رواية حطمت أسوار قلبي

رواية حطمت أسوار قلبي للكاتبة بسملة حسن الفصل الرابع عشر

لتقول رهف وهيا تتجه الي فتح الباب: ايوه جايه
لتفتح رهف الباب لتنظر للشخص الذي امامها بصدمه
لتقول رهف بصدمه واشتياق ومشاعر كثيره ومتداخله: ماازن
نظر لها مازن واخذ يتفحص ف تفاصيل وجهها الذي اشتاق اليه بشده
دقائق مرت دون ان يتحدث احداً منهم... فقط
ينظرون الي بعضهم البعض باشتياق شديد.

ليقطع مازن هذا الصمت قائلا بجمود ظاهري: ازيك يارهف.. قاسم هنا

عندما رات رهف نبرته هذه المها قلبها بشده من تلك النبره وحاولت بصعوبه السيطره ع دموعه لتقوول بصوت يحاول جاهدا ان يمنع البكاء: الحمدلله.. حمدلله ع السلامه يامازن.. واه قاسم هنا
ليرد عليها مازن ببرود متعمد: الله يسلمك.. طيب معلش ممكن تناديه
نظرت له رهف والدموع بدات ان ترقرق ف عيبنها وقالت ف سرعه: حاضر
انهت كلامتها ثم صعدت ع الدرج بسرعه واخذت دموعها تنهمر ع وجهها.

وقفت امام غرفه قاسم ومسحت دموعها لكي لا يلاحظ اخيها شئ ثم تنهدت بصوت عالي وطرقت بعدها ع الباب... وعندما سمعت صوت اخيها يسمح لها بالدخول دخلت ثم قالت: احم ابيه مازن جه تحت
قاسم بفرحه شديده: بجد.. وحشني ابن الذينا ده
ثم خرج مسرعا من الغرفه ليرحب بصديقه الذي غاب عنه لمده ثلاث سنوات
خرج قاسم من الغرفه لتقول رهف بشرود: مش لوحدك ياابيه ال واحشك مش لوحدك اللي كنت منتظره بفارغ الصبر بس باين ان هو هيندمني ع كل لحظه فكرت فيه واستنيته فيها.

اما عند مازن ف بمجرد ما صعدت رهف الدرج
ادار وجهه للناحيه الاخري واخرج تنهيده عاليه ووضع يده موضع قلبه وقال: اهدي ياامازن اهدي
واكمل بعدها بهيام وحب: زادت حلاوه فوق حلاوتها... ثم قال بعتاب: ع عيني دموعك دي يارهف بس لازم تتعاقبي ع ال عملتيه فيا وكسرتك ليا
قاطع حديثه مع نفسه نزول قاسم
فاتجه اليه وقام باحتضانه بشده.

قاسم وهو يشدد ع احضانه: وحشتني يامازن
مازن بحب: وانت كمان والله ياقاسم وحشتني ووحشتني كل حاجه ف مصر هنا
ابتسم قاسم وتفحصه وقال بعدها: بس ايه اللوك الجديد ده عضلات ودقن واكمل بمرح: لالا المانيا غيرتك جدا
ضحك مازن ع تعليقه وقال: ااه شوفت ايه رايك... كنت هاري نفسي تمارين هناك لحد ما وصلت لليفل ده
قاسم: لا حلو.

مازن: دي اي اقل حاجه عنددي واكمل بعدها بتذكر وسرعه: ها بقا احكيلي مين العروسه وعرفتها منين وحبتها ازاي وايه غير رايك وخلاك تتجوز احكيلي كل حاجه
قاسم بضحكه: ياابني خد نفسك ياابني
واكمل بعدها بجديه: كانت سكرتيره عندي واللي غير فكرتي ف الجواز هو ادم طبعا انت عارف ادم بعد موت نسرين كان عامل ازاي حنين هيا ال جات وغيرت فيه حاجات كتيره وبقت تقنعه بحاجات انا مكنتش بعرف اقنعه بيها.. بس يعني زي ما قولتلك ادم هو السبب الاول والاخير ومحبتهاش ولا حاجه.

نظر له مازن ثم قال بمكر: امم هي اسمها حنين اسمها حلو اووي بس ياتري بقا هيا حلوه زي اسمها كده ولاايه
امسكه قاسم من لايقه قميصه وقال له بغضب وغيره: اتلم ياحليتها بدل ما المك انا وهتلاقيني برحب بيك دلوقتي بس ع طريقتي

علت ضحكات مازن بشده ع صديقه وقال وهو يحاول السيطره ع ضحكاته: لا واضح فعلا انك مش بتحبها

نظر له بغيظ شديد وقال: انا متربتش اساسا اني قولتلك انزل عشان تحضر فرحي

قال مازن وهو يغمز له بعينه: ودي تيجي بردو اخويا يتجوز ومحضرش فرحه ده حتي تكون عيبه ف حقي
نظر له قاسم بطرف عينه وقال بغيظ مكتوم: كلت ولا مكلتش

قال مازن بجوع: واااقع... وواحشني اووي الاكل المصري ف اتوصي بيا بقا ها

قام قاسم من جانبه وقال بغضب مصظنع: انا مش عارف انا ايه الناس المفجوعه دي

لتعلو ضحكات مازن مجددا وقال: حبيبي ياقاسم والله
مر اليوم وقد قضاه قاسم مع مازن
حتي اتي المساء موعد كتب كتاب قاسم وحنين
حضرت حنين وجدتها ال قصر قاسم

وكانت حنين ترتدي فستان ابيض بسيط وجميل للغايه وكان قاسم يرتدي بداله وكانت جميله ايضا
انتظروا حتي جاء المأذون وبعد فتره من الزمن

اصبحت حنين زوجت قاسم رسميا... لم تكن الحفله كبيره اطلاقاً... حتي صوت الاغاني كان منخفض
ف ملت رهف من هذا الجو الهادئ
فخرجت للحديقه
ولكن لفت انتباه مازن والذي يجلس ع كرسي ف الحديقه يعبث بهاتفهه ف وقفت رهف تتفحصه وقد لاحظت ذقنه التي نمت وعضلاته التي زادت للضعف وما زاده هذا الا وسامه شديد ولكن ما جلعها تنصدم عندما وجت مازن يخرج سيجاره ويشعلها ويضعها ف فمه ف بدون تردد. ذهبت اليه بسرعه وجذبت السيجاره من فمه ورمتها ع الارض وداست عليها بقدمها ثم قالت له بغضب شديد: ايه ال انت بتعمله ده سجايز يامازن بتشرب سجاير.

نظر لها مازن بصدمه من فعلته وقال باندهاش: في ايه يابنتي اه بشرب سجاير

قالت له رهف بغضب وهي لم تستوعب بعد ماذا تفعل: انت مش مستوعب انت بتعمل ايه انت بتدمر صحتك كده من امتي وانت بتشرب سجاير ياامازن

مازن بسخريه: ايه خايفه عليا ولاايه

نظرت له رهف بحزن شديد وقالت: لا مش خايفه انا بس استغربت اسفه
وجاءت لتدخل الي القصر
جذبها مازن من يديها وقال: الفستان ده ميلتبسش تاني مفهوم ولحد ما الليله دي تخلص مشفش طرفك بره عشان محدش من الحراس يشوفك

نظرت له رهف بصدمه وجاءت للتتحدث قاطعها مازن قائلا بحده: ع جوووه
خافت رهف من نبرته وبالفعل اتجهت للداخل
اما مازن ف بعذ ذهابها: ناس مش بتيجي غير بالعين الحمرا صحيح

عند قاسم وحنين
بعد كتب الكتاب اتجه قاسم الي حنين تلقائيا وقبل جبينها وقال بنبره حنونه: مبروك

نظرت له حنين بخجل وقالت له: الله يبارك فيك يامستر قاسم

قاسم بضحكه: مستر ازاي هو ف حد يقول لجوزو مستر برده
لتضحك حنين بخجل قائله: سوري بس عشان لسه متوعدتش بس
قاسم بابتسامه: هتتعودي متقلقيش

ليقاظع حديثهم مجئ ادم اليهم قائلا بفرحه مخفيه
لحنين: هو انتي كده هتيعشي معانا علطول

مسحت حنين ع شعره بحب شديد وقالت: اه ياحبيبي هعيش معاكم علطول ان شاءالله
اؤما ادم راسه بفرحه شديده
بعد ساعات انتهت الحفله وصعد كل واحد الي غرفته ام قاسم ف هو اخذ حنين وخرج للحديقه
جلسوا سويا
وقال قاسم: بصي ياحنين بما اننا اتجوزنا ف في حاجات كده عايزين نتفق عليها تجنباً للمشاكل
اول حاجه انا عايزك تهتمي ب ادم جداً جداً بصراحه انا ما صدقت ادم استجاب لحد وطلع من القوقعه ال كان فيها دي ال فشل فيها حتي الدكتور النفسي انه يخرجوا منها.

