حين دخل مروان إلى المرحاض اقتربت سلمي من هاتفه سريعا وامسكت به وفتحته وكانت صدمتها انه لم يكن يتحدث الا إلى شقيقته ويمزح معها اغلقت سلمي الهاتف سريعا وهي تشعر بالتوتر والشعور بالذنب انها فتحت هاتفه وبحثت ورائه وهو لم يكن يفعل شيئا خاطيء شعرت بتأنيب الضمير انه الشك الذي يدمر اي علاقه ويقتل الحب من جعلها تقوم بالبحث وراء زوجها خرج مروان من المرحاض واقترب منها.
فقد كانت شاحبه الوجه تنظر أمامها وتقف مثل التمثال فاقترب منها مروان: سلمي انتفضت سلمي من ندائه اليها سلمي: ها نعم مروان بتعجب: مالك سرحانه واتخضيتي كده ليه سلمي وهي تبتسم ابتسامه بسيطه متوتره سلمي: لا مفيش مش هناكل مروان وهو يحتضنها من كتفها: يله بينا جلس كل منهم يتناول طعامه حتى قال مروان مروان: على فكره سمر عزماني انا وانتي يوم الجمعة على العشا سلمي دون شعور: اه ما انا عارفه.
مروان: بدهشه: عرفتي ازاي وهي لسه قيلالي وقالتلي اقولك سلمي بتوتر: ها اصل... مروان وقد فهم انها بحثت بهاتفه مروان. وهو يترك ملعقته ويقول مروان. انتي بتفتشي ورايا يا سلمي حصلت سلمي وهي على وشك البكاء سلمي: انا اسفه بس والله انا مروان وهو ينتفض واقفا ويقول بغضب مروان: ايه بتشكي فيا بتشكي اني اعرف واحده غيرك عشان كده الهانم بتدور ورايا سلمي وهي تنهمر دموعها: انا اسفه.
مروان: بغلظه: اسف غير مقبول واخر واول مره تلمسي موبايلي تاني او اي حاجة تخصني فاهمه سلمي: ببكاء وصوت مرتعش من غضبه الذي اثار الخوف بنفسها سلمي: حاضر تركها مروان ودخل إلى غرفتهم وحيده فانفجرت ببكاء مرير هي المخطئه هي من سمحت للحزن والغضب والشك ان يدخل بينهم ولاول مره ترى غضبه لاول مره ينفعل عليهاهكذا وتعلم انه لن يسامحها على فعلتها تلك.
على الجانب الآخر كانت سمر تجلس امام التلفاز تشاهد احدي البرامج حين دخل محمد عليها بعد يوم طويل شاق سمر بحب: حمد الله على السلامة يا حبيبي محمد وهو يقبل راسها: الله يسلمك يا حبيبتي وجلس إلى جانبها... محمد: امال فين الكتكوته بتاعتي سمر: نامت بعد ما طلعت روحي محمد: ربنا يحميها يارب ويحفظها من كل شر سمر. امين يارب: احضرلك الاكل يا حبيبي محمد: لا شويه انا حابب اتكلم معاكي في موضوع مهم سمر: خير يا رب.
محمد بجديه: انا لازم اسافر اسبوعين مؤتمر طبي مهم جداً سمر: بحزن: وتسبني محمد. وهو يمسك بيدها: المؤتمر ده مهم جدا يا حبيبتي وهما اسبوعين بس وكل يوم هكلمك ولما ارجع هعوضك شهر في اي مكان انتي تشاوري عليه سمر: وعد محمد: بحب: وعد سمر: وتكلمني كل يوم كل شويه محمد: بابتسامه: عنيا سمر: طيب بس انا هاخد البنت ونروح عند بابا لحد ما ترجع محمد: ماشي يا حبيبتي سمر. وهي ترتمي بحضنه تروح وترجعلي بالف سلامة يا حبيبي.
محمد: يارب يا حبيبتي ويخليكي ليا.
على الجانب الاخر وفي صباح اليوم التالي كان مروان يجلس بمكتبه كعادته يوميا حين رن هاتفه برقم شقيقته مروان. صباح الخير على ست البنات سمر: صباح الخير يا حبيبي عامل ايه مروان. الحمد لله يا سموره انتي عامله ايه سمر: الحمد لله اخبار سلمي ايه مروان بضيق: كويسه سمر. مالك بتقولها كده من تحت ضرسك ليه مروان. بتنهيده: اتخنقت يا سمر مش قادر حاسس اني بمثل طول الوقت سمر: سلمي بتحبك يا مروان ومش هتلاقي حد زيها.
