رواية حلم ولكن

رواية حلم ولكن للكاتبة رحمة سيد الفصل الثاني

في منزل والد رنا في ألمانيا
يجلس كلا من رنا ومالك على السفرة وامامهم الطعام ولا يتحدثوا ومالك ينظر حوله يتأمل المنزل ورنا لا تعلق ليقطع ذلك الصمت
مالك بتشنج وهو يمسك رأسه: آآآه دماغي
رنا بقلق: مالك؟!
مالك بتشنج اكبر ويصرخ: آآآه سيبووووها
رنا بزعر: هي مين دى يا مالك، اهدى ارجووك وفهمني عشان اساعدك
مالك وهو مازال ممسك برأسه: آآه دماغي هتنفجر مش قااادر.

وتصمت رنا وهي لا تدرى ماذا تفعل وبعد ثوانى يعود مالك لطبيعته كما كان و...
مالك بهدوء: كنت حاسس ان دماغي خلاص هتطق
رنا بتركيز: اية إلي حصل
مالك وهو يتذكر: واحدة، واحدة كدة عمالة تصرخ وتقول الحقني يا حساام هيموتونى
رنا بتفكير: اممم، طب انا هروح اتصل بالدكتور عشان هو يقولنا
مالك وهو يهز رأسه في حزن: طيب
تقوم رنا لهاتفها وتتصل بالطبيب ثم يأتيها الرد و...
الوو يا رنا خير، في جديد في حالة مالك؟

رنا: ايوة يا دكتور، معلش لو مافيهاش تعب ممكن تيجي
الطبيب: حاضر، مسافة السكة
وتغلق رنا الهاتف ثم تعود إلي مالك و..
رنا بأبتسامة: طب مش يلا ناكل بقا عقبال ما يجي الدكتوور
مالك بأبتسامة صفرة: اها
ويفطروا سوياً و رنا تخطف نظرات لمالك.

في مكان ما مهجور بالمقطم عبارة عن مبانى واسعة
تجلس فتاة علي الارض مربوطة وعيناها مكممة وفمها ايضاً وهي تبكي وتصرخ ولكن دون جدوى
البنت: يااااارب، فينك يا حسام بقا انا تعبت
لتسمع صوت احد الاشخاص وسيارات فتغلق فمها وعيناها علي الفور لتمثل انها نائمة
يدخل الاشخاص ثم يقوم شخص بفك الرابطة التي كانت علي فمها ويأتي بكوب به ماء ويسكبه عليها لتفزغ هي علي الفور و...

رجل ما بصوت رخيم: مش ناوية تقولي فين الورق بردو يا استاذة ندى
ندى بخوف: ها، ورق اية انا ممعايش ورق، انتو مين اصلا
الرجل: احنا إلي كنتى عاوزة تفضحينا
ندى وهي مرعوبة ولكن تحاول ان تظهر ثابته لا تخاف: اها، لا سورى ماعرفش اماكن ورق
الرجل بغضب وهو يقف: اخر كلام عندك
ندى بثبات: ايووة، كفاااية بقا الخراب إلي عمالين تسببوه والمخدرات وتجارة الاعضاء، كفااااية بقا انتو لازم تتفضحوا.

الرجل: انتى مش اد اللعب دا انتى كدة هتخسرى حياتك، انتى مفكرة دى حتت عصابة هتفضحيها، لكن دى مافيا في كل انحاء العالم وانتى مش ادهم لانك هتروحى ف الرجلين، هسيبك تفكرى تانى ثم يذهب ولكن يقف ويلتفت للرجلين الذين يحرسونها و...
بكرا لو ماقالتش مكان الورق ابقووا ودوها للحاجة الوالدة
فتبكي ندى بصمت ويذهب الرجل إلي حيث أتي.