تاني حاجه انا مبحبش العند والمجادله كتير بمعني الكلمه ال اقولها تتنفذ من غير مناهده فهماني
حنين: مبدائيا ادم ف عنيا ومش محتاج توصيني عليه واكملت بعدها بغيظ: ثانيا بقا انا عايزه اعرف اي شغل سي السيد وامينه ده المفروض يكون فيه نقاش ما بينا وتفاهم مش الكلمه ال تقولها انفذها علطول ارجوك خلي في بينا لغه تفاهم وبلاش تصدر ف ايه حاجه ماشي
قاسم بلامبالاه: ماشي ماشي.

قال حنين وقد اكلها الفضول: ممكن اعرف هو ادم ال حصله لدرجه ان يخليك تعرضه ع دكتور نفسي

قاسة بتنهيده حزن ع ابنه: هحكيلك
قص عليها قاسم من البدايه كل ما حدث لابنه
حتي انتهي من حوار وقال بتنهيده: هو ده ال حصل... ثم نظر بعدها لحنين ووجدها تبكي يشده واضعه يدها ع فهمها تمنع شهقاتها من الخروج
ليقول قاسم بخضه: ايه ياابنتي بتعيطي كده ليه

لتقول حنين ببكاء: ياروحي يعني هو اتعرض لكل ده ف السن الصغير ده
قاسم: ااه وده طلبي منك انك تحاولي تنسيه ال حصل

حنين بحزن: اكيد اكيد هعمل المستحيل والله عشانه
قاسم بابتسامه: ماشي ياحنين لو حابه ممكن تطلعي ترتاحي... اه احنا هنام مع بعض ف اوضه واحده اتفقنا
حنين بصدمه: ايه
قاسم ببرود: زي ما سمعتي كده.. ويلا عشان انا عايز انام
دخل قاسم للداخل وصعد الدرج متجها الي غرفته ووراءه حنين وهيا تحاول ايجاد حل لتهرب من قاسم وبالفعل قد وجدت حل لتقول بسرعه: قاسم انا عايزه اروح لادم اشوفه ممكن.

قاسم بابتسامه: ممكن هو ف الاوضه دي... وشاور لها ع غرفه بالقرب من غرفته
حنين: تمام
لتذهب مسرعه الي غرفه ادم طرقت ع الباب ثم دخلت لتجد ادم جالس ع السرير ويرسم بتركيز
لتقول حنيني برفق:ممكن اقعد معاك شويه

نظر لها ادم بانتباه وقال بابتسامه: ااه طبعا
جلست بجانبه ونظرت الي الرسمه الخاصه به وقالت بانبهار اسعد ادم بشده: الله ايه الرسم الروعه ده ياادم
ادم بابتسامه خجل: حلوه
رهف بانبهار: دي روعه جدا ماشاءالله عليك انت هتطلع رسام موهل جدا علفكره

ادم: شكرا ليكي
حنين مشجعه له: انت عارف انت ممكن فالاجازه تاخد كورسات رسم وتنمي موهبتك دي وبجد هتكون ممتاز جدا

ادم بتفكير: ممكن ابقا افكر ف حاجه زي كده فعلا
حنين بحب: ان شاءالله ياحبيبي واكملت بعدها بتساؤل: صحيح عامل ايه مع فارس

ادم: كويس خدنا ع بعض

حنين: اممم دي حاجه جميله
ثم اخذت تفتح معه مواضيع عده حتي قالت بنعاس: انا نعست اووي انت منعستش

ادم: ااه نعست
حنين: ايه رايك انام معاك انهاردا
ادم بابتسامه: موافق
حنين: طب اتفقنا هروح اغير الفستان ده بسرعه واجي تمام
ادم: تمام.

خرجت حنين من غرفه ادم وذهبت لغرفه قاسم واخذت تدعي ربها بان يكون قاسم نائم وبالفعل اسُتجيب دعائها... فدخلت الاوضه و هي تمشي ببطئ شديد دون ان تفعل صوت واخذت البيجامه الخاصه بها وطرحه ودخلت المرحاض ابدلت ملابسها وخرجت ايضا ببطء شديد خوفاً من ان يستيقظ قاسم
خرج من الغرفه وزفرت بصوت عالي وقالت: ايه المهمه الصعبه دي انا لوو هسرق مش هعمل كده
انهت كلامها واتجهت الي غرفه ادم مره اخري ونامت بجانبه ع السرير وجذبته الي احضانها سعد ادم بهذه الوضعيه جدا ونام سعيدا لاول مره منذ فتره
طويله

ف صباح يوم جديد استيقظ قاسم من نومه نظر بجانبه فلم يجد حنين ف استغرب بشده ف هو توقع انها ستأتي وتنام بجانبه ولكن لم يجدها
ذهب للمرحاض وغسل وجهه
وخرج من الغرفه وقبل ان ينزل لاسفل ليبحث عن حنين دخل غرفة ادم وقد صدم وابتسم ف نفس الوقت عندما وجد حنين تنام وف احضانها ادم.

اقترب منهم ونظر عليهم وقال بضحكه: اتنين اطفال نايمين
جذب انظاره شعر حنين وقال بإعجاب ف نفسه: شعرها حلو بنت الاايه
لتنحنح بعدها ويقول: احم احم ايه ال بقوله ده واكمل بحيره: اصحيها ازاي دي
ليقول بصوت شبه عالي: حنين حنين اصحي
حنين بنوم: بس ياتيته بقا حرام عليكي عايزه انام
ليكتم قاسم ضحكته وقال بضرامه مزيفه: حنين اصحي انا قاسم

استيقظت حنين بفزع: ايه قاسم
لتخرج ادم من احضانه برفق ثم قامت من ع السرير وجاءت لتتحدث ولكن شهقت بشده ووضعت يدها ع شعره وطدته غير مغطي لتقول بسرعه: يلهووي فين الطرحه
ليقول قاسم وهو ممسك بيدها: اهدي في ايه انا جوزك عادي... المهم انتي منمتيش ليه جمبي امبارح

حنين بتوتر: اا نمت هنا مع ادم عادي يعني
قاسم بتحذير: اول واخر مره تمام
اؤمات حنين براسها لتنهي هذا الحديث
ف اكمل قاسم: يلا روحي اغسلي وشك وغيري وانزلي تحت عشان الفطار

حنين بسرعه: تحب اجهزه
قاسم بابتسامه: لا ياحنين ف خدم هنا وهما ال بيعملوا كل حاجه
حنين: اممم خلاص ماشي.. اصحي ادم دلوقتي ولا اسيبه
قاسم: لاسبيه انهاردا اجازته خليه نايم براحته... انا نازل متتاخريش
حنين بطاعه: حاضر مش هتاخر
خرج كلا من حنين وقاسم من الغرفه.

نزل قاسم للاسفل اما حنين ف اتجهت لغرفتها هي وقاسم لتبدل ملابسها وارتدت عبايه بيتيه جميله وطرحه.. نزلت للاسفل ودخلت لغرفه الطعام ووجدت كلا من رهف وقاسم وفريده وجدتها انعام جالسين ع السفره لتقول: صباح الخير
ليردوا عليها تحيه الصباح وجاءت حنين لتجلس بجوار جدتها فقالت فريده بحنو: تعالي ياحبيبتي اقعدي جمب جوزك هنا... احمزت وجنتي حنين من الخجل وقالت: حاضر
لتجلس بجانبه واخذت تفرك ف يديها ليميل عليها قاسم قائلا بخبث: ايه الطماطم ال بتطلع ف ثانيه دي وبعدين كفايه فرك ف ايدك انا مش بعض ع فكره.

زدات حمره وجنتيها ليبتسم عليها قاسم ثم اكمل طعامه
مرت ساعات وكانت حنين جالسه مع جداها ف الصاله وكانت رهف ايضا جالسه معاهم ولكن كانت تعبث ف هاتفها
اما قاسم ف هو قد ذهب الي الشركه
ليسمعوا صوت جرس القصر لتقول حنين بسرعه: انا هفتح
لتتجه الي الباب وتفتحه لتنظر الي الطارق لتجدها فتاه تلبس ملابس ضيقه للغايه وطرحه خارج منها نصف شعرها لتقول الفتاه بعجرفه: انتي مين.

حنين: حضرتك ال مين
الفتاه: انا سميه بنت خاله قاسم ومين انتي بقا.

رواية حطمت أسوار قلبي للكاتبة بسملة حسن الفصل الخامس عشر

مرت ساعات وكانت حنين جالسه مع جدتها ف الصاله وكانت رهف ايضا جالسه معاهم ولكن كانت تعبث ف هاتفها
اما قاسم ف هو قد ذهب الي الشركه
ليسمعوا صوت جرس القصر لتقول حنين بسرعه: انا هفتح
لتتجه الي الباب وتفتحه لتنظر الي الطارق لتجدها فتاه تلبس ملابس ضيقه للغايه وطرحه خارج منها نصف شعرها لتقول الفتاه بعجرفه: انتي مين
حنين: حضرتك ال مين.

الفتاه: انا سميه بنت خاله قاسم ومين انتي بقا
حنين: انا حنين مرات قاسم
سميه بصدمه: ايه قاسومي اتجوز
رفعت حنين حاجبها وقال بسخريه وابتسامه صفراء: قاسومي؟!
نظرت له سميه بغل مخفي وقالت: اه قاسومي.. واوعي بقا عشان ادخل اسلم ع انطي فريده ورهف.

انهت كلامها ودخلت وقبل ان تدخل للداخل التفت لحنين وقالت: اه صحيح متقفليش الباب عشان سامر اخويا بيركن العربيه وجاي
نظرت لها حنين وقالت ف نفسها: اه ما ناقصه
وجاءت لتدخل ولكن اوقفها صوت رجل يقول: الله مين الحلوه
نظرت له حنين باستحقار ولم تعره اهتمام وجاءت لتدخل وجدته يسحبها من ذراعها ويقول: ايه ياقمر مش هنتعرف ولاايه
دفعت حنين يده بعنف ونظرت له حنين بغضب شديد وقالت: انت حيوان انت تعرفني عشان تمسكني كده... الزم حدودك معايا انت فاهم.. واه مش هتتعرف عشان انا مش بتعرف ع حيوانات زيك ثم.

نظرت له باستحقار وقالت: اشكال مقرفه
دلفت حنين للداخل فقال سامر بابتسامه خبيثه: لا قطه شرسه وانا بحب القطط الشرسه... شكلي هتسلي هنا كتير
انهي كلامه ودلف للداخل
دخلت حنين للداخل وجلست بجانب رهف لتهمس رهف قائله: في ايه مالك
حنين بغيظ:ابن خالتك ده شخص حيوان
رهف: ليه عملك ايه.

قصت لها حنين ما حدث لتقول رهف: هو سامر كده بتاع بنات وبيحب يتسلي.. بصي لو عمل معاكي حاجه روحي قولي لقاسم علطول هو اصلا بيخاف من قاسم وبيكون زي الالف قدامه
حنين:ان شاء الله.. بس قوليلي كانوا عايشين فين دول مشفتهمش امبارح في كتب الكتاب يعني
رهف: كانوا عايشين ف تركيا اديلهم حوالي 4 سنين ومش عارفه الحقيقه ايه اللي فكراهم بينا
ضحكت حنين وقالت: ليه بتقولي كده هو حد فيهم عملك حاجه ولاايه
رهف: لا بس زي ما قولتلك سامر ده بتاع بنات وسميه دي مستفزه وكلامها بيستفزني
حنين بابتسامه: اقولك ع حاجه انا مش متفائل.

ضحكت رهف وقالت: ولاانا
لتقاطع حديثهم سميه وهي تقول باستفزاز: ايه يابنات بتضحكواع ايه طيب ضحكونا معاكوا طيب
ابتسمت لها رهف ببرود وقالت: ما تخليكي ف حالك ياسميه
نظرت لها سميه بغيظ شديد ولم ترد عليها
ليقول سامر بابتسامه سمجه: بس كبرتي وادورتي واحلويتي كده امتي يارهف
رهف بتعنيف: احترم نفسك يااسامر بدل والله العظيم اقول لقاسم واخليه هو يتصرف معاك
ليبتسم سامر بتوتر وخوف: ايه يابنتي انا بهزر معاكي مالك قفشتي كده
رهف: والله انا قولت وحذرت وبراحتك انت بقا.

قالت حنين لرهق بهمس: يانهار ابيض ايه يابنتي المعامله الكلابي دي
ضحكت رهف بخفه وقالت: سيبك انتي هو مش بيمشي معاهم غير كده
حنين بابتسامه: لا شاطره
بعد مرور بضع لحظات
نزل ادم من ع الدرج لتنتبه له حنين فقالت له بابستامه بعدما اقترب منهم: صباح الخير ياادومي
نظر لها ادم بابتسامه وجلس بجانبها وقال: صباح الخير.

قال سامر بابتسامه لم يحبها ادم ابدا: اي ياادم مش هتسلم علينا ولاايه
ادم ببرود: انا معرفش انتو مين عشان اسلم عليكم
حنين بعتاب لطيف: غلط كده ياحبيبي المفروض اول ما تدخل ع ناس قاعده تقول الاول السلام عليكم وبعدها تسلم عليهم حتي لو متعرفهمش اتفقنا
نظر لها ادم ثم اخرج تنهيده واومأ لها براساه وبالفعل قام وسلم ع كل من سميه وسامر وهاد مكانه بجانب حنين مره اخري
تابعت سميه بغيظ معامله حنين لادم وكيف استجاب لها ادم واطاعها فقالت بغلظه ولم تعي معني كلامها: يوم اليتيم كان امبارح ياادم معملوش امبارح حفله ليكم ف المدرسه ولاايه.

نظرت لها حنين بغضب شديد وقامت من مكانها وقالت لها بصوت عالي: انتي متخلفه يابت انتي انتي ازاي تقولي كده لطفل صغير معندكيش عقل تفكري بيه انتي بتقولي اايه
قاطع واصله غضبها وتعنفيها دخول كل من قاسم ومازن
لينظر قاسم لحنين ويقول: في ايه ايه ال حصل صوتك عالي ليه ياحنين
بمجرد ما ان رات سميه قاسم حتي اصطنعت البكاء وقالت: شوفت يااقاسم بتزعقلي ازاي انا مكنش قصدي حاجه
لم تستحمل رهف الصمت طويلا لتنهض قائله بغضب هي الاخري: مكنش قصدك ازاي يعني ما تبطلي الشغل بتاعك ده بقا
نظر لهم قاسم وقال بصوت عالي: انا عايز افهم في ايه دلوقتي.

رهف: انا هقولك ياابيه
نظر لها قاسم باهتمام فقصت رهف الموقف الذي حدث
ليقول قاسم بغضب مكتوم لسميه: جرا ايه ياسميه ف حد يقول كده وبعدين ابني مش يتيم ياسميه انا لسه عايش وحنين زي والدته تمام ف خليكي ف حالك بقا ومتقوليش كلام تندمي عليه بعد كده
نظرت له سميه قائله ببكاء مصطنع: اسفه ياقاسم مكنش قصدي ثم نظرت لادم وقالت له باسف مصطنع: سوري ياحبيبي متزعلش انا مكنش قصدي حاجه
نظر لها ادم ببرود.

اما حنين ف نظرت لها بغضب شديد ثم قالت لادم: تعالي ياحبيبي نطلع فوق عايزاك شويه
ثم امسكت يده وصعدت لاعلي
اما سميه ف اقتربت من قاسم وقالت: اسفه ياقاسم خلاص بقا متزعلش ده وش تقابلني بيه بردو بعد غياب 4 سنين
نظر لها قاسم ببرود وقال: حمدلله ع السلامه
وقال لسامر: ازيك يااسامر حمدلله ع السلامه
سامر: الله يسلمك.

التفت قاسم الي مازن قائلا: تعالي ياابني نروح المكتب وقال لرهف: رهف ادخلي للخدم جوه قوليهم يعملوا حساب مازن ل الاكل
رهف: حاضر ياابيه
دلف كل من قاسم ومازن
فقال مازن: مين سامر ده اول مره اشوفه
قاسم بعدم اهتمام: ده ابن خالتي واول مره تشوفه لانه مكنش بيجي عندنا كتير زمان
قال مازن: بس انا ما ارتحتش لشكله
قاسم: هو قبل ما يسافر كان بتاع بنات وبيحب يتسلي معرفش اتغير ولاايه بس ميقدرش يعمل حاجه لحنين او رهف لانه عارف ال هيحصله
مازن بغيره مكتومه: اممم.. طب تمام يلا نشوف الشغل
قاسم: ماشي

في الاعلي عند حنين وادم
جلس ادم وحنين ع السرير ف امسكت حنين يد ادم بلطف وقالت له: حبيبي متزعلش من اللي اسمها سميه دي وانسي الكلام ال قالته ده
ادم: لا عادي مزعلتش وبعدين علفكره هيا مقلتش حاجه غلط انا عارف ان اللي مامته او باباه ميت يبقي يتيم
حاولت حنين الهاء ادم عن هذا الموضوع فقالت: سيينا بقا من الموضوع ده احكيلي بقا انت بتصلي ولالا
هز ادم راسه نفيا
لتقول حنين بلطف: لا ليه بقا.

ادم بحيره: مش عارف كنت الاول بصلي لكن دلوقتي لا
حنين بتشجيع: طيب ايه رايك تبتدي تاني انهاردا ونصلي مع بعض ولما الاذان ياذن نقوم علطول انا وانت ونصلي ايه رايك
ادم بابتسامة: عجبتني الفكره دي موافق
حنين: طيب روح اتوضي بقا ونصلي مع بعض العصر وبكره ابقا ابدأ اليوم من اوله اتفقنا
ابتسم لها ادم وامأ براسه ثم اتجه الي المرحاض ليتوضئ وذهبت خلفه حنين لتُنبه ان اخطأ ف الوضوء.

مرت بضع ساعات ليست كثيره
وصعدت رهف لغرفه ادم والتي توجد بها حنين
دلفت عندهم لتخبرهم بان الطعام اصبح جاهز وان موعد الغداء الان
ليهبط الثلاثه معا للاسفل
ليدخلوا لغرفه الطعام لتنتبه حنين ان سميه جالسه ع الكرسي الخاصه بها
لتذهب اليها وقالت بهدوء مصطنع: لو سمحتي ده مكاني
سميه: ايه شغل ابتدائي ده... هو ايه اللي مكاني
حنين: انا بقعد فيه علطول.

سميه: وانا عايزه اقعد جمب قاسم
ليدخل قاسم ومازن للغرفه ع جمله حنين
قالت حنين وهي تضح يدها ف خصرها: والله وقاسم ده جوزي وانا الاحق اني اقعد هنا مش انتي
ابتسم قاسم ع جمله حنين ف سره ولكنه قال بجديه: في ايه تاني
سميه بسخريه: مفيش يااقاسم واضح انها لسه ف ابتدائي وقاعده تقولي ده مكاني ومش عارفه ايه
نظر لها قاسم ببرود وقال: ايوه ده فعلا مكانها وانا جوزها يبقي طبيعي جدا تقعد جمبي
احرجت سميه وقالت: ماشي.

لترتسم ابتسامه نصر ع وجهه حنين ونظرت لسميه بنظره بشماته جعلت نسرين تحترق
جاءت لتجلس ع كرسي الذي يكون بطوار كرسي حنين لتقول حنين بسرعه: سور ي بس ده بتاع ادم
ونظر لادم بابتسامه: تعالي ياادومي اقعد هنا
وبالفعل جلس ادم بجانبها لترتسم ابتسامه جانبيه ع وجهه قاسم ع تصرفات حنين الطفوليه
حضر كل افراد المنزل وبدأو ف تناول الطعام ولم يتحدث اي حد منهم
انهم قاسم طعامه ونهض وقال: حنين
نظرت له حنين قائله: نعم.

قاسم: لما تخلصي اكل تعالي بره ف الجنينه عايزك شويه
حنين بطاعه: حاضر
خرج قاسم ولم يمر وقت طويل ووجد حنين جاءت
جلست حنين ع الكرسي الذي امامه وقالت: خير ياقاسم فيه حاجه
قاسم: ااه ياحنين
اولا كنت حابب اشكرك ع اللي عملتيه مع ادم ودفاعك عنه الصبح.

تاني حاجه كنت عايز اقولك تتجنبي خالص سامر وسميه ع قد ما تقدري لحد ما يمشوا... انا عارف ان سميه ساعت كلامها بيكون مستفز بس معلش هي ضيفه وبكره او بعده تمشي... ولو سامر عمل معاكي اي حاجه كده او كده تيجي تقوليلي اتفقنا ياحبيبتي
ارتبكت حنين بشده من اخر كلمه تفوه بها واخذ قلبها يدق بشده
نظر لها قاسم وابستم ع توترها وقال: معلش طلعت تلقائلي
حنين بتوتر: حصل خير
قاسم: مقولتليش اتفقنا ولا مااتفقناش
حنين: اتفقنا اتفقنا
قاسم: تمام.

واكمل بعدها بتحذير: ااه اول واخر مره اشوفك تعملي الحركه اللي عملتيها جوه دي
حنين باستغراب وتساؤل: حركه ايه دي
قاسم: اللي حطيتي فيها ايدك ف وسطك دي تمام
خجلت حنين و أمات براسها
جاءت حنين لتنهض وتدلف للتداخل ولكنها تذكرت شئ
فقالت له: هو انا هنزل الشغل امتي
قاسم ببرود: شغل ايه
حنين وهي تحاول ان تصبر نفسها من بروده: الشغل بتاعي
قاسم: ومين قالك انك هتنزلي تشتغلي تاني
حنين بصدمه: يعني ايه.

قاسم وهو مازال ع بروده: يعني مفيش شغل
انفعلت حنين وقالت بصوت عالي: نعم ده ليه ده ان شاءالله
قاسم وقد غضب من صوتها العالي فقال: صوتك ياحنين وعلي جوه يلا مش عايز نقاش ف الموضوع ده
دبت حنين رجليها ف الارض وقالت بغضب طفولي: انت ظالم
اشار قاسم ع نفسه بصدمه وقال: انا ظالم
حنين: ومستبد كمان
قاسم هو يشير بيده للداخل: جوه ياحنين
حنين بانفعال: اووف
ثم دلفت للداخل فضحك قاسم عليها وقال: بقا انا ظالم.

ام بالداخل ف بعد خروج حنين
انهي كل من انعام وفريده وادم طعامهم وخرجوا للخارج... ولم يتبقي ف غرفه الطعام سوي مازن ورهف وسميه وسامر
لتقول سميه باستفزاز: بس ايه يارهف مش ملاحظه انك تخنتي شويه
رهف ببرود: ياابنتي هو انتي بتحبي تسمعي خليكي ف حالك كتير
تابع مازن حديثهم بصمت .. ولكن ما جعله يستشاط غضبا عندما سمع سامر يقول: لا ده جسمها بقا حلو اوي
خبط مازن ع السفره جعل كل من عليها يتنفض وقال لسامر: انت عبيط يالا ولاايه ال انت بتقوله ده
سامر بارتباك: سوري مقصدش.

مازن بحده: ولا تقصد الزم حدودك وملكش دعوه بيها خالص فهمت ولا تحب افهمك بطريقتي
سامر بخوف: فهمت
تابعت رهف حديثهم واخذ قلبها يدق من فرحتها بغيره مازن عليها... وما ان انتهي مازن حديثه نهضت رهف وخرجت من الغرفه.. تابع مازن خروجها ثم خرج ورائها
لتقول سميه بخبث ف سرها: ايه ده ازاي مخدتش بالي من مازن قبل كده... واذا كان قاسم منفعش وفلت مني واتجوز ف مازن لسه
خرج مازن وراء رهف وجذبها من ذراعها وقال لها بحده وصوت منخفض: مشفكيش قاعده مع الزفت ده تاني انتي فاهمه.

لتقول رهف ببرود وهي متعمده استفزازه ولكن بداخلها تطير فرحا من غيرته: وانت مين بقا عشان تحدد اقعد مع مين ومقعدش
مسح مازن ع وجهه وامأ براسه وقال: عندك حق مليش اي صفه عشان اتحكم فيكي
واكمل بعدها بتوعد: انا بقا هتجوزك ياارهف وساعتها هكسر دماغك دي... انا هتقدملك يارهف وانتي هتوافقي ولو موافقتيش هخطفك سامعني يارهف والله هخطفك وهتجوزك غصب عنك ومش هيمهني حد
انهي كلامه وتركها وذهب للصاله.

لتنظر رهف لاثره بصدمه ثم وضعت يديها ع وجهها واخذت تقفز من السعاده حتي انتبهت لفعلتها واخذت تلتفت حولها خوفا من ان يكون قد راها ااحد
وبالفعل وجدت شخص كان يتباعها وينظر لها بخبث ومن الواضح انه قد شاهد ما حدث
نظرت رهف بصدمه للشخص وتقول بارتباك: انتي مشفتش حاجه مش كده
حنين: انا سمعت كل حاجه اني افهم حاجه ابدااا ابدا
انهت كلامها ثم علت صوت ضحكاتها هي ورهف
انتهوا من ضحكاتهم فقالت حنين: انا عايزه اعرف كل حاجه كل حاجه.

سحبتها رهف من يديها وقالت لها:تعالي نطلع اوضتي ونتكلم فوق
صعدت حنين معاه للاعلي
جلست الفتاتان ع السرير واخذت رهف تقص عليها كل شئ من البدايه
لتقول حنين بتاثر: ياحياتي كل ده حصلكم
رهف: شوفتي بقا
حنين: شوفت... طيب بس انتي كده مش بتكرري غلطك مره تانيه ولاايه
رهف: انا حاسه كدده فعلا ومش عارفه اعمل ايه
حنين بحكمه: بصي ياستي انا من رائي انك تتجنبيه لحد ما فعلا يتقدملك وعدي الموقف اللي عمله انهاردا لكن لو عمل حاجه تانيه وقفيه عند حده او قولي لقاسم عشان متعديش غلطك تاني تمام
رهف: خلاص تمام انا هعمل كده.

حنين: ماشي.. بس قوليلي بقا لو هو جه اتقدملك فعلا هتوافقي
رهف بسرعه: طبعا يابنتي
ولكن اكملت بعدها: قصدي هفكر يعني
حنين بضحكه: ياواد ياتقيل انت
ضحكت رهف عليها ثم قامت باحتضانه وقالت بحب: شكرا ياحنين بجد شكرا اووي.

حنين وهيا تشدد علي احتضانها: مفيش شكر بين الاخوات ياعبيطه.. ولا انتي بقا مش معتبراني اختك
رهف: لا والله اختي طبعا انا اصلا حبيتك من اول مره شوفتك فيها
حنين بمرح: انا عارفه اني اتحب من اول مره والله
رهف بضحكه: ايه ياابنتي التواضع ده
حنين بضحكه: شكرا شكرا
انهت حنين حديثها واخذت تتحدث مع رهف ف مواضيع مختلفه

ف المساء ف قصر قاسم
اصر قاسم ع مازن ان يقيم الليله ف القصر
فهم عملوا لساعات عديده وبالتاكيد اصبح مازن مراهقاً
كان مازن معترض ف البدايه ولكن تحت اصرار قاسم وافق
صعد قاسم لغرفته دلف للداخل ولم يجد حنين ف تاكد انها عند ادم
فقال قاسم ف نفسه: هربتي مني امبارح ياحنين عشان كنت تعبان لكن انا انهاردا قاعدلك
ابدل ملابسه وجلس ع السرير واخذ يعبث بهاتفه منتظرا حنين.

بعد فتره لاحظ قاسم ان باب الغرفه يفتح ببطء شديد ف اغلق هاتفه وتسطح ع السرير واصطنع النوم
اقتربت حنين من السرير والقت نظره عليه وجدته مغمض عينه ف اطلقت تنهيده وقالت بصوت منخفض: الحمدلله نام
اخذت بيجامتها ودخلت المرحاض ارتدها وجاءت لتخرج من الغرفه لتجد احد يسحبها من ذراعيها لتشهق حنين بشده ونظرت لقاسم بصدمه وقالت: انت مش كنت نايم
تجاهل قاسم سؤالها وقال لها: انا قولت ايه الصبح ياحنين.

حنين ببراءه: مقولتش حاجه
رفع قاسم حاجبيه وقال: والله.. طيب انا هفكرك.. قولت انك متنميش تاني مع ادم وتيجي تنامي جمبي هنا صح
نظرت حنين للاض واومات براسها
قاسم: وانتي كنتي هتعملي ايه دلوقتي
حنين بصوت منخفض: كنت هروح انام مع ادم
قاسم: وانا كلامي مش بيتسمع ليه
حنين ببراءه: طيب هو مش ممكن تسبني ع راحتي واما اتعود عليك اجي انام هنا
قاسم نفيا: لا مش ممكن وااتفضلي ع السرير
حنين بتوتر وسرعه:طيب ادم مستني هروح اقوله.

وجاءت لتخرج منعها قاسم وقال: بطلي شغل الاطفال ده وع السرير وان كان ع ادم انا هروح اقوله
خرج قاسم من الغرفه لتقوو حنين بتوتر: اعمل ايه اعمل ايه.. اه لقيتها انا هنام ع الكنبه هنا
وبالفعل ذهبت الي الاريكه ونامت عليها واغمضت عينها مصطنعه النوم كالاطفال
بعد لحظات دلف قاسم للغرفه وعندما وجد حنين نائمه ع الاريكه تنهد وقال بصوت عالي افرعها: حنين
حنين بفزع وخوف: في ايه.

قاسم بحده: في ان كلامي مش بيتسمع ياهانم قولتلك تنامي ع السرير يبقا تنامي ع الزفت
حنين بدموع: متزعقش كده انا بخاف من الصوت العالي
حاول قاسم تهدئه نفسه عندما راي دموعها
ف اقترب منها وقال بحنيه: مش انتي اللي مش بتسمعي الكلام ياحنين
نظرت حنين للارض وقالت ببكاء: انا مش قصدي مااسمعش كلامك انا بس مش متعوده انام جمبك ف مش عارفه
مد قاسم يده ورفع راس حنين ومسح دموعها وقال بحنيه: طيب اهدي طيب متعيطش وبكره وبعده تتعودي وعادي انا مش بعض والله
ضحكت حنين ع جملته ليبتسم قاسم عليها.

وقام بجذبها من يديها وجلس بها ع السرير وقال لها: نامي ومتخافيش مش هاجي جمبك
اومات حنين راسها بتوتر ونامت ع طرف السرير واغمضت عينها سريعا
ابتسم قاسم عليها ثم نام ع الطرف الاخر
وبعد لحظات سقط كلاهما ف موم عميق
جاء الصباح استقيظ قاسم نظر جانبه ف وجد حنين تنام بطريقه مضحكه ف تبدو وكانها تصارع احد وهي نائمه
مد يده ناحيه وجهها ولكن سحبها عند ما صوت صريخ ياتي من الاسفل
لتستيقظ حنين بفزع قائله: في ايه
قام قاسم من ع السرير بسرعه وقال: مش عارف
نزل للاسفل وارتدت حنين اسدالها ونزلت خلفه
نزل قاسم ووجد سميه ملقاة ع الارض ورهف فوقها وتقوم بشدها من شعرها وبضربها
ليقول قاسم بصوت عالي: رهف ف ايه.

رواية حطمت أسوار قلبي للكاتبة بسملة حسن الفصل السادس عشر

ف صباح يوم جديد
استقيظ قاسم نظر جانبه ف وجد حنين تنام بطريقه مضحكه ف تبدو وكانها تصارع احد وهي نائمه
مد يده ناحيه وجهها ولكن سحبها عند ما صوت صريخ ياتي من الاسفل
لتستيقظ حنين بفزع قائله: في ايه
قام قاسم من ع السرير بسرعه وقال: مش عارف
نزل للاسفل وارتدت حنين اسدالها ونزلت خلفه.

نزل قاسم ووجد سميه ملقاة ع الارض ورهف فوقها وتقوم بشدها من شعرها وبضربها
ليقول قاسم بصوت عالي: رهف ف ايه

فريده بذعر: تعالي ياقاسم شوف مالها مش عارفين نشيلها من ع سميه
سميه بصراخ: الحقني يااقاسم شيلي المتوحشه دي من عليا

رهف بغيظ وهي تشدد ع شعرها: يابنتي بطلي استفزاز هموتك في ايدي والله

قاسم بزعيق: رهف قومي من عليهاا
وبالفعل قامت رهف من اهلها وكان صدرها يعلو ويهبط من الانفعال واخذت تنظر الي سميه بغضب شديد
اما سميه ف قالت ببكاء ودلع اشمئزت منه حنين ورهف: الحقني ياقاسم مش عارفه ااقوم قومني

جاء قاسم ليقترب منها ليساعدها ليجد احد يجذبه من ذراعه ولم تكون سوي حنين قائله: رايح فين انا هساعدها واكملت بهمس: لما نشوف اخره المياصه دي ايه

اتجهت حنين الي سميه مالت عليها ومدت يدها لمساعدتها

لتقول سميه بغيظ: انا عايزه قاسم اللي يساعدني
مالت حنين عليها اكثر وقالت بغضب وغيره مكتومه: قومي معايا احسنلك بدل ما اكمل اللي كانت بتعمله رهف
خافت سميه من تهديدها ف قامت واستندت علي حنين وجلس ع كرسي كان خلفها لتقول ببكاء مصطنع: شوفت يااقاسم رهف عملت ف ايه ده انا ضيفه عندكم تعملوا فيا كده

رهف بصوت سمعه كل الحاضرين: ضيفه تقيله
قاسم بزعيق اخاف رهف وجعل الدموع ترقرق ف عينها: رهف جرا ايه.. انا عايز افهم دلوقتي ايه اللي حصل
رهف ببكاء: ياابيه دي مستفزه وكلامها وافعالها مستفزه
قاسم بنرفزه: ايه اللي حصل بقولك

تحدث مازن اخيرا الذي كان يتابع كل ما حدث بصمت: اهدي ياقاسم

تجاهله قاسم وقال لرهف: انا منتظر اسمع
رهف بتوتر وكذب: امبارح وانهاردا عماله تستفزني ف الكلام وانا فقدت اعصابي ومقدرتش اسكت

قاسم بشك: بتستفزك بتقول ايه يعني
رهف: عماله تقول عليا تخنت وكلام من ده
قاسم: ودي حاجه تستدعي انك تضربيها كده
رهف بتوتر: ما انا بقولك ياابيه فقدت اعصابي ومقدرتش اسكت

قاطع حديثهم صوت مازن قائلا: قاسم انا عايز اتجوز رهف
صدمه حلت بالجميع من حديث مارن
استعوب قاسم كلامه فقال بجديه: والله يامازن الرائ مش رائ انا... الرائ ف الاول وف الاخر يرجع لرهف

رهف بسرعه: وانا مش موافقه
نظر لها مازن بنظره اخافت رهف ولم ياخد قاسم باله من تلك النظره
فقال مازن بغضب مكتوم: ممكن ياقاسم اخد رهف ف الجنينة بره ونتكلم شويه

نظرت رهف لقاسم وتمنت ان يرفض قاسم... ف هي قلقه جدا من مازن خصوصا بعد تلك النظره التي منحها اياها.. وزاد قلقها اكتر عند وافق قاسم

اقترب مازن من رهف واشار له بيده ان تتقدم امامه

نظرت له رهف بتوتر وامات براسها ثم تقدمت امامه
بمجرد ما ابتعد مازن ورهف عن الانظار.. حتي جذب مازن رهف من يديها ومشي بها سريعا حاولت رهف ان تسحب يدها من يده ولم تستطيع فقالت: سبني ياامازن سبني بقا

توقف مازن فجاه وترك يدها وقال لها: اديني سبتك اهوو انا عايزه افهم بقا ايه الجنان اللي قولتيه جوه ده

رهف ببرود اغاظ مازن بشده وجعله يخرج عن شعوره: ف ايه ف اللي انا قولته جنان مش فاهمه

مازن بزعيق: رهف بطلي برود واستفزاز بدل ما والله افقد اعصابي عليكي
رهف بصوت عالي: انت ايه اللي رجعك... فقدت رهف اعصابها واكملت وهيا تدفعه ف صدره: ايه اللي رجعك هاا.. استنيتك 3 سنين بحالهم ولما رجعت عملتني بكل برود وجفاء ولا كانك عرفتني ف يوم من الايام.. والمفروض بعد ده كله بقا اول لما تقولي تتجوزيني اوافق علطول مش كده انهت كلمها ببكاء شديد

اما مازن ف لم يتاثر بدفعتها ابدا ولم يمنعها وتركها تخرج كل غضبها حتي انتهت من كلامه
فقال هو والاخر بصوت عالي: يعني انا دلوقتي ال بقيت غلطان وابن ستين ف سبعين وانتي الملاك البرئ ال مغلطش مش كده... انتي السبب ياهانم انتي اللي جيتي وقلتي انساني يامازن واعتبريني مجرد ذكري حلوه ف حياتك... انتي ال بعدتي يارهف عني وانتي كنتي عارفه ازاي كنت متعلق بيكي لكن مهمكيش كل ده ومع اول مشكله حصلتلنا اختارتي البعد يارهف...

رهف: وانت ليه معافرتش عشاني... ليه محاولتش مره واتنين وعشره عشاني
مازن بعصبيه: انت مش مستوعبه كلامك ده كان عمل فيا ايه ساعتها مش كده... انا هقوولك انتي ساعتها يارهف كسرتي اي امل جوايا... كسرتي فرحتي بيكِ يارهف.. انا من ساعه اللي حصل وانا بتمني الموت كل يوم عشان مبقتش حابب الدنيا دي ولا حابب العيشه فيها... واكمل بعدها بسخريه: وواضح كده اني هفضل مُصر ع الدعوه دي.

تحرك مازن ليرحل ولم يكمل خطوتين حتي جذبته رهف من يده قائله بغضب: عشان تعرف انت اللي بتهرب ومش بتعافر عشاني ده انت حتي مسالتنيش مره تانيه اذا كنت وافقت ع الجواة ولا مش موافقه

جذبها مازن من ذراعها وقربها منه وقال بصوت عالي: بطلي تلعبي باعصابي يارهف بطلي تديني امل وتاخديه مني تاني

ظلت رهف تنظر الي وجهه وفي لحظه توسعت عينها بشده جعلت مازن يستغرب بشده ولكن ما جعله يضحك عندما قالت رهف بنبره مضحكه: ياماما شكلك يخوف اووي من قريب

ضحك مازن عليها وعلي تصرفاتها تلك وقال بابتسامه: انتي بتعملي ايه بس

رهف بابتسامه: ولا حاجه

مازن بتذكر ومكر: اه صحيح انتي ايه اللي عملتيه ف سميه جوه ده
رهف بغضب وغيره: ايه البيه زعلان عشانها ولاايه

ابستم مازن بخبث وقال: وده بقا اعتبره غيره ولاايه
رهف بتوتر: غيره ايه وانا هغير ليه ان شاءالله

مازن بمكر: والله مش عارف اسالي نفسك
رهف بارتباك: انا عملت كده عشان هي وقحه وكان لازم حد يوقفها عند حدها هو ده السبب
واكملت بعدها: وبعدين ابعد بقا انت قريب كده ليييه

مازن بابتسامه: هحاول اقنع نفسي
واكمل بجديه: دلوقتي انا عايز اعرف ردك يارهف

رهف بمرح: سبني افكر يااستاذ انت وكفايه رغي بقا عشان ورايا مشاغل وقتك خلص
ثم رفعت راسها بكبرياء ودلفت للداخل
ضحك مازن ع تصرفتها وذهب ورائها
دلف لداخل القصر ولم يجدها فاستنتج انها صعدت للاعلي فقال لقاسم: طيب ياقاسم شوف رائ رهف ايه وانا منتظر

قاسم: ماشي يامازن وربنا يقدم اللي فيه الخير
مازن: ماشي ياصاحبي انا دلوقتي هروح اغير هدومي وابقاا اقابلك ف الشركه ان شاءالله
قاسم: ماشي يامازن وانا كمان هطلع البس واروح ع الشركه
مازن: تمام يلا سلام
قاسم: مع السلامه

اما عند رهف انتهت من حديها مع مازن ودلفت للداخل وصعدت ع غرفتها بسرعه ومجرد ما ان راتها حنين حتي ذهبت ورائها
دخلت رهف الغرفه ودخلت حنين وراءه وقالت بفضول وصرامه مزيفة: حالا ياهانم اعرف ايه ال حصل

رهف بضحكه: ايه يابنتي شغل المحقق كونان ده
ضحكت حنين ع جملتها وقالت بعدها: يلا بقا بجد احكيلي مش داخل دماغي انا الحجه اللي قولتيها لقاسم ده
رهف: هحكيلك بصي ياستي

فلاش بااك
استيقظت رهف من نومها قامت بروتينها اليومي بعد استيقظها من النوم كل يوم
ثم ابدلت ملابسها الي ملابس اخري ونزلت للاسفل
دلفت للصاله فوجدت ما جعل وجهها بحمر من الغضب وصدرها يغلي من الغيره

فوجدت سميه مقتربه من مازن جداا وهي تلعب ف ازار قمصيه وكانت تقول شئ ولكن لم تسمعه رهف بسبب صوت سميه المنخفض... كاد مازن ان يبعدها عنه ويعنفها ع فعلتها ولكن تولت رهف هذه المهمه وقامت باسقاطها ارضا و بضربها حتي نزل قاسم واوقفها

بااااك
ضحكت حنين بشده وقالت: الله الله ده احنا بنغير اهوو
نظرت لها رهف يغيظ وجذبت الوساده من جانبها وضربت حنين بشده جعلت حنين تصرخ وتضحك بشده ف نفس الوقت

رهف بصراخ: بت بطلي ضحك متعصبنيش
حنين بضحك: اسفه اسفه
دخل عليهم قاسم فجاه وقال بصرامه: ايه الصوت العالي ده ياهوانم
وقف كل من رهف وحنين: اسفين

قاسم: اول واخر مره ووجهه نظره الي حنين وقال: انا رايح الشركه عايزه حاجه
هزت راسها نافيه وقالت: لا شكرا
رهف بسرعه: ابيه ابيه انا عايزه

قاسم بابتسامه: عايزه ايه
رهف بطفوله: عايزه شبسي وكيكات كتير وايس كريم كتير هاتلي بطعم الفروله والشكولاته واهم حاجه بقا كام مصاصه
تدخلت حنين بطفوله ايضا: وشكولاتات اهم حاجه
رهف وهيا تخرج لحنين لسانها: انتي مش هتاكلي حاجه معايا مش انتي كنتي قاعده تضحكي عليا مش هاكلك معايا حاجه ولا هديكي اي حاجه

حنين بطفوله اضحكت قاسم: انتي كده طماعه لو كلتي ده كله لوحدك هتبقي طماعه
رهف: ااه انا طماعه وبعدين ما تطلبي انتي من قاسم عايزه تاكلي من حاجتي ليه

حنين: احنا كده هنلكف قاسم كتير ف ايه يعني لو كلنا مع بعض...
تابع قاسم حديثهم بدهشه من تصرفاتهم
وتدخل قائلا: بس انتي وهي ايه شغل الحضانه ده.. ده ادم اعقل منكم انتو الاتنين
واكمل بعدها وهو يوجه حديثه لرهف: وبعدين ايه ده كله ياابنتي انتي هتعملي حفله

رهف بتوسل: ارجوووك ياابيه بلييز بليزز هاتلي الحاجات دي
قاسم بابتسامه: حاضر ياحبيبتي
اتجهت رهف الي قاسم واحتضتنه وقالت بحب: ربنا يخليك ليا يااحلي ابيه ف الدنيا كلها

شدد قاسم ع احضانه وقال بحنان: ويخليكي ليا ياحبيبتي
تابعت حنين هذا المشهد وقد ترقرقت الدموع ف عينيها فكم تمنت ان يكون لديها اخ يعملها بحنان ولطف كما يفعل قاسم مع رهف
خرجت حنين من الغرفه دون ان يلاحظ احد

اما قاسم ف اخرج رهف من احضانه وقال بجديه وحنان: بصي ياحبيبتي بالنسبه لمووضوع مازن ف عايزك تفكري كويس اووي وتصلي اشتخازه وتقوليلي رايك سواء موافقه او لاء... وانا عن نفسي ف انا موافق جدا مازن راجل يعتمد عليه وهيحميكي من نفسه حتي وفوق كل ده بيحبك ياحبيبتي يعني انا اديله اختي وانا مغمض عيني بس ف الاول والاخر القرار قرارك ف شوفي وردي عليا

امات رهف راسها بخجل وقالت: حاضر باابيه
ابتسم لها قاسم وادر وجهه ليحدث حنين ولكت لم يجدها
فقال باستغراب: امال فين حنين
رهف: مش عارفه دي كانت واقفه هنا دلوقتي
قاسم: انا هروح اشوفها يمكن راحت الاوضه
رهف: ماشي ياابيه

خرج قاسم من غرفه رهف واتجه الي غرفته هو وحنين
دلف ووجد حنين جالسه ع السرير تضع يدها ع وجهها وجسمها يهتز يدل ع بكاءها
ف اتجه قاسم اليه واستند ع ركبيته وابعد يدها عن وجهها ليجد الدموع مغرقه وجهها ليقول برفق وهو يمسح دموعها: مالك بتعيطي ليه

نظرت حنين لعينيه فتره ثم عادت للبكاء مره اخري
فقال قاسم مهدئا اياها: اهدي طيب اهدي و قوليلي في ايه

حنين ببكاء: مفيش بس كنت بتمني يكون ليا اخ ويكون سند ليا ف الدنيا وحنين عليا زي ما انت حنين ع رهف كده... اكيد كانت هتكون في حاجات حلوه ما بينا ونتخانق ع اتفه الاسباب والحاجات اللي دايما بسمع عنها وبشوفها دي
وقف قاسم وقام بجذبها الي احضانه وقال: طيب اهدي طيب
شددت حنين ع حضنه وزادت ف البكاء
تركها قاسم تخرج ما بداخلها ولم يفعل شئ سوي انه يربت ع ظهرها برفق ويقول لها كلمات مهدئه
وبعد فتره خرجت حنين من حضنه ومسحت دموعها وقالت بصوت مبحوح من البكاء: شكرا

قاسم بمرح وهو يحاول ان يخرجها من تلك الحالة
بعد ايه يااستي القميص كل اتبل من عياطك اروح انا الشركه ازاي بقا

حنين بابتسامة صغيره للغايه: اسفه
قاسم بمرح: ماشي قبلت اعتذارك
ثم اقترب منها وقبل جبينها ومسك جهها بيده وقال بحنان: ممكن بقا تعتبريني انا اخوكي وابوكي وجوزك واي حاجه انا موجود انا سندك ياحنين اعرفي كده

حنين: اكيد.. بعتذر مره تانيه ع النكد ده بس معلش جات فيك انت المره دي
قاسم: ولا يهمك ياستي وانا دايما موجود ف الخدمه لو حاسه ان هرمون الكئابه عالي عندك ف يوم تعالي انا وحضني موجود اصل انا لاحظت ان حضني عجبك
نجح قاسم ف اخرجها من حزنها
فقالت رهف بغضب طفيف: ايه قله الادب... انا بقا علفكره معجبنيش حضنك ولا حاجه انا بس مكنتش واعيه انا بعمل ايه عشان كده ده حصل

جذبها قاسم من خصرها وقربها منه وقال بمكر وصوت رجولي اذاب حنين: امم يعني تنكري ان حضني معجبكيش

حنين بتوهان: هاا
ضحك عليها قاسم وتركها وقال وهو يضحك: لا انا كده وصلتني الاجابه
قالت حنين بتوتر: علفكره بقا انت ااانت

قاسم بضحك: اهدي اهدي متتوتريش اوي كده انا ماشي اهو مفيش داعي للتوتر
خطف قبله من وجنتيها وقال: سلام ياحنون
خرج قاسم من الغرفه فجلست حنين ع السرير مره اخري وقالت بتوهان: يخربيتك يااقاسم انت بتعمل فيا ايه

بعد فتره
خرجت حنين من غرفتها واتجهت الي غرفه جدتها
دقت الباب ودلفت للداخل
حنين بمرح وهي تحضنها: نونو وحشتيني اسفه ياحبيبتي اني اهملتك اليومين ال فاتوا بس زي ما انتي شايفه
انعام بابتسامه: ولا يهمك ياحبيبتي... قوليلي بس عامله ايه مع قاسم

حنين بشرود: والله ياتيته مش عارفه
انعام باستغراب: مش عارفه ازاي يعني
حنين بتنهيده: بقيت بحس بحاجات معاه بحسها لاول مره... عارفه ياتيته حتي محستهاش مع احمد قبل كده... بحب اقعد واتكلم معاه كده... مش عارفه ايه ال بيحصلي ده ياتيته

انعام بحب: بتحبيه ياقلب تيته
حنين بصدمه: ايه بحبه ازاي يعني
واكملت بعدها نافيه: لا اكيد مش كده انا ممكن بحس اتعلقت بيه شويه لكن مش حب لا
انعام بابتسامه: والله بكره وبعده نشوف اذا كان حب ولا تعلق
حاولت حنين الهروب من هذا الحديث ف اخذت تتحدث ف مواضيع مختلفه

ف المساء دخل قاسم القصر وهو حامل ف يده اكياس كثيره
دلف اولا الي غرفه رهف واعطاه ما طلبته منه صباحاً... اخذت رهف تشكره وتحضنه من سعادتها بتلك الاشياء
انتهي مع رهف ثم دلف الي غرفته هو وحنين

دخل ووجد حنين تقرأ وردها من القرآن ف توقفت حنين عن القراءه عندما رات قاسم ف اتجهت اليه بابتسامه وقالت: حمدلله ع السلامه

قاسم وهو يبدالها الابتسامه: الله يسلمك
اعطاه الاكياس التي كانت بيده وقال: خدي ياستي اي خدمه

فتحت حنين الاكياس فنظرت فيهم ثم اتسعت عينها بصدمه وفرحه: الله كل ده ليا
ثم اتجهت الي السرير وافرغت الاكياس ع السرير واخذت تتفحص الاشباء التي جلبها قاسم بفرحه نظرت له وقالت: الله كل ده ليا... بجد شكرا شكرا اوووي

قاسم بابتسامه: العفو.. كل الفرحه دي عشان شويه شكولاتات
حنين بسرعه: ااه طبعاا
واكملت وهي لم تعي معني حديثها: ده انا لما كنت بطلب من احمد الحاجات دي كان بيقعد يقولي بطلي شغل اطفال وو
قاطع كلامها عندما جذبها قاسم من ذراعها قائلا بغضب: اسم اي راجل تاني يجي ع لسانك هقطعه سامعه... انا مش كيس جوافه عشان تذكري اسم طلقيك او اسم اي راجل تاني ع لسانك
حنين باسف: اسفه والله اسفه مش قصدي حاجه والله

ترك قاسم ذراعها وجاء ليخرج من الغرفه ولكن حنين وقفت امامه وقالت بتوسل وهي تمسك يده: ارجوك متزعلش مني ياقاسم انا مكنش قصدي والله سوري اسفه والله اسفه

قاسم: اول واخر الموضوع ده يحصل
حنين بوعد: اوعدك والله انا مش هكرر الموضوع ده تاني اوعدك
قاسم بتنهيده: ماشي ياحنين
حنين: يعني انت مش زعلان
قاسم بابتسامه: لا خلاص مش زعلان

حنين بفرحه: اشطا.. اروح انا اكل الحاجات دي بقا مع ادم
قاسم بابتسامه: ماشي.. بس متكتروش منها
حنين بابتسامه: حاضر
اتجهت حنين الي السرير وقامت بتعبئه الحلويات مره اخري... انتهت من تجميعهم ثم احتضنتهم بشده: حبايبي
ضحك قاسم عليها وقال: ايه يابنتي مالك
حنين: فرحانه بيهم اووي... يلا سلام بقا

اتجهت حنين الي غرفه ادم واخذت تلعب معه وبعد مده ليست قصيره انتهت من اللعب والحديث مع ادم ف اتجهت الي غرفتها ونامت ع السرير ولم تاخد دقائق وغرقت ف نوم عميق
دخل قاسم الغرفه بعد انتهاءه من عمله بالمكتب وابستم عندما وجد حنين نائمه قبلها من جبينها ثم نام ع الجانب الاخر

ف صباح يوم جديد
استيقظت حنين من نومها نظرت جانبها ولم تجد قاسم ف قالت انه بالاسفل دلفت للمرحاض ثم خرجت وادت فرضها وبعد ذلك ابدات ملابسها ثم نزلت للاسفل

دلفت الي غرفه الطعام وقالت: السلام عليكم
رد جميعا عليها السلام
وقالت فريده بعدها: يعني انعام لسه نايمه ياحنين هي سهرت امبارح ولاايه

حنين باستغراب: لا تيته نامت بدري امبارح... انا هروح اصحيها
فريده: ماشي ياحبيبتي
صعدت حنين الي غرفه جدتها انعام
ودلفت للداخل ولكن وجدت جدتها ملقاه ع الارض
ف اتجهت عليها حنين وقالت بذعر: تيته تيته فوقي
واكملت بعدها ببكاء: لا ياتيته عشان خاطري لا ارجوكي اصحي ارجوكي متسبنيش زيهم
ثم صرخت بعدها بصوت عالي افزع من بالاسفل: قاااااسم.