ف بيت عمر يسرى: تعالى يا هبه ادخلى هبه: لا يا طنط انا جايه ابص ليكى حضرتك كنتى عايزة حاجة يسرى: ههههه ودة من امتى دة هبه: شكرا عن اذنك وخرجت هبه يسرى: ايه المجنونة دى ... البت دى مش طبيعية احمد: ايه يا يسرى بتكلمى نفسك يسرى: لا البت هبه بقت غريبة اوى وكل شوية تطلع وتسالنى ع اخبار عمر تكونش بتحب ابنك احمد: عيب يا ام عمر متجبيش سيرة حد حرام تظلمى البت يسرى: مااشى يا ابو عمر وهتشوف وعدا اليوم هكذا بسلام وجاء يوم الخميس
عند عمر عمر يتصل بيوسف ليستعجله عمر: ايه يابنى انت رجعت فى كلامك ولا ايه يوسف: لا طبعا بس معنديش مانع عمر: مش وقت هزارك دلوقتى يوسف: ايه مالك عمر: خااايف اوى يوسف: يابنى انت رايح امتحان انجليزى عمر: خفة واشمعنا انجليزى يوسف: اهو كيفى كدة عمر: عااارف انا رجعت فى كلامى انا قررت اروح لوحدى يوسف: لا لا اللى بيرجع فى كلامة يبقى ... عمر: يبقى اييييه يوسف: ولا اى حاجة عمر: استعجل يااااه يوسف: عارف انا تحت بيتك بالعربية عمر: بكل هزارك دة يوسف: ماشى انا كداب بص من البلكونة كدة عمر: خلاص حالا واكون جمبك فى العربية يوسف: طويب quikly عمر: what ؟ يوسف: مش وقت واتوتة ههههههعههههههه عمر: يلا يا ماما يلا يا بابا استعجلو شوية يوسف تحت بالعربية فخرجت الام وخرج الاب الام: احنا جاهزين يلا احمد وعمر: يلا الام: استنو استنو عمر: ايه تانى دخلت الام مسرعة الى المطبخ ثم خرجت وبداءت ترمى ع ابنها ملح عمر: ايه اللى بتعمليه دة يا ماما يسرى: دة عشان الحسد يا حبيبى احمد: ههههههه والله تخاريف عمر: طب كفايه ... كفايه يا امى احمد: يا وليه خلاص هنروح للناس والواد مملح هههههههههههه عمر: اااااااااه عينى يسرى: يالهوى ابنى طيب متلعبش فيها عمر: بتحرقنى بتحرقنى يسرى: تعالى اغسل وشك دخل عمر مسرعا الى دورة المياه واغسل وجهة جيدا ولكن عينة مازالت متحوله للون الاحمر يسرى: يا حبيبى يابنى احمد: خلاص يلا اتاخرنا ونزلو جميعا
فى الشارع
يوسف خرج من العربية يوسف: كل دة تاخير احمد: معلش ادينا نزلنا يوسف: ايه دة عينك حمرا ليه ياااد احمد: ههههههههههههه نظر عمر ليوسف وقال عمر: هو باين اوى يوسف: يعنى بس اى حد يبصلك هيشوف يسرى: تعالى اجبلك قطرة من الصيدليه عمر: لا والنبى يا ماما هنتاخر يوسف: هو ايه اللى حصلك عمر مقلدا: طنط يسرى رشت عليا ملح قال ايه عشان الحسد يوسف: ههههههههههههه احمد: ههههههعهههههههه يسرى: انا غلطانة وبردة مش هنروح غير لما اجبلك قطرة
عند نيرة تقف امام المرايه وتتخيل العرريس الذى تعتقدة يوسف عندما يدخل ليطلب ايديها نورهان: انا حاسة انك فيكى حاجة نيرة: خايفة شويه نورهان: انتى هتاخدى حقنة لتدخل الام سامية وتقول ساميه: خلصتى لبس ؟ نيرة: اه خلصت ساميه: كووووويس ... مالك وشك عامل كدة ليه ؟ نيرة: هو انا لازم اطلع يا ماما ساميه: ايوة طبعا امال اهل العريس هيشفوكى امتى يوم الفرح نيرة: مش قصدى بس انا مكسوفة اوى ساميه: بقولك ايه انا مش فاضية لسهوكة البنات دى اول ما الناس تيجى بعدها بخمس دقايق تجيبى صنية العصير وتطلعى نيرة بزعل: حاااااااضر نورهان: متخافيش توكلى على الله نيرة: ونعمة بالله
فى الصيدليه
عمر: سلامو عليكو الدكتور: وعليكم السلام اؤمر عمر: الامر لله وحدة وكاد عمر ان يتكلم لكن الدكتور اوقفة عمر: كنت عاي... الدكتور: ايه دة حضرتك عينك حمرا جدا لازم تاخدلها قطرة احمد: ههههههههههههه عمر نظر لابية بغضب: بس يا بابا ثم اكمل متوجها للدكتور عمر: ماانا جاى لحضرتك يا دكتور عشان اشوفلها حاجة يسرى: اه والنبى يا دكتور شوفلو حاجة شديدة لحسن احنا رايحين نتقدم لواحدة وماينفعش نروح بالمنظر دة عمر: فى ايه يا ماما ماتحكيله ع القصة كلها احسن ... وبعدين انتو ايه اللى جابكو ماتخليكو فى العربية هو انا صغير الدكتور: حصل خير بس ممكن اعرف ايه اللى حصلها عمر: دخل فيها ملح غصب عنى الدكتور: مش معقول الملح يعمل كل دة الا اذا كانت كميه دخلت فى عينك عمر: بالظبط كدة يا دكتور الدكتور: كميه ملح ! ازاى دخلت كل الكميه دى عمر: خلاص يا دكتور ثم نظر لامة وقال الله يجازى اللى كان السبب الدكتور: اتفضل حضرتك القطرة اهى عمر: شكرا