حكي لها مروان ما حدث سمر: ده طبيعي انا لو مكانها وجوزي مشغول بالموبايل هشك فيه مروان: انا مش مرتاح وحاسس بالذنب عارفه انا ما صدقت المشكله دي حصلت عشان ارتاح شويه مفيش حاجه اطلبها غير ما تعملها كل حاجه حاضر ده غير انها بتحبني بزيادة اوي حاسس بملل مش حاسسها ابدا طول الوقت بحبك زهقت من كتر ما بقولها وانا كمان وانا مش حاسس بيها.
سمر: بتعجب: سبحان الله عشان بتسمع كلامك ومطيعه وعمرها ما اثرت معاك تبقي ممله عاوز ايه يا مروان واحده تزهقك من عنادها عاوز واحده كل حياتك معاها خناق انا مش عارفه انت بتفكر ازاي مروان بإحباط: انتي من فهماني سمر. بحزن: للأسف انت اللي مش فاهم نفسك ولا عارف انت عاوز ايه يس نصيحه من اخت لاخوها انت لو خسرت سلمي ساعتها هتندم اوي يا مروان مروان: ربنا يستر بقي من اللي جاي ويهديني سمر: يارب يا حبيبي.
على الجانب الاخر وصلت امل كعادتها إلى المنزل بعد انتهاء اليوم الدراسي امل لزوجه ابيها: مساء الخير يا طنط زوجه الاب بقرف: ما لسه بدري يا هانم مش عارفه انا ايه لازمتها المدرسه امل. وهي تغير الحديث المعتاده عليه يوميا امل: بابا عامل ايه دلوقتي زوجه الاب وهي امرأة حقوده تكره امل بقوه فهي وحيده ابيها وسترث كل شيء وتقاسمها به كم تتمني ان تغرب عن وجهها اليوم قبل غدا.
زوجه الاب. مرمي جوه يا اختي من ساعه اللي حصله وهو زي العمل الرضي امل وهي تاخد نفس عميق تنفث به غضبها امل: انا هدخل اشوفه دخلت امل على ابيها المشلول كليا بسبب حادث مروري قد اصابه منذ عام مضي امل: وهي تقبل راسه: بابا حبيبي حشتني نظر لها الاب بحب دون اي كلمه فهو فقد القدره على الحركه والكلام فقط عينيه هي ما تخبرها بما بداخله امل: وهي تهتم به كعادتها بعد الرجوع من المدرسه.
امل: ان شاء الله يا حبيبي بكره تخف وتبقي زي الفل ظلت امل تتحدث معه دون ملل وتخبره عما حدث بيومها حتى دخلت تلك العقربه لتعكر صفوهم زوجه الاب. اعملي حسابك في عريس جاي يشوفك الأسبوع الجاي امل: بحده: سبق وقلت لحضرتك يا طنط ان مش هتجوز غير سعد لما يخرج أن شاء الله وقلتلك الموضوع ده ياريت متفتحيهوش تاني.
زوجه الاب: بغضب. وانا هفضل متحملاكي السنين دي كلها لا يا اختي انا كفايه عليا هم ابوكي ولعلمك ابوكي كتب البيت باسمي يعني ممكن ارميكي في الشارع في اي وقت فبالحسني كده اتجوزي وغوري بعيد امل: وهي تنظر لها بكل كره وغضب: بابا عمره ما يعمل كده واللي حضرتك متعرفيهوش ان البيت ده بيت امي ومكتوب باسمي من قبل ما تموت وحتى الارض كمان بابا كتبهالي وهستلم كل حاجه لما اوصل سن ٢١.
انصدمت زوجه ابيها بقوه: انتي اكيد كذابه مستحيل هو مقليش حاجه عن الكلام ده امل: بابا عمره ما قال لحد غيري وانا عارفه من زمان ومتحمله اهانتك ليا بس عشانه بس كفايه بقي كفايه انا تعبت وبعد كده مش هسمحلك تتكلمي معايا كده ولا هسمحلك تتكلمي عن بابا وحش زوجه الاب: بكره: ممش هسيبك تاخدي حقي واطلع انا بلوشي امل: بلا مبالاه وقوه: اخبطي دماغك في الحيط وتركتها وخرجت.
