد جاسر و قال مش أهلها معاها... استأذنت نسمه منه و رددت على الهاتف و أخبرتها سمر بما حدث، نسمه قفلت معها و نظرت اليه و قالت ليل تعبانة في المستشفي و بيقولوا انها محتاجة عمليه، انا همشي... -استنى هاجي معاكي...
ذهب جاسر و نسمه و وصلوا إلى المستشفى، اتجهت نسمه إليهم و قالت ليل عامله ايه؟ -لسه يا بنتي الدكتور مقررش و خالك و يوسف عنده جاسر كان واقف ساكت، أتت الممرضة لهم و قالت بتوتر مدام ليلياس مش موجودة...
رواية طغيان عاشق للكاتبة أسماء صلاح الفصل السادس والثلاثون
جاسر كان واقف ساكت، أتت الممرضة لهم و قالت بتوتر مدام ليلياس مش موجودة... حكمت بعصبية حادة يعني ايه؟ لو بنتي مظهرتش هقفلكم المستشفى، سمر بتحاول تهديها... أتى سامي و يوسف و استغربوا من وجود جاسر، جاسر نظر إلى سامي وقال مراتي هربت منكم... سامي اتنرفز مش دي اللي انت سيبتها و مشيت بنتي هعرف الاقيها رد جاسر بسخرية زي ما لاقيتها اول مرة كدا... حكمت ببكاء دا مش وقته خناق انا عايزة بنتي...
خرج جاسر و تركهم و تابعته نسمه... يوسف بضيق ايه الحل دلوقتي مش موجودة في المستشفي... سامي بحيرة مش عارف يا ابني يلا يا حكمت عشان نمشي القعدة في المستشفي ملهاش لازمه هي مشيت من هنا...
-هتعمل ايه؟ جاسر بضيق مش عارف يا نسمه بس لازم نلاقيها نسمه بسخرية بجد دلوقتي عايز تلاقيها... زفر بغضب و قال بعصبية مش وقته يا نسمه، المهم خليكي معاهم و لو وصلوا لحاجه قوليلي... -خايف عليها و لا على ابنك ضغط جاسر على البنزين بقوة نسمه بخوف هدى شوية...
ليل مشيت من المستشفى و ذهبت الي إحدى مكاتب السماسرة و أجرت شاليه على البحر، دخلت إليه و جلست لشعورها بالتعب و اغمضت عينها لتغفو، استيقظت ليل في اليوم التالي و شعرت بتكسير في جسدها، قامت ليل بتعب و خرجت، سارت إلى أن وجدت محل، دخلت له و اشتريت هاتف و خط له و بعدين رجعت الشاليه تاني، حاولت ليل تذكر رقم نسمه و اتصلت بيها الو نسمه بلهفة ليل؟ -اهااا انا كويسه يا نسمه -طب انتي فين؟
-انا مشيت من المستشفى... -قوليلي مكانك طيب و انا هجيلك -ماشي بس روحي البيت عند جاسر و هاتلى هدوم من هناك و بلاش جاسر يعرف حاجه يا نسمه و انا هبعتلك العنوان... نسمه راحت البيت و خدت الهدوم و طبعا استغلت فرصة ان جاسر مش بيكون في البيت و قالت للسعاد متقولش حاجه لي و بعدين راحت ليها، طرقت باب الشاليه و فتحت ليها ليل بعد ثواني... دخلت نسمه و قالت المعمورة يا ليل.
تنهدت ليل و قالت اهااا هنا المكان هادي و بعدين انا مش عايزة حد يعرف مكاني تنهدت نسمه وقالت بجد و انتي هتعيشي هنا لحد ما تولدي يعني... -اهااا عايزة ارتاح كفاية اللي حصلي بصراحة مش قادرة استحمل تاني، يمكن دول أخر شهور ليا و عايزة اعيشهم بعيد عن المناهدات و المشاكل نسمه بحزن طب على الاقل كنتي روحتي مستشفى؟! -مش مهم انا مرتاحة هنا... -طب لو تعبتي هتعملي ايه؟ -ربنا يستر...
-انا مش عاجبني يا ليل، انتي الفترة دي محتاجه راحه... -والله يا نسمه تعبت و مش قادرة استحمل ايه حاجه تانيه كفايه البهدلة اللي شوفتها... -طب و الحمل... -مستحيل أنزله... نسمه باستغراب انتي متمسكة به ليه؟ تنهدت ليل و قالت مش عارفه بس مش هقدر اقتل ابنه... -جاسر موافق -بس انا لا، انا عايزة اكمل للآخر، يمكن حتى ملحقش اشوفه بس على الاقل لما يكبر و يفهم هيعرف اني كنت متمسكة به للآخر نفس فيا...
