انتهى تناول الطعام واقسمت ريم ان تساعد في لملمة المحتويات اما اميرة دلفت مع والدة عمر لتجعلها ترتاح فقد حان وقت نومها، في حين دلف عمر يساعد ريم وهي تلم الاشياء فقال باعجاب =شكلك ست بيت شاطرة.. =فى سكن الطلبة بنعمل كُل حاجة بنفسنا. ف لازم نتعود طبعاً ساعات بعُك في الاكل بس في المجمل انا كويسة. =لا كويس. سيبى كُل حاجة بقا انا مش جايبك اتعبك. =خلاص خلصت.
انهت غسل كُل شيء واخرجت القهوة وجلسوا معاً في الشرفة فقال بإبتسامة =أبويا مات، وسابنى في تالتة ثانوي اختى كانت صغيرة اوى. ووقتها امى جتلها جلطة م الحزن ومابقتش بتمشى خالص ف كان الحمل عليا كبير، بس ربنا كان معايا ربنا مش بينسى حد والحمدلله الايام الصعبة كلها عدت..
=انت قويت بوجود اهلك جمبك، بس انا فقدت ابويا وبعديها امى بشهر، وعايشة مع خالتى وجوزها، شايلة نفسى بنفسى لازم اشتغل علشان اصرف على نفسى، شوفت المُر حقيقي، ومازلت بعانى، ومكملة علشان اوصل. نفسى يبقي ليا قناة خاصة بيا وهطلع فيها واعمل برامج تفيد الناس واحاول انقل ليهم معلومات صحيحة.
=الأحلام بتتحقق مع الصبر والسعى، وثقتك في الله عزوجل. وهتحققي ده ووقتها هتكرم وهكون ضيف عندك في القناة مع انى مش بروح لأى حد. =ما هُو برضوا انا مش اي مُذيعة. =تباً لتواضُعنا. قهقها كلاهما بخفة ثم قالت وهي تنظر إلى ساعتها =انا اتأخرت همشى بقا. =خليكى شوية وانا هوصلك. =لا هروح انا. =وتفضلي تتنقلي بين العربيات زي الفرقعلوز. صح؟! ابتسمت بخجل قائلة.
=هو انا مكشوفة للدرجة دي. عموماً لازم امشى سكن الطلبة بيقفل بعد الساعة 10. =ماشي يلا بينا. بالفعل رحل معها ليوصلها، هبطت من السيارة واودعته ودلفت الى الداخل، تأمل طيفها لقليل من الوقت وقال في نفسه =شكلى هتعود عليكى يا ريم، ربنا يستر من اللى جاى. انطلق بالسيارة مرة أخرى في حين صعدت هي الى الاعلى.
انتهى احمد من العمل وتنهد وهو يتمطع لا يصدق نفسه فقد عمل بجد تلك المرة، نظر امامه ليرى التي غفت على الاوراق ضحك بهيستيريا على مظهرها، وهي ترتدي نظارات كبيرة، هز كتفها قائلة =أبلة فاهيتا اصحي. نهضت بسرعة فائقة قائلة بعدم وعي =ايه اللى حصل؟ =عباس اتكسر، قومي يا ختى خلصنا شغل، ولا عايزاهم يقفلوا علينا زى المرة اللى فاتت شكلك حبيتي الموضوع =اتنيل.
نهضت وهي تطوى اشيائها وتتثاوب، خرجت من الغرفة وهو خلفها خرجوا من الشركة الى الخارج وذهب احمد ليجلب سيارته بينما وقفت هي تنتظر سيارة اجرى لان سيارات الشركة عادت الى اقفالها، وقف احمد امامها بسيارته قائلا =أبلة فاهيتا تعالى هوصلك علشان انا جدع وابو الرجولة. =امشى ياض اكيد مش هركب معاك =تصدقي انا راجل وسخ اساساً انى عرضت عليكى. =لا خلاص خدنى الجو ساقعة الصراحة ومش هقدر استنى كتير. =العرض خلص خلاص =معلش.
دلفت الى السيارة قائلة بصوت عالى =سوق يلا عايزة اروح. =شوية رقة. شوية انوثة! =معلش المرة اللى جاية يلا عايزة انام. =الله يكون في عون اللى هتبقي من نصيبه. قاد السيارة بهدوء فقالت بملل =دوس شوية.. =ادوس ايه هي لعبة. دي من اجود انواع العربيات. =واضح اوي بسرعتها دي. انا العجلة بتاعتى اسرع منها. =عجلة! اسكتي طالما ماتفهميش في العربيات =سيبنالك الفهم =العداد بيعد هتدفعى اجرة. =طول عمر واطى.