ثم خرجوا من الصيدليه وركبو العربية جلس احمد بجوار يوسف وعمر بجوار يسرى وذهب يوسف بالسيارة كان فى نفس ا لوقت عمر ييحاول ان يضع القطرة فى عينة ولكن لم يستطيع لسرعة حركة السيارة عمر: ماتقف بقا يا عم يوسف مش عارف احط الزفتة يوسف: اهدى يا عمر انت منفعل كدة ليه يسرى: هااات انا هحطهالك عمر: يا ماماهو انا صغير هاتى القطرة دى يسررى: لالا انا اللى هحطهالك احمد ويوسف: هههههههههههه ههههههههههههه عمر: عجبتكو اوى هى نكتة احمد: عايزنا نعمل ايه ؟ صممت يسرى ان تضع لعمر القطرة فى عينة عمر: مش هتعرفى يا ماما يسرى امسكت براس عمر ووضعتها على فخدها احمد ويوسف: ههههههههههه هههههههههههههه عمر: ايه يا ماما دة يسرى: شششششششش افتح عينك عمر: لالالا يا ماما مش هينفع اللى بتعمليه دة احنا فى الشارع الناس بتبوص علينا يسرى: محدش بيبوص يلا افتح عينك واخذ عمر يجادل مع امة حتى وضعت الدواء فى عينة
عند نورهان ونيرة ابراهيم: الناس اتأخرو اوى ساميه: اه فعلا ماتتصل بيهم ابراهيم: طيب استنى ساميه: لالالا اوعى تتصل لحسن يقولو مدلوقين عليهم ولا حاجة ابراهيم: خلاص مش هتصل ساميه: ولا اقولك ابراهيم: خلالالالالالالاص يا ساميه مش هتصل هم جايين ان شاء الله ف هذا الوقت كان جرس الباب يرن ساميه: اهم جم افتح انت وانا هقول حاجة لنيرة واجى ابراهيم: اوك دخلت ساميه الى ابنتها ثم فتح ابراهيم لهم الباب ابراهيم: اهلا اهلا اتفضلو سلم ابراهيم ع عمر ثم دخل والدة ثانيا والدتة ثالثا ويوسف رابعا وبداء عمر بتقديم عائلتو له عمر: دة بابا احمد حسين ابراهيم: اهلا وسهلا اتفضل احمد: يزيد فضلك عمر: ودى والدتى ابراهيم: اهلا وسهلا يسرى: اهلا بيك ابراهيم: دة اكيد اخوك مش كدة عمر: هههه لا دة زميلى وصديقى وكل حاجة يوسف ابراهيم: اهلا بيك يا يوسف يوسف: شكرا يا عمى ثم دخلو جميعا وجلسو ابراهيم ينادى على ساميه ابراهيم: يااااا ام نيرة ساميه: ايوة ثم دخلت لهم ساميه وبداءت تسلم عليهم ثم جلست ابراهيم: اهلا وسهلا الجميع: اهلا بيك ابراهيم: نورتونا احمد: الله يخليك نااداه ابراهيييم على سامية ابراهيم: ام نيرة تعالى الضيوف جم
فى هذا الوقت كانت ساميه فى اوضة ساميه: الناس جم متتاخريش ها نيرة: حاااضر وقد سمعت سامية ابراهيم ينادى عليها ساميه: ايووة خرجت ساميه للضيوف ساميه: اهلا اهلا اخذو يتعارفون على بعضهم ساميه: ايه يا عمر انت موطى وشك فى الارض ليه يسرى: اصل انا ابنى خجول ساميه: لا لا متتكسفش احنا خلاص ان شاء الله هنبقى اهل ارفع راسك يا حبيبى رفع عمر راسة ونظر لساميه شهقت ساميه عندما راتة ساميه: انت عينك حمرة كدة ليه عمر نظر ليسرى والدتة بغضب عمر فى نفسه: اقولها ايه دى بقا عمر: اه دة دخل فى عينى حاجة ساميه: طيب متسبهاش كدة تحب اجبلك قطرة عمر: لا لا يا طنط متتعبيش نفسك ساميه: ولا تعب ولا حاجة اصلا القطرة جوة يسرى: لا متشكرين جدا انا لسه حطاله قطرة قبل مانيجى يوسف ماسك نفسة من الضحك بالعافية ابراهيم بصوت منخفض متوجة الى ساميه: احم البت اتاخرت ليه ساميه: مش عارفة انا قولتلها متتاخريش ابراهيم: طب روحى شوفيها ساميه: حااضر يسرى: هو احنا مش هنشوف عروستنا ولا ايه ساميه: لا لا هى زمانها جايه ثوانى استاذن انا
فى غرفة نيرة ونورهان
ساميه: ايه يابنتى مش قولتلك بعد مايجو تطلعى نورهان: الحقينى يا ماما عماله اتحايل عليها مش رادية تطلع ساميه: يالهوووى الناس برررة ااقولوهم ايه نيرة: يووووووووووه بقا يا ماما انا مش هطلع ساميه: بت انتى بطلى استعباط ويلا خدى صنية الحلويات والعصير واطلعى نيرة: بس انا مكسوووفة اوى يا ماما ساميه: انا مش فاضية لدلع وسهوكة البنات دى اخلصى الناس برة نيرة بزعل: حاضر ذهبت ساميه للضيوف وذهبت نيرة للمطبخ واخذت الصنية وخرجت بهدووووء تنظر الى الارض بكسووف
