رواية نصفي الآخر للكاتبة شاهندة الفصل السادس والعشرون
فتحت رهف عينيها ببطء لتواجهها عينا مازن المبتسمتين، نظرت اليه بصدمة قائلة: مازن! اتسعت ابتسامة مازن وهو يقول: أيوة مازن، شرفتينى يابرنسيسة أحست بقيود معصمها لتدرك أن هذا الوغد اختطفها، نظرت حولها بخوف حاولت ألا تظهره وهي تعود اليه بعينيها لتقول بثبات: انت جايبنى هنا ليه يامازن؟ قال مازن بسخرية: تؤ تؤ تؤ، كدة هبدأ أشك في ذكائك يارهوفة، معقول معرفتيش انا خاطفك ليه؟ ابتلعت ريقها لتقول:.
أكيد مش عشان بتحبنى مثلا لأنك أصلا مبتعرفش تحب غير نفسك، يبقى هي الفلوس، هتطلب فلوس من نضال، صح؟ اتسعت ابتسامته قائلا: برافو عليكى، هي دى رهف اللى فهمتنى من اول يوم شافتنى فيه، على فكرة انا معجب جدا بذكائك، وفعلا انا مبحبش غير نفسى.. ثم اقترب منها ليلمس وجنتها فأبعدت وجهها عنه باشمئزاز ليطلق ضحكة ساخرة وهو يقول:.
بس أكيد بحب الجمال، وانتى مش بس جميلة يارهف، انتى أجمل واحدة شافتها عينية، ومفيش مانع لو قضينا مع بعض وقت حلو قبل ما أسيبك لنضال قالت باحتقار: ده في أحلامك يامازن، انا أموت نفسى قبل ما تلمسنى ياحقير صفعها بقوة قائلا في شر: نحترم نفسنا شوية عشان مزعلش منك وانا زعلى وحش اوى وممكن دلوقتى اوريكى الحقير ده ممكن يعمل فيكى ايه؟
نظرت اليه ودموعها تتلألأ في عينيها من قوة الصفعة والخوف على جنينها مما يمكن ان يفعله ذلك الوغد بها ليرى مازن خوفها ويقترب منها قائلا: فيديو صغير للباشا جوزك واحنا بنقضى مع بعض وقت لطيف، وجوزك مش بعيد يروح فيها واخلص منه، هي الفكرة في دماغى وهعملها هعملها بس مش وقتها دلوقتى، إلا اذا حبيتى، ها ايه رأيك؟ نظرت اليه في كره ولم تنطق فاستطرد قائلا: الاجابة لأ، خسارة، عموما قريب وقريب اوى هتبقى ملكى يا رهف.
نظرت اليه باحتقار ليطلق ضحكة ساخرة ويبتعد عنها ليخرج من الغرفة قائلا لرجاله: خلوا بالكم منها، هعمل تليفون لجوزها وراجع تانى أومأ الرجلين برأسهم، في حين قالت رهف برجاء حزين: نجينى منه يارب عشان خاطر نضال وعشان خاطر ابنى، يااارب.
كان نضال يمشى ذهابا وايابا في توتر، وغضب، توقف ليمرر يده في شعره بعصبية قائلا: يعنى ايه؟مش عارفين أى حاجة عن اللى خطفوها قال يزيد بحيرة: رقم العربية اللى عم عبده اداهولنا طلع مزيف يانضال ومفيش اى حاجة تانية توصلنا ليهم، حتى فونها اللى كان ممكن نعمله تتبع بالجى بى اس، نسيته من صدمتها قال فهد: بس أكيد هما خاطفينها عشان يطلبوا فدية يانضال فأكيد هيتصلوا قال نضال في حدة:.
يطلبوا اى فلوس وانا هدفعهالهم بس ترجعلى، اللى مخوفنى اكتر ان رهف حامل وممكن اللى حصل يأثر عليها او يحصلها نزيف نظر الجميع الى بعضهم في خوف، نزلت دموع وعد لتقول بأسى: ياحبيبتى يارهف، ربنا يطمنا عليها بينما قالت نيرة: متقلقوش ياجماعة رهف بخير، قلبى بيقولى انها بخير، والبيبى كمان بخير، بس اهم حاجة تهدوا عشان نعرف نفكر وطنط سهام متحسش بحاجة عشان التوتر مش حلو علشانها قال رفعت:.
كلمت الظابط عادل صاحبك يانضال؟ زفر نضال بقوة وهو يدلك جبهته بتعب قائلا: بيعمل تحرياته بس بصفة غير رسمية يابابا، لازم تفوت 24ساعة على اختفائها قبل ما يتحركوا رسمى ولسة... قاطعه رنين هاتفه برقم غريب ليجيبه على الفور قائلا في لهفة: ألو سمع ضحكة ساخرة على الجانب الآخر وصوتا غليظا يقول: اذيك يانضال قال نضال في قلق: انت مين؟ قال محدثه الذي لم يكن سوى مازن مغيرا صوته بجهاز صغير:.
انا اللى هحرق قلبك على حبيبتك لو منفذتش كلامى بالحرف قال نضال بصوت كالرعد: المس شعرة منها وقسما بالله ما هسيبك غير لما اموتك أبشع موتة ممكن تتخيلها ضحك مازن قائلا: معتقدش انك في وضع ممكن تهددنى فيه، مراتك عندى في بيتى، في أوضة نومى، فاهم ولا تحب أفهمك أكتر، متستفزنيش بقى أحسن أبعتلك فيديو صغير هلمس فيه أكتر من شعرها بكتير ومش هتقدر تعملى حاجة قال نضال بغضب: آه ياابن... قاطعه مازن بصرامة قائلا:.