=نحترم نفسنا هاا علشان ما نزلكيش في وسط طريق عام ويقتلوكى اذا كان انتِ ماقتلتيهومش اصلا.. صمتت ولم تتحدث فقال بأستغراب =صوتك اتقطع يعني. نظر اليها ليراها نائمة بارهاق وتعب فقال وهو يضحك =ياربي معزة نايمة. فين الجمال والشعر الحرير والحاجات اللى مفروض احس بيها.
نظر اليها مرة أخرى في الاصل ليست قبيحة، انها جميلة وتمتلك جمال خاص ومُتيقن ان لها روح لا مثيل لها، ولكن لسانها سليط، جاء في عقله اول مكان رآها فيه اهي حقاً من تلك النوعية؟ لا تبدو كذالك رٌبما حقا ذهبت لإنقاذ صديقتها.. عصفت به الأفكار لوقت طويل حتى وصل بها الى سكن الطلبة، هزها بهدوء قائلا =ورد فوقي.. فتحت عيونها قائلة =وصلنا؟ =ايوة يلا انزلي. =ماشى عايز كام؟
=علشان انا ابو الرجولة وصلتك ببلاش بس المرة دي بس.. =ماشي ياسطا. =الانوثة يا بجرة. قالت وهي تلتفت له =سيبنهالك. ركضت بسرعة قبل ان يصفعها، نظر لها بغيظ يجز على اسنانه قائلا =كٌل الناس تصحى من النوم رقيقة. الا هي بجرة. انطلق بالسيارة الى منزله لينال قسطاً من الراحة.. فى صباح اليوم التالى.
أشرقت الشمس على غرفة العروسين فتح ليث عيونه ليرى فجر في احضانه تختفي في الداخل بخجل شديد ووجهها احمر، ف ضحك بقوة على مظهرها قائلا =انتِ مكسوفة مني بس بتتخبي فيا؟ =مني لله. اسكت بقا. =ليه يعني ده انتِ جوزك زينة الشباب واي بنت تتمناه. ضربته بقسوة على كتفه قائلة =اسكت يا ليث بقا. =مش انتِ اللى كُنتِ عايزاني ابوسك والموضوع وسع حبتين؟ =وانت ما صدقت يعنى، غمض عيونك عايزة اقوم غمض. ضمها اليه بحب قائلا.
=مش عايزاك تقومي خليكى شوية =عندنا شغل! =هناخد النهاردة اجازة وبكرا كمان، النهاردة علشان هنقضيه مع بعض. وبكرا هنروح البلد اعرف اهلى انك مراتي رسمى وبعدين هنطلع على اهلك ولازم نحطهم قدام الأمر الواقع. انكمشت فيه بخوف قائلة =ليث انا خايفة اوي. =متخافيش طول ما انا هنا متخافيش، محدش هيقدر يلمسك طول ما انتِ مراتى. =انت بتحبنى؟
=انا ما بعرفش اقول معنى الحب او اقول الكلمة دي، بس انا اتعلقت بيكى وحاسك حتة منى من اول ما عملنا الحادثة وانتِ ف غيبوبة وانا جمبك، كُنت على طول خايف عليكى وبعتني بيكي بس انا شخصيتي لا تقبل الحب للاسف.. =بس انا هخليك تحبنى، هغيرك للاحسن، مش لازم تبقي معقد في حين انك ممكن تبقي انسان بسيط وجميل وتتحب. =يمكن وانا معاكى ابقي شخص تانى. =طيب غمض عينك بقا علشان انا عايزة اقوم.
بالفعل تركها تنهض وهو يضحك على طفولتها وهي تركُض، اغتسلت ثم هبطت لتعد الافطار ودلف هو يغتسل وضعت هي الأفطار في الجنينة وجلست ارضاً تنتظره، جاء خلفها وهو يضحك ونام على قدمها وهي اخرجت بعض الزيتون تضعه في فمه قائلة بحيرة =ليث انا عندي سؤال محيرني؟ =خير. =ايه العداوة اللى بينك وبين عارف علشان يكرهك بالطريقة دي. صمت ليث قليلا ثم نطق ببرود =علاقة شغل وتنافس.. =غريبه علي كره الفظيع ليك ولا كأنك قتلتله قتيل..