نظرت امامها رأت يوسف ابتسمت ولكنها لم تعلم ان المتقدم هو عمر نظر يوسف لها ولكنة اتصدم قال فى نفسة: يعنى ايه يعنى صاحب عمرى يطلع بيحب وجاى يخطب البنت اللى انا معجب بيها لالا مستحيل نظرت يسرى اليها وقالت: ما شاء الله زى القمر تعالى يا حببتى جمبى نيرة بصوت خفيض: حاضر ثم جلست بجوار يسرى كان عمر فى غاية كسوفة ولكنة لم ينظر لنيرة ابدا يسرى: ما شاء الله بتعرف تختار كويس يا عمر نيرة فى نفسها: الله تؤتؤهو اسمة يوسف ولا عمر انا اتلغبط وبعدين هى مامتة موجهة كلامها للتانى دة ليه ساميه: طبعا انا بنتى اخر ادب وجمال انا مربايها كوويس دى ترتبيتى انا ابراهيم: احنا ممكن نسيب العروسة والعريس يتكلمو مع بعض شوية وبعدين نشوف ونتفق احمد: اه اه اكييييد
ساميه: تحبو نقعد فى البلكونة ولا ايه عمر: احم اى حاجة يا طنط ساميه: ماشى ياحبيبى خدى عمر يا نيرة ووصليه للبلكونة نيرة: حااضر وتوجة كلامها ليوسف وتقول نيررة: اتفضل حضرتك يسرى: ههههههه لا مش دة العريس بحلقت نيرة بشدة وقالت: امال مين ؟ يسرى: روح يا عمر معاها قام عمر ونظر لها ولكنة اتصدم عمر فى نفسة: لالالالالا مستحيل مش دى اللى بحبها مش هى نهار اسود عليه انا شكلى غلط فى العنوان بس اازاى انا متأكد وفاق من شرودة عندما قالت له نيرة بصوت مزعج ومدايق: اتفضل واتجهو نحو البلكونة جلس عمر ثم نيرة نيرة: احم ازيك عمر: اه الحمد لله نيرة: دايما عمر: وانتى عامله ايه ؟ نيرة: اه انا كويسة ابتسم عمر لها ثم انتقل لشرودة عمر فى نفسة: هى هى نفس البلكونة اللى كانت بتقف فيها هنا مستحيل اكون غلط فى العنوان فاق عمر بعد تفكير 10 دقايق ثم قال: هو هو انتى فى سنة كام نيرة: انا فى 1 كليه عمر: امممم كليه ايه بقا نيرة: كليه سياسة واقتصاد عمر: ماشاء الله ربنا يوفقك نيرة: يااارب ... تحب نخرج عمر: اه ياريت خرجو سويا ثم ذهبو للصاله وجلسو احمد: ايه رايك يا عروسة فى عمر نيرة: ربنا يخليهولك يا عمو الجميع ماعدا يوسف وعمر: ههههههههههههههه وبعد الكلام الكتير والاتفاقيات ذهبووو جميعا
فى العربية
مازال يوسف فى شرودة وعمر الاخر ظل فى شرودة يفكر لمعالجة هذا الفخ الذى وقع فيه يسرى: شكل الناس دول كويسين اوووى احمد: فعلا والبنت مؤدبة جدا يسرى: اسكت طلعت امها بتعمل الاكل نفس طرقتى انا استريحت ليهم اوى احمد: وانا كمان ربنا يتمملكم ع خير يا رب يا بنى يسرى نظرت لعمر وقالت: عممرررر انت روحت فيين فاق عمر من شرودة احمد: تلاقيه واقع هههههههه يسرى: هههههههههه وبعد فترة قصيرة من الوقت وصلو الى بيتهم وكانت هبه تنظر من البلوكة فى انتظارهم عمر: مش هتطلع يا بنى يوسف: لا انا هروح
عمر: يوسف انا عايز احكى معاك شويه يوسف: لا انا تعبان دلوقتى ي عمر سبنى فى حالى عمر: ع راحتك بكرة هتروح الجامعة يوسف: انصحك ولا تتصل بيا بكرة وتجيلى البيت عمر: انت زعلان منى فى حاجة يوسف: لا بس انا هاخد اجازة من نفسى ومن كل حاجة فى الدنيييييا وعشان اريحك ادى الموبايل اغلق يوسف الهاتف عمر: انت بتكلمنى كدة لييييييه ؟ يوسف: وحيات ابوك انا مش ناقص خناق انا تعبان جدا وعايز اريح ثم دور يوسف مفتاح العربية وقال يوسف: تصبح ع خير يا صاحبى وذهب بالسيارة استغرب عمر كثيرا من اسلوبة ولكنة علم ان اهلة صعدوا لبيتهم فقرر الذهاب الى البحر يجلس ويفكر هو الاخر ثم ذهب للبحر جلس يفكر ماذا حدث اليوم !؟ اننى لم اعلم كيف حدث هذا ... هل هى ذاك البنت اللى احبها هل هى ؟! لا ااعتقد ذلك ولكنة قرر فى صباح الجامعة يجلس معها ويقول لها ع الحقيقة وذهب للمنزل وعندما صعد اخبر والدتة انه اتقدم لها بالخطا يسرى: نعم ؟