انتوا ليه مبتفهموش بسرعة، ما قلت ما تستفزنيش، اسمع بقى، قدامك 24ساعة وتكون في المكان اللى هبعتهولك في ماسيدج دلوقتى ومعاك 5مليون جنيه، اى حركة غدر وهتقرا على حبيبتك الفاتحة جز نضال على أسنانه بغيظ قائلا: هتلاقينى في الميعاد والمكان ومعايا الفلوس أغلق مازن الهاتف ليعتصره نضال بقوة وألم، كان يزيد وفهد قد اقتربا منه واستطاعا سماع كلام مازن، ليقول يزيد: هنعمل ايه؟ قال نضال في غضب يائس:.
هاخد ال5مليون وهروحله، بس انا مش مطمن، حاسس انى اعرفه وحاسس انه بينتقم منى يعنى الموضوع مش موضوع فلوس وبس، الموضوع أكبر من كدة، انا خايف اوى على رهف وصلت رسالة الى هاتفه ففتحها ليجد العنوان الذي سيذهب اليه بالمال قال نضال لفهد: خد الرقم ده يافهد واطلع على عادل في مديرية الامن واكشفوا عليه، غالبا مش هتلاقوه متسجل بس ممكن توصولوا لاى حاجة تدلنا عليه و...
قاطعه دخول عم عبده الى ردهة المنزل وهو يقول بصوت عال: نضال باشا، يا نضال باشا نظر اليه نضال قائلا بلهفة وهو يرى ملامحه المستبشرة: خير ياعم عبده، افتكرت حاجة؟ مد عم عبده يده بورقة الى نضال قائلا وهو يأخذ نفسه: لأ، بس، الورقة دى، كانت في ايد اللى مايتسمى، ووقعت منه وانا بتعارك معاه ومشفتهاش غير دلوقتى اخذها نضال في لهفة ليرى ما بها، لمعت عيناه ليقول فهد: طمنا يانضال نظر الى الجميع وهو يبتسم في سعادة قائلا:.
عنوانها يافهد، عنوانها ياجماعة قال رفعت في سعادة: يا من انت كريم يارب أعطى نضال الورقة الى فهد قائلا: تجيب عادل وقوة من البوليس ع العنوان ده ثم قال ليزيد: وانت هتيجى معايا انت والرجالة يايزيد أومأ يزيد برأسه وهو يتبع نضال الذي أسرع بالمغادرة لتستوقفه نيرة عند الباب قائلة: يزيد! التفت اليها فاستطردت بقلق: خلى بالك من نفسك ابتسم يزيد بحنان ثم قبلها من جبهتها قبل ان يسرع مغادرا وعيناها تتبعانه قائلة:.
يارب رجعهولى بالسلامة، ياااارب.
اقترب مازن من رهف قائلا: يعنى مش هتاكلى، ده انا حتى فكيت ايديكى ونزلتك الصالة عشان تغيرى جو ومشيت الرجالة برة، قلت نقعد مع بعض قعدة حلوة وناكل لقمة، ممكن اعرف بقى رافضة ليه؟ لم ترد عليه فاقترب منها وامسكها من حجابها بقوة ليفكه وينساب شعرها الحريرى نظر اليها يتأملها باعجاب وهو يقول: قلتلك قبل كدة انا زعلى وحش، والمرة الجاية مش هترسى على فك حجابك وبس، لأ هفك حاجات تانية.
اقشعر بدنها وهي تشيح بوجهها عن نظراته المقززة لجسدها، امسك بذقنها يجبرها على النظر اليه قائلا: اوعى تفتكرى ان نضال بتاعك أحسن منى، واوعى تفتكرى انى هسيبك ليه قبل ما اخد منه فلوسه وآخد منك كمان اللى معرفتش اخده زمان، كانت غلطة وهبل منى بس هعوضها يارهوفة بصقت في وجهه فصفعها بقوة حتى سالت الدماء من شفتيها قائلا: انتى مبتحرميش... قاطعه صوت طلقات نارية بالخارج.
عقد حاجبيه ليفاجأ بتحطم الباب، التفت مازن بزهول ليرى نضال واقفا بثبات يحدجه بنظرة نارية غاضبة، نقل بصره الى رهف التي ظهرت الفرحة جلية على وجهها، رأى حجابها المرمى على كتفها وشعرها المكشوف ولاحظ أثار اعتداء مازن على وجهها ليجز على أسنانه بغضب وهو ينظر الى مازن الذي تدارك صدمته ليخرج سلاحه ويمسك رهف موجها سلاحه اليها قائلا: خليك عندك يانضال، خطوة واحدة وهموتهالك قال نضال بغضب:.
كان لازم اعرف ان حيوان زيك اللى ورا الموضوع ده ضغط على زراع رهف بغيظ قائلا: ما تحترموا نفسكوا بقى ومتستفزونيش، انتوا كلكوا كدة مبتفهموش، ولا لازم أصورلكم قتيل عشان تفهموا نظر نضال الى رهف التي وضعت يدها على بطنها بخوف، علم تماما ما تفكر فيه، جنينها، نظر الى عينيها قائلا: متخافيش يارهف نظرت رهف الى عمق عينيه ولم تدرى لم اطمأن قلبها وهدأت دقاته، في حين قال مازن بسخرية:.
انت ايه ياأخى، ايه الجبروت ده، المسدس في ايدى و مراتك تحت ايدى وبتقولها متخافيش، على أساس ان المسدس اللى في ايدى لعبة ولا انت هتنط تنقذها من غير ما الحق اضربها بالرصاص، ثم تعالى هنا وقولى عرفت مكانى بالسرعة دى ازاى؟ نظر اليه نضال قائلا ببرود: مش شغلك جز مازن على أسنانه قائلا:.
انا ممكن اقتلك على فكرة بس مش هستفيد حاجة، انت هتسيبنى أخرج برهف وهتصل بيك احددلك مكان تانى وميعاد تانى تجيبلى فيه الفلوس، او تقرا على روحها الفاتحة، القرار في ايدك تابع نضال تحرك يزيد خلف مازن بطرف عينيه وهو يشغل مازن بالكلام حتى لا ينتبه اليه، لذا قال بهدوء: احلامك وسعت منك المرة دى حبتين، الفاتحة هتتقرا بس على روحك انت.