=سيبك من الموضوع ده يا فجر مش حابب اتكلم فيه إطلاقاً.. =ماشى اطلع اجهز الشنط ولا ايه؟ =لا هنطلع. =لا لا لا قالتها وهي تضحك على مداعبته لها، حملها على اكتافه وهي تضحك بفرحة عارمة ظنت انها ستدوم للابد لكنها بداية لجحيم كبير لن ينتهى.. تجهز ليث وفجر بقرب المغرب وخرجا في طريقهم لمنزل ليث الذي يكون في نفس القرية التي بها اهل فجر، صدفة غريبة حقاً، قالت فجر بتساؤل عجيب =انت ليه مش عايش معاهم.؟ =مش حابب. =ليه؟
=سيبك من الموضوع ده غضبت فجر منه كُلما فتحت موضوع تحدث بنفس الطريقة وكأنه لا يود مشاركتها اسرار حياته اطلاقا وانه دوما يضع حواجز بينهم لكنها صمتت الان ف لا داعي لغضبها في وقت كهذا.. ضغط على يديها قائلا =ماتقلقيش كل حاجة هتبقي كويسة.. هزت رأسها وهي تستمد الامل منه، وصل كلاهما الى منزل العائلة الخاص ب ليث استقبلهم الجميع بترحيب ولكن لا أحد يعلم من تلك التي معه.. مال عليها فجر قائلا.
=الخدم هيودوكي الاوضة روحي معاهم ارتاحي عقبال ما اتكلم مع ابويا شوية. هزت رأسها ثم رحلت مع الخدم فعلا وهي تتأمل المنزل الفخم، دلف ليث وعانق والده فقد اشتاق له وجلسوا معاً في الصالون، دل يتحدثان مع بعضهم والترحيب المعروف حتى سأله والده بفضول =الأ مين البنية اللى معاك دي يا ولدى؟ =بص يا با الموضوع جه بسرعة بس انا جيت اقولك اهو. انا اتجوزت. =من غير ما تقولى يا ولدى؟
=معلش يا با جه فجأة غصب عني والا انت عارف انت الكبير في كل حاجة =طالما مرتاح خلاص يا ولدى المهم فيه بنية قدرت تخليك تتجوزها، بس قولى بنت مين في البلد؟ =عارف عمَّ سلطان العشماوي، اللى في الخط التانى هي هي بس المشكلة اني.. قاطعه والدة بصدمة =ايه بنت سلطان! =ايوة يابا فيه ايه خير. نهض بغضب قائلا =سلطان يبقي عدو ابوك الوحيد يا ليث. اتجوزت بنيته من غير ما اعرف! =عدوك. عدوك ف ايه بالظبط؟
=سلطان ده اللى قتل امك يا ليث، اللى قتلها ويتمك يا ليث روحت تتجوز بنته انت اتجنيت يا ولدي! هو السبب في الحادثة اللى فقدت فيها امك.
دلفت سالى وهي تحمِل الملف الخاص ب فجر ووضعتهُ امامه قائلة وهي تجلس واضعة قدم فوق الأخرى =المعلومات اللى في الملف صحيحة. كويس اعتقد تبدء بقا تعمل حاجة، احنا ساكتين مش بنتحرك ومش بتقول خطتك في نفس الوقت =الخطة لازم تمشى واحدة واحدة علشان ماتبوظش، وبهدوء خالص، لازم ليث يخسر الصفقة الجاية بأى تمن، لو انا كسبتها هقدر ادخل سوق وهتبقي اول خطوة ليا صح في عالم الاعمال.
=خلى اللى اسمها فجر دي تساعدك وانا عن نفسى هجمع اكبر قدر من المعلومات علشانها. =لو محصلش. يبقي لازم ليث يموت مع انه بسبع ارواح وبينفذ منها =يبقي تبدء من حد تانى =زي مين؟ =عمر. احمد مثلاً الاتنين بيعاونوه وبيساعدوه لو تخلصت منهم الاول. ليث هيبقي ضعيف ومُشتت، وقتها سهل عليك تاخُد اى خطوة بعد كدة. =كلامك صحيح. اذاً نبدء في رسم الخطة. ابتسمت بخُبث لبعضهما يفهمان ما يدور في رأس كُل واحد..
جلست فجر على الفراش وهي تضُم ساقها اليها وتتأمل الغرفة عن قُرب، ابتسمت وهي تتراجع للخلف تمسك المخدة تضُمها اليها قائلة =كُنت حاسة انى الحياة هتتحسن، وهتبدء تضحك ليا من تانى، ليث خلى حياتى جميلة للدرجة دي. حاسة اني بدأت احبه وعايزاه جمبى علي طول. نفسى اخلص من حمل اهلى وارجع انا وهو نعيش مع بعض ايام حلوة كتير..
