هايدى بخبث: والله ليك واحشة يا اياد وجيت في وقتك اووى وتمسك الموبايل و تطلب دليل الهاتف و... هايدى: لو سمحت ممكن رقم ڤيلا مدحت السويفي الموظف: اتفضلي يا فندم... وتقفل هايدى و تتصل ببيت مدحت السويفي وترد عليها الخادمة وتطلب منها انها تديها رقم اياد وبكذب انها زميلته في الكلية و تبتسم بشر.
في مكان تاني في القاهرة قاعدين اياد وملك في احدى الحدائق و... اياد: ملك انا بقول لو نقدم ميعاد كتب الكتاب والجواز بقا ملك: آآآ طب لية ما لسة بدرى يا اياد اياد: ملك احنا قربنا نكمل سنة خطوبة وبعدين هو انتى مش بتحبينى زى ما بحبك وعايزانا نكون مع بعض ملك بتردد: ايوة آآ ب آآ بحبك اياد بصدمة: إيه قولتي إيه ملك بخجل: قولت ب بحبك.
اياد بفرح وابتسامة خبث: واخييرا بقاا ويقضوا وقت ممتع مع بعض ويرجعوا للبيت عشان يقابلوا والد ملك.
في احدى الاحياء الشعبية وتحديدا في بيت الحاج ( عبد الرحمن ) والد مريم يجي أيمن ويلاقي زينة في الشارع ويستغرب لانها جنب منزل مريم تحديدا ويطلع السلالم وهو سعيد إلى حدا ما لانه هيشوف حبيبته إلى طالما عشقها بس ينصدم ويقف مكانه وهو... سيدة ما لمريم: مبروووك يا عروسة، الف مبروك ينصدم ايمن من كلمة #عروسة! ويدخل وتشوفه مريم لتنصدم هي كمان و... ايمن بصدمة: مبروك بس مش كنتى تعزمينى يا عروسة.
مريم بأرتباك وصدمة: ايمن، انت مش فاهم حاجة ايمن بغضب وصوت عالي: مش فاااهم إيه. مش فاهم انك، ويقاطعه والد مريم و... والد مريم: بطل شوشرة ويلا من بيتي ايمن: هأ ومين قالك هقعد لحظة، بس سؤال؟ مين سعيد الحظ؟ لترد عليه سيدة اتت من الداخل: دا واحد ياخويا لسة جاى من الكويت ومريش نفسه بقا ويبص ايمن لمريم نظرة غضب وحقد ويلف ويمشي.
في ڤيلا محمد السويفي قاعدة ملك واياد ومحمد ومدحت و... مدحت: انا شايف يا محمد ان مافيش داعي نأجل اكتر من كدة محمد بتفكير: امممم مش عارف اياد: خير البر عاجله يا عمي محمد: وانتى إيه رائيك يا ملك؟! ملك: إلى حضرتك تشوفه يا بابي محمد: تمام موافق، الفرح وكتب الكتاب بعد شهر اياد بفرح: ينصر دينك يا عمي وتبتسم ملك على كلمته.
يبدأ اياد وملك بتجهيز بيتهم المستقبلي والاجهزة والاساس وكل حاجة ومابينسوش الخروجات والفسحة ويقضوا اوقات جمييلة سوا.
في يوم في الكلية قاعدة هند وملك بيتكلموا و... هند: عاملة إيه مع اياد مبسوطة معاه؟ ملك: ايوة طبعا دا طلع فعلا بيحبني هند: ربنا يسعدك يا قلبي ويكمل فرحتك على خير يارب ملك: يارب ليقطع كلامهم شخص ما و.. الشخص: انسة ملك ممكن كلمة على انفراد ملك: مين حضرتك اصلا، وبعدين قول إلى انت عايزه هنا الشخص: انا عايز اقولك ان كل دا كذب وان اياد مابيحبكيش، اياد عايز ينتقم بس.
