رواية طغيان عاشق

رواية طغيان عاشق للكاتبة أسماء صلاح الفصل الثاني

قام محمد وقف و قال بقلق انت مين؟
رد جاسر و قال صاحبه التليفون في المستشفي و عنوان المستشفى اهو و طبعا جاسر مداش فرصه لمحمد يسال و قفل معاه على طول و بص لليل اللي كانت زي ما هي و نزل من العربيه و فتح باب السيارة و حملها من داخلها و دخل إلى المستشفى و طلب من احدي الممرضات تجهيز غرفة لها و خلال ثواني كانت الغرفة جهزت و جي الدكتور و قال جاسر بيه مين دي؟، رد جاسر باقتضاب شوف شغلك...

بص الدكتور ناحيتها و قال حاضر و بدأ يكشف عليها و بعد ما خلص قال هي ضغطها وطي فجأة بس..
-يعني هي كويسه؟
-اهاا هو حضرتك تعرفها؟
زفر جاسر بضيق و قال لا و أهلها هيجوا يخدوها مش عايز كلام كتير و اظن ان كلامي مفهوم...

تنهد الدكتور و قال مفهوم بعد اذنك، خرج الدكتور و جاسر فضل واقف مكانه و اتجه إليها و بعدين خرج من الاوضه و مشى من المستشفى، و بعد شوية كان محمد و ابوها وصلوا المستشفى و سألوا عنها و طلعوا ليها، كانت ليل لسه فايقه و طبعا محمد طول الطريق بيفكر في الشخص اللي رد عليه و يطلع مين؟!
اول ما دخلوا اليها نظر لها والدها و قال انتي كويسه اهو؟
هزت ليل رأسها و قالت هو انا جيت هنا ازاي؟

محمد بص ليها و قال بسخرية يعني مش عارفه مين اللي كان معاكي...
ليل مفهمتش سؤاله بس تلميحه بيوضح لحاجه مش عاجبها و قالت قصدك ايه يا محمد؟
-قصدي ايه اللي خلى واحد يرد على تليفونك و يسيبك في المستشفي و انتي عامله نفسك مش فاكره حاجه...
صبري اتنهد و قال خلاص يا محمد المهم نمشي من هنا و بعدين نتكلم...
ليل كانت مستغربة من اتهامهم ليها بالطريقة دي و هي فعلا مكنتش تعرف حاجه و قالت بيأس طيب...

محمد قرر يسأل في المستشفي قبل ما يمشي بس محدش قاله حاجه و خرج ليهم و وقف تاكسي و ركب هو جنب السواق و ركبت ليل و ابوها ورا، ليل كانت ساكته و اول ما وصلوا، فتح ليها محمد الباب و قال يا ريت نبقى نتكلم...
زفرت ليل بحنق و قالت والله يا محمد انت لما جيت ملقتش حد و انا فعلا معرفش و حتى مش مضطرة اني اكدب عليك و لا اتقبل اتهامك ليا بالشكل دا و لو انت شايف كدا فخلاص بقا كل واحد يروح لحاله...

هنا أتدخل صبري بعصبية و قال اطلعي فوق يا بت هتفرجي الناس علينا و انت يا محمد تعالى نقعد على القهوة شوية و نشرب حجرين، محمد بص ليها و مشى مع صبري...
صعدت ليل إلى شقتهم و طرقت الباب و فتحت لها شقتيها الصغيرة و التي في المرحلة الإعدادية و قالت ايه يا ليل اتاخرتي اوي؟، ابتسمت ليل و قالت الشغل يا هند...
-احضر ليكي الأكل طيب..

ابتسمت ليل بامتنان و قالت لا مش محتاجة غير حاجه واحدة بس و هي النوم و سيبتها ليل و دخلت إلى الغرفة و ارتمت على الفراش و ذهبت في النوم سريعا فكانت تشعر بالألم يخدر جميع أطرافها...
بالخارج حنان خرجت من الحمام و سألت هند على معضض هو مين اللي جي يا بت؟
رددت هند بهدوء ليل يا ماما و دخلت تنام...
لوت حنان فمها بتهكم و قالت اهااا ست الحسن و الجمال جات.

نظرت لها هند بيأس و قالت انا هدخل اخلص مذاكرتي بعد اذنك يا ماما...

جلس صبري مع محمد علي القهوة و طلب شيشة لي و شاي ليهم و بعد ذلك بدأ حديثه مع محمد قائلا حقك عليا يا ابني، بس برضو البت مش ذنبها حاجه...
اتنهد محمد بضيق و قال والله يا عم صبري انا مش عاجبني شغل بليل دا، الناس في المنطقة بدأت تتكلم و انت سيد العارفين بكلام الناس، ارتشف صبري الشاي و قال بس يا ابني انت لسه مخلصتش شقتك
-و فيها ايه لو ليل وافقت و عيشنا مع امي لحد ما هي تخلص...

اتنهد صبري و فكر شوية و قال بس البت مش عايزة
-والله يا عمي مفهاش حاجه و امي مش هتعمل حاجه و كمان هيبقى أسرع و نظبط الشقة على راحتنا..
-خلاص على بركة الله انا هتكلم معاها و ربنا يقدم اللي في الخير...
-المهم أن بلاش شغل بليل دا يا عمي...

ليل صحيت زي كل يوم صليت و روقت الشقة و بعدين غيرت هدومها و مشيت، راحت المكتب اللي بتشتغل في، و بعد ما ظبطت المكتب، قعدت و لاقيت تليفونها بيرن استغربت من الرقم و ردت الو؟
ردت مايا و قالت انا مايا يا ليل و انا رنيت عليكي امبارح تليفونيك كان مقفول...
-اكيد كنت نايمه...
-المهم انا شوفتلك شغل في الشركة؟
سكتت ليل و قالت بتردد بجد؟
-والله الشركة حلوه و كمان المرتب كويس و مجالك...

