ملك تجرى علي منال وتحاول تفوقها ودموعها تنزل علي خدها في صمت وهي بتفتكر اوقاتها مع اياد.
وفجأة تصحي ملك من الحلم وهي بتقول: اعوذ بالله من الشيطان الرجيم الحمدلله يارب الحمدلله ومنال تسألها عن سبب خضتها لما صحيت وملك تكون هتجاوبها بس تحصل دربكة ونفس المشهد إلى حلمت به ملك وملك تبص لهم بخوف وتسأل الممرضة عن السبب ولكن الممرضة تقول لها... الممرضة بفرح: المريض إلى ف غرفة 601 حالته اتحسنت وفاق والدكتور راح يشوفه.
وملك قلبها هيطير من الفرحة اما تسمع الاخبار وتبتسم بسعادة ومنال كمان وتروح عشان تصلي شكر لله.
ملك للممرضة: طب هو احنا ممكن نشوفه امتي؟ الممرضة بأبتسامة: اول ما يفوق خالص من تأثير البينج ويتنقل لغرفة عادية تقدروا تشوفوه تبتسم لها ملك وتلف الممرضة وتمشي.
ملك قاعدة يجيلها اتصال من هند ملك: ايوة يا هند هند: إيه يا بنتى بكلمك من بدرى ما بترديش لية من امبارح ملك: معلش اصل اياد، وتحكيلها كل إلى حصل و... هند: طيب انا هاجى واطمن عليه وكدة واجى معاكى عشان ماتمشيش لوحدك ملك: انتى مش متخيلة يا هند انا خوفت ازاى هند: امممم شكلك وقعتى خلاص ملك: معرفش، مش عارفة أي حاجة. اوقات بحس انه شهم وجدع وفعلا صادق واوقات احس انه كداب.
في بيت نهي. نهي في اوضتها قاعدة وبتفكر وتخطر لها فكرة وتقوم ناحية الدولاب وتطلع هدوم عبارة عن بنطلون جينز وبلوزة نص كم وتلبس هدومها وتاخد شنطتها وتخرج وتلاقي مامتها في المطبخ، تروح للمطبخ وتبص لوالدتها وتقول.. ماما انا هأنزل اشترى حاجات وجاية هزت مامتها راسها بموافقة وقالت.. ماشي بس ماتتأخريش نهي: تمام يلا سلام وتلف نهي وتمشي وتخرج من البيت لأتجاه بيت شادى وبعد نص ساعة تقريباً..
في بيت شادى توصل نهي لبيت شادى وتدخل لان الخدم عارفينها كويس وتلاقي شادى قاعد في الجنينة بتاعت الڤيلا وبيشرب سجاير وتروح تقعد جمبه وتقول بدلع.. شادى حبيبي ازيك يبتسم شادى ابتسامة صفرة ويرد.. كويس، انتى إيه اخبارك نهي: تمام جدا وتبصله وتقول بتساؤل.. شادى، هو مين ملك دى بصلها شادى بسرعة وسألها.. انتي تعرفيها منين؟ نهي بأرتباك: آآ انا ماعرفهاش بس سمعتك بالصدفة بتقول اسمها شادى بشك: اممم ماشي.
اياد في غرفته ووالدته ووالده جانبه وتدخل ملك ملك لاياد: حمدلله علي سلامتك اياد بتعب: الله يسلمك منال: شكرا علي وقفتك جنبنا يا بنتي مدحت: ايوة صحيح اسف نسيت اشكرك ملك: انا معملتش أي حاجة أي حد كان هيعمل كدة واكتر مدحت: قوليلي بقا انتى اسمك إيه؟ ملك: ملك محمد السويفي ( ملحووظة: ملك ماكنتش مركزة مع اسم اياد اوى لانها فكرت تشابه اسماء بس ) مدحت بصدمة: إيه! انتى بنت محمد السويفي.
ملك بأستغراب: ايوة، هو حضرتك تعرف بابا؟ مدحت بأرتباك واضح: آآآآ لا لا بس سمعت عنه وبأبتسامة صفرة: شكرا يا ملك.
تيجي هند المستشفي وتسأل الاستقبال عن اوضة اياد ويقولوها وتطلع وتبتسم وتتمني الشفاء لاياد وبعد شوية تمشي هي وملك ل بيوتهم.
ملك مع والدها في بيتهم و...
ملك: بس تعرف يا بابا في حاجة غريبة اوى حصلت مع انكل مدحت والد اياد محمد بأرتباك بسيط: حصل إيه يا حبيبتي؟! ملك تحكيله إلى حصل في المستشفي و... والدها بهدوء: ملك انتى عارفة اياد اسمه إيه بالكامل ملك: لا ماركزتش انا اعرف انه اياد مدحت بس محمد: اسمه #اياد مدحت السويفي يا ملك ملك بصدمة: اييية يعنى آآآ يعنى انكل مدحت يبقي عمي محمد: ايوة ملك: طب لية عمرك ما قولتلي انى ليا عمام.
محمد بحزن وهو يتذكر: لان حصل مشاكل كتييرة زمان.
فلاش باااااك محمد ومدحت كانوا بيشتغلوا مع بعض وفي شخص منافس ليهم كان عايزهم يبعدوا عن بعض ويكرهوا بعض مدحت في مكتبه وهو بيتكلم مع شخصا ما مدحت: ازاى الشحنة ما وصلتش ليهم انا مأكد عليها الشخص: وانا سلمت الاوراق لمحمد بيه وهو قالي هيهتم بالموضوع مدحت للسكرتيرة: اطلبيلي محمد بيه فورا يجي محمد بخضة: إيه إلى انا سمعته دا يا مدحت مدحت بشك: الموظف بيقول انك اخدت الاوراق منه.
محمد: ايوة فعلا وحصل ظرف كان لازم امشي وسبت الاوراق في المكتب ومشيت مدحت: بس الاوراق مابقتش موجودة وانت اخر واحد ظهر في الكاميرات محمد: انت بتتهمنى يا مدحت عشان انا إلى اتحمل الكارثة دى ويتخانقوا خناقة كبيرة ويفضوا الشراكة ويقاطعوا بعض خااالص باااااااااك للواقع.
ملك: يااااه يا بابا كل دا حصل وما تحكيليش محمد بحزن: اهو إلى حصل بقا يا ملك ملك: بابا بس انا آآآ محمد: انتى إيه؟ ملك: انا معجبة ب اياد وهو آآآ هو بيحبني محمد بصدمة: ايية! لا طبعا مستحييل، انتى واياد ابن مدحت مستحيل ملك ساكتة و، عن اذنك يا بابا وتقوم ملك وتمشي لاوضتها وتدخل وتقفل الباب وتقعد علي السرير ويتصل بيها اياد.
ملك بصوت حزين إلى حدا ما: الو يا اياد اياد: الو مالك يا ملك ملك: مفيش، انت عامل إيه؟ اياد: كويس، انا قولت بس اطمن عليكي ملك بأبتسامة صفرة: شكرا انا كويسة اياد: طيب اسيبك انا بقا عشان شكلك مش رايقة ملك: اوك شكرا اياد: العفوا سلام ملك: سلام ويقفلوا مع بعض وملك تفكر ان لازم تقول لاياد كل حاجة وتنهي اي حاجة كانت هتبتدى بينهم.
يمر شهر مافيش حاجة حصلت فيه او حاجة جديدة غير ان اياد اتحسن وخرج من المستشفي وامتحانات التيرم الاول بالجامعه انتهت كمان بيوم من الايام يتصل اياد بملك و...
اياد: ملك ازيك ملك: انا كويسة يا اياد وانت عامل إيه؟ اياد: تمام، كفاية انتظار انا عايز اقابل باباكي بقا ملك بأرتباك: اصل آآآ اياد: انا هاجى بيتكم النهاردة بليل، باى يا حبيبتى اشوفك بليل ملك بخوف: آآآ طب باى.
بليل في القاهرة تحديدا في ڤيلا محمد السويفي يجي اياد مع باقة ورد وهو لابس بدلة سوداء و..
اياد للخادمة: ممكن ادخل لاستاذ محمد لو سمحتي الخادمة: هبلغه وارجع يا فندم اتفضل في الصالون بعد شوية يجي محمد و... محمد: اهلا يابني، خير عايزنى؟ اياد: انا اياد السويفي وطالب ايد الانسة ملك محمد بصدمة: اسف، معنديش بنات للجواز اياد بحزن لاحتمال فشل خطته: طيب عن اذنك ويمشي اياد وملك تسمع كل كلامهم وتزعل إلى حدا ما.
تمر ايااام كتييرة ومدحت يعرف بمحاولة اياد لخطبة ملك ورفض اخوه الكبير ويزعل لتفريقه هو واخوه ومايحكيش لاياد أي حاجة في يووم من الايام يجي شخص لڤيلا مدحت السويفي ويطلب انه يتكلم معاه في حاجة مهمة جداا تخصه هو واخوه محمد السويفي ومدحت يستغرب وينزل عشان يشووفه و..
يجي مدحت السويفي عشان يشوف الشخص إلى طلبه و... مدحت: اهلا، مين حضرتك وطلبتنى لية؟! الشخص: انا اسمي حسام كنت موظف عند حضرتك مدحت: اممم والمطلوب حسام: انا كنت جزء من السبب إلى خلي حضرتك تتخانق مع محمد بيه وتتفرقوا، انا جاى اعترف لحضرتك النهاردة لان ربنا عاقبني عشان فرقت بين اتنين اخوات بيحبوا بعض وزوجتي إلى حبيتها جالها سرطان واحتمال اخسرها.
مدحت بترقب: اتفضل قول كل إلى عندك حسام: انا كنت شغال مع واحد وكانت بتجيلي الاوامر انى اخد الورق واديه لواحد وهو يديه للباشا الكبير واخدت الورق وقطعت الكاميرات علي وش محمد بيه اخو حضرتك مدحت بغضب مكبوت لظلم اخيه: طيب، روح انت حسام: ااا انا اسف يا مدحت بيه مدحت: طيب يذهب حسام ويقعد مدحت وهو حزين وبيكلم نفسه.
مدحت بحزن: اد إيه ظلمتك ياخويا يابن امى وابويا وماصدقتش، كنت غبيييي يوم ما مصدقتكش، انا اسف سامحني بس انا لازم اصلح غلطتي.
ايمن مع مريم و... مريم: ايمن انا عايزة نأجل فرحنا ايمن بصدمة: لية يا مريم مريم: اصل لسة مش جبت كل حاجة نقصاني ايمن: مفيش مشكلة هجيبها معاكي احنا واحد مريم بأرتباك: آآآ لا ماينفعش بابا مستحيل يوافق ايمن بتفكير: طيب إلى تشوفيه بس ياريت ماتكونش حجج مريم: انا مابتحججش يا ايمن وعن اذنك سلام ايمن لنفسه: ياريت مايكونش شكي صح يا مريم.
مدحت يتصل بأياد و... مدحت: اياد انت فين؟! اياد: مع صحابي يا بابا مدحت: طب تعالي ع البيت عاوزك اياد: حاضر ربعااية وجاي مدحت: سلام ويقفل مع اياد وهو ناوى انه يقوله كل حاجة.
ملك في اوضتهاوتفكر في اياد وهي شبه حزينة لان والدها ماوافقش علي اياد رغم انه ابن اخوه.. تأتي والدتها و... الام نهلة: إيه يا ملوكة سرحانة في إيه؟! ملك: مفيش يا ماما بس آآآ نهلة: قولى يا ملك ماتخافيش ملك بهدوء: كان نفسي بابا يوافق علي اياد لانى كنت بدأت اعجب بيه نهلة: حبيبتي انتي احمدى ربنا انك ماتعلقتيش بيه والا كنتى هتتعبي واعتبريه اعجاب ياستي وراح لحاله ملك: اوعدك هحاول يا مامى.
هند في بيتها ممدة علي السرير بتعب وسرحانة في الرسالة إلى جتلها من المجهول ويدندن موبايلها اعلان عن وصول رسالة، تمسك موبايلها وتفتح الماسنجر وتقرأ الرسالة وكانت من نفس الشخص المجهول، اتأففت وردت ب: انت عايز ايية؟ عايز نتكلم عادى او بلاش انتي تقولي حاجة عنك، انا عايز اتكلم مع شخص مجهول تفكر هند للحظات وترد ب.. اتكلم.
الشخص: انا حاسس اني مخنوق جداً ووحيد، عايش بس مش عايش، منعزل عن كل الناس تماما، شغلي سبته هند ؛ لية؟ الشخص: في حاجات كتيرة غامضة بالنسبالك هند: زى إيه؟ الشخص: ... وتتكلم هند مع الشخص دا كتيير وهي منصته بس.
يجي اياد ويقعد مع والده ويحكيله والده كل حاجة من بداية مشاكله مع اخوه و... اياد: يعنى انكل محمد ماوافقش عشان انا ابن اخوه مدحت بأسف: حقه، إلى انا عملته زمان مش قليل يا اياد اياد: امممم ماشي يا بابا مدحت: بس عندى ليك مفاجأة ؛ انا هروح اصالح عمك واعتذرله واخطبلك ملك لو وافق اياد بفرح: بجد يا بابا مدحت بأبتسامة: ايووة طبعا ويمشي اياد ويفكر بخبث ويقول لنفسه: ولسة إلى جاي احلي.
في اليوم التالي يروح مدحت واياد مع ورد وشيكولاته إلى ڤيلا #محمد السويفي ويطلبوا مقابلته و... الخادمة: اتفضلوا هدخل انادى محمد بيه، وبعد شوية يجي محمد وينصدم لما يشوف اخوه واياد و... محمد بصدمة: مدحت! ؛ انت إيه إلى جابك هنا؟! مدحت بأسف: انا اسف انا عرفت غلطتي ياخويا سامحنى محمد وهو مازال مصدوم وملك واياد يستمعون: عرفت ازاى وعرفت إيه؟ مدحت يحكيله إلى حصل من لما طلب حسام انه يقابله و...
محمد: هيييح طيب يا مدحت انا مسامحك اكيد ويحضنوا بعض و... مدحت: محمد انا كنت عايز اطلب ايد ملك لأياد ابني محمد: آآآ اه اكيد يا مدحت انا مش هلاقي احسن من اياد بس اخد رأى ملك الاول مدحت: طيب وانا في الانتظار ويطلع محمد لملك ويسألها هي موافقة علي اياد ولا لا وملك بخجل: موافقة يا بابا وينزل محمد لمدحت واياد ويبلغهم موافقة ملك وتنزل ملك تقدم الحاجة الساقعة و... مدحت: انا بقول بقا بحضور الكل نحدد موعد الخطوبة.
محمد: معنديش مانع اياد: بعد اذنك يا عمو انا كنت بقول يعني لو نخلي الخطوبة بعد اسبوعين تلاتة محمد بتفكير: اممممم ولو انك مستعجل بس ماشي الخطوبة بعد اسبوعين.
وملك تبتسم واياد يبتسم ابتسامة نصر ويمر الاسبوعين بسررعة وعلي ابطالنا كأنهم شهرين وخصوصا اياد إلى كان مستعجل علي انتقامه من ملك ويجي اليووم الموعود.
يوم الخطوبة كانت ملك لابسة فستان احمر باكمام شفافة طويل ومنفوش في اخره ولابسة تاج وسايبة شعرها الطويل ينزل علي ضهرها واياد كان مايقلش جمال عن ملك و كان لابس بدلة انيقة سوداء، بقرب اياد وياخد ملك من باباها ويمر يووم جميل ما تنسهوش ملك ابدا وبعد الخطوبة... اياد: مبرووك يا خطيبتي ملك بخجل: ميرسي اياد: يلا بقاا هاخدك اوديكي اماكن تحفففة.
ويقضوا وقت جميل مع بعض واياد كان بيعمل دا كله لانه نظرته لملك انها زبالة وخاينة زيها زى غيرها بس في الوقت الحالي كان ناسي انتقامه خالص.
تمر الايام علي ابطآلنا وفي يوم من الايام يتصل اياد بملك و... اياد: ازيك يا حبيبتي، عاملة إيه؟ ملك: الحمدلله وانت؟ اياد: بخير طول ما انتى بخير، بقولك إيه الجامعه عاملة رحلة مصيف لشرم الشيخ 4 ايام، إيه رائيك نروح؟! ملك بتفكير: اممم خلاص هقول لبابا وارد عليك اياد: ماشي يا قلبي سلام ملك: سلام.
تروح ملك لوالدها و... ملك: بابا الجامعه عاملة رحلة لشرم 4 ايام وعايزة اروح انا واياد محمد: طيب يا ملك بس خلي بالك من نفسك ملك: حاضر، ميرسي يا بابا.
تتصل ملك بأياد وتبلغه بموافقة والدها ويفرح اياد ويقول لنفسه بخبث: شكلنا هنقضي وقت جامد.
يمر يومين ويجي اليوم إلى هيروحوا فيه ملك واياد الرحلة لشرم و المشرف على الرحلة يتمم علي الاسماء ويجي له اياد ويطلب منه انه يخلي ملك تقعد جنبه بحكم انها خطيبته ويوافق و في الاتوبيس الخاص بالرحلة يتكلمووا ملك واياد كتيير وبعد مدة تغفل ملك على كتف اياد ويبص لها اياد بأعجاب وهي نايمة ويقول: شكلها زى الملاك وهي نايمة بس هي في الاخر زيها زى غيرها شيطانة وينام هو الاخر.
تقوم ملك وتلاقي نفسها نايمة في حضن اياد وتنصدم وتعدل نفسها و...
يصحي اياد من حركتها: إيه في حاجة؟ ملك: اسفة نمت علي كتفك غصب عني اياد: ولا يهمك.
يوصلوا إلى الفندق ويروح كل واحد لأوضته وتكون اوضة اياد جنب اوضة ملك وكلهم يناموا من التعب واليوم إلى بعده يصحوا بنشاط ويلبسوا وينزلوا يتجمعوا و يتفقوا علي انهم يروحوا إلى البحر ويروحوا فعلا و... علي الشاطئ اياد: ملك هروح مع جلال نشترى حاجة ونيجي ملك: اوكى ويمشي اياد وملك تنزل البحر ويتنافسوا هي واصدقائها وتدخل ملك لجوة البحر كتيير وفجأة ملك: مش قاادرة آآ اخد نفسي فاطمة: طب يلا اطلعي بسرعة.
ملك: م، آآآ بغرق ويأتي اياد ليتفاجئ بملك تغرق وينزل بسرعة عشان ينقذها ويخرجها واول ما تخرج ملك تحضن اياد واياد منصدم من حركتها ويحس بأحساس غريب و...
ملك بخجل: اسفة جدا اياد بتوتر بسيط: ولا يهمك وتقوم ملك مع فاطمة وتروح اوضتها عشان ترتاح.
مريم في بيتهم ويأتي ضيف لهم و...
والد مريم: اتفضل حمدلله علي السلامة الضيف: الله يسلمك، مبدأيا كدة انا اسمي اسامة وكنت شغال في الكويت ولسة جاي هستقر هنا وطالب ايد الانسة مريم والد مريم: امممم طب يابني موافق وتيجي مريم بالشربات وتوزعها وتقعد و... الوالد: إيه رائيك يا مريم مريم: موافقة يا بابا اسامة: انتى كنتى مخطوبة قبل كدة يا انسة مريم؟! مريم بأرتباك: لا لا خالص.
وتنتهي الزيارة علي قراءة الفاتحة ملك واياد كل واحد في اوضته واياد يفكر في إلى عملته ملك وبشعوره و...
تمر الايام ويقضوهم اياد وملك بسعادة بالغة ويرجعوا لبيوتهم وتنتهي اجازة نص السنة كمان ويبدأوا بالذهاب للجامعة.
في صباح يوم... نهلة: يلا يا ملك بقا اصحي عشان الجامعة ملك بنوم: يووه يا ماما رجعنا للجامعة تانى بقا نهلة: معلش يلا قوومي ملك: حاضر يا ماما وتذهب نهلة وتقوم ملك لترتدى ملابسها بكسل وتذهب للجامعة.
في الجامعة.. ملك لهند: تصدقي كنتى وحشانى اووى والله هند: وانتى اكتر ويفضلوا يتكلموا كتيير و.. هند: طب يلا عشان بيقولوا محاضرة دكتور عبدالله بدأت يلا ويروحوا للمحاضرة ويخبطوا علي الباب ويلاقوا الدكتور دخل وبدأ في الشرح.
ملك وهند: ممكن ندخل يا دكتور؟ عبدالله لنفسه: طب انا لو رفضت مش هشوفها كتير ولو مارفضتش كل الطلبة هيجوا متأخر بعد كدة وهبقي مهزقة.
عبدالله: اتفضلوا بس بعد كدة مش هدخل حد بعدى وطول المحاضرة وهو يخطف نظرات اعجاب لملك.
بعد المحاضرة ملك وهند يروحوا يقعدوا في الكافيه ويشوفهم اياد ويتجه ليهم بس يسبقه شخص و...
الشخص: انسة ملك ممكن كلمة علي انفراد ملك: اه طبعا يا دكتور عبدالله هند: طب انا هروح اطلب حاجة تهز ملك راسها موافقة وتمشي هند و...
عبدالله: انسة ملك بصراحة ومن غير لف ودوران انا معجب بيكى وعايز اقابل الوالد ملك: بأرتباك: انا اس... يقاطعها اياد إلى كان بيتابعهم بعيون غييرة اياد بغضب: خير يا دكتور انا خطيبها؟ عبدالله: اسف حصل سوء تفاهم يمشي عبدالله ويتكلم اياد مع ملك عن الموضوع دا و... اياد: كان عايز إيه وازاى توقفي معاه كدة؟ ملك: في إيه يا اياد، يعني هقوله امشي، كان بيقول، وتحكيله ملك ع كل إلى حصل ويحس اياد بالغيرة الشديدة.
ايمن يتصل بمريك بس مريم تشوف اتصالاته وما تردش عليه اطلاقا وايمن يقلق ويقول لنفسه: لا بقا دا انا لازم اروح لها البيت في اقرب وقت واعرف إيه إلى حصل.
في مكان اخر بالقاهرة فتاة: يعني إيه يا حسن، يعنى انت قريب هتأعلن افلاسك! حسن: ايوة يا هايدى سيبينى اغور افكر ف حل ويلف حسن ويمشي و... هايدى بتفكير: انا إلى لازم اشوف حل استحالة افضل علي زمتك لحظة وتلمح عينها الجرنال وتأخده وتقرأ (( رجل الاعمال مدحت السويفي يصبح من اكبر رجال الاعمال في البلد وبمساعدة ابنه الاكبر اياد له )) هايدى بخبث: والله ليك واحشة يا اياد وجيت في وقتك اووى.
تحميل محتوى الموضوع
عرض نسخة صالحة للطباعة
أرسل هذا الموضوع إلى صديق
[4]
الدعوات : 2قوة السمعة : 10
رواية حب بعد إنتقام