-طب انا عايزة أفضل معاكي ابتسمت ليل و قالت هتقولي ليهم ايه مش هينفع... -مش هينفع اسيبك كدا!؟ جاسر مش بيروح و ماما بتكون عارفه اني عنده و انا هفهم سعاد بكدا... -ملهوش لازوم يا نسمه انا كويسه والله... -اومال ايه اللي الدكتور قاله دا، ، بصي انا هتصرف متقلقيش...
حكمت قلقانه عليها و طبعا مكنش في حاجه ظهرت، سامي و يوسف بيدوروا عليها... دخل سامي و يوسف إلى المنزل و قال مش موجودة دورنا عليها كتير... حكمت ببكاء يعني ايه بنتي ضاعت مني تاني... -اهدي بس يا ماما و هنلاقيها أن شاء الله بس في احتمال أن يكون جاسر خطفها... سامي نظر له بتعجب و قال هيخطف مراته؟! يوسف بتفكير جايز يعني... -انا هروح لأبوه بقا و اطلب منه انه يخلي طلقها و لو معاها يجيبها عشان انا فعلا زهقت.
تنهدت حكمت و قالت اعملوا اللي تعملوا بس انا عايزة بنتي انا قلبت الدنيا و مفيش إثر ليها... -هلاقيها يا حكمت متخافيش انتي بس ركزي في شغلك عشان انتي معطلة حاجات كتير و مش هيبقى موت و خراب ديار و انا مش هيرتاح ليا بال غير لما اوصل ليها... -هتروح لممدوح أمتي...؟ -بكرا و هكلم مني دلوقتي اقولها...
ليل خرجت من اوضتها عشان مكنتش عارفه تنام من التعب، دخلت إلى المطبخ و أخذت زجاجه ماء و ارتشفت منها القليل، و بعدين راحت قعدت في الشرفة لتنظر إلى بحرها المظلم تماما مثل قلبها، و داعب الهواء البارد خصلات شعرها فأصبح يتطاير معه، وضعت يدها على بطنها و قالت نفسي تعيش حياة هادية و كويسه مفهاش معاناة، انا مش عارفه انت ولد و لا بنت حتى بس انا نفسي اشوفك اوي، اغمضت عينها و ذهبت في النوم...
في الصباح نسمه قامت و بحثت عنها في الغرفة و لم تجدها قلقت و لكنها عندما رأت الشرفة مفتوحة تنهدت بارتياح و راحت ليها و قالت ليل انتي نايمه هنا ليه؟، ليل؟ استيقظت ليل و نظرت حولها و قالت انا نمت هنا ازاي؟ -ربنا يستر و متاخديش برد انتي خدتي الهوا كله... تنهدت ليل و قالت سيبها على ربنا...
في المساء ذهب سامي إلى منزل شقيقته و استقبلته مني قائلة بقالك كتير مجتش... تنهد سامي و قال ما انتي عارفه على طول في الشغل، ممدوح موجود و لا؟ -لسه داخل قدامك... -طب الحمد الله، دخل سامي خلفها إلى غرفة الجلوس و سلم على ممدوح... جلس سامي و قال اكيد عندكم علم باللي حصل؟ تنهدت مني و قالت اهاا عارفين... -انا عايز ابنك يطلق بنتي يا ممدوح... ممدوح بحيرة انا مليش كلمة على جاسر دا حتى هو اتجوزها من دماغه...
-الوضع يختلف دي مش ايه بنت دي بنت سامي العراقي... -ما هي مش متجوزه بائع بطاطا يا سامي و لا إيه؟ سامي بضيق بس ابنك مش مناسب ليها و بصراحة انا عايزها تبقي بالذوق و مش عايز اتصرف تصرف مش هيعجب حد و انا لحد دلوقتي عامل حساب انه ابنك... ممدوح بجدية سامي انت اصلا مش عارف هي فين لحد؟ -و احتمال تكون معاها مني تدخلت قائلة ازاي هتكون معاها و هو سابها ليكم اصلا...
