رواية للعشق وجه آخر

رواية للعشق وجه آخر للكاتبة سحر فرج الفصل الحادي عشر

فارس ضربها بالقلم على وشها ونزل من العربيه وفتح الباب بتاعها.
ومسك دراعها ودخلها على الفيلا من جوه.
يسر: استنى بس يا فارس استنى ارجوك؟
فارس، ما كنش سامع اى حاجه من كلام يسر.
مسكها جامد اكتر وفتح باب الفيلا وزقها لجوه.
صرخت يسر من الزقه ووقعت على الأرض.
كانت الهام وسلمى قاعدين بيتكلموا على موضوع عبد الرحمن.
الهام اتخضت من الصرخه اللى صرختها يسر وقامت تجرى عليها وتشوف ايه؟

سلمى، جريت هي كمان وبصت لقيت يسر واقعه على الأرض وعماله تعيط جامد وهدومها مقطعه.
بصت لفارس وسألته؟
سلمى: في ايه يا فارس ايه اللى حصل؟
الهام: في ايه انطقى يا يسر مين عمل فيكى كده؟
الهام، قولى انت يا فارس في ايه وايه اللى عمل فيها كده؟
فارس بص ليهم وقالهم اهى عندكم اسالوها وسابهم ومشى.
سلمى جريت وراه علشان تعرف في ايه وايه اللى عمل كده في يسر بس كان ركب عربيه ومشى.

الهام: يسر يا حبيبتى في ايه واحكيلى اللى حصل ومين عمل فيكى كده.
يسر: اه يا ماما اه. الحقينى.
الهام: يسر
يسر
ردى عليا.
لكن يسر كان أغمى عليها وما حستش باى حاجه.
جريت الهام على الموبيل بتاعها ورنت على عبد الرحمن اخوها.
الهام: ايوا يا عبد الرحمن الحقنى بسرعه الحقنى يا عبد الرحمن.
عبد الرحمن: الهام في ايه ايه اللى حصل احكيلى.
الهام: تعال بسرعه وانتى هاتعرف كل حاجه.

عبد الرحمن: طيب انتى كويسه والعيال وسلمى كويسين.
الهام: مش وقته يا عبد الرحمن تعال بسرعه.
وبعد ربع ساعه كان وصل عبد الرحمن بعربيته ودخل بسرعه على الفيلا.
عبد الرحمن: بيسأل الشغاله في ايه يا جماعه ايه اللى حصل...
الشغاله، كلهم فوق يا عبد الرحمن بيه اطلع لهم بسرعه.
طلع عبد الرحمن جرى على فوق ودخل على اوضه الهام لقى يسر على السرير وعمالين يفوقوا فيها.

عبد الرحمن: في ايه يا الهام مالها يسر وايه اللى مقطع هدومها كده.
الهام كانت عماله تعيط جامد على منظر بنتها وما قدرتش ترد على اخوها وهو بيكلمها.
سلمى: مش وقته يا عبد الرحمن اطمن الاول على يسر وانا هابقى اقولك على اللى حصل.
بدأ عبد الرحمن يفوق يسر واحده واحده لحد ما فاقت واطمن عليها وفتحت عنيها.
عبد الرحمن: يسر انتى كويسه؟
يسر: دموعها بدأت تنزل اول لما شافت خالها وحضنته وفضلت تعيط جامد.

عبد الرحمن: اهدى يا يسر احكيلى في ايه ومين عمل فيكى كده.
يسر: حاضر يا خالو انا هاقولكم على كل اللى حصل.
وفعلا بدأت يسر تحكى لخالها ولامها وسلمى على كل اللى حصل معاها من ساعه ما كلمها عادل لحد ما فارس جابها الفيلا.
عبد الرحمن: الحيوان الحقير ازاى يعمل فيكى كده؟
الهام: ازاى يا يسر يضحكوا عليكى وانتى تصدقيهم ازاى انتى لسه صغيرة.
سلمى: وفارس جالك ازاى يا يسر وعرف مكانك؟
يسر: مش عارفه يا عمتو مش عارفه.

