رواية وخضعت للحب الجزء الأول للكاتبة أروى الشرقاوي الفصل الرابع عشر
في المساء في قصر الجمال يقوم المأذون بعقد قرانهم كانت سعادة شادى لاتوصف هاهو الأن أصبح مع حبيبته أصبحت زوجته ولكن هناك غصه بقلبه أنه لن يستطيع ان يجعلها أم في المستقبل لن يستطيع تحقيق حلم بسيط لها. كانت تنظر إليه كأنها تقول له أن أنت كل حياتى ولا شئ سواك كان ينظر لها ويفكر هل تستحق منه ان يفعل بها ماينوى عليه لماذا يريد تحطيم فرحتها..
كانت تنظر إليه وتقول لنفسها ان كل شئ يسير بخير إذا لماذا هى خائفه.
على الجانب الاخر كانت رفيف تجلس مع عائشه رفيف لعائشه: بت هو أحنا بقينا عوانس خلاص عائشه: فشر دحنا العنس نفسه حضرتك رفيف: يخربيت التفاؤل ياجدع واكملت بصوت مؤثر: طنط صفيه بتبص عليك ماتخليكى جدعه وتروحى تكلميها.
عائشه بحزن: مش هينفع يارفيف مش قادره اسامحها أنا عشت من غير أم ومن غير حد يقولى الصح والغلط مرات ابويا بتعاملنى زى الزفت مش ناسيه أن بابا أتجوز ماما عليها وبابا مش فاضى ليا أصلا وولادها بيكرهونى ألى هوما إخواتى ومستنين بابا يموت علشان يرمونى في الشارع رفيف بحزن عليها: كلمى مامتك هتلاقيها موجوعه أكتر منك عند صفيه عصام وقلبه منفطر على زوجته: روحيلها ياصفيه يمكن تكلمك.
صفيه بحزن: قلبى موجوع بنتى قدامى ومش عارفه أحضنها عصام: خلاص روحى ليها يمكن تكلمك مش هتخسرى حاجه ياصفيه ذهبت صفيه إلى ابنتها عندما رأتها عائشه قامت صفيه بحب: إسمعينى يابنتى ارجوكى رفيف: استنى ياعائشه تعالى معايا أنتى وطنط وبالفعل أخذتهم وخرجو إلى حديقة القصر رفيف: إتكلمو هنا محدش هيسمعكو وطلعوا كل ألى في قلبكم وسامحو بعض وتركتهم ورحلت صفيه بحزن ووجع: ارجوكى سامحينى.
عائشه بوجع مكتوم: اسامحك على أيه على وجعى أسامحك أنى كل يوم أنام معيطه من أهانة سوزى ليا هى وعيالها اسامحك على وحدتى اسامحك على أنى مبلاقيش حد جمبى كنت عارفه أن رودى وحشه بس مفيش غيرها في حياتى الناس كلها بعيده عنى لما حصلتلى مشكله خوفت منه ليضربنى زى كل مره لجات لميرال ساعدتنى ورفيف صاحبتنى ومبقتش وحيده أبعدى عنى وسبينى مش عايزه اتوجع تانى.
وخرجت مسرعه من القصر وقادت سيارتها إلى مكان هادى لايوجد فيه أحد سواها وقفت بوجع تنظر على أبنتها وهى ترحل جاء زوجها وقام بإحتضانها ومواساتها في الداخل أدهم: عقبالى يارب ميرال بضحك: يارب دنا هفرحلك والله أدهم بضيق: يارب هموت منها ميرال: انا مش عارفه الوحيد إلى بيكلمنى كده إهدى ياأدهم دنا عامله رعب للكل ادهم: دنا ادهم الشاذلى بردك إلى نص بنات البلد هيموتو واعبرهم حبك إنتى.
ميرال: واثق في نفسك قوى متعرفش انا مين ميرال الجمال.
توفيق بصوت عالى: ياجماعه ممكن نسكت شويه انا بطلب من كامل ميرال لأبنى ادهم.
كامل بفرح: طبعا موافق بس ناخد رأى ميرال الاول إيه رايك ياميرال.
ميرال: أسفه جدااا مش موافقه ياعمى ادهم بتحدى: ميرال فكرى كويس ميرال بتحدى مماثل: فكرت ومش موافقه وتركتهم ورحلت كامل: أسف جدااا ياتوفيق بس إنتا عارف ميرال توفيق بحزن خفى: محصلش حاجه حزن أدهم بشده وعلم انها لاتاتي بالضغط ورحل هو الاخر كامل لتغير الأجواء وقام بتوجيه حديثه لشادى ومعاذ: ياله كل واحد ياخد مراته يخرجها هتفضلو قاعدين كده وبالفعل أنصاعو لكلام كامل.
في غرفتها بكت ولأول مره أخرجت هاتفها وخاطبت أدم ميرال: أدم تعبانه قوى أدم: مالك يابنتى صوتك ماله ميرال: تعبانه انا بحبه مش مش هينفع كل ألى بيقرب مينى بيتإذى أنا خايفه عليه أدم: أدهم إيه الجديد قصت له ميرال ماحدث أدم: غلطانه ياميرال ميرال: وأتجوزه وألى عايز يإذنى يموته زى ماقال انا لحد دلوقتى معرفتهوش ياأدم ليه بيحصل معايا كده انا تعبت الجبل تعب.
أدم: وانا متعودتش إن ميرال تتعب وتيأس من حاجه ميرال قويه ومبتقعش لازم تقفى وتكملى للأخر ميرال: هكمل والحمدلله كلكم جمبى يعنى هتقوى بيكم أدم: إحنا الى بنتقوى بيكى ياميرال اغلقت معه ميرال الهاتف.
كانت تجلس في هذا المكان تفكر في حياتها وجدت ان الوقت أصبح متأخر جداا قامت لترحل ولكن وجدت بعض الشباب يقوم بمضايقتها عائشه بخوف: عايزين إيه إوعى كده خلونى اعدى شاب: تعدى دحنا نبقى مبنفهمش لو سبنا واحده زيك تعدى من تحت إيدينا عائشه ببكاء وترجى: أرجوكم سبونى وخدو الفلوس إلى أنتو عايزنها عايزين العربيه خدوها والدهب ألى معايا وخدو كل حاجه بس سبونى شاب٢: لا صراحه أنتى احسن من كل ده.