كاد مازن ان يتحدث حين عاجله يزيد بضربة محترفة على مؤخرة رأسه ليسقط المسدس من يده ويسقط هو بعدها مغشيا عليه لتبتعد عنه رهف وهي تندفع باتجاه نضال الذي ضمها بلهفة، بشوق، وبحنان زفر يزيد قائلا: مكنتش متخيل الموضوع هيخلص بالسهولة دى نظر الى الاثنين الغارقين في لهفة اللقاء ليقول هامسا بابتسامة:.
كدة بقيت عزول، انا احسن ارجع من مكان ماجيت، غادر من الباب الخلفى، ليبتعد نضال عن رهف وهو يمسك بوجهها بين يديه قائلا: انتى كويسة؟ اومأت برأسها وهي تبتسم وسط دموعها، وأمسكت بيده لتضعه على بطنها قائلة: والبيبى كمان كويس ابتسم بحنان قائلا: الحمد لله رفعت يدها لتلمس وجنته قائلة في حنان: انا مكنتش خايفة م الموت يانضال، انا بس كنت خايفة مشوفكش تانى رفع يده ليربت على يدها التي استكانت على وجنته قائلا:.
بعد الشر عنك ياحبيبتى، انسى اللى فات، وافتكرى ان احنا دلوقتى مع بعض قالت رهف: انا عايزة ارجع البيت يانضال، عايزة احس ان الكابوس ده انتهى أمسك يدها متجها للخارج، ليجدوا يزيد ورجاله وليروا وصول فهد مع الشرطة ليأخذوا رجال مازن الى سيارة الشرطة قال نضال موجها حديثه الى عادل: فيه لسة حيوان جوة، خدوا بالكم منه أصله... قاطعه صوت جهورى غاضب يقول في حقد: الحيوان ده يبقى انت يانضال.
رأى الجميع مازن واقفا وبيده سلاحه الذي يوجهه الى نضال، شهقت رهف خوفا فربت نضال على يدها يطمئنها بينما قال الضابط عادل في صرامة: ارمى السلاح اللى في ايدك، انت مش شايف ادامك كام واحد معاهم سلاح؟ قهقه مازن وهو يقول بجنون: انا كدة كدة ميت، ما انا مش هستحمل السجن كتير، بس قبل ما اموت هقتل نضال عشان ارتاح، ويموت اللى دايما كان أحسن منى في كل حاجة واللى ضيع منى فلوسى لما خسر شركتى الصفقات اللى كنت بعملها..
ثم وجه حديثه الى نضال قائلا: تعرف انا حاولت كتير أنتقم منك وكل مرة كنت بتنفد بأعجوبة. حادثتك مخرجتش منها غير بشوية تشوهات، ولما حاولت اخطف مراتك المرة اللى فاتت وحطلتها مخدر في عصير المانجة لحقتها، حتى دلوقتى ولما خلاص قربت أنتقم منك نفدت انت وهي كان كل من نضال ورهف يستمعون اليه في صدمة وهم يدركون أنه السبب في كل ما جرى لهم سابقا ليفيقا على صوته وهو يقول بحقد:.
مادام انا ميت ميت يبقى انت كمان لازم تموت يانضال، لازم وقرن قوله بشد أجزاء مسدسه واطلاق رصاصته باتجاه نضال لتقف رهف امامه لتتلقى الرصاصة بدلا منه ولكن نضال ادرك ما تحاول فعله ليمسك بكتفيها بسرعة ويلفها ويصبح هو بمواجهة الرصاصة لتصيبه وتصرخ رهف بلوعة قائلة: نضاااااااال.
رواية نصفي الآخر للكاتبة شاهندة الفصل السابع والعشرون
عندما أطلق مازن رصاصته انطلقت عدة رصاصات باتجاهه فسقط جثة هامدة، في حين اندفع فهد ويزيد الى نضال الذي وقف صامدا رغم اصابته وبكاء رهف وهي تمسك بيديه، قال نضال وهو يحاول ان يخفى هذا الضعف والدوار الذي يشعر به: متقلقوش ياجماعة الاصابه في كتفى، انا كويس والله قال فهد في قلق وقد أفسحت له رهف ليفحص كتفه بسرعة:.
الاصابة فعلا في الكتف الحمد لله بس لازم ننقله بسرعة المستشفى عشان الجرح بينزف جامد، سنده معايا يايزيد قال نضال بصوت حازم: انا اقدر امشى لوحدى نظروا الى بعضهم في تردد فقال باصرار: قلت همشى لوحدى.
ثم اتجه مع رهف الى سيارة فهد الذي جلس خلف مقودها بسرعة وجلس يزيد بجواره لتجلس رهف مع نضال بالخلف، أحاطته نضال بزراعها فاتكأ على كتفها وهو يشعر بالضعف يسرى بجسده ولكنه لا يود ان يظهر ضعفه حتى لا تجزع رهف، يكفيه مظهرها الشاحب ودموعها المنهمرة، ولكن رهف شعرت به لتغمض عينيها المبتلة بالدموع تدعوا الله في سرها ان ينجيه.
وصلوا الى المستشفى فساعد فهد ويزيد نضال كى ينزل من السيارة ولم يعترض تلك المرة وهو يشعر بالضعف الشديد، أدخلاه الى الطوارئ تتبعهم رهف، وضعوا نضال على التروللى وأسرع اليهم الطبيب الذي لم يكن سوى ابراهيم قائلا وهو يفحصه: الاصابة بسيطة ياجماعة بس هو نزف كتير.. فتح نضال عينيه بصعوبة قائلا: ابراهيم، اتصل بالدكتور ممدوح حالا وقوله يعمل اللى اتفقنا عليه قال ابراهيم بتردد: بس يانضال... قاطعه قائلا بضعف:.
