رواية ابنة الوزير

رواية ابنة الوزير بقلم حنين محمد الفصل الثامن

جاءت شمس صباح يوم الجمعه وعند الحادية عشرة كان كلا من تيمور و نور في المول وخلفهم الكثير من الحرس فنظرت نور الي ساعتها قائله:
- هي أتأخرت كده ليه ؟
تحدث تيمور قائلا:
- اهي هناك دقيقه هروح اجيبها، أربطي الكوتشي بتاعك مفكوك
ذهب تيمور و احتضن جيهان بقوه ثم اخدها ليعرفها علي نور التي كانت ما زالت تربط حذائها فتحدث تيمور قائلا:
- نور !

انتهت نور ورفعت رأسها ووقفت و صدمت عندما رأت جيهان وكذلك صدمت جيهان فنظرت نور الي تيمور وظهرت الدموع في عيونها قائله:
- ه هي دي جيهان خطيبتك ؟
امسكت جيهان نور من ذراعها بقوه قائله:
- انتي تاني انتي ايه الا بيحدفك عليا هااه
ابعد تيمور جيهان عن نور قائلا:
- فيه أيه بس فهموني
تحدثت جيهان بسرعه قائله:
- البت دي هزقتني في وسط الجامعه كلها من 4 سنين وقالت اني ماشية مع واحد ونايمة معاه.

ضم تيمور حاجبيه بصدمة قائلا:
- جيهان أنتي بتقولي ايه ؟ نور متعملش كده !
- لا عملت وخلت سمعتي زي الزفت في الجامعه في اخر سنتين ليا فيها
- انتي أكيد غلطانة، بقولك نور متعملش كده أبداً
نظر تيمور الي نور وجد دموعها تهبط بسرعه فتحدث قائلا:
- أتكلمي يا نور، قولي اللي جيهان بتقوله ده صح و حصل فعلا ؟
كانت نور ستتحدث ولكن تحدثت جيهان قائله:
- انت كمان مش مصدقني و بتسألها يا تيمور! بقولك هي عملت كده أفهم بقاا.

نظر تيمور الي نور وهو لا يصدق انها من الممكن ان تفعل هذا فتحدثت نور قائله:
- انا ماشية يا تيمور، و انت خليك مع خطيبتك
امسكها تيمور من ذراعها بقوه قائلا:
- مش هتمشي قبل ما افهم كل حاجه اتكلمي ي نور قوليلي ايه الا حصل
تحدثت جيهان بقوة و صريخ:
- ما تتكلمي ولا القطة أكلت لسانك ؟
بكت نور بقوة قائله:
- ده كدب أنا معملتش كده.

أرتفع صوت جيهان أكثر قائله:
-أنتي كمان بتكدبي
رفعت يدها لتصفعها فأوقفها تيمور وامسك يدها بقوه قائلا:
- انتي اتجننتي ي جيهان بتعملي ايه يلا علي البيت وكلامنا بعدين
- نعم! و الحاجات اللي أتفقنا نجيبها النهاردة !
- مش وقته يا جيهان امشي
- ماشي يا تيمور براحتك
ذهبت جيهان ونظر تيمور الي نور و تحدث قائلا:
- هتجيبي ايه ؟او تحبي نبدأ منين ؟

نظرت نور اليه وتحدثت بصعوبة قائله:
- انا معملتش كده يا تيمور
- الموضوع ده نتكلم فيه بعدين أتفضلي
سارت نور والجميع خلفها وبدأت في شراء ما ينقصها من ملابس و مستلزمات ثم وقفت امام محل لبيع ملابس السباحه قائله:
- معلش ممكن تستنوني هنا
- سبق و قولت احنا
قاطعته نور و أكملت:
- عمي و خرس و طرش عارفة بس بردوا محدش هيدخل معايا.
- مش هينفع سيادتك.

تحدثت نور بتفكير:
- خلاص انت بس الا هتدخل وده اخر كلام
نظر الي الحراس و امرهم بالبقاء ثم دلف خلف نور وظلت تبحث عن قطعه مناسبة الي ان امسكت بواحده فأمسك تيمور بيدها بسرعه قائلا:
- قولتلك امبارح انك زي اختي و اسف لو هتدخل بس لو هتلبسي بكيني البسيه محترم مش كده ابدا.

أبتسمت نور بخجل قائله:
- و هو فيه بكيني محترم أصلا
- فيه بس انتي دوري و سيبي الا مش هيكون مخبي اي حاجه ده اصلا وافتكري ان البيكيني ده هيتلبس في وسط جروب كامل من صحابك في الجامعه وممكن اي حد يصورك و ينزلها علي النت و هتكون فضيحه
هزت رأسها بأقتناع قائله:
- معاك حق، هدور علي حاجة تانية.

ظلت تبحث عن ما يناسبها الي ان وجدت ما تريده ويرضي تيمور وبعد ساعه خرجا من المحل فتحدث تيمور قائلا:
- خلاص كده سيادتك ولا لسه فيه حاجة كمان ؟
تحدثت نور بأبتسامة قائله:
- بصو هو انا خلصت بس انتو لسه مبدأتوش
لوي تيمور فمه بحسره علي ما تريد و تحدث قائلا:
- قصد سيادتك ايه ؟

تحدثت نور الي الجميع قائله:
- بصوا انتو في المخيم مش هتكونو حراس انتو ناس عاديين جايين مخيم زيكم زينا مش عاوزة اشوف اي بدل اللبس هيكون كاجول و هتاخدوا راحتكم علي الاخر و تيمور النهارده هيعمل مخطط كل 2 هيخرجوا ساعة واحدة يجيبوا الا ينقصهم في المخيم اي حد مش هينفذ الاوامر هيترفد، و لا أنت ايه رأيك يا تيمور
أبتسم تيمور بسخرية:
- الرأي رأي سيادتك ي انسه نور مقدرش اقول لا اتفضلي علي البيت
خرجوا جميعا من المول و انطلقوا الي الفيلا و بمجرد خروجهم من السيارة اسرعت نور الي الداخل قبل ان يمسك بها تيمور الذي جلس بجانب عبدو و قص له ما حدث فتعالت ضحكات عبدو قائلا:
- لا حلوه الفكره دي خلاص انا هخرج الحرس أتنينات زي ما هي قالت كده لحد ما يخلصوا و انت قوم خد شاور كده شكلك اتشويت النهارده وراها
- فعلا مش عارف بيطولوا كده ليه وهما بيعملو شوبينج يلا انا قايم.