عائشه تبكى وتصرخ وتستغيث بأن ينقذها أحدهم امسك الشباب ايديها واخذو يجرونها وهى تبكى وتصرخ وتستغيث بان ينقذها أحدهم في هذه اللحظه ظهر شاب من العدم وجد فتاه تستغيث و وجد شباب يأخذونها أنهال عليهم بالضرب حتى فرو من امامه هاربين كانت تبكى وكل جزء فيها ينتفض حسام نزل لمستواها: ياأنسه أهدى محدش هيإذيكى مشيو خلاص عائشه ببكاء: شكراا جداا لحضرتك معرفش لو إنتا مش موجود كانو عملو فيا أيه.
حسام: خلاص حصل خير تعالى اوصلك بيتك بس إهدى الاول علشان اهلك من منظرك ده هيقلقو عليكى عائشه بسخريه: يقلقو عليا انا انا لو نمت بره البيت محدش هياخد باله أنى مش موجوده شكرا لحضرتك حسام تعجب من هذه الفتاه التي يظهر من السياره الفخمه والذهب الذى ترتديه أنها إبنة شخصيه مهمه.
مر أسبوع على هذه الاحداث ولم يتغير شئ سوى ان ادهم قرر الأبتعاد عن ميرال ألى حينما تسمح له بدخول حياتها وتعذبت ميرال بسبب هذا الشئ اما معاذ يحاول مراجعة نفسه فيما سوف يفعله مع أميره مازن تعلم كل شئ وتجهز أدم للنزول لمصر ولقاء حبيبته اما اسماء تعيش بسعاده مع مازن عمار يتمنى ان يقابل روان مره ثانيه فهو يشتاق أليها بشده ميرال تحاول معرفة من هو البوص وتبحث وراءه لتنهى هذا الشئ وترتاح من هذا الكابوس.
شادى يعيش مع بيسان أجمل قصه حب فهو لايحبها فقط بل يعشقها اما توفيق تعب وتم نقله ألى المستشفى حزن الجميع لأمره شعر ياسين بغضه في قلبه قام بالأتصال بأدهم ياسين: أدهم إنتو كويسين ادهم بكدب: أه الحمدلله كويسين ياسين بشك: أدهم صوتك مش مريحنى فيه أيه أدهم بحزن: بابا تعبان وفى المستشفى ياسين بخضه: طب ليه مقولتليش طب عنده إيه ادهم: أنا مقولتش ليك علشان مقلقكش وأنتا أصلا مش هتنزل مصر ياسين: طب والدكتور قال أيه.
أدهم: مشكله في القلب وهيعمل دعامات ياسين: أنا هاجى على اول طياره لازم اطمن بنفسى اغلق معه الخط وبلغ السكرتيره تحجز له على اول طياره ادهم: نازل ياكبير إرتحت توفيق بتعب: مش هرتاح غير لما اشوفه بعينى انا تعبت يابنى ونفسى اطمن عليكم ادهم: سلامتك ياكبير إحنا بخير طول مانتا كويس وخفف الكلام الدكتور قال نقلل الكلام وبالفعل أنصاع لكلام ادهم.
كان قلبه يرقص من الفرح لانه سوف يرى حبيبته ويتسأل كيف اصبح شكلها هل تغيرت هل مازالت مثل ماهى دخل القصر تفاجا الجميع بوجوده فهو لم يخبر احد انه قادم ميرال بفرحه: ادم أنتا جيت أمته ادم: الحظر اتفك ومازن شال الليله مكانى أستنو كده هى دى مليكه ملوكه مليكه: مجنون والله حمدالله على السلامه بيسان: ادم ولد العم ياهلا ياهلا رفيف بهمس: بت يابيسان هو ده ادم بجد حد يقرصنى ياناس مش مصدقه والله.
بيسان بهمس: صدقى ياختى حبيب القلب جيه بالسلامه ادم وهو ينظر الى رفيف: أزيك يارفيف رفيف بخجل: الحمدلله أنتا عامل أيه ادم: انا حلو طول مانتى حلوه ميرال بهمس لأدم: ايه نمشى مضيقين حضرتك نمشى ادم بهمس مماثل: ياريت قامت ميرال بلكمه في بطنه ادم بوجع: انتى واخوكى مشكلتكو إيه مع بطنى نفسى اعرف ميرال بضحك: الواد مازن ده عسل أدم: أزيك ياعمى وحشتنا ياريس كامل بضحك: أنتا ألى وحشتنى يابن الغالى.
ادم: أنا عايز أرتاح ياجماعه ياترى للاوضه بتاعتى نضيفه وجاهزه ميرال: اه نضيفه أطلع عليها وبالفعل أنصاع لها وطلع فورا على أوضته طلعت رفيف اوضتها هى كمان ووراها بيسان رفيف بفرح وبتتنطط على السرير: يالهوى ياناس هيغمى عليا بيسان: أهدى يامجنونه رفيف: وحشنى بحبه بحبه يابوى بيسان: اهوه رجع اياكش تهدى بقا رفيف: هدينا بس راجع موززز المزاميز والله بيسان وهى تستدرجها: بتحبيه.
رفيف: بحبه بس دنا بموت فيه وحشنى ياناس كنت همووت من غيره ياريت يحس بيا وأتنقل من لقب عانس للقب حرم أدم الجمال بس هيحس بيا يعنى ولا يكونش حب واحده من هناك ياحزنك يارفيف بنات لندن خدو الرجاله إلى حيلتنا ضحك بشده الذى يقف خلفها رفيف: لا متقوليش هتقتل دلوقتى ولا هيستنو أما أتغدى بيسان: لا أستأذن انا معاك ربنا ورحلت بيسان رفيف: إلى عملته هيطلع عليا ألتفت رفيف وكانت الصدمه رفيف بخجل وتلبك: أ. ا. دم إنتا.
ادم: انا مكنتش اعرف إنى مجنن العذارى كده ولا ايه رفيف: جاى هنا ليه بابا منع حد يدخل الدور بتاع البنات ادم: لسه جاى من لندن ومعرفتش القواعد الجديده ونسيت القديم نزلت من على السرير ورفعت إصباعها في واجهه: إنتا تعرف القواعد من هنا ورايح ممنوع تدخل الدور ده ظل يقترب منها وهى تبتعد حتى التصقط بالحائط رفيف بتلبك: أبعد ياأدم مينفعش كده ادم بحب: دنا مصدقت اقرب بحبك اوى يارفيف وكنت هموت وارجع علشان أشوفك.