يسرى: نعم ؟ عمر: زى ما قولتلك بالظبط يسرى: ومقولتش ليه جاى تقول دلوقتى عمر: انا مكنتش اعرف غير لما شوفتها انهاردة يسرى: عايزنى ااعمل ايه ؟ عمر: نقولهم قبل مايردو علينا يسرى: لالالالا مينفعش انت فاكرها حاجة عادية خرج احمد وقال: يعنى ايه اللى بتقوله دة ؟ عمر: انا والله معرفش انا ايه اللى حصلى بس متاكد دة نفس البيت وربنا احمد: لا لا انت بتستعبط انا مقدرش اتصل بيهم واقولهم حاجة زى كدة عمر: امال ااانا اعمل ايه طيب يسرى: طيب متخليك معاها وكملو عمر: لا يا ماما انا بحب بنت تانيه وفكرة انى افضل معاها دى يبقى حرام عليا اتجوزها ع غش يسرى: مش يمكن ربنا عمل كدة عشان تحبو بعض وتتجوزو عمر: لا لا بصى خلاص انا هتصرف احمد: خد هنا انا بنصحك لو عملت حاجة او تصرف غلط انت حر انت دلوقتى راجل عمر: حاضر يابابا ... تصبحو ع خير يسرى: يعنى ايه هتسيبو يعمل اللى هو عايزة عمر: ابنك كبير يا يسرى سبية هو عارف مصلحتة فين
اما عند يوسف وقف بسيارتة امام الفيلا ثم جلس يفكر كثيرا حتى ان اصابت راسة بصداع قوووى من كثرة التفكير وبكاءة وبعد فترة طويله من الوقت دخل فلتة راتة والدتة هاله هاله: اتاخرت ليه يا حبيبى يوسف: كنت ... كنت مع عمر هاله: اه اتقدم للبنت خلاص يوسف نظر بحسرة: اه خلاص خلاص اتقدم احست والدتة بة فتابعت نظراتة ثم قالت: حبيبى مالك يوسف: مفيش يا ياماما عندى صداع هاله: يالهوووى صداع استنى اجبلك مسكن يوسف: ياريت ياماما لحسن هموووت هاله: بعد الشر يا حبيبى ثوانى اجبلك الدواء وجايه ثم جرت والدتة واخذت المسكن ثم ركدت اليه بسرعة ومعها ماء هاله: اتفضل يا حبيبى يوسف: شكرا يا ماما هاله: العفووو يا حبيبى بالشفا واخذت منة المياه ووضعتها على الترابيزة ثم قالت: مالك بقا يوسف: ماانا قولتلك عندى صداع هاله: تؤتؤ حاجة تانية يوسف: حاجة تانية زى ايه ياماما هاله: انت اللى تعرف يلا اعترف يوسف: بصراحة يا ماما البنت اللى اتقدملها عمر ... سكت يوسف لانة ليس متعود ان يحكى لوالدتة عن اسرارة ولا يريدها ان تعرف لانها هتخبر عمر بالحدث هاله: ها كمل سكت ليه يوسف فى نفسة: اقولها ايه اقولها ايه يوسف: البنت اللى اتقدملها عمر... هاله: ههههه ياابنى كمل بتيجى عجمله دى وتسكت يوسف: اه اه صح طلعت معانا فى الجامعة هاله: والله المفروض اصدق يوسف: طبعا لازن تصدقى عشان دى الحقيقة هاله: الحقيقة هه الحقيقة فيها ان
تانى يوووم فى الجامعة تجلس نورهان ونيرة فى الكافتيريا لتجد عمر امامها عمر: لو سمحت يا نيرة عايزيك دقيقة نيرة: لو هتسالنى ع ردى انا لسه مفكرتش عمر: لا دة موضوع تانى نيرة: مينفعش يا استاذ عمر عمر: ارجوكى لازم احكى معاكى نيرة: مش معنى انك اتقدمتلى يبقى تفتكر هكلمك عادى لا انا لسه مقولتش ردى عمر: طيب خدى اخر كلامى هى دقيقة مش هاخد منك وقت كتير دة موضوع مهم جدا نورهان: طيب روحى شوفى عايز ايه يا نيرة نيرة: اوووك انا موافقة ... خليكى هنا متتحركيش نورهان: اوك ذهبت نيرة مع عمر عمر: انا اسف ع طريقتى نيرة: ولا يهمك ممكن تحكى الموضوع المهم اللى حضرتك عايزنى فيه عمر: حاضر بصى انا مش عارف هقولك ازاى بس الموضوع دة مينفعش اسكت عليه نيرة: قلقتنى عمر: بصى انا عارف انى هجرحك بكلامى دة بس ربنا يستر نيرة: اتفضل احكى مت غير لف ودوران عمر: من غير لف ودوران كدة انا جيت اتقدمتلك بالغلط نيرة: نعمممممم عمر: انا اسف جدا بس والله مقصد نيرة: اتفضل كمل عمر: انا كنت جاى اتقدم للبنت اللى قاعدة معاكى هناك دى بس انا معرفش ايه اللى وداكى عندها ف البيت ولا هى عشان صحبت شوفتها مرة عندكو افتكرت دة بيتها نيرة: هههههههههههه على فكرة دى مش صحبتى عمر: امال مين نيرة: دى اختى عمر: بجد نيرة: اه والله عمر: انا معرفش اسمها بس ايه اللى خله البواب يقولى اسمها نيرة نيرة: مش عارفة بس هى اسمها نورهان عمر: امممممم نورهان نيرة: معجب بالاسم ولا ايه عمر: نعم لا لا المهم يا نيرة انا جاى نفكر نعمل ايه ياريت تفكرى معايا فى هذة اللحظة جاء يوسف يوسف: اممممم وكمان روميو قاعد مع جوليت عمر: يوسف انت مش قولتلى مش جاى انهاردة يوسف: غيرت راى يا عمر فى حاجة تمالك عمر اعصابة بغضب وقال: انا اسف يا انسة نيرة نتكلم فى وقت تانى ممكن رقمك نيرة: اوك اكتب 011... يوسف: حلوو الرقم دة نيرة: عن اذنك عمر: عجبك اسلوبك دة يوسف: زعلان ع ست جوليت يا سى روميو عمر: الله فى ايه يا يوسف يوسف: فى ايه شايفنى مجنون عمر: انت شارب حاجة ولا ايه يةسف: واول مرة اعملها بسببك انت عمر: بسببى انا انت اصلا جيت الجامعة ازاى وانت سكران كدة يوسف: ههاهاها فاكرنى عيل عمر: تعالى يوسف: هتعملى ايه اخذ عمر بيد يوسف وادخله دورة المياه الموجودة بجامعة وانزل براسة تحت الصنبور واخذ يوسف يزعق عمر: فوووووووق بقااا يوسف: كفاااااااااايه خلاص يا عمر فوق والمصحف عمر: بتحلف فى الحمام يبقى لسه ما فوقتش