ملك بصدمة: انت مجنون، لا طبعا اياد بيحبني وجداا كمان الشخص: انا حذرتك وبكرا هتفتكرى كلامي دا تبص له ملك بتفكير وتسكت و... هند: انتى مصدقاه يا ملك؟! ملك: مش عاارفة بس عمرى ما كنت اتخيل ان اياد كدة بس بس لازم اعرف كل حاجة.
في نفس الايام يتم عقد قرأن مريم واسامة واسامة سعيد ومريم كل إلى يهمها هي فلوسه ومش لو كان بيحبها ولا لا.
ملك مع اياد و... ملك: اياد كنت عايزه احكيلك حاجة واسألك في نفس الوقت اياد بأستغراب: اممم ماشي قولي يا ستي واسألي، ها؟ ملك بتردد: بص يا اياد كنت قاعدة انا وهند امبارح في الكلية وجه شخص وقالي، وتحكيله ملك إلى قاله لها الشخص دا اياد بصدمة وارتباك: طب آآ ماقالكيش هو مين اصلا! ملك: لا ماقالش اياد: بصي يا ملك انا كنت ناوى احكيلك كل حاجة ملك بصدمة: يعني كلامه صح!
ملك بصدمة: اييية، يعني كلامه كان صح اياد بتفكير: لا طبعا، بصي يا ملك انا في البداية كنت متغاظ منك جداا بسبب معاملتك وانك آآ ضربتيني بالقلم وكل دا وكنت عايز انتقم بس فجأة لاقتني بكلمك عشان عاوز اكلمك مش عشان انتقم، وبعدين هو انا لو بنتقم هيوصل الانتقام للجواز! اكيد لا ملك بتفكير في كلامه وتحرك قُصتها ورا شعرها: طيب يا اياد انا هثق ف كلامك عشان بحبك.
اياد وهو يمسك يدها ويبتسم بخبث: ماشي يا قلبي ومش هتندمى.
في صباح اليوم التاني في بيت الحاج عبد الرحمن مريم وحواليها بنات كتير في اوضتها و... هبه: مبرووك يا مريومة مريم: الله يبارك فيكي هبه: انتى هتروحي الكوافير امتي؟! مريم: دلوقتي اهوو، يلا يا بنات قوموا البسووا وانا هلبس راندا: ايووة بقا ما الليلة ليلتك يا جميل مريم بلامبالاة: عادى ياستي يلا بس.
بليل في ڤيلا مدحت السويفي تحديدا في غرفة اياد اياد نايم على السرير يرن موبايله ويقوم بكسل يرد اياد: الووو ايمن: إيه يابني انت فين؟ اياد بنوم: نايم ايمن: طب يلا قوم هتيجي معايا فرح مريم اياد بصدمة: اييييية، انت مجنون عايز تروح فرح حبيبتك برجلك! ايمن بحزن: عايز اشوف شكلها هيبقي ازاى، مبسوطة ولا لا، عريسها عامل ازاى.
اياد وهو بيعدل قعدته: لا لا مستحيل اخليك تروح ايمن: اياد لو ماجتش معايا هروح لوحدى اياد وهو يدعك شعره: طب حاضر هقوم البس وجاى معاك ايمن: سلام اياد لنفسه بخوف: ربنا يستر وماتعملش حاجة متهورة يا ايمن.
في ڤيلا محمد السويفي في غرفة ملك يرن هاتفها و... ملك بفرحة: عموورة وحشتني اووى يا حبيبي عمرو: وانتي وحشتيني اووى يا ملوكتي، عاملة إيه في كليتك؟! ملك بمرح: عاملة صنية مكرونة تيجي تاكل؟ عمرو: طول عمرك دمك سم، آ اقصد عسسل ملك: طب حاضر يا عمرو ماشي لما اشوفك، صحيح انت نزلت مصر امتى؟! عمرو: اول مانزلت كلمتك، ها هشوفك ولا إيه ملك: مش عارفة انا ماصدقت انه خرج مع صاحبه.