رفيف وضعت راسها ارضا وضع ادم يده اسفل ذقنها ورفع وجهها ألى أعلى: قولى بحبك عايز اتجوزك يارفيف نفسى أبقى معاكى وافضل جمبك العمر كله بصى في عينى نظرت رفيف في عينيه وقتها نست كل شئ تاهت في سحر عينيه لم تجد اى كلام تقوله ادم: أنا همشى دلوقتى وهسيبك علشان وشك بقا شبه الفرواله من كتر الخجل وتركها ورحل أصبحت تدور في الغرفه: بحبه بحبه بحبه وقذفت حالها على السرير.
وظلت تفكر فيه وفيما فعله ووضعت المخده على وجهها من الكسوف.
وصل ياسين البلد وذهب فورا ألى المستشفى ذهب ألى غرفة والده للإطمئنان عليه تفاجأ ادهم بوجوده أدهم: ياسين إنتا هنا بجد ياسين: جيت اطمن على بابا مينفعش اعرف انه تعبان واتأخر ومنزلش مصر توفيق بتعب: وحشتنى يابنى ياسين: ياحاج قوم انتا زى الفل بس بتدلع علينا شويه علشان تعرف غلاوتك عندنا توفيق: اخيرا نزلت وخليتنى اشوفك يابنى ياسين: أنتا عارف غلاوتك عندنا ياحاج بس الشغل واخد كل وقتى.
وفى هذا الوقت اتت ميرال وكامل للإطمئنان على توفيق سمح ادهم للطارق بالدخول كامل: قوم ياراجل ياعجوز اعترف خلاص انك عجزت ميرال: لا عمى توفيق طول عمره شباب ولا ايه كانت الصدمه من حق ياسين هى راته ولم تتعرف عليه هل فقدت ذاكرتها ام تدعى النسيان ام هناك شى اخر لم يعلمه توفيق بتعب: ميرال البكاشه انا شباب معرفتكوش ابني ياسين ميرال: اهلا بحضرتك تشرفنا بيك ميرال الجمال كامل: ازيك يابنى غبت كتير عن البلد.
ياسين بتلبك وتوتر: رجعت اهوه ياعمى كامل: ساكت ليه ياادهم ادهم: مفيش ياعمى كامل: اخبار شغلكم أيه إنتا وميرال ميرال: الشغل كويس وماشى زى ماكونا عايزين ادهم: فعلا الشغل كويس كامل: هنمشى دلوقتى وأما تطلع من المستشفى هحيب العيله كلها واجى اطمن عليك وبالفعل رحل وكان كل شخص يفكر في حاله ياسين لنفسه: أنا عملت كده في حبيبت اخويا بس هى أزاى مفتكرتش شكلى بس ليه عيونها أتغيرت كلها قوه زمان كانت ضعيفه.
ادهم يفكر في ميرال ومااصبحو عليه الأن هى من اوصلتهم لذلك هى من انهت هذه القصة الجميله اسوء نهايه هى رفضته امام الجميع.
رواية وخضعت للحب الجزء الأول للكاتبة أروى الشرقاوي الفصل الخامس عشر
بعد رحيل ميرال وكامل ياسين بتساؤل ورعب: هى دى ميرال الجمال إلى الكل بيتكلم عنها أدهم بحزن: أه هى ياسين: دى ميرال إلى بتحبها ياأدهم ادهم: أه بس خلاص حكايتنا أنتهت قبل ماتبدا ياسين: ليه إنتهت ادهم: ميرال رفضت الأرتباط بيا مع إنها بتحبنى.
ياسين بشرود وشعر بأن وجع الكون تجمع في قلبه هو وأخيه يحبون نفس الفتاه ولكن هو لماذا لم يشعر بشى إتجاهها عند رؤيتها هل احبها وهى ضعيفه كيف سيخبر أخيه انها هى نفس الفتاه التي يبحث عنها لكى تسامحه بالتأكيد هى ترفض الزواج لما حدث لها في الماضى منه ولكن لماذا لم تتذكره هل تذكرته وفضلت السكوت هلى عرفته وفضلت عدم افتعال مشاكل ادهم: ياسين ياسين روحت فين يابنى ياسين بأنتباه: هاه مروحتش ولاحاجه.
بس تلاقينى تعبان انا جيت من الطياره على هنا ادهم بحب: خلاص روح الفيلا إرتاح شويه وأبقى تعالى الصبح وبالفعل رحل ياسين وهو في حيره ماذا سيفعل في هذه المشكله الذى وضع فيها نفسه لم يغتصبها برغبته اذا لماذا يعانده القدر هكذا.
على الجانب الأخر في فيلا الجمال نزل ادم على الدرج يتسأل اين عمى ادم: بيسان فين عمك بيسان بغلاسه: ليه هاه ليه عايزه ليه انا مش حشريه بس بحب اعرف بس ادم بإستنكار: مش حشريه واضح شادى: هتغلط ولا ايه محدش يغلط في بيسو غيرى بيسان: صدق جسمى قشعر والله هعيط شادى بإستنكار: صدقى غلطان بيسان: غلطان ولا مش غلطان عايزه اعرف ادم عايز عمى ليه شادى: غبيه هيكون عايزه ليه يعنى علشان يخطب جعفر إلى جمبى.
ادم بتعجب: جعفر مين شادى بضحك: رفيف اختى معاذ بضحك: وبيسان اختى شحيبر ادم بنفى وحب: لا عندك دى رفيف قمر والرقه كلها شادى: متلم نفسك ياعم النحنوح مش عجبينك يعنى أنا ومعاذ ادم: بس يالا منك ليه دلوقتى عمى يجى واخطبها منه ومحدش يقدر يكلمنى شادى: لا بس بقا هنفضل نكلمك علطول ولو كلمتها هعلقك ادم بمكر: هو معاذ عمل معاك كده وبطلعه عليا.
معاذ: ابدا ياخويا بس الواد ايده طرشه وبيضرب جامد وبعيد عنك بيسان مدتش لحد فرصه يكلمه أدم: ليه عملت إيه معاذ بضحك قص عليه ماحدث أدم بضحك حتى أدمعت عيونه: ده بجد طب كونتو صوروها نتفرج ونشوف المواهب شادى: لم نفسك يالا محدش يكلم بيسان مراتى محدش يضايقها كانت فرحه بدفاعه عنها نعم فقد نطقها قال أنها زوجته.
معاذ: ياخويا اتنيل شكلها هتتجوز غصب قاعده جمبنا الاخت الصامته هل تسمعينا نحن نتحدث على حضرتك هلى ترغبين في الزواج منه ام لا هل هناك إرسال ضحك الجميع وفى هذا الوقت أتى كامل ومعه ميرال كامل بتساؤل: متجمعين ليه بتخططو لأيه رفيف بزعل: بابا إبنك واخواته بيتريقو عليا يرضيكى ياميرال حتى اسالى مليكه انا قعدت ساكته ميرال بتعصب: مين زعلها شادى: مش انا معاذ: ولا انا ادم: طبعا مش انا بيسان بخبث: انا أقولك ياميرال.