ذهب تيمور الي غرفته واخذ حمامه انتهي وارتدي ملابسه و خرج الي نور و دق علي باب غرفتها ففتحت له بابتسامه قائله:
- كنت مستنياك عارفه انك هتيجي تكلمني بخصوص الا حصل النهارده في المول والا هخلي الحرس يعملوه بس بلاش تبقي اجازة ليا لوحدي خليها لينا كلنا
- انا جاي فعلا علشان الا حصل النهارده في المول بس مش علشان كده علشان جيهان ممكن نتكلم
اختفت ابتسامتها و ابتعدت عن الباب فدلف تيمور فأغلقت الباب خلفه و اخذت نفس طويل ثم جلست بجانبه علي الاريكه فتحدث تيمور قائلا:
- ممكن بقي تحكيلي ايه اللي حصل زمان ؟

هبطت نور بأنظارها منه قائله:
- بس أنا مش عاوزة اتكلم
امسك تيمور وجهها بين يديه و جعلها تنظر في عينيه قائلا:
- بس انتي هتتكلمي ي نور يلا اتكلمي ارجوكي بس عرفيني في ايه
بدأت نور في السرد و دموعها تهبط قائله:
- في اول سنه ليا في الكليه كانت جيهان في سنة رابعة ووقتها مكنش ليا اي اختلاط بيها لحد ما في يوم شوفتها مع واحد زميلها في مدرج فاضي وكانو بيعملوا حاجات مش كويسة
تركها تيمور بصدمة و تحدث بتلعثم قائلا:
- م مش كويسة أزاي يعني ؟
صمتت ولم تتحدث فأكمل تيمور قائلا
- طب كملي و بعدين حصل أيه ؟

أكملت نور و هي تمسح دموعها:
- بعدين اما شوفتها تاني اخدتها علي جنب وقولتلها الا انا شوفتها و حذرتها من الا هي عملته وانها لو كررتها تاني انا هروح اقول لعميد الكلية وهيرفدها وقتها كدبتني وقالتلي اما يبقي معاكي دليل ابقي اتكلمي وبعدين شوفتها تاني مع نفس الشاب ده وقتها انا صورتها وبردوا روحتلها تاني وقولتلها الدليل اهوه ومتتكررش تاني اتريقت عليا وقالت اني لسه عيلة و مش فاهمه حاجه وانهم متجوزين واني لو روحت وقولت لأي مخلوق هتعمل حاجه مش هتعجبني وقتها يارا قالتلي ان احنا لازم نوصل الموضوع ده للعميد والا هي هتسوء فيها وفعلا روحنا لعميد الكلية وقولناله الا حصل بس من غير ما نوريله الصور الا انا صورتها وبعدين تاني يوم لقينا شاشة عرض كبيرة في نص الكلية والكل واقف حواليها وقفنا معاهم اما نشوف في ايه ولما جيهان جت اتفتح فيديو ليها مع الولد نفسه بس كانو في شقة مش في المدرج وجيهان كانت هتترفد بس دفعت رشوة وفضلت موجوده ومن يومها والشاب ده مظهرش تاني و بعدين لما دخلت سنة تانية كانت مستقصداني و مرة دخلت الكلية لقيت صور ليا مش كويسة خالص علي الحيطان كلها و في الارض وكل واحد من الطلبة كان معاه صورة شكل روحت للعميد وقولتله ان الكلام ده كدب و محصلش واني مش عارفة مين ممكن يعمل كده ولانها صور سهل تتفبرك العميد صدقني وخصوصا انه عارف ان سلوكي كويس وبعد كام يوم عرفنا ان الا عمل كده هي روضة صاحبه جيهان بس دي بقاا اترفدت بس هو ده كل الا حصل بيني وبين جيهان.

امسكها تيمور بقوه من كتفيها وقربها اليه قائلا:
- نور أنتي مش بتكدبي صح !
- والله العظيم مش بكدب ولو روحت الكلية هتتأكد من العميد بنفسك والله هو ده كل الا حصل
- فعلا يلا هنروح الكلية يلا قومي
اوقفته نور سريعا قائله:
- استني بس النهاردة الجمعة مفيش كلية
- عارفة بيت العميد ده فين !؟

هزت رأسها بالايجاب فأمسك بيدها و خرجا من الفيلا وركبا السياره وحدهما و انطلقا الي منزل العميد حسب ارشادات نور الي ان وصلا ثم دق تيمور الباب بهدوء و ثواني و فتح له العميد سعيد قائلا:
- أي خدمة ؟ أيه ده نور بتعملي أيه هنا ؟
تحدث تيمور بجدية شديدة قائلا:
- محتاج اتكلم مع سيادتك شوية
- اتفضلوا جوه
دخلا الي بيت العميد وجلسوا جميعا فتحدث سعيد قائلا:
- في أيه ؟

تحدثت نور بخوف نوعاً ما:
- حضرتك تيمور كان عاوز يعرف المشكله الا حصلت من 4 سنين بيني أنا و جيهان
ظهر الاستغراب علي وجه سعيد قائلا:
- ليه هو فيه حاجة ؟
تحدث تيمور بنفاذ صبر:
- انا الحارس بتاعها و لازم اعرف كل حاجه عنها و كل خناقاتها علشان اعرف مين ممكن يكون خطر عليها
- طيب الحكاية بدأت لما نور شافت جيهان مع عزت في مدرج لوحدهم
بدأ سعيد في السرد واستمع له تيمور و الدماء تغلي في عروقه الي ان انتهي فوقف تيمور واوقف نور قائلا:
- متشكر جدا يا فندم و أسف لو ازعجناك.

وقف سعيد قائلا:
- لا ابدا مفيش ازعاج ولا حاجه بس استنوا اقعدوا لسه مشربتوش حاجه
- مرة تانية يا فندم، بعد أذنك
ذهب كلا من تيمور و نور الي السيارة و انطلقا الي الفيلا وهبط تيمور وفتح لها الباب واخرجها قائلا:
- اتفضلي علي جوه
- رايح فين ؟
- مشوار هخلصه و أرجع علطول
- تيمور انا اسفه لو كنت عملت مشاكل بجد
ابتسم تيمور في كسرة و سخرية قائلا:
- لا بالعكس انتي فتحتي عنيا علي حاجات كتيرة أوي
صعد تيمور الي السيارة مره اخري وانطلق بها بعيدا فأقترب عبدو من نور قائلا:
- هو فيه أيه يا أنسه نور ؟

التفت له نور بابتسامة قائله:
- ولا حاجة هو قال بس عنده مشوار
دخل حارسان الي الفيلا وفي يد كلا منهما كيس فنظرت نور الي عبدو قائله:
- برافو عليك ي كابتن اوعي تنسي تروح انت كمان بقاا
ابتسم عبدو قائلا:
- أوامر سيادتك يا فندم
دلفت نور الي الداخل و بعد ساعات عاد تيمور ووجدها تسبح في الماء نظر حوله رأي ان الجميع مشغول فيما يفعله ولا احد يراها فوقف امام المسبح قائلا:
- بتعملي أيه يا نور ؟

نظرت له نور ومسحت وجهها من الماء قائله:
- في المخيم ناس كتير اوي بنزلوا الماية و بيعملوا مسابقات سباحه بس انا مش بعرف اعوم فبحاول اهوه
- مش هتتعملي العوم لوحدك او في يوم واحد ده بيكون عامل زي الكورسات عملي و نظري فهمتي
نظرت الي يده ولم تري دبلته فأقتربت منه وهي ما زالت في الماء و امسكت بيده قائله:
- فين دبلتك يا تيمور ؟
مد تيمور يده الاخري ها ليخرجها من المسبح قائلا:
- راحت لصاحبتها
مدت له يدها فحملها و اخرجها من المسبح فتحدثت قائله:
- بسببي ؟

هز رأسه بالنفي و هو يعطيها المنشفة قائلا:
- لا بسببها هي أنتي ملكيش دعوة بحاجة
نظر الي رقبتها ووجد سلسله رقيقة من الالماس فأمسكها بيده قائلا:
- مينفعش تنزلي بالحاجات دي الماية
- دي بابا جابهالي و وعدته مش هقلعها خالص من رقبتي
هز تيمور رأسه بتفهم فتحدثت نور قائله:
- جهزت شنطتك ؟

- لا لسه هروح اجهزها
- طب ممكن اجي معاك أساعدك
أبتسم لها تيمور قائلا:
- تنوري
سارا معا الي الداخل و تحدثت نور قائله:
- انت عارف لما بابا بيسافر في اي مكان انا الا بوضبله الشنطة بشوف ايه ممكن يحتاجه هناك وايه لا و ارتبله كل حاجه وهناك مش بيكون ناقصه اي حاجه
- شكلك شاطرة أوي في الموضوع ده
- راشد علطول بيقولي كده ولما بيكون جايب معاه شنطة بوضبهاله وهو ماشي وساعات لما يكون هيسافر في اي مكان وانا مش في نفس البلد بيكلمني فيديو كول و اقوله يجيب ايه ومش يجيب ايه.