زوجه الاب: مبقاش انا سعديه ان ما وريتك وان ما خدت كل حاجه منك وخليتك تتمني الموت مبقاش انا وانا وانتي والزمن طويل.
مر يومان عليها وحاله كما هو لا يتغير يدخل إلى المنزل دون ان يعيرها اي اهتمام ولو حتى بكلمه يرفض حتى تناول الطعام حتى وان اراد كوب من الشاي او فنجان قهوه يعده بنفسه تألمت وتالمت بكت بشده حالها حاولت بكل الطرق الحديث معه ولكن نظرات عينيه كانت توقفها من شده خوفها منه شحب وجهها لم تتناول الطعام من وقتها وهو لا يشعر بها نهائيا إلى متي ستظل هكذا لا تعلم.
وهاهو يجلس يشاهد مباراه لكره القدم بكل ارتياح بينما هي الالم ينهشها من الداخل اقتربت منه فقد فاض بها الكيل إلى متي ستنتظر ان يحن عليها سلمي: بحزن. لحد امتي يا مروان قام مروان بتخفيض صوت التلفاز ونظر لها مروان. ببرود: مش فاهم سلمي: بحده: لحد امتي هتفضل متتكلمش معايا كاني جربه لحد امتي هتفضل رافض تدوق حاجه من ايدي لحد امتي هتفضل بعيد عني اميال رغم اننا في شقه واحده مروان. ببرود: والله اسالي نفسك مين السبب.
سلمي بعصبيه: اه غلطت واعتذرت لكن الموضوع ميستدعيش كل ده انا حاسه انك زي ما تكون ما صدقت ان اغلط عشان تعاقبني كده مروان بتوتر: واعاقبك ليه وبعدين انا مبحبش حد يقرب من حاجتي وانتي اتجاوزتي حدودك سلمي: بحده: مفيش حدود بين الست وجوزها المفروض اننا واحد وانا بحبك وانت عارف كده كويس وعارف ان عملت كده بدافع الغيره مروان: بجديه: خلاص اقفلي على الموضوع ده انا اصلا مسافر قريب وكنت عاوز اقولك.
سلمي بصدمه: مسافر. وانا مروان بحده: ده شغل فرقه هاخدها بره مصر لان هتنقل مكان مهم وبعدين هو انتي طفله سلمي: بحزن: اتجوزتني ليه يا مروان مروان بتوتر: زي ما اي حد بيتجوز.
سلمي بدموع: انت عمرك ما حبيتني اللي بيحب بيحس بيفرق معاه انما انا مش فارقه معاك من يوم ما اتجوزنا وانا بكدب نفسي واقول جايز عشان شغله جايز لاننا اتجوزنا بسرعه لما كنت بتقولي وانا كمان بحبك مكنتش بحسها من قلبك حتى لما بتلمسني دايما بحس كانك بتقضي واجب ومش ملهوف عليا ممكن يعدي اسبوع متقربش مني رغم ان لسه متجوزين والمفروض انك تكون مشتاق ليا لكن عمري ما حستها منك حتى لما بجي اتكلم معاك دايما تحسسني اني بكلم نفسي كاني لوحدي كل حاجه اه واحس انك اصلا في دنيا تانيه.
مروان بتوتر: دي اوهام في دماغك سلمي بغضب: لا مش اوهام انت محبتنيش انت اصلا عمرك ما حبيت حد غير نفسك ولما انت مبتحبنيش اتجوزتني ليه قول مروان وهو يتنفض واقفا ويقول بغضب مروان: اتجوزتك عشان ارضي ابويا وامي وعشان اخلف انا مكنتش عايز اتجوز اصلا لكن عشان زعلهم قلت اتجوز وشفتك كويسه قلت ليه لا بس انا مش مجبر ان احبك مش بسرعه وفي يوم وليله هحبك انتي مراتي وزوجه كويسه لكن انا لا بحبك لا انتي ولا غيرك.