يوسف: فووووووووووقت عمر: خلاص اهو يوسف: دة انت طلعت ايدك جامدة جدا عمر: احسن اياااك اشوفك سكران يوسف: خلاص يا صحبى متزعلش بقا عمر: اوك خلاص يوسف: تعالى فى حضنى يا صديقى عمر: امشى قليل الربايه عايز تحضنى وانت مبلول يوسف: ههههههههههههههه عمر: ههههه يلا نطلع يوسف امسك بيد عمر يوسف: عمر متزعلش منى عمر: ازعل منك ليه عشان بتحبها انا اتقدملها بالغلط يوسف: بجد والله يعنى مش بتحبها عمر: اه وربنا بحب واحدة تانيه ... وبعدين شكلك واقع يوسف: هو واضح عليا كدة عمر: انا حسيت عشان انت صاحبى يوسف: حبيبى ... انت كنت بتقول اتقدمتلها بالغلط عمر: ايوة طلعت عندها اخت وهى دى اللى بحبها يوسف: طيب ليه قالولك نيرة عمر: هو دة اللى هيجننى يوسف: طيب كنت قاعد معاها ليه ؟ عمر: كنا بنفكر نشوف حل عشان اهلها يوسف: اممممم عندى الحل عمر: طبعا عندك الحل مش لنيرة قول يا معلم يوسف: بص قولها هى تقول لاهلها انها رفضاك وانت اتقدم تانى لاختها وقولهم ساعتها عمر: يابن الايه يا لذينة جبتها منين دى ؟ يوسف بغرور: بدماغى عمر: يالهوى ايه الدماغ دى ابوس الدماغ يوسف بيقلد البنات: لا الناس تدخل علينا تقول ايه ياعمر عمر: هههههههههههههههه يلا نطلع يوسف: يلا
عند نورهان ونيرة نورهان: كان عايز ايه نيرة: ها لا ملحقش يقول حاجة صاحبة جة وخدة نورهان: ماشى نيرة: استنى الموبايل فين ؟ نورهان: مش كان معاكى نيرة: اه بس مش لاقياه وفى نفس اللحظة ظهر شاب طويل القمة وعينة بنى غامض وجذاب للغاية ويقول ...: موبايلك اهو نيرة: شكرا جدا ...: الشكرلله نيرة: لقيتة فين ؟ ...: ها اه فى الارض هنا نيرة: اممم ماشى ...: انا هيثم وانتى نيرة: اهلا بيك انا نيرة هيثم: اتشرفت بيكى نيرة: الشرف ليا انا هيثم: لو احتجتى لاى حااجة انا موجود نيرة: شكرا ليك جدا ان شاء الله مش هحتاج حاجة هيثم: اتمنى ذلك ... عن اذنك نيرة: اتفضل
من ناحية اخرى يوسف: شايف يا عم هيثم شكلو بيلف ويدور ع نيرة عمر: يالهوى هو مش هيبطل لعب العيال دة يوسف: انا هروح اقولها عمر: خد هنا تقولها ايه يوسف: اقولها ملكيش دعوة بيه عمر: يا سلام بصفتك ايه يوسف: مش عارف عمر: خلاص اسكت وانا هكلمها تانى عشان الموضوع المهبب دة واقولها ساعتها يوسف: اشطا عمر: اشطا!؟... بالذمة فى راجل فى اخر سنة ليه فى الجامعة وبعدين يا محامى تقوله اشطا يوسف: خلاص رز باللبن عمر: انت عبيط يابنى يوسف: ايه مش بتحبة طب خلاص محل الالبان كله عمر: شكلك جعان يوسف: اه والله مكلتش من امبارح عمر: اه عشان نيرة المهم هعمل فيك معروف واعزمك ع بيتزا يوسف: وكانز عمر: يعنى جاى سكران ومش واكل من امبارح وانا اللى هعزمك وكمان بتتأمر يوسف: عاجبك ولا عمر: عاجبنى اتفضل قدامى
نورهان: هو احنا هنفضل كدة كتير نيرة: عايزانا نعمل ايه ؟ نورهان: مش عارفة انا زهقانة اوى نيرة: ليه كدة نورهان: مش عارفة حاسة ان ف حاجة هتحصل نيرة: فال الله ولا فالك ع العموم طالما انتى خايفة تعالى نروح نوورهان: اه يااريت وفى نفس اللحظة جاءت فتاه وخبطت فى نورهان الفتاه: ااااااااه مش تحاسبى نورهان: انا انا اسفة جدا الفتاه: اعمل ايه بأسفك دة دلوقتى نورهان: طيب حضرتك عايزانى اقولك ايه نيرة: احنا اسفين يا انسة الفتاه: اااااه مش قادرة مش عارفة انتى عاميه يعنى ولا ايه اهههههه دراعى نورهان بزعل: انا اسفة انا عاميه فعلا وكان يوجد شاب يقف مع هذة الفتاه عندما راى رد فعل نورهان اعجب بها كثيرا واشفق عليها عندما علم انها لا ترى الشاب: خلاص يا سوسن هى اعتزرت سوسن: ماشى يا حبيبى عششان خاطرك بس ثم تابعت: يلا بااى باى وعندما ذهبت سوسن والشاب قالت نورهان نورهان: مش قولتلك قلبى حاسس ان فى حاجة هتحصل واخذت تبكى