فتح لها باب غرفته وتقدمته وهو يتحدث قائلا:
- طب كويس انك شاطرة لان في المواضيع الا زي دي فاشل شوية خلود علطول هي الا بترتبلي الشنطة
اغلق الباب خلفهما واحضر لها شنطة السفر الخاصة به فتحدثت نور بانبهار قائله:
- اوه ماي جاد انت جبتها ؟
- انا كل ما بطلبها بتكون خلصت دي ماركة عالمية و ممكن نحط فيها البيت كله واحنا مسافرين
فتح لها الحقيبة قائلا:
- فعلا معاكي حق هي عمليه جدا غير انها ماركة كبيرة ليكي عليا لو لقيتلك واحده هجبهالك
- وتكون لونها ابيض علشان انت تكون بتاعتك اسود وانا بتاعتي ابيض اوكي
- خلاص أوكي.

فتح لها خزانة ملابسه وبدأ هي بوضع الثياب التي تناسب المخيم فأمسكت يدها قائلا:
- علفكره فيه بنطلونات جينز جنبك اهيه كلو قصير و برمودات بس
- علفكره الجو هناك هيكون حر جدا و مش هتعرف تتحرك بالجينز وبعدين قولتلك ده اختصاصي اتطمن، بس انت هدومك شيك أوي و كلها علي الموضة
- طبيعي اي حد بيحب يمشي علي الموضه ويلبس احسن حاجه
- مش علطول علفكرة، هات الشامبو بتاعك و حاجتك اللي في الحمام
- اوكي
بعد ما يقارب نصف ساعة انتهو من توضيب الشنطة فابتسم تيمور قائلا:
- معلش تعبتك معايا
- ولا تعب ولا حاجة

جاء صباح يوم المخيم والتقوا يارا و ياسمين و نور امام الحافله التي ستنقل المسافرين الي المخيم وسلمن علي بعضهن فتحدثت يارا بخجل قائله:
- اعرفكم ي بنات مروان ابن خالتو مروان دول اصحابي ياسمين ونور
مد مروان يده بابتسامة اليهن وسلم عليهن قائلا:
- يارا حكتلي عنكم كتير و خاصة نور مش بتبطل كلام عنك
تحدثت ياسمين بغيظ من وسامة مروان وانه قادم مع يارا قائله:
- يارا كمان مش بتبطل كلام عنك ي مروان احنا ملناش سيرة غيرك.

نظرت يارا الي ياسمين بضيق من احراجها بهذا الشكل بينما ابتسمت نور قائله:
- هي يارا حكت عنك اكيد بس ياسمين بتحب تأفور بس الاول قولي كلامها عني حلو ولا يودينا في داهيه
ابتسم مروان لها وهو يعلم انها تحاول اخفاء كلمات ياسمين قائلا:
- طبعا كويس يارا بتعتبرك صحبتها المقربة و اكتر من اختها كمان وانا سعيد جدا اني اتعرفت عليكي
تحدثت يارا قائله:
- مروان في سنة 5 صيدلة يا نور وعملها مفاجأه الصبح عدي عليا وقالي انه جاي معايا المخيم
- اممم لا ده احنا كده نيجي ناخد الدوا ببلاش بقاا من عندك.

تحدث مروان قائلا:
- بعد الشر عن الكل بس طالما تبع يارا يبقي المكان كله تحت امرك
تحدث مشرف الرحلة:
- يلا ي شباب اركبوا علشان نتحرك
تحدث تيمور قائلا:
- يلا يا أنسه نور علشان نتحرك أحنا كمان
تحدثت نور بسرعة:
- تيمور نسيت اعرفك علي مروان ابن عمة يارا مروان ده تيمور البادي جارد بتاعي
- اهلا ي استاذ تيمور خد بالك من نور كويس بقاا علشان يارا متقدرش تستغني عنها
- انسه نور في عيني اكيد عن اذنكم.

تحدثت نور قائله:
- باي نتقابل في المخيم بقاا
- باي
ذهبت نور مع تيمور و صعدا الي السيارة و كذلك صعد الطلاب الي الحافله وبدأت الرحله الي المخيم في شرم الشيخ...

رواية ابنة الوزير بقلم حنين محمد الفصل التاسع

بعد عده ساعات وصل الجميع الي صحراء واسعه بجانبها بحيرة كبيرة وكانت السماء صافية ولكن الطقس كان شديد الحرارة هبط تيمور من السيارة وفتح الباب فهبطت نور وظلت تنظر حولها بانبهار قائله:
- وااااو المكان يجنن بس الجو حر اوي
تحدث تيمور قائلا:
- استني بس هننصب الخيم قدام البحيرة دي و هيكون الجو كويس اوي.

تحدث مشرف الرحله دكتور محمد قائلا:
- يلا ي شباب هنبدأ بنصب الخيم هنا قدام البحيرة النهارده هيكون يوم تجهيز وتهيأت المكان علشان نفضل فيه بعد ما ننصب الخيم هنبدأ نفرش المكان هنا علشان نقعد سوا بالليل لان الجو بيكون برد بالليل و هنشغل النار و هناك هنظبط الاستيدج علشان الرقص وهناك البار و مكان الاكل يلا بقاا شدوا حيلكم وهنلحق نخلص بسرعه ان شاء الله خلينا نقسم نفسنا الشباب هينصبوا كل الخيم والبنات هيبدأوا بترتيب اماكن الجلوس و البار ومكان الطبخ وبعد كده الشباب والبنات هيساعدو بعض و نعمل الاستيدج، بالنسبة لحرس نور هيكونوا في راحه تامة و لانهم مش من ضمن برنامج الرحله الا اذا حبوا يساعدوا.

تحدثت نور بسرعة قائله:
- نو واي، الحرس هيشتغلوا زينا بالضبط وتقدر حضرتك تعبرهم من ضمن افراد المخيم عادي جدا
تحدث دكتور محمد:
- براحتكم القرار في ايديكم يلا اتفضلوا ابدأو.

وضع الجميع كل الخيمات في مكان واحد ونظر الشباب الا بعضهم البعض من كثره العدد وبدأوا في نصب الخيم بينما ذهبت الفتيات لتوضيب المكان خلع تيمور قميصه من شده الحر و ظل بتيشرت حمالات باللون الاسود وامسك بالخيمه الخاصة بنور وبدأ في نصبها في اقرب مكان امام البحيرة وكذلك فعل باقي افراد طقم الحراسة اللذين اختلطوا مع الشباب بشكل كبير وكانو مراقبين من عيون الفتيات التي تأملوهم وبدأ الهمس بينهم عن جمالهم نظرت نور الي تيمور وابتسمت واكملت ما كانت تفعله وكذلك هو نظر لها و راقب حركاتها فترة ثم عاد الي ما كان يفعله اما ياسمين فكانت تقف بجوار نور و يارا ينظمون الكؤوس علي البار فكسرت ياسمين احد الكؤوس بقصد فنظرت نور و يارا لها سريعا و اقتربا منها فتحدثت نور قائله:
- ياسمين انتي كويسة ؟

اجابتها ياسمين:
- اه كويسة، الكاس أتكسر بس
تحدثت يارا بطيبة:
- عادي كملي انتي اللي كنتي بتعمليه و انا هلم الازاز
بدأت ياسمين بالتمايل وكأنها ستفقد وعيها قائله:
- أنا دايخة أوي
وفي ثواني كانت قد وقعت علي يارا التي وقعت علي الزجاج المكسور و صرخت بقوه بينما مثلت ياسمين الاغماء نظر مروان و تيمور و مشرف الرحله الي يارا وياسمين و اقتربوا منهم بسرعه فتحدثت تيمور بسرعه وهو يبعد نور قائلا:
- نور انتي كويسة ؟

تحدثت نور بقلق و لهفة قائله:
- كويسة بس شوف يارا و ياسمين بسرعه يارا اكيد اتعورت
حمل دكتور محمد ياسمين ووضعها علي احد الكراسي ليسمح لمروان ان يري يارا فأسرع مروان و حملها ووضعها علي احد الكراسي وامسك بذراعها الذي به قطعة زجاج وينزف بشده قائلا:
- يارا اهدي اهدي بطلي عياط متقلقيش ده جرح بسيط
تحدثت دكتور محمد بصوت عالي:
- حد يجيب ماية بسرعة.

