رواية عشقني الأدهم

رواية عشقني الأدهم للكاتبة روضة رجب الفصل الثاني

وصلت رهف إلى الفيلا استقبلتها والدتها وهي تقول بسرعه وخوف على ابنتها: ولك انتى شو عملت.
رهف بخوف واستغراب: والله ما عملت حاجه يا ماما.
علياء: هلأ روحى لعندو بالمكتب شوفى شو صار.
ذهبت رهف إلى المكتب بتوتر وهى تتوقع أن يصرخ عليها أو يضربها ولكنه خالف كل توقعاتها.
حمدى بهدوء ومكر: اهلا اهلا بست البنات.
رهف بدهشه: نعم؟! هوا فيه أيه.

حمدى: مفيش انتى تروحى دلوقتى تنامى وترتاحى عشان فى ضيوف جايين بكرى الصبح و وقتها هتعرفى كل حاجه يلا تصبحى على خير.
لم ترد رهف عليه وخرجت من المكتب وهى مازالت تحت تأثير الصدمه.
علياء: ها شو صار ليش كان بدو ياكى.
رهف وهى ترفع أكتافها علامه لعدم معرفتها لما يحدث: معرفش يا امى بس طريقته كانت غريبه اوى وبيتكلم بهدوء غريب.
علياء بصدمه: شو كيف يعنى هاد...

وقطعت حديثها عندما استمعت لحمدى وهو ينادى عليها فذهبت إليه مسرعه.
ذهبت رهف إلى غرفتها وجلست على الفراش فستمعت إلى صوت هاتفها وجدت أن المتصل هى نور صديقتها.
رهف: السلام عليكم.
نور بلهفه: وعليكم السلام ها يا بنتى عملتى ايه انتى كويسه.
رهف: ايوه كويسه الحمدلله.
نور بارتياح: الحمدلله كنت قلقانه عليكى اوى كان عايزك فى ايه.
رهف وهى مازالت تحت تأثير الصدمه: مش عارفه.
نور باستغراب: نعم هوا ايه اللى مش عارفه.

رهف: والله يا بنتى مش عارفه أنا اول ما دخلت، وحكت لها رهف ما حدث.
نور بدهشه: غريبه ايه التحول المفاجئ ده و مين الضيوف دول اكيد فى حاجه أنا هجيلك بكرى الصبح كده عشان نشوف فيه أيه.
رهف: ماشى تصبحى على خير.
نور: وانتى من أهل الخير خلى بالك من نفسك سلام.
رهف: سلام.
أغلقت رهف الهاتف وحاولت النوم ولكن لم تستطيع النوم من كثره التفكير.

فى صباح يوم جديد فى مصر فى منزل مازن شاهين.
كان مازن نائم ولكن ازعجه صوت هاتفه اعتدل وجلس على طرف الفراش وأمسك الهاتف فوجد المتصل ذياد.
مازن فى نفسه: ياربى بارد من يومك.
فتح مازن الهاتف وهو يقول: ايه يا بارد حتى فى النوم قارفنى.
ذياد ببرود: السلام عليكم.
مازن بتأفئف: وعليكم السلام ها عايز ايه.
ذياد: قوم يلا عندنا شغل بلاش كسل.
مازن: يوووووه حاضر قايم اهه مسافه السكه وهكون عندك سلام.
ذياد: سلام.

نهض مازن وذهب المرحاض ليبدل ملابسه.
وبعد قليل كان يشرب القهوة فسمع صوت طرقات على باب المنزل.
فتح مازن الباب ليجد فتاه تقف أمامه.
مازن: ايوه مين حضرتك.
الفتاه: أنا جارتك الجديده هنا فى الشقه اللى فى الدور اللى فوقيك.
مازن: اهلا بيكى نورتى العماره اى خدمه.
الفتاه: ايوه بستئذن حضرتك تفتحلى باب الشقه عشان قفلت ورايا ونسيت المفتاح جوه.
مازن وهو يغلق باب شقته ويصعد معها ليساعدها: اه طبعا اتفضلى.

بعد أن فتح لها مازن الباب.
الفتاه: شكرا جدا يا استاذ ممممم. اسم حضرتك ايه؟
مازن بابتسامه: مازن شاهين.
الفتاه وهى ترد له الابتسامه: وانا تقى اسماعيل.
مازن: اسمك حلو اوى.
تقى بخجل شكرا لذوق حضرتك.
مازن: طيب أنا همشى سلام عليكم.
تقى: وعليكم السلام وشكرا مره تانيه لحضرتك.
مازن: على انتى زى اختى.
وذهب مازن إلى عمله ودخلت تقى إلى شقتها.

تقى اسماعيل: هى فتاه ذات قامه متوسطه وعيون بنيه وبشره سمراء وشعر قصير بلون القهوه.
تعمل مدرسه فى رياض الاطفال ولديها 24عام.

