قصة شباب طفلة الجزء الثاني بقلم إسراء محمود الفصل الثاني
آسر بغيظ: ملاااااااااااااااك لكن مفيش حد رد سمع صوت الماء فعرف انها بتاخد دوش،وقعد استناها -تحس ملك بحد فى اوضتها،تخلص الدوش بتاعها وتلبس شورت عند الركبه وعليه تيشرت كت وحايبه شعرها على جمب ملك واعتقدت ان نيرة اللى فى الاوضه: ايوا يا عم... وقبل ان تكمل رأت آسر قدمها آسر لما شاف ملك تنح ومتكلمش ولا كلمه اما ملك ملك: أسر انت انت ايه اللى جابك هنا مش تستاذن الاول واخذت توبخ فيه بصوت عالى (عشان كانت مكسوفه من بصته ليها فحاولت تعلى صوتها عشان تبين انها مش محروجه لكن هيهات )و... ملك وهى بتشاور ع الباب: اتفضل بقي اطلع برااا -آسر واقف مكانوا ومتنحلها، جت ملك عليه وزقتوا لبرا الاوضه وقفلت الباب بالمفتاح -قفلت ملك الباب وقد احمر وجهها من هذه النظره ولكن لم تعيرها اى اهتمام وذهبت لتبديل ملابسها ونزلت تحت وضبت السفرة مع سعاد و... ملك: سعاد تعالى معايا وانا بجهز السفره سعاد: هما هيتغدوا دلوقتى ملك بمرح: ايوا سعاد: ماشي بعدها بشويه صغيرين وصل فريد وساهر واياد الفيلا و... فريد بخوف: ملك ملك ملك: ايوا يا بابا فريد: فى ايه يا ملك مالك حصلك حاجه ملك: ماخافش يا بابا مغيش حاجه حصلت ساهر: امال كنتى عيزانا ليه؟! ملك: بصراحه كدا كنت عيزاكوا تيجوا تتغدوا معايا النهارده واكملت بعفويه اصل انا اللى عملت الاكل ساهر بغيظ: تصدقى انك عيلة فعلا
ملك بحزن طفولى: ليه ساهر بعصبيه خفيفه: يعنى جيبانا على ملا وشنا وتقوليلنا تتغدوا معايا،انا قولت قى مصيبه حصلت فريد: خلاص يا ساهر ملك يا حبيبتى ملك: نعم يا بابا فريد بحنيه: لما تبقي عايزه تتغدى معانا ابقي قوليلنا على طول واحنا هنيجى علطول بردوا ملك بابتسامه: حاضر فريد: طب يلا بقي فين الاكل اللى انتى عملاه عايز ادوقه ملك بعفويه: حالا ويكون ع السفره فريد: هههه طب يلا احسن انا هموت من الجوع ملك: فوريره اياد: هاهاهاهاها اختك دى عسل يا ساهر ساهر: تاخدها إياد: يأخى د هى اللى عملا حس فى البيت ساهر: ماشي يا ظريف لاحظ ان دى اختى إياد: واختى انا كمان ياخويا فريد: بطلوا مناقره وتعالوا ع السفره
فى المطبخ ملك: سعاد اطلعى نادى لعمتوا وانا هحط الاكل على السفره سعاد: حاضر ملك: ومتنسيش تنادى لآسر سعاد: ماشى -تطلع سعاد تنادى لنيرة واسر وملك تحط الاكل ع السفره ملك بعفويه وفرحه: بابا الاكل جاهز، يلا يا ساهر إياد: وبالنسبه ليا مفيش يلا ملك: معلش، يلا يا اونكل اياد إياد: اونكل!، ماشي مقبوله منك يا لوكا -تنزل تيرة ويليها آسر ويقعدوا كلهم ويتغدوا فريد: ممم الله تسلم ايدك يا حبيبتى الاكل زى العسل زيك كدا بالظبط ملك: بجد والله فريد: والله إياد: فعلا يا اونكل الاكل فظيع انتى اللى عملاه بجد يا ملك ملك بعفويه: اه والله انا ساهر: لا حقيقي طعمه جميله تسلم ايدك ياحبيبتى ملك: ربنا يخليك ليا يا حبيبي إياد: بجد انا حظى حلو انى جيت مع ساهر واكلت الةكل دا ملك: شكرا نيرة: نو كومنت انتى ديما اى حاجه بتعمليها جميله ملك: آسر الاكل عجبك آسر: بجد الاكل دا احلى من بتاع ماما الكل قعد يضحك، يخلصوا الاكل وتشيل ملك مع سعاد الاطباق وتطلع الاوضه تستريح شويه عشان تبقي مفوقه وهى راحه النادى