عمرو: طب يلا انا رايح فرح واحد صحبي، عايز اشوفك ملك: طيب حاضر هقوم البس وجاية بس فين؟! عمرو بفرحة: هبعتلك عنوان القاعة في رسالة.
في بيت هند هند قاعدة على اللاب كعادتها كل يوم بليل وبتتصفح الفيس، جتلها رسالة من نفس المجهول ويحكيلها كل حاجة عنه وهند بتسمعه بأنصات واتفقوا انهم يتكلموا كل يوم ف نفس الوقت، مع ان هند ضميرها بيأنبها لكلامها معاه.
في قآاعة 5 نجوم مزينة بشكل جميل قاعدة مريم واسامة على الكوشة والدى جى شغال واسامة مبسوط والناس بتباركلهم وفجأة تتصدم مريم لما تشوف ايمن يدخل هو واياد من باب القاعة ويجي ايمن بأتجاهها و.. مريم في سرها: يارب ماتتهورش وتفضحني يا ايمن ياارب يسلم ايمن على اسامة ويمد ايده عشان يسلم على مريم بوجع وهي ايدها بتترعش وتسلم عليه بصعوبة وتحاول تخفي ارتباكها و.. اسامة بأبتسامة: اهلا بيك، مين حضرتك.
وتتكلم مريم بسرعة قبل ما ايمن يرد رد غريب وتقول بأرتباك: دا دا آآ صديق قديم يا اسامة اسمه ايمن اسامة: اهلا وسهلا ويرجع ايمن للترابيزة إلى قاعد عليها اياد و.. ايمن بدموع في عنيه: اياد انا رايح الحمام وجاى تاني اياد بقلق: طيب بس ماتتأخرش ويروح ايمن الحمام وهو حزين على حب عمره وخطيبته إلى بقت مرات واحد تانى خلاص.
ادام القاعة تقابل ملك عمرو بكل شوق وتجرى عليه تحضنه اول ماتشوفه و...
عمرو: وحشتيني يابنت اللذينة ملك: وانت اكتر والله عمرو: طب يلا بسرعة ندخل عشان انا كدة اتأخرت اوى ويدخلوا عمرو وملك وهما مأنجچين ايد بعض وملك لابسة فستان قصير لحد الركبة بينك ولامة شعرها فيونكة وعمرو لابس بدلة سوداء شيك و...
اياد قاعد بملل على الترابيزة مستني ايمن وفجأة يلمح واحدة يعرفها كويس اوى ايوة هي ملك ولسة هيقوم يجرى عليها يشدها من ايده ويقولها انتى بتعملي إيه ابعدى عنه بس حاجة منعته ولنفسه بصدمة: يااه يا ملك بقا انتي كمان تطلعي خاينة بس ماشي يا ملك وديني لوريكى ايام اسود من قرن الخروب ويرجع بسرعة قبل ما ملك تشوفه ويلاقي ايمن في وشه و... ايمن: إيه يابني كنت بدور عليك.
اياد: لا بس كنت بشوف حاجة، يلا نمشي ايمن: ايوة صح وانا كمان اتخنقت وعايز امشي ويمشوا بسرعة واياد بيحاول يخلي ملك ماتشوفهوش وهو بيبص عليها وعيونه كلها غيرة ويفك الجرافته وهو حاسس بخنقة ويمشوا.
ملك واقفة مع عمرو وبيتكلموا وفجأة تلمح اياد من ضهره ملك بصدمة: إيه دا مش دا اياد!؟
ملك بصدمة: مش دا اياد إلى هناك دا! عمرو: مش عارف مالحقتش اشوفه ملك: اوكى انا هبقي اسأله، لو سلمت ع صاحبك يلا نمشي عشان مليت عمرو: اوك يلا ويوصل عمرو ملك لحد باب الڤيلا و... ملك: مش هتطلع تسلم ع بابي ومامي ومصطفي ولا إيه عمرو: لا وقت تانى زمانهم ناموا ملك: لا يلا يلا انزل ويروح عمرو مع ملك لداخل الڤيلا وتفتح لهم الخادمة و.. الخادمة: اهلا اهلا عمرو بيه نورت عمرو: ميرسي يا دادة بنورك.