فكرت ليل و قالت ماشي المفروض هستلم الشغل امتى؟
-ايه وقت
-خلاص على اول الشهر الجاي بإذن الله لأني لازم اقول لأستاذ هادي الأول...
-ماشي يا ستي انا هفهم مراد بس ونبي تنجزي...

اتجهت مايا إلى مكتب جاسر و طرقت الباب و بعد ذلك دخلت و قالت بابتسامة جاسر؟
رد جاسر بملامح وجه القاطبة نعم؟
-خلاص الأرض جهزت و المفروض نبتدئ...
-تمام أبدوا و بلغي الموظفين اني عايز كل حاجه تبقى تمام و من غير غلطات...
-حاضر عايز حاجه تاني؟
-لا شكرا...
خرجت مايا من عنده و زفرت بضيق و قالت يا خربيت تناحتك يا شيخ...
انتبهت لوقوفها و قالت انسه مايا، نظرت لها و قالت هاااا
(غادة سكرتيرة جاسر).

ردت غادة و قالت ولا حاجه؟ بس لاقيتك واقفه قدام مكتب جاسر بيه
-اممممم طيب
مشيت مايا و راحت علي مكتبها و كانت تتمتم بداخلها غادة و زفت...
دخل مراد و قال يلا حضري نفسك للشغل، ، ابتسمت مايا باقتضاب و قالت اممم محضرة...
-مالك؟
-مفيش...
نظر لها مراد و قال بشك مايا شيلي جاسر من دماغك...
مايا ملامحها اتغيرت و قالت بتوتر قصدك ايه مش فاهمه؟
-لا يا مايا انتي فاهمة كويسه، نكست رأسها بحزن و قالت والله مش ذنبي يا مراد.

رتب عليها و قال مايا انا معنديش غيرك و نفسي افرح بيكي بس يكون راجل بيحبك و اطمن عليكي معاه لكن جاسر مستحيل السبب الأول عشان هو مش بيحبك و السبب التاني لاني انا مش هوافق؟
استغربت مايا و نظرت له و قالت بس دا صاحبك؟
-ما هو عشان صاحبي و عشان عارفه كويس فبقولك جاسر لا يا مايا و بعد كدا لو حسيت انك زي ما انتي هبعدك عن الشركة، تنهدت مايا و قالت بحزن ماشي يا مراد...

-انا قلبي عليكي يا مايا و احنا ملناش غير بعض...
-ماشي يا حبيبي روح على الشغل...

مرت ايام و جهزت ليل نفسها للعمل في الشركة و طبعا رفضت طلب محمد، و انهاردة كان أول يوم تروح في الشركة، مايا كانت مستنيها قدام الشركة، نظرت ليل لها بتوتر و قالت بقولك ايه انا عايزة امشي...
ضحكت مايا و قالت يا بنتي دا شغل يعني و بعدين بكرا تتعودي و انا هبقي معاكي ديما...
ابتسمت ليل بتوتر و طلعت معاها، و دخلوا مكتب
-دا هيبقى مكتبك و انا المكتب اللي جنبك لو احتاجتي حاجه قوليلي...

ابتسمت ليل بامتنان و قالت شكرا يا مايا
-مواعيد الشغل من ٩ إلى ٥ و انا ساعات بفضل لبعد ٥ عشان لو في حاجه و كدا
-ماشي ممكن تعرفيني انا هعمل ايه؟
بدأت مايا في شرح بعض التفاصيل التي تخص العمل و بعد ذلك تركتها و غادرت، انكبت ليل في عملها إلى أن انتهى و قد مر الكثير من الوقت و خرجت من مكتبها و سارت في ممر الشركة و كانت تبحث عن دورة المياه...
سألت احدي الموظفين و قالت لو سمحت فين التواليت؟

نظر لها الموظف و استغرب فهي تبدو جديدة و قال آخر الطرقة على ايدك الشمال و اكمل و هو يتفحصها بنظراته انتي جديدة هنا صح؟
هزت ليل رأسها و قالت بخفوت ايوه و بعدين مشيت من قدامه...
رجع سمير إلى مكتبه و جلس و قال فرسه اوي...
ضربه صديقه و قال يا ابني لسانك احنا في شركة محترمة
ابتسم سمير بسخرية محترمة ايه بس؟ و بعدين انا قصدي على الموظفة الجديدة حلوة اوي...
عقد ماهر حاجبه و قال يا عم احنا مالنا؟

-جسم و شكل والله، انتي شوفتها
-لا و مش عايز خليني في شغلي...

مر اسبوع و ليل كانت بتشغل في الشركة و بتروح الفندق و كانت بتحاول تتجنب ايه حد غريب و علاقتها كلها كانت مع مايا بس، ليل نزلت الصبح من البيت و لاقيت محمد مستني قدام الباب...
ابتسمت باقتضاب و قالت صاحي بدري يعني؟
تنهد محمد و قال عادي حبيبت اشوفك و بالمرة اعرف شغلك الجديد فين؟

زفرت ليل بضيق و قالت محمد انا مش بغلط عشان خايفه منك مثلا لا انا بخاف من ربنا و مبخافش غير منه و لو انت هتفضل على حالك دا فأنا مش هكمل معاك...
محمد اضايق و قال طب نمشي بدل ما الناس تاخد بالها...
مشوا مع بعض و فضلوا ساكتين شوية و قال طب بلاش شغل بليل دا؟
زفرت ليل بضيق و قالت اقسم بالله كلمة كمان و هفسخ الخطوبة دي و أكملت بحدة محمد بالله عليك انا مش ناقصة...