انا فجاه لقيتوا اودامى وبيضرب في شريف.
ده لولا فارس جه كان شريف...
يسر فضلت تعيط جامد والهام حدتها في حضنها.
عبد الرحمن: انا لازم ابلغ عنه ابن ال...
والحيوان صاحبه هو كمان لازم اوديهم في ستين داهيه.
الهام: اصبر بس يا عبد الرحمن علشان سمعه يسر.
وعلشان الحاج حسين لو عرف حاجه زى كده هايحصل مشاكل كتير.
سلمى: يا لهوى لو حسين اخويا عرف مش هايسبهم غير الا لو موتهم.
اصبر يا عبد الرحمن وما تستعجلش.

عبد الرحمن: طيب هو فارس راح فين دلوقتى؟
سلمى والهام مش عارفين هو جاب يسر وسابها ومرديش يرد على حد فينا ربنا يستر وما يعملش حاجه فيهم.
عبد الرحمن، طيب انا هاروح اطمن عليه وانتم خلوا بالكم من يسر.
وراح عبد الرحمن علشان يتصل بفارس.
بس ما كنش عاوز يرد عليه خالص فارجع تانى عبد الرحمن ليهم في الاوضه.

قامت يسر وراحت على اوضتها وراحت معاها سلمى علشان تساعدها وتغير لها هدومها وتخليها تاخد دوش يفوقها من اللى مرت بيه.
عبد الرحمن دخل لالهام وقالها أنه مش عاوز يرد عليه خالص.
الهام: هنعمل ايه يا عبد الرحمن انا مش قادرة اصدق كل اللى حصل ده.
وازى يسر تعرف واحد من غير ما انا اعرف.
و ازاى تروحله بيته بسهوله كده ازاى يا عبد الرحمن.
انا قربت اتجنن من كل اللى بيحصل ده ومش عارفه اعمل ايه؟

عبد الرحمن خد أخته في حضنه وطبطب عليها وقالها وحدى الله كده وقولى يارب.
وربنا هايستر انشاء الله المهم دلوقتى تخلى بالك من يسر وما تفتحيش معاها الموضوع ده تانى خالص.
وانا هاتصل على فارس تانى واعرف هانعمل ايه.
واقوله ما يجبش سيرة للى في القصر وبذات الحاج حسين.
علشان زى ما بتقول سلمى مش هايسيب العيال دى بسهوله. واكيد هايموتهم.
الهام: ربنا يستر ومايكونش رجع لشريف وعادل تانى ده مجنون ويعملها.

خلصت يسر حمامها وراحت نامت على السرير وقعدت جنبها سلمى وحاولت تهديها وتنسيها اللى حصل.
وما تحولش تفكر تانى في الزفت اللى اسمه شريف ده تانى خالص.
فارس كان راح على بيت شريف تانى علشان يكمل ضرب فيه أو يشوف الزفت اللى اسمه عادل ده ويضربه هو كمان ويحاسبه على اللى عمله مع يسر.
بس فضل يخبط على الباب ومحدش رد عليه لحد ما سال بواب العمارة اللى اودام الفيلا.

وقاله أنهم دايما بيسهروا في النايت كلاب وإداله العنوان بتاعه.
في النايت كلاب كان قاعد فارس ومستنى يشوف عادل أو شريف علشان يحاسبهم على اللى عملوه في بنت عمه.
بس فضل قاعد كتير وهما ما جوش وعدى ساعتين.
وكان طول الساعتين دول عبد الرحمن كان مش مبطل رن عليه..
وبعد شويه فارس قرر أنه يمشى ويادوبك مسك موبيله ومفاتيح العربيه لمح شريف وعادل وهما داخلين النايت كلاب.
وكان وش شريف شوارع من ضرب فارس ليه.