وفوق كُل ده نجيب اطفال، ونعيش حياتنا صح. اغيره واخليه يتعامل بطريقة احسن من كدة في حياته، واحقق كُل احلامي معاه يارب اكتب لينا الخير في كُل وقت ويسر الامور يارب.. اغمضت عينيها تنام ك الاطفال من ارهاق السفر حتى ينتهى ليث ويصعد اليها. بينما في الاسفل هب ليث من مكانه قائلا بغضب.
=بابا انت واعى للى بتقوله. انا فاكر الحادثة حصلت ازاي اينعم انا كُنت صغير بس فاكر، العربية انقلبت بينا فجأة من غير حاجة، وهو ليه يعمل كدة. اكيد فيه سوء تفاهم في الموضوع. =انت اللى فاهم غلط يا ولدى. هو اللى كره امك من ناحيتي هو اللى كان بيسخنى عليها دايماً وبيغويها تمشى من البيت دة. =انت بتقول ايه انا مبقتش فاهم ليه يعمل فيها كدة؟!
=زمان سافرنا انا وهو ل مصر كنا اصحاب، نشتغل في القاهرة وسيبنا البلد. يشاء القدر يا بنى اننا نحب نفس الست لكنى خجول وبشوفها حاجة غالية عندي. هو كان جريء يضايقها كل شوية وعايزاها، هي حبتني وانى حبيتها واتجوزنا ومن هنا بقا عدوى وبيوقع بينا بأى طريقة منه لله. لحد ما عرفت انه هو اللى قطع فرامل العربية مع انى ممعيش دليل ادخله بيه السجن من ساعتها اعداء لبعض في الشغل حتى..
حالة من الصدمة اعترت ليث فجاة، تحولت إلى عيون قاتمة تشتعل بالنيران الشديد والغضب. رغبة مٌلحة في الانتقام قال والد ليث بغضب وصرامة =البنية دي مينفعش تكون مراتك حق امك فين من ده كله يا ليث. طلقها يا ولدى وارميها لأبوها الكلب دة.. رفع ليث نظرة اليه قائلا بغضب شديد.
=غلطك انك مقولتليش ولا وعتنى، وانا عايش ومجبتش حق امي. عايش مع واحدة اهلها السبب في معاناتى طول السنين دي كلها. بس حان الوقت اخد حقى منهم كلهم واشفى غليلى.. =ليث هتعمل ايه ماتتهورش يا ولدى. مش عايز افقدك انت كمان.. تركه ليث وصعد الى الاعلى بغضب وعيون مشتعلة بنيران الانتقام. كأنها جمرة من جحيم، دلف الى غرفة فجر ليراها نائمة كالملائكة على الفراش نطق بنبرة حاول جعلها هادئة =فجر. اصحي يا فجر..
فتحت فجر عيونها ببطيء قائلة وهي تبتسم =اتكلمت مع اهلك. اقدر انزل اتعرف عليهم؟ =لا مفيش تعرف دلوقتى لازم نروح لأهلك الاول.. =انا خايفة اوي يا ليث من رد فعلهم خايفة موت. =انا معاكى متخافيش، مستنيكى تحت.
خرج من الغرفة بجمود وعيناهُ تشتعل بالفعل، بينما طمأنت نفسها انها في حماية الليث وهبطت الى الاسفل بعدما اعادت ترتيب نفسها. وبعد مرور نصف ساعة، هبطت من السيارة وهي ترتعش بقسوة تريد ان تمسك يد ليث لكنها فجأة رأت حجابها في يد زين بقسوة وهو يدلف بها الى الداخل وهي تصرخ فيه ان يترك حجابها.. القى بها على ارضية الحديقة قائلا بنبرة قاسية =سلطااان، يا سلطااان الكلب تعالى خد بنتك الفاجرة..
خرج الجميع من الداخل على اثر صوت ليث، سلطان والدها وابن عمها واخيها ووالدتها وصدقة احتلت اوجه الجميع، اشار ليث على فجر بصوت عالى =بنتك المحترمة جبتها لحد عندك مش كُنت بدور عليها، اتفضل اهى، كانت نايمة معايا في اوضة واحدة من غير جواز، اظن دلوقتى سمعتك بقت في الأرض من الخجل. روح ادفن نفسك بدال ما هاجى ادفنك انت مكانك، بنتك جابتلك العار وهي مش متجوزة وكمان مش بنت بنوت..