فى اوضه ملك ادخل آسر: انا أسف يا ملك والله ما كان قصدى انا بس كنت متعصب شويه ملك مقاطعه: خلاص حصل خير ولايهمك آسر: يعنى مش زعلانه ملك: لا آسر: احمم طب انا فى الاوضه لو احتجتى حاجه ابقي تعالى ملك: حاضر -يخرج اسر وتترمى ملك على السرير وتنام تصحى بعدها بشويه تصلى العصر وتلبس و.. ملك: عمتو انا خلاص لبست اه هروح بقي نيرة: خلى بالك من نفسك ملك: حاضر، متخفيش السواق معايا ولو احتجت حاجه هكلمك نيرة: ماشي ياقلبي مع السلامه -تخرج ملك تركب العربيه ويوصلها السواق للنادى ملك: شكرا ياعمو جمال لو وراك حاجه عايز تعملها ممكن تروح تعملها السواق: لايبنتى انا هستناكى هنا ملك: ماشي - تدخل ملك النادى وكانها اول مره تتدخله(لانها كانت مش بتروحه لوحدها خالص قبل كدا وكمان مكنتش بتروحه من فتره بسبب الامتحانات) تدخل تتمشي شويه فيه وبعدين تقعد فى الكافيه وتطلب عصير وتسرح شويه يقطع سرحنها ريم: هاى هااااااااى ملك: ها اهلا ريم: شكلك كنتى سرحانه ملك: شويه ريم: انا ريم وانتى ملك: وانا ملك ريم: اهلا يا لوكا انا شوفتك قاعده لوحدك قولت اجى اقعد معاكى شويه دا لو مش هيضيقك ملك: لاعادى اتفضلى تقعد ريم مع ملك ويسود الصمت تقطعه ريم ريم: شكلك مش بتحبى الكلام ملك: ليه ريم: اصل من ساعت ما قعدت وانتى مش بتنطقى بكلمه ملك: لاعادى يعنى ريم: ممم ماشى، تيجى نتمشي شويه ملك:اوك ريم: طب يلا وهما ماشيين ريم:وانتى فى سنه كام بقي يالوكا ملك: هدخل ٢ ثانوى ريم: يعنى انا اكبر منك بسنه انا هدخل ٣ثانوى ملك اكتفت بابتسامه ريم: اسمك ملك ايه ملك: ملك فريد محمد(ومقالتش اسم عيلتها) ريم:ماشي يالوكا وانا ريم محمد ملك: تشرفنا ريم: الشرف ليا وهما ماشيين ريم تخبط فى حد ريم: ايه دا امجد ازيك امجد: ريمو الحمد لله ازيك انتى ريم: تمام انت فين يابنى مش باين امجد: الدراسه وكدا ريم بضحكه: الدراسه! لاوالله على ماما امجد: مش تعرفينا ريم: دى ملك صاحبتى،ملك دا امجد صاحبي امجد وهو بيمد ايده لملك: اهلا ملك ملك من غير ما تسلم عليه: اهلا امجد انحرج جدا من الحركه دى واتغاظ منها اوى،ريم لاحظت دا ريم: احم طيب ماتيجى تتمشى معانا لو مش وراك حاجه امجد: ينفع اجى ياملك ملك من غير ما تبصله: عادى اتفضل مشي امجد معاهم وريم طول الطريق بتتكلم وبتهزر مع الاتنين امجد بصوت واطى لريم: ايه يابنتى هى صاحبتك عامله كدا ليه ريم: عامله ازاى امجد:قافله كدا ريم:لا هى طبعها هادى امجد بضيق:طيب طول الطريق ماشية ملك اكنها مش ماشيه معاهم(يعنى بعيده عنهم شويه مش جمبهم اوى) ريم:لوكا ملك: نعم ريم: مالك ساكته ليه ملك بابتسامه: مفيش امجد: انتى اضايقتى انى ماشي معاكوا ملك: لاعادى سكتت ملك شويه وفجأة شافت حد شبه آسر من بعيد بيلعب تنس ملك: ريم ريم ريم: نعم ملك: انا جايه اهو
ملك: استنينى هنا ثانيه واحده ريم: راحه فين ملك: هناك عند ملعب التنس ريم:طب ما انا راحه هناك ريم: طب تعالى يلا ريم: يلا -تروح ملك وريم ومعاهم امجد ملعب التنس ويكون فى بنات كتير وولاد بيتفرجوا على الماتش ملك تقعد تتفرج على آسر وهو بيلعب وامجد كان مركز مع ملك اوى ومبصش للمتش خالص بعد ما الماتش خلصت البنات جريت على آسر بس ملك لا فضلت واقفه مكانها ونادت عليه ملك: آسر اسر سمع صوت ملك بس افتكر انو بيتخيل بس شافها ساب البنات وجرى عليها آسر: ملك؟! انتى بتعملى اى هنا ملك بفرحه طفوليه:مبروووك يا اسورة،كان شكلك حلو اوى وانت بتلعب وبتجرى كدا وكدا قعدت ملك تقلد حركاته وهى بتضحك وفرحانه انو كسب وسط طبعا نظرات البنات ليها وامجد وريم آسر: هههههههههههه يا مجنونه ريم تيجى عليهم: مش تعرفينا وقبل ما ملك تنطق اسر: دى ملك بنت خالى ريم بصدمه: بنت خالك ملك ببراءة: وهو ابن عمتو ومسكت ايدو من روا امجد كان شايفهم وقرر يروحلهم امجد: مش تعرفينا يالوكا آسر وهو بيبص لملك ويجز على سنانه وحنى راسه شويه: لوكا؟! ملك: دا اسر ابن عمتو، ودا يا اسر صاحب ريم ووجهت كلامها لامجد معلش مش فاكره اسمك، حضرتك اسمك ايه؟ امجد(ودى تانى كسفه ليه): انا امجد آسر: تشرفنا امجد: الشرف ليا آسر: ملك تعالى معايا ملك: ماشي، سلام ياريم -مشيت ملك وهى ماسكه ايد آسر بس كانت مستغربه من حاجه ملك:اسر آسر:نعم ملك: هو ليه كل البنات بتبص علينا آسر بتكبر مصطنع: احم عشان انتى ماشيه معايا ملك: انا بتكلم بجد اسر: وانا كمان بتكلم بجد ملك: اشمعنا يعنى آسر: عشان كل بنت هنا تتمنى تمشى معايا الماشيه دى بس انا مطنشهم ملك: ومطنشهم ليه آسر: عشان انا مؤمن بالمقوله اللى بتقول(كما تدين تدان) ملك بنظره فخر لاسر: انت جميل اوى يا اسر آسر: ايه انتى قولتى ايه ملك: ملكش دعوه اسر: ما كنا عدلين ايه اللى قلبك ملك: هاهاهاها ملك ضحكت من هنا والهمسات بين البنات اللى كانت بتبص عليهم ابتدت من هنا آسر: استنينى هنا هغير هدومى واجى ملك: ماشي يدخل اسر يغير هدومه وملك تنسناه فى مكان قريب منو تيجى ريم عليها (ةكنها مراقباها) ريم: ايه ياعم من لقي احبابه نسى اصحابه ولا ايه ريم: هو فى غيرو ملك: اه قصدك اسر، دا ابن عمتو يعنى عادى اخويا ومتربين مع بعض ريم: طيب هو انا ممكن اقعد معاكوا ملك: طبعا تعالى بس والنبى بلاش اللى كان معاكى دا امجد من وراها: ليه بقي ان شاء الله مشبهش ولا مشبهش ملك بلامبالاه: مش قصدى امجد: على العموم ياستى شكرا وقعد على الترابيزه -ملك اضايقت اوى لانها متعودتش تحرج حد وهى مش عايزه تقوله يقوم فاستنت لما شافت اسر طالع و... ملك: ريم ثانيه واحده ريم: ماشي راحت ملك لاسر ملك: آسر آسر: نعم ملك: انزل كدا شويه (آسر كان اطول من ملك بكتير) آسر: ههههههه اهو نزلت ملك: بص ريم جت قالتلى ممكن تقعد معانا شويه قولتلها ماشى ولسه بقولها بلاش الواد اللى كان معاكى دا لقيته وراها وسمعنى وانا بقولها ومع ذكل قعد فلنت متتعصبش عليا احنا نبعد شويه وبعد كدا نمشى بحجه اننا مروحين او نتمشي اسر: ماشي يا ملك حاضر ملك: حضرلك الخير يا اسورة يارب اسر: هاهاها يارب ياختى يارب
عند ريم ملك:معلش اتاخرت عليكى ريم: ولا يهمك ياحبيبتى ريم لاسر: انا اتشرفت جدا بمعرفتك يا اسر اسر ببرود: الشرف ليا ملك لآسر: اسر آسر: عيون آسر ملك: مش هتطلب لينا عصير لا ايه آسر: انتى تومرى احلى عصير لاحلى لوكا فى الدنيا متر لو سمحت الجرسون: نعم يا اسر بيه اسر: لو سمحت عايز كوبيتين عصير من اللى بشربه وشوف حضراتهم يشربو ايه ريم بدلع: هو ينفع اشرب من العصير دا معاكو اسر بصد: لا اسف مينفعش ريم بحزن مصطنع: خلاص اطلبلى حاجه على ذوقك اسر: ممكن تجبلها واحد عصير والباشا يشرب ايه امجد: قهوة اسر:قهوه؟! اوك يبقي اتنين عصير من بتاعى وواحد برتقان وواحد قهوه الجرسون: تحت امرك يافندم قعدوا يتكلموا شويه وتيجى المشاريب ويبعدوا يشربوها واجمد طول القعده كان بيخطف نظرات من تحت لتحت لملك هيثم من ورا آسر: ايه ياعم مجتش ليه دى الشله كلها هنا اسر: اخ دا انا نسيت خالص معلش هيثم وهو ينظر لملك: اللى واخد عقلك اسر وهو بيلف وشه الناحيه التانيه طب يلا ياخفيف نروحلهم ملك: اسر رايح فين اسر: دقيقه وجاى يالوكا هسلم على صحابي واجى ملك: ماشى ريم: استنى يا اسر خدنى معاك هجيب حاجه اسر: اتفضلى تمشى ريم واسر وتفضل ملك واجمد يقرب الكرسى بتاعه منها شويه ويتكلم: انتى فى سنه كام بقي ياملك ملك:٢ثانوى امجد: صغنونه ياملك ملك اكتفت بابتسامه وسكتت فضل امجد انو يسكت عشان ميتكسفش تانى و... ميدو وكريم (صحاب امجد) من ورا امجد ميدو: ايه ياعم بندور عليك بقالنا ساعه روحت فين اجمد: معلش بقي نسيت كريم: مش تعرفنا امجد: دى ملك،ودول صحابي ميدو وكريم ملك وقد شعرت بالاخراج لوجودها مع هذا الكم من الشباب لوحدها: اهلا ميدو: اهلا بيكى كريم لامجد بصوت واطى: ايه ياعم هو دا الجو الجديد ولا ايه امجد: ياخويا اتنيل كريم: ليه فى ايه امجد: هقولك بعدين ملك قامت و ملك: بعد اذنكوا امجد وهو قايم من على الكرسي: ايه رايحه فين ملك: همشى امجد: مش هتستنى اسر وريم ملك: لا،بعتت ملك رساله لاسر انها هتروح عند اسر واصحابه وقد مضي وقت طويل اعلن فون اسر عن وصول رساله جديده فتح اسر الرساله (اسر انا ماشيه) بص اسر فى الساعه لقي انو اتاخر اوى عليها فساب صحابو وراح جرى على ملك كانت خلاص هتمشي اسر من بعيد: ملك ملك ملك لما سمعته وقفت اسر: استنى اوصلك ملك بصتلوا ومردتش اسر فهم انها زعلانه عشان مجاش بسرعة