في ألمانيا ( برلين )
يصل الطبيب إلي منزل والد رنا وتستقبله الخادمة في ترحاب ويطلع لغرفة مالك كالعادة و..
الطبيب: ها يا مالك، اية إلي حصل؟!
مالك: انا كنت قاعد عادى وفجأة حسيت انى في مكان تاني وفي بنت مربوطة وعمالة تصرخ وتقول ساعدنى يا حسام هيقتلونى
الطبيب بعد تفكير: اممم طب انت مش فاكر اسم حسام دا خالص
يحاول مالك ان يتذكر وهو ممسك برأسه وتأتى له صور ابيض واسود لاشخاص غير واضحة وجوههم و...

فتاة: حساااام يلا هنتأخر
سيدة ما: كتر خيرك يا حسام يابني
وتؤلمه راسه فيصرخ و..
آآه لا مش فاكر
الطبيب: تمام، انا مش هقدر احدد لانك ممكن تكون بتفتكر حاجة حصلت وممكن يكون دا توادر افكار، بمعنى انك لو حد قريب منه او بتحبه هتحس بيه وهتشوف مواقف هو فيها وكأنك انت معاه، يعني ممكن تكون البنت دى انت تعرفها بس طبعا انت مش فاكر
مالك: انا تعبت، انا مابقتش فاهم حاجة.

الطبيب: المهم انت ارتاح وماتحاولش تفتكر لان دا ممكن يأثر عليك تأثير سلبي
مالك وهو حزين: حاضر
رنا: تعبناك معانا يا دكتور
الطبيب: لا دا واجبي
ويذهب الطبيب مع رنا ومالك جالس علي السرير وسرحان.

في قسم شرطة الجيزة،
في مكتب وعليه يافته مكتوب عليه / الرائد حسام الدمنهورى وامامه كرسي وعلي الجانب خزنة ودرج مغلق بمفتاح ودولاب في اخر الغرفة صغير
يدخل خالد ومصطفى و..
مصطفى وهو يجلس علي كرسي: طب انا نفسي اعرف احنا اية إلي جايبنا مكتب حسام
خالد: حسام إلي كان ماسك قضية المافيا ولازم نلاقي اى حاجة لان حسام اختفي وممكن يكون مخطوف كمان
مصطفى: انا مقدر ان حسام صاحبك المقرب بس لازم تهدى عشان نفكر براحه.

ويصمت خالد وفجأة يصرخ وكأنه تذكر شيئ و...
ننننننندى
مصطفى بفزع: اييية ندى مين
خالد وهو يغلق الدولاب بسرعةة: اخته، اخت حسام، انا لازم اروح بيتهم بسرررعة.

في ألمانيا ( برلين )
مالك في غرفته فتدخل عليه رنا بأبتسامة وتجلس بجانبه وهي تعدل خصلات شعرها و...
رنا: ها بقا يا مالك هنعمل اية؟!
مالك بسرحان: هشتغل
رنا عاقدة حاجبيها بتعجب: هتشتغل اية
مالك: اى حاجة، المهم مافضلش عايش علي نفقة ناس واول مالاقي شغل هروح اشوف بيت واستعد وهنزل مصر
رنا بصدمة: اييية، انت ممكن تشتغل اه حقك كراجل بس تنزل مصر ازاى وانت لسة مش فاكر حاجة
مالك: مش عارف بس لازم افتكرر لاااازم.

رنا: مالك، بابا جاى بكرا من السفر واكيد هيشوفلك شغل حلوو
مالك: طيب.

في احدى شقق المقطم
رجل ما: فهمي انت متأكد ان الواد ف ألمانيا
فهمي بتأكيد: ايووة والله ياباشا
الرجل: انا لازم اشوووفه
فهمي فاغراً شفتيه: هاه نعممم
الرجل: انت مابتفهمش انا هشوفه يعني هشوفه حتى لو من بعيد
فهمي: بس الراجل الكبير ممكن يعني آآ
الرجل مقاطعاً فهمي بصرامة: احجزلى اول طيارة مسافرة ألمانيا
فهمي: حاضر يا باشا.