نيرة: طيب انتى بتعيطى ليه دلوقتى نورهان بزعييييييق: عشااااان انا عاميه انا مش شايفة الناس وبخبط فيهم كل يوووم وكل الناس بتهنى عشان مش بشوف لا لكن انا بشوف وكويس اوى كمان نيرة: حببتى انا قولتلك قبل كدة بلاش تدخلى الجامعة دى وادخلى الجامعة اللى متخصصة للى زيك نورهان: وانا مش بحب كدة انا بنادمة الحمدلله بعرف ازاكر زيك بالظبط بس الفرق يوم الامتحان نيرة: خلاص متزعليش وبعدين دى ارادة ربنا مش انتى بتحوشى عشان العمليه نورهان: شكلى مش هعمل عمليات وهفضل طول عمرى عاميه نيرة: مفيش حاجة بعيد عن ايد ربنا وانا كمان بحوش واهو نحط اللى معاكى ع اللى معايا وشوية من فلوس ماما وان شاء الله هتعمليها وهتنجح بس محتاجة صبر نورهان: يااااااااااارب يارب انا اسحملت كتير ياااااااارب نيرة: امسحى دموعك دى ويلا نروح نورهان: حاضر يلا
تانى يووووم عمر نايم وبيصحية يوسف يوسف: انت يلا قوووووووم قوووووم عمر: اسكت سبنى انام عندى شغل يوسف: لا هتقوووم قوووووووم بقا عمر: شششششش حبة وهصحى يوسف: قووووم والله هرش عليك مايه عمر: اعمل اللى تعمله يوسف: هرش عليك مايه وربنا عمر: سبنى انام يوسف اخد المخدة منه عمر: يووووووو عايز ايه يوسف: قوم كلم نيرة عمر: ليييييه ؟ يوسف: ع هيثم وبالمرة تعرف تحل مشكلتك عمر: حاضر هات المخدة بقا يوسف: هدهالك وتقوم عمر: ماشى هات بقا يوسف: خد اهى عمر: اخرج انت وانا هحصلك يوسف: موووشى خرج يوسف وعمر نام تانى دخل يوسف تانى يوسف: يا ابن ال قووووووووووم عمر: اهو قومت يوسف: خد كلمها عمر: استنة شويه يوسف: اخلص جرس ... خد بترد اهى عمر: الو نيرة: ايوة مين معايا عمر: انا عمر يا انسة نيرة نيرة: اه عمر عمر: انا اسف لو بزعجك نيرة: لا اسف ولا حاجة انا فكرت ولقيت حل عمر: وايه هو بقا
نيرة: مفيش غير انى اقول لاهلى انى مش موافقة عليك وهم اكيد هيقولولك وبعدين تعالى وقت تانى واتقدم لنورهان عمر: غريبة دى نفس فكرة يوسف نيرة: يوسف ؟! يوسف مين ؟ عمر: دة زميلى اللى جة معايا عندكو نيرة: اه اه افتكرتة عمر: ع العموم انا متشكر جدا نيرة: العفو عمر: اه نسيت اقولك فى شاب كان واقف معاكى امبارح اسمة هيثم معرفش قالك اسمة ولا لاء نيرة: هيثم اه اه ماله عمر: نصيحة اخ لاخته بلاش تتكلمى مع الانسان دة نيرة: اولا مكنتش بتكلم معاه دة موبايل كان ضايع وهو لاقاه وجة ادهولى وثانيا مش محتاجة نصايح انا عارفة بمشى وبروح واجى واصد واتكلم مع مين وازاى عمر: انا اسف بس مكنتش اقصد انا بس ... نيرة: لا بس ولا مبسش انا قولتلك اللى عندى ومتشكرة جدا يا استاذ عمر سلام عمر: متزعليش ي... قفلت نيرة فى وجة عمر الهاتف
عمر: الو الو يوسف: فى ايه ؟ عمر: قفلت فى وشى يوسف: هههههههههه عمر: اضحك انت براحتك يوسف: ههههه هى هههه قفلت فى وشك ليه ؟ عمر: بقولها متتكلميش مع هيثم زعلت وفهمت انى بعتبرها واحدة مش كويسة بتكلم اى شاب يوسف: ليه كدة دة حتى طريقتكفى الكلام حلوة عمر: معرفش بقا هبقى اشوف الحكايه دى يوسف: اممممم سمعتك بتقولها نفس خطة يوسف عمر: اه بتقولى انا فكرت وقالتلى نفس فكرتك يوسف بأعجاب: والله .. دة احنا بقينا فى حاجات بينا مشتركة عمر وضع ايدة ع خدة: ياسلام ع الحب لما يدق بابك فجأة يوسف: ثوانى اروح افتح عمر: تفتح ايه يابنى يوسف: الباب مش بتقول الحب بيخبط ع الباب هههههههه عمر: والله الشبشب كان هنا مش عارف راح فين ؟ يوسف: هتضربنى يعنى هتعورنى هعورك عمر: وانا بقا هبوظلك منظرك يوسف: هههههههههه عمر: ههههههههههه