أتى الأتوبيس و صعدت به ليل و تابعها محمد و بعد ما وصل نزلوا و مشوا شوية و بعدين وصلوا إلى مقر الشركة و قالت أدى المكان يا محمد يارب تكون ارتحت...
محمد بتبرير يا ليل انا خايف عليك و، قطعته ليل و قالت محدش قالك خاف عليا كل واحد عارف هو بيعمل ايه كويس و بعد اذنك بقا عشان اطلع لاني مش عايزة اتأخر
صعدت ليل إلى الشركة و عندما أتت مايا دخلت إليها و قالت على طول بتيجي في ميعادك يا لولو...

ابتسمت ليل و قالت الشغل هنا كتير الصراحة...
-أحسن بالكتير ما تكوني بتشغلي قدام جاسر دا حاجه رعب كدا...
-مبخافش بس شكله صعب اووي لدرجه ان محدش بيقرب من ناحيه الدور بتاعه...
-اممممم كل الموظفين بيخافوا منه...
طبعا ليل كل دا مفكرة أن صاحب الشركة راجل كبير و قالت عادي ما لازم يخافوا منه...
-انا هروح المصنع كمان شوية ما تيجي معايا...
-خلاص ماشي حد هيكون معانا و لا.

-اهاا بس انا هروح انهاردة بدل مراد و قولت اخدك معايا المنطقة هناك قاطعة و حاجه تسد النفس...
ابتسمت ليل و قالت خلاص هاجي معاكي...
-اشطا خلصي شغلك بقا و انا هخلص و هعدي عليكي و ننزل مع بعض...

دخلت غادة لجاسر و قالت جاسر بيه..؟
رد باقتضاب نعم؟
-حضرتك هتروح تشوف موقع المصنع امتي؟
-ايه وقت هو مراد فين؟
-في الفندق مع العملة و مايا راحت مقر الفندق...
-تمام اتفضلي على شغلك
زفرت غادة بضيق و خرجت من المكتب و قالت ماشي مع نص نسوان العالم و جات عليا...

مايا وصلت هي و ليل و هناك كان موجود سمير و هاني
-ايه الاخبار يا رجالة؟ رد سمير و الذي نظر إلى ليل الواقفة بجانب مايا و قال تمام يا انسه مايا..
مايا و ليل فضلوا يلفوا على العمال و اول ما مايا عرفت ان جاسر جي خرجت، جاسر ركن العربية و نزل و كانت مايا خرجت من المصنع و قالت جاسر؟
-ايه الاخبار؟
-تمام، العمال خلصوا
-ناقص ساعه و يخلصوا و يمشوا
-تمام، انا همشي
-مش هتدخل.

-مفيش داعي، المهم انا عايز الورق اللي معاكي عشان الصفقة...
-انا نسيتهم في الشركة
-تعرفي تروحي تجيبهم، فكرت مايا و قالت اهااا هدخل بس اقول لليل و خليك انت هنا لحد ما العمال يمشوا...
-ماشي، دخلت مايا و أخبرت ليل، و أخذت سيارتها و غادرت، جاسر فضل شوية و بعدين مشي و بعده بدا العمال في الانصراف و طبعا ليل كانت مستنية مايا و هي اتاخرت و الوقت عدي شوية لحد ما الكل مشي و الليل جي...

ليل كانت متوترة و خايفه من وجودها مع شابان في مكان واحد و خصوصا أن المنطقة مقطوعة، نظر لها سمير و قال هو انتي قاعدة ليه؟
ليل خايفه و قالت مايا مشيت و قالت إنها هترجع تأني و مش عارفه مجتش ليه و انا تليفوني فاصل...
نظر لها بخبث و الي صديقه و الذي فهم نيته، ليل قامت لأنها فهمت نظراتهم ليها و لكنها اوقفها سمير و قال انتي رايحه فين؟
ليل بتعيط و بتترجف لوسمحت سيبني امشي...

-احنا في صحرا و كمان مفيش مواصلات و لا حاجه هنا...
نظرت له بخوف و قالت بعد اذنك سيب ايدي و خليني امشي، قبض على معصمها أكثر و نظر إلى ماهر و قال اقفل الباب كويس يا ماهر، ليل بتحاول تتخلص منه عشان تجري بس طبعا سمير كان أقوى منها بكتير و فضل ماسكها كويس، و دخل بيها لجوه، ماهر قفل باب المصنع كويس بالقفل و دخل لصاحبه و قال هااا؟
ليل قاعدة بتعيط و بتصرخ بس طبعا لا حياة لمن تنادي، قرب منها سمير...

رواية طغيان عاشق للكاتبة أسماء صلاح الفصل الثالث

نظر لها سمير و قال هتبقى ليله فله و الصراحه هي عجباني اوي، ، وقام و اول ما قرب منها ليل فضلت تصرخ جامد و هو بيحاول يكتم صوتها، المنطقة مقطوعه بس الحرص واجب، هي برضو كانت بتعافر عشان تخلص منهم، مش معقول هتخسر شرفها بالطريقة دي؟، صفعها سمير بقوة جعلتها تقع على الأرض، نظر له ماهر و قال خلاص يا سمير خليها تمشي...
سمير بنرفزة اسكت يا ماهر و بعدين دي فرصتنا و اللي زي دي كلبه محدش هيسال عليها اصلا.

ليل بتعيط و بتتوسل ليهم يسيبوها، انحني عليها سمير و شدها من شعرها جامدة جعلت حجابها يقتلع و ظهرها شعرها الفحمي المموج، ظلت تصرخ بقوة، و هو فضل يضربها عشان تسكت، و فجأة سمع ماهر صوت عربية فارتعش بخوف و قال هيكون مين؟
نظر له سمير و قال تروح تفتح و شوف مين و انا هتصرف معاها؟
طبعا ليل ما صدقت حسيت ان ممكن في حد ينقذها و عضت ايده بقوه و صرخت، الصرخة وصلت لمسمع جاسر بالخارج...