حالا ياابراهيم أومأ الطبيب برأسه واشار للمرضين بأخذه الى حجرة العمليات وذهب خلفهم تتابعهم ستة أعين حائرة ينظرون الى بعضهم بعجز وحيرة ليزفر فهد قائلا ليزيد: اتصل بالبيت يايزيد بلغهم وانا هروح الحسابات اومأ يزيد برأسه ليغادر فهد ويقترب يزيد من رهف المنهارة قائلا: متقلقيش يارهف، تعالى اقعدى، نضال قوى واصابته بسيطة وباذن الله هيخرج دلوقتى ويبقى زى الفل.
أومأت برأسها وهي تبتهل الى الله ان يخرجه من محنته بسلام.
كانت رهف تمشى ذهابا وايابا بقلق امام حجرة العمليات ثم توقفت لتقول بعصبية من خلال دموعها: انا مش فاهمة حاجة، لما الاصابة بسيطة، قاعد كل ده في اوضة العمليات ليه؟أنا هتجنن قال رفعت: اهدى يابنتى وتعالى اقعدى حبة عشان اللى في بطنك ع الأقل نهضت وعد وأمسكت بيد رهف وأجلستها بجوارها قائلة: عمى معاه حق يارهف، اهدى شوية عشان البيبى.
تنهدت رهف وهي تمسح دموعها و تدلك جبهتها بتعب في حين مالت نيرة على يزيد قائلة بقلق: رهف معاها حق، كل ده في اوضة العمليات ازاى والاصابة في الكتف وبسيطة زى ما بتقولوا همس بدوره في حيرة قائلا: والله ما انا عارف يانيرة بس كلام نضال مع الدكتور قبل ما يدخلوا اوضة العمليات كان غريب ومش مفهوم، ربنا يستر.
نظرت اليه نيرة في حيرة وكادت ان تسأله عما قاله نضال لولا ان قاطعها خروج الطبيب ابراهيم ومعه الطبيب ممدوح من حجرة العمليات، اتجهوا اليهم جميعا في قلق فابتسم ابراهيم قائلا: حمد الله على سلامة نضال ياجماعة، هو دلوقتى تحت تأثير البنج وهينقلوه اوضة عادية، تقدروا ساعتها تشوفوه وتطمنوا عليه بس بالراحة وياريت متطولوش قال رفعت: الف شكر يادكاترة، بس لو تسمحولى أسألكم ليه التأخير ده كله جوة.
قال الطبيب ممدوح الذي لم يرفع عينيه عن رهف منذ خروجه من حجرة العمليات: لما تشوفوه هتعرفوا، هو كان حابب يعملهالكم مفاجأة لاحظ فهد نظرات ممدوح الى رهف فقال بلهجة ذات مغزى: رهف مرات نضال يادكتور ممدوح، بتهيألى هي الوحيدة اللى انت متعرفهاش ما بينا نقل ممدوح بصره مابين فهد ورهف ليقول لرهف بارتباك: تشرفنا، لو احتجتم اى حاجة هتلاقونى في اوضتى، عن اذنكم قال ابراهيم: استنى ياممدوح انا جاى معاك.
ثم نظر الى رفعت قائلا: حمد الله على سلامته مرة تانية ياجماعة، انا هتابع الحالات وارجعلكم تانى، عن اذنكم.
ابتسموا في امتنان ليغادر ابراهيم مع ممدوح الذي ألقى نظرة على رهف قبل أن يبتعد ليزفر فهد بغضب فتمسك وعد يده بحنان تهدئه بكلمات هامسة وقد أدركت ما يحدث ليقاطعها خروج نضال على التروللى فابتسم الجميع حين رأوا شاشا يحيط بجانب وجه نضال الأيسر ليدركوا ما فعله نضال الا هي، لم تبتسم أبدا، انها رهف، زوجته وحبيبته التي أدركت أنه فعل ذلك من أجلها، هي سعيدة من أجله ولكنها غاضبة منه، لقد أماتها رعبا عليه بتأخره داخل تلك الغرفة، زفرت بقوة وهي تبعد شيطانها عن تفكيرها قائلة لنفسها:.
مش مهم أى حاجة المهم دلوقتى انه بخير ذهبوا وراءه حتى أدخلوه حجرته، جلست رهف الى جواره تمسك بيده، جلسوا الى جواره لفترة ينتظرون افاقته ليقول رفعت: بقولكم ايه ياجماعة، على ما يفوق نضال، تعالوا نقعد في الكافتيريا نشرب قهوة، اكيد كلنا مصدعين ولا ايه؟ اومأوا برءوسهم وغادروا ليغمز رفعت لها قبل ان يمشى، لتبتسم رهف في خجل، نظرت الى نضال قائلة بهمس: عمى ده والله حتة سكرة يانضال، وزعهم عشان أفضل معاك لوحدى..
نهضت لتميل عليه وهي تقول: حاسس بية وعارف انى عايزة ابوسك من هنا قالت ذلك وهي تقبل جبهته، واستطردت قائلة: ومن هنا لتقرن قولها بقبلة على خده الايمن، ثم قالت: ومن هنا لتقبل فمه برقة لتجده يبادلها القبلة لتشهق وهي تتراجع على الفور لتجده مستيقظا وهو ينظر اليها بحنان، يتأمل ملامحها بشغف، ابتسمت بخجل قائلة: حمد الله على سلامتك يانضال ابتسم قائلا: الله يسلمك ياقلب نضال تأملت ملامحه التي تعشقها وهي تقول:.