في مصر ( المعادى )
يذهب خالد ومصطفى إلي منزل حسام الدمنهورى و...
مصطفى: انت متأكد انهم ساكنين هنا
خالد: ايوة يلا
ويطلع كلا من خالد ومصطفى إلي الشقة ويصلوا ويقف خالد ثم يدق الباب ولكن لا احد يفتح ويرن الجرس ولكن ايضا دون جدوى
فتخرج سيدة ما من الشقة المجاورة و...

السيدة ببكاء: خير يا حضرت
خالد: انا آآ اسمي خالد صديق حسام المقرب وكنت جاى اطمن علي اخته
السيدة وهي تبكى اكثر: آآآه يا حبيبتي يا خساااارة شباااااابك
خالد بخوف وهو يبتلع ريقة بصعوبة: اية إلي حصل يا حجة ممكن تفهميني
السيدة: أنا آآ هي ماكنتش موجودة وبعدين رحت عشان عشان اطمن عليها لاقيت هااا لاقيت ورقة عند باب الشقة ومكتوب عليها ( البقاء لله ف ندى، ادعولها )
فينصدم خالد ومصطفى للغاية.

رواية حلم ولكن للكاتبة رحمة سيد الفصل الثالث

في المعادى ( شقة المقدم حسام الدمنهورى )
السيدة ببكاء: خير يا حضرت
فيرتبك خالد من منظرها، فهذا غير مطمئن بالمرة ويرد ب
انا آآ اسمي خالد صديق حسام المقرب وكنت جاى اطمن على اخته
فتبكي السيدة اكثر وتتابع وبصوت عالي: آآآه يا حبيبتي يا خساااارة شباااااابك
فيزداد خوف خالد ويرد بخوف وهو يبتلع ريقة بصعوبة: اية إلي حصل يا حجة ممكن تفهميني.

فتمسح السيدة دموعها وتحاول تهدئة نفسها قليلاً حتى تتمكن من سرد ما حدث و..
السيدة: أنا آآ هيي ماكنتش موجودة وبعدين رحت اهيييي عشان اطمن عليها لاقيت هااا لاقيت ورقة عند باب الشقة ومكتوب عليها ( البقاء لله ف ندى، ادعولها ) وتستدير وتدلف للداخل وتجلب ذات الورقة من على التلفاز وتأتي بها لخالد لينظر هو للورقة بصدمة ولا ينطق وهو يتذكر ندى.

ماذا يعني هذا، لن اراها مرة اخرى، لن اتحدث معها حتى تنام، لن اقف معها في وحدتها وخوفها واحميها، لن تعوود!
هذا ما كان يدور بعقل خالد
فيتنهد مصطفى بضيق ثم ينطق واخيرا
انتي متأكدة ياحجة؟ وماشوفتيش حد طالع او نازل عندها؟
فترد ام هبه بحزن: والله هو دا إلي حصل، لا ماشوفتش
مصطفى بهدوء: شكرا يا حجة، عن اذنك احنا بقا
ام هبه: اذنك معاك
فيزمجر خالد قائلاً: لا مستحيييل، يعني اية، انتو مجانين.

فيمسكه مصطفى من يده كأنه يحركه بهدوء و
ينزلوا حتى يخرجوا عن باب العمارة وخالد مازال مصدوم وشارد تماما ويفتح مصطفى له الباب ويركب خالد ويلف مصطفى من الجهه الاخرى ثم يفتح الباب ويدور السيارة وينطلق إلي منزل خالد وبمجرد ركوبهم العربية يبكي خالد و..
مصطفى وهو بيطبطب عليه: اهدى يا خالد وادعيلها
خالد بغضب: مش هسيبهم لاااازم اعرف ميين إلي عمل كدة.

في ألمانيا ( برلين )
مالك ورنا في الصالة امام التلفاز ومالك يجلس بسرحان ورناةبجانبه تتابعه بعيونها وتريد ان تعرف ماذا يدور بعقله فتبدأ بأى كلام و...
رنا وهي تنظر له: بابا هيجي بعد ساعة تقريبا، اتصل بيا من شوية
ومالك مازال سرحان ولم ينتبه لها كأنها لم تجلس بجانبه فتحدق به رنا وبصوت عالي لتلفت انتباهه
هااااى يا مالك رحت فين؟!
فينظر لها مالك ويرد بأنتباه: معلش سرحت.