فتح له ماهر و طبعا كان باين عليه أنه عامل مصيبة و خصوصا لما شاف جاسر قدامه و قال بترجل خير يا جاسر بيه؟
رد جاسر بحدة و حزم انت بتحقق معايا و لا إيه و بعدين أنتم بتعملوا ايه هنا مش المفروض الشغل خلص، و الناس كلها مشيت...

تبرجل ماهر و قال اهااا بس، قطعه جاسر و دخل و قال انت لوحدك، طبعا ماهر مش عارف يرد و يكدب عليه و لا يقول الحقيقه، سمع جاسر صوت يأتي من بعيد، و ذهب في اتجاه ماهر واقف زي ما هو مش قادر يتحرك، نظر له جاسر بحدة و قال انت بتعمل ايه و مين دي؟
سمير قام وقف و قال بتلعثم دي، دي، واحدة بتشتغل معانا...

ليل اللي مرمية على الأرض و مضروبة و حجابها واقع جانبها مكنش يدل على كلامه و قاعدة بتعيط و قالت بوهن دا كداب والله، و قامت جريت ناحية جاسر و احتمت به...
-في عربية برا اطلعي اركبي فيها، هزت رأسها و أخذت حجابها من على الأرض و وضعته على شعرها و خرجت راكضة إلى الخارج و هي تحمد ربها مئات المرات على أنه تم انقذها من يدهم و كانت تبكي بشده...

اقترب جاسر منه و لكمه في وجه بشده جعلت الدماء تسيل من فمه و تحطم فكيه و قال انتم مفرودين من الشركة و اعتبروا أن مستقبلكم انتهى لان مفيش شركة تاني هتشغلكم و ثانية واحدة الاقيكم برا، و بعدين خرج...
ذهب و ركب سيارته و بص ليها و هي بتعيط و قال انتي مين و ايه اللي قاعدك مع شباب لوحدك لحد ما الوقت اتأخر بالشكل دا؟

ليل بتعيط و مش عارفه تتكلم و بعدين هديت و قالت مكنتش اعرف انهم كدا والله و كنت مستنية مايا و حتى تليفوني فصل، تنهد جاسر هو حتى مش عارف يهديها و لا يعمل حاجه و سكت و طلع بالعربية، ليل رجعت تعيط تأني كل ما افتكرت اللي كان هيحصل ليها، ، جاسر كان بيبص ليها من فترة لتانية و خلال ساعه تقريبا كان داخل القصر، استغربت ليل و لسه هتسال و لكنها قطعها قائلا اكيد مش هتروحي بيتك متعورة و هدومك مبهدلة كدا، طبعا هو كان عنده حق في كلامه دي لو راحت كدا، مش بعد كانت مرات ابوها فضحتها، دخلت خلفه إلى القصر التي انبهرت بجماله و روعة إبداعه و كانه عالم آخر و فجأة أتت سيدة تبدو في الخمسينيات و طبعا لما شافت ليل داخله معاه افتكرتها من اللي بيجبهم جاسر على طول و نظرت لها باقتضاب، نزلت ليل رأسها في حرج، قال جاسر تعالى ورايا...

صعدت ليل خلفه، و فتح جاسر غرفة كبير و دلف إليها و كانت هي خلفه، فتح الخزانة التي كانت عبارة عن غرفة أخرى ملحقة بجميع الملابس النسائية الفاخرة و الاحذية و قال غيري...
نظرت له و قالت شكرا ليك بس انا مش هينفع البس حاجه دي، ممكن تخليني اكلم مايا، استغرب و قال و هدومك؟

ألقت نظرة على الملابس التي كان أغلبها مكشوف و قالت بخجل انا محجبة، صمت جاسر لوهله و قال طب البسي ايه حاجه منهم لحد ما اتصرف، خرج جاسر و تركها و نزل إلى أسفل و طلب من سعاد و قال لوسمحتي يا دادة سعاد خلي حد يجيلي لبس محجبات، سعاد استغربت الطلب و طبعا هي عارفه ان جاسر مبيحبش الأسئلة الكتير و لبت طلبه و خلال نص ساعة كانت الملابس وصلت و أخذها جاسر و صعد طرق باب الغرفة، فمسحت له بالدخول، استغرب عندما لاقيها زي ما هي و قال اتفضلي، ، ابتسمت له بامتنان و اخدت منه الملابس و طبعا اتفاجات انه كان جايب حاجات كتير اوي، خدت منهم فستان واحدة و عليه طرحة و طبعا لما شافت سعر الفستان ٥٠٠٠ اندهشت و قالت دا فستان واحد، و زفرت بحنق فهو يجب عليها تسديد الأموال، خرجت من الغرفة و نزلت طبعا هي كانت بدور عليه، و أخبرتها سعاد بأنه بالخارج يجلس في الحديقة، خرجت له و قالت بحرج اسف عشان تعبت حضرتك معايا، و شكرا ليك اوي.

-انتي رايحه فين؟
-همشي و بخصوص الفستان فأنا سيبت لحضرتك الفلوس فوق، جاسر كان مستغرب من اللي بتقوله و قال الوقت متأخر...
-اكيد هلاقي مواصلات و ولاد الحلال كتير...

