نزلت ليليان من السيارة و سارت في طريقها ولكن ووجدت أمامها... ليليان بتوتر: محمود؟! محمود: كنتي فين يا هانم واي اللي منزلك من عربيه مع شباب ليليان: انت فاهم غلط محمود وهو يحاول كتم غضبه، : اتفضلي قدامى عشان الناس متتفرجش علينا ادمعت عينها وقالت بصوت بكائي: انا والله معلمتش حاجه... سحبها محمود من ذراعها بقوه، صعد محمود إلى المنزل ومعه ليليان... دفعه محمود و قال بحده: الهانم اهي.
منصور: في اي يا ابني ومالك مسكها كدا ليه؟ محمود: شوفها كنت بتتسرمح فين وكانت مع مين؟ منصور: في إي يا ليليان اتكلمي يا بنتي منه: في اي ما تفهمونا ليليان: عديت الطريق وفي عربيه خبطتني و وادني على المستشفى وبعدين وصلني منصور: طب كتر خيره ليليان: محمود بيزعقلي... سهير: طب وانتي كويسه يا بنتي ليليان: شرخ بسيط في رجلي منه: طب وانتي نزلتي ليه اصلا ليليان: واحده صاحبتي في الجامعه اتصلت بيا وقالت إنها تعبانة وكدا.
منصور بعدم اقتناع: ماشي يا بنتي ادخلي ارتاحي ليليان: ماشي، بعد اذنكم محمود: انتم مصدقينها منصور: لا بس احنا ملناش الحق اننا نحقق معها يا ابني وبعدين فعلا البت رجلها متعورة محمود: انا مبقتش فاهمك والله منصور: ادخل نام يا ابني ونبقى نتكلم بعدين منه: وانا كمان هدخل انام... دخل كل واحد إلى غرفته... في غرفه منصور وزوجته سهير: هو انت عرفت حاجه يا منصور منصور: لا بس حاسس ان صباح كلمت البت في موضوع محمود.
سهير: قصدك أن ليليان مش موافقه منصور: اهااااا سهير: وهو محمود وحش منصور: لا يا ام محمود بس الجواز مش بالعافية عند ليليان ومنة في الغرفه... منه: نمتي؟ ليليان: لا لسه منه: في حاجه يا ليليان، لو في حاجه قوليلي ليليان: لا مفيش منه: طيب كانت ليليان نايمه على الفراش و تمسك هاتفها، وكانت تتحدث مع رضوي في الشات اخبرتها بما حدث... رضوي (انتي كويسه طيب ) ليليان (اهااا الحمد الله كانت بسيطة ).
رضوي (طيب يا حبيبتي حمد الله على سلامتك ) ليليان (الله يسلمك) وجدت ليليان إشعار لرساله من أدهم (ليليان) ليليان (نعم؟ ) أدهم (اسف عشان اتعصبت عليكي بس انا كنت خايف عليكي) ليليان(مفيش حاجه يا أدهم، وشكرا ليك) أدهم (زعلانه؟!) ليليان (لا) أدهم (انتي غلطانه اصلا اللي يخليكي تنزلي لوحدك و كمان مش بتردي على حد و قلقتنا عليكي، وغير موضوع ابن خالك دا) تفاجأت ليليان من طريقته وردت عليه (وانت تقلق عليا ليه ).
أدهم (عادي، صحاب عادي) ليليان (ماشي) أدهم (طب الموضوع خلص ولا) ليليان (مش عارفه والله، بس اكيد يعني مش هتجوزه غصب) أدهم (اممممم اكيد بس لو حصل هتعملي اي ) ليليان( مش عارفه بس لا مش هيحصل) أدهم (عايز اقولك على حاجه) توترت ليليان وخفق قلبها وكتبت (ايه) أدهم (انا عايز ارتبط بيكي) اتسعت عينها بذهول عندما رأت الرسالة... أدهم (اي مش هتردي) ليليان (برد اهو) أدهم (اهااا قولتي اي برضو) ليليان (مش عارفه).
أدهم (مش عارفه اي يا اها يا لا) ليليان (اممممم طب ممكن نتكلم في الموضوع دا بعدين) أدهم (ماشي، رجلك كويسه ولا وجاكي) ليليان (لا كويسه الحمد الله) أدهم (الحمد الله، هتنزلي بكرا ) ليليان (اهااا أن شاء الله وانت) أدهم (هنزل) ليليان (ماشي) أدهم (هتنزلي امتى) ليليان (هنزل الساعه ١٠) أدهم (تمام) ليليان (انا هقفل وانام) أدهم (ماشي تصبحي على خير يا روحي).
ليليان (وانت من اهله)، قفلت ليليان النت ووضعت الهاتف جنبها، وظلت تفكر في طلب أدهم حتى راحت في النوم... استيقظت في الصباح، وكانت منة قد انتهت من ارتداء ملابسها... ليليان: صباح الخير منه: انتي رايحه ولا ليليان: اهااا عندي محاضرات منه: حبيتي الجامعه اهو؟، منة كانت شاكة فإن ليليان وراها حاجه... ليليان: ههههه لا والله بس عشان مفيش حاجه تفوتني وعشان الامتحانات منه: ماشي. انا نازله عاوزه حاجه.