شريف: اول لما شاف فارس مسك دراع عادل ورجع تانى بسرعه على برة.
عادل: في ايه يا عم انت خضتنى مالك راجع تانى ايه.
شريف: اخلص بس يا عادل هافهمك على كل حاجه.
عادل: هاتفهمنى ايه بس وهانروح على فين دلوقتى؟
شريف: اركب بس وانا هقولك على كل حاجه بس اركب معايا بسرعه.
عادل: وطب وعربيتى يا جدع انت هاسيبها هنا ولا ايه؟
ركب شريف عربيته بسرعه وركب عادل معاه ومشيوا زى الطيارة بالعربيه قبل ما فارس يلحقهم.

فارس شافهم وهما ماشين بالعربيه قام راكب عربيه بسرعه وطار وراهم علشان يلحقهم.
فارس: وحيات امك انت وهو ما هاسبكوا النهاردة ابقوا ورونى بقى هاتروحوا منى فين؟
فضل فارس وراهم بالعربيه وهما ماشين بسرعه جونونيه وعمالين يدخلوا شوارع كتير وهو برضوا وراهن.
وشريف كان كل شويه يبص على فارس يشوفوا هو وراه ولا لا.

لحد ما فجاه جت عربيه مقطوره كبيرة ماشيه بسرعه وشريف مكنش مركز خالص في الطريق لحد ما خبطت عربيه شريف وقلبت العربيه.
نزل فارس بسرعه على قالبه العربيه واتلم ناس كتير علشان يطمنوا على شريف وعادل بس كانوا غارقانين في دمهم.
اتصلوا بعربيه الإسعاف وفضل فارس واقف لحد ما جت بعد عشر دقايق وخادتهم على المستشفى.
بعد ما شاف العربيه واخداهم وماشيه على المستشفى رن موبيله وكان عبد الرحمن هو اللى اتصل فرد عليه فارس.

فارس: ايوا يا عبد الرحمن
عبد الرحمن: اخيرا يا فارس رديت عليا. انا غلبت يا عم رن عليك انت فين.
قاله على مكانه وعبد الرحمن قاله طيب خليك وانا جايلك على طول ما تمشيش من عندك.
فارس: ماشى يا عبد الرحمن انا مستنيك خلى بالك من نفسك.

رواية للعشق وجه آخر للكاتبة سحر فرج الفصل الثاني عشر

راح فارس على المكان اللى اتفقوا عليه هو و عبد الرحمن.
وفضل قاعد مستنيه لحد ما شافه جاى عليه ووقف وسلم عليه.
عبد الرحمن: ازيك يا فارس؟
فارس: زفت والحمد لله يا دكتور.
عبد الرحمن: اهدى يا فارس واحكيلى كل اللى حصل النهاردة مع يسر.
وازى انت روحت ولحقتها.
فارس: هاقولك على كل اللى حصل يا عبد الرحمن حاضر.
وفعلا حكى فارس لعبد الرحمن على كل اللى حصل من ساعه ما وصل اسكندريه علشان يرجع سلمى البلد.

لحد ما رجع يسر الفيلا بالمنظر ده.
عبد الرحمن: وهانعمل ايه دلوقتي يا فارس رايك ايه.
فارس انا كنت ناوى اموتهم هما الاتنين بس: وسكت.
عبد الرحمن: بس ايه يا فارس اتكلم؟
فارس: ربنا يمهل ولا يهمل.
ربنا خد حق يسر منهم هما الاتنين وراحوا في داهيه.
ربنا انتقم ليسر والبنات كلها اللى ضحكوا عليهم الاشكال اللى زيهم دول اذا كان شريف ولا عادل.
عبد الرحمن: مش فاهم حاجه هو حصل ايه يا فارس قولى.

فارس حكاله على اللى حصل ليهم وأنهم راحوا على المستشفى وشكل حالتهم خطيرة علشان كانوا خلصانين خالص وغرقانين في دمهم.
عبد الرحمن: فعلا ربنا كبير وقادر على كل شىء.
ومش معقول ربنا كان هايسبهم بعد اللى عملوه ده.
فارس: طيب تعال نروح على المستشفى ونعرف حالتهم ايه انا سمعت بتوع الاسعاف وانا واقف هما رايحين على مستشفى ايه.
وفعلا راح وفارس وعبد الرحمن على المستشفى اللى فيها شريف وعادل.