فتبتسم رنا وتتابع بمرح: ياللي واخد عقلك
مالك بشرود: هو انا فاكر حاجة عشان ياخد عقلي
فتتأفف رنا ثم تتابع ب: خلاص يا مالك دا امر واقع حاول تتعايش مع الوضع لحد ماترجع لحياتك الطبيعية
مالك بهدوء: ماشي هحاول
فتفكر رنا سريعاً كيف تخرجه من حالته تلك وتتوصل لحد وتعلو الابتسامة ثغرها و..
بتعرف تلعب بلايستيشن بقا
مالك بأبتسامة: اها اكيد
رنا بحماس: طب يلا مع انى مابعرفش اوى بس هغلبك.

ويقوموا سوياً ثم يطلعوا إلي الطابق العلوى ويدخلوا غرفة ما وتفتح رنا الجهاز وتجلب الدراعات وتضع احدهم امام مالك ويبدأو اللعب ورنا تنظر لمالك ومالك يفوز بالطبع و..
مالك: كسبتك
رنا وهي تخبط الدراع بغضب: على فكرة بقا الدراع دا شكله باظ
مالك بأبتسامة سحرتها: طب هاتي اشوفه ويمد مالك يده ليأخذه فتلمس يده يد رنا ولأول مرة فترتبك رنا وتبعد يدها على الفور وهي تنظر له فينظر لها مالك بأعجاب ويسحر في عيونها.

لتقاطعهم الخادمة بجدية: سيد عبدالله أتي يا سيدتى ( طبعا بالالمانى بس مارضتش اكتر ألمانى )
رنا وهي تقوم: قوليله نازلين
مالك وهو ينظر لها: اية إلي حصل؟!
رنا: مفيش بس بابا جه يلا ننزل
مالك: يالا
وينزلوا سويا إلي الاسفل ويجدوا والدها منتظرهم و..
فتقترب رنا وهي تحتضن والدها: حمدلله على السلامة يا بابي
عبدالله بأبتسامة: الله يسلمك
رنا وهي تقدم مالك: دا مالك إلي قولتلك عليه يا بابا
عبدالله: اية الاخبار يا بطل.

مالك بتشنج وهو ممسك برأسه ويرى شيئ في مخيلته: آآه دماغي
رنا بقلق: مالك؟!
مالك بأرتباك: آآ م مفيش حاجة، وينظر لوالدها: الحمدلله، معلش انا متقل عليكووا بس رنا قالتلي ان حضرتك ممكن تشوفلي شغل
فينظر له عبدالله بعتاب ويرد: ايوة حاضر بس اية متقل عليكوا دي، انت زى ابني يا مالك، انت ممكن تشتغل معايا ف الشركة بتاعتي اى حاجة
مالك بأمتنان: ربنا يخلي حضرتك، تمام.

بعد مرور شهر في ألمانيا ( برلين )
رنا في غرفتها وهي نائمة على السرير على بطنها وتحرك رجليها وشعرها مفرود بشكل دائرى جميل وتضع الهاتف على اذنها وهي تتحدث لصديقتها المقربة نور و...
رنا: مش عارفة يا نور انا مش عارفة اعمل اية
نور: ما انا قولتلك من البداية يا رنا قولتلك انك كدة هتندمى وهتكررى نفس الغلطة من ساعة ما سمتيه مالك
رنا: ماتقلبيش عليا المواجع وحياة ابوكى
نور: طيب، يعني هتقوليله؟!

رنا: مووش عارفة بس اكيد مش واحد معرفهوش هروح اقوله ثوانى يا كابتن انا بحبك
ليسمع مالك الحديث فجأة وهو يكاد يدق على الباب و...
مالك لنفسه: هههههه شوفت اهي طلعت بتحب غيرك
لا لا طب ازاى
عادى هي كانت بتعاملك بلطف وانت افتكرته حب زى العبيط ووقعت على وشك ع طول
افففف اسككككت بقاا
ويدق الباب و...
رنا: طب سلام دلوقتي يا نور، هكلمك شوية كدة.