قصة شباب طفلة الجزء الثاني بقلم إسراء محمود الفصل الثالث
آسر: والله نسيت الوقت خالص وانا قاعد مع صحابى انا اسف اسف اسف ملك: ماشي ممكن اروح بقي آسر: امال صاحبتك اللى اسمها ريم دى فين ملك بغضب طفولى: مجتش من ساعه ما مشيت معاك وانا كل دا قاعده مستنياك لوحدى مع امجد دا وبعدها صحابه جم وقاعدوا معاه وانا كنت مضايقه اوى انى قاعده معاهم فبعتلك رساله انى همشي اسر بعصبيه خفيفه: ولما انتى قاعده لوحدك من ساعتها مع اللى اسمه امجد دا متصلتيش بيا ليه ملك: اه دا على اساس انك قولتلى سنه وراجع، انت قولتلى دقيقه وراجع صح ولا مش صح وبعدين انت بتتعصب عليا كدا ليه آسر اخد نفس عميق: مش قصدى انا اسف ملك: تعرف انا نفسي فى ايه دلوقتى آسر: ايه؟! ملك: نفسي اخنقك واضربك بوكس واعلقك آسر: هاهاها كل دا يامفتريه ملك: اه عندك مانع اسر:لا
فى العربيه آسر: صحيح ياملك انتى كنتى جايه مع مين النادى ملك: كنت جايه لوحدى مع السواق اسر: مقولتليش ليه اجى معاكى ملك بعناد: عشان كنت عايزه اروح لوحدى واستاذنت من عمتو وهى وافقت اسر: وريم دى عرفتيها منين _حكتلو ملك اللى حصل بينها وبين ريم وامجد اسر: ممكن طلب يالوكا ملك: نعم اسر:متصاحبيش ريم دى اوى لان شكلها كدا مش عجبانى _ملك وقد فهمت مايحاول ان يقوله اسر ويلمح ليه فقالت محاوله تغيير الموضوع ملك بإستعباط: قولى صحيح انت ليه مقولتليش انك بتلعب تنس آسر بإستعباط: مجتش فرصه ملك: ممم طيب _ترجع ملك البيت وتسلم عليهم كلهم وتطلع تغير هدومها وتنام واسر كذلك
فى اليوم التالى تصحى ملك تلاقي بباها وساهر راحوا الشغل اما نيرة فطلعت فطلعت لاسر الاوضه
عند اسر الباب يخبط ومش بيرد ملك: اسر افتح انا ملك وتخبط تانى مفيش رد فتحت ملك الباب ودخلت لقت اسر نايم على السرير ملك: اسر يا اسر انت لسه نايم يلا اصحى يا اسر اصحى بقي اسر: ملك: لا ابوس ابدك اسر اصحى وتهز فيه ومش بيصحى ملك والدموع ملت عيونها وبتشتت: ياربي اعمل ايه دلوقتى وهى بتكلم نفسها سمعت صوت من وراها ____: إيه رايك فى المفاجأه دى ملك: أ أ انتى بتعملى ايه هنا ____:ههههههههه جايه عشان اخد حقي ملك بصراخ هستيرى: انتى عملتى ايه فى اسر ثريه: هاها ابدا موته بس ملك بدموع: انتى كداااااابه اطلعى برااااا هطلبلك البوليس وتروح على اسر وتهز فيه اسر اسر اصحى والنبى اصحي يا اسر متسبنيش ملك لثريه: انتى عايزه منا ايه ماتسبينا فى حالنا بقي ثريه: انا فعلا هسيبك بس مش دلوقتى لما اخلص عليكى الاول ملك رجعت فى خوف خطوه لورا شويه ثريه: متخافيش انا مش هخلص عليكى دل قتى انا هسيبك اخر حد خالص بعد ما تشوفى ابوكى ميت قدامك واخوكى وعمتك وتشوفيهن كدا قدام عينك مقتولين وغرقانين فى دمهم سعتها بس اقدر اخلص عليكى وسابتها ومشيت ملك بهستريه: لا لا لا استنى هنا بلاش اهلى تعالى موتينى انا استنى متروحيش موتينى انا لكن للاسف تكون مشيت تروح ملك لاسر وهى بتعيط: اسر اصحي متموتش متسبنيييييييييش اساااااااااااار