فى مستشفى العونى كان يجلس ادهم فى مكتبه فسمع طرقات على باب المكتب.
ادهم: ادخل.
، : ممكن ادخل.
ادهم بفرح: لا مش مصدق سامر عامل ايه يا بنى.
سامر: لا صدق عامل ايه يا دومى.
ادهم بحنق: ايه دومى ديه اسمى دكتور ادهم انشف كده يله.
سامر: خلاص يا عم وبعدين أنا أقول اللى أنا عايزه أنا اكبر منك بتسع شهور ولا نسيت.
ادهم: يوووه الا قولى بتعمل ايه فى مصر انتا مش مراتك وابنك فى بريطانيا.

سامر: اه ياعم نزلت مصر امبارح عشان مؤتمر كده وراجع تانى انهارده بليل فقولت اعدى عليك قبل ما اسافر.
ادهم: ايه الفرهده دى يابنى متقعدلك يومين كده ولا حاجه.
سامر: هنعمل ايه بقى الشغل لازم ارجع.
ادهم: توصل بالسلامه أن شاء الله.
سامر وهو يودعه: عايز حاجه أنا همشى بقى عشان الحق اجهز نفسى قبل ميعاد الطياره.
ادهم: لا تسلم مع السلامه.
رحل سامر وذهب ادهم ليمر على المرضى بصفته مدير المستشفى.

سامر: كان صديق ادهم ايام الجامعه وسافر بعد تخرجه إلى بريطانيا وتزوج وهو يقيم هناك.
فى صباح يوم جديد في بيروت.
استيقظت رهف وذهبت اللى الحمام الملحق بغرفتها لتتوضأ وبعد أن انتهت ارتدت ملابسها وصلت فرضها ونزلت لتناول الإفطار. نزلت رهف إلى الأسفل لتجد الجميع على مائده الطعام.
رهف: صباح الخير يا ماما.
علياء: صباح النور يا حببتى.

حمدى بمكر: بلا افطرى وعايزك تلبسى وتجهزى عشان الضيوف كلها ساعتين ويبقوا هنا.
تناولت رهف فطورها وذهبت إلى غرفتها مره اخرى و بعد قليل أتت نور صديقتها.
نور: ها يا بنتى فى حاجه حصلت غير اللى حكتيهولى.
رهف: لا مفيش حاجه حصلت تانى.
نور: طب هتعملى ايه
رهف وهى تنهض: هقوم البس وربنا يسترها اللى ربنا عايزه هيكون.
ارتدت رهف ملابسها.
نور بمرح: ايه القمر ده.
رهف: حلو بجد بقالى كتير ملبستش الطقم ده.
نور: زى القمر.

كانت رهف ترتدى جيب باللون الاسود وعليها بلوزه ورديه رقيقه جدا وعليها خمار باللون الاسود مرسوم عليه زهور صغيره من اللون الاحمر فكانت قمه في الاناقه و الجمال.
بعد قليل سمعت رهف صوت طرقات على الباب يتبعها دخول والدتها.
علياء: رهف قومى يا بنتى وصلو الضيوف وانتى يا نور يلا روحى قبل ما يشوفك حمدى ويعملنا مشكله.
نور وهى تودع رهف: طب سلام بقى هبقى اتصل بيكى بليل عشان اطمن عليكي سلام يا طنط.
وذهبت نور.

رهف بتوتر: متعرفيش مين الناس دول يا ماما.
علياء: والله ما بعرف يا بنتى يلا قبل ما يصارخ علينا.
نزلت رهف برفقه علياء رجلان يجلسان مع حمدى.
نهض حمدى وهو يقول: سلمى يا رهف على الأستاذ كرم ونظر لها وهو يشدد على كلمته الاخيره عريسك.
نظرت له رهف بدهشه: اييييييه.

رواية عشقني الأدهم للكاتبة روضة رجب الفصل الثالث

نزلت رهف برفقه علياء فوجدت رجلان يجلسان مع حمدى.
نهض حمدى وهو يقول: سلمى يا رهف على الأستاذ كرم ونظر لها وهو يشدد على كلمته الأخيرة عريسك.
نظرت له رهف بدهشة: ايييييييه؟!عريس مين أنا مش موافقة.
نظر الرجل لحمدى وهو يقول: شو هاد حمدى واضح انو العروس مو موافقة.
حمدى بسرعه وتوتر: لا طبعاً هيا موافقة بس اتصدمت بس.
نظرت له رهف وقبل أنا تتحدث وجدت والدتها تتهاوى على الأرض.