الخادمة: ثواني واروح انادى محمد بيه ملك: ايوة بسرعة وحياتك يا دادة وتطلع الخادمة تنادى محمد والد ملك وبعد شوية ينزل محمد وهو مبسوط ويحضن عمرو و... محمد: يااه عاش من شافك يا راجل، كل دا ماتنزلش مصر عمرو: معلش بقا يا عمي مارضوش يدوني اجازة خاالص محمد: ولا يهمك وتيجي نهلة ويحضروا العشا ويتعشوا سوا.
في ڤيلا مدحت السويفي وتحديدا في غرفة اياد اياد قاعد على السرير ويدخن بشراهه وصورة ملك وهي مع عمرو امامه ويكسر كل حاجة في الاوضة ادامه و... اياد بصراخ: كلكووا خاينين كلكوووووا وتيجي الام على صوته و... منال بخوف: إيه يا اياد مالك يا حبيبي، متخانق مع ملك ولا إيه اياد بحذر: لا لا يا ماما اتخانقت مع واحد صاحبي بس وههدى دلوقتي منال: طب يا حبيبي خد بالك من نفسك.
وتمشي منال إلى كانت مستغربة جدا من إلى عمله اياد في غرفته.
مريم مع اسامة في بيتهم ويقضوا اول يوم لهم في سعادة بالنسبة لاسامة اما مريم كانت في حالة لامبالاة وهي بتفتكر ايمن وازاى جه فرحها هي واسامة وهي في نظره خاينة دلوقتي!
هند وملك بيتكلموا في الموبايل و... هند: بجد يعني عمرو نزل من الكويت ملك: اها دا كان واحشنى جداا هند: اها طبعا دا عموورة ملك: اها ياختي دا النهاردة تقريبا شوفت اياد في الفرح بس الغريب انه ممكن يكون شافني وماجاش كلمنى وقبل ماترد هند توقفها ملك و... ملك: استني عشان اهو بيتصل هرد عليه واكلمك تاني هند: اوك باى وترد ملك على اياد إلى كان حاسس بغضب وغيرة ملك: ازيك يا اياد، روحت مع صاحبك؟
اياد بغضب مكبوت: ايوة روحت ملك: انا كنت في فرح النهاردة وشوفتك هناك تقريبا اياد بتوتر وهو بيفك الجرافته: لا لا اكيد شبه بس ملك: اوك تمام.
في شقة حسن فؤاد هايدى: زى ما سمعت يا حسن، عايزة اتطلق حسن بغضب: عايزة تطلقي لية ان شاء الله ناقصك إيه هايدى: ناقصنى كل حاجة حسن: كل دا عشان ازمة الشغل، دى ازمة وهتعدى وهرجع احسن من الاول كمان هايدى: خلاص يا حسن، احنا مش هينفع نكمل مع بعض اكتر من كدة حسن: ماشي يا هايدى مااشي، انتى طالق بالتلاتة.
ويمشي وهو غضبان جداا وهايدى مبسوطة عشان هتنفذ إلى في دماغها وتقعد على الكنبه وهي بتحط رجل على رجل وتطلع رقم اياد وتدوس اتصال يرد اياد و.. اياد: الوو مين هايدى بدلع: دا انا يا اياد، نسيتني ولا إيه اياد بصدمة: انتى!، إيه إلى فكرك بيا تاني يا حقيرة، اياكى تتصلي هنا تانى ويقفل اياد في وش هايدى وهو حاسس بخنقة كبيرة ويطلع البلكونة يشم هوا وهو بيفتكر ماضيه المؤلم مع هايدى.
