توقف جاسر بسيارته أمام فيلا صغيرة، لينزل من السيارة ويلتف حولها ويفتح الباب لغادة لتنزل برقة تنظر الى تلك الفيلا التى اعجبتها، تتساءل هل هذا المكان الذى اختاره جاسر ليعيشوا به سويا بعد زواجهم؟ليتقدموا تجاه الباب الذى فتح فجأة لتظهر فتاة جميلة تنظر اليها بلهفة وسعادة لتشعر بألفة فورية تجاه تلك الفتاة التى قالت بسعادة: غادة أختى.
لتتسع عينا غادة بصدمة وتنظر الى جاسر تتأكد منه ليبتسم لها وهو يومئ برأسه لتنظر مجددا الى رقية وقد ترقرقت العيون بالدموع لتندفع كلا منهما الى احضان الأخرى، تنهل من حنانها، وتعوض احساس الفقدان الذى يشعر به كليهما، لتبتعد عنها رقية وهى تقول بحنان: ادخلى ياغادة، آوس هيموت ويشوفك، كان عايز يقوم من سريره وهو لسة خارج من العمليات المجنون بس على مين حور ثبتته، عشت وشفتك ياآوس بتتثبت.
نظرت اليها غادة بحيرة لتقول روكا فى مرح: انتى متعرفيش حكايتهم، هبقى احكيهالك بعدين، أصل حور تبقى خطيبة آوس، وانا كمان مخطوبة لطارق زى ما انتى مخطوبة لجاسر. قصى كمان فوق، يووووه بتكلم كتير انا عارفة، تعالى الأول نروح لآوس، قبل ما يعملها وينزل، قلتلك انه هيموت ويشوفك؟
لم تستطع غادة ان تتمالك نفسها لتضحك بمرح وهى تنظر الى جاسر الذى ابتسم بحنان، لتتبع اختها رقية لتقابل أخيها الآخر آوس وهى تشعر بالسعادة لمقابلة أخواتها أخيرا، لتنظر الى جاسر مجددا وتهمس دون صوت: بحبك ليبتسم وهو يرسل لها قبلة طائرة وهو يرسم قلبا فى الهواء، لتبتسم هى بسعادة ويبتسم هو بعشق.
وقف آوس فى نهاية السلم الخاص بالفندق الذى يقام به حفل الزفاف المزدوج، زفافه على حور وزفاف اخته رقية على طارق صديقه، وأخته التى عرف بها أخيرا، أخته الجميلة غادة على جاسر، كان آوس يرتدى حلة سوداء ويبدو وسيما للغاية، يقف بجواره أسامة يرتدى حلة مشابهة لأبيه، وبجانبهم طارق يرتدى حلة بيضاء وجاسر بحلة سواء رائعة من يشاهدهم يحسد سعيدات الحظ اللاتى ستتوجن ملكات على عرش قلوبهم الليلة، حتى ظهرت كل عروس فى بداية السلم ليبدو جمالهم الخلاب واضحا كالشمس، نزلت حور ورقية وغادة السلم بفساتينهم البيضاء الرائعة ليمسك آوس بيد رقية يقبلها من جبهتها ويسلمها لعريسها طارق الذى قبل يدها وامسكها ليدخل بها القاعة، ثم يمسك بيد غادة ويقبلها من جبهتها ويسلمها لجاسر الذى قبلها من جبينها وأخذها الى القاعة.
قال أسامة فى سعادة: ماما حور حلوة اوى يابابا نظر آوس الى حور يتأمل جمالها الخلاب يكاد يأكلها بعينيه مما أخجلها، أفاق على صوت أسامة يقول: صح يابابا؟ قال لأسامة: صح ياحبيبى، يلا بقى اسبقنى ع القاعة وانا جاى وراك علطول.. جرى أسامة فى سعادة متجها الى القاعة، فى حين وقف آوس امام حور التى تنظر اليه بخجل، نظر اليها بعشق قائلا: انا ربنا بيحبنى اوى عشان عوضنى بحورية من حور الجنة فى الدنيا ياحوريتى.