كدة تخضنى عليك، طب كنت قولى ابتسم قائلا: كنت عايزة اعملهالك مفاجأة ياحبيبتى، بس ايه رأيك؟ قالت بمزاح: رأيى في ايه بس؟ده انت كلك بقى شاش وقطن رفع حاجبه الايمن وهو يقول: اممم، شاش وقطن، طب انا زعلان ابتسمت قائلة: والزعلان ده نصالحه ازاى؟ قال بخبث: تصالحيه بشوية حاجات من هنا ومن هنا زى ما عملتى من شوية، بس كترى الحاجات دى شوية، انتى بقيتى بخيلة اوى رفعت حاجبها بدورها قائلة: بخيلة، طب مش هصالحك ياسى نضال.
قال نضال برجاء: طب ياستى أنا آسف، انتى كريمة ومفيش أكرم منك، صالحينى بقى نهضت من مكانها فقال نضال في لهفة: رايحة فين؟ قالت في خبث: هندهلك الدكتور يصالحك، قصدى يطمن عليك ثم غمزت له وغادرت الغرفة ليبتسم نضال قائلا في عشق: بحبك يامجنونة.
بعد عدة شهور قالت رهف في حزم: اثبت بقى يانضال عشان أدهنلك ضهرك، انا كدة هتأخر على نيرة وانت عارف ان احنا خارجين نجيب فساتين كتب الكتاب التفت اليها قائلا: انا مش عارف انتوا مستعجلين على ايه بس، لسة بدرى على كتب الكتاب، وبعدين اعمل ايه بس اول ما بتلمسينى مببقاش على بعضى ابتسمت بخجل، ثم قالت لتغير الموضوع: صحيح يانضال هي مش اختك لسة بنت، ليه بقى استنيتوا لما تكمل عدتها عشان تكتبوا كتابها.
قال نضال وهو يهز كتفيه قائلا: سمعت بابا بيقول ليزيد ان الخلفاء الراشدين قالوا ان المتجوزين اللى اتقفل عليهم باب وحصلت بينهم خلوة لازم يكون للمطلقة ساعتها عدة، مش عارف بصراحة الكلام ده صح ولا لأ، بس انا شايف ان بابا حب يدى الفرصة لنيرة عشان تنسى اللى فات وتبدأ من اول وجديد مع يزيد، وبعدين سيبك بقى منهم وخلينا فينا احنا امسك يدها ليمررها على خده الذي أصبح غير مشوها فأذابتها لمسته وهو يقول لها بهمس:.
موحشتكيش؟ قالت بخجل وهي تتوه في سحر عينيه: وحشتنى طبعا بس... قبل باطن كف يدها بنعومة قائلا: بس ايه؟ ابتلعت ريقها بصعوبة من نعومة قبلته التي دغدغت أحاسيسها وهي تقول: نيرة... ليقترب من خدها ويقبلها قبلة بطيئة أطاحت بعقلها وهو يقول: وأخو نيرة؟ قالت شاردة في مشاعرها التي تحركت له: امممم، ماله؟ قبل رقبتها قبلات متمهلة ناعمة وهو يقول ما بين القبلة والقبلة: نفسه، ياخدك، في حضنه.
أحست رهف بنفسها تذوب بين قبلاته لتغمغم قائلة: امممم، وايه كمان يانضال؟ صعد بقبلاته الى شفتيها ليقول أمامهم بهمس: هقولك ياروح نضال ليقبل شفتيها، بعشق، بلهفة، بشوق، ورغبة لتستسلم لقبلته وتبادله اياها بشغف، لتلمس يداها ظهره العارى لتفيق وهي تبعد يديها عن ظهره متذكرة اصاباته التي لم تشفى بالكامل، ليهمس في أذنيها وهو يعيد يديها الى ظهره قائلا: الألم هو انك تبعدى عني يارهف.
عادت تلمسه بحنان ليغمض نضال عينيه ليستمتع بلمساتها وهو يقترب من شفتيها مجددا ليقبلها بقوة وهو يمددها على السرير ليغرقا سويا في نهر الحب يرتشفان من حلاوته.
بارك الله لكما وبارك عليكما وجمع بينكما على خير قال المأذون تلك الجملة ليعلن يزيد ونيرة زوجين، لتنطلق الزغاريد ويتقبل العريسين التهانى قال رفعت بمرح: كان نفسى نكتب كتابى انا وسهام معاكم، بس اعمل ايه، مقدرتش اصبر المدة دى كلها ياولاد ابتسمت سهام بخجل في حين قال يزيد: حقك ياعمى، ده انا صبرت بالعافية ابتسمت نيرة بخجل فقال فهد: تعرفوا احلى حاجة ان احنا كلنا هنسافر نقضيلنا يومين حلوين في شرم قال نضال:.
الا انا يااخويا، امال هنسيب الشغل لمين، يلا تتعوض ولما رهف تولد والبيبى يبقى تمام هاخدها واطلع شهر عسل لوحدنا نعوض بيه شهر العسل اللى باظ قبل كدة قالت رهف برفض قاطع: انت عايزنى اسيب ابنى واسافر من غيره، مستحيل طبعا رفع نضال حاجبه باستنكار قائلا: لأ ازاى، ابقى خليكى جنبه، وانا اسافر اشوف حالى بقى مع اى بنت هناك مطت رهف شفتيها بطفولة ثم قالت:.
بقى كدة، طب ابقى روح لوحدك يانضال و ابقى خلى البنات اللى هناك تنفعك ثم مشت بخطوات غاضبة باتجاه الحديقة ليتبعها قائلا: تعالى هنا انتى ما بتصدقى، ده انتى اللى في القلب يارورو ابتسم الجميع ثم قبل يزيد يد نيرة قائلا لها: مش يلا بينا ابتسمت بخجل وهي تومئ برأسها، ليذهب الجميع الى السيارات وعلى وجوههم ابتسامة مشرقة، ابتسامة حب.
رواية نصفي الآخر للكاتبة شاهندة الفصل الثامن والعشرون والأخير
دخل يزيد الى غرفة الفندق يحمل نيرة بين يديه تتمسك به دون وعى، تخشى ان يوقعها، ابتسم لتمسكها به كالأطفال، انساب اليه عبيرها يسكره، أنزلها ببطئ دون ان يتركها تبتعد عن محيط ذراعيه، أخفضت نظراتها خجلا فرفع ذقنها بيده لتتلاقا الأعين بنظرة اشتياق، ولقاء بعد فراق، قال لها بعشق: وأخيرا بقيتى مراتى.