فى اوضه ملك تصحى ملك من النوم مفرزعه: اسر،اعوذ بالله من الشيطان الرجيم تغسل وشها وتنزل تلاقي بباها وساهر فى الشغل ونيرة مش موجوده تتخض جامد وحست ان الحلم بيتحقق وبدات تدمع،ونزلت جرى جابت سكينه من المطبخ وطلعت فوق عند آسر وخبطت على الباب وبردوا مفيش رد دخلت الاوضه وهى بتلف يمين وشمال بدور على ثريه وراحت جرى على اسر ملك: آسر آسر اصحى والنبي اسر آسر بنوم: ممم ايه صاحى اهو طيب نطت ملك زى المجنونه عليه ملك: عااااااا آسر انت عااايش وحضنته ورجعت تانى تبص عليه وتمسك دراعه ووشه وترجع تمسك ايده (طبعا كل دا بيحصل وآسر مش فاهم اى حاجه) اسر: ايه فى ايه يابنت ملك ودموع الفرح فى عنيها: انا مش بحلم صح قولى انى مش بحلم اسر: بتحلمى ايه انا مش فاهم حاجه سكتت ملك شويه وكانها افتكرت حاجه وبعدين ملك:تعالى ورايا كدا يا اسر احسن تيجى تموتك خبت ملك اسر وراها وماسكه السكينه ادمها ملك لثريه(اللى هى مش موجوده اصلا): انا اهو ابقى ورينى ازاى بقي هتيجى جمبه، تعالى يلا انا مستنياكى اهو يلا تعالى،ايه خوفتى ولا ايه اسر مش مستوعب اللى ملك بتعمله آسر بنفاذ صبر: ملاااااااااك ملك بلهفه:ايه فيك حاجه وبتلف السكينه كانت هتعوره آسر يمسكها ممكن تفهمينى ايه الفيلم الهندى اللى انتى بتعمليه دا؟! ملك: فيلم ايه؟ آسر: عماله تكلمى نفسك وطلعالى بسكينه الاوضه وكنتى هتعورينى بقي بزمتك فى حد يصحى حد بالسكينه _تنهدت ملك تنهيده حزينه وحكتلو اللى حلمت بيه آسر: هى الكوابيس دى رجعتلك تانى ملك بحزن:شكلها كدا اسر محاوله منو للتخفيف عنها يقول بخبث: ممم، انتى كنتى خايفه عليه اوى ملك بعفويه: ايوا طبعا مش اخويا اللى متربيين مع بعض اسر: اخوات ملك: ايوا اسر: طب يستى متقلقيش انا كويس وزى الفل وثريه دى فى السجن يعنى مستحيل تيجى هنا ملك بضيق: انا هروح اوضتى اسر: ماشى _قامت ملك وراحت اوضتها ملك لنفسها: هو انا ايه اللى بيحصلى دا ياربى، عشت كل دا وانا لسه فى السن دا امال لما اكبر هيحصل فيا ايه ثم تنهدت تنهيده حزينه وخلدت الى النوم
تظل ملك على هذه الحاله اسبوع كامل تدخل فيه فى مرحله اكتئاب مش بتخرج من اوضتها، الاكل فين وفين ممكن تقعد باليوم الكامل
آسر لنيرة: وبعدين يا ماما هتفضلى ساكته على الحال دا كتير نيرة: انا كنت طلعالها دلوقتى آسر: اجى معاكى نيرة: لا خليك انت اسر: طيب _قعد اشر يفتكر شكل ملك اخر مره شافها وهى بتحضنه وتمسك ايده وتقوله انت عايش وتحضنه تانى اسر فى نفسه: ياااااااااه امتى بقي يا ملك
عند ملك الباب يخبط ملك: مش جعانه يا سعاد تدخل نيرة: انا عمتو ياملك تقوم ملك تقف احترام ليها: اهلا ياعمتو نيرة: ايه بقي ياست لوكا ختفضلى كدا كتير فى الاول قولت اسيبها يومين مع نفسها يمكن مخنوقه لكن دلوقتى عدى اسبوع اهو انتى على نفس الحال ملك: مفيش بس ياعمتو مخنوقه شويه نيرة: اسر حكالى على كل حاجه وقالى كمان على اللى عملتيه معاه سؤالى بقي فى احلام جتلك فى الاسبوع دا ملك بالنفى: لا نيرة: شوفتى بقي هو مجرد حلم وراح لحاله وبعدين ما احنا قدامك اهو محصلناش اى حاجه، انتى بس عشان كنتى بتفكرى فى الموضوع كتير فحلمتى بالحلم دا صح ولا انا غلطانه ملك بابتسامه: صح نيرة: طب يلا بقي قومى خدى دوش وغيرى هدومك وانزلى اقعدى معانا تحت ملك بتساؤل: عمتو نيرة:نعم ياقلب عمتو ملك: هو احنا ملناش قرايب تانيه نيرة: لا لينا بس ليه ملك: اصل انا من ساعت ماجيت هنا مشوفتش غير خضرتك واسر وبابا وساهر سكتت شويه وبعدين كملت عمتو هى ماما معندهاش اخوات ولا ايه نيرة: لا ياحبيبتى عندها ملك: طب هما فين بقي انا بجد زهقت بقالى كذا سنه هنا ومشوفتش حد خالص نيرة: بصي يالوكا ياحبيبتى شكرت بابا شركه كبيره اوى وليها فروح كتيرفى بلاد كتير برا مصر كل فرع فيهن ماسكوا حد مش قرايبنا يعني عشان لو حاجه حصلت اوكدا يكون لينا حد هناك ملك: طب انا نفسي اشوفهم نيرة: متقلقيش ياقلبى خلاص الاجازه بتاعتهم قربت قربت خالص يعنى ممكن تلاقيهم جم دلوقتى حالا ملك: ياريت والله نيرة: يلا بقي بطلى رغي وقومى اسر مستنيكى تحت ملك:حاضر نيرة قامت تمشي ملك: عمتو نيرة: نعم قامت ملك وحضنتها:بحبك اوى ياعمتو نيرة: وانا كمان بموت فيكى ياقلب عمتوا