فى الجامعة نورهان: انا مش عارفة انتى جيبانا الجامعة ليه انهاردة وقولتى لماما عندنا محضرتين واحنا اصلا معندناش محضرات نيرة: بينى وبينك اتخنقت من قاعدة البيت نورهان: يا سلام كن ممكن تقولى لماما عادى ونخرج نيرة: كان ساعتها ابية ابراهيم هيقولى معاكى فلوس وبتخرجى ويقر فيها نورهان: مش مطمنالك نيرة: شششششش استنى هيثم جاى نورهان: هيثم مين نيرة: بعدين بعدين اتى هيثم هيثم: هاى يا بنات نيرة: هاى هيثم: ازيك يا نيرة نيرة: الحمدلله وانت هيثم: تمام ايه عندك محضرات انهاردة نيرة: اه اصدى معدناش بس جايه هنا عادى هيثم: انا خلصت محاضراتى... ممكن اطلب منك طلب ؟ نيرة: اتفضل هيثم: ممكن نقعد فى كافية اعزمك ع فنجان قهوة نيرة: والله مش هينفع خالص اصل ... هيثم: اصل ايه بليز دة اول طلب اطلبو منك نيرة: ماشى بس ممكن اطلب انا منك طلب هيثم: اكيد نيرة: هروح اختى ونتقابل فى الكافية هيثم: ماشى عن اذنك هستناكى نيرة: اوك نورهان: انتى هتخرجى معاه نيرة: لا احنا هنقعد فى كافية نورهان: لا انتى بتهزرى انتى ازاى تفكرى كدة نيرة: بليز يا نورهان متقوليش حاجة لماما نورهان: ماشى بس انا مش موافقاكى ع اللى بتعمليه دة نيرة: يلا عشان نلحق نروح نورهان: يلا هاتى ايدك
عادل: ايه يا عمر سمعت امتحانات الترم قربت عمر: فعلا ادعلنا والنبى عادل: انت واخد عليا اوى عمر: اسف يا متر عادل: بص يا عمر انا مش بقولك كدة عشان تعتزر بالعكس انا بفرح جدا بيك بعتبرك زى ابنى عمر: ربنا يخليك ا فندم عادل: اديك شوفت ابنى مشى وسافر مع والدتة فى المانيا عمر: ربنا يجعهولك ان شاء الله مع انى الواد دة واحشنى اوى عادل: كان نفسى يطلع محامى ويشيل اسمى بعد ما اموت بس امة ربنا يباركلها بقا كبرتها فى دماغة وخليته يبقى صحفى عمر: يا متر انا شايف ان صحفى دة مش حاجة وحشة وتبقى احلى لما حضرتك تبقى محامى ويوهان يبقى صحفى وماشاء الله يوهان صحفى مشههور جدا فى المانيا وفى مصر عادل: نظرية حلوة ... ال قولى عملت ايه فى موضوع الخطوبه عمر: والله يا متر حصلت مشكله وخايف منها اوى عادل: تعالى اقعد واحكيلى عمر بعد ان جلس: بعد ما اتقدمتلها اكتشفت ان البنت دى مش هى اللى عايز اخطوبها عادل: ازاى انت مش متأكد من البيت كويس عمر: ايوة يا متر ماهى طلعت اخت البنت اللى اتقدمتلها بالغلط عادل: غريبة طالما اختها ليه مقلوش ان فى اخت تانية ليها عمر: اهو دة اللى هموت واعرفة عادل: طيب خالى بالك بقا اكيد فى سر عمر بتساؤل: ازاى يا فندم سر زى ايه ؟ عادل: الله واعلم بس احساسى عشان محامى والخبرة وكدة بعتقد ان فى سر عمر: ربنا يستر يلا دوشت حضرتك معايا عادل: لا دوشتنى ولا حاجة المهم انت تروح دلوقتى وتاخد الاسبوعين دول اجازة تقعد تذاكر فيهم تشوف حل للبنت دى عمر: انا مش عارف اشكر حضرتك ازاى عادل: مش عايز شكر زى ما قولتلك بعتبرك زى يوهان عمر: بس اسبوعين كتير اوى عادل: مش كتير عليك وقبضك هيوصلك مش هينقص ربع جنية عمر: لا يا فندم دة كتير اوى عادل: مش هعيد كلامى مرتين معنديش وقت اضيعة ويلا قربت توصل للكرسى وتقعد بدالى عليه عمر: ان شاء الله تؤمرنى بحاجة يا متر عادل: متشكر يا عمر اتفضل انت عمر: عن اذنك
فى غرفة نورهان ونيرة تدخل نورهان الغرفة وتقول نورهان: بتعملى ايه يا نيرة كانت نيرة تمسك بيديها طقم خروج وتضعة ع جسديها وتقيسة نيرة: بغير هدومى نورهان: ليه ماانتى كنتى لابسة نيرة: لا اصل الهدوم اتوسخت نورهان: امممممم نيرة: اعمل تسريحة ايه فى شعرى نورهان: معرفش انا مش فايقة انا هنام شوية نيرة: ماشى نورهان: نيرة نيرة: امممم نورهان: متتأخريش نيرة: متخفيش
يوسف: ايه يابنى لحقت خلصت شغل عمر: انت ايه اللى مقعدك عندنا يوسف: ايه قاعد مع مراتى عمر: مراتك يوسف: اه انت متعرفش انى اتجوزت مامتك يسرى: هههههههههه جتك ايه يا يوسف عمر بابتسامة: والله ... انت شكلك رايق بقا يوسف: اه رايق وعشان رايق انا عازمك ع فنجان قهوة عمر: معقول انت يوسف بية هيقوم ويعلمنا قهوة بنفسة يوسف: لا يا حبيبى انا مبعملش احنا هنروح الكافيه اللى قريب من هنا عمر: ودة من امتى ؟ يوسف: عايز اتكلم معاك فى موضوع ضرورى عمر: اممم قول كدة بقا عشان مصلحتك يا معفن يوسف: بقا كدة مووشى انا بقا صرفت نظرى عن القهوة دى عمر: وانت قولتها والراجل اللى مش بيرجع فى كلامة يوسف: وانا راجل ومرجعتش فى كلامى عمر: موووشى يلا