دخلوا على الاستقبال وكان في دكتور صاحب عبد الرحمن واقف فراح وسلم عليه وسأله عن الحادثه اللى جت من ساعه.
الدكتور: الصراحه يا عبد الرحمن حالتهم خطيرة جدا وبذات اللى اسمه شريف.
وهما دلوقتى في اوضه العمليات ولسه اودمهم ساعه تانى.
بعد ما عرفوا حاله شريف وعادل خدوا بعضهم ومشيوا.
وصلوا على الفيلا بعد ما عبد الرحمن فضل يتحايل على فارس أنه يروح.
. لان فارس ما كنش عاوز يروح الفيلا خالص دلوقتى.

دخلوا الفيلا وفتحت لهم الشغاله.
سلموا على الموجودين وكانت الهام وسلمى.
وكل ده كانت همس وكريم في تدريب السباحه بتاع كريم في النادى.
ويادوبك كانوا جم وعرفوا كل اللى حصل.
قعد فارس وعبد الرحمن وحكى لأخته على كل اللى حصل مع فارس ويسر.
وان فارس كان جاى بظروفها علشان ياخد سلمى.
تليفون فارس رن.
فارس: الو ايوا يا حاج.
الهام خافت ووشها احمر هي وسلمى وخافوا لايكون عرف حاجه من اللى حصلت ليسر.

حسين: ايه يا فارس يا ابنى ماجبتش عمتك وجيت ليه لحد دلوقتى؟
فارس: معلش يا حاج اصل كانت مرات عمى عوزانى في حاجه مهمه
بكره الصبح في الشركه بتاعه عمى احمد.
وهبات هنا علشان اروح معاها انا والمحامى بتاع الشركه.
حسين: طيب يا ابنى طمنتنى مش عارف ليه قلبى كان مش مطمن وحاسس أن في حاجه حصلت لا قدر الله.
فارس، اطمن يا حاج كلهم بخير.
وانا هاخلص موضوع الشركه ده واجيب عمتى واجى على طول.

حسين: ماشى يا فارس وحاول تقنعهم أنهم يجوا معاك يغيروا جو شويه علشان جدتك عاوزة تشوفهم.
فارس: حاضر يا حاج كل اللى تؤمر بيه وانا هاقولهم واحاول اجيبهم معايا وانا جاى كلهم.
قفل الموبيل وبدأ يتكلم مع مرات عمه علشان يبلغها باللى ابوه طلبه.
الهام: بس يا فارس مش وقته خالص احنا في ايه ولا ايه؟
سلمى: لازم تيجوا يا الهام وتغيروا جو علشان يسر تنسى كل اللى حصل النهاردة ده.
وتنسى الزفت اللى اسمه شريف ده خالص.

عبد الرحمن: سلمى عندها حق يا الهام لازم تبعدوا عن هنا شويه علشان خاطر يسر.
عبد الرحمن، هي عامله ايه دلوقتى انا هاطلع اشوفها.
تيجى معايا يا فارس؟
فارس: لا مش عاوز اشوفها
طلع عبد الرحمن ليسر واطمن عليها هو والهام.
وتحت كانت سلمى هي وفارس بيتكلموا.
سلمى: انا حاسه بالنار اللى جواك يا فارس وعارفه انت حاسس بايه دلوقتى بس معلش.
يسر لسه صغيرة واضحك عليها من العيال دى.
وسبحان الله ربنا خد لها حقها منهم.

فارس: انا عارف يا عمتى بس مش هقدر اسامحها.
انا كنت هاتجنن وانا شايف الحيوان ده بيبوسها بالعافيه ومقطع لها هدومها.
انا لولا هي معايا كنت خلصت عليه وموته.
بس انا عملت حساب انها معايا وعلشان سمعتها اللى هي من سمعه عيلتنا.
نزل عبد الرحمن هو والهام وقعدوا يتكلموا شويه.
واستاذن فارس أنه يقعد في الجنينه برة لوحده شويه.
وقامت الهام تجهز حاجه يشربوها.
والصح علشان عبد الرحمن يتكلم مع سلمى براحته.
عبد الرحمن: سلمى.