ابتسمت حور بخجل قائلة: وانا ربنا بيحبنى اوى عشان رزقنى حبك ياآوس قبل آوس جبهتها فى حنان وهمس فى اذنها قائلا: اوعدك بقلب يحبك ويحافظ عليكى ﻵخر دقة فيه بادلته همسه قائلة: واوعدك انى اكون لك سكن وحضن يضمك وانى ميغمضش لية عين غير وانت راضى عنى ياحبيبى ابتعد عنها ناظرا اليها فى عشق قائلا: قلب وعقل وروح حبيبك قاطع حديثهم صوت طارق الذى يقول فى مرح:.
ايه ياعم الرومانسى، الدى جى عايز يشغل الاغنية السلو عشان نرقص وانا سايب عروستى واقفة لواحدها عشان آجى واقولك، وجاسر هيطق جوة، راعوا مشاعرنا يابشر ابتسمت حور بخجل فى حين قال آوس فى غيظ: طب ادامى يااخويا والله انا لو علية لأسيبك انت ورقية فى الفرح لوحدكم وآخد حور واهرب على اسكندرية بس مع الأسف مش هقدر عشان خاطر مامتها اللى نفسها تشوفها عروسة، بس وصى الدى جى ياطارق ميطولش أحسن بجد أعملها.
ازداد خجل حور فى حين قال طارق: عيونى ياباشا، انا اصلا مستنى الفرح يخلص بفارغ الصبر عشان أستفرد بروكا حبيبتى وكزه آوس فى يده قائلا: خد بالك ان اللى بتتكلم عليها دى تبقى اختى ياخفيف تأوه طارق قائلا: ايدك تقيلة اوى ثم وجه حديثه لحور قائلا: ربنا يكون فى عونك ياحور ازداد خجل حور فى حين قال آوس فى غيظ: ملكش دعوة بحور وامشى ادامى بدل ما اوريك ايدى تقيلة اد ايه قال طارق:.
لأ وعلى ايه؟أنا مش مستغنى عن عمرى، سلام يااخويا وغادر مسرعا فالتفت آوس الى حور يمد لها يده قائلا: يلا بينا ياحوريتى تشابكت أصابعها مع أصابعه ليدخلو القاعة ليعلو التصفيق ويطالب الدى جى ان يتقدموا الى الاستيدج ليرقصوا جميعا رقصة السلو كانت كلمات الأغنية تنساب برومانسية وكأنها تتحدث عنهم، تعبر عن مشاعرهم.. (ايدى فى ايديك لحماقى).
عمرى ما قولت حبيبى لحبيبى، معقول، وهقولك ياحبيبى علطول، ايدى فى ايديك وعشان خاطر عنيك هعمل المستحيل، اوعدك، هفضل معاك هبقى ضلك حماك، كل همى انى أعيش وأسعدك ابتسم طارق قائلا لرقية: انا مش مصدق انك بين ايدية، وانك خلاص بقيتى مراتى وهيتقفل علينا انهاردة باب، اوعى ياروكا ياحبيبتى تكونى م العرايس اللى بتقول ننام انهاردة عشان تعبانة وبكرة نلعب عريس وعروسة، اروح فيها والله وكزته رقية فى رقة قائلة فى خجل:.
بس بقى ياحبييى، بطل هزار تأوه طارق قائلا: انتى خليتى فيها حبيبى، ايدك تقيلة زى أخوكى، انا شكلى هرجع فى كلامى وادورلى على عروسة تانية تدلعنى مش توجعنى قالت رقية فى حزن: كدة ياطارق، عايز تتجوز واحدة غيرى رق طارق لحزنها فقال فى حنان: واحدة غيرك ايه بس ياروكا، ده انا ما صدقت اتجوزتك وبقيتى مراتى، ده حلم عمرى اللى اخيرا اتحقق، مهما شفت او عرفت محدش ملا ولا هيملا عينى غيرك ياروكا نظرت اليه روكا قائلة فى عشق:.