ميرال: قولى يابوسى بيسان: ادم عايز يتجوز رفيف ميرال: قديمه الجديد بيسان بمكر: بيتريقو عليا انا ورفيف ادم ومعاذ ينفع كده ميرال: وشادى معملش حاجه بيسان بنفى: لا شادى طيب معملش حاجه شادى: هو انا إتجوزتها من شويه حونينه البت ديه معاذ بخوف: طب هاتها هنا علشان ميرال هتدرب علينا انهارده شادى بخوف: يالهوى ميرال لا انا كده هموت ادم: ياحزنك ياأدم هتدخل الأخره قبل ماتدخل دنيا رفيف بنفى: لا أدم معملش حاجه.
معاذ بتعجب: وانا إبن الغساله مثلا محدش هيدافع عنى مليكه: معاذ معملش حاجه الظاهر كده إنى انا إلى عملت متلم روحك إنتى وهى وبطلو نحنحه معاذ: روحى إلهى تنسترى يامليكه يابنت أم مليكه ميرال: اخرت الحورات ديه إنجزو ادم: عمى عايز اتجوز رفيف كامل بضحك: رفيف مراتك من يوم ماتولدت أدم بعدم فهم: مش فاهم كامل: زمان لما رفيف اتولدت اول ماشوفتها قولتلى عايز اتجوزها ادم بغمز لرفيف: طب حب قديم اهوه ياريت تحس يالى في بالى.
شادى: المره الجايه هعميك ماتتلم يالا كامل: فرحك على رفيف مع معاذ وشادى وكتب كتابك إما توفيق يبقى كويس ادم بصوت عالى: عاش كامل الجمال عم البشريه وحبيب الملايين عاش عاش ميرال لكامل: العيله كلها اتجننت ياعمى وظلو يضحكون لفتره طويله .. اشرقت شمس يوم جديد تعلن عن يوم ملئ بالحب والأمل في لندن في شركات الجمال أصبحت أسماء سكرتيرة مازن فهى تغار عليه بشده كانت تحمل بعض الاوراق لتجعل مازن يوقع عليها.
مادلين: خبرى مستر مازن بدى إياه بشئ اسماء وهى تنظر إليها وتتفحصها: بدك مين ياختى مستر مازن جوزى مادلين: لا مستر مازن المدير أسماء وهى تلوى فمها مينى ولا إيه؟ مادلين بعدم فهم: مابفهم عليكى شئ اسماء: ألا قوليلى ياختى مش سقعانه ولا حاجه فين بقيت هدومك مادلين ببراءه: هاى هيه قوانين الشركه بدى نلبس هيك لبس مهلهل ومقفل مشان شكل هى الشركه.
أسماء بصدمه: هو كده لبسك مهلهل امال انا لابسه أيه مبهدل جوزى هيطلع من هنا بعروسه وبالرفاء والبنين إن شاء الله مادلين: شو عم بتقولى اسماء: تعالى ياختى علشان نشوف أخرتها إيه اخذتها اسماء ودخلو عند مازن اسماء وهى بتجز على اسنانها: الأنسه عايزاك مادلين: بدى أياك تمضى على هى العقود مازن وراى غيرت اسماء: طب اتفضلى اقعدي الاول مينفعش تفضلى واقفه اسماء: لا الانسه مستعجله إمضى واخلص مش عايزين عطله.
مادلين بنفى: انا مانى مستعجله ولا شى مازن: أسماء روحى شوفى شغلك أسماء: نعم انا مش رايحه في مكان انا فاضيه معنديش شغل مازن: خلاص اقعدى ساكته اخذ منها مازن الاوراق وقام بمراجعتها ووضع توقيعه مادلين: بدى إتشكرك إكتير لانك ماخلتنى أنطر كتير مازن: لا مفيش شكر انا الى بشكرك على إهتمامك الواضح بالشغل أسماء وهى على اخرها من مازن: شوف أزاى مادلين: والله انا مابفهم منك شئ.
اسماء بصوت واطى سمعها مازن: والله تلاقيكى من الحطابه وعملالى فيها بنت سلطح باشا ضحك مازن بشده مادلين: لشو عم تضحك مستر مازن مازن: لا مفيش ده مراتى بتهزر معاكى مادلين بفهم: هالأ فهمت عليكى إنتى عم تغارى على زوجك بس لا تخافى انا متزوجه وبحب جوزى كتير وهو شغال معنا هون راح عرفكن عليه ذهبت مادلين وتبقى مازن واسماء أسماء: حونين قوى الصراحه دى مأفعه مازن: دى مأفعه يعينى عليكى يامادلين أسماء: ماااازن.
مازن: خرمتى ودنى ياشيخه بقا الواحده من بعد الكلام الموسيقى الى كان بيسمعه من شويه يصحى على الصوت ده اتت مادلين في هذا الوقت مادلين: بعرفكن على زوجى أسماء بصوت واطى ولكن سمعه مازن: يابنت المأفعه جبتيه منين ده دى اكيد سحرتله ده شبه العيال بتوع الشاروما الى بنروح نشترى منهم ونعاكسهم سمعها مازن وداس على رجلها تأوهت مادلين: ليش عم تتوجعى بيكى شى اسماء: لا مفيش حاجه.
واكملت بصوت واطى، أه منك لله يالى في بالى يجيبو ويحطو عليك سلم مازن على زوج مادلين واتى ليسلم على أسماء لكنه رفض كريم: اهلين بيكى الواحد ماشاف هيك جمال من قبل جمال مصرى مازن بغضب وغيظ: اهلا بحضرتك بس مراتى مبتسلمش كريم: بعتذر ماكنت بعرف بس بهنيك على هيك زوجه جميله تضايق مازن بشده اخذت مادلين زوجها ورحلت مازن بضيق: عجبك قووى أسماء: هو فيه حد يعجبنى غيرك بهزر يارمضان مبتهزرش.
ضربها مازن على راسها: لا بهزر ياختى وظلو بتحدثون مع بعضهم .. كانت تجلس مع رفيقتها تقص عليها ماحدث لها اميره: كل ده حصلك أمبارح سامحى مامتك بقا عائشه: ياريت ينفع بس الناس كلها بقت واحد عندى اميره: يابنتى إحنا جمبك عائشه بحزن: أمبارح راجعه البيت شكلى باين عليه التعب محدش فكر يسألنى مالك زى مايكونو نفسهم اطلع مارجعش تانى اميره بحزن على حال صديقتها: معلشى أستحملى بكره تلاقى الشخص ألى يعوضك عن كل ده.