-بأمرة اللي كانوا هيغتصبوكي دول، تنهدت ليل و تذكرت ما كان هيحدث لها و قالت ربنا يسامحهم و بعدين الدنيا فيها خير ما حضرتك انقذتني منهم من غير ما تعرفني، نظر ليتلقى بعينها الساحرة و جمالها الهادي و قال مش يمكن تكوني عاجبني و قولت اخدك ليا، ابتسمت ليل و أعطيتها الابتسامة جمالا فوق جمالها و قالت اكيد واحد زيك مش هيعمل كدا و بعدين اكيد مكنتش هتنقذني...
-واحد زيي؟

-امممم يعني اكيد مش هتفكر في حاجه زي كدا و انت عندك اللي يخلي ايه واحده تجري وارك، نظر لها بتعجب و قال عشان غني يعني؟

-اهااا، استغرب جاسر من صراحتها و قال اممم فعلا انا عايز اعرف انتي كنتي في المصنع ليه؟، و اول ما النهار يطلع انا هوصلك، تنهدت ليل و جلست و قالت انا بشتغل في شركة واحده صاحبتي جابتلي الشغل اسمها مايا، و طبعا المصنع دا من أملاك الشركة و صاحب الشركة طلب من الموظفين انهم يرحوا عشان يظبطوا كام حاجه هناك كدا و انا روحت معاها و هي مشيت عشان كان وراها حاجات و بدأت الدنيا تليل و الكل مشي ماعدا سمير و ماهر دول و انا مكنتش متخيلة أن في ناس محترمة تعمل حاجه زي كدا...

-قولي للمدير بتاعهم...
-و على ايه اقطع عيش الناس؟ و بعدين انا خايفه اشوف صاحب الشركة دا كلهم بيخافوا منه و بيقولوا عليه كلام مش كويس.
جاسر باهتمام بيقولوا عليه ايه؟
-متكبر و مغرور و أخلاقه مش كويسه، يلا ربنا يبعده عني...
جاسر عايز يقولها ان المغرور و اللي أخلاقه مش كويسه قاعد قدامك اهو بس حس انه عايز يفضل يتكلم معاها و انها لو عرفت هتخاف جدا و قال عادي ما هو صاحب شركة...

نظرت له ليل و قالت انت بتشتغل ايه؟
-رجل أعمال...
-اممم زي صاحب الشركة اللي بشتغل فيها يعني...
-امممم
-طب ممكن اشحن تليفوني عشان أبلغ اهلي...
-ادخلي
هزت ليل رأسها و قالت بحرج لا ممكن بس تخده تشحنه شوية و تجيبه و انا هستني هنا...
جاسر بدا يزهق و قال ماشي...
دخل إلى المنزل و احضر بأور و خرج و قال اتفضلي...
-شكرا، ليل فضلت منتظرة تليفونها يشحن شوية و بعدين قامت و قالت انا هقوم امشي...
-الوقت متأخر؟

-مينفعش ابات في بيت راجل غريب و شكرا لمساعدتك...
تنهد جاسر و قال طب هاجي اوصلك...
ليل مكنتش منطقي ترفض لأنه صعب تلاقي مواصلات في المكان دا و قالت بتردد بس...
-اتفضلي يا...
-ليل...
-اسمك حلو، ابتسمت ليل بخجل و ذهبت أمامه، ركبوا العربية و قال العنوان ايه؟
-انت وصلني بعيد عن هنا بس و انا هروح...

-مش مشكلة اديني العنوان، وصفت له العنوان و جاسر مسبهاش غير لما وصلها لحد منطقتها و بعدين مشي، ليل دخلت شارعها و بعدين البيت و فتحت الشقة لكي لا توقظ احد و لكنها تفاجأت بمدحت أمامها...
ليل بتوتر خير يا مدحت واقف زي العفاريت كدا ليه؟

-مين يا بت اللي انتي نازله من عربيته و بعدين ايه اللبس دا، اتنهدت ليل و قالت ممكن تخليك في نفسك و ابعد عن وشي، مسك مدحت ايدها، دفعته ليل بعنف و قالت اوعي تلمسني فاهم، و ياريت تخليك محترم بقا...
-هقول لابوكي...
-استغفر الله العظيم، قول اللي تقوله ربنا يصلح حالك، دخلت ليل إلى غرفتها و قفلت الباب خلفها و قالت بتنهيده يارب توب عليا من البيت دا بقا، ربنا يسامحك يا بابا...

جاسر روح البيت و فضل يفكر فيها و طبعا عرف انها نفس البنت اللي شافها قبل كدا، طلع الاوضه و لاقيها سايبه الفلوس زي ما قالت و مخدتش غير طقم واحد، عقد حاجبه بتعجب و امسك حجابها التي تركته...

ليل الصبح راحت الشغل كالعادة و طبعا مايا كانت في انتظارها عشان تعتذر ليها على اللي حصل...
ابتسمت ليل و قالت حصل خير يا مايا...
-والله تليفوني كان فصل و قولت انك روحتي، تفهمت ليل
طرقت غادة المكتب و دخلت و قالت انسه ليل، المدير عايزك...
ليل ارتبكت و قالت بخوف ليه؟
غادة بامتعاض مش عارفه بعد اذنكم...
نظرت ليل إلى مايا بخوف و قالت انا خايفه ادخله؟
-متخافيش اطلعي انتي بس...

تنهدت ليل و خرجت من المكتب و صعدت إليه و كانت تشعر بالخوف سمحت لها غادة بالدخول، فدخلت وهي تشعر بارتعاش جسدها و كانت واضعة وجهها في الأرض و قالت افندم؟
رفع جاسر نظره لها و ظل يتفحصها بنظراته و قال اقعدي
ابتلعت ليل ريقها بتوتر و لسه بترفع رأسها، اتسعت عينها بدهشة و قالت حضرتك...
-اقعدي...
جلست ليل و قالت بتوتر هو...

-اهااا انا عديم الأخلاق و المغرور، ابتلعت ليل ريقها بتوتر و قالت اسفه مكنتش اقصد والله، قام جاسر من مكانه و جلس أمامها على المقعد المجاور و قال و هو يضع قدم على الآخرى الاتنين بتوع امبارح اترفدوا
ليل كانت متوترة اوي و ردت بخفوت شكرا...
جاسر حط الفلوس بتاعها قدامها و قال مش جاسر المنشاوي اللي هياخد فلوس من حريم...
- و انا مش باخد حاجه مش بتاعتي اسفه يا جاسر بيه...