وتغلق الهاتف وتعتدل في جلستها وتنظر في المرأة وتظبط شعرها وتفتح الباب لترى مالك يقف وهو يضع يده في جيبه وينظر لها و...
رنا: اية يا مالك جيت امتي
مالك وهو ينفخ: هييييح جيت دلوقتى
رنا: مالك في اية؟
مالك وهو ينظر للجهه الاخرى: مفيش، انا كنت عاوز انقل اى بيت تانى بس باباكى اصر انى افضل هنا.

في مصر ( القاهرة ) داخل قسم شرطة الجيزة
في مكتب الرائد حسام الدمنهورى خالد ومصطفى و...
يجلس خالد يفكر بحزن في هذه المعضلة وحبيبته التي توفت فداء للوطن وفجأة يضرب المكتب بيده ويتحدث بعصبية بالغة: انا لازم افتح الدرج والخزنة
مصطفى بتفكير ايضاً: طب الدرج مقدور عليه انما الخزنة ازاى
خالد: معررررفش هنتصرف ثم يلمح حديدة بجانب الدولاب فيذهب ويمسكها و..
مصطفى بخضة: هتعمل اية يا مجنون
خالد: هفتحه.

ويمد يده بتلك الحديدة ويخبط القفل الخاص بالدرج عدة مرات فيفتح القفل ويمد يده داخل الدرج فيجد اوراق فيمسكها ويفتحها ويبدأ بالقراءة و...
خالد: يا نهااار اسوود دي مستندات توديهم ف ستين داهية بس دول مش سهل يدخلوا السجن ويقرأ مرة اخرى و...
خالد والدموع في عينه: يمكن قتلوا ندى عشان هي إلي كانت هتفضحهم بالورقا والله اعلم فين حسااام دلوقتي.

في ألمانيا ( برلين ) في احدى الشقق المتوسطة
يجلس شخصان الاول يدعي فهمي و يرتدوا ملابس باهظة إلي حدا ما ويرتدوا بنطلون جينز وتيشرت وجاكت وبه فرو وهم صامتون ليقطع ذلك الصمت
صوت الرجل بحزن: وحشنى اووى يا فهمي
فهمي وهو يمط شفتيه في عدم رضا: منا عارف يا باشا
الرجل: كان نفسي انقذه بس مش عاارف مش عااارف
فهمى وهو ينظر له بجدية: كان في ايدك تنقذه يا باشا بس آآآ.

الرجل بحدة: اخرررس، كنت هتقتل والله كنت همووووت
فهمي: والراجل الكبير المرة دي هيطلع طالعة انما ايية عالية اووى بما انه خلص من البت الصحفية دي
الرجل وهو شارد: عااارف عاااارف وبيقول هتكوون من ألمانيا كمان.

في ألمانيا ( برلين ) في منزل عبدالله البهنساوى
يجلس مالك في غرفته على وهو يفكر في رنا و...
مالك لنفسه: ياااه يا رنا كان نفسي اقولك انى بحبك اووى، بحبك من اول ما شوفتك مع انى حاسس انى شوفتك قبل كدة بس مش فااااكر وللأسف مش هقدر اعترفلك بحبي كمان
وفجأة تأتي له صور ابيض واسود و...

ناس كتييير يجلسوا في شقة متوسطة ومكونة من ثلاث غرف وصالة ويرتدوا ملابس اسود ف اسوود ومالك يقف يسلم على الناس إلي داخلة بحزن و..
رجل ما لمالك: البقاء لله يا حسام باشا شد حيلك وفي احدى الغرف يدخل مالك على بنت قاعدة في الاوضة وبتبكي وبجانبها كومدينو عليه صورة لها هي ومالك في سرير تانى ومالك يواسيها.