عائشه: فين ده ياأميره على الأقل هرتاح من القرف ألى انا فيه أميره: ياله دلوقتى على المحاضره وبعدين نتكلم علشان نروح لرفيف نباركلها ونشوف كتب كتابها إمته عائشه: هاجى معاكى اباركلها بس كتب الكتاب مش هعرف اجى هعتزر منها هقابلها تانى وهتكلمنى انا مش ناقصه كفايه مرات أبويا وبالفعل ذهبو للمحاضره وبعد قليل اتى الدكتور كانت مشغوله بإخراج الاشياء لم تراه.
حسام يقدم نفسه: انا دكتور حسام جديد كنت بدرس في لندن وهكمل معاكم الفتره البسيطه دى تفاجأت بوجوده هو من ساعدها قبل ذلك وهو ايضا تفاجأ بها بعد وقت إنتهت المحاضره طلب حسام من عائشه ان تنتظر لأنه يريدها في شئ حسام: عامله إيه دلوقتى عائشه: الحمدلله بخير شكرا لسؤال حضرتك حسام: حد من البيت عرف لاحظو عليكى حاجه.
عائشه بسخريه: حتى لو عرفو هيعملو مش واخدين بالهم ولو عرفو أنك ساعدتنى كانو قالولك ليه ساعدتها كنت سيبها تموت حسام: ليه كده.
عائشه: علشان مرات بابا بتكرهنى أكتر مما تتصور نفسها تخلص مينى مش ناسيه أن بابا أتجوز ماما عليها وبتعاقبنى انا ومش عيزانى اورث في بابا اما بابا مش فاضى أصلا وبيكرهنى علشان بيكره ماما لانها كانت بتحب غيره وهى متجوزاه اما اخواتى فطبيعى يكرهونى زى مامتهم اما بقا الست الى السبب في كل ده رمتنى لبابا ومراته وراحت اتجوزت ولما فكرت اصاحب حد صاحبت واحده زباله عرفتنى على ناس زباله زيها ملقتش ام تنصحنى حبت تضيعنى زيها بس ربنا وفقنى ولقيت ألى تساعدنى ودلوقتى مصاحبه بنات كويسه بس عيلتى عمرها ماهتتعدل.
شوفت بقا حياتى الحلوه ألى تستاهل أنى اعيشها حسام بحزن على حالها: ياه كل ده بس في ناس حياتها كانت اكتر من كده وعاشت وحاربت عائشه: شكرا لحضرتك عطلتك عن أذنك تركته ورحلت وهى تفكر في هذا الشخص الذى يهتم لأمرها شعور لم تجربه من قبل الا وهو الأهتمام كان يفكر في هذه البنت فالمال ليس كل شئ في الحياه هذه البت لديها المال ولا تجد الحب فالحياه لاتعطينا كل شئ داىما يوجد نقص فيها.
مر أسبوع ايضا وتحسنت حالة توفيق وخرج من المستشفى ذهب أليه كامل هو وبعض افراد عائلته ولم تذهب معهم مليكه واخبره كامل بان يأتى ليحضر كتب كتاب ادم ورفيف هو وعائلته فرح توفيق لهم فكر ياسين كثيرا هل سيذهب ام لا وحسم امره انه سوف يذهب فهى لم تتعرف عليه سوف يثبت لنفسه انه لايحبها ويرحل إلى لندن ولن يرجع نمصر مره اخره ادهم فرح لأنه سيراها ولكنه حزن لانه سيتذكر رفضها له.
جاء موعد كتب الكتاب ذهب توفيق وياسين وادهم ولكن عصام لم يحضر رفضت زوجته الذهاب لكى لاترحل إبنتها مثل المره السابقه وصلو القصر استقبلهم كامل وميرال وكانت ميرال تستعجب من نظرات ياسين لها وتنظر لأدهم بحزن شديد لم تبعد عنه بإرادتها ولكنها مجبره تخشى عليه نعم تحبه وتعشقه.
كان ينظر إليها كانه يلومها على مافعلته به اذا كانت تحبه لماذا بعدت عنه لماذا رفضته أمام الجميع ولم تهتم بقلبه الذى ينفطر لسماعه هذا الرفض الواضح منها نزلت رفيف وكانت جميله بشكل جذاب وقف ادم ينظر أليها بحب اليوم يتصبح حبيبته زوجته نعم ستكون له من اليوم ادم وهو يتقدم ليأخذها همس لها: أحلى واحده في الكون كله انا اسعد واحد في الكون كله أنك هتبقى ليا.
رفيف بخجل: وانا اسعد واحده في الكون أنك هتعيش معايا العمر كله ذهب بيها وتم عقد القرأن تاخرت في تحضير غسق نزلت متأخره وذهبت إلى رفيف وباركت لها هى وادم ولم ترى الذى يجلس بعيد عنها وهو ايضا لم يراها وجدت اختها حزينه ذهبت أليها مليكه: مالك ياميرال ميرال: ادهم هنا مليكه: طب تعالى خلينى اشوفه وهو يشوف شبية مراته ذهبت ميرال ومليكه حيث يجلس الرجال توفيق ؛ملوكه عاش من شافك مليكه: تعيش ياباشا.
راته مليكه وكانت الصدمه وهو راها ايضا تذكرت مليكه الماضى في لحظات والحدث المؤلم وضعت يدها على اذنها مليكه بصوت عالى وهى ترتعش: لااااااااااااا أنصدم الجميع ماذا حدث لها ذهب ياسين بأتجاهها مليكه بخوف وهى ترجع للخلف وكان الماضى امامها: أبعد عنى ارجوك أبعد ميرال بصدمه: مليكه مليكه بخوف: خليه يبعد عنى جاى ليه انا بقيت كويسه راجع ليه راجع يكسرنى تانى صدمه الجمت الجميع منهم من يعلم ومنهم من لم يفهم شى.
ميرال بصوت عالى وهى توجه حديثها لياسين: إنتا الى عملت كده في اختى ودمرتها ٤ سنين وكسرتها وقامت بتسديد بعض اللكمات له لم يدافع ياسين عن حاله ياسين وهو ينزف من وجهه: والله ماعملت حاجه انا مكنتش في وعى ميرال: هقتلك وقام شادى بضربه هو ايضا ومعاذ وادم حاول ادهم الدفاع عنه ولكن دون جدوى اخذت الفتيات مليكه ورحلو إلى غرفتها ليقوم بتهدئتها توفيق باسف: ياخسارة تربيتى.