-المفروض تنفذي اللي بطلبه من غير كلام...
نظرت له و قالت والله اللي حصل دا مكنش لي علاقة بالشغل و متشكره ليك، قامت ليل من مكانها و لكنها تفاجأت به عندما قبض على يدها و قال بغضب مقولتش أخرجي
ليل خافت منه و قالت بتوتر و خوف سيب ايدي...
تركها و قال يبقى تسمعي الكلام عشان مبحبش أكرر كلامي كتير...

أخذت ليل الفلوس و خرجت من المكتب مسرعة و أخذت انفاسها التي فقدتها بالداخل و قالت دا انا لازم اسيب الشغل، ليل نزلت لمكتبها و بلغت مايا بأنها عايزة تسيب الشغل و طبعا مايا اقنعتها بأنها تفضل و خصوصا أن ليل محتاجة الشغل، اتنهدت ليل و خلصت شغلها و بعدين مشيت و طلعت على شغلها التاني و هو الفندق...
طلبت منها مديرتها في العمل (ليل اطلعي غرفه ٢٠٢ و طلعي الحاجة دي).

ليل طبعا شغلها في الريسبشن بس و قالت يا مدام...
ردت المديرة بحدة انتي هتطلعي حاجه و تنزلي، ، زفرت ليل بحنق و أخذت الشنطة منها و طلبت المصعد و صعدت إلى الغرفة، طرقت بابها و انتظرت قليلا و فتحت لها رجل و قال بابتسامة نعم يا جمر؟
ليل اضايقت و قالت الحاجه دي لحضرتك...
-طب ما تتدخلي تحيطها جوه...
-لا اتفضل، سحبها الراجل و قال احنا هنستعبط و لا إيه ما احنا متفقين...

ليل بعدته عنها و قالت انت مجنون متفقين على ايه؟
-اني ادوق هادي الكريمة...
-لا اكيد انت فاهم غلط انا شاغلة هنا، (هو فعلا الراجل كان مستني واحدة تاني مش ليل خالص و برضو شاغلة في الفندق) رد عليها و قال طب نتفاهم...
دفعته ليل بعيدا عنها و قالت من فضلك مينفعش كدا، اتجه إليها و قال بلاش معافرة كذابة و خليكي معي...

ليل عايزة توضح لي انها طالعه تتطلع الحاجه و تنزل و هو مش مديها فرصه، فزفرت بضيق و قالت يا حج افهم بقولك انا طالعه اوصل الحاجه و انزل ممكن تخليني اخرج...
-في حد يسيب كل هذا الجمال يا قمر، ليل اتخنقت و مشيت من قدامه و لكنها تفاجأت عندما مسكها و قال كل المصاري تحت امرك، ليل زهقت بقا و راحت زقته جامد و وقع على الأرض و اصدم راسه بالحائط...

-انت يا حج، لاقيته قاطع النفس خرجت ليل من الغرفه و طبعا كانت متوترة و خايفه مش عارفه تعمل ايه دا ممكن يكون مات، خبطت في منار
-ليل خدي بالك، انتبهت لها و قالت منار...
-مالك؟

ليل بحيرة مفيش حاجه بس، و سكتت و رجعت اتكلمت تأني بتردد و قالت في واحد حاول يرخم عليا و لما زقته وقع و مش عارفه بقا مات و لا وتقريبا هو مش مصري، ، وضعت منار يدها على فمها بصدمة و قالت يا للهوى ليكون الراجل الخليجي دا عليه وسية جامدة اووي من صاحب الفندق، شهقت ليل و قالت طب اعمل ايه؟
-ادخلي انتي ايه أوضه فاضيه و انا هتصرف و اقولك...
-هدخل أزاي؟
-اتصرفي يا ليل و لا اقولك تعالى نشوف الراجل الأول...

دخلوا الأوضة تأني و كان هو على الارض زي ما سأبته، منار حاولت تفوقه و كانت نفس النتيجة فقالت انا هنزل اقول لمديرة لازم حد يتصرف و انتي خليكي هنا، خرجت منارة و ليل كانت متوترة و خايفه يحصلها مشكلة طبعا و حسيت بحد بيفتح باب الأوضة فاتجهت ناحيه الشرفة و من ثم قفزت على الغرفة الأخرى، و التقطت انفاسها بارتياح و فتحت شرفتها و دخلت و لكنها صقعت لما رأت...

رواية طغيان عاشق للكاتبة أسماء صلاح الفصل الرابع

و التقطت انفاسها بارتياح و فتحت شرفتها و دخلت و لكنها صقعت لما رأت...
كان جاسر يدلف إلى الغرفة، وضعت يدها على فمها بصدمة و قالت يا نهار اسود لو شافني...
و طبعا حصل حالة من الفوضى في الفندق بسبب الراجل اللي هي خبطته دا...
نرجع لليل اللي واقفه مش عارفه تعمل ايه دي؟
جاسر نام على الفراش و وضع ذراعه خلف رأسه و امسك هاتفه بيده الأخرى و ظل يبعث به و رد على هاتفه قائلا الو؟
رد مراد بعصبية انت فين؟

اعتدل جاسر و قطبت ملامحه و قال مالك يا مراد؟
-مصيبة حصلت في الفندق الشيخ منصور، اتقتل...
قام جاسر و قال بصدمة نعم اتقتل ازاي؟ ايه المصيبة دي؟!
-اتقتل في الفندق يا جاسر و في حوار انا في الطريق أنت فين...
-انا هناك اصلا...
-طب شوف دا حصل ازاي و انا جاي...