سلمى: نعم
عبد الرحمن: فكرتنى في الموضوع اللى اتفقنا عليه.
سلمى، هو ده وقته يا عبد الرحمن.
عبد الرحمن، عيون عبد الرحمن وقلب عبد الرحمن من جوه.
انا ما كونتش اعرف ان اسمى حلو اوى كده؟
سلمى اتكسفت اوى من جرأته ووشها احمر وبصت في الارض.
عبد الرحمن: ايه ده هو انتى لسه بدورى على اللى وقع منك من ساعه ما كنا في القلعه
سلمى ضحكت وقالت له تصدق انك ظريف.
عبد الرحمن: دى اقل حاجه عندى يا بنتى انتى لسه شوفتى حاجه.

المهم!
رايك ايه بقى خلصينى علشان اجى معاكم واخطبك من الحاج حسين والحاجه الكبيرة.
سلمى: بكسوف انا موافقه.
عبد الرحمن: ياااااه اخيرا.
الهام جت على كلمه اخوها وقالت خير فرحان كده ليه ما تفرحنى معاك.
عبد الرحمن: سلمى وافقت يا الهام اخيرا وهاجى معاكم بكرة انشاء الله.
علشان اخطبها انا وانتى مش انتى اختى الكبيرة برضوا.
الهام: الف الف مبروك يا حبيبى.

الف مبروك يا سلمى يا حبيبه قلبي وربنا يتمملك على خير انشاء الله.
همس كانت قاعده زعلانه على اللى حصل لاختها.
مع كل التحذيرات اللى هي حظرتهالها.
بس يسر ما كنتش بتسمع كلام حد الا نفسها وبس.
فجاه رن موبيل همس وكان كرم هو اللى بيتصل.
همس، الو
كرم: حبيبتى عامله ايه يا قمر وحشتنى اوى والله.
همس: الحمد لله.
كرم: مالك يا همس صوتك مش عاجبني انتى تعبانه ولا ايه.
همس: لا ابدا مفيش حاجه.
كرم، همس مالك في ايه انطقى.

همس عيتط وحكت لكرم على كل اللى حصل.
وأنهم هايجوا بكره يقدوا شويه في البلد علشان يسر تنسى اللى حصل.
كرم: انتى بتقولى ايه وازاى فارس ما قاليش حاجه زى كده. ازاى.
همس: اهدى يا كرم واوعى تقول حاجه لأى حد عندك ارجوك.
كرم، خلاص يا همس ما تخافيش مش هقول لحد طبعا.
خلصوا كلامهم وقفلت السكه وراحت تنام.

طلع النهار وبدؤا يجهزوا شنطهم بعد ما اتفقوا أنهم يروحوا يقعدوا شويه في البلد
وعلشان كمان موضوع سلمى وعبد الرحمن.
وعلشان يسر تنسى اللى حصل لها خالص من شريف.

رواية للعشق وجه آخر للكاتبة سحر فرج الفصل الثالث عشر

عبد الرحمن كان معاه في عربيته الهام ويسر وهمس.
وفارس كان معاه سلمى وكريم.
بعد حوالى تلت ساعات سفر كانوا وصلوا على القصر.
بدؤا ينزلوا من عربياتهم ودخلوا على جوا والكل بدأ يرحب بيهم.
الجده كانت فرحانه اوى أن فارس اقنعهم يجوا علشان كانوا وحشنها اوى.
كرم جرى على همس وما كنش شايف الا هي.
فارس اول ما دخل طلع على اوضته وكان طول الطريق والسفر مابيتكلمش خالص مع أن سلمى حاولت تهديه.