ادهم يحاول تبرير ماحدث: مظلوم ياجماعه ياسين مكنش واعى لكل ده ميرال بصرامه: ألى بينا من النهارده أنتهى وجهز كفن اخوك لان قريب هقتله هخلى المحامى يخلص كل ده كامل: ميرال يابنتى ميرال: عمى كلامى خلص اختى عانت منه سنين انا مصدقت رجعت تتكلم وكله كان بسببه اختى حقها هيرجع جاءت الصغيره: مامى شى تزعقى غسق بتخاف.
حضنتها ميرال: دى نتيجه ألى إنتا عملته في أختى ياياسين وأه نسيت اقولك مش هتعرف تاخدها مننا خالص لان هى متسجله أنها بنت الجمال ياياسين نادت ميرال الداده لتأخذ الصغيره ميرال بحقد: هموتك ياياسين ومش هتعرف تسمع كلمة بابا من بنتك إتوجع ياياسين زى ماوجعت أختى الفتره دى كلها ودلوقتى بره بيتنا ادهم بزعيق: كفايه بقا ياشيخه كله أحكام ليه مبتسمعيش حد أخويا مكنش في وعيه إفهمى بقا.
ميرال بزعيق: برررره وهاخد حق اختى منكم كلكم رحل توفيق وأولاده من المنزل كامل: انا سيبتك تعملى ألى أنتى عايزاه بس كده غلط يابنتى ميرال بغضب جامح: غلط والى عملوه في أختى مش غلط والسنين الى ضاعت من عمرها دى مش حررام شادى بغضب: بابا ده لازم يتقتل أختنا عانت كتير بسببه أدم بغضب مماثل: عندك حق انا إلى هموتوه معاذ بوجع مماثل لهم: لا محدش هياخد حق مليكه غيرى.
كامل بأسى: خلاص كلكم بقيتو بلطجيه وهنموت الناس بقيتى جلاد ياميرال بيحكم من غير مايسمع الناس الغضب بيعمى صاحبه يابنتى إسمعى الاول ياسين ميعملهاش ده تربية توفيق ورحل وتركهم وهى رحلت ايضا الى أختها.
في الجانب الاخر عند توفيق ذهب ياسين الى المستشفى وعالج هذه الجروح ولكن هناك جروح في قلبه تحتاج إلى العلاج عرفها اليوم نعم نفس نظرات الترجى هو سبب لها الوجع ولكن هو ايضا موجوع واصبح لديه طفله ايضا ولكن ميرال ستقتله عيناها كانت مليئه بالكره والحقد والأنتقام وذهبو إلى الفيلا توفيق: انا مش هضربك بس عملت كده ليه ياسين: والله انا مكنتش في وعى توفيق: ازاى في واحد يغتصب واحده وهو مش عارف ازاى ده.
أدهم ماكد على كلامه: ده الى حصل فعلا وقتها حكالى كل حاجه ومعرفناش البنت ولما فقدنا الأمل ساب البلد ومشى ياسين: انا بحبها وهحارب علشان اوصلها هى وبنتى توفيق: تحارب مين هتقف قدام ميرال ياسين: وفيها ايه توفيق: يابنى متعرفش ميرال محدش بيقدر عليها وظلو يتحدثون.
رواية وخضعت للحب الجزء الأول للكاتبة أروى الشرقاوي الفصل السادس عشر
كانت تنظر إلى أختها وتتمنى لو تقتل هذا الشخص الان وتنتقم منه فقد حرمها من اختها كثيرا وأيقنت وقتها انها خسرت أدهم وحبه نعم سترمى حبه خارج قلبها فكان لديها حق عندما رفضت هذا الحب.
فاقت من نومها مفزوعه تبحث عن أحد يساعدها للتخلص من هذا الكابوس الذى تراه دائما مليكه بفزع: لاااااااااااااااا قامت بإحتضانها وتهدئتها: هش إهدى محدش هيإذيكى وأنا موجوده مليكه ببكاء: هو جاى ليه ياميرال جاى يكسرنى تانى جاى يفكرنى ليه كنت بحبه بس بعد إلى عمله فيا بقيت بكرهه ميرال: بس متتكلميش كل دمعه نزلت من عينك هيبكيها دم لازم أعرفه فكر يعمل كده فيكى إزاى نامى دلوقتى وبكره نتكلم خلدت مليكه للنوم.
وجلست بجوارها تفكر فيما ستفعله.
كان في غرفته يفكر هي بالفعل لم تخبره بحبها ولكن كان هناك أمل والان فقد الأمل ذهب إليه أخيه ياسين بأسف: عارف إنك بتفكر دلوقتى في ميرال وإنى دمرتلك حياتك أدهم بسخريه: ده على اساس ميرال كانت معايا مثلا وسبنا بعض علشانك في الأصل موضوعنا كان خلصان ياسين بتعجب: بس إزاى حبيت واحده زى ميرال دى قويه جباره نظرتها غريبه مزيج القوه والتحدى ليه هي.
ادهم: ميرال حاله خاصه عالم تانى حاجه من الخيال واحده تفضل عمرك كله تدور عليها وفجأه تلاقيها قصادك ياسين بحزن: للدرجه دى ادهم: وأكتر ياياسين ميرال حب عمرى ومش هحب غيرها ياسين: وانا حبيت مليكه ومش هعرف احب غيرها بس ميرال مش هتسكت على إلي حصل لو حصلى حاجه خد بالك من بنتى إلى مشوفتهاش غير مره ادهم بنفى: متقولش كده بنتك محدش هيربيها غيرك وبكره مليكه تفهم وترجعلك وميرال عمرها متقتل ميرال بتقف دايما مع الحق.
ياسين: مش مرتاح ليها ياإبن أبويا ميرال ممكن تقتلنى بكل دم بارد ادهم: وقتها مش هتلاقى غيرى يقف في وشها وأنتا محدش هيقربلك ياسين قام بإحتضانه وهو خائف من مصيره فميرال ليست بالعدو السهل فنظره منها كفيله كى تجعل خصمها يرتعب الخوف من ميرال وليس من غيرها.
على الجانب الأخر يضحك هذا الشخص المدعو بالبوص ضحكه أنتصار واستفزاز البوص: جات متأخر الخطوه دى بس اهى حصلت ضاحى: الراجل بتاعنا بيقول ميرال ضربته والعيله كلها وتوفيق وكامل أتفرقو خلاص البوص: ياه بس ميرال ضربته بس إخس عليها ده واحد إغتصب اختها على الأقل تموته ضاحى: ماهى ميرال قالتله أنها هتموته قدام الكل البوص بضحكه: ميرال مالهاش في القتل ميرال جباره وقويه بس القتل مش لعبتها أسألنى انا.