ليل واقفه وراء الشباك و سمعته، الراجل مات يا سنه سودة مش معدية ايه الحظ دا يا ربي؟، من شدة توترها خبطت في الزجاج و طبعا جاسر سمع و راح ناحية الشرفة، ليل ملحقتش تستخبي
جاسر اتصدم لما شافها و قال انتي بتعملي ايه هنا؟
إجابته ليل بتوتر شديد انا، انا...
جاسر بعصبية انتي ايه؟
ليل مش عارفه تعمل ايه؟ و اصلا هي خايفه تخرج لحد يشوفها و قالت بتلعثم انا شاغلة هنا؟
-ايوه بتعملي ايه في اوضتي؟
-مش عارفه...

جاسر اتعصب و قال بنرفزة أنجزي يا بت و قولي عملتي اني مصيبة...
قطع حديثهم صوت الباب فاتجه جاسر ليفتح و كان احد من موظفين الفندق و أخبره بما حدث، تنهد جاسر و دخل و قال اكيد انتي اللي كنتي مع الشيخ منصور...
ليل هزت رأسها و قالت والله انا مقتلتوش بس هو، و سكتت
عقد جاسر حاجبه و قال الليلة باظت يعني؟
ليل بعصبيه ليله ايه؟ انا مليش في الكلام دا...

-لا يا شيخة اومال كنتي طالع لي الأوضة ليه؟ لابسك يقول انك شاغلة في الريسبشن، تنهدت ليل و قالت بس المديرة طلبت مني اطلع حاجة تخصه...
-اممممم مش مقتنع بس الراجل دا لو مات هتبقى مصيبة
دمعت عينها و قالت ببكاء والله العظيم مكنتش اقصد حاجه...
-خليكي هنا تمام...

مراد كان وصل و طلع الأوضة للشيخ منصور و كان معاه الدكتور و طبعا طلب من مدير اعمال الشيخ ان محدش يعرف لحد ما يشوفه حالته، و الدكتور لما كشف عليه طلع انه كان عنده هبوط في مستوى السكر و الدكتور ظبط مستوى السكر في الدم و علق لي المحاليل و خرج، جاسر كان واقف مع مراد و طبعا اتنهد بارتياح لما الدكتور قالهم كدا و طبعا هو انجرح في رأسه و تم تضميد الجرح و كان سطحي مفهوش خطورة...

دخل جاسر و مراد عشان يطمنوا عليه و كان منصور بدا يفوق و قام
جاسر بص لي و قال هو ايه اللي حصل و لو حابب نبلغ البوليس تمام...
تنهد منصور بتعب و قال مفيش داعي لهذا يا جاسر بيه...
تنهد جاسر و قال حضرتك تؤمر بحاجه تانيه؟
رد منصور و قال عايزة البنت اللي كانت موجودة هنا؟
-هو حضرتك تعرفها؟
-اهااا اختلافنا على المصاري و هي مشيت من عندي بدي ياها...
-طب هي اسمها ايه؟
مش فاكر اسمها...

مراد بص لجاسر و قال انت تعرف مين اللي كانت هنا؟
-لا معرفش، و نظر إلى منصور و قال طب ايه مواصفاتها
صفن منصور قليلا و بدأ يتذكر ملامحها و قال قصيرة و جسمها رشيق، عينها خضرة تقريبا و بيضة...
رد جاسر بضيق و قال امممم بس كدا
-و محجبة...
-خلاص انا هجيبها ليك يلا يا مراد، خرج مراد و جاسر...
مراد وقفه و قال هو انت تعرف البت اللي بيقول عليها؟
-اهااا شاغلة هنا؟
-طب و انت هتجيبها أزاي؟

-الراجل زود السعر اكيد هتوافق خلاص، تنهد مراد و قال طب هي فين؟
اتنرفز جاسر عليه و قال امشي انت يا مراد و انا هتصرف...
مراد استغرب و قال طيب...
ذهب جاسر إلى غرفته و اول ما فتح الباب ليل قامت تقف و قالت هو مات و لا؟
-لا عايش و بيقولك زود السعر
ليل مش فاهمة و قالت سعر ايه؟
-ونبي بلاش الشغل دا و الراجل عايزك فروحيله لأنه اكيد هيقلب الدنيا.

ليل نظرت له باشمئزاز و قالت انت حيوان، و بتعدي من قدامه عشان تمشي و لكنها تفاجأت به عندما قبض على حاجبها من الخلف و شد منه جامد، تأوهت ليل و قالت بألم ابعد عني..
جاسر بغضب و هو يقبض عليها بشدة انتي نسيتي نفسك و لا إيه يا بت؟
ليل ببكاء ابعد عني...
دفعها جاسر لتسقط على الأرض، نظرت له ليل بخوف و قامت و لكن اوقفها تروحي على الأوضة...

ليل نظرت له و قالت انا مش بتاعت اوض يا جاسر بيه و اظن ان دول انت اللي تعرفهم كويس مش انا...
ابتسم بسخرية و قال واضح ان ليكي في التمثيل بقا و كدا بصي انا خلقي ضيق و لو مسكتك تحت ايدي هموتك...
-و انا مليش دعوة بكل دا و اعتبرني مستقيلة من هنا و لو الراجل دا عايز يبلغ عني يبلغ...