ساميه: نيرة رايحة فين ومتشيكة كدة نيرة بأرتباك: انا انا رايحة اقابل صحبتى ساميه: رايحة تقابلى صحبتك ومتشيكة كدة نيرة: الله يا ماما وانا كنت معفنة فى الاول ساميه: نيرة انتى عارفة انى مش قصدى كدة خالص نيرة: حببتى يا ماما ساميه: متكليش بعقلى حلاوة يابت وقوليلى نيرة: معاش ولا كان اللى ياكل بعقل امى حببتى حلاوة ساميه: ماانتى كلتى بيها حلاوة خلاص نيرة: لا اانا مكلتش بيها حلاوة ساميه: امال كلتى بيها ايه نيرة: كلت بيها جبنة و لانشون هههههههههه ساميه: ههههههههههههه نيرة: يلا يا ماما سلام ساميه: نيرة انتى يابت نيرة: بااى وقفلت الباب ساميه: يا حيوانة استنى عليه لما تيجى بس
فى الكافيه نيرة: سورى اتاخرت عليك هيثم: انتى تتاخرى براحتك نيرة بدلع: ههههه هيثم: ايه القمر دة نيرة: ميرسى هيثم: تشربى ايه نيرة: فنجان قهوة هيثم: اوك ... جارسون الجارسون: اتفضل يا فندم هيثم: عايزين 2 فنجان قهوة لو سمحت الجارسسون: اى اوامر تانيه يا فندم هيثم: لا شكرا الجارسون: عن اذن حضرتك هيثم: قوليلى بقا انتى مرتبطة نيرة: تؤتؤ هيثم: مش معقول نيرة: هو ايه اللى مش معقول هيثم: مش معقول واحدة بالجمال والحلاوة والقمر دة ومش مرتبطة ايه الشباب اتعمت ولا ايه نيرة: هههههههه ميرسى خالص هيثم: امال ايه حكايه حبيبك دة نيرة: حبيبى مين ؟ هيثم: يوسف نيرة: يوسف مش حبيبى هيثم: والله ولا حتى متصحبين نيرة: لا خالص احنا منعرفش بعض اصلا هيثم بيغمزلها: اصلا نيرة: احم احم اتى الجارسون ووضع القهوة وذهب هيثم: اتفضلى اشربى نيرة: اوك هيثم: اهى اهى نيرة بابتسامة: ايه مالك هيثم: القهوة سادة مرة نيرة: هههههه هههههه
وصل عمر ويوسف للكافية دخل عمر اولا ونظر حوله التقى بنيرة تجلس مع هيثم حملق بشدة وشهق ثم قال بارتباك: لا يا عمم يلا تخرج دة كافيه وحش يوسف: يابنى انت دخلتوا تعال بس دة تحفة عمر: لا لا تعال نروح كافيه تانى يوسف: بس انا عاجبنى دة وهندخل فيه يعنى ندخل فيه وسحب يوسف بيد عمر وقال: يلا يلا استسلم عمر ودخل ثم نظر لابعد منضدة ليجلس بعيدا حتى لا يراهم يوسف عمر: اهى دى ترابيزة حلوة يوسف: ماشى تعا... صمت يوسف عند كلامة خاف عمر كثيرا وقال: ايه سكت ليه يوسف: مش دى نيرة عمر: فين دى يوسف: دى اللى هناك اهى عمر:لا ياعم مش هى يوسف: لا انا متاكد لان اللى قاعد معاها هيثم عمر: فوكك بقا يعنى هتعملهم ايه يوسف: هعملهم ايه دة انا هروح اطلع ميتين ابوهم هناك عمر: استنى بس يا يوسف احنا فى كافيه وانت راجل محترم يوسف: سيب ايدى يا عم عمر: لا مش هسيبك تعال نخرج برة يوسف بزعيق: مش هاااااخررررووووج نظر الجميع اليهم حتى نظرت نيرة وهيثم هيثم:فى ايه وايه اللى جاب يوسف هنا نيرة: معرفش هيثم: انتى قولتيله اننا هنا نيرة: هو انا اعرفة هروح اقولو احنا هنا هيثم: طب استنى ماتمشيش نيرة: اوك ذهب هيثم اليهم وقال هيثم: فى ايه يا زميلى يوسف: انت ايه اللى مقعدك مع نيرة هيثم: وانت مالك هى تقربلك يوسف: لا متقربليش بس انت تقربلى وانا خايف عليك فتمشى دلوقتى حالا بدل منعمل معاك الصح هيثم: وانا مابتهددتش واعلى ما فى خيلك اركبه عمر ؛ اهدو يا جماعة احنا فى مكان عام ماينفعش كدة هيثم: اسكت انت ولم صاحبك ووعية وقولو اننا رجاله مش عيال صغيرة وكاد هيثم ان يذهب فرجع ثانيتا وقال: اه وقبل ما تيجى حط توكة فى شعرك ولمة بدل مانت سايبة كدة هه عمر: اما انت طلعت متربتش صحيح وهوب نزل عمر ويوسف الاثنين على هيثم واخذو يضربوا ولم يلفت من يديهم الا وامن الكافيه طردوهم فى الخارج هيثم نزف من فمة ويدة وانفة واخذ لوكاميات فى وجهة جرت نيرة اليه سريعا وقالت نيرة: انت قولتلهم ايه عشان يضربوك كدة هيثم: اقولك ايه بلاش تعرفى نيرة: لا قول انا عايزة اعرف هيثم: الاستاذ يوسف والتانى البية عمر بيقولوا عليكى كلام مش كويس ولما زعقتلهم ضربونى زى ماانتى شايفة نيرة: ايه كلام عنى انا طب وحيات ربنا ماانا سيباهم وجرت نيرة خارج الكافيه
تحميل محتوى الموضوع
عرض نسخة صالحة للطباعة
أرسل هذا الموضوع إلى صديق
[4]
الدعوات : 2قوة السمعة : 10
رواية جراح الحب