رمقه بغل وتشفى وهو يرى علامات الصدمة والدهشة على وجهة، شعر حينها ان حق والدته المفقود قد عاد عندما شعر بعجزه امام اهل القرية كلها وامام نفسه.. جلست ريم امام الحاسوب الخاص بها لترى رسالة من عمر يخبرها فيها معلومات خاصة لم يصرح بها بخصوص الصفقة معلومات هامة مختتماً برسالة قائلا علشان تقدرى تشتغلى في القناة، بداية لتحقيق حلمك،.
ابتسمت ريم بفرحة عارمة وهي تضع يديها تتأمل صورة بروفايل عمر الموضوعة امامها، فقالت ورد تفزعها =هوب هوب. عيوننا بتطلع قلوب لمين ها لمين. =باردة والله يا ورد ومتطفلة كمان.. =الاه هو انا عملت حاجة ياست انتِ. عمر صح؟! =عرفتي منين؟ =انتِ عبيطة يابت ما هي صورته اهي، ايه وقعنا ولا ايه؟ =مش عارفة بس حاسة بشعور غريب وبتعلق بيه تدريجياً.. =فوقي ياريم وبلاش عمر ده خالص.. =ليه يا ورد علشان مش من مستوى بعض يعنى.
=لا بالعكس بس عمر عنده حبيبة قديمة وميتة، هتلاقيه عايش على ذكرياتها. غير متنسيش جوز خالتك حاجزك لواحد والتحكم اللى هيحصل.. =عمر كان عنده حبيبة بجد؟ =اه بس محدش يعرف اللى حصلها. اغلقت ريم الحاسوب قائلة بتنهيدة =احياناً الانسان يرغب في الحلم شوية.. =بس ميخليش الاحلام تنسيه انه على ارض الواقع.. =طيب قوليلي انتِ ايه اخبار سي احمد ده؟ =لا انتِ عارفة احمد ده مالوش حكاية. تصدقى مجاش الشركة النهاردة.
=واو يعني لاحظتي غيابه! =لا بس اليوم كان لطيف وحلو مش اكثر. ف لاحدت غيابه =يعنى مفيش حاجة كدة ولا كدة. =اخر واحد ممكن ابصله اصلا. نامت ريم على قدمي ورد قائلة بعبوس =امتى هنلاقي شباب حليوة نتجوزهم ونعيش في تبات ونبات بقا ونخلص من هم الشغل والدراسة دة..
كان عمر يجلس في بهو الصالة يعمل بهدوء، دق جرس المنزل بصخب، لينهض ويفتح الباب ويتفاجيء برجال مُسلحين امامه، حاول مجابتهم ولكن كانوا كثير ف دلف منهم الى المنزل فوجدوا امامهم والدة عمر التي صرخت بخوف واميرة التي حاولت حمايتها ولكنها أصيبت بطلقة نارية في كتفها لتقع على والدتها فاقدة الوعى.. صرخت والدتها بلهفة وهي تبكي =اميرة بنتي اميرة بنتي..
لم تستطيع ان تتحرك فهى تجلس على مقعد متحرك، بينما دلف اليهم عمر يحاول حمايتهم ولكن أصابته طلقة في كتفه وحاول مجابهة الوضع، ولكن فقد قدرته على التحرك رويدا رويداً، لحسن الحظ حينها صعد الامن وبواب العمارة وخلفهم احمد الذي كان جاء لزيارة عمر..
وتفاجيء من كم الطلقات الهائل والرجال المسلحين، وساعدهم في اخذ الرجال ولكن هرب اثنان من النافذة ثم اتجه نحو صديقه الذي رفض المساعدة وطلب منه الاهتمام ب اميرة التي يبدو أنها فقدت الحياة.. صرخت فجر وهي تبكي وتهز رأسها برفض =محصلش والله محصلش يا بابا محصلش، بيكذب عليكم بيكذب احنا متجوزين. بتعمل كدة ليه يا ليث بتعمل كدة ليه حرام عليك.. اندفع ابن عمها ليضرب ليث الذي بعده بلكمة قوية قائلا.
=الزم حدودك ولم بنت عمك احسن ليك. ومتحاولش تقرب مني هتندم وقتها، محصلش بينا كتب كتاب كله كذبة. مش معقول اخلى دى على ذمتي.. نظر الى فجر التي تنظر له ببكاء وعتاب شديد وصدمة في من وثقت فيه وسلمت له امرها وهو لم يتزوجها في الاصل.. انهارت في البكاء بشدة لكنها تفاجئت بمن مال عليها يضربها بقسوة في بطنها واخرج مسدسه بغضب شديد قائلا =يا فاجرة اه يافاجرة جبتيلنا العار، انا لازم اخلص منك واغسل عارى..