احضرت نور زجاجه ماء و اعطتها لمحمد حاول ان يفيق ياسمين بينما امسك مروان برأس يارا ووضعها علي صدره واحتضنها بقوه قائلا:
- أهدي خالص أوكي، هتوجعك شوية بس
امسكت بقميصه بقوه وتحدثت ببكاء قائلا:
- لالا و النبي يا مروان بتوجع لا
امسك مروان بقطعه الزجاج واخرجها ببطء وسط صراخها وبكاءها بينما فاقت ياسمين ونظرت اليهم في غيظ شديد فقد فعلت كل هذا لتلفت نظر مروان و الان هو يحتضن يارا التي تبكي انتهي مروان واحضر له تيمور علبة اسعافات اولية و بدأ مروان بتطهير الجرح ثم وضع عليه الشاش ونظر الي محمد قائلا:
- بعد اذنك يارا مش هتقدر تكمل اي حاجه ولازم ترتاح انا ممكن اعمل بدالها الا حضرتك عاوزة.

تحدث محمد:
- لا لا مفيش داعي خدها انت خليها ترتاح والبنات هيكملوا الشغل
امسك مروان بيد يارا وذهبا سويا الي خيمتها التي نصبها لها قرب خيمته وجعلها ترتاح بها ثم خرج يكمل ما عليه من واجبات بينما نظر محمد الي ياسمين قائلا:
- انتي كويسة يا ياسمين ؟
- ايوه يا دكتور كويسة
- طب الحمدلله يلا أتفضلي كملي، يلا يا شباب كل واحد علي شغله.

ذهب محمد يكمل عمله مع الشباب و عاد كل شخص الي ما كان يفعله وانتهو جميعا عندما حل الليل وجلس الجميع حول النار يتحدثون وجلس تيمور الي جانب نور و احضر مروان يارا وجلس بجوارها بينما جلست ياسمين بجانب يمني التي تحب اخيها حسن فتحدث محمد قائلا:
- ها يا شباب تحبوا تعملوا ايه دلوقتي ؟
تحدث أحد الشباب قائلا:
- احنا اكلنا و اظن بقاا فينا باور زي الاول يلا نقوم نرقص.

وافق البعض و عارض الاخرين فأتفقوا علي ان يفعل كل شخص ما يريد وقفت يمني وذهبت الي الدي جي و شغلت اغاني اجنبية ثم عادت اليهم قائله:
- يلا هنعمل مسابقة هنختار 10 كابل من دلوقتي هينافسوا بعض طول المخيم واعتبروني انا منظمة المسابقات اوكي
وافق الجميع علي هذا الاقتراح وبدأ الكثير في الدخول في المسابقة و لكن العدد لم يكفي لبدأ المسابقة فتحدثت يمني قائله:
- أيه يلا ناقص 3 بس
رفع مروان يده قائلا:
- أكتبي أسمي أنا و يارا.

تحدثت ياسمين قائله:
- بس يارا تعبانة وكده احتمال الخسارة ليك كبير
- مش مهم بردوا هندخل انا وهي ولا انتي عندك اعتراض ي يارا
نظرت له يارا بخجل قائله:
- لا معنديش أعتراض
فكتبت يمني اسماؤهم ثم نظرت الي نور قائله:
- أيه يا نور مش هتشتركي ولا ايه ؟
تحدثت نور وهي تنظر الي تيمور قائله:
- و الله هو أمممم، نشترك سوا ؟

نظر لها بتعجب قائلا:
- أنا و انتي ؟
هزت رأسها مع ابتسامه فتحدث قائلا:
- اوكي أكتبي أسمي أنا و نور
ابتسمت يمني بخبث وكتبت اساميهم ثم نظرت الي الباقي قائله:
- يلا يا جماعة فاضل واحد بس
تحدثت ياسمين بسرعة قائله:
- أنا عاوزة أشترك بس مش معايا شريك
ضحكت يمني قائله:
- طب و احنا نعملها ازاي دي ؟

تحدثت يارا بسرعة قائله:
- عندي فكره احنا نقول اسم ولو موجود هيكون هو الا معاها
تحدث محمد:
- طب و ليه الدوخة دي ؟ أنا ممكن أشترك معاها
ابتسمت ياسمين من هذه الفكره ف محمد وسيم وماهر في فعل كل شئ كما انه معيدها في الجامعه وصغير في السن فتحدثت قائله:
- فعلا ي دكتور فكره كويسة انا موافقه عليها خلاص ي يمني اكتبي اسمي انا و دكتور محمد
- أوكي.

كتبت يمني اسمها و هكذا اكتمل عدد المشاركين فتحدثت يمني قائله:
- اول مسابقة بقاا هنشوف مين الكابل الا هيقدر ياكل الاستيدج ويشعلله نار بالرقص ومن حق كل كابل يختاروا الاغنية الا عاوزينها والا مش مشتركين في المسابقة هما الا هيصوتوا علطول للفريق الا هيفوز يلا نبدأ
بدأت مسابقة الرقص وبدأ كل ثنائي باختيار الاغنية ثم الرقص عليها الي ان جاء دور نور و تيمور فوقفا سويا وذهبا الي زميلها تامر الذي يقف عند الدي جي فتحدث اليهم قائلا:
- أغنية أيه ؟

تحدثت نور بتفكير:
- اممم مش عارفة
أمسك تيمور بيدها قائلا:
- اغنية بيبي لجاستن بيبر
سحبها الي ساحه الرقص واوقفها امامه فتحدثت قائله:
- انت عرفت منين أني بحب جاستن بيبر ؟
- أنا عارف عنك كل حاجة يا نور.

بدأ الموسيقي وبدأ تيمور و نور في الرقص بإحتراف حتي انتهت الاغنية فوقفت نور امام تيمور وهي تنظر له بتعجب و تلتقط انفاسها بصعوبه قائله:
- يخربيتك حتي الرقص محترف فيه
ابتسم تيمور ثم تعالت ضحكاته فأخذها واحضر لها كوب ماء لتشرب ثم جلسا الي جانب بعضهما فتحدثت يمني قائله:
- ما شاء الله شكل تيمور مفيش حاجه بتصعب عليه يلا ي ياسمين انتي و دكتور محمد.