نظرت له سلمي بصدمه رهيبه جعلت الدموع تتحجر بعيونها وقالت سلمي: مفكرتش فيا ايه احساسي مفكرتش اني هكون حزينه مفكرتش فيا ليه ليه مسبتنيش في احلامي ليه تطلعني لسابع سما وتنزلي على جدور رقبتي ليه يا مروان ليه مروان: بحده: وانتي شيفاني ان اللي فرحان اني بمثل طول الوقت اني بحبك ساد الصمت لثوان لتقول هي بحزن سلمي بحزن: انا هروح عند بابا ومش هرجع تاني وياريت ننفصل بهدوء مروان: بصدمه: عاوزه تمشي.
سلمي: معدش ينفع نعيش سوا صحيح اني بحبك لكن كرامتي فوق كل شيء وعمري ما هعيش مع راجل مش بيحبني حتى لو كانت روحي فيه مروان وهو يقترب منها ويقول بهدوء: سلمي افهميني سلمي بحده: خلاص مش عاوزه اسمع حاجه تانى انت مسافر مش كده دي هتكون الحجه اللي هروح بيها هناك وياريت تطلقني لان مش عاوزه اسمي يرتبط باسمك نهائي.
مروان: بجديه: براحتك بس انا مش هطلق والفرقه مدتها ٦ شهور فكري فيهم كويس ولما نرجع لينا كلام تاني وانا سفري بعد اسبوع لحد يوم سفري هتكوني هنا وبعدها تقدري تروحي عند عمي وانا هوديكي بنفسي سلمي: اتفقنا.
تركته سلمي وحيدا كان يراها دائما ملهوفه عليه نظرات عيونها تخبره كم تحبه لاول مره يراها بتلك القوه لا يستطيع قراءه عيونها يشعر وكانها اقتلعت حبه من قلبها لاول مره يتالم اراد ان يدخل اليها ويقول لها لا ترحلي ولكن فليتركها حتى تستعيد نفسها ويفكر هو ويستعيد نفسه ويقرر ماذا يريد.
مرت عده ايام وبالداخل السجن كان سعد يجلس بمحبسه حين اخبروه ان لديه زياره شعر بالدهشه من يومان كانت امل لديه توقع ان يكون مروان ولكن قلق بشده هل حدث مكروه دخل سعد إلى غرفه الضابط وجد مروان وامل وثلاث رجال سلم عليهم وجلس يسأل بتوتر سعد: في ايه مروان بابتسامه: ولا حاجه جاي اكلبشك سعد: تقصد ايه امل: بخجل: هنتجوز سعد بتعجب: نتجوز مين ما تفهموني.
مروان: بص يا سيدي امل عندها مشاكل مع مرات ابوها وعشان نمنع موضوع العرسان ده هتتجوز انت وهي دلوقتي انا خلصت كل حاجه وكمان لاني مسافر فرقه وهتاخر شويه فلازم اكون مطمن امل: بحب: وافق يا سعد عشان خاطري سعد: ماشي وبالفعل تم زواج امل وسعد بعد مرور بعض الوقت دخلت امل إلى منزلها وهي في قمه سعادتها دخلت إلى ابيها وهي تقول بفرح امل: عملت اللي قلتلك عليه اتجوزت انا وسعد وجدت زوجه ابيها من خلفها تصرخ.
زوجه الاب: اتجوزتي امل وهي تلفت وتنظر إليها بحده امل: انا حره زوجه الاب: بغضب. ماشي يا امل بس افتكري انك انتي اللي بدئتي والبادي أظلم امل: بغضب اللي انتي عاوزه اعمليه ومتنسيش انك قاعده في بيتي وانا مش هتحمل معاملتك دي كتير كفايه اوي اني ساكته لحد دلوقتي على اللي بتعمليه زوجه الاب: ماشي.
على الجانب الاخر هاهو مروان يذهب معها لتوصيلها إلى منزل ابيها ايام وهي على صمتها يري حزنها ويتالم شعر بخطئه وكم جرحها ولكنها لا تتقبل كلمه منه تعامله كانه غريب عنها تحولت ١٨٠ درجه من زوجه محبه حنونه إلى امراه قاسيه متحجره حولها هو بيده إلى تلك المراه واخيرا وصلوا نظر اليها و قال: انا مش هطلقك يا سلمي ولما ارجع نتفاهم سلمي: بحده: قلتلك مش هرجعلك تاني الموضوع انتهي مروان: بعصبيه حاول السيطره عليها...