ليليان: لا يا حبيبتي انتهت ليليان من ارتداء ملابسها و قامت بوضع احمر شفاه بلون الأحمر، خرجت ليليان من الغرفه، واتجهت ناحيه الباب... اتاها صوته من الخلف محمود: حلو اوووي اللي انت عملها في نفسك دا؟ ليليان بضيق: وانت مالك انا حره البس اللي انا عاوزها محمود: حره فعلا ماانتي محدش رباكي فتحت الباب ليليان وغادرت دون أن ترد عليه، و لكن اول خرجت من الشارع تفاجأت بوقوف أدهم أمام سيارته في انتظارها ليليان: أدهم!
أدهم: اركبي ليليان: انت... فتح أدهم الباب لها وقال: اركبي الأول بس وبعدين نتكلم دخلت ليليان السيارة وكذلك أدهم و قاد السيارة... ليليان: هو انت جيت ليه...؟ أدهم: جيت عشان أشوفك ليليان: ماشي أدهم: قولتي اي؟ ليليان: هو انت قولتي كدا ليه؟ أدهم: عشان معجب بيكي ليليان: انا بقلق منك استغرب أدهم من ردها... أدهم بتعجب: اي...! ليليان: اصل يعني اي اللي هيخليك ترتبط بيا و بعدين معادش فتره كبيره حتى؟
أدهم: مش بحب استنى كتير، طلالما الحاجه اقدر اقولها، وبعدين انتي قلقانه كدا ليه؟ ليليان: مش عارفه أدهم: موافقه ولا... ليليان بتردد: اها أدهم: ياااااه دا كله عشان تقولي موافقه اومال لو قولتلك بحبك هتعملي اي؟ احمر وجنتها، و اخدت تفرك أطراف أصابعها... أدهم: خلاص يا ستي، طب انتي ارتبطي قبل كدا ليليان: لا أدهم: اول مره يعني ليليان: اهااا.
وصلوا إلى الجامعه نزلت ليليان و تابعها أدهم و ذهبوا إلى المكان الذي يجلس بي رضوي و يوسف رضوي: انتم جايين مع بعض ولا اي؟ أدهم: اهااا ليليان: هي سالي جات ولا؟ رضوي: اهااا في المحاضره وجايه أدهم: انا هروح اسأل على الملازم وارجع يوسف: خدني معاك عشان اجيب ملازم رضوي: هو انتي وادهم في بينكم حاجه؟ ليليان: حاجه اي رضوي: مرتبطين يعني؟ ليليان بتوتر: لا، اه رضوي بجدية: لا ولا اها.
ليليان: بصراحه اهااا بس دا لسه يعني هو قالي نرتبط امبارح وانا وافقت رضوي: ليه؟ ليليان: هو اي اللي ليه؟ رضوي: انتي تعرفي اي عن أدهم عشان ترتبطي بيه اصلا، وبعدين يا ليليان لو اهلك عرفوا... ليليان: معرفش حاجه، ومحدش هيعرف رضوي: انتي اللي هتجيبي لنفسك والله، أدهم مش بيحبك و بيتسلي بيكي ليليان: طب وليه بيقولي كدا.
رضوي: أدهم مفكر أن البنات لعبه و بيتسلي ولسه سايب سلمي عشان يرتبط بيكي وعلى حال دا ما ساعه شوفته اصلا... ليليان: طب اعمل اي؟ رضوي: متزعليش مني بس انا خايفه على مصلحتك، وبقولك سكه أدهم غير سكتك دا هيوديكي في داهيه... ليليان بخوف: انتي ليه بتقولي كدا، قطع كلامهم صوت احدهم و تفاجأت رضوي بوجودها سلمي: ازيك يا رضوي رضوي: الحمد الله وانتي؟ سلمي: كويسه، انتي معاكي حد من الشلة ولا؟ رضوي: يوسف وادهم ولسه ماشين.
سلمي: اممممم طيب ابقى سلميلي على أدهم بقا رضوي: حاضر سلمي: انتي طالعه الرحلة ولا رضوي: لا طبعا اهلي مش هيرضوا سلمي وهي تنظر ل ليليان بتحدي: انا مش هطلع غير الا لو أدهم طلع رضوي: اممممم مش عارفه بقى ابقى اسألي سلمي: ماشي انا همشي عاوزه حاجه رضوي: لا يا حبيبتي، ، ليليان طبعا كانت مضايقة اوي من طريقة سلمي على أدهم و لاحظتها و سألتها وشك قلب ليه؟ -ولا حاجه انا هقوم امشي -ليليان بطلي هبل.
-مفيش حاجه بس عاوزه امشي -اقعدي بس، على فكره هي بتغيظك -عرفت، بس تفتكري أدهم هيطلع -اهااا طبعا هتلاقي أدهم و زين و يوسف طالعين و طبعا سالي و سهر -اممممم عرفتي ازاي؟ -مش عارفه بس هما بيحبوا الرحلات و أدهم ممكن يطلب منك أن تروحي معها و انا بقولك بلاش، خلي بالك منة... ليليان بحيره: حاضر رضوي: وفكي كدا عشان زمانهم جايين... آت أدهم ويوسف... يوسف: اممم كنتوا بتتكلموا في ايه؟ رضوي بابتسامة: ولا حاجه.