قاما سويا و اختار محمد الاغنية ثم اخذها الي ساحه الرقص وبدأت رقصتهم وسرعان ما انتهو وجلسا ثم تحدثت يمني قائله:
- مروان و يارا سبتكم للاخر علشان يارا تعبانة بس انتو المفروض كنتم هترقصوا قبل تيمور و نور يلا دوركم
وقف مروان و يارا وذهبا الي تامر فتحدث مروان قائلا:
- في قلبي مكان لمحمد محسن
سحب مروان يارا الي ساحه الرقص فتحدثت باحراج قائله:
- انا مش بعرف ارقص ي مروان شكلنا هيكون مسخره
وضع يده علي خدها بابتسامة قائلا:
- سيبيلي نفسك بس وانا اوعدك اننا هنفوز.

ابتسمت يارا وهزت رأسها بالموافقة واشتغلت الاغنية وامسك مروان بيارا وبدأ في تحريكها كما يريد وكان الجميع يتابعهم بابتسامه من جمال الاغنية و رقصهم الذي يتحدث وتنبعث منه المشاعر القوية و الرومانسية وانتهت رقصتهم انها تقف امامه وتلف يدها حول رقبته واضعه جبهتها علي جبهته صفق الجميع بقوه فقد كانت الرقصة الاروع علي الاطلاق ابتعدت يارا عن مروان بخجل فابتسم لخجلها الذي لا ينتهي ثم اخذ بيدها و ذهبا الي مكان جلوسهما فتحدثت يمني قائله:
- واضح ان تيمور ليه منافس قوي النهارده وهو مروان ودلوقتي هنعلن مين الفريق الا فايز.

ذهبت يمني الي كل شخص و بدأت في سؤاله عن ثنائيه المفضل وتسجل الاصوات وانتهت بعد دقائق صغيرة وتحدثت قائله:
- الكابل الفايز في اول مسابقة هما مروان و يارا
تعالت اصوات الصفير و التصفيق بينما كانت ياسمين تجلس وهي تكاد تجن فتحدثت يمني مهدأه للجميع قائله:
- اهدوا بقاا دلوقتي هنشوف ايه الهدية الا الكابل هيطالبوا بيها
- مش عاوز يارا تعمل اي حاجه ابدا طول المخيم هتقعد برنسس طبعا ده مش رخامه ولا اي حاجه بس علشان الجرح الا في ايديها مش بسيط خالص
نظرت يمني الي محمد قائلا:
- أيه رأيك يا دكتور، موافق ؟

- اكيد نوافق ده طلبهم
تحدثت يمني مره اخري قائله:
- ليك طلبك ي مروان ودلوقتي يلا ننام علشان الوقت اتأخر و هنصحي الصبح بدري علشان نبدأ في المسابقة الا بعد كده وعاوزين الكل يكون جاهز لان المسابقة الجاية هتكون في الماية
نظرت نور الي تيمور بزعل قائله:
- شكلنا مش هنفوز في حاجه خالص ي تيمور
تحدث تيمور بابتسامة قائلا:
- مكشرة ليه مش كده يعني عادي دي لسه اول مسابقه
- علشان مش بعرف أعوم كويس و انت عارف
- اتطمني هنشوف هيحصل ايه بكره وبعدين نقرر نكسب او لا اوكي.

هزت رأسها بابتسامة وقام الجميع وذهب كلا منهم الي خيمته وانتظر الجيمع الصباح ليعلموا ما هي المسابقة الجديده وحل الصباح وخرجت الفتيات بملابس البحر و فوقها كاش مايو وخرج الرجال بملابس البحر وفوقها قمصان مفتوحه الازرار نظرت نور الي تيمور قائله:
- صباح الخير
- صباح النور جاهزة ؟

هزت رأسها بالايجاب ثم ذهبا سويا الي مكان تجمع الجميع ووقفت يمني في المنتصف ممسكه بدفترها قائله:
- المسابقة دي هتكون فيها اكتر من تحدي واول تحدي هيكون بين الشباب، الصبح بدري خليت الشباب يحطوا براميل هناك بعيد خالص وكل برميل عليه رقم لحد 10 علي عددكم المطلوب بقاا الشباب هينزلوا الماية وكل واحد هيروح للبرميل الخاص بيه علي حسب الرقم الا هياخده وهيفضل معاه لحد اخر مسابقة وبعدين يرجع تاني تمام نبدأ بقا نوزع الارقام.

بدأت يمني بتوزيع الارقام وجاء مروان في رقم 8 و تيمور 9 و محمد 10 و بدأت المسابقة وكان تيمور هو اسرع المتسابقين وامهرهم فلم يتعدي دقيقتان وكان خارج المياه مره اخري بعد ان نفذ المطلوب منه بينما كان الاخرين في بدايه طريق العودة قفزت نور من السعاده ثم احتضنت تيمور قائله:
- برافو عليك ي تيمور ازاي عملت كده بالسرعه دي.

تحدثت يمني قائله:
- طبيعي تيمور يعمل كده اكيد حاجه زي دي هو متدرب عليها
- فعلا يا أنسه يمني
وبعد خروج الجميع من المياه تحدثت يمني مره اخري قائله:
- كده تيمور فاز في اول جوله بس لسه فيه تاني المطلوب ان كل بنت تروح للبرميل الخاص بيها وفوقه هتلاقي شنطة وفيها حاجات كتير المطلوب بقاا منها تفتح الشنطة وهي في الماية وتقلب فيها وتجيب المفتاح الا جواها.

اعترض الجميع علي هذا التحدي فتحدثت ياسمين قائله:
- انتي كده بتصعبيها اوي علفكره يعني الشباب مجرد سباق و احنا نروح نجيب شنطة ندور علي مفتاح ونطلع بيه
تحدثت يمني مفسره:
- هي دي شروط اللعبه وايوه لازم تصعب شوية شوية و هيكون فيه تحدي تالت للشباب مع البنات سوا والا مش هيقدر ممكن ينسحب عادي
تحدث مروان قائلا:
- يارا هتنسحب من الجوله دي مش هينفع تنزل ماية بجرحها ابدا.

تحدثت ياسمين بسخرية قائله:
- قولتلك هتخسرك وانت مسمعتش كلامي انتو اوريدي في المسابقة دي خسرانين لان الجوله التالته هتكون في الماية بردوا وهي مش هتنزل الماية
خفضت يارا رأسها فياسمين محقة فيما تقوله فجرحها يمثل عائق كبير فتحدث مروان قائلا:
- مش مهم ي ياسمين لان دي مجرد لعبه و تسلية ومتنسيش اننا كسبنا في مسابقة امبارح وكمان متنسيش ان انتي السبب في جرحها ده فبعد اذنك بطلي سخريه منها.

تحدث محمد بسرعه ليقضي علي اي مشاجره قائلا:
- بس بس خلاص يلا نبدأ الجوله دي
اخذ تيمور نور بعيدا عنهم فتحدثت قائله:
- قولتلك هنخسر و انت مش مصدقني
- نور اسمعيني كويس وانا هخليكي تكسبي المسابقه مش انك توصلي الاول المسابقة انك تجيبي المفتاح وتخرجي الاول و الا هيعطل الكل هو انهم هيدوروا علي المفتاح في الشنطة وممكن يقع منهم بس انتي مش هيعطلك حاجه.

تحدثت نور بعدم فهم قائله:
- لافهمني معلش
- بصي عومي بأسرع ما عندك او علي قد ما تقدري و هتجيبي الشنطة بس مش هتفتحيها جوه انتي هتفتحيها بره علي الشط بحيث ميكونش فيه ماية كتير و في نفس الوقت تكوني بتنفذي شروط اللعبه وهي انك هتفتحيها في الماية ولما تدوري فيها تخرجي حاجه حاجه منها لحد ما تلاقي المفتاح فاهماني
تحدثت نور بانبهار قائله:
- هي فكره حلوه بس تفتكر هيوافقوا عليها
هيوافقوا غصب عنهم لان احنا نفذنا الشروط اوكي.