ابتسمت بخجل لتزداد هي جمالا ويزداد هو عشقا، اقترب من وجهها يرغب بتقبيلها ليشعر بها تتجمد تماما بين يديه ويدرك خوفها من ارتعاشة جسدها الخفيفة، قال لها في حنان: متخافيش يانيرة نظرت اليه في حيرة تتساءل كيف شعر بها، استطرد بحنان يجيب تساؤلها الصامت:.
أنا يزيد يانيرة، حبيبك، اللى بيخاف عليكى أكتر من نفسه، مستحيل أعمل حاجة غصب عنك أو تإذيكى، انا اهم حاجة عندى انك بقيتى معايا، بقيتى مراتى وحبيبتى، أى حاجة تانية مش مهمة أد إحساسى بيكى بين ايدية دلوقت، وكل حاجة هتيجى في وقتها.. لمس خدها مستطردا:.
روحى غيرى واتوضى عشان نصلى وننام، وخدى بالك انا ممكن اتنازل عن اى حاجة الا انك تنامى في حضنى، دى حاجة مش ممكن أتنازل عنها أبدا، يلا بقى، انا هدخل الحمام عشان تغيرى براحتك وتركها وما ان ابتعد قليلا حتى سمع صوتها يقول بهمس: يزيد.
التفت اليها تتسارع دقات قلبه من تلك المشاعر التي وصلت اليه من خلال صوتها لتسرع وترتمى بحضنه ليضمها اليه بحنان وتضمه اليها باشتياق، اشتياق حبيبة لحبيبها، اشتياق زوجة لزوجها، اشتياق امرأة عاشقة لرجل تعشقه، تراجع لا يصدق انها هي من تحتضنه بتلك المشاعر لينظر الى عينيها يود التأكد مما توحى به مشاعرها، وجدها تقف على أطراف أصابعها تضع وجهه بين يديها قائلة في عشق:.
وانت مش بس حبيبى يايزيد، انت روحى، النفس اللى بعيش بيه، انا مش عايزة بس حضنك، أنا عايزة عشقك، جنونك، اجتياحك لية و لمشاعرى، عايزة انسى كل اللى حصلى قبلك واغرق بس في حبك، أنا ملكك يايزيد. من يوم ما اتخلقت وانا ملكك انت، مش هكدب عليك واقولك مش خايفة، أنا خايفة اوى ويمكن حتى مرعوبة، بس اول ما بتلمسنى بنسى خوفى وبفتكر بس حبى ليك وحبك لية.
لم يستطع يزيد الصمود أكثر امام كلماتها التي أذابته عشقا ليلتقط شفاهها في قبلة طويلة أودع بها كل مشاعره لتضم نيرة رأسه اليها تبادله عشقه ليبتعد عنها لثوان يمنحهما فرصة لاستنشاق الهواء، ليعود فيقبل وجنتها قبلات بطيئة ناعمة أثارت أحاسيسها الغضة وجعلتها لاتشعر به وهو يفتح سحاب فستانها حتى شعرت هي بملمس يده على بشرتها العارية ليقشعر جسدها كله من لمسات يده صعودا وهبوطا على ظهرها العارى يلمسها برقة شديدة وعندما وجدها مستسلمة تماما للمساته ولا تخشاها عاد لشفتيها يقبلهما قبلة اشد شوقا وعشقا لينهيها مجددا كى يتنفسا وهو يضع جبهته على جبهتها قائلا بأنفاس لاهثة:.
أنا خلاص يانيرة، معنتش قادر، هكمل، ولو للحظة حسيتى انك مش قادرة تكملى وقفينى تأملت ملامحه في عشق قائلة: بحبك يايزيد، بحبك اوى قبلها يزيد على شفتيها قبلة خاطفة ناعمة وهو يقول: وانا بعشقك ياقلب يزيد ثم حملها متجها الى السرير وممددا اياها عليه بحنان ليميل عليها يغرقها في بحر عشقه فاستسلمت تود الغرق، تبادله مشاعره بمشاعر لم تكن تتخيل أبدا انها تمتلكها أو حتى قادرة على الشعور بها.
بعد مرور بعض الوقت التفوا جميعا حول فهد الصغير يحتفلون بعيد ميلاده الأول، أطفأوا الشمع وقام الجميع بتقبيل الصغير والذي يحمله أباه بفخر، تشبه عيناه عينا أمه رهف بينما يحمل وجهه باقى ملامح أبيه الجذابة ليظهر كالملاك الصغير، قالت سهام بابتسامة: ربنا يخليهولكم ياحبايبى وتشوفوه أحلى عريس قالت نيرة في مرح: يارب ياطنط وأشارت الى بطنها الكبيرة قائلة: وعروسته جوة أهى، أنا حاجزاه ياجماعة قال نضال باستنكار:.
انتى ما صدقتى ولا ايه؟وبعدين العريس اللى بيخطب يانيرة مش العروسة، انت عملت فيها ايه يايزيد؟ قال يزيد بمزاح: انا مستلمها كدة يانضال نظرت لهم نيرة بغيظ قائلة: بقى كدة، ماشى، ولا يهمنى كلامكم ده كله، فهد لسلسبيل وسلسبيل لفهد ثم أخرجت لهم لسانها في طفولية محببة ليبتسم الجميع ويقول فهد: اسم سلسبيل حلو اوى يانيرة، مين اللى اختاره؟ قالت في فخر: دى بنتى انا، انا اللى شيلاها وانا اللى هولدها يبقى انا اللى هسميها.
