رواية صدفة القدر

نوفيلا صدفة القدر للكاتبة أسماء صلاح الفصل الثاني

نور بصدمه والدموع تسيل على وجنتها: أنت جاي هنا ليه؟
واشمعنا جاي دلوقتي؟!
طبطبت هاجر عليها ( و دي جارتها و ساكنه في الشقة اللي قدامها ) قائله: اهدي يا بنتي ده اخوكي و أنا طلعت من الشقه لقيته واقف بيخبط على الباب.

نور واقفه و كانت لا زالت تبكي في امها تمثل لها الحياه هي التي ربتها ورحمتها من أبيها الظالم فهي اخذتها وهي في الخامسة من عمرها دون أن تطلب منه اي شيء فظلت تعمل إلى ان قضت 15 عاماً من عمرها في تعب و ظلم وخلال تلك السنوات مرضت إحسان و قعدت من الشغل و كانت مع ذلك لا تسلم من تهديدات محمد بأخذ ابنته منها وتركها وحيده وقرر أن يزوجها من ابن عمها ولكن كانت إحسان تدافع عنها ولكن الآن لم يبقى لها أحد فماذا يخبي القدر لتلك الفتاه.

-لا يوجد أصعب من فراق الموت فهو فراق أبدى
مروان اتصل بوالده و أنهى إجراءات الدفن و تم نقل نور إلى المستشفى بسبب الانهيار الذي اصبها بعد موت والدتها
بعد مرور شهر
صمم والد نور بأن يأخذها لتعيش معه بعد وفاه والدتها وخروجها من المستشفى وطبعا لم تكن تود ذلك في نوايا أخيها و والدها من ذلك ليس خوفاً عليها كما قالوا.

عاد رامي و اخواته إلى منزلهم بالقاهرة من اجل عمل على و رامي ولكن لم يذهبوا لزياره والدتهم أو ما تسمى بذلك
ولكن يا ترى ما الهدف الأساسي من رجوع رامي للقاهره؟
أصعب شهر مر على نور و كانت صديقتها برفقتها دائماً تخفف عنها ما تشعر به، قضيت نور ذلك الشهر بغرفتها و ظلت في ذلك السجن و لم تنزل الا في مواعيد الطعام فقط.

كانت فريده تجلس على الاريكه ومحمد يجلس بجوارها ولكن كلاً منهم في عالم آخر.
محمد قطع الصمت قائلاً: أبنك في القاهرة بقاله شهر
فريده بحزن: عرفت
محمد باستغراب: عرفتي ازاي؟!
عادي مصادري الخاصة.

طرق على الباب و دخل
رامي: اتفضل؟
على: كدا المعلومات كلها كملت عن الصفقة وعن حياتهم ناوي على أيه بقى؟
رامي وهو يرجع برأسه للخلف: هجيب حق ابوك اللي راح وخيانة صاحبه و مراته لي وحقنا احنا امك اللي سبتنا 15 سنه وسابت مريم وفرح عشان تتجوز عشيقها وحتى البنت اللي حبيتها طلعت زي خالتها خاينه و رمت نفسها في حضن سامر
علي بغضب: متنساش يا رامي إن دي أُمنا!

رامي: انا امي ماتت من زمان يا علي افتكر ايه اللي حصلنا من 15 سنه وانت تعرف ان امك ماتت وبعدين أحمد ربنا ان انا هخليها تشوف فرح ومريم مع ان دا مش من حقها
علي: طيب وانت ناوي على أيه؟
رامي بسخريه: يومين بظبط وهتسمع خبر إفلاس شركه محمد بيه الحسيني.
على بدهشه: ازاي!
رامي: هو داخل صفقه و وضع شركته مش حلو يعني أمله كله في الصفقة دي وهو هيخسرها و الصفقة هترسي علينا احنا
على: انت معلم والله.

رامي بتوعد: ولسه التقيل جاي هذله هو وابنه.

الوقت ممكن يقدر ينسى بس امتى بتيجي اللحظة دي؟!

صباح يوم جديد
استيقظت نور و قد قررت ان تذهب الى ندى لتقضي معها اليوم، فهي تشعر بالملل من العيش معهم.
ذهبت إلى المرحاض وتوضأت وصلت وارتددت ملابسها ونزلت من غرفتها لتجد فريده ومروان ومحمد على السفره يتناولون وجبه الافطار
فريده: رايحه فين بدري كدا؟
كانت نور تقف أمامهم وتتمنى لو تقدر تولع فيهم كلهم مرة واحدة كم
نور بخنقه: رايحه لصاحبتي فيها حاجه!