ضاحى: طب والحل عايزين العداوه تزيد البوص بمكر وغموض: نموت إحنا ياسين ونساعدها ضاحى: أستاذ يابوص نموت ياسين هي شغلانه يعنى البوص: عايزك تبين أن ميرال هي إلى قتلته ضاحى: ياريت ياباشا وبكده نكون خلصنا منها وتتعدم فيها ونرتاح البوص: لا ميرال قيمتها أكبر من كده انا عايز ادهم حبيب القلب يعرف هو وتوفيق بس أنما ميرال تدخل السجن لا عايزاها تشوف حياتها وهي بتدمر قدام عنيها.
ضاحى: نفسى ادخل جوه دماغك ياباشا واعرف بتفكر إزاى البوص: ضاحى دماغى تفكيرها كبير عليك وتحدثو لفتره ليست بقصيره.
مر أسبوع على هذه الاحداث.
كان يجلس في مكتبه عندما أتاه خبر وفاة أخيه فقد إنفجرت سيارته وهو بداخلها ذهب ادهم إلى مكان الحادث وكانت الصدمه الكبرى من حقه أدهم بوجع: لااااااا ياسين لااااااااا يارررب أخوياااااا قام الجميع بتهدئته ولكن دون جدوى فقد رجع أخيه ممنذ وقت قصير كيف يفقده بهذه الطريقه الظابط لأدهم: البقاء لله ادهم: لا اخويا مماتش لا محدش يقولى كده الظابط بأسف: هو كان ليه أعداء.
ادهم بنفى: لا ياسين مكنتش موجود في مصر من فتره يعنى مالهوش اعداء الظباط: انت بقول كده لانى شاكك أن الحادثه دى تكون بفعل فاعل تذكر ادهم هذا الوقت ميرال وتهدديها لياسين بالقتل ادهم بتوعد ونفى: لا مالهوش اعداء ذهب ادهم من امامهم وقام بالأتصال بوالده الذى نزل الخبر عليه كالصاعقه توفيق وهو يضع يده على قلبه: إبنى لا متقولش ياادهم اكيد بتكدب.
ادهم بحزن ووجع مكتوم: لا يابابا مش بكدب اخويا مات والسبب اكيد ميرال الجمال هقتلها واخلص منها توفيق: اه ووقع على الارض وفقد الوعى ادهم: بابا بابا ذهب مسرعا إلى الفيلا وقام بنقله إلى المستشفى في المستشفى الذى يوجد بها توفيق أخبره الطبيب ان حالته خطيره جدااا ادهم لايعرف ماذا يفعل أبيه واخيه في يوم واحد ماهذا العذاب والسبب فيه ميرال.
ذهب ألى شركات الجمال والغضب يتملكه نزل من سيارته ودخل الشركه ومنها الى مكتب ميرال لم يطلب الإذان ميرال بغضب: انتا أتجننت إزاى تدخل مكتبى بالطريقه دى ادهم امسكها من ذراعها: موتى اخويا وابويا مرمى في المستشفى بسببك إنتى حيه ياشيخه والله لأخليكى تندمى ياميرال ولازم ادمرك على كل ده ميرال قامت بسحب ذراعها من بين يديهوواكملت بسخريه: هدد على قدك اخوك غلط وخاد جزاءه ووالدك ربنا يشفيه زعلت علشانه.
ادهم: صدقينى ياميرال هتنكوى بالنار ألى جوايا هدمرك ياميرال ميرال بتحدى: هدد على قدك ياادهم حق اختى وجبته ادهم بغيظ: حق اختك تموتى اخويا ميرال: العين بالعين والسن بالسن والبادى اظلم ياادهم كده وقتك إنتهى خرج ادهم من مكتبها وهو غاضب ذهب ألى المستشفى ليكون بجانب والده.
في الجامعه كانت تقف مع صديقاتها رفيف واميره اعلن هاتفها عن وجود متصل عائشه: في إيه يارامى عايز أيه رامى: اطلعى بره انا قدام الجامعه عائشه بخوف: حاضر طالعه اهوه خرجت عائشه راها حسام وهي تخرج خرج وراءها ليعرف لماذا خرجت ذهبت عائشه إلى رامى وكان يقف مع صديقه عائشه: نعم في إيه يارامى رامى: عايز فلوس عائشه: وانا مالى بكل ده رامى: عايز منك فلوس بابا منع عنى المصروف وأنتى الوحيده إلى معاكى فلوس.
عائشه: انا مبديش فلوس لحد روح لأمك ياحبيب امك هتديك رامى: أدتنى وخلصو خلصى وهاتى فلوس عائشه وهي تهم بالرحيل: ممعيش قام رامى باللحاق بها وامسكها من ذراعها: هاتى فلوس إخلصى ياتجيبى الفيزا اسحب بيها المكينه أهيه عائشه بوجع: دراعى يارامى خلاص هديك الفلوس واخرجت بعض النقود واعطتهم لرامى تركها ورحل ظلت واقفه مكانها وهي تضع يديها على ذراعها اتى الذى يقف من البدايه وتعجب.
حسام: مين ده وليه بيعمل معاكى كده انا كنت هتدخل بس حسيت أنكم تعرفو بعض عائشه بحزن: اخويا حسام بصدمه: اخوكى وليه بيعمل فيكى كده عائشه: كان عايز فلوس بابا حرمه من الفلوس ملقاش حد غيرى لأنه عارف إنى مش بستخدم المصروف كله حسام: طب وليه بيعاملك كده عائشه: ده العادى عن اذنك تركته ورحلت وهو يفكر لماذا تتحمل هذه البنت كل هذا الشئ.
في قصر الجمال سمعو بخبر وفاة ياسين ودخلو توفيق المستشفى وسمعو ادهم وهو يهدد ميرال تجمعو لمعرفة مايدور حولهم دخلت ميرال القصر وهي متعبه وشرعت في الذهاب إلى غرفتها كامل بصرامه: ميرال استنى هنا ميرال: عمى انا تعبانه أرتاح شويه ونكمل كلامنا كامل: لاإستنى عايزك ميرال: أيوا ياعمى في حاجه مهمه يعنى كامل: أنتى إلى قتلتى ياسين ميرال ببرود: حق اختى وكان لازم أرجعه كانت صدمه للجميع أعترفت بقتل احدهم بكل دم برد.
