طريقة عمل المكرونه النجرسكو (المكرونه بالفراخ)

طريقة عمل المكرونه النجرسكو

مكونات المكرونه النجرسكو
1/2 كيلو مكرونه شرايط او اى نوع
زيتون اسمر مخلى
جبن رومى مبشور



صدر فرخه مقطع مكعبات
بصله كبيره مقطعه
2 فص ثوم
نصف ليمونه
ملح حسب الرغبه





نصف م.ص فلفل اسود
م.ص كارى
م.ص بهارات فراخ
فلفل اخضر


البشاميل :
3 م.ك سمن
3 م.ك دقيق
م.ص فلفل اسود
ملح حسب الرغبه
3 كوب ونصف لبن


طريقة تحضير المكرونه النجرسكو :


حنحط الاول الفراخ المتقطعه مع البصل والتوابل وعصير نصف الليمونه ونسيبهم ف التتبيله شويه
بعد كده حنحضر البشاميل
حنحط 3 معالق كبيره سمنه فى حله على النار وبعدين نحط 3 معالق كبيره دقيق عليهم ونقلب لحد الدقيق ماياخد اللون الدهبى
ننزل باللبن بعد كده مع التقليب المستمر
نضع الملح والفلفل مع الاستمرار فى التقليب لحد القوام مايتقل ولو القوام تقيل زياده عن اللزوم حتزودى لبن او مرقه او مياه لحد ماتظبطى القوام اللى انتى عاوزاه واول مايطلع فقاقيع على وش البشاميل بكده يكون البشاميل استوى
بعد كده حنسلق المكرونه ف ميه مغليه فيها معلقه زيت وملح ولما تتسلق حنصفيها ومش حنحط عليها ميه
واحنا بنسلق المكرونه حنبدا بقى نحضر الفراخ بتاعتنا
ف طاسه حنحط فيها معلقه زيت ونسيبها تسخن وننزل بالفراخ المتتبله فى البصل والتوابل اللى حطيناها ونشوحها على النار وبعدين نوطى عليها النار ونسيبها شويه لحد مالفراخ تنزل ميتها وبعدين حنفرم فصين التوم ونحطهم عليها ونسيبها شويه على نار هاديه عشان تستوى
اول الفراخ ماتستوى حننزل بالفلفل الاخضر والزيتون الاسمر المخلى ونديها تقليبه مع الفراخ
بعد كده حتكون المكرونه طلعت من الميه وصفيناها حنضيف عليها خليط الفراخ ونقلبهم طويس
بعد كده حنجيب صينيه وندهنها زيت وحنحط شويهمن البشاميل فى قعر الصينيه ونفردهم ونحط باقى البشاميل على المكرونه وممكن نسيب جزء من البشاميل نحطه ع الوش
ونحط المكرونه بالفراخ والبشاميل فى الصينيه ونفردها ونحط باقى البشاميل ع الوش ونجيب جبنه رومى مبشوره او موزريلا او الاتنين ونحطهم ع الوش فوق البشاميل ونحطها فى الفرن لحد الوش مايبقى لونه احمر
تقدم بجوارها بطاطس محمره
وبالف هنا وشفا