قام مروان وامسك بذراعها بقوه قائلا: اتكلمي مع طنط فريده حلو وبعدين هي بتسألك يبقى تردي بأدب.
محمد: سيب أختك يا مروان، تعالى يا نور اقعدي.
نور بصوت باكي: نعم!
محمد: بصي يا بنتي سامر ابن عمك طلبك للجواز تاني وانا موافق
ردت ببرود: اللي تشوفه، بعد اذنك بقى همشي!
وخرجت و كأنها لم تسمع شيء في هي تعلم أن والدها قد اخذ هذا القرار منذ زمن و موافقتها أو رفضها لن يغير شيء.

مريم: يلا يا فرح علي مستنينا تحت!
فرح بتردد: والله يا بنتي مش عاوزه اروح عندها.
مريم: دي ماما برضو احنا بقالنا 5 سنين مش بنشوفها
فرح: ربنا يستر
في مكتب محمد الحسيني
فك ربطة عنقه بتعب جالي على وجه بعد أن علم بذلك الخبر يهمس لنفسه و قد قارب على الجنون: أصبحت مفلس!
قطع شروده دخول سامر: عمي كدا الشركه لازم تتصفى، خلاص كل احنا اللي عملناه ضاع.

محمد بضياع: بيتي اتخرب نفسي اعرف مين اللي عمل كدا وأستاذ مروان فين!
قطع حديثه وصول رساله الى هاتفه
ليمسك الهاتف و القى الهاتف في غضب من تلك الرسالة
ليصرخ عالياً: رامي هو اللي خسرنا رامي السبب.
سامر بعصبيه: عرفت ازاي!؟
رد محمد: هو اللي بعتلي الرسالة دلوقتي.
سأمر بغضب انا هروحله والله لاقتله ابن***.

ذهب سامر لرامي في المكتب
السكرتيرة: رامي بيه عنده اجتماع حضرتك مش هينفع تدخل
سامر بعصبيه ولم يدعها تكمل كلامها واتجه و فتح غرفه المكتب قائلاً: دا الاجتماع المهم!
غاده: يا افندم مينفعش!
كان رامي يجلس على المكتب ويجلس معه علي وكرم.
رامي بغضب: خلاص يا غاده اتفضلي انتي.
سامر: ايه يا رامي جاي مخصوص من اسكندرية تحاربنا
رامي ببرود: أولاً لما تتكلم معايا تتكلم بأدب.

و بعدين أنا معملتش حاجه دا شغلي انا لسه هعمل!
سامر بتحذير: متقدرش تعمل حاجه
رامي بسخريه: هتشوف بس تحب ابدأ بمين الحلوه بنت عمك اللي عاوز تتجوزها ولا أختك؟!
لم يتحمل سامر هذه الإهانة واعطي لرامي لكمه قويه
قام علي وكرم للتدخل ولكن اوقفهم رامي.
رامي ببرود تام: حلو والله اتعلمت تضرب، انا بقا هخليك تترجاني كمان
سامر: بتحلم اوعى تقرب من نور ولا من سما!

علي تدخل لأن رامي لو فقد أعصابه سامر مش هيخرج من المكتب حي قائلاً: لوسمحت يا سامر اتفضل.
سامر: همشي يا علي بس عقل اخوك عشان مريم وفرح قصاد نور و سما
كرم: هتعمل اي مع الحيوان دا؟!
رامي بتوعد: مش هو بيحبها وعاوز يتجوزها انا بقى هتجوزها
علي وكرم بذهول نعم.!

اكمل رامي: انا كدا لسه مخلصتش اللي جاي عشانه الشركه و دي لمحمد وابنه ال**** اللي كان عاوز يضحك على اختي فاكرني نايم على وداني، لكن سامر زي ما عمل معايا هعمل معاه
على بغضب: رامي دا كان بمزاج نهى وهي اللي لفت عليه لو كانت بتحبك مكنتش هتعمل كدا!
رامي: آها والمفروض سامر طيب وغلبان وانا مفتري!
كرم: و ياسمين بنت عمتك؟!
رامي: عادي هتجوزها برضو
علي: وعمتك هترضي انك تتجوز بنت محمد لا وعلى بنتها كمان؟!