-يا جماعه قدروا موقفي دي بنتي و بقالها ٢١ سنه ضايعه و يوم ما الاقيها اعرف انها كان مربيها راجل وضيع والله اعلم عمل فيها ايه و كمان تبقى مرات جاسر... اتنهد ممدوح و قال لاقيها الأول و بعدين هنبقي نتكلم في الموضوع و اكيد جاسر هيطلقها... -ابنك عنيد و كمان هي حامل... ممدوح قطب حاجبه و قال طب محدش يعرف راحت فين؟ -لا قلبنا اسكندرية و حكمت كلمت كل معارفها و نفس النتيجة...
مر اسبوع و نسمه رجعت ليهم عشان محدش يشك فيها و كانت بتكلم ليل طول ما هي مش موجودة عشان تتطمن عليها... -يا ليل حرام عليكي كلهم هيتجننوا عليكي -انا مرتاحة كدا... -انا هاجي انهاردة محتاجه حاجه و لا؟ -لا يا حبيبتي... نسمه كانت نازلة من البيت و لكن تفاجأت بسيارة جاسر تنتظرها، ارتبكت و اتجهت له و قالت انت بتعمل ايه هنا؟ -اركبي ركبت نسمه السيارة و قالت في ايه؟ -رايحه فين؟ -عند خالو... -عارفة مكانها؟
-لا، زفر بضيق و قال مش هعمل حاجه بس انا عايز اطمن عليها... -هي كويسه يا جاسر... -طب عايز اشوفها... اتنهدت نسمه و قالت جاسر مش انت اللي سيبتها..؟ -كنت عايز ابعد عنها و انسى افتكرت الموضوع سهل بس للأسف أنا مش عارف حتى اروح البيت عشان هي مش في.
-الكلام دا هي اللي محتاجه تسمعه مش انا يا جاسر، و انت اللي قررت تسيبها و فتحت باب السيارة و نزلت، و انتظرت إلى أن غادر و ركبت سيارتها و ذهبت إلى الشاليه، طرقت الباب عدة طرقات و لكنها لم ترد عليها تذكرت نسمه بأنها معاها مفتاح... قبل ما نسمة تمشي قالت انا هروح ليهم عشان محدش يشك و يومين بظبط و أرجع... -ماشي خدي نسخة المفتاح دي نسمه باستغراب ليه؟ -عادي ممكن اكون نايمه بدل ما تقفي على الباب...
فتحت نسمه بالمفتاح و قالت لولو انتي فين؟ شكلك نايمه دخلت إلى غرفتها و لكنها وجدتها ساقطة على الأرض، شهقت نسمه بصدمة و نزلت على الأرض و حاولت تفيقها و قالت ليل، ليل، و تحسست حرارتها وجدتها منخفضة و نبضها ضعيف للغاية... أخرجت هاتفها و اتصلت بجاسر و قالت ببكاء الحقني يا جاسر ليل تعبانة، دخلت لاقيتها مغم عليها... -افتحي الباب؟ نسمه بصدمه ايه؟!
رواية طغيان عاشق للكاتبة أسماء صلاح الفصل السابع والثلاثون
نسمه بصدمه ايه!؟ -كنت ماشي واركي، قامت نسمه و فتحت الباب، دخل جاسر معاها حمل ليل برفق و وضعها على الفراش و قال تعرفي أقرب صيدلية هنا فين؟ -اهااا ١٠ دقائق من هنا -تمام خدي عربيتي و روح هاتي الحاجات دي...؟، و اخرج القلم من جيبه و دور على ورقه و كتب بعض الأودية... نسمه بدهشه انت متأكد؟ -انجزي يا نسمه خرجت نسمه مسرعة، جاسر فضل قاعد جانبها لحد ما رجعت، اعطها الحقنة و ركب لها محلول...
نسمه كانت مستغربها و قالت انت هتشتغل دكتور و لا إيه؟ -اكيد مش هسيبها تموت... ابتسمت نسمه و قالت طالما بتحبها كدا بتعذبها ليه؟ -اخرجي برا... نسمه بدهشة نعم؟ -و اقفلي الباب... -ماشي، خرجت نسمه و اغلقت الباب خلفها...
قبل جبنها و قال حقك عليا انا عارف اني السبب في كل دا و عارف انك ملكيش ذنب في حاجه بس مقدرتش استوعب انك تقربي لمني مرات ابويا، انا طول عمري بكرهم و على طول بحاربهم في شغلهم و في الاخر تتطلعي بنتهم... اتنهد و قال ياريتك فضلتي بنت صبري، ظل جانبها و أزل المحلول من يدها بعد أن انتهى و لسه هيقوم لاقيها وضعت يدها على يده، جلس بجوارها و قال والله و لا انا قادر اسيبك...