قصة شباب طفلة الجزء الثاني بقلم إسراء محمود الفصل الرابع
تخرج نيرة وتسيب ملك تغير هدومها و بعدها بشويه تنزل ملك تحت عند اسر ونيرة ملك: عاااااااااا انا جيت آسر: ايوا بقي دا البيت كان قاطع مايه ونور وانتى مش معانا نيرة: حبيبتى يالوكا تعالى جمب عمتو آسر: لا تعالى جمبى انا نيرة: ولد اسر اقعد ساكت، تعالى جمبي ياقلبي نيرة: حاضر ياعمتو ياقلبي
فى مكان تانى بعيد(فرنسا) شرين: حبيبى انا خلاص حجزت تزاكر السفر عبدالرحمن: ماشي ياحبيبتى بلغى الولاد بقي شرين: حاضر عبدالرحمن: انا هروح الشغل شرين: ترجع بالسلامه ياحبيبى عبدالرحمن: سلام
يعدى اليوم على خير عند ملك وبالليل ملك تقعد فى اوضتها زهقانه فتبعت رساله لآسر على الفون (آسر انا زهقانه لو انت صاحى تعالا اقعد معايا شويه) تبعتها وتقف فى البلكونه بعدها ب10 دقايق باب الاوضه خبط افتح ملك الباب آسر: ممكن ادخل ملك: تعالىِ آسر:تعالىِ! ملك: اسفه قصدى تعالا ادخل آسر: ايه بقي مالك مخنوقه ليه ملك: مش عارفه زهقانه كدا بقولك ايه يا اسر ماتحكيلى حدوته اسر: انا لالالالا مش هينفع خالص ملك: فاكر لما كنت صغيرة وكنت بتحكيلى قصص وانام عليها احكيلى بقي آسر: حاضر ياستى _ملك بسعاده تنط على السرير وتتغطى باللحاف يروح آسر يقعد قصدها ويحكلها حدوته وتنام فى نصها وعلى وشها اجمل ابتسامه يفضل اسر قاعد يبص على ملك وهى نايمه آسر: ياما نفسى يجى اليوم اللى تبقي فيه مراتى ياملك ياااااه دا هيبقى اسعد يوم فى حياتى كلها يقوم اسر ويغطيها ويطفى النور ويروح اوضته وينام وعلى وشه نفس الابتسامه الجميله
تانى يوم الصبح تصحى ملك وكلها طاقه إيجابيه وكذلك آسر تدخل ملك تغسلو وشها وتغير هدومها وآسر بردوا تلبس ملك لبس الرياضه بتاعها البناتى اوى وآسر يلبس ملابس رياضيه مبينه عضلاته تلبس ملك الكوتشى وآسر كذلك تخرج ملك من الاوضه فى نفس الوقت اللى خرج فيه آسر آسر بحب: ياصباح الجمال ملك: صباح الخير يا اسوره آسر: ايه دا !اسوره دى مش بتتقال غير لما يكون المزاج رايق ملك: ههههههه اه هو فعلا كدا، انت لابس كدا ورايح على فين آسر: انا رايح النادى هجرى شويه وانتى لابسه كدا وراحه على فين ملك: رايحه النادى بردوا آسر بابتسامه: دا احنا لو متفقين مش هتبقي المواعيد مظبوطه كدا ملك: هههههه شوفت آسر: طب يلا تعالى معايا ملك: Ok يلا Let's go آسر بمرح: يواد انت يا اجنبى تنزل ملك واسر ويسلمو على فريد ونيره ملك: بابا انا هروح النادى شويه فريد: بدرى كدا ملك: عايزه العب رياضه شويه آسر: متخافش يا خالو انا معاها فريد: ماشي ملك: حبيبي يا بابتى تبوس ملك ايد بباها وتبوس خد نيرة وتروح مع اسر
فى الطريق آسر: ملك ملك بطفوله: نحم آسر: نحم الله عليكى ملك: عايز ايه آسر: اصلك ساكته قولت اتكلم ملك: لاعادى مش ساكته انت عارف انى بحب الهدوء آسر: ماشي ياعم الرومانسي اكتفت ملك بابتسامه وحطت الهاندفرى فى ودنها وسغلت موسيقى هاديه وغمضت عنيها وعاشت فى عالم تانى وصلوا النادى آسر:يلا وصلنا مفيش رد اسر: يابت وشال الهاندفرى ملك: ايه بتشيله ليه اسر: وصلنا يافندم ملك:ok ينزل آسر وملك ويدخلوا مع بعض النادى ويروحوا التراك وتحط ملك الهاند فى ودنها وتشغل الموسيقى وتجرى فى التراك ونفس اللى عملو آسر وجريوا جمب بعض فى حته قريبه منهم شويه كريم: الله مش دى البت اللى كانت مع أمجد وحلقتلوا ميدو: ايوا تقريبا هى كريم: طب فين أمجد عشان نقوله انها موجوده ميدو: مجاش كريم: استنى هكلمه