رامي ويضع وجه بين كفيه لازم اوجع قلبه زي ما عمل بظبط وبعدين جوازي من بنت محمد مجرد جوازه مصلحه لحد ما انفذ اللي انا عاوزه وبعدين هطلقها..
مرت مده ليست بقليله على تلك الأحداث في محمد شركته كل يوم في الأسوأ والديون تزداد عليه
و مروان و سامر بيفكروا في حل لمشكله إفلاس الشركه.
و اراد سامر ان يسرع من زواجه من نور ولكن هل سيتم الزواج ام ماذا ينتظره؟!

وعاد رامي إلى الإسكندرية ليطمئن على عمته وياسمين فهي خطيبته ثم عاد الي القاهرة مره اخرى لينفذ خطته.
(زهيرة عمت رامي هي اللي ربتهم بعد وفاه والدهم اخدتهم الي الإسكندرية. ).

نوفيلا صدفة القدر للكاتبة أسماء صلاح الفصل الثالث

اجمع محمد عائلته لأخبرهم بموضوع مهم
كانت تجلس فريده ومروان وسامر ونور
فريده: اي الموضوع يا محمد قلقتنا
محمد بحيره: الموضوع هو ونظر لسامر وقال بتردد يا ابني انت ونور مش هينفع تتجوزوا
سامر بدهشه: انا مش فاهم حاجه
مروان بحنق: بابا ايه الموضوع بظبط
محمد: نور اتقدملها عريس وانا وافقت
نور نظرت له بصدمه فهي بنسباله مجرد سلعه يبعها وقت ما يشاء
سامر وهو يركل الارض بقدمه
-يعني اي ومين دا اللي خالك توافق.

محمد وهو يضع وجه في الارض رامي ابن فريده
شهقت فريده بصدمه: ابني
نور: هو انا مليش رأي
محمد: الموضوع انتهى و كتب الكتاب كمان يومين انا مش مستعد اشحت
سامر بغضب: براحتك يا عمي انا ماشي
قام وارها مروان استنى يا ابني انا جاي معاك.
و لكن بالنسبة لفريدة فهي لم تعرف تسعد بزواج ابنها ولكن ابنها كيف فهي لا تعلم عنه شي حتى يا ريت الزمن لو يرجع تاني على الأقل كنت فهمته كل حاجه بس للأسف مفيش حاجه بترجع زي الاول.

فلاش باك
كان محمد يجلس فب مكتبه
طرقت الباب السكرتيرة
-ادخل
يا افندم في واحد برا اسمه رامي الجندي عاوز حضرتك
استغراب محمد قائلا: خلي يدخل
دلف رامي الي المكتب ورحب بي محمد ببرود
-غربيه الزيارة دي
رامي ويضع رجل على رجل وقال: ندخل في الموضوع على طول
محمد: اتفضل
رامي: طبعا شركتك هتفلس ومحتاج حد يسندك ويشيل الخسارة دي وانا هعمل كدا بس بشرط اتجوز بنتك وعاوز اسمع الرد حالا
محمد: انت بتقول اي؟

رامي بضيق أظن انك سَمعتني كويس
محمد وبدأ يفكر، فالعرض ممتاز فهو لا يملك شي غير هذه الشركه وقال لنفسه يعني رامي وسامر مش يفرقوا عن بعض
وأجاب سريعا موافق
رامي وهو يصافحه تمام الفرح يوم الخميس.

فرح: برضو اتاخرت يا رامي
رامي وهو يضمها إليه شغل والله يا فرح
فرح: طيب يا حبيبي هتاكل اخلي سعاد تحضر الاكل
-مش جعان
-ماشي يا حبيبي واتجهت لتصعد الدارج ولكن اوقفها قائلا انا هتجوز يا فرح
فرح: طب ما انا عارفه
رامي: مش ياسمين يا فرح
فرح بغضب: واومال مين؟
رامي: ظروف يا فرح المهم تقولي لمريم الصبح والفرح الخميس يعني مش قدامكم غير يومين عشان تتجهز وا
فرح بحزن: انت حتى مخدتش رأينا وياسمين هتعمل معاها ايه؟

رامي: روحي نامي يا فرح عشان بكرا هتنزلوا مع كرم تشوفوا الفساتين.

كانت نور تتحدت مع صديقتها عبر الهاتف
نور: اتجوز اي يا بنتي بقولك مشوفتهوش ولا مره حتى
ندى: مش احسن من سامر وجه البرص
لم تستطع نور كتم ضحكتها و قالت والله خليتني اضحك
ندى: المشكله بقا
نور: هو في مشاكل تاني
ندى: الفستان مين هيجبه
نور بضيق: تصدقي انا غلطانه اني بحكيلك اللي حصل.