استيقظت ليل، و قامت و لكن اندهشت عندما وجدته بجانبها و هي تقبض على يده، تركتها بسرعه، قال ببروده المعتاد متتحركيش... -انت بتعمل ايه هنا؟ -هكون بعمل ايه؟! لما نسمه كلمتني جيت عشان كنتي تعبانة... قامت ليل و خرجت من الغرفة، نسمه كانت قاعدة برا لما شافتها قامت قومتي ليه؟ ليل بعصبية و صوتها كان عالي كلمتي ليه؟ -عشانك يا ليل انتي محتاجها...
ليل انهارت في البكاء و قالت لا مش عايزها و انا همشي، لفت عشان تمشي و لاقيته واقف وراها على طول -ابعد لو سمحت... ضمها جاسر إليه و حاوطها بذراعه و قال ليل اهدي... ليل ببكاء ابعد عني بقا كفايه اللي عملته معايا... رتب عليها و احتضنها أكثر، و قال انا همشي بس اهدي انتي عشان غلط اللي بتعملي دا... ليل فضلت تعيط، و هو حضنها، ابتعدت عنه و قالت لو جاي تقنعني بالعملية فامشي احسن.
اتنهد و قال براحتك بس في الأخر هتعمليها... -مش هعمل حاجه يا جاسر تمام... -طيب اقعدي و لا هنفضل واقفين كدا... جلست ليل و نسمه تركتهم و دخلت إلى المطبخ... جاسر قعد جنبها و قال ممكن نتكلم بالعقل شوية... ليل بسخرية و هو العقل يخليك تمشي و متسالش عليا -المهم انك دلوقتي تعبانة و، قطعته ليل و قالت مش هعمل إجهاض و هكمل الحمل للآخر... -هو مش ابنك لوحدك... -جاسر ريح دماغك و طلقني... -ليل دا مش وقته...
قامت ليل و زفرت بضيق و قالت جاسر انا مش عايزة اتكلم معاك و كفايه وجع قلب لحد كدا، و خليني براحتي و بعد ما اموت أن شاء الله اعمل اللي انت عايزه، دخلت إلى غرفتها مسرعه و قام هو خلفها، و وضع قدمه حاجزا قبل أن تغلق الباب، تركت ليل الباب و قالت عايز ايه؟ -على فكرة انتي لسه مراتي... -بجد و انت لسه فاكر الموضوع دا، مش انت قولت نبعد احسن و أفضل لينا و انا موافقة على كلامك...
-عادي بس بلاش تكون في حاجه تربطنا ببعض... ليل شعرت بدموعها الحارة تسقط على وجنتها و قالت بس انا مش هنزل ابني و انت اعتبره مات... -تعرفي اني مش محتاج اخد رايك و ممكن اسقطك...؟ تراجعت ليل للخلف و قالت هتعملها ازاي دي؟ -انتي ناسيه اني خريج طب و كنت تخصص نسا و ولادة... ليل ابتلعت ريقها بخوف و قالت حرام عليك انا مش عايزة... زفر جاسر بحنق و قال خلاص خليكي حامل و موتى...
خرج من الغرفة و هو يشعر بالضيق، نسمه خرجت المطبخ و قالت في ايه.؟ جاسر بعصبية زي ما هي مش راضيه توافق و فعلا مش عارف اخرتها... -أن شاء الله مش هيحصلها حاجه، بصراحه حرام تكونوا كلكم عايزين تموتوا ابنها... جاسر بعصبية أشد انتي مجنونة انتي التانيه دي هتموت، الولادة صعبه عليها اوي -طب هو انت ليه بتقدم الشر ما ممكن تبقى كويسه... -انا زهقت، انا ماشي و اعملوا اللي تعملوا، خرج جاسر و صفع الباب خلفه بقوة...
ليل لما سمعت الباب خرجت و قالت مشي؟ هزت نسمه رأسها بيأس و قالت انا اسفه والله لو كنت اعرف انه هيعمل كدا مكنتش هقوله... ليل بحزن عادي مش فارقه، انا هدخل انام -مش هتاكلي؟ -لا مليش نفس، دخلت ليل إلى غرفتها و ارتمت على الفراش و ظلت تبكي... دق الباب و قامت نسمه تفتح و قالت بدهشة جاسر... دخل جاسر و وضع الشنط على السفرة و قال هي فين؟ -نامت... -ادخلي صحيها...