اطلق الرصاصة لتعرف طريقها بالفعل الى اين بينما فجر تبكى بإنهيار ووالدها مازال يقف بصدمة لا يتحرك إطلاقاً اما والدتها فكانت تبكى وتنوح عليها.. التفت ليث بسرعة وقد وقع قلبه خوفاً ان يكون أصابها شيء الانتقام عماه عن المشاعر التي بدأت ان تتحرك، نطق اسمها بأرتجاف بين شفتيه =فجر..
دائمًا ما تضعنا الحياة في اختيارات وعلى اساس الذي سنختاره ستير الحياة... امامه الان ان يلتفت وينقذها أو لا. يعلم لا ذنب لها لكنها طريق يجب العبور منه لأجل تحقيق انتقامه الأبدي، الان لا يوجد حُب يوجد فقط جحيم. يوجد فقط انتقام. في كثير من الاوقات يعمينا الغضب والانتقام عن الحقيقة ف نكتب افظع الجرائم ثُم نعود للندم ولكن فات الأوان. اذا اردت العيش بسلام تحكم في غضبك ولا تُركز في اقوال الاخرين.
تركها وحيدة بمفردها تعانى والتفت ودلف إلى سيارة وغضبه هدأ تنفس بصعوبة وهو ينظر لصورة والدته التي في جيبه ثم هبطت دمعة رغماً عنه عاني بعد وفاتها الام هي الحياة وما فيها بدونها لا يوجد طعم للحياة.. تنفس بغضب مقسماً على إذلال الحقير الذي كان السبب في موت والدته وفراقه عنها والليالي التي قاضها في وحيرة وعذاب.
كان ابن عمها يرفع المسدس ليقتلها ولكن تلملم الجميع يمنعوه من ذالك وخصوصاً اخيها الذي منعه من قتلها بينما صرخ الجميع فجأةً على وقوع سلطان ارضاً بتشنُج، صرخت فجر وهي تبكي بقهر على والدها فمهما كان تخشي حدوث مكروه له..
جذبها ابن عمها بقسوة يلقيها في الداخل وهي تستنجد به ان يتركها القي بها في غرفة الاشياء القديمة وهي ترجوه ان يستمع لها ولكن لا حياة اقفل عليها وخرج بسرعة مع الرجالة يحملون سلطان الى السيارة وذهبوا الى المستشفي وما على والدة الفجر سوي الصريخ والبكاء بشدة والنحيب.. دلفت الى الداخل وهي تبكي تلعن ابنتها بأفظع الشتائم.
=ياريتك كُنتِ موتي. وكُنا خلصنا منك ومن همك وقرفك، جبتيلنا العار منك لله منك لله ابوكي لو حصله حاجة هتبقي السبب منك لله ياريتك تموتي ونخلص من عارك. انكمشت فجر على نفسها، الآلام قلبها اصعب من الالام جسدها، نطقت وهي ترتعش =عملت فيا ليه كدة، انا بس امنت ليك وصدقتك. الورق كان كذبة وكل حاجة كان كذبة. غلطي اني صدقتك ووثقت فيك انا غلطانه صح انا لازم اموت زى ما ماما بتقول انا جبتلهم العار انا فاجرة..
تابعت وهي تضم نفسها أكثر =محدش بيحبني. محدش عايزني ليه، هو انا وحشة صح اذيت الكل صح.؟ ظلت تصرخ وهي تبكي بقسوة في نفسها وترهق نفسها بشدة.. دلف احمد بسرعة إلى المستشفي مع الاطباء يحملون اميرة وعمر الذي فقد الوعي من كثرة الدم الذي فقده، في حين جاءت معه والدة عمر التي صممت الا تترك ابنيها، ظلت تبكى وتدعو الله ان يُنجيهم، ف قال احمد وهو يربط على كتفها.
=بالله عليكي يا خالة اهدي. ومتعيطيش والله عمر واميرة هيبقوا بخير.. =ولادى مرة واحدة ليه يارب ليه. استغفر الله بس انا مش قادرة تعبت يارب مش هقدر استحمل حاجة تاني. كفاية يارب يارب، الحق ولادك يا حاج هيروحوا مني، ااااه.. ربط احمد على كتفها بقلق خوفا عليها وعلى صحتها ان يصيبها مكروه، في حين خرج الطبيب المُعاين على حالة اميرة وقال بأسف =مقدرتش تتحمل للاسف فقدت دم كتير، البقاء لله..
صرخت والدتها بزعر وهي ترفض الحديث =بنتي لا بنتي. لا دي لسه عروسة ابوس ايديكوا بنتي. موت تاني لااا، بنتي بنتي محصلهاش حاجة هتبقي كويسة، انتوا بتكذبوا عليا قولهم يا احمد يا بني بنتي مستحيل تسيبني بنتي لاااااا..
عانقها احمد بقوة وهي تبكي في احضانه وتصرخ بأسم ابنتها في حين شعر احمد برغبة في البكاء وفعلا بكي، احمد فاقد والديه من فترة ويعيش بمفرده لذالك هو ليس جيد، ف يمشي ف طرق غير صحيحة فقط لينسي الالامه، داخل كل انسان ماضي مؤلم والآلام لا تنتهي ولكن لا أحد يعلم عنها شيء.. بعد مرور نصف ساعة، كانت الوادة مازالت تبكي ولكن بصمت تستقبل حزنها مع نفسها لم يكن بوسع احمد الا انه اتصل ب ورد يطلب منها ان يتحدث مع ريم.
=هو فيه حاجة طيب؟ =لا يا ورد. بس لطفا خليني اكلمها.. بالفعل تحدث مع ريم قائلا =ريم انتِ كٌنتِ قريبة من اهل عمر امه واخته صح؟! =ايوة ليه.. =عمر اضرب بالنار واميرة معاهم وللاسف، البقاء لله اميرة ماتت، انا محتاجك دلوقتى. =ايه انت بتقول ايه يا احمد..! دلفت سالى الى عارف الذي يجلس بغضب فقالت بملل =خير مشروعك فشل تانى..؟
=فجر مش بترد عليا مش عارف ليه. لو طلعت بتلعب بديلها معايا هقتلها ومش هستغرق ثانية. والمعاتيه راحوا بيت عمر بس اتقفشوا واتنين بس اللى هربوا =فجر دي انا مش مطمنة ليها، بس خلينا نشوف الاحداث هتوصلنا ل فين، بس الرجالة افرض جابوا سيرتك. =ميعرفونيش، مش انا إللى اتفقت معاهم اصلا.. =يبقي متقلقش مش هيحصل حاجة. الدور هيبقي على احمد بقا.
دلفت ريم الى المستشفي وهي تركض بخوف وخلفها ورد التي جاءت معها، قالت ريم بخوف =عمر فين وطنط. عمر كويس انطق يا احمد.. =عمر محتاج نقل دم لان حالته خطيرة فقد دم كتير والعملية شغالة، وامه للاسف مش راضية تهدي من العياط ادخلي هوني عليها.. =هتبرع بالدم الاول. =تعالى نشوف زمرة دمك الاول..
بالفعل دلفت الى الداخل لتتبرع بالدم ل عمر الذي يقفد وعيه وينام في سلام على الفراش، نظرت له واغرورقت عينيها بالدموع خوفاً عليه، ثم بعدها خرجت الى الخارج ورفضت تناول اى شيء، دلفت الى والدة عمر التي تبكى في حزن والم.. ركضت نحوها وعانقتها وبدء الاثنان في البكاء بشدة، ريم تتذكر وفاة والدتها والاخرى تتذكر وفاة ابنتها وحبيبة قلبها.. رمقتهم ورد بقلب منفطر قائلة إلى احمد =ربنا يهون عليها. اميرة فين دلوقتى؟!
=بيغسلوها. الدفنة لازم تحصل في اقرب وقت =ربنا يرحمها يارب بس مين اللى عمل كل ده =ده اللى هنعرفه بعدين يا ورد. ووقتها مش هرحم اللى أذي اختي واخويا بالطريقة دي. =اخواتك؟
=دول مش اصحابي دول اخواتي، اميرة وعمر وايامنا من زمان وكان معانا ليث. كلنا عانينا من الفراق الاحبة وعيشنا مع المنا. بس تعبت من كتر ما انا برمي من وراء ضهرى، تعبت من انى افقد الناس اللى في حياتي. الدور على مين بكرا وليه، خايف افقد ناس تانى. خايف. =رغم معرفتنا بالموت ولكننا لسه بنخاف بسببه لما بييجي. لكن مفيش مفر منه هي ارادة ربنا. ربطت على يديه قائلة بدموع =عمر محتاج قوتك انت مكانه دلوقتى..
خرج الطبيب ليقطع حديثهم قائلا =العملية عدت على خير وعمر دلوقتى بخير وبقي كويس بس هيحتاج فترة راحة كبير لانه نزف كتير جدا.. =شكرا يا دكتور نقدر نشوفه.. =بعد 24 ساعة يكون على الاقل فاق. هز احمد رأسه وابتسم يحمد ربنا وركض الى والدته قائلا =عمر بقا كويس يا ام عمر.. قالت من بين دموعها الكثيرة =الحمدلله يارب احفظ ابني يارب كفاية ضنايا راحت مني، يارب انا عبدتك يارب هون عليا وعلى قلبي..
مر الوقت بين حزنهم وبكاءهم حتى تم دفن اميرة وصلوا عليها، رحمها الله وغفر لها، كانت صدمة ومفجعة لهم وخصوصاً عمر عندما يفيق فقد كانت ابنته وليست اخته رباها واعتني بها منذ الطفولة كانت مسؤولة منه والان هي ماتت رُبما بسببه.. مرَّ أسبوعين.
تغيرت الاحداث كُلياً؛ سافر ليث الى فرنسا مبتعداً عن الجميع دون ان يخبر احد من اصحابه ولم يعلم ما اصاب عمر في الاصل فقد غادر من بعد ترك مدينته وترك فجر، الان عاد بعدما ترك السلبية وجاء مفعم بالحياة والاصل مفعم بالانتقام لن يرحم احد تلك المرة. الان عاد ك الاسد الجائع وسينقض على الجميع دون استثناء حتي.. لم يكفيه ما فعله يود التنفيس عن غضبه بأي طريقة كانت.
بينما علم عمر بوفاة شقيقته مر بحالة صعبة جدا ليالي حزين يبكي، ظل ي في حزن دائم ولم تخفف عنه سوى ريم التي ظلت بجانبه طوال الوقت ولم تفارقه، وهونت على والدته كثير وعوضتها عن أميرة ولو قليلاً فقط حتى عادت صحته افضل الان، بينما كان احمد يعمل بجُهد حتى لا تقع الشركة بعد مغادرة ليث المفاجئة وتعب عمر، وكانت ورد تساعده قليلا ولكن لم تخلو علاقتهم من الخناق في بعض النقاط..
بينما بطلتنا فجر عاشت اسوء ايام في حياتها، كانت تتعرض للضرب والعنف بأستمرار من ابن عمها ووالدتها التي لم تتوقف عن الكلام اللذج، ظلت حبيسة للغرفة من اول ما دلفت اليها لم ترى النور و لا يوجد اكل أو طعام ولكن اخيها كان بين الحين والاخر يجلب لها بعض الاطعمه لانه يحبها جدا، ويهون عليها وكان يثق فيها وحاول ان يأتي بحقها ولكن فوق كُل هذا كلام الجميع عليها بأفظع الألفاظ.
ولكنها خسرت الكثير من الوزن بالفعل.. أصبحت باهته لا يوجد بها روح تساقط شعرها بشدة وكثرة نحافتها وضعفها المستمر وما كانت تفعل شيء سوي البكاء.. بينما تعرض والدها الى شلل نصفي وهو ظل في المستشفي لفترة طويلة واليوم موعد خروجه، قالت والدتها بنبرة غاضبة مزدرية وهي تقف أمام غرفتها المغلقة.
=إياكِ اسمع نفسك لما ابوكي ييجي كفاية اللي حصله بسببك وبسبب قرفك منك لله يا شيخة، متظهريش قدامه لحد ما يصدر قرار قتلك ونخلص الدنيا منك. نظرت لها فجر دون ان تتحدث فقد تعودت على الكلمات المزعجة والاهانه والذل بإستمرار.. دلف ليث الى سيارته التي سوف تتجه الى البلد، رن هاتفه برقم شقيق فجر الذي اجاب بنبرة ضيق =أبويا بيتوسل ليك تقابله. لمرة واحدة بس. نطق ليث بغرور =قوله جاى..
اقفل الهاتف وهو يعلم طلباتهم بالتأكيد فظهر شبح ابتسامة سخيف على محياه وهو يُخطط بجدارة ليذل سلطان بكٌل قوته. تُرى كيف سيحدث ذالك؟
تحميل محتوى الموضوع
عرض نسخة صالحة للطباعة
أرسل هذا الموضوع إلى صديق
[7]
الدعوات : 2قوة السمعة : 10
رواية جحيم الليث