بلاااش بااااااااك هايدى واياد قاعدين في كافيه و... هايدى: انا اسفة يا اياد، جيلي عريس وجاهز وبابا موافق اياد بصدمة: ايييية، يعني إيه، ارفضي هايدى: ماقدرش ارفض طلب بابا اياد وهو مازال على نفس حالته: بس تقدرى تخونيني بكل بساطة هايدى: يوه يا اياد، انا حاولت نخرج بالمعروف زى ما دخلنا بالمعروف بس الظاهر ماينفعش، لو كلمتنى تانى يا اياد صدقني هتندم.
ويفوق اياد من ذكرياته ودمعه تنزل منه غصب عنه ويدخل ينام وهو بيفتكر ملك ويقول كلكوا زى بعض.
يعدى الشهر إلى كان متفق عليه لزواج اياد وملك واياد بيعامل ملك بطريقة جافة إلى حدا ما وملك مستغربة من طريقته.
يجي اليوم الموعود وينزل الخبر في الجرناال لان اياد ابن اكبر رجال الاعمال في البلد وفي شقة قاعدة بها هايدى وهي بتفكر تلمح الخبر بالجرنال و... هايدى: معقول اياد هيتجوز، لا مستحيل وحتى لو اتجوزت يا اياد املاكك هتفضل ليا وهاجي الفرح واشوف مين ست الحسن والجمال.
ملك في الكوافير وبتجهز وهند معاها طبعا وشوية بنات زمايلها في الكلية ( ملحوظة: ملك بقت في 3 كلية ) وملك سعيدة جدااا ويمر الوقت ويجي الليل وتيجي الزفة للكوافير و... هند: يلا يا ملك العريس جه ملك: طيب طيب ويدخل اياد وينبهر بجمال ملك وهي كانت لابسة الفستان كت وضيق من فوق ومنفوش من تحت وسايبو شعرها وحاطة تاج وبعض مساحيق التجميل إلى زيداها جمالا و...
اياد: إيه القمر دا، شكلي هخطفك ونهرب ملك بأبتسامة: ميرسي ويمشوا ويتم عقد قرأن ملك واياد وملك في سعادة بالغة واياد كمان ويبدأ الفرح ملك واياد قاعدين على الكوشة والناس بتباركلهم ويجي وقت الرقصة السلوو ويطلب صاحب الدى جى انهم ينزلوا والناس تعمل دايرة واثناء رقصة السلوو... اياد: مبروك يا مراتي ملك بخجل: الله يبارك فيك اياد: بجد انا مش مصدق.
ويشيل ملك ويلف بيها والناس كلها بتصفق وتخلص الرقصة ويطلعوا على الكوشة وفجأة اياد يلمح شخصية يعرفها كويس ايوة هي هايدى ويتوتر اياد شوية وتيجي هايدى بأتجهاههم و... هايدى ببرود: مبروك يا اياد، مبروك يا آآ ملك صح؟ ملك بأستغراب: ايوة، مين حضرتك؟ هايدى وهي بتبص لاياد نظرة ذات معني: انا صديقة اياد هو ماحكالكيش عني ولا إيه ملك: لا ماحكاش، شرفتينا واياد متوتر ويمسح عرقه لانه عارف ملك مش هتسكت.
ويجوا البنات يشدوا ملك ترقص معاهم وتنزل ملك وتيجي هايدى جمب الكوشة و... هايدى: تعالي عوزاك برة وبسرعة والا والله يا اياد هقولها على كل حاجة وسهراتك وحكايااتك الزبالة مع البنات وفيديو لينا مع بعض وينصدم اياد ويفك الجرافته وهو مخنوق.
تحميل محتوى الموضوع
عرض نسخة صالحة للطباعة
أرسل هذا الموضوع إلى صديق
[7]
الدعوات : 2قوة السمعة : 10
رواية حب بعد إنتقام