مراون. مفيش حاجه انتهت انا عارف اني غلطت وندمان بس بلاش تبقي كده سلمي: بقوه وهي تنزل من السياره سلمي. بقوه: سلمي القديمه خلاص ماتت وانت دفنتها بايدك واللي بينا انتهي وتروح وترجع بالسلامه يا ابن عمي.
مروان وقلبه يتالم أدرك الان فقط انه يحبها ولا يستطيع ان يعيش بدونها كان فقط متوتر ولا يعلم ماذا يريد وحين ادرك انه يريدها هي فقط له كانت ضاعت من بين يديه وعلي يده فليتركها ترحل الان كما تريد ولكن اقسم انه سيعيدها اليه باي شكل مهما كان حينما يعود قال بداخله: انتظريني يا حبيبتي و ارحلي كما شئتي ولكنك ستعودي ثانيه.
مرت ايام طوال على الجميع كانت سلمي في حاله يرثي لها يوم عن يوم تذبل ويسيطر عليها الحزن كانت ترى اتصالاته المتكرره بها ولكنها لم تجيب عليه ولا مره واحده كانت تتمزق داخليا كلما تذكرت حديثه اليها تتألم وتتالم وتنهار داخليا مزق قلبها دمر حياتها حين اخبرها انه لم يحبها يوما كانت تشعر بذلك ولكنها تكذب نفسها خوفا من ان تستصدم بالحقيقه والان ماذا تفعل لا تعلم ايام وهي على حالها تشعر بالضياع حتى الان.
حين وجدت باب غرفتها يدق اعتقدت انها والدتها فسمحت لها بالدخول ولكن المفاجاه انها لم تكن سوي سمر شقيقته التي دخلت بمرحها المعتاد سمر بحب: سلمي حبيبتي وقفت سلمي من تختها وتبادلوا السلام وجلسوا سويا على التخت مقابل بعضهم سلمي: عامله ايه وفين بنتك سمربابتسامه: مع ماما في البيت بصراحه ما بصدق اخلع منها دي بتجنني يابنتي سلمي: ربنا يخليهالك.
سمر: يارب: انا قلت لمحمد لازم اروح لسلمي وبعد جدال طويل عن خروجي سمح ليا اجي مع بابا هههههههه سلمي بابتسامه شاحبه: ايوه مسيطره سمر: بجديه: مالك يا سلمي سلمي بحزن: مفيش حاجه انا كويسه سمر: مروان كلمني وقالي اجي اطمن عليكي لانك مش بتردي عليه سلمي بعصبيه: مش عاوزه اسمع اسمه لو سمحتي.
سمر: وهي تمسك بيدها مروان حكي ليا اللي حصل وعارفه انه وجعك اوي بس صدقيني مروان مكنش عارف هو عاوز ايه بس انا واثقه انه بيحبك مروان لو مكنش بيحبك مكنش هيتحايل عليا ان اجي اطمن عليكي مكنش هيفرق معاه سلمي وهي تنفجر في بكاء مرير سلمي: قهرني يا سمر وجع قلبي حسيت ان جاب سكينه غرزها في قلبي بتمني كنت اموت ومسمعش منه كده وتقوليلي بيحبك اللي يحب ميوجعش كده اللي يحب ميقهرش.
سمر: بجديه: اوعي تكوني مفكره انه عشان اخويا بدافع عنه لا يا سلمي انا لو مكانك هعمل اكتر من كده بس الطلاق مش هو الحل سلمي: بحزن وتنهيده عميقه سلمي: انا مش قادره افكر سمر: ايه رايك تيجي معايا انا من ساعه ما محمد سافر وانا زهقانه تيجي معايا وانا هقولك تنتقمي من مروان ازاي سلمي: بتنهيده: لامش عاوزه اروح في حته سمر: بعناد. متحاوليش هتيجي معايا يله نجهز حاجتك وانا هظبطك سلمي بابتسامه: والله مجنونه.
سمر: بضحك: مش اكتر منك يا بت عمي جينات بقي لاول مره منذ ايام تبتسم سلمي من قلبها سلمي بحب: ربنا يخليكي ليا يا سمر سمر وهي تقترب منها وتحتصنهابقوه سمر: ويخليكي ليا يا احلي اخت.