ندى بحزن: عارفه يا نور انك مضايقه بس دا مش هيغير حاجه دا غصبن عنك وانتي مفيش في ايدك حاجة تعمليها حتى سامر اللي كام بيقول بحبك اتخلى عنك ومروان اخوكي ملهوش لأزمة يبقي على الأقل افرحي باليومين دول ويمكن يطلع كويس وتحبي
نور: على رأيك يا بت بكرا هننزل نشوف الفستان وكدا، تعالى معايا انتي عارفه اني بخاف اكون لوحدي
ندى: ماشي بأي
قفلت الخط وضعت رأسها على الوسادة لكي تنام ولكن افاقها رنين هاتفها.

أمسكت الهاتف و جدته رقم غريب
نور: الو
اتاها صوت لم تعرفه من قبل، اجابها الطرف الآخر ببرود
-بكرا الساعه 3 تكوني جاهزه
نور وقد عرفت ان ذلك المعتوه هو عريس الغفلة
نور بضيق: مين انت بس
رامي بغرور: مكنتش اعرف انك غبيه
نور بتأفف: بص انا عاوز انام بلاش صداع وبعدها أغلقت الخط
رامي بصدمة و دهشة فهي أغلقت المكالمة بوجه، زفر يضيق و قال والله لاوريكي
اليوم التالي
وصلت ندى إلى منزل نور
استقبلتها فريده تعالى ندى اتفضل.

ندى: يا طنط اصل المفروض انها تكون جهزت الساعه 2
فريده: طب اطلعي ليها يا بنتي
صعدت ندى الدارج ودلفت إلى غرفه نور وجدتها نايمه أو بمعنى أصح تتدعي
النوم
ندى بمرح: يا بت بطلي كدب دا انتي كل يوم تصحى الفجر اشمعنا انهارده وقافله تليفونك ليه؟
نور بصوت نعاس: بس يا بنتي عاوزه انام
ندى: اصحى بقا ماانتي قولتلي 3
عاوزين نشوف العريس هيبقى حلو ولا قرد
قامت نور وهي تفرك في عينها
تفتكري ممكن يبقى قرد؟

ضحكت ندى و قالت يبقى يا نهار ضحك
ارتددت نور ملابسها و كانت عبارة عن تنوره وعليها بلوزه ولفت الطرحة
ندى: اي مش هتحطي ميك اب
نور بعدم اهتمام لا انا حلوه كدا اللي مش عجبه يغور
ندى وهي تشاور لملابسها هو احنا رايحين عزا
فنور كانت ترتدي ملابسها بلون الأسود حتى الطرحة
-عادي زي القمر برضو
تنهدت ندى و قالت مش يلا
نور ببرود لما حد يوصل الأول
رن هاتفها معلن عن ذلك الرقم الغريب
نور بحنق: الشملول بيرن اهو.

ندى: ردي يا بنتي
أجابت نور على الهاتف بكل ببرود ايوووه وصلت
رامي: لا في سواق هجيلك كمان دقيقه كدا انزلي وهو هيجيبك
نور: هو مش من الذوق، انت اللي تيجي عشان اشوف حضرتك
رامي بغضب: اتكلمي عدل شويه وانا واحد معندوش ذوق اتفضل بقا انزلي و قفل الخط في وشها
نزلت نور وندي وبالفعل وجدوا سيارة قدام الباب تنتظرهم
فتح لهم السائق باب السيارة
وانطلق بيهم سريعا على فيلا رامي
نور: هو انت جايبنا هنا ليه؟

السائق: اومر رامي بيه يا افندم
دخلوا الفيلا وكانت مريم تنتظرهم فهي كانت غاضبه من الموضوع ولكن أوامر رامي لازم تنفذ
كانت واقفه وعليها وجهها ابتسامه فسلمت عليها نور وندي وبادلوها الابتسامة
مريم: اكيد انتي نور
نور باستغراب: اشمعنا
ضحكت مريم و قالت احساس يلا اتفضلوا
جلست نور وندي بجانب بعض كانت نور جالسه تفرك في يديها من شده التوتر
ندى: يا بنتي اهمدي انا حاسه اني قاعده في امتحان
نور بضيق خلاص بقا.