- أوكي
تحدثت يمني قائله:
- يلا ي نور هنبدأ خلاص
ذهبت نور الي موقعها و بدأت الجوله و ظلت تسبح الي ان وصلت للحقيبه واخذتها واقتربت من الشاطئ كثيرا وسط تساؤلات الجميع و تعجبهم مما تفعل ثم فتحت الحقيبة و كل ما يأتي في يدها تلقيه الي ان وجدت المفتاح فخرجت من الماء واعطت ليمني المفتاح قائله:
- المفتاح اهوه انا اول واحده جبته ليكي وكمان جبت الشنطة وفتحتها في الماية بغض النظر عن فتحتها في انهي جزء في الماية
أبتسم محمد قائلا:
- اعتقد دي فكره تيمور علشان تكسبي و فعلا نجحتي فيها و كسبتي.

نظرت يمني الي محمد بغيظ قائله:
- بس يا دكتور
- ولا كلمة ي يمني يمكن انتي مش مقتنعه بس هي فعلا نفذت كل الشروط وكسبت، ي شباب حد يعترض علي فوز نور ولا انا معايا حق وهي فازت فعلا
تحدث احد الشباب قائلا:
- حضرتك معاك حق ي دكتور فعلا نور هي الا فازت
- ايوه نور هي الا فازت
- مينفعش حد يقول انها خسرانه لانها عملت الا انتي طلبتيه ي يمني و جابتلك المفتاح وكانت في الماية
تحدثت يمني قائله:
- خلاص خلاص مبروك عليكي الفوز ي نور
اقتربت نور من تيمور قائله:
- ميرسي.

- ميرسي علي ايه انا قولت بس وانتي نفذتي برافو عليكي بجد
خرج باقي الفتيات واعلنت يمني فوز نور ثم تحدثت قائله:
- حاليا بقاا اصعب جوله و الاخيره كمان شباب روحوا نفذوا
حضر 10 شباب يحملون 10 صناديق مرقمين ثم هبطوا بهم الي الماء وجعلت يمني الجميع ينظر اليها قائله:
- كل كابل هينزلوا الماية سوا هيلاقوا العشر صناديق مش مترتبين المطلوب من كل كابل يلاقوا الصندوق بتاعهم وبالمفتاح الا كل بنت جابته هيفتحوا الصندوق وهيجيبوا الا جواه.

تحدثت احدي الفتيات قائله:
- لا كده بجد صعب هندور ونفتح ونجيب الا جواه طب هيكون جواه ايه طيب
- كل واحد وحظه بس لازم تعرفوا ان الكل لازم يجيب الا في الصندوق لاننا هنستخدمه في التحدي الجاي
تحدث الجميع قائلا:
- تمام
نظرت يمني الي مروان و يارا قائله:
- بردوا مش هتشاركوا صح ؟

هزت يارا رأسها فنظرت يمني الي الباقي قائلا:
- يلا هنبدأ الشباب خرجوا من الماية طبعا الصناديق علي بعد كبير و مش اي حد هيعرف يشوف رقم ايه الا موجود عليها هتتعبوا شوية في التدوير يلا ابدأو
انطلقت صافرة البداية وامسك تيمور يد نور بقوه فتحدثت قائله:
- يلا يا تيمور علشان نلحق
نظر لها ورفع حاجبيه بتسلية قائلا:
- هنلحق فعلا
أبتسمت له بحماس قائلا:
- انت عندك خطة
- طبعا...

رواية ابنة الوزير بقلم حنين محمد الفصل العاشر

نظرت يمني بتعجب الي تيمور و نور اللذان ما زالا يقفا علي الشاطئ و تحدثت قائله:
- في ايه ي جماعه يلا انزلوا الماية علشان تلحقوا تلاقوا الصندوق
- طلبك اننا نجيلك بالا في الصندوق سيبي بقاا موضوع التدوير ده عليا روحي انتي ارتاحي
دخل تيمور الي خيمته وخرج سرعه وفي يده منظار فتحدثت نور قائله:
- دماغك دي معموله من ايه بس.

غمز لها نور ثم استخدم المنظار في ايجاد صندوقهم ووجده بسرعه فرمي المنظار علي الشاطئ ثم نظر الي نور قائلا:
- طبعا انتي مش هتكوني في سرعتي و الموضوع ده هيعمل لينا عطله كبيرة
- ايوه يعني قصدك ايه
- هشيلك علي ضهري و انزل بيكي الماية
نظرت له بدهشه فتحدث قائلا:
- مش وقت استغراب موافقه ولا ايه.

هزت رأسها بالموافقه فحملها علي ظهره و هبط بها الي الماء و ذهب بسرعه الي الصندوق الخاص بهما و وقتها هبطت نور من علي ظهره و اعطته المفتاح ففتحه تيمور و اخذ ما بداخله و عادت نور الي ظهره مره اخري و خرجا الي الشاطئ وكانا الفائزين هذه المره ايضا فتحدثت يمني بلامبالاه قائله:
- كويس أوي مبروك الفوز.

تحدثت أحدي الفتيات:
- بجد ي تيمور انت ازاي كده انت خططتك كلها جامده جدا
تحدث نور قائله:
- تيمور مش تقليدي و بيحب يشغل دماغه علطول ممكن بقاا نفتح الكيس ده و نشوف فيه ايه
فتح تيمور الكيس ووجد به بعض الخضراوات والاسماك وكل منهم في كيس منفصل فنظر ليمني قائلا:
- اوعي تقولي ان المسابقة الجاية هتكون طبخ
- خليها مفاجأة

اما في مكان ثاني جلس عبدو امام حسن قائلا:
- الشنطة وصلت مع ياسمين
تحدث حسن وهو ينفث دخان سجارته قائلا:
- اهاا بس هتسلمها بكره بالليل
- وانت نفذت الا مطلوب منك
- البوص قالي اننا لازم نلاقي طريقة نخلص بيها من تيمور ده خالص
دب التوتر في قلب عبدو فتحدث قائلا:
- فعلا لازم نلخص منه علشان بقاا خطر علينا طب وعندك الطريقة
- اه طبعا عندي هنهدده و نبعده عن نور تماما
- وده انت هتعمله ازاي.

ابتسم حسن بسخرية قائلا:
- بالمدام
تحدثت عبدو بعدم فهم:
- مدام مين ؟ تيمور مش متجوز
- ما انا عارف بالمدام بتاعتك انت خلود اخته
امسك عبدو حسن من ملابسه بقوه و صرخ به قائلا:
- انت اتجننت ياض انت ولا الحشيش طيرلك دماغك اقسم بالله سيره مراتي لو جت تاني علي لسانك لهقطعهولك مراتي ملهاش دعوه بحوارتنا دي و الا هيقرب منها هدفنه مطرحه.

- يبقي تروح تقول الكلمتين دول للبوص ي باشا انا ماليش دعوه انا قولتله وهو قالي امين
- امين دي انا هقولها بعد ما اقري الفاتحه علي روحك ي روح امك
دفعه عبدو بقوه ثم خرج من المكان و صعد الي سيارته و انطلق الي فيلا رأفت وسرعان ما هبط ودق الباب ففتحت له عليا قائلا:
- عبدو باشا ! فيه حاجة ؟
- رأفت باشا موجود ي عليا
- ايوه ي باشا في اوضه المكتب اتفضل اقعد وانا هناديله
جلس عبدو علي احد الكراسي علي احر من الجمر و دقائق وجاءت له عليا قائله:
- رأفت بيه مستني سيادتك جوه في مكتبه
- شكرا يا عليا.