صفعها كامل على وجهها وضعت ميرال يدها على وجهها: بتضربنى ياعمى علشان باخد حق أختى كامل بزعيق: حق أختك تموتى الناس انتى أمته بقيتى كده.
ميرال بزعيق: من يوم ماشيلت هم العيله كلها فوق دماغى من يوم مالغيت حياتى وفكرت في حيات الكل من يوم ماقفلت قلبى وشوفت قلوب العيله كلها وفرحت لما حبو من يوم مارفضت حب ادهم وأنتو عارفين إنى بحبه من يوم مااهلى ماتو قدام عينى ولحد دلوقتى معرفتش مين السبب من يوم مامليكه الكلب إلى مات اغتصبها ومحدش فينا قدر يعملها حاجه.
صدم الجميع من كلام ميرال الهذا الحد تحمل وجع بداخلها ميرال للكل: محدش يسألنى على الى بعمله ادم: بس متوصلش للقتل ياميرال ميرال: توصل لما الشخص يكون أذى اختى مليكه بحزن: ليه ياميرال بنتى لما تكبر اقولها أيه شادى: قتل ياميرال عمرك ماكونتى كده ميرال: متكلمتش يامعاذ ولا إنتى يابيسان ولا أنتى يارفيف كامل: هيقولو إيه بنت عمنا سفاحه بتقتل بدم بارد.
ميرال لمليكه: قوليلها خالتك موتت الراجل ألى إغتصبنى ومووت وأنا عايشه قوليلها خالتك موت إلى دبحنى ورحلت من القصر وتركتهم اخذت تسير بالسياره لفتره طويله رفيف: ميرال مش كده أتغيرت ادم: انا عقلى مش مستوعب كل ده شادى: انا بقا مش مصدق ميرال متعملش كده ميرال انا أشتغلت معاها عمرها ماعملت كده ولا هتعمل كده كامل: انا فضلت اكدب نفسى لحد ماهى اكدت ليا كده بنفسها.
عند ميرال وصلت إلى أحدى الاماكن البعيده عن المناطق السكنيه دخلت ميرال الشخص: أظن الدنيا والعه بره ميرال بأسى: كلهم فجاه أتقلبو ضد وصدقو إن ممكن أنا أقتل وجعونى قوى ياياسين ياسين: بلاش تظلميهم ياميرال أنتى بنفسك قولتى كده ميرال بوجع: حتى ادهم صدق ادهم صدق ياياسين أنى ممكن أعمل كده المهم عمى توفيق في المستشفى لازم يشوفك ويسمع صوتك ياسين: متقلقيش بابا كويس وعارف.
كل حاجه أنا خوفت عليه قولتله على كل حاجه ميرال: انا وقفت جمبك علشان حسيت إنك مظلوم وأتاكدت من كده ومليكه بتحبك ياسين: بجد ياميرال ميرال: بجد اختى بتحبك ياسين: بس ليه ساعدتينى وليه إخترعتى حكاية القتل ديه ميرال: ساعدتك لان دكتورة اختى قالت ليه إنها كانت بتحبك فحبيت أعرف منك الحكايه واسمعك فلاش باك بعد ذهبها من غرفة مليكه قامت بالأتصال به وبالفعل قابلته تعجب من ذلك ميرال: عايزه أعرف كل حاجه.
ياسين: زمان كنت في حالى في الجامعه وكنت بساعد والدى في شركته في يوم واحد معايا في الجامعه جيه وطلب نبقا اصحاب وهو كان بين عليه كويس فصاحبته وكنت بروح معاه بيته دايما كان عايش لوحده وفى يوم حضرلى العصير وسابنى ونزلى انا بعد ماشربت العصير محسيتش بنفسى وفجأه لقيت اختك مليكه قدامى حاولت افوق نفسى معرفتش وفوقت على مليكه وهي مرميه قدامى وانا معتدى ليه وبعدها اخدتها المستشفى وهربت من هناك معرفتش هي مين دورت كتير عليها.
ميرال: لان مليكه الوقت ده رفضت الكلام وعرفنا بعدها إنها حامل في غسق باك ياسين: طب ليه عملنا الليله دى كلها ميرال: لان الشخص ألى عمل كل ده فينا كان هيقتلك ياياسين ياسين: وعرفتى منين تكلم الذى يقف في الخلف: مينى طبعا ياياسو ياحبيبى ياسين بصدمه: عمار عمار: اه عمار بالحضن ياخويا الاول وحشتنى ياسين: عمار انا عرفت من ادهم انكم اعداء عمار: ربنا مايجيب عداوه ياجدع ميرال: عمار معايا من الاول فلاش باك.
طلبت ميرال من عمار مقابلتها عمار: عايزه ايه ميرال: مازن وادهم معملوش كده عمار: متاكد أنهم عملو كده ميرال: إلى عمل كده زمان علشان يفرق مبينكم عمار: وأنتى مقبلانى علشان كده ميرال: عمار فكر فيها كويس وانا هخليك تسمع بودانك وادخلك وسط ألى عملو كده وهخليك تاخد حق حبيبتك إلى ماتت وبالفعل اتصلت ميرال بضاحى ميرال: مكنتش اعرف إنك مركز معايا من زمان ضاحى: مش فاهم ميرال: طب مشكلتك معايا ايه دخل مازن فيها ضاحى: مش فاهم.
ميرال: دخلته ليه وفرقت مبينه هو وأصحابه ضاحى بضحكة سخريه: مقولتلك هدمر عيلتك وده اول التدمير اغلقت معه ميرال ميرال: سمعت انتا عارف انا مبخفش من حد انا حبيت اوضحلك الامور لان فهمت من مازن أن هو وادهم معملوش حاجه والراجل ده بيتكلم دايما إنه هيفرف عيلتى فلازم افهم باك عمار: ومن الوقت ده وانا معا ميرال وبحاول اكشف الشخص ده ميرال: قربت اعرفه وصدقنى هدمره لان مشكلته مع عمى كامل وعمى توفيق وعمى عصام.
ياسين: ده الموضوع كبير ميرال: اكبر من تصورك ياياسين فهمت ليه انا سمعتك ربط الخيوط وفهمت إن إلى حصل كان خطه لتفريق الأصحاب زمان ودلوقتى همشى انا وعمار علشان نشوف هنعمل أيه.
تحميل محتوى الموضوع
عرض نسخة صالحة للطباعة
أرسل هذا الموضوع إلى صديق
[13]
الدعوات : 2قوة السمعة : 10
رواية وخضعت للحب