مريم بابتسامة: تشربوا اي؟
نور: شكرا يا انسه مريم
مريم: اي انسه دي انا اسمي مريم
ندى: هو انتي فذ سنه كام
مريم: رابعه كليه وانتي
انا ونور في تالته لسه
مريم: ربنا يعونكم دا خلاص اتخنقت السنه مش عاوزه تخلص
-ظلوا يتحدثوا ويضحكون لمده فتعرفت مريم عليهم سريعا
وفجأه اتاتهم صوت رجولي: مريم
مريم: تعالى نور وندي جهم من شويه
سلم عليهم وبعدين جلس
وطبعا نور هتموت وتسأل دا رامي ولا مين
همست نور لندي: الفضول هيموتني.

ندى: بس دا حلو اوي
(رامي طويل وذو جسد رياضي وبشره خمريه وعيون باللون الزيتون وشعر اسود كثيف وكان يضع عطر نفاذ ويرتدي قميص ابيض يبزر عضلات المنحوتة وبنطلون جينز)
رامي ايه هتفضلوا تهمسوا لبعض كتير
نور بضيق: يبقى هو؟
رامي: بتقولي حاجه
نور: لا
مريم: ندى تعالى معايا عاوزه اوريكي حاجه
نور كانت تنظر لندي بخوف وهي على وشك انها تعيط وتقولها استنى
ولكن استسلمت ندى لطلب مريم وخرجوا بعيد عنهم.

رامي: انا بتقولي اقفل مش عاوزه صداع
نور ببراءة: انا
رامي: انتي هتستعبطي
-هو في غيرك قاعده
نور: ربنا يسامحك
رامي: هو انتي لبسه اسود ليه؟
نور ببرود: مزاجي كدا
قام رامي واتجه ناحيتها وجلس بجانبها
نور: لوسمحت وقامت ولكن امسك يديها اقعدي مكانك
نور بخوف: خلاص اعتبرني عيله وغلطت بقا
ابتسم رامي و قال طلعتي جبانه
نور بغيظ وهي تنظر له بتحدي: لا مش بخاف انا
لم تلاحظ عدم وجود مسافة بينهم.

اقتراب رامي وهمس في اذنها على فكره الأسود حلو عليكي فدا مش تطفيش
احمرت وجنتها وابتعدت عنه سريعا.

ندى: تعالى ندخلهم زمان نور هتموت جوا
ابتسمت ندى و قالت تعالى
دخلوا ليهم ما إن رأتهم نور ردت لها الحياه مره اخرى
مريم: اي يا قمرايه يلا عشان نروح الاتيله
نور: يلا
مريم: فرح هناك مع دينا صح
رامي: ايوووه دينا لسه مكلمني
مريم: طب مش هتيجي دينا عاوز تشوفك على فكره و هتزعل منك لو مروحتش
رامي موجه كلامه لمريم وهو ينظر لنور بنظره استفزاز: لا طبعا مقدرش علي زعل دودو.

نور بضيق وهي تنظر لرامي و قالت: يالا عشان هنتاخر.

نوفيلا صدفة القدر للكاتبة أسماء صلاح الفصل الرابع

وصلوا الي الاتيله واستقبلتهم فرح
مريم: فين دودو يا فرح؟
جاءت دينا وسلمت على مريم والقت التحية على ندى ونور وقامت باحتضان رامي وتقبيله قائله: وحشاني اووووي
نور تتمتم بغضب: استغفر الله العظيم يا رب
ندى: اهدي يا بنتي هتنفجري كدا
دينا: فين العروسة؟
نور باقتضاب: انا
دينا: ماشاء الله قمر بس الحلوه لابسه اسود ليه؟
نور ببرود: عادي
دينا: طب تعالى نشوف الفساتين فرح خدي مريم وندي و شوفيهم هيختاروا ايه؟

دينا: هتكوني محجبة في الفرح ولا؟
ندى: والله انا بقولها تقلع الطرحة
مريم: وانا أفضل ذلك
نور: لا طبعا حرام
دينا: تعالي بس معايا
دخلت نور مع دينا
دينا: بصي دا حلو او وي وهيلاقي عليكي ادخلي قيسي
نور بتردد: بس دا عريان اوو وي مش هينفع
دينا: لو مصممه هنقفله عادي
دخلت نور البرافو عشان تقيسه وبعد دقائق خرجت فكانت تشبه الملائكة فالفستان رائع يكشف عن بشرتها البيضاء فهو عاري الصدر والظهر من نوع الكب.

ضيق من عند الصدر و تتوسطه فصوص الألماس الرائعة وانسدل شعرها الأسود الطويل
دينا بانبهار: متفصل عشانك فعلا
نور بتردد: بس
ناديت دينا على مريم وندي وفرح عشان يشوفوا الفستان
ندى: واووو تحفه بجد
فرح باقتضاب: جميل
مريم: تحفه عليكي
دينا: طب اي مش المفروض العريس يشوف الفستان
نور: لا طبعا مش هينفع ولكن قطع كلامها دخول رامي المفاجئ
حدق رامي بيها بذهول فهي جميله وقف وأكنه عجز عن الكلام
دخلت نور البرافو بسرعه.

دينا: فوق يا عمنا نحنو هنا
رامي بتلعثم: اصل انا كنت ماشي
دينا: اي رايك في الفستان
رامي: حلو بس يتقفل مش هينفع يتلبس كدا
فرح بدهشه: ليه يا رامي كدا احلى
رامي: لا الموضوع انتهى يلا عشان نمشي.
اندمجت مريم مع ندى ونور وكانوا يتبدلوا الحدث لكن فرح لم تحب نور حتى لم تتحدث معاها سوى كلام بسيط جدا.
انتهوا من شراء جميع المستلزمات واوصل رامي ندى ونور إلى منزلهم.

فرح بضيق: هو انت ملقيتش الا دي وتتجوزها يا رامي
رامي بتحذير: فرح دي حياتي وانا حر فيها فاهمه
فرح: وعمتك هتقولها اي وياسمين هترضي انها زوجه تانيه وبعدين الانتقام دا يكون من أهلها مش منها ولا البت عجباك يا اخويا
رامي بغضب: انا عاوز انام يا فرح روحي على اوضتك
ونام رامي على سريره وهو يفكر في كلام فرح هو ليه بيعمل كدا من ساعة ما شافها في اسكندرية وهو مشدود ليها بس هو هيتجوزها عشان سامر بس مش اكتر.

فرح جلست على سريرها واسندت رأسها على السرير وامسكت هاتفها لتجري اتصال أو مكالمتها اليومية
-الو ياحبيبي معلش اتاخرت عليك
الطرف الآخر: ولا يهمك يا قلبي المهم عملتوا اي انهارده
فرح: ولا حاجه اشترينا الفستانين وخلاص ورامي مصمم برضو
الطرف الآخر: المشكله انا خايف لنور تكشف حاجه ونتفضح وانتي عارفه اخوكي
فرح: ربنا يستر ياحبيبي وانا هحاول اتجنبها اصلا
الطرف الآخر: نسيت اقولك على حاجه مهمه
فرح: اي.

الطرف الآخر: وحشتني بموووووووت
ابتسمت فرح لتجيب بسعادة وانت كمان يقلبي
الطرف الآخر: مش هشوفك
فرح: مش هعرف بس كدا كدا هنتقابل يوم الخميس، فالفرح
الطرف الآخر: ماشي يا روحي يلا بقا اقفلي عشان تنامي
فرح: تصبح على خير يقلبي
الطرف الآخر: بأي يا روحي واقفل الخط
استسلمت فرح لنوم ولكن بالها مشغول بأن لو الحقيقه اكتشفت رامي هيعمل فيها أي.

مر اليومين سريعا وأتى اليوم الموعود يوم الخميس
الساعه 11 صباحا
راحت ندى عند نور في البيت وصعدت لغرفتها، وجدتها تجلس شارده
ندى: العروسة سرحانه في اي
نور: معرفش
ندى: طب مين هيخدنا على الفندق طيب
نور باللامبالاة: معرفش ادينا جاهزين
طرق باب الغرفه
نور: ادخل
فايزة: انزلي يا هانم الأستاذ وصل
نور: شكرا اتفضلي انتي
نور: يلا يا اختي نشوف مين اللي جي؟
ذهبوا باتجاه السيارة ولكن فجأه تسمرت ندى مكانها بذهول.

نور: مالك يا بنتي
على: هو أنتي
نور باستغراب: انت على اخوه رامي صح تعرفوا بعض ازاي في ايه؟
على: لا مش نعرف بعض بس من كام شهر كدا كنتم في رحله في اسكندرية
وأضاف على وهو يغمز لندي مش هنعرف اسم الجميل اي بقا
ندى بتلعثم: ن د ي ندى اسمي
على: طب يلا عشان منتاخرش
وطبعا نور ركبت بخلف وجلست ندى بجانبه.
وصلوا إلى الفندق واتجهوا إلى الغرفه المحجوزة
مريم: اي يا بنتي انتي وهي اتاخرتم لي دا فريق المكياج جي يلا يا عروسه.