أدهم: هي سالي كل دا فالمحاضرة رضوي: اهااا، انت هتطلع الرحلة بتاعت آخر الشهر دي أدهم: اهااا وانتي رضوي: مش هينفع عشان اهلي... يوسف: عقد اوووووي رضوي: مش عقد ولا حاجه بس اي اللي يخليني اروح رحله وابات برا البيت... أدهم: وانتي هتباتي في الشارع يعني؟ -لا بابا مش هيرضي يوسف: زين وسالي وسهر جايين اصلا وادينا هنفك على نفسنا اسبوع قبل الامتحانات أدهم: وانتي يا ليليان؟ ليليان: وانا اي؟ أدهم: هتتطلعي الرحلة ولا؟
ليليان: لا اهلي مش هيرضوا أدهم: حاولي معاهم طيب ليليان: ماشي... رضوي: اكيد مش هيرضوا يوسف: اهااا الرحلات للبنات مش حلوه اصلا ليليان: اهااا فعلا... رضوي: طب مش يلا نروح انا وانتي ليليان: ماشي يلا يوسف: ما لسه بدري رضوي: تتعوض يوم تاني، استنوا انتم سالي بقا أدهم: ماشي... قامت ليليان و رضوي معا... رضوي: مالك يا بنتي ليليان: ولا حاجه... رضوي: بلاش تتطلعي معها ليليان: مش هطلع رضوي: هتيجي بكرا ليليان: لا مش نازله.
رضوي: خلاص لما تروحي كلميني بقا أدهم بضيق: هو اي الرحلات مش حلوه للبنات انت بتقول اي؟ يوسف: اللي انت فهمته يا أدهم انا مش عاوزها تتطلع انت عارف انها ملهاش صحاب غير رضوي و رضوي مش هتيجي، وملهاش لازمه تبقى معانا واحنا شباب أدهم: غريب انت اوووي يوسف: لا مش غريب بس انت عارف انها لو تخصك مش هتخليها ولا تتطلع ولا تتدخل أدهم: قصدك اي؟ يوسف: مقصدش حاجه، ، بس بلاش ليليان في الموضوع دا.
أدهم: على فكره احنا مرتبطين... يوسف بصدمه: امتى!؟ أدهم: من فتره... يوسف: اممممم يبقى المفروض انت اللي تخاف عليها مش انا... أدهم: انت مكبر الموضوع ليه؟ يوسف: لا انت اللي بتستهبل، و واخد الحياه هزار وعلى مزاجك الناس مش لعبه في ايدك، مش كل شويه تاخد واحده تقضي معها يومين وترميها أدهم: هو انا بغصب حد على حاجه يوسف: لا، بس بلاش دي يا أدهم عشان انا مش هسيبك تعملها حاجه، ، قام أدهم و قال بغضب تمام يا يوسف.
ذهبت ليليان إلى المنزل... سهير: هتاكلي؟ ليليان: لا يا طنط شكرا سهير: تعالي يا ليليان عاوزه اتكلم معاكي شويه ليليان: نعم يا طنط سهير: اقعدي يا بنتي ليليان: فحاجه ولا؟ سهير: انتي مش موافقه على محمود ليه؟ ليليان بدهشه وحرج: انا... سهير: اتكلمي بصراحه يا بنتي، انتي زي منة ليليان: محمود كويس والله بس انا بحس انه زي اخويا ومش قادره اشوفه غير كدا سهير: طب حاولي يمكن مشاعرك تتغير ليليان: لا مش هتتغير سهير: بتحبي حد؟
ليليان: لا سهير: ماشي يا بنتي اللي تشوفي... ليليان: بعد اذنك يا طنط سهير: اتفضلي يا حبيبتي، دخلت ليليان الغرفه وقفلت الباب خلفها، وجلست على الفراش، تفقد هاتفها وقامت بالاتصال بوالدتها ليليان: الو صباح بعتاب: بتقفلي السكة في وشي دي عمله تعملها برضو ليليان: اسفه يا ماما صباح: ماشي يا بنتي ليليان: عامله اي وبابا عامله وعمتو صباح: الحمد الله بخير وعمتك ربنا يعينها ليليان: يارب...
صباح: انا هقفل عشان ارد على ابوكي سلام ليليان: سلام... ذهب أدهم إلى منزله وهو يشعر بالضيق من حديثه مع يوسف، و قام عشان يفتح الباب و طبعا كان زين زي ما اتوقع، فتحله و دخل و مقالش حاجه، ، دخل زين و قال في إي يا ابني...؟ -مفيش يا زين بس طبعا انت اكيد عرفت اللي يوسف قاله... -اومال مشيت ليه...؟ أدهم: فككك يا زين مفيش حاجه... زين: طب اتخانقت مع يوسف ليه؟ أدهم: محصلش حاجه زين: