رواية حب بعد إنتقام للكاتبة رحمة سيد الفصل الحادي عشر
يمسح اياد عرقه ويفك الجرافته وهو مخنوق وتمشي هايدى لبرة وهي واثقة ان اياد هيجي يشوفها واياد يتابعها بنظراته وترجع ملك الكوشة وتسأل اياد.. ملك: مالك يا اياد؟! اياد بأرتباك: مفيش مفيش انا آآ رايح الحمام إلى في القاعة هنا وجاى تاني ملك: اوك بس ماتتأخرش اياد: ماشي ويخرج اياد من القاعة وتتابعه ملك بنظراتها وتتلهي مع المعازيم ويروح اياد لهايدى و... هايدى: كنت متأكدة انك جاى.
اياد يحاول يبين انه مش مرتبك: انجزى، عايزة إيه؟! هايدى: عايزاك اياد بأستخفاف: نعم! قصدك عايزة فلوسي ودا لما تشوفي حلمة ودنك هايدى بأستفزاز: متأكد يا اياد اياد: طبعا متأكد ويلا غورى مش ناقص مشاكل هايدى: هتندم صدقني اياد: اعلي ما في خيلك اركبيه ويرجع اياد القاعة تاني ويحاول يبان مبسوط وينسي مقابلة هايدى.
مريم في شقتها واسامة جنبها و... اسامة: انا عندى شغل واحتمال اتأخر النهاردة مريم: يعني هتعشي لوحدى كالعادة، انا زهقت بقا حس بيا شوية اسامة بغضب وهو يمسك دراعها: اعملك إيه يعني مش بشتغل عشان تلاقي العز إلى كنتى عمرك ما تحلمي بيه دا مريم: يووه مش عايزاه يا اخي، انا عايزة زوج ويقعد معايا، مش مجرد اسمي متجوزة و مابشوفكش غير ع النوم او تاخد حقوقك او الصبح، انا مش سلعة اشتريتها.
اسامة يقوم ويضربها بالقلم و.. اسامة: لما تعرفي تتكلمي مع جوزك نبقي نتكلم ويسيب الاوضة ويخرج وتنفجر مريم في العياط ندم على انها سابت ايمن واتجوزت واحد عشان فلوسه بس وتقوم تفتح الدرج وتطلع شريط برشام مكتوب عليه #منع الحمل وتاخد قرص وتحطه في الدرج تاني وتنام بهمدان.
في قاعة فرح اياد وملك يخلص الفرح وتيجي العربية ويركب اياد وملك ويطلع بيهم السواق على ڤيلتهم وملك مرتبكة إلى حدا ما.
هند واقفة بعد الفرح في الشارع مستنية تاكسي وفجأة تلاقي واحد على موتوسيكل شد الشنطة وجرى وتصوت ويجي واحد يجرى وراه ويضربه وياخد منه الشنطة ويرجع لهند بالشنطة ويديهالها و.. هند: انا متشكرة جداا بجد مش عارفة اقولك إيه الشاب: مافيش داعي للشكر دا واجب، انا شادى هند: وانا هند، تشرفنا ومتشكرة مرة تانية يا استاذ شادى شادى: طيب تحبي اوصلك هند: لا شكرا انا هاخد تاكسي شادى: مش هتلاقي دلوقتي، يلا بقا اركبي.
وتركب هند معاه ويوصلها لحد بيتها.
ويوصلوا اياد وملك بيتهم ويدخل اياد ولسة ملك هتدخل يوقفها اياد ويلف ايده ورا ظهرها وايده التانية تحت ركبتها ويشيلها ويطلع بيها لاوضتهم ويفتح الباب ويقرب من السرير وبحركة مفاجأة يرمي ملك على السرير بقوة وملك مصدومة و.. اياد: إيه مصدومة!؟، بصي بقا يا ملوكة انا عمرى لا حبيتك ولا زفت انا من ساعة ماعرفتك وانا بكرهك وكل دا كان تمثيل وانتقام وزاد كرهي ليكي بعد ما عرفت انك خاينة.
صدمة سكووت من ملك وفجأة تنهار على الارض وتبكي و..
ملك بأنهيار: خااااينة! انا خاينة طب لية، لية اتجوزتنى طالما انا خاينة انا اذيتك في إيه، انت استحالة تكون بني ادم عاقل انت اكيد مريض نفسي دمرت حياتي وانا، انا غبيييية اغبي واحدة لما حذرونى وانا ههههههه وبهيسترية: قولت لا اياد مستحيل يكون كدة اياد بيحبني وانا، مشمأزة انطقها بعد ماعرفت حقيقتك بجد انا بكررررهك غوور من وشي حسبي الله ونعمة الوكيل فيك وخليك عارف انك مستحيل تلمس شعره واحدة مني.
اياد بأستهزاء وتحذير: انا لو عايز هعمل إلى انا عايزه بس انا مابقربش من حاجات زبالة، سيبهالك مخدرة يا آآ يا مدام ملك اياد السويفي ويخرج من الاوضة وملك منهاارة وبتبكي بحرقة والكحل سايح على عنيها ولسة بفستان الفرح في حين يرجع اياد لحياته القديمة وعنده شعورين شعور النصر وتحقيق انتقامه وشعور الذنب ودا إلى كان بيحاول يكبته بكل الطرق ويروح اياد ل الملاهي كعادته مع اصدقائه و..
اياد قاعد مع اصدقاء السوء وحواليه بنات واحدى البنات: مالك يا اياد شكلك مش مظبوط، ماتيجي هنسهر سهرة حلوة واظبطلك مزاجك اياد بأبتسامة: ماشي، يلا ويقوم اياد مع البنت دى ل شقة مفروشة ويقضوا السهرة واياد بيخون ملك بأعتبارها بقت خلاص زوجته.
ملك لسة زى ماهي منهارة على الارض ومابطلتش عياط وتسمع اذان الفجر ولاول مرة تقوم ملك وتغير فستانها وتلبس بچامه كت وهوت شورت ودا إلى لاقته بأعتبار انها عروسة جديدة ولسة مانقلتش كل هدومها وتمسح المكياج وتدخل تتوضي وهي بتحاول تفتكر طريقة الوضوء وتطلع وتلبس عباية استقبال و تصلي وتبكي وهي بتصلي وتنهاار عند السجود وتدعي ان ربنا يوفقها ويعدلها حياتها ويسعدها ويسامحها على ذنوبها.
ويرجع اياد الڤيلا ويطلع يفتح باب الاوضة يلاقي ملك على الحالة دى ولاول مرة بتصلي ويستغرب و.. اياد: دلوقتي افتكرت ربنا وهي اصلا خااينة وشيطاانة والله اعلم بتعمل إيه تاني ويروح الاوضة التانية ويقفل الباب وتحس ملك بيه وتقوم بسرعة تقلع العباية وتعمل نفسها نايمة وتفضل صاحية تفتكر وتعيط وتنام من التعب وهي بتعيط ويشقشق الصبح ويقوم اياد يروح على اوضة ملك عشان يصحيها قبل ما حد يجي.
يدخل اياد الاوضة ويبص على ملك وهي نايمة و.. اياد بأعجاب: شكلها حلوو اووى وهي نايمة ويفوق لنفسه وهو بيفتكر شكلها وهي مأنجچة عمرو ويصحيها وتقوم ملك مفزوعة من طريقته و.. اياد بجفاء: يلا قومى قبل ما حد يجي وجهزى نفسك وابتسمي قدامها ولازم نبان اسعد زوجين والا والله هتشوفي مني إلى عمرك ما شوفتيه.
في مكان تاني بالقاهرة في شقة ايجار قاعد رجل وهو بيدخن بشراهه ويتصل بشخص و... الرجل: الو ازيك يا مرزوق، كنت عايز منك خدمة مرزوق: اتفضل يا باشا الرجل: عايزك تراقبلي واحدة كويس جداا وياريت لو بالصور كمان وهبعتلك صورتها في رسالة مرزوق: اوامرك يا باشا بس كله بحسابه الرجل: اكييد ماشي ويقفل الرجل مع مرزوق وهو ناوى نيه شر.
رواية حب بعد إنتقام للكاتبة رحمة سيد الفصل الثاني عشر
يرن الجرس وتروح ملك علشان تفتح يسبقها اياد و.. اياد: استني انا هفتح ويفتح اياد لوالده وعمه وزوجته ووالداته ويباركولهم كأى عرسان وملك بتحاول ترسم السعادة على وشها وتخلص الزيارة والاهل مبسوطين ويمشوا وتدخل ملك تغير هدومها وترتدى بيچامة نصف كم وبنطلون برمودة وتغط في نوم عميق.
في صباح اليوم التالي تتصل نهلة والدة ملك وتقولها ان عمرو هايجي لزيارتها وملك تفرح جدا وتخرج من اوضتها تلاقي اياد يستمع التلفزيون و... اياد ببرود: صباح الخير يا عروسة تنظر له ملك بأشمئزاز وماتردش عليه وتلف وتمشي بأتجاه المطبخ فيلحقها اياد ويمسكها من دراعها بقوة و.. اياد: لما اكون بكلمك تردى عليا فاهمة ملك بوجع: آآه سيب ايدى بتوجعنى يا اياد.
يقرب منها اياد اكتر ويقبلها بعنف وملك تحاول تبعده بس ماتقدرش ويسيبها اياد بعد ثواني وهو بيقول.. انا لما بعوز حاجة بعملها ويلف ويمشي ويرزع الباب وراه.
عمرو يصل إلى ڤيلا اياد السويفي وتفتح له الخادمة و.. الخادمة: اهلا بحضرتك اتفضل في الصالون وثوانى هنادى الهانم عمرو: تمام بس ياريت بسرعة عشان مستعجل وقوليلها عمرو الحديدى وتمشي الخادمة وتنادى ملك وتيجي ملك اول ما تسمع بوجود عمرو وتجرى عليه وتحضنه وفي عيونها دموع و.. عمرو: مالك يا ملك ملك بأبتسامة صفراء: مافيش، انت عامل إيه وحشتنى عمرو: وانتى اكتر والله، عاملة إيه مع اياد؟
ملك وهي بتحاول تدارى حزنها: تمام عمرو: انا جيت اسلم عليكى قبل ما ارجع الكويت تانى ملك: ياااه بالسرعة دى عمرو: محتاجنى في شغل هناك ويحتضنوا بعض وفي نفس اللحظة يجي اياد ويشوفهم في الوضع دا و.. اياد بصدمة: يا حقييرة، وصلت بيكى انك تدخليه بيتي ويدخل من الباب الخلفي عشان كدة مايشوفش عمرو واول ما يدخل تروح ملك على اوضتها بسرعة بس يلحقها اياد و..
اياد بقسوة: استني عندك، انا جيت يبقي تحضريلي الغداء والاقي اوضتي مترتبة وهدومى إلى هنزل بيها بليل جاهزة وكل دا هتعمليه انتى ومن بكرا هدى اجازة للشغالين، فااهمة ملك وهي على وشك البكاء: حرااام عليك انا عملتلك إيه لكل دا اياد بغضب: انتى خاااينة وحقييرة ملك ببكاء: والله ما خنتك ولا عمرى فكرت اخونك اياد يقرب ويضربها بالقلم و..
اياد بصوت عالي: كفاااية كذب بقا كفاية انا شوفتك بعنيا، غوورررى حضرى الاكل وفي اقل من ربع ساعة الاقيه ادامى بسرعةة ملك بخوف وبكاء: حاضر وتروح ع المطبخ وتحاول تحضر الاكل وهي مش عارفة أي حاجة وتطلع الاكل ادام اياد ومن خوفها وارتباكها يقع الطبق يتكسر وايدها تنجرح و.. اياد بزعيق: حطي الاكل زى الناس حتى دا مش عارفة تعمليه ملك ودموعها تنزل بصمت: حاضر انا اسفة.
وتلم الطبق وايدها بتترعش والدم ينقط على الارض وتمشي واياد قاعد بيتفرج على التلفزيون وفجأة يلمح الدم و.. اياد: إيه دا، اكيد دا دمها.
وينادى على ملك عشان تنضف وهي منهاارة ويسيب البيت ويروح عشان يفضي سهرته برة البيت كالعادة مع اي فتاة ليل وينهي سهرته ويرجع للبيت وهو سكران إلى حدا ما ويفتح الباب والساعة تدق 3 ونص وقت الفجر وملك تكون صاحية قلقانة على اياد بسبب تأخيره وعشان تصلي الفجر قبل ما تنام ويطلع اياد بأتجاه اوضته بس يلمح نور اوضة ملك مفتوح ويغير اتجاهه ويروح لعند اوضة ملك ويفتح الباب بسيط وتكون ملك قاعدة على السرير ولابسة قميص نوم ابيض كت وقصير إلى قبل الركبة وسايبة شعرها وينبهر اياد بشكلها فهي المرة الاولى إلى بيشوف ملك فيها ب الهدوم دى ويدخل وتحس ملك بيه وتقوم بسرعة عشان تاخد الروب بس يسبقها اياد وياخد الروب في ايده ويقول..
اياد: على فكرة انتى مراتى واساسا هو دا اللبس إلى مفروض تقعدى بيه ولا دا مسموح للبيه التاني بس ملك بأرتباك وهي تحاول اخذ الروب من يده: مستحيل وبعدين انت ريحتك مقرفة اوى انت سكران صح اياد بصوت اعلي: ملكيش فييه انا حر في حياتي ويقترب منها وهي ترجع لورة لحد ما تلزق في الحيط و.. ملك بأرتباك وخوف: ابعد عنى اياد وهو يقترب اكثر: لا.
ومايتبقاش بينهم الا سنتيمتر واحد وتختلط انفاسهم ويحس اياد بأرتباك ملك ويحاول انه يبوسها وتكاد ملك تستلم له بس فجأة تزقه بعيد عنها و... ملك: والله لو ما بعدت عني هصوت والم للناس اياد: على فكرة انتى مراتى ودا حقي بس انا سايبك بمزاجي ويلف ويمشي ويقفل الباب وراه وينام وتصلي ملك الفجر وتنام كمان وفي صباح اليوم التاني يصحي اياد ويفتكر إلى حصل امبارح ويلوم نفسه على إلى عمله مع ملك.
تمر الايام على ملك بصعوبة وهي بتعاني من معاملة اياد لها وماتقولش لاى حد من تهديدات اياد لها وخوفا على تدمير سعادة اهلها وترجع الجامعه تانى.
ايمن يحاول بكل الطرق انه ينسي مريم ويتأقلم مع حياته من غيرها ويتعرف على بنت جارتهم اسمها سارة بنت في العشرينات من عمرها، متدينة، في كلية الاداب يعجب ايمن بطريقة لبسها واحترامها وتدينها وخوفها من ربها وفي يوم وهو ماشي يلمح سارة وهي ماشية ووراها شاب بيعاكسها وهي متضايقة جداا ومتوترة ويسبقها ايمن و... ايمن: خير يا حضرت انا اخوها؟ الشاب بأرتباك وخوف: آآ لا لا مافيش دا سوء فهم ويمشي بسرعة و..
سارة: متشكرة جدا يا ايمن ايمن: ولا يهمك يلا اوصلك انا كمان مروح وتمر الايام على نفس الحالة على الجميع ومافيش حاجة جديد الا ان ايمن بدأ يعجب ب سارة وهي معجبة بيه إلى حدا ما.
وفي يوم في ڤيلا اياد السويفي بحضور العايلتين نهلة: صحيح يا ملك، عمرو نازل اجازة وحابب يشوفك يا اياد وع فكرة عمرو اخو ملك في الرضاعة وبيحبوا بعض جداا.
اياد بأبتسامة مصطنعة: اه طبعا يا طنط اكيد هشوفه وتخلص الزيارة ويجي يوم نزول عمرو القاهرة ويروح على بيت ملك وتعرفهم الخادمة بوجود عمرو وتفرح ملك وتكون نازلة بس يوقفها اياد و.. اياد: استني عندك، انتى هتنزلى بالبچامة دى! ملك: فيها إيه مالها دى!؟ اياد: فيها كتيير ويلا روحى غيرى الزفتة دى وتروح ملك تغير هدومها وتلبس بيجامة بكم وبنطلون واسع وتنزل هي واياد وينصدم اياد لما يشوف عمرو ادامه..
رواية حب بعد إنتقام للكاتبة رحمة سيد الفصل الثالث عشر
اياد بصدمة: انت! عمرو بأستغراب: انا ايية، مش فاهم ملك: اياد دا عمرو وعمرو دا اياد ويمد عمرو ايده عشان يسلم على ايد ويسلم عليه اياد وهو على نفس صدمته وهو بيفتكر معاملته لملك على انها خاينة وضربها واهانته المستمرة ليها وتهديداته واهم من كل دا خياااانته ليها وملك وعمرو بيتكلموا مع بعض ومايقدرش اياد يقعد اكتر من كدة ادامهم وحاسس انه محتاج يقعد مع نفسه شوية و...
اياد: انا اسف يا عمرو بس محتاج اقعد مع نفسي شوية عمرو: اه طبعا اتفضل ويطلع اياد ويسيبهم وشعوره بالذنب تجاه ملك ملازمه وتنزل دمعه منه وهو بيفتكر ملك ويناام.
في مكان اخر بالقاهرة يتصل مرزوق بنفس الرجل و.. مرزوق: ايوة ياباشا انا راقبتها وبالصور كمان وهي مش بتعمل حاجة مهمة غير انها كل يوم بتروح شركة واحد اسمه مدحت السويفي وبتروح الكوافير وتعمل شوبينج وحاجات عادية ومرة وقفت مع واحد وسمعتهم بيتكلموا عن شخص وبتديله فلوس في مقابل انه يجبلها تحركات الشخص دا الرجل: طيب يا مرزوق تعالالي الشغل وهات الصور وخد حسابك مرزوق: حاضر يا باشا.
الرجل: وكمان عايزك تشوفلي مسدس صغير مرزوق: انت تأمر يا باشا بس دا هيكلفك كتير الرجل: مش مهم، مش مهم أي فلوس.
تطلع ملك بعد ما عمرو يمشي وتلاقي باب اوضة اياد مفتوح وتروح تشوف وتلاقي اياد نايم بس تخبط في الكرسي غصب عنها ف يقوم اياد و... اياد بلوم: لية ماقولتليش انك كنتى بتشوفي اخوكى دا وبتخرجوا ملك بأستغراب: عادى يعني ماجتش فرصة وبعدين من امتي وانا بقولك أي حاجة عني اياد: لا من هنا ورايح لازم تقوليلي وبعدين مش أي حد تفضلي تحضنيه وتجبيه بيتي من غير اذنى.
وتربط ملك الاحداث ببعضها وكلام اياد انها خاينة وانه شافها ودلوقتي معرفته انها قابلت عمرو وتوتره لما عرف ان عمرو اخوها و.. ملك بغضب: عشاان كدة كنت مفكرنى خااينة وكنت بتعاقبني على حاجة انا ماعملتهاش لمجرد وساويس في دماغك انت يسيبها اياد ويمشي من غير ما يرد.
ايمن قرر انه لازم ياخد خطوة في موضوع سارة ويتقدم لها ويعيش حياته كأى شاب في سنه و...
ايمن لوالدته: ماما انا عايز اخطب الام: يااه واخيرا يا ايمن، مين بقا؟! ايمن: سارة بنت طنط مني جارتنا الام: زين ما اخترت يابني ومن بكرا هروح اكلم والداتها دا ابوك الله يرحمه لو كان عايش كان فرحلك اووى ايمن: الله يرحمه بس انا بقولك لسة هتقدم يا ماما مش هتجوز ع فكرة الام: بردو يابني ايمن: ماشي ياستى انا هقوم اروح شغلي بقا.
وفي اليووم التالي تروح الام تزور مني وتقولها وتطلب منها منى مهلة تفكر وتسأل والد سارة وتاخد رأى سارة كمان وبالفعل تسأل الوالد ويوافق موافقة مبدأية وتروح تسأل سارة و... الام: إيه رائيك يا سارة في ايمن جارنا؟! سارة: ماله يعني يا ماما، شاب محترم واخلاق وكويس معايا الام: اصله طلب ايدك سارة بأرتباك بسيط: آآ طيب هصلي استخارة واقولك ردى يا ماما.
تمر الايام واياد يغير معاملته إلى حدا ما مع ملك وهو بيحاول يقنع نفسه انها بردو هتفضل زى هايدى.
ملك ترجع الجامعة تانى وهي بتتجنب اياد تماما وفي يووم الصبح تصحي ملك وتلبس وتخرج من اوضتها وبالصدفة تلاقي اياد كمان خارج من اوضته وتمشي على طول لتجنب أي مشاكل معاه ولكن... اياد: ملك استني ملك: نعم اياد بتردد: آآ انا هوصلك الجامعة انا كدة كدة رايح الشركة ملك: مافيش داعي تتعب نفسك اياد: ولا تعب ولا حاجة، يلا.
ويروحوا للجامعة سوا وتنزل ملك ويستنى اياد اما تدخل خلاص حتى يمشي بس يلاقي شاب وقفها وهي بتتكلم معاه ومبتسمة وبتجاريه في الكلام والدم يغلي في عروقه ويحس بأحساس غريب وينزل من العربية ويشد ملك يبعدها عنه و... اياد بصوت عالي نسبياً: مين حضرتك وعايز إيه؟! الشاب: انت إلى مين واية إلى دخلك! اياد: انا جوزهاا.
اترددت كتير كلمة #جوزها في ودن ملك وهي مبسوطة بغيرة اياد عليها وفي نفس الوقت مش قادرة تنسي إلى عملوا معاها ويجوا الناس على صوتهم ويفضوا المشكلة وملك تشرح لأياد انه مجرد زميل وكان بيسألها عن حاجة.
اياد في اوضته بليل وبيفكر في ملك و...
اياد لنفسه: بس انا لية اتضايقت كدة لما شوفتها واقفة مع واحد ماتوقف وانا مالي نفسه: لا انت ليك لانها مراتك وحقك تغيير عليها اياد: لا انا مش بحبها، بس انا بكون مبسوط وانا معاها وبكوم عاوزها معايا دايما و آآ نفسه: شوفت اهوو انت اعترفت انك بتحبها اياد: لا لا انا مابحبش حد وماينفعش احب تاني وناام يلا ناااام.
سارة وافقت على ايمن بعد ما صلت صلاة الاستخارة واتطمنت وايمن فرح واتحدد ميعاد خطوبتهم وابتدت سارة تقرب ايمن من ربنا وكل يوم وعند كل فرض تكلمه وتخليه ينزل يصلي في المسجد وايمن حس بالفرق الشاسع بين مريم وسارة وحمد ربنا.
اياد وملك معاملتهم تتحسن ويتفقوا على انهم يكونوا اخوات واصحاب على الاقل لحد ما يتطلقوا وملك حزينة بس فرحت لانه على الاقل هيعاملها حلو.
في يووم يرن موبايل اياد ويكون رقم غريب وتكون ملك جمب الموبايل وتنادى اياد ويجي اياد واول ما يشوف الرقم يرتبك وياخد التليفون و... اياد بأرتباك: ملك انا هرد على التليفون وجاى تانى ملك: ماشي ويروح اياد يرد في البلكونة وتكون هايدى ويرد ويحط التليفون ع ودنه و..
اياد: مش قولتلك ماتتصليش بيا تاني، انتى مابتفهميش ولا إيه هايدى: اسمعني كويس يا اياد، انا بعتلك فيديو ليا وليك من سهرات زماان ولو ماحولتليش 5 الاف جنية ف حسابي بكرا الصبح الفيديو دا هيكون واصل لمراتك واياد مصدوم ومش عارف يعمل إيه وازاى يوقف هايدى عند حدها بس اخد قرار.
تحميل محتوى الموضوع
عرض نسخة صالحة للطباعة
أرسل هذا الموضوع إلى صديق
[10]
الدعوات : 2قوة السمعة : 10
رواية حب بعد إنتقام