عند امجد مى(ام امجد): امجد انت يابنى قوم بقي تليفونك مبطلش رن أمجد بنوم: مين مى: صاحبك كريم امجد: قوليلوا نايم مى: الو ياكريم ازيك كريم: الحمد لله ياطنط هو امجد فين مى: نايم ياحبيبى كريم: طب صحيه قوليلو انى عايزه فى موضوع مهم مى لامجد:بيقولك عايزك فى موضوع مهم امجد:طب هاتى، الو عايز ايه كريم: بقولك البت اللى كانت موجوده معاك فى النادى من اسبوع اللى كانت مع ريم أمجد: ملك مالها كريم: موجوده فى النادى امجد ونط من على السرير: بجد كريم: تيوا اهى فى التراك امجد: 5 دقايق وجاى حالا كريم: هاهاهاها ماشى أمجد: اهى جت فرصتى يااااس
فى النادى ميدو: قالك ايه؟ كريم: ياعم دا ماصدق وجاى حالا ميدو: هههههه ربنا يشفيكوا بجد كريم: بقولك ايه انا هروح اغلس عليها شويه ميدو: مابلاش يابنى انت كريم: هششش بس انت اركن على جمب ميدو: انا مالى براحتك
عند ملك وآسر كانوا بيجروا وقفت ملك وهى بتنهج: لا خلاص انا مش قادره آسر: نعم! دا احنا مكملناش نص ساعه ملك: لالا مش قادره آسر: خلاص تعالى نتمشي ملك: ماشي بس براحه آسر: اوكى وهما ماشين يجى عليهم كريم
وهما ماشين يجى عليهم كريم كريم: ملك ازيك ويمد لها ايدو ملك تبصله وتبص لآسر وبعدين ترد من غير ماتسلم عليه ملك: الحمد لله،هو حضرتك تعرفنى كريم بحرج وشال ايده: احم انا كريم صاحب امجد ملك: امجد مين؟! كريم بابتسامه خبيثه: أمجد وبيص لآسر كدا،امجد اللى كنتى قاعده معاه الاسبوع اللى فات ملك: لا الحقيقه مش فكراه بعد اذنك كريم: ازاى بس مش فكراه آسر: يعنى يا كابتن عايز ايه من الاخر كريم: مش عايز بس كنت بطمن عليها ملك:شكرا،يلا يا آسر ومسكت ايده ومشيوا كريم لنفسه: بقي انا اللى كنت جاى اضايقك انتى اللى تعلمى عليا ماشى
عند ملك واسر آسر بعصبيه باينه فى كلامه: ممكن تفهمينى بقي مين الواد دا ملك: هو الزهايمر اشتغل ولا ايه مش انا حكيتلك اللى حصل لما سبتنى وروحت لصحابك وريم مجتش بعدها وصحاب امجد جُم وقعدوا معاو وانا بعتلك رساله انى همشي وانت لحقتنى فى الاخر خالص آسر: ايوا صح،طب ماانتى فاكرة امجد اهو ملك: اه فاكره،بس كنت عايزنى يعنى اقوله فكراه وهو يقعد يرغي آسر: لا ناصحه ملك: طبعا بس علفكره بقي انت بخيل آسر: انا ملك: اه انت منزلنا من البيت من غير فطار وهنا مفكرتش حتى تعزمنى على شندوتش حتى آسر: بس كدا عنيا الاتنين،يلا نروح ناكل ملك:يلا يروحوا سوا يفطروا وهما بيفطروا ريم من وراهم: ازيك يالوكا ملك: الحمد لله ازيك ياريم ريم: انا بخير،ازيك ياآسر آسر: تمام ريم: ممكن اقعد معاكوا ملك: اتفضلى،فطرتى ريم: اه سبقتكوا
فى فيلا فريد السباعى جرس الباب يضرب،تفتح سعاد إسلام بمرح: اذيك ياسعاد سعاد: اهلا يا إسلام بيه اتفضل حمدلا على سلامتك يابيه إسلام: الله يسلمك من ورا اسلام تيجى شرين: اذيك ياسعاد عامله ايه سعاد: الحمد لله ياهانم شرين: امال فين نيرة سعاد: جوا ياهانم اتفضلوا
عند نيرة فى حجرة المعيشه شرين: الجميل بيعمل ايه نيرة: مش معقول شرين تقوم تسلم عليها وتحضنها وحشتينى مووت شرين: انتى كمان وحشانى اوى اوى إسلام: عمتووووووووو نيرة: إسلام حبيب عمته اذيك ياقلبي إسلام: وحشتينى اوى يانينو نيرة: وانت كمان ياقلبى،تعالو اقعدوا ايه دا فين عبدالرحمن ونور شرين: بيحطوا الشنط فى الفيلا وجايين إسلام:اصل احنا اشترينا الفيلا اللى جمبكوا نيرة: ايه دا بجد داخبر جميل اوى شرين: امال فين الواد آسر دا وحشنى اوى نيرة: فى النادى مع ملك شرين: صحيح عبدالرحمن حكالى على اللى حصل معقوله لسه فى ناس كدا نيرة: يلا الحمد لله المهم لماتشوفى ملك متفكريهاش بحاجه احسن انا ما صدقت الكوابيس اللى بتجيلها مشيت شرين:كوابيس ايه نيرة: هبقي اخكيلك بعدين إسلام: طب ما تكلميه ياعمته وخليه يجى نيرة: حاضر ياحبيبى