ركضت رهف إليها وهى تصرخ: ماما، ماما فوقى يا ماما.
ذهب إليها حمدى وحملها وذهبوا إلى المستشفى.
بعد ساعه فى المستشفى خرج الطبيب من غرفه العمليات.
ذهبت إليه رهف وهى تركض: خير يا دكتور ايه اللى حصلها.
الطبيب: اتعرضت لصدمه عصبيه شديده وأدت هاى الصدمه لتجلط بالاوعيه الدموية.
جلست رهف تبكى على والدتها.
حمدى وهو يوجه حديثه للطبيب: يعنى هتخرج امتى.
الطبيب: رح تضل معنا هون لمده اسبوعين.

حمدى: بس أنا عاوزها تخرج انهارده.
نظرت له رهف بصدمه: نعم انتا عاوز تموتها.
حمدى وهو يمسك ذراعها: اخرسى ويلا على البيت وحسابك معايا هناك على الكلام اللى قولتيه قدام العريس.
ونظر إلى الطبيب: ها هتخرجها معايا ولا اطربقهالك باللى فيها.
الطبيب بخوف: خلاص استاذ رح تخرج معك هلأ.

فى مبنى المخابرات في مصر كان يجلس مازن و ذياد في المكتب.
مازن بشرود: يا ذياد أنا مش هينفع اسافر في المهمة دى.
ذياد باشفاق على حال صديقه: خلاص يا مازن أنا هروح مكانك بس دى اخر مره فوق لنفسك وانسى الماضي.
مازن: ماشى يلا خلينا نروح.
ذياد: لا احنا هنروح عندى البيت بابا عازمك يلا.
مازن: لا مليش مزاج أنا عاوز اروح.
ذياد: لا يلا على البيت ومفيش اعتراض.
مازن باستسلام: ماشى يلا.
وذهبوا إلى المنزل.

فى منزل محمد العونى.
ذياد: اتفضل يا مازن ادخل.
مازن وهو يدخل: مش محتاج عزومه أنا هدخل حتى لو قولت لا.
محمد: ازيك يا مازن عامل ايه.
مازن: الحمدلله تمام.
ذياد: طب أنا هدخل اغير هدومى.
نظر محمد إلى مازن وهو يقول: مالك يا مازن بقالك كام يوم مش مظبوط.
مازن بحزن: القياده عاوزانى اسافر الاقصر فى مهمه.
محمد: يا حبيبي انتا لازم تنسى الماضي وتعيش حياتك.

مازن: سيبها على الله إن شاء الله خير بس أنا برضوا مش هقدر اسافر فذياد هيسافر بدالى.
دخل احمد عليهم وهو يقول: ايه ده في بيتنا ضيوف.
مازن: ايه ده فين دول.
احمد: هما مين؟!
مازن: الضيوف.
احمد: عينى عليك يا اخويا مال عينك يا صغير على العمى يا حبيبى.
مازن: عمى ايه يا متخلف انتا فين الضيوف دول.
احمد: يابنى انتا مش شايف نفسك.
مازن: آآآه انتا فاكرنى ضيف يابنى ده بيتى.

احمد: يخربيت التناكه اللى فيك يا اخى أنا ماشى يا عم.
مازن: رايح فين.
احمد: هروح اغير هدومى سلام.
وذهب احمد إلى غرفته.

فى منزل رهف عادت رهف ووالدتها إلى المنزل.
جلست رهف بجانب والدتها على الفراش وهى تعطيها الدواء.
رهف: بالشفا يا حببتى.
علياء وهى تمسك يد رهف: خلاص يا بنتى خلاص هلأ النهايه.
قاطعتها رهف ببكاء: بعد الشر عليكى يا ماما هتسيبينى لوحدى انتى كمان لا مش هقدر.
علياء وهى تمسح دموع رهف: اسمعينى يا بنتى شوفى أنا بدى ياكى تسافرى لمصر وتروحى لاخوكى حمدى مارح يتركك.
رهف: مازن طب هوا هيفتكرنى.

علياء بتعب: رح يتذكرك يا بنتى انتى روحى لعندوا هوا رح يحميك من حمدى.
رهف: لا يا ماما إن شاء الله هتخفى وهتبقى كويسه.
علياء وهى تعطى رهف شئ: خدى هدول وخليهم.
رهف: ايه دول يا ماما ايه الدهب ده.
علياء: هدولا لالى بدى ياكى تبيعيهم خلاص حبيبتى.
رهف: حاضر يا ماما.
وذهبت روح علياء إلى خالقها.
نظرت رهف إلى والدتها وهى تبكى بهستيريا: ماما، لااااااااا، ماماااااااااا.