-الله انت جايب ماك، زفر جاسر بضيق و قال اهاا ساندويتشات من ماك و شكولاتة و بيبسي و شيبسي و حلويات و تورته شكولاتة و جاتوه كل أنواع الحلويات بس خليها تيجي تأكل... ابتسمت نسمه و قالت طب ما تتدخل انت؟ -مش عايز خناق و هي مش هتسكت... -ادخل بس طرق جاسر الباب، مسحت ليل دموعها و قالت نعم؟ فتح الباب و قال تعالى عشان تأكلي... قامت ليل و قالت مش عايز و بلاش تتدخل اوضتي بالطريقة دي...؟
زفر جاسر بضيق و قال طب خلصي و اسمعي الكلام... -اطلع برا، و استدارت، حملها جاسر بين ذراعه شهقت ليل و تمسكت بقميصه و قالت نزلني... خرج من الغرفة و وضعها على الاريكة، ابتسمت نسمه... وضع جاسر الطعام أمامها و قال كُلي... -مليش نفس... اخرجت نسمه ساندويتش و قالت لا انا جعانه الصراحة و لو برد هيبقى وحش... امسك يدها و وضع بيها السندويتش و قال كُلي عشان لو اغمى عليكي تاني هوديكي المستشفى...
بدات ليل في تناول الطعام، و انتهيت هي و نسمه... -انا عايزة احلى بقا و نبي يا جاسر قوم هاتلى طبق و شوكة من جوه... -قومي انتي يا اختي و دخلي الشكولاتة التلاجه... ليل كانت ساكته، نسمه قامت -هتفضلي ساكته كدا؟ -عشان انا مش طفله هتضحك عليها بحاجات حلوة... اتنهد جاسر عارف بس عشان تأكلي لأن قله الاكل مش حلوه عشانك... -لا و انا اهمك اوي... خرجت نسمه و وضعت الأطباق و قالت طبعا انت ملكش في الكلام الفاضي دا؟
-اممممم... فتحت نسمه العبلة و لكنها اتفاجات و قالت شكلها تحفة... ليل بفضول هي ايه؟ أدارت لها العلبة، كانت الكيكة موجودة عليها صورتها و أسفلها كلمه بحبك... ليل نظرت إليه و قالت مكنش لي لأزمة التعب دا؟! انا مش هاكل منها و بعدين قامت و سأبتهم زفر بضيق و قال عاجبك كدا... -حقها يا جاسر انت سيبتها و اتخليت عنها لمجرد انها طلعت بنت ناس انت بتكرهم... -طيب، انتي بتنامي فين؟
-الشاليه في تلت اوض، و انا بنام في واحدة و ليل واحدة... -طيب، قام جاسر و فتح الباب و لاقها قاعدة بتلعب في التليفون... -عايز اتكلم معاك..؟ لم ترد عليه و أكنها لم تسمعه، جاسر بدأ يخنق و قال ليل... -بلعب مش فاضية... -معلش هعطلك شوية... قامت ليل و تركت الهاتف و قالت يا نعم عايز تقول ايه المرة دي!؟ -خدي بالك من كلامك... -و لو مخدتش هتتضربني مثلا...؟! جاسر بضيق و انفعال مش شايفه انه خلاص...
-انت اللي قررت و انا خلاص مبقتش عايزك... -بعد ما تولدي هبقي اطلقك أن شاء الله ليل باقتضاب طيب... و ذهبت إلى الفراش و نامت و لكنها لاحظت عدم خروجه و قالت انت ناوي تبات هنا و لا إيه؟ -عندك مانع... -مش هنام معاك في اوضه واحدة و دا سريري... لم ينتبه إليها و قام بخلع قميصه و اتجه إلى الفراش و نام بجوارها و قربها منها و قال هعملك اللي انتي عايزها بس نامي... زفرت بضيق و قالت انت مش بتعمل اللي انا عايزها...
سحبها جاسر و جعلها تنام على صدره و قال و انتي عايزة ايه؟ سكتت ليل و قالت الكلام معاك ملهوش لأزمة اصلا، انا عايزة انام... اغمضت ليل عينها و ذهبت في النوم و كذلك هو بعد تفكير كتير بيها... استيقظ جاسر في الصباح و لكنه لم يجدها بجواره، شعر بالقلق و الخوف، قائلا بداخله يارب اللي في دماغي يطلع غلط...
تحميل محتوى الموضوع
عرض نسخة صالحة للطباعة
أرسل هذا الموضوع إلى صديق
[34]
الدعوات : 2قوة السمعة : 10
رواية طغيان عاشق