عقد حاجبه في استهزاء و قال علي فكرة انا مش هقول لحد لأنها حياتك الخاصة فاقلعي توب الشرف و العفة اللي انتي لابسها دا و طبعا دلوقتي انا قدرت افهم هما حاولوا يغتصبوكي ليه؟!
-استغفر الله العظيم و تنهدت بعصبيه بص بقا انا مسمحش لأي حد انه يتكلم عليا نص كلمه فاهم و انا محترمة غصبن عن عشر زيك، و الحمد الله سمعتي كويسه مش زيك معروف بعلاقاته الغير شرعية...
-كلكم كدا، تاخدي كام يعني؟

نظرت له بيأس و اتجهت ناحيه الباب، جاسر راح وراها و مسك ايدها، نزعت منه بعنف و قالت متلمسنيش لو سمحت...
-انا مقولتش تمشي...
زفرت بحنق و قالت جاسر بيه من فضلك سيبني اغور و اللي عند حضرتك اعمله...
-تمام هوريكي اللي عندي...
ابتلعت ريقها بخوف و نظرت له بعينها التي لامعت من شدة الرعب...

فتح جاسر الباب و سحبها وراها، ليل بتحاول تخلص ايدها منه و مش عارفه، طرق باب غرفة منصور و ليل مصدومة من اللي بيعمله و قالت سيبني حرام عليك...
فتح منصور الباب و اول ما شافها عينها لامعت و قال طول عمرك قد كلمتك يا جاسر بيه...
جاسر ابتسم بسخرية و قال اكيد اهي عندك، و ترك يدها...
منصور قال ادخلي يا حلوة، ليل بصتله و قالت انت تعرفني؟
-لا بس هنتعرف.

ليل قالت بعصبية و جدية شكرا انا مش هتعرف و ياريت تلموا ليلتكم على خير عشان هعملكم فضحية فاهمين سواء انت و لا جاسر بيه...
منصور ابتلع ريقه و قال بتبرجل ليش؟
نفخت بضيق و قالت اللهم ما طولك يا روح، ونبي يا عم ادخل صلى ركعتين ينفعوك في اخرتك احسن بدل و رحمه أمي هصوت و ألم الفندق عليكم...
جاسر كان بيراقب تصرفاتها بهدوء و طبعا من جواها عايز يجيبها من شعرها...

منصور تفادي الفضائح على كيفك، شكرا يا جاسر بيه، و دخل و قفل اوضته، بعد ما استأذن...
و جاسر و ليل فضلوا واقفين يبصوا لبعض و قال شكلك ناصحة اووي
-بعد اذنك؟
-انا بحب الفضائح جدا و مبتهددش...
تنهدت بضيق و قالت انا مالي...
-يعني الكلام العبيط اللي قولتي دا مدخلش دماغي، الراجل يا عيني خاف عشان غريب لكن انا عادي...
-مش فاهمة؟

-زي ما فهمتي كدا و لو سيبتي الشغل هقول انك كنتي على علاقه بيا فمن الافضل تسمعي الكلام و برضو انا بدفع كويس اوي و هيعجبك جدا و دا بشهادة ناس كتير...
شعرت ليل بتسارع انفاسها و قامت برفع يدها و لكنه لحقها و امسكها بعنف و قال وحياة امك لأندمك، و ترك معصمها و غادر، ليل فضلت واقفه و بعدين نزلت غيرت هدومها و مشيت و فضلت تعيط طول ما هي ماشية، قطع بكائها رنين هاتفها فمسحت دموعها و رددت الو؟

-انتي فين؟، زفرت بضيق و قالت في الطريق يا محمد عايز ايه؟
-بطمن عليكي، أول ما توصلي كلميني
-حاضر و قفلت ليل معاه و أكملت بكائها و فجأة توفقت سيارة أمامها، ليل رجعت خطوة للورا لما شافته، نزل جاسر من العربية و قال انتي مشيتي ليه؟
-لوسمحت سيبني امشي...
زعق فيها بقولك مشيتي ليه؟ قسما بالله لو فكرتي تسيبي الشغل لأندمك
ليل فضلت تعيط جامد و قالت لوسمحت خليني امشي...
-بمزاجي و بعدين هو حد عملك حاجه...

-انا عايزة اروح...
جاسر بزمجرة لما تخلصي شغلك الأول و على فكرة انا بتاع أفعال مليش في التهديد...
ليل ببكاء مش عايزة اشتعل...

جاسر اتعصب عليها و مسكها من ايدها جامد و اتجه ناحيه السيارة و ليل بتحاول تتخلص من قبضته و قاعدة تخربش في ايده بضوافرها، فتح باب السيارة و دفعها بالداخل و قفل عليها، خبطت على الزجاج، اتنهد بعنف و ذهب ليركب و دخل السيارة، و ليل كان اغمى عليها، استغرب جاسر و طبعا بيحسبها بتمثل و حاول يفوقها، و ليل زي ما هي...
-اقسم بالله لو ما فوقتي مش هيحصلك طيب، زفر بحنق و قال تمام انتي اللي جيبتي لنفسك...

طلع جاسر بالسيارة و اتجه إلى شقته، و ركن سيارته و حملها و صعد إلى الشقة، و دخلها الأوضة و وضعها على الفراش و حاول يفوقها و برضو نفس النتيجة، افوووو دي ميتة بقا و لا إيه؟
تحسس جاسر نبضها وجدها مازالت علي قيد الحياة، تنهد و قال ما انتي عايشه اهو، اتصل جاسر بالدكتور و ذهب له و تفحص ليل و أخبره بانها جيدة و اعطي لها حقنه و بعد ذلك غادر...

-استيقظت ليل، و عندما فتحت عينها و الرؤية بدأت تظهر أمامها، قامت مفزوعة وهي تنظر إلى الغرفة و الي الفراش التي تنام عليه، و ابتلعت ريقها بخوف، و هبطت دموعها بغزارة و هي تقول بداخلها يارب ونبي اللي في بالي ميكونش صح، و أخذت حجابها الموضوع بجانبها و تفاجأت به يدلف إلى الغرفة فوضعت الطرحة على شعرها بسرعه و قالت بنبرة مرتجفة و بكاء أنت عملت ايه؟