على الجانب الاخر كانت امل تعود من الخارج فاليوم قامت بزياره سعد زوجها وحبيبها حكت له ما تفعله زوجه ابيها حذرها منها بقوه فالايام الماضيه تغيرت زوجه الاب ١٨٠درجه تعاملها بكل حب وتهتم بابيها وتعد اشهي انواع الطعام وهذا التغير اثار القلق بداخلها نصحها سعد بالحذر منها فهي امراه من الواضح انها ليست سهله وتغيرها هذا من المؤكد انها تخطط لشيء دخلت امل المنزل وجدت انه به العديد من الناس وبعضهم يبكي.
والنساء تربت على كتفها بحب ويبكوا سمعت صوت صراخ زوجه ابيها فدخلت مسرعه وجدتها تبكي بقوه واحدي الرجال يغطي وجه ابيها ويقول البقاء لله امل بداخلها ماذا يقولون هولاء الناس هل جنوا فصحه ابيها كانت ممتازه بالايام الماضيه كيف يقولون انه قد مات امل بغضب: هو في ايه بالظبط واقتربت من ابيها تكشف وجهه ونظرت إلى ذلك الرجل وقالت بغضب امل: انت مجنون بتغطي وشه ليه بابا كويس.
زوجه ابيها: ببكاء وصراخ: مات يا امل ابوكي مات امل: بغضب: اخرسي بابا كويس ونظرت إلى ابيها وهي تتحسس وجهه البارد امل: بهستيريا: بابا قوم بقي قولهم انك كويس انت اكيد بتهزر لكن لا يوجد رد بكت وبكت وهي تضمه اليها: انا ليه كل اللي بحبهم بيروحوا مني كلكم بتبعدوا وتسبوني لوحدي انت كنت قوتي يا بابا كانت نظرتك ليا بتقويني هتسبني لوحدي انت كمان يارب انا معنتش قادره اتحمل كل ده يارب قويني.
وانفجرت في بكاء مريرعلي صدره حاول الناس المحيطه بها ان يبعدوها عنه ولكنها ابت تركه وحيدا فسحبوها بالقوه وهم يرددون ان اكرام الميت دفنه لم تستطع التحمل وتركت نفسها تغوص في ظلام لا تعلم متي ينتهي وفقدت الوعي وهي تنظر إلى ابيها نظره اخيره لن تراه بعدها سوا في خيالها فقد مات القلب الطيب.
على الجانب الاخر في احدي الدول الاجنبيه كان مروان يجلس كعادته بعد انتهاء تدريبه يعبث بهاتفه ينتظر اي خبر عنها كم اشتاق اليها لم يمل من الاتصال بها كل يوم ولكن لم تجيب على اي من اتصالاته فقد الامل في انها قد تسامحه وهو بعيد يشعر بقله الحيل دخل عليه احد زملائه في تلك الفرقه ويدعي كامل كامل وهو يجلس امامه كامل: مالك يا ابنى مروان. بعصبيه: تعبان وزهقت وعاوز ارجع مصر كامل: انت ناسي انك في شغل ولا ايه.
مروان: بزهق وقرف: مش عاوزها ولا عاوز اروح مكان احسن انا عاوز ارجع وأفضل زي ما انا كامل: غيرك يتمني فرصه زي دي وانت تقولي ارجع مروان: بجديه. انا عاوز منك خدمه وتساعدني كامل: لو اقدر معنديش مانع فجأه ودون سابق إنذار وجد كامل صوت صراخ من الخارج بقوه خرج باقي أفراد الفرقه وهم عشره اشخاص ونظر كل منهم إلى الاخر بقلق مروان. بقلق. هنفضل واقفين كده.
كامل: بجديه. انت عارف ان مينفعش نخرج بره المكان بدون اوامر وملناش دعوه بحد ازداد صوت الصراخ مروان: انا هخرج اشوف في ايه احدي الأشخاص ويدعي محمد محمد: بلاش يا مروان ولكن مروان لم يستمع إليهم وخرج ليري ما يحدث بالخارج دقائق وسمعوا صوت إطلاق نار كامل بصوت عالي وهو ينظر إلى باقي الفرقه كامل: مروان.
تحميل محتوى الموضوع
عرض نسخة صالحة للطباعة
أرسل هذا الموضوع إلى صديق
[7]
الدعوات : 2قوة السمعة : 10
رواية لا ترحلي