وفي مكان اخر في قسم شرطة في غرفة مكونة من مكتب ودولاب مغلق وخزنة مالك قاعد على مكتبه وبيكتب حاجات في ورق ويخبط الباب فيرتبك مالك ويشيل الورق بسرعة ف الخزنة و...
مالك: ادخل
ليدخل عسكرى ويخبره بقدوم احد الاشخاص فيأمر مالك بدخووله و..
الشخص: البقاء لله يا مالك
ليفوق مالك من ذكرياته ويصرخ
افتكككككككككرت واخيييرا.

في غرفة رنا
رنا في غرفتها وهي تستمع إلي التلفاز وتأكل اللب وتضع رجل على رجل وشعرها مفرود وترتدر فستان قصير يصل إلي الركبة فيفتح الباب فجأة ويدخل مالك وهو مبتسم وبدون مقدماات يحتضن رنل و...
مالك بسعاادة: افتككككرت، افتكككرت يا رنا، انا حساااااام انا اسمي حسام الدمنهورى
لتنصدم رنا جدا.

رواية حلم ولكن للكاتبة رحمة سيد الفصل الرابع

في ألمانيا ( برلين ) منزل عبدالله البهنساوى
وبدون مقدمات يحتضن مالك رنا وبصراخ: افتكككككرت، افتككككرت يا رنا، انا حسام انا اسمي حسام الدمنهورى
وتنصدم رنا جداا وتبتعد و...
حسام: اسف بس الفرحة خلتنى ماخدتش بالي
رنا بأرتباك: احم آآ ولا يهمك، افتكرت اية بقا
حسام: افتكرت آآ ان ان اسمي حسام الدمنهورى وشغال ظابط وحضرت عزاء حد بس ومش فاكر اى حاجة تاني.

رنا وهي تنظر بعيد وتفرك اصابعها بتوتر: آآآ طب ع آآ تمام، احنا هنتصل بدكتور صفوت
حسام بأبتسامة: تمام
وتذهب رنا وهي مرتبكة و...
حسام لنفسه: دي اية إلي حصلها دي كأنى قولتلها اني افتكرت ان انا مجرم
ويمشي يده على شعره الناعم ويقف امام المرأة و...
والله وطلعت ظابط، مش شغال حتت صبي شاى في شركة ع اخر الزمن، المهم انزل مصر في اقرب وقت اكيد ليا اهل وناس هناك.

في منزل نور ( صديقة رنا )
تجلس وهي تشاهد التلفاز بتركيز وتتكأ على الكنبة ويدق الباب فتقوم نور وتسير ببطئ وتفتح العين السحرية لتتأكد من شكوكها و...
نور لنفسها: يوووه بقا انا مش هخلص
وتأخذ نفس عميق ثم تفتح الباب و...
اهلاً يا استاذ احمد، خير؟
احمد: انا آآ كنت طالع و، وقولت اعدى اشوفك محتاجة حاجة ولا لا
نور بأبتسامة صفراء: لا متشكرة لو محتاجة مش هتردد اطلب من حضرتك
احمد: طيب، اسف على الازعاج.

ويدير ظهره ويذهب وتنفخ نور ثم تغلق الباب وتذهب لغرفتها
ف نور منذ وفاة والدايها وهي تعيش في منزلها وحيدة وليس لها اخوات واحمد جارها العاشق دائما ما يزعجها على امل ان تحبه في يوماً ما ولكن نور ما يهمها هو عملها فقط ف نور تعمل مصممة ديكور وفي غرفتها
تفتح الدولاب الخاص بها وتبحث عن شيئ ما وتأخذ صورة جماعية لها ولوالديها وتنزل دمعة منها وتمسح دموعها وتعدل شعرها و...

وحشتونى اووى يا بابا، كان نفسي تكونوا معايا، ماكنش حد هيقدر يضايقني ولا يجي يقولى عايزة حاجة ولا كنت هبقي محتاجة حد والله في وجودكوا، ربنا يرحمكوا
وتأخذ الصورة في حضنها وتتمدد وتغط في نوم عميق.