بحبك ياطارق، والله العظيم بحبك ضمها طارق اليه ليهمس فى أذنها بعشق: وانا بموت فيكى ياقلب طارق عند جاسر وغادة قالت غادة: النهاردة أسعد يوم فى حياتى، بتجوز مع أخواتى، وعيلتى كلها حوالية، وكله بسبب قصى وبسببك ياحبيبى ابتسم جاسر بحنان قائلا: فرحتك كانت لازم تكو كاملة ياقلب حبيبك. عشان تكمل فرحتى انا كمان. ربنا يخليكى لية ويقدرنى دايما وأسعدك يارب ابتسمت قائلة: ويخليك لية ياحبيبى وأسعدك دايما يارب.
على الجانب الآخر كان آوس يضم حور اليه يستنشق عطرها الذى تغلغل داخل مشاعره يتمتم بكلمات الأغنية فى أذنها قائلا: خليك ادام عينى خلينى وياك، ده انا برتاح ياحبيبى وانا عينى شايفاك، ايدى فى ايديك وعشان خاطر عنيك هعمل المستحيل، اوعدك، هفضل معاك هبقى ضلك حماك، كل همى انى اعيش وأسعدك ابتعد ينظر الى عينيها العاشقة وهى بين زراعيه مستطردا: خايف افتح عينى ألاقينى كنت بحلم وتختفى من ادامى ياحور.
اراحت رأسها على صدره قائلة: لا ياحبيبى احلامنا خلاص بقت حقيقة ومن انهاردة انا بقيت ليك وانت بقيت لية ثم رفعت رأسها تنظر اليه بعشق قائلة: تعرف ياآوس انا كنت بدعى ربنا انه يرزقنى بحبيب يكون لى سند وامان ورغم انك كنت خاطفنى والمفروض اكرهك بس لقيت نفسى مش قادرة احس معاك بالكره او الخوف، حسيت معاك بس بالامان وحسيت انك ممكن تكون الحد اللى دعيت ربنا يرزقنى بيه، واتأكدت انك هو لما حبيتك ياآوس.
نظر اليها آوس يتأمل ملامحها بعشق قائلا: الحب رزق وانتى رزقى ياحور وعوض ربنا لية عن سنين عذاب، ربنا يقدرنى واكون انا كمان عوض ليكى عن كل اللى شوفتيه فى حياتك، أنا سجنتك جوة بيتى لكن انتى سجنتى نفسك جوة قلبى ومستحيل أحررك ياحور ابتسمت حور قائلة: وانا مستحيل اطلب الحرية ياآوس، أنا راضية اكون جواك، راضية اكون سجينة بيتك وسجينة قلبك ضمها اليه يلفها بسعادة لينضم اليهما طارق ورقية وسط تصفيق الحاضرين.
لتبتسم أميرة عندما احتضنها قصى من الخلف وهو يهمس فى أذنها: كل قصة فيهم بتفكرنى بقصة حبنا ياميرا، أحلى حاجة فى الدنيا الحب وانا مش بس بحبك، أنا بعشقك، ربنا يخليكى لية يارب لينزل بيده يضعها على بطنها قائلا: ويخليلى ولادى منك يا أجمل أم وضعت يدها على يده تبتسم فى حنان قائلة: ويخليك لينا ياأعظم زوج وأجمل أب لينظروا مجددا الى كل عروسين، يبتسما بسعادة، سعادة الحب.
هتسميهم ايه ياأميرة؟ نطقت سعاد بتلك العبارة فى سعادة، فنظرت اميرة الى أطفالها الماكثين بين يدى زوجها فى حب، وبادلت زوجها نظرة رضا وعشق ثم عادت بنظرها الى والدتها قائلة فى حب: انا وقصى اتفقنا نسمى الولد أحمد على اسم بابا الله يرحمه والبنوتة ياسمين على اسم والدته الله يرحمها.