وكانت عماله تحاول تقنعه أنه يسامح يسر.
حسين رحب بالكل وسلم على الدكتور عبد الرحمن والهام.
وخد عيال اخوه في حضنه وسلم عليهم.
هيام جريت على كريم وفضلت تحضن فيه وتبوسه لأنه فعلا كان وه
حشها اوى.
قعد الكل وبدؤوا يجهزوا الاكل علشان الكل يقعد يتغدى.
بس قبل الغدا الكل طلع على اوضته علشان يغير هدوم السفر.
اتجمعوا الكل واتغدوا وجهزت ليهم ملك الشاى.

عبد الرحمن كان قاعد مش على بعضه وكان عاوز يفاتح الحاج حسين في الموضوع بتاعه هو وسلمى.
وبعد ما اتشجع والهام غمزتله أنه يفتح الموضوع بدأ يتكلم.
عبد الرحمن: الصراحه يا حاج حسين انا جيت النهاردة علشان كنت عاوز افتحك في موضوع مهم.
حسين: انا تحت امرك يا دكتور عبد الرحمن اتفضل.
عبد الرحمن، انا يا حاج طالب القرب منك في اختك سلمى.
حسين: اختى سلمى يا دكتور؟

الهام: الصراحه يا حاج انا عمرى ما هلاقى واحده لعبد الرحمن اخويا افضل من سلمى.
ادب وجمال وتربيه وعيله والافضل من ده كله انها اخت المرحوم احمد الله يرحمه.
حسين: وانا عمرى ما هلاقى لاختى افضل من الدكتور عبد الرحمن. بس...
وسكت.
عبد الرحمن: بس ايه يا حاج؟
حسين: انا قصدى الظروف اللى مرت بيها سلمى وموضوع طلاقها والخلفه ده.
عبد الرحمن: معلش يا حاج بعد اذنك الطب اتقدم جدا
وانا عارف كل الظروف اللى هي مرت بيها.

انا عاوز سلمى لنفسها مش علشان خلفه ولا عيال انا شريها هي.
هي ملهاش ذنب في انها مخلفتش دى حاجه بتاعه ربنا وبس.
حسين: وانا علشان الكلام الحلو ده عرفت انك راجل وتستاهل أنى اديك اختى.
حسين: انا موافق يا دكتور.
الكل فرح من رد حسين لعبد الرحمن وبدؤوا يباركلهم هما الاتنين.
وراح عبد الرحمن وسلم على ام سلمى وباس ايديها.
وسلمى راحت لاخوها وحضنته وباسته.
وحدودا أن تانى يوم يكون قرايه الفتحه والشبكه.

والدخله كمان شهر وان سلمى هاتروح تعيش مع عبد الرحمن في شقته اللى هو مجهزها من كل شىء.

في المستشفى كان عادل بدأ يفوق ويسترد صحته بعد العمليه اللى هما عملوها ليه.
وشريف هو اللى كان لسه في العنايه المركزه علشان حالته لسه خطيرة.
وكان أمه وأبوه موجودين اودام العنايه وعمالين يدعوله أنه يقوم بالسلامه.

الكل كان فرحان في القصر وبدؤا يستعدوا للفرح.
فارس كان بيحاول يبعد نفسه خالص عن يسر والمكان اللى هي بتكون موجوده فيه كان بيبعد عنه.
يسر لاحظت تجاهل فارس ليها بعد ما حاولت أنها تكلمه وهو مارديش يكلمها ولا يديها فرصه تانى.
طلع نهار يوم جديد كله فرح وسعاده على اللى في القصر.
خرجت سلمى وعبد الرحمن ويسر وهمس وكرم وراحوا على السوق علشان يجيبوا فساتين الخطوبه.
وفعلا جابت كل واحده فستان غير التانيه.