رواية عشقني الأدهم للكاتبة روضة رجب الفصل الرابع

مر شهر على ابطالنا بسعاده على البعض وحزن على البعض الآخر.
وفى يوم كانت رهف تجلس في غرفتها ممسكه بصوره والدتها وتبكى فسمعت صوت طرقات على الباب.
رهف بصوت مبحوح من البكاء: ادخل.
حمدى وهو يدخل: مش خلاص بقى بقالك شهر بتعيطى، استاذ كرم جاى انهارده بليل عشان يخطبك.
صرخت به رهف بهستيريا: انتا ايييييه يا اخى معندكش دم جبله مبتحسش امى مكملتش أربعين يوم على بعض وانتا بتقولى خطوبه وجواز مفيش دم...

وقبل أن تكمل حديثها صفعها حمدى وأمسك ذراعها بقسوه وهو يهزها بعنف: بقولك ايه الراجل هييجى انهارده وهيخطبك وأقسم بربى لو اتكلمتى قدام الراجل نص كلمه هيكون اخر يوم فى عمرك.
خرج حمدى من الغرفه وجلست رهف على فراشها وهى تقول ببكاء: سبتينى ليه شايفه عمل فيا ايه عاوز يجوزنى غصب عنى أنا لازم اعمل زى ما قولتيلى وامشى من هنا.
أمسكت رهف هاتفها واتصلت بصديقتها نور.
رهف: السلام عليكم.

نور: وعليكم السلام ايه يا حبيبتي لسه بتعيطى مش كفايه كده بقى.
رهف: عاوز يجوزنى يا نور أنا مش قادره حاسه انى هموت.
نور بصدمه: لا اله الا الله بعد الشر عنك يا حبيبتي ده واحد متخلف.
رهف بتصميم: أنا عايزه اعمل حاجه ومحتاجاكى معايا.
نور: طبعا ياحبيبتي قولى.
رهف: أنا عاوزه تمشى من هنا عاوزه اهرب.
نور: طب هتروحى فين.
رهف: عند مازن اخويا كنت حكتلك عنوا.

نور: آه افتكرتوا طب بصى أنا هكلم واحده صحبتى فى مصر هخليها تكلم اخوها وان شاء الله هيعرف يوصلوا.
رهف: أن شاء الله ماشى يا حبيبتي هكلمك تانى.
نور: سلام يا حبيبتي خلى بالك من نفسك وطاوعيه فى اى حاجه لحد ما تعرفى تسافرى.
رهف: حاضر يلا سلام.

فى مصر أمام العماره التى يسكن بها مازن شاهين.
دخلت تقى إلى المنزل فوجدت مازن يدخل إلى المصعد فانتبه مازن لها.
مازن: مساء الخير.
تقى: مساء النور ازيك يا استاذ مازن.
مازن: تمام الحمدلله وانتى اخبارك ايه.
تقى: الحمدلله بخير.
فجاء المصعد.
مازن وهو يشير لها بالصعود: اتفضلى.
دخلت تقى فلفت انتباهها المسدس خاصته.
تقى بتوتر: هوا حضرتك بتشتغل ايه.
نظر لها مازن باستغراب من توترها فوجدها تنظر إلى المسدس.

مازن بابتسامه: أنا ظابط مخابرات رتبه رائد.
تقى ببرائه: اممم اصل أنا بصراحة استغربت المسدس اللى معاك.
ابتسم مازن على برائتها وهو يقول: وانتى بقى أنا معرفش لغايه دلوقتي انتى بتشتغلى ايه.
تقى: أنا بشتغل مدرسه في حضانه.
مازن: مدرسه ايه بقى.
تقى: مدرسه English بص هوا أنا اصلا اخصائيه نفسيه بس مش عارفه اشتغل بشهادتى فلاقيت أن الشغل كمدرسه وفى حضانه كمان مع اطفال اقرب لتخصصى.

وصل المصعد عند دور مازن فنظر مازن لها وقال: اتفضلى.
فنزلت تقى وقالت: هوا أنا هنزل بس مش عشان اتفضل عشان بخاف اركب الاسنسير لوحدى يلا سلام.
مازن: سلام.
صعدت تقى إلى شقتها ووقف مازن ينظر إلى السلم وهو يبتسم فوجد من يضربه على كتفه.
ذياد: يا حنين متطلع توصلها.
ادهم وهو يضع يده على كتف اخوه ذياد: حنين اوى.
مازن بتأفئف: والله ما هخلص منكم انتوا الاتنين ادخل يا عم انتا وهوا جايين ليه.

ادهم: جايين تكسبك دورين بلاى ستيشن.
مازن: بص مش هرد عليك عشان أنا متضايق.
ذياد: وايه اللى مضايقك.
مازن بتنهيده: مش عارف.
ادهم: بقولك ايه روح اعملنا قهوه واعمل حساب احمد عشان جاى فى الطريق.
مازن وهو ينهض: طيب يا عم قايم أهه متزقش.
وذهب مازن إلى المطبخ.