في منزل عبدالله البهنساوى
يصل الطبيب صفوت إلي المنزل ويحكي له حسام على ما تذكره و...
صفوت: غالباً انت خلاص افتكرت نص حياتك والنص التاني هتفتكره قريباً بس ارجع واقولك ماتضغطش على نفسك عشان دا ممكن يكون له تأثير سلبي عليك
حسام: حاضر
صفوت: وخد الدواء دا وهتفتكر كل حاجة قريباً ان شاء الله
رنا بأبتسامة: شكرا يا دكتور
صفوت: عفوا ويلم صفوت شنطته والحاجة وينزل ورنا توصله لتحت وتطلع لحسام تاني.

في مصر ( احدى الاحياء الشعبية )
سيدة ما ببكاء: نفسي اشووفها يا عبده
رجل بصوت رخيم: هتشوفيها هتشوفيها
السيدة: حاسه اني مش هشوفها قبل ما اموت
الرجل بزعيق: ما تسكتي بقا وتبطلي ندب مش انتى إلي سبتيها من البداية دا اية القرررف دا
لتجلس تلك السيدة تبكي وتندب حظها الذي جعلها تفرط في ابنتها الوحيدة.

في مصر ( المقطم ) داخل احدى الشقق
يجلس فهمي ورجل اخر في غرفة ما والرجل جالس على الكرسي ويضع رجل على رجل ويمسك سيجارة بيده ويدخن بشراهه وهو ينظر لفهمي و...
يعني الواد رجعتله الذاكرة وهيقرفنا بقا
فهمي: اه يا باشا عشان كدة الراجل الكبير بيفكر يتخلص منه
الرجل بصدمة: لا، يتخلص منه لا
فهمي بأستغراب: لا لية يا باشا هو يخصك.

الرجل وهو يقوم ويذهب للشباك: آآ لا بس كدة هنروح ف الرجلين عشان معروف ان كان ماسك قضيتنا وماتنساش ان الراجل الكبير مجهول لاى حد واحنا بس إلي نعرفه يعني احنا إلي هنشيل الليلة
فهمي بتفكير: امممم مش عارف، احنا عبد المأمور بس انا هتكلم معاه ف كدة اكيد.

في منزل عبدالله البهنساوى
يعود عبدالله من عمله وهو في غرفته تأتي له رنا و...
رنا بهدوء: بابي عايزة اتكلم معاك شوية
عبدالله وهو يخلع الجاكيت: قولي يا رونى
رنا وهي تعدل القُصة: آآ انا يعني آآ بصراحة كدة ومن غير لف ودوران بحب
عبدالله بضحك: هههه وبتحبي مين بقا
رنا بتوتر اكثر: آآ بحب ب بحب مالك آآ قصدى حسام
عبدالله وهو عاقد حاجبيه: حسام مين!

رنا: ماهو مالك رجعتله الذاكرة وافتكر انه اسمه حسام و، ويعني بيفكر يرجع مصر
عبدالله فاغراً شفتيه في صدمة: رجعتله الذاكرة وهيرجع مصر وانتى بتحبيه!
رنا: ايوة بس مارجعتلوش كلها هو افتكر اسمه وانه شغال ظابط بس
عبدالله وهو يفك الجرافته: اممم، طب بصي بقا يا رونى يا حبيتي، دا ولا من مستوانا ولا من بلدنا ولا نعرفه وشيلي الموضوع دا من دماغك خااالص لانه مستحييل.

رنا وهي تدب على الارض: لييية يا بابا لية مش كل حاجة الفلوس
عبدالله بصرامة: النقاش انتهي ويدخل إلي الحمام الخاص بغرفته تاركاً رنا تشتعل غضبا
وحسام يستمع إلي حديثهم صدفة بسبب صوتهم العاالي وتلقلق عيونه بالدموع فيدق الباب وفي نفس اللحظة يخرج عبدالله من الحمام و...
مالك بجمود: انا نازل مصر على اول طيارة وخطيبتي هتستنانى في المطار
لتنظر له رنا وعبدالله بصدمة و...
رنا: هااا.