ذهب عبدو الي مكتب رأفت و دلف سريعا و اغلق الباب خلفه ووقف امام المكتب فتحدث رأفت قائلا:
- أقعد يا عبدو
جلس عبدو ثم نظر الي رأفت بغموض قائلا:
- هو انا ي باشا عمري قصرت مع سيادتك او فيه حاجه طلبتها مني و انا منفذتهاش
تحدث رأفت بتعجب قائلا:
لا ي عبدو بتقول كده ليه ؟

- امال ليه ي باشا انت عاوز تأذيني و تبعد تيمور عن نور بتهديدك ليه بمراتي
وقف رأفت وزادت حيرته قائلا:
- مين قالك الكلام الفاضي ده ؟
وقف عبدو هو الاخر و تحدث قائلا:
- حسن ي باشا كنت بسأله هو نفذ الا سيادتك قولتله عليه ولا لأ قالي هينفذه ولما سألته ازاي قالي ههدد تيمور بخلود اخته ولما اتخانقت معاه قالي انه قالك ي باشا وانت وافقت
- حسن قالك كده ؟
- ايوه يا باشا.

جلس رأفت مره اخري و اشار لعبدو ان يجلس قائلا:
- بص ي عبدو انا بعتبرك دراعي اليمين ومش عاوز اخسرك فمستحيل اقبل اني اضرك او اضر مراتك حتي لو هي اخت تيمور اما لكدب حسن عليا ده فهو هيتعاقب عليه علشان شكله نسي نفسه و افتكر انه حاجه ويقدر يقرر نيابة عني
ابتسم عبدو بارتياح قائلا:
- تسلم ي باشا ده العشم بردوا
ابتسم رأفت هو الاخر قائلا:
- قولي بقاا ي سيدي عملت ايه في الا قولتلك عنه
- اتطمن ي باشا السلاح دخل من المينا خلاص و زمانه بيتوزع كمان.

وقف رأفت وفتح خزنته قائلا:
- عفارم عليك ي عبدو تعجبني كده
احضر الكثير من الاموال ووضعها امام عبدو قائلا:
- ده حققك في العمليه دي
ابتسم عبدو وظهرت في عينيه الرغبه قائلا:
- تسلم يا باشا.

بعد قليل من الوقت وقف كل ثنائي امام طاوله كبيرة بها كل ما يحتاجونه في المطبخ و بوتجازان فقط و جلست يمني في المقدمه وخلفها باقي الطلبه امامهم وتحدثت قائله:
- المسابقة المرادي في المطبخ البنات هيقفوا جنب الشباب من غير ما يعملوا اي حاجه و هيبدأوا يدوهم الاوامر علشان الاكل يطلع كويس وكلنا هناكل منه وبعدين هنصوت للفريق الا هيكسب و كل واحد وحظه طلعله في صندوقه وكلنا هنفضل كده قدامكم نراقبكم علشان نتأكد ان البنات متحطش ايديها في اي حاجه جاهزين
هتف الجميع قائلا:
- جاهزين
- ابدأو.

بدأ الجميع الطهي و تحضير الوجبات فنظرت ياسمين الي محمد قائله:
- انا مش بعرف اطبخ و مش هفيدك بحاجه خالص
ابتسم محمد قائلا:
- انا بعرف اعمل كام حاجه كده كل الا هنعمله اننا هنقطع الفراخ دي و نشويها بس كده
- تمام أبدأ يلا

وقفت يارا بجانب مروان قائله:
- احنا المرادي بردوا خسرانين
- ليه ي بنتي ما انتي بتعملي اكل بيتكم كل يوم
- المشكله المرادي فيك انت مش هتعرف تقطع و تبشر و كل ده
ابتسم مروان و تحدث قائله:
- طالما انتي معايا انا متطمن و هعرف اعمل كل حاجه
ابتسمت يارا بخجل فاستكمل حديثه قائلا:
- وبعدين ده مش اعجاز يعني احنا كل الا هنعمله حلويات و مكتوب في الورقه انها كب كيك قوليلي هنعمل ايه وانا هعمله اوكي
- أوكي

تحدثت نور قائله:
- طبعا انا لو حلفتلك اني بعرف اعمل كل الاكل ما عدا السمك هتتريق عليا و تفتكرني بتحجج
- وانتي انا لو حلفتلك ان حظك النهارده حلو جدا مش هتصدقي انا بقاا مبعرفش اطبخ اي حاجه غير السمك و محترف فيه كمان و علطول مش بخلي خلود تعمله وانا الا بعمله علي الغدا و اصحابي لو عاوزني اعزمهم علي الغدا ميرضوش ياكلو غير سمك فأنا عليا السمك و السلطة و انتي هتقوليلي الطحينه و الرز ازاي اوكي
امسكته نور بقوه من وجهه وطبعت قبله قوية علي خده قائله:
- بموت فيك و الله.

اتسعت عينيه مما فعلت و كذلك هي فأبتعدت سريعا عنه باحراج لا تعلم كيف فعلت هذا فتحدثت بتلعثم قائله:
- انا أسفه و الله مكنش قصدي
- عادي محصلش حاجه يلا نبدأ
- أوكي
بعد عده ساعات انتهي الجميع من تحضير وجباتهم وبدأو بتوزيع الطعام علي الجميع و جلسوا يأكلون حتي انتهي الجميع ووقفت يمني قائله:
- الاكل كله كان حلو اوي دلوقتي بقاا ناخد الاصوات علشان نعرف مين كسب.

بدأت يمني في سؤال الجميع و دقائق و انتهت ثم عادت مكانها و تحدثت قائله:
- الفايز معانا في المسابقه دي هما الا عملوا الجمبري و شوربة الماشروم دينا و فؤاد
ارتفعت اصوات الهتاف و التصفيق و تحدثت يمني قائله:
- وكده هتخلص مسابقات النهارده ودلوقتي جه الوقت ان دينا و فؤاد و تيمور و نور يختاروا جوايزهم الا عاوزينها
تحدثت دينا قائله:
- عاوزين ننظم مسابقه معاكي و دي تكون اخر مسابقة قبل ما نمشي.

تحدثت يمني قائله:
- خلاص تمام كده اخر مسابقة هتكون بتخطيط من دينا و فؤاد و انتو عاوزين ايه ومتوقعه ان تيمور يطلب طلب غريب
تحدث تيمور بابتسامة قائلا:
- فعلا أنتي معاكي حق، عاوز كل كابل يقوموا و نشوف بيحبوا بعض قد ايه و كل واحد يعمل ايه علشان التاني
تحدثت يمني بتعجب:
- بس مش كل كابل مرتبطين وبعدين هنعرف منين هما بيحبوا بعض ازاي
- مش مهم يكونو مرتبطين بس كل 2 هيقوموا يقفوا قصاد بعض والا مش مشتركين هيطلبوا طلب هما هينفذوه او وقتها هيعتبروا منسحبين من كل المسابقات الجايه.

رفض الجميع ما يقوله تيمور فتحدث قائلا:
- انا متأكد انكم هتلاقوا فيها متعه كبيرة وكل واحد جرأته هتزيد انه يعمل حاجات كتير وفي كل الحالات انا طلبي مجاب ولا ايه
تحدث دكتور محمد قائلا:
- تيمور معاه حق بس مش انت لوحدك الا هتلعب بالكلام ي تيمور انت قولت كل كابل و انتو من ضمنهم فأنت ونور كمان هيتطلب منكم حاجات تعملوها
تعالت ضحكات تيمور قائلا:
- خلاص تمام ولا انتي عندك مانع
رفعت نور كتفيها قائله:
- ايه الا هيمنع يعني انا معنديش مانع يلا و هنبدأ بالترتيب زي كل مره.