قال يزيد في استنكار: بنتك انتى، قولتيلى، وجبتيها لوحدك دى يانونة؟ وكزته نيرة في ذراعه بخجل فابتسم الجميع، لتقول وعد: عن اذنكم هروح أجيب عصير عشان العصير خلص ساد الصمت بعد ذهاب وعد، فاستأذن فهد ليحضر معها العصير وذهب ورائها، خبطت نيرة على رأسها قائلة بتوتر: أنا ازاى مخدتش بالى وقلت الكلام ده؟، أكيد زعلت منى ربت يزيد على يدها قائلا: اهدى ياحبيبتى، هي أكيد عارفة انك متقصديش قالت رهف:.
اهدى يانيرة، وعد عاقلة ومستحيل تزعل منك قالت نيرة بحزم: لأ، أنا أحسن حاجة أروحلها وأعتذر لها أمسك يزيد بيدها يمنعها من الذهاب قائلا: فهد راحلها وهو أكتر واحد دلوقتى هي محتاجاه نظرت اليه نيرة بتردد قائلة: تفتكر؟ ليقول نضال: يزيد معاه حق، هي دلوقتى مش محتاجة غير فهد، فهد وبس قال رفعت بحنان: خلاص ياولاد متكبروش الموضوع، تعالوا نحتفل بفهد الصغير، هما شوية وهتلاقيهم راجعين ثم مال على نضال قائلا له:.
بالمناسبة يانضال، كانت حاجة حلوة منك انك تسمى ابنك على اسم اخوك ابتسم نضال قائلا: مكنش ينفع اسميه اسم تانى غير فهد يابابا، فهد مش اخويا وبس فهد ابنى الاولانى وكان لازم اسمى ابنى باسمه ابتسم رفعت وهو يربت على كتفه قائلا: ربنا يخليكوا لبعض ياحبايبى و يخليكوا لية ياولادى قال نضال: ويخليك لينا يا بابا، ياااارب.
اقترب فهد من وعد التي كانت تقف بمكان بعيد بالحديقة، أحاط خصرها بيده ووضع ذقنه على كتفها قائلا: الجميل واقف لوحده ليه؟ لم ترد عليه وعد ولكنه شعر باهتزاز جسدها ليدرك انها تبكى، أمسكها من كتفيها ليديرها اليه ليرى دموعها التي حاولت ان تخفيها ليقول بألم: طب ليه بس الدموع ياوعد؟احنا مش اتفقنا ان ده قدرنا وان احنا لازم نقبله أومأت برأسها وهي تقول من وسط دموعها: والله العظيم راضية بس غصب عني يافهد.
نظرت الى عينيه وهي تمد يديها لتحيط بوجهه قائلة من وسط دموعها: كان نفسى أسعدك وأجيبلك طفل تفرح بيه عيلتك، وكان نفسى ابقى ام واحس بالامومة، غصب عني، والله غصب عني احتضنها بين ذراعيه وهو يربت على شعرها مهدئا وهو يقول: طب اهدى ياوعد عشان خاطرى، اوعدك في اقرب فرصة نروح لدار أيتام نكفل طفل، لو ده هيسعدك خرجت من حضنه تنظر اليه بفرحة قائلة: بجد يافهد؟ ابتسم قائلا: بجد ياقلب فهد احتضنته بسعادة قائلة:.
ربنا يخليك لية ياحبيبى ابتسم وهو يضمها اليه قائلا: ويخليكى لية ياحبيبتى ثم أبعدها عنه ليمسح دموعها بيده قائلا: دلوقتى مسحنا عيونا زى الشطار وهنرجع الحفلة، هتضحكى وتنبسطى عشان تفرحيهم لأنهم كلهم مضايقين عشان مزعلينك ومفكرينك مضايقة منهم ابتسمت بسعادة قائلة: عيونى يافهد ابتسم في حنان قائلا: تسلملى عيونك ياوعدى كاد ان يغادر لولا ان شعر بترددها فقال: فيه حاجة ياوعدى؟ قالت بارتباك:.
انا كنت عايزة أسألك سؤال بقالى فترة بس بصراحة مترددة ابتسم قائلا: اسألى ياحبيبتى انتابها الخجل من تذكرها لما رآه فهد ولابد وأنها ستذكره بسؤالها ولكنها حسمت رأيها قائلة: انت عملت ايه في عابد؟ جز فهد على أسنانه وهو يتذكر ما فعله بعابد وتحويله الى نائل آخر حتى لايفكر مطلقا في أذية امرأة أو الاقتراب من احداهن مجددا ليقول بحزم: خد جزاؤه يا وعد، مصير أبشع كتير من الموت، بس ده جزاء أى حد يفكر بس يقرب منك.
ارتمت في حضنه قائلة: ربنا يخليك لية ياحبيبى وما يحرمنيش من حبك او خوفك علية ضمها اليه وهو يتنهد قائلا: انتى روحى ياوعدى واغلى عندى من روحى كمان.. ابتسمت بسعادة لتجده يبعدها عن حضنه قائلا: يلا بينا قبل ما اتهور واخدك على بيتنا حالا..
ابتسمت فبادلها ابتسامتها و أمسك بيدها ليتجهوا الى عائلتهم لتتوقف وعد فجأة وهي تشعر بالدوار ليتوقف فهد وينظر اليها في تساؤل، استمع الى صوتها الضعيف ينطق باسمه ورأى شحوب وجهها ليقول في قلق: مالك ياوعد؟ قالت بصوت ضعيف: الحقنى يافهد لتسقط بين يديه فاقدة الوعى ليصرخ فهد باسمها في لوعة.
افاقت وعد على بعض الاصوات والتي بدت غير مفهومة، لتتضح تدريجيا ولتسمع كلمات نيرة القائلة في همس: بالراحة ع البونية يافهد، دى ممكن تروح فيها سمعت رهف تضحك قائلة: امشى يانونة أدامى وسيبيه يقولها بطريقته ثم استمعت لصوت اغلاق الباب بالمفتاح واحست باقتراب فهد منها ليجلس بجوارها على السرير ويمسك يدها بحنان، ليقبلها هامسا: الحمد لله يارب، الحمد لله.