وراحوا نقوا الشبكه الدهب للعروسه اللى تليق بيها وبعيلتها.
وفي القصر
كان كل واحد بيعمل حاجه.
الحريم كلهم في المطبخ بيستعدوا لعمايل الاكل علشان الضيوف اللى هاتيجى.
حسين وكرم وفارس وعبد الرحمن كانوا بيستقبلوا الضيوف.
همس ويسر وسلمى كانوا مع بعض وبيستعدوا للخطوبه
وبيلبسوا فساتنهم ويحطوا مكياجهم.
والكل كان مستنى العروسه تنزل.
وكانوا مشغلين الاغانى والبنات بتوع العيله بترقص هي والأطفال.

وفجاه نزلت العروسه مع اخوها حسين وكانت طالعه زى القمر.
لابسه فستان بمبى وحاطه تاج صغير على رأسها وكان عاملها زى الاميرات.
يسر كانت لابسه فستان اسود طويل بفتحه من جنب وكانت مسيبه شعرها الكستنائى الطويل على ضهرها.
همس كانت لابسه فستان احمر مخليها زى القمر وماسكه دراع كرم اللى اول ما شافها كان هايتجنن عليها.
نزلوا وقعد عبد الرحمن وسلمى جنب بعض وقروا الفتحه كلهم ولبسها الشبكه.

الكل بدأ يهنى ويبارك وجت واحده وقربت من سلمى وحضنتها وباستها وكانت دى عبير بنت خالها وكانت من سن يسر وهمس.
عبير طول الفرح ما نزلتش عينيها من على فارس وكانت بتحبه اوى وهو عارف بكده لكن هو مش بيحبها وبيعتبرها زى اخته بالضبط.
يسر لاحظت نظرات عبير لفارس وكانت هاطق.
ولما لاحظ فارس أن يسر اديقت من عبير قرب من عبير وفضل يهزر ويضحك ويتكلم معاها علشان يغظها اكتر.

يسر خدت بعضها وقامت طالعه على اوضتها وفضلت تعيط.
طلع فارس على فوق بعد ما هي طلعت من غير ما حد يلاحظ وقرب من اوضتها وسمعها وهي بتعيط.
كان في نفس الوقت قلبه هو كمان بيتقطع عليها بس ما كنش قادر يسامحها على اللى هي عملته.
وفجاه جى يلف نفسه وينزل لقى عبير واقفه وراه وبتقرب منه.
فارس: عبير انت ايه اللى جابك هنا؟
عبير، ابدا يا فارس انا قولت اطلع اشوفك طلعت ليه واطمن عليك.

فارس: انا كويس يا ستى يلا انزلى على تحت قبل ما حد يشوفك هنا.
يسر سمعت صوت فارس برة وبيتكلم مع حد.
قامت فاتحه باب الاوضه وبتبص لقيت فارس واقف هو وعبير مع بعض.
فارس شاف يسر طلعت من الاوضه وبتبص عليه قام ماسك ايد عبير وقالها يالا يا قمر ننزل على تحت او اقولك تعالى نروح الجنينه.
عبير ما كنتش مصدقه أن فارس قالها كده.
قامت يسر بعد ما سمعت كلام فارس دخلت الاوضه ورزعت الباب وفضلت تعيط جامد.

فارس كان سامع صوت عياطها بس مش قادر يقرب منها ونزل هو وعبير على تحت.
اول لما نزلوا ساب ايد عبير وراح قعد جنب الهام.
عبير: ايه يا فارس مش هانروح الجنينه؟
فارس: معلش يا عبير اصلى مصدع شويه.
الهام كانت سامعه كلامهم و كانت ملاحظه من اول ما عبير قربت وبدأت تتكلم مع فارس.
وان يسر كان كانت هاتتجنن من كده.
لحد ما طلعوا فوق ونزلوا.
الهام: فارس انت كده هاتخسر يسر.
فارس: اعمل ايه بس يا طنط مش قادر اسامحها.

الهام: اديها فرصه طيب يا فارس وحاول تسمع لها.
فارس: مش قادر
يسر انا بموت فيها وبحبها من سنين ومكنتش مصدق انها تعمل كده.
يسر جرحتنى اوى اوى وهي مش حاسه.
وفجاه سمعه صرخه جايه من فوق.
جرى الكل على فوق علشان يشوفوا في ايه؟