فى النادى كان اسر وملك خلصوا فطار وقعدوا يحكوا شويه امجد وصل وراح ليهم امجد: ريم اذيك ريم: الحمد لله اذيك انت امجد: انا تمام،اذيك ياملك ملك:الحمد لله امجد: يارب ديما ملك:شكرا امجد: اهلا يا اسر اذيك اسر: تمام،اذيك انت امجد وهو بيبص لملك: كنت تعبانى بقالى اسبوع بس دلوقتى خفيت اسر وقد فهم مايعنيه امجد: لا الف سلامه امجد: الله يسلمك ريم: ملك هاتى رقمك ملك: ليه ريم:يعنى عشان لو حبيت اطمن عليكى ولا حاجه ملك: اوكى هاتى فونك اكتبهولك ريم: خدى اخذت ملك فون ريم وسجلت رقمها ملك: اتفضلى ريم: شكرا ياجميل _فون آسر رن آسر: الو يانينو ... ايه دا بجد...طب انا جاى حالا... لاطبعا هجبها معايا ويقفل الخط ملك: ايه يا آسر فى ايه آسر: مش هتصدقى المفجأه امجد وريم بيبصوا لبعض ومش فاهمين حاجه ملك: مفجأة ايه اخلص بقي آسر: لاتعالى شوفيها بنفسك آسر لريم وامجد: بعد اذنكوا ياجماعه معلش لازم نمشي أخد آسر ملك ومشيوا ملك: يابنى مش تفهمنى عمتو قالتلك ايه آسر: لامش هقول خليها مفاجأة وواثق انها هتعجبك اوى ملك بضيق: ماشى
عند نيرة عبدالرحمن: نينووووووووو نيرة: عبووووووى تجرى عليه نيرة وتحضنه عبدالرحمن: اختى حبيبتى وحشانى خالص نيرة: وانت كمان والله نور: وانا مليش نصيب ولا ايه نيرة:انت حبيب قلبى انا تعالا فى حضن عمتو يجرى نور عليها وتحضنو وتبوسوا نيرة: والله انتو نورتونا دى ملك هتفرح اوى دى كانت نفسها تشوف قرايبها اوى عبدالرحمن: هى فين نيرة: فى النادى مع آسر زمانهم جايين تعالوا نطلع الجنينه شويه على ما اسر وملك يوصلوا إسلام: يلا نيرة: انت قولت لفريد ياعبدالرحمن عبدالرحمن:لا لسه خليها مفاجاه نيرة:اوك،اطلعوا انتو وانا جايه وراكوا شرين: ماشى نيرة: سعااد سعاد:نعم ياهانم نيرة: اعملى حسابك اننا هنتغدى كلنا هنا النهارده سعاد:حاضر يا هانم تخرج نيرة تقعد معاهم وبعدها بشويه توصل ملك واسر ملك لآسر: مين اللى هناك دول آسر: هتعرفى دلوقتى يلا انزلى ينزل آسر من العربيه وتنزل ملك بعده تقف مكانها لما تلاقى آسر بيجرى عليهم آسر وهو بيجرى: اسلاااااام نووووووور نور وإسلام: آسوووووووور يحضنوا بعض احضان الشباب القويه دى ويروح يسلم على خاله ومراته نيرة: هى فين ملك آسر وبيشاور عليها: هناك اهى شكلها مكسوفه تيجى نيرة بصوت عالى عشان ملك تسمع: ملك حبيبتى تعالى تمشي ملك خطوه وترجع اتنين ملك لنفسها: مين دول طب انا مش عرفاهم اتعامل معاهم ازاى دول مش عارفه بقي انا هروح اقف جمب عمتو ولسه بتبص قدمها تلاقى آسر فى وشها آسر: ايه يابنتى هتفضلى واقفه هنا كتير يلا تعالى ملك: حاضر تروح ملك عندهم شرين: بسم الله ماشاء الله عليكى قمر ياملك ملك: شكرا نور لإسلام: اوبا دى طلعت جامده فحت إسلام: اتلم بدل ما اقول لابوك نور: خلاص اهو سكت نيرة: ملك فاكره امبارح واحنا قاعدين مع بعض قولتيلى ايه ملك بتوتر: اه فاكره نيرة بسعاده: مش هتصدقى دا عمو عبدالرحمن ودى طنط شرين مراته واسلام ونور اولادهم ملك مش مستوعبه اللى قالته لكن فرحانه: ايه دا بجد عبدالرحمن: تعالى فى حضن عمو تجرى ملك عليه وتحضنه جامد وهى بتحضنه عيونها تدمع نور لنفسه: يبختك ياعم بابا نيرة: ايه يالوكا بتبكى ليه ملك بدموع: اصلى فرحانه اوى ومكنتش متخيله انهم هيجوا بالسرعه دى آسر: شوفتى بقي مش قولتلك انك هتفرحى اوى
تحميل محتوى الموضوع
عرض نسخة صالحة للطباعة
أرسل هذا الموضوع إلى صديق
[7]
الدعوات : 2قوة السمعة : 10
قصة شباب طفلة