أومأت نور برأسها وجلست لكي تستعد لمراسيم الزفاف بتاعتها وكذلك مريم وندي، وفرح على الجانب الآخر لأنها فضلت عدم التواجد معهم.

الزمن قادر على تغير الأشياء لكن ممكن أن ننسى جزء ما حياتنا.

كرم: اي يا عريس
على: العريس سرحان
رامي وفاق من شروده بتقولوا اي
كرم: انت مش هنا خالص
على: يلا كلها ربع ساعه وتروح تخدها وننزل القاعه
كرم: كل المعازيم وصلوا واحنا جهزنا
رامي: هو مدام فريده جات صح
على بحزن: اهااا للأسف معرفش يا رامي اي لازمه الجوازه دي بس
رامي بجمود: الفرح دلوقتي يا على يعني الكلام فات
كرم: ربنا يستر
على: يارب يلا بقا عشان مريم رنيت عليا.

اتجه رامي بصحبه على و كرم إلى الغرفة
خرجت مريم وكانت في غايه الروعة فكانت ترتدي فستان بلون الأحمر قصير يظهر ساقيها النحيفة وعاري الصدر والكتفين وشعرها المموج الطويل وكانت تتضع ميك اب خفيف يبزر جمال ملامحها بدقه وجمال عينها العسلية
على بمرح: اي القمر دا يا اخواتي
رامي: فين نور وندي يا بنتي
مريم زفرت بضيق: اي يا ابني مفيش كلمه حلووووة لأختك القمر اللي واقفه وغمزت له ولا مستني العروسة.

كرم و كان في عالم آخر فهو سارح في تلك الحسناء التي تقف أمامه.
خرجت نور وبجانبها ندى
نور كانت مثل الملاك فعلا ففستانها كانت غايه في الروعة وكانت ترتدي حجاب مما زادها جمال وببراءة
انبهر رامي بجمالها وكانت ندى لم تقل أناقه عنهم فكانت ترتدي فستان بلون الأسود طويل وعاري الصدر والظهر ويبزر جمال بشرتها البيضاء وشعرها البنى القصير
اقترب رامي من نور وامسك بيدها
نور ولسه بتسحب ايديها
رامي: بتعملي اي؟
نور: مش لازم.

رامي بمكر: هو أنتي مش واخده بالك ان دا فرحنا وكدا ولا اي
نور ببرود: واخده وامسك يدها
واتجهت خلفها ندى ومريم
ولكن عيون على كانت ترقب ندى.
وعلى الجانب الآخر انتهيت فرح وخرج من عندها فريق المكياج فوجدته أمامها وهو تفتح الباب
فرح بسعادة: حبيبي كنت حاسه انك هتجيلي الأول
الشخص: ولف يديه حول خصرها وهمس قائلا اي القمر دا
فرح بخجل: مش هننزل
الشخص: وحشتني واقتراب من شفتها وغرق في قبلتها.

صدحت الموسيقى عالياً لتنبه المدعوين بدخول العروس التي وقفت على باب القاعه وتأبط والدها ذراعها و سلمها إليه، وقام المدعوين بالمباركة للعروسين
وتغيرت أصوات الموسيقى لتصدح نغمات ناعمه لكي يرقص العروسين قام رامي بضمها إلى صدره
نور بتحذير: متقربش مني اوي كدا لو سمحت
رامي: ليه وبعدين احنا بنرقص عادي
نور: مش حاب
ولكن لم تكمل كلمتها وقام رامي بتقبلها.
صفق المدعوين.

ابتعدت عنه نور بخفه لكي لا تلفت النظرة وقد احمرت وجنتها من شده الخجل لتقول بضيق: انت عملت اي
رامي: لقيتك رغاية قولت اسكتك
نور: لوسمحت عاوزه اقعد كفايه
رامي: وهو يضمها اكثر طب اي مش هشيلك.
نور: لا شكرا.
كانت ندى تقف خارج القاعه تتحدث في الهاتف
خرج على من القاعه فهي لم تكون موجوده بالداخل فقال يشوفها برا
على: انتي وافقه هنا ليه؟
ندى بتوتر: عادي كنت بتكلم في التليفون، في حاجه يا استاذ علي.

على: لا مفيش كنت بطمن عليكي وبلاش استاذ دي
ندى بتلعثم: مينفعش
على: عادي انا بقولك ندى اهو حصل حاجه
ابتسمت ندى: لا، وحاولت الهروب من نظراته لها طب يلا نندخل
وطبعا محدش لاحظ عدم وجود فرح.