وقفا كل كابل بالترتيب وبدأ الجميع في طلب اشياء منهم واعترف الشاب في الثنائي الثالث بحبه للفتاه الموجوده معه وكانت قمة الرومانسية و كان الجميع سعيد بما حدث و بما اقترحه تيمور فهي فعلا لعبه مسليه جاء دور يارا ومروان وجلسا في منتصف الدائرة مثلما فعل كل ثنائي و تحدثت احدي الفتيات قائله:
- مروان انت جنتل جدا و بصراحه انت ويارا لايقين جدا علي بعض ممكن تطلب ايديها بطريقة شيك حتي لو كده وكده ومجرد تمثيل.

خفضت يارا بصرها بخجل و تمنت ان يرفض مروان ما تقوله هذه الفتاه فتحدثت ياسمين قائله:
- مظنش ان مروان هيعمل حاجه زي دي و لو مش عاوزين ممكن تنسحبوا انتو كسبتوا مره كفايه ده غير ان يارا ايديها وجعاها و مش هتقدر تكمل باقي التحديات
تحدث مروان قائلا:
- لا مش هننسحب ابدا وقف مروان واوقف يارا معه التي تمنت ان تنشق الارض و تبلعها من الخجل وتحدثت بخفوت قائله:
- مروان بلاش
- هششششش.

احتضن مروان وجهها بيديه واقترب منها كثيرا و نظر في عينيها بحب قائلا:
- يارا اي حاجه هقولها دلوقتي مش علشان اللعبه ومش تمثيل او كده وكده يارا انا بعشقك بجد ومقدرش اعيش من غير و عاوزك في حياتي مش مجرد بنت خالي لا انا عاوزك حبيبتي و مراتي و كل حاجه ليا انا بحبك من زمان اوي من لما اتولدتي علي ايدي من لما انا الا ربيتك و اهتميت بيكي من لما شجعتيني ادخل صيدله و حققت حلمي بسببك ولما قولتلك عاوزك تدخلي هندسه ووعدتيني انك هتدخليها وفعلا مخيبتيش املي فيكي بحبك من لما عيونك شافت النور ومن لما بصيت فيها لقيت لمعه بعشقها كل يوم خلتيني دايب فيكي و مش قادر احب او ابص لغيرك ومبعرفش انام غير لما ابص علي صورتك يارا ان مش هقولك تتجوزيني ولا لأ لاني هتجوزك وغصب عنك واول ما نرجع من المخيم هكلم خالي واطلب ايدك منه بس انا عاوز اعرف لمعه الحب الا بشوفها في عينك ليا دي بجد ولا انا غلطان، بتحبيني يا يارا ؟

تأثر الجميع من كلمات مروان ولم تصدق يارا ما يقوله كانت ياسمين تشعر بغيظ شديد بينما كانت نور متحمسه جدا لان تقول يارا انها تحبه فسألها مروان مره اخري:
- يارا جاوبيني بتحبيني ؟
لفت يارا ذراعيها حول عنقه و احتضنه بقوه و خجل قائله:
- بحبك يا مروان بحبك أوي
احتضنها مروان بقوه وحملها وظل يدور بها قائلا:
- و انا بموت فيكي يا يارا
انزلها وظلت رأسها في مستوي صدره لا تريد رفع عيناها فتراه فسوف يغشي عليها من الخجل فتحدث مروان قائلا:
- اعذرونا ي جماعه اعتقد احنا نفذنا الا انتم عايزينه دلوقتي جه دوري انفذ الا نفسي فيه من زمان عن اذنكم
ابتسم محمد قائلا:
- اذنك معاك.

وافق الجميع علي ذهابهم فهم يعلمون كم يارا خجوله ولا يجب ان تظل معهم اكثر فنظرت يمني الي تيمور قائله:
- ده انت لو عامل حسابك توفق راسين في الحلال مش هتيجي بالسهوله دي
ارتفعت ضحكات الجميع ثم استكملت يمني حديثها قائله:
- يلا ي صاحب الدماغ الجامده قوم انت ونور ده دوركم
جلسا تيمور و نور في المنتصف وظل الجميع يفكر في طلب مختلف من اجل تيمور وما فعله بالباقي فتحدثت احدي الفتيات بسرعه قائله:
- انت هتنفذ اي حاجه صح ومش تيمور الا ينسحب مش كده
- أكيد طبعا.

وقفت الفتاه وجلست الفتاه خلف نور وامسكتها من رقبتها قائله:
- نور مخطوفة حاليا و انت مضطر تعمل اي حاجه علشان تنقذها
- اكيد طبعا هعمل اي حاجه علشان انقذها
تحدثت الفتاه بصوت عال قائله:
-انهالو عليه بالطلبات يلا خليه ياخد جزاءه علي افكاره المجنونة
تعالت ضحكات تيمور و الجميع وتحدث احد الشباب قائلا:
- طبعا نزول الماية حاليا مستحيل لان الجو متلج انزل الماية ي تيمور.

تحدثت نور بقلق قائله:
- لا ي جماعه بطلوا هزار الجو برد و كده هو هيتعب جامد
تحدثت الفتاه مره اخري قائله:
- ايه ي تيمور مش انت الحارس بتاعها و علشانها تعمل اي حاجه يلا انزل
وقف تيمور و خلع التيشرت الخاص به فوقف رامي و حارسين اخرين فتحدث رامي قائلا:
- ي فندم نزول الماية في الوقت ده صعب جدا احنا اه متعودين علي برودة الماية بس مش كده ابدا
تحدث تيمور بابتسامه من قلق زميله عليه قائلا:
- اتطمن ي رامي دول هما شوية و هطلع علطول.

قفز تيمور في الماء و كانت بالفعل بارده للغاية ظل بها فتره حتي سمع صوت محمد قائلا:
- تيمور كفاية يلا اطلع هتتعب
خرج تيمور من المياه و دفعت نور الفتاه واقتربت منه بمنشفه بلهفه قائله:
- انت كويس
هز رأسه قائلا:
- اه كويس الماية مش بارده للدرجه يعني
وضعت يدها علي صدره وابتعدت سريعا قائله:
- انت متلج هي ايه الا مكنتش ساقعه تيمور انت بجد كويس
- كويس و الله يلا نكمل.

جلسا مره اخري وتحدث احد الشباب قائلا:
- بوسها
نظر له تيمور و رفع احد حاجبيه قائلا:
- هي مين دي ؟
- نور، بوسها مش انت الا اخترت اللعبه يلا نفذ و بوسها
تحدث محمد بجديه قائلا:
- امجد احترم نفسك الطلبات بحدود ومن غير قله ادب فاهم
- اسف ي دكتور محمد.

تحدث تيمور قائلا:
- بس هو معاه حق ي دكتور انا الا اخترت اللعبه و حطيت شروطها ولازم انفذ
اقترب من نور و امسك بوجهها وقبل رأسها بهدوء ثم ابتعد عنها قائلا:
- اعتقد كده نفذت، فيه حاجة تانية ؟
تحدثت يمني قائله:
- هما هيخلوك تنسحب يعني هيخلوك تنسحب
ابتسم تيمور قائلا:
- يبقي انتي لسه متعرفنيش.

تحدث احد الشباب قائلا:
- احنا طلبنا من تيمور مرتين جه الدور نطلب من نور
تحدثت نور بابتسامتها الساحره قائله:
- ربنا يستر اطلب
- اقلعي الخاتم الا في ايدك و خلي تيمور يلبسهولك...