فتحت وعد عينيها بصعوبة لتراه امامها ينظر اليها بعشق، ابتسمت بضعف قائلة: هو ايه اللى حصل ياحبيبى؟ اتسعت ابتسامته وهو يقول: خايف اقولك متصدقيش، انا نفسى مش مصدق عقدت حاجبيها في حيرة لتعتدل في جلستها وهي تقول: مش مصدق ايه ياحبيبى؟ ابتسم فهد قائلا: بعد سبع شهور، سبع شهور وهتكونى أم وهكون أب ياوعدى قالت وعد في خيبة امل: سبع شهور ايه يافهد، انت مش قلتلى هنروح علطول على دار الايتام، ليه بس نستنى 7شهور.
ابتسم فهد قائلا: مش هنروح لدار ايتام ياحبيبتى عقدت حاجبيها ليقول فهد في سعادة: انتى حامل ياوعد نظرت اليه وعد بصدمة، تحاول ان تستوعب ما تسمعه، لتطفر الدموع بعينيها وهي تقول مشيرة الى بطنها: انت قصدك، ان جوة هنا فيه بيبى؟ اومأ برأسه بسعادة، لتقف وعد بسرعة وتقفز على السرير بسعادة قائلة: هبقى ام يافهد، هبقى ام امسكها فهد من خصرها بسرعة وانزلها ارضا ليقول بقلق: اهدى يامجنونة، مش كدة، كدة غلط ع الجنين.
ابتسمت في سعادة قائلة: صح، انت صح، من انهاردة مش هتحرك من مكانى لغاية ما البيبى ييجى قال فهد بابتسامة: مش للدرجة دى يعنى ابتسمت وعد واقتربت منه اكثر قائلة في دلع وهي تمرر يدها على وجنته بنعومة: فهد حبيبى هتجيبلى دادة بدل حسنية اللى مشيتها من البيت صح؟ نظر الى سحر عينيها وتفاعل جسده مع لمستها ليقول بشرود: اممممم اتسعت ابتسامتها لتقبله على وجنته بنعومة هامسة في أذنه قائلة:.
وهتجيبلى طباخة عشان مش هقدر اطبخ يافهود قال وهو يقع تحت تأثير قبلتها: وايه كمان؟ اقتربت من شفتيه لتقبله بخفة قائلة بالقرب منهم: وهتاخد اجازة من الشغل عشان تقعد معايا ياحبيبى افاق من سحرها ليبتعد قائلا: لا كله الا الشغل ياحبيبتى اقتربت منه مجددا لتنظر الى عينيه نظرة عشق قائلة: عايزة اتوحم عليكى يافهود عشان البيبى يطلع شبهك.
نظر الى عينيها وهو يستسلم للمسة يديها التي تعبث بشعر صدره من خلال ذرار قميصه المفتوح ليقول في عشق: اذا كان كدة، آخد أجازة عشان خاطر عيونك ياوعدى انحنى ليحملها فقالت بدلال: بتعمل ايه ياحبيبى؟ هز حاجبيه صعودا ونزولا وهو يقول: هطمن ع البيبى بنفسى ياوعدى اطلقت وعد ضحكة أذابت قلبه ليضعها على السرير برقة ويقبلها بنعومة لتستسلم هي لمشاعر الحب التي غمرها بها.
ابتسم نضال حين رأى رهف تدلف الى الغرفة وتقول بهمس: وأخيرا نام نهض نضال ليمسك بيدها قائلا: أيوة بقى، خلينى أقولك الكلام اللى نفسى اقولهولك وكزته في ذراعه قائلة: انت مبتشبعش يانضال؟ قال في مرح: وهو فيه حد بردو بيشبع م الحلويات يارهوفة ابتسمت في خجل فأمسك بيدها وجلس على الأريكة وأجلسها على قدميه قائلا:.
تعرفى يارهف، قبل ما اعمل الحادثة كنت مؤمن ان لكل واحد فينا نصه التانى اللى بيعيش يدور عليه لغاية لما يلاقيه وساعتها بس بيحس انه كامل ولما شفت فهد ووعد، اتأكدت ان تفكيرى صح، بس لما عملت الحادثة فقدت ايمانى بأفكارى اللى اتشوهت زى ما انا اتشوهت، لكن لما شفتك ومن اول مرة عرفت انك نصى التانى، معاكى انتى وبس كنت بحس انى كامل، قاومت مشاعرى كتير وكدبتها، بس في الآخر استسلمت ولما استسلمت عرفت، عرفت انك فعلا نصى التانى، وانى خلاص لقيتك ومستحيل اخسرك، انا مبقتش عايز حاجة من الدنيا غيرك، غيرك انتى وبس.
اغروقت عينا رهف بالدموع، لتضم وجهه بين يديها قائلة بعشق: وانا مش عايزة م الدنيا غيرك انت يانضال، انت كمان نصى التانى.
ضمها اليه في حنان لتضمه هي الأخرى وهي تبتسم وتحمد الله في سرها على هديته العظيمة لها، زوجها، وحبيبها، ولديها مفاجأة ستسعده، لقد تأخرت عادتها الشهرية وهي شبه متأكدة من حملها، ولكنها لن تخبره الآن، ربما بعد قليل ولتنعم بحضنه وحنانه الآن ثم بفرحته وجنونه عندما يعلم بحملها، هكذا تعشق حبيبها بكل حالاته، فهو ليس حبيبها فقط بل نصفها الآخر. تمت نهاية الرواية أرجوا أن تكون نالت إعجابكم
تحميل محتوى الموضوع
عرض نسخة صالحة للطباعة
أرسل هذا الموضوع إلى صديق
[25]
الدعوات : 2قوة السمعة : 10
رواية نصفي الآخر