اغروقت عينا سعاد وأمجد بالدموع وأمسك أمجد بيد سعاد فنظرت اليه سعاد بحب وهى تربت على يده ثم نقلت نظرها ما بين قصى واميرة بامتنان قائلة: ربنا يخليهم ويبارك فيهم ياحبايبى ويفرحكم بيهم زى ما فرحتونا قال جاسر فى سعادة: يعنى والغلابة اللى زينا ملهمش دعوة حلوة زى دى؟ نظرت سعاد الى جاسر وغادة قائلة فى حنان: بس كدة، ربنا يقومك ياغادة انتى وحور ورقية بالسلامة، وأشيل ولادكم على ايدى قريب يارب.
أسرع جاسر يقبل يدى سعاد قائلا: حبيبتى والله، ربنا يفرحك بأحفادك يارب ابتسمت غادة قائلة: مجنون نظر اليها قائلا فى حب: بيكى أخفضت غادة نظراتها خجلا، نظر آوس الى حور بعشق، بينما غمز طارق لرقية، لتبتسم الفتيات بخجل دخلت الممرضة لتحمل الطفلان الى الحضانة فاستأذن الجميع للذهاب وبقى فقط قصى مع أميرة، وما ان اغلق الباب حتى التفت قصى الى أميرة يتأملها فى عشق قائلا: مبروك ياحبيبتى ابتسمت اميرة قائلة:.
مبروك علينا ياقصى اقترب منها حتى جلس الى جوارها وامسك يدها وطبع عليها قبلة رقيقة ثم نظر الى عينيها قائلا: فرحتى انهاردة متتوصفش ياأميرتى رفعت اميرة يدها لتربت على وجنته برقة قائلة: انا كمان ياقصى، الحب ده أصله رزق وانا ربنا مش بس رزقنى حبك، ده رزقنى حتة منك، احمد وياسمين، احمد شبهك وياسمين شبهى، نعمة وفضل من ربنا، هحمده واشكره عليها كل يوم وضع يده على يدها المستكينة على خده وربت عليها قائلا:.
ربنا يخليكم ليه يااارب ابتسمت اميرة قائلة: يارب ثم استقامت قائلة فى لهفة: تعرف انا نفسى فى ايه؟ مال برأسه ليطبع قبلة على يدها المستكينة على خده قائلا: اؤمرى ياقلبى انتى، اللى نفسك فيه حالا يكون بين ايديكى ابتسمت أميرة قائلة: نفسى اول ما ينفع نسافر، أنا وانت وماما وبابا والولاد نحج، دى اقل حاجة نعملها عشان نشكر ربنا على نعمه الكتير علينا ابتسم قصى قائلا فى حب:.
مفيش اجمل من كدة، اول ما ينفع هنسافر علطول ياقلبى نظرت اليه فى امتنان، ثم قالت فى رجاء: ونفسى فى حاجة كمان ياقصى قال لها: اؤمرينى ياقلب قصى قالت وعيونها تلمع: عايزاك تنزل تشتريلى حجاب نظر قصى اليها غير مصدقا ما تسمعه أذناه وهو يقول فى لهفة: بجد يااميرة، عايزة تتحجبى؟ نظرت الى سعادته وتأكدت انها على صواب، وهى تقول فى حب:.
بجد ياروح أميرة، الشخص الوحيد اللى من حقه يشوف زينتى واللى منها شعرى هو انت، انت وبس ياقصى ضمها قصى اليه فى سعادة وهو يقول: انتى بجد انهاردة فرحتى قلبى مرتين، مرة لما جبتيلى ولادى وخليتينى أب والمرة التانية برغبتك فى لبس الحجاب، ربنا يخليكى لية يااميرتى استكانت اميرة بين ذراعيه وهى تشعر لاول مرة بالسكينة والاطمئنان والعشق بعد ان تخلت اخيرا عن كبرياؤها الأحمق، لتصبح وبكل إرادة منها سجينة قلبه. تمت نهاية الرواية أرجوا أن تكون نالت إعجابكم
تحميل محتوى الموضوع
عرض نسخة صالحة للطباعة
أرسل هذا الموضوع إلى صديق
[13]
الدعوات : 2قوة السمعة : 10
رواية سجينة قلبه