صعد رامي ونور إلى غرفتهم بالفندق
رامي: اي يا عروسه هتفضلي واقفه برا
نور بتردد: لا داخله اهو
رامي: هتاكلي
نور: لا انا عاوزه أنام
رامي: تنامي
نور ببرود: انا واحده بتنام بدري في مشكله
رامي: بس انهارده مختلف المفروض
فهمت نور ما يلمح رامي له
نور بعند: بص من الاخر كدا الجوازه دي مش نافعه اولا انا مش موافقه عليك ودا حرام ولا اي
رامي ببرود: بجد
نور ببرود: للأسف هو كدا شوف مكان تنام في بقا.

رامي بغرور: يا بنتي هو انتي تطولي تنامي جنبي اصلا
نور: مش عاوزه أطول
رامي بضيق: مش واخده بالك ان لسانك طويل شويه وبعدين انتي مش نوعي المفضل
نور لم تتعطي اهتمام واتجهت إلى الحمام لتبدل ملابسها
ارتدى بيجامة من قطعين بنطلون ساده بلون الوردي وتشيرت بكم بلون الوردي ولكن كان منقوش ببعض الرسمات وانسدل شعرها الأسود الطويل على ظهرها.
وخرجت من الحمام و وجدته يجلس على الاريكه.

حاول تجاهلها وعدم النظر إليها ولكن رغم بيجامتها الطفولية الا انها اعطتها جاذبية
رامي وكاد يجن وهو يقول لنفسه انا مخلتش حد يحط بيجامات في الدولاب جابتها منين دي؟
نور بانتصار: اي مالك مستغرب في حاجه ولا اي؟
رامي: لا مفيش حلوه البيجامة دي
نور بثقه: عارفه
رامي: هو أنتي جيبتها ازاي؟
ضحكت نور: هو انت فكراني عبيطة عشان اسيبك انت اللي تجيب الهدوم انا جبتها معايا الصبح وخليت ندى دخلتها
رامي بغيظ: يا بنت الا**.

نور: بتقول حاجه
رامي: لا
نور: تصبح على خير بقا
رامي: قبل ما تنامي بكرا هنقولهم اي
نور وهي تجلس على السرير: قصدك هتقول اي
رامي بغيظ: نعم يااختي ماانتي اللي مش راضيه
نور باستفزاز: توتؤ بص كدا انا هزعل وممكن اقول انك يعني وشكلك هيبقى وحش جدا فعدي الليلة
رامي: خلاص قولي كله تمام لما حد يسالك وأكمل بضيق ومفيش تصبحي على خير
ونام هو على الاريكه
...
استيقظ رامي في الصباح فهو لم ينام جيدا ودخل إلى الحمام.

صحيت نور على صوت هاتفه
نور بصوت بنعاس: اوف اي رد على تلفونك بلاش ازعاج ولكن لم تجد رد منه
قامت من على وامسكت بهاتفه وجدت المتصل دينا
نور وبعدين بقا في القرف اللي على الصبح دا
خرج رامي من الحمام
-بتعملي اي عندك
نور بتلعثم: أن ا اصل
رامي: في ايه؟
نور: تلفونك كان بيرن فقومت عشان افصله
رامي: مين اللي بيرن
نور بضيق: دينا
رامي باستفزاز: ومردتيش على دودو لي
نور بضيق: وانا مالي هو تلفوني ولا تلفونك
رامي: طب هاتي.

نور وهي تنظر له ك البلهاء: اجيب اي
رامي وهو يمد يده و ينظر لديها: تلفوني
نور: اتفضل
رامي: البسي بقا عشان نروح على الفيلا كلهم مستنينا هناك
أومأت نور برأسها واتجهت ناحيه الخزانة وأخذت الطقم الموضوع بيها واتجهت إلى المرحاض ولكن بطئت من حركتها لكي تسمع حديث رامي مع دينا
رامي: اي يا دودو
دينا: يلا تعالي يا عريس عندي شغل وعاوزه اشوفك.

كان يراقب نور التي تتعمد تلك الخطوات البطيئة وأكمل حاضر يا عمتو ساعه وهتلاقيني عندك
نور بصدمه: عمتو
رامي: اي هتفضلي ساعه تمشي ولا اي
نور با احراج: لا عادي.
ردت برد ليس له علاقه بالموضوع فهي مستغربه مش منه لا من نفسها ولكن نفضت ذلك الأفكار من عقلها ودخلت الحمام وأخذت دش وارتدت ملابسها وخرجت وكان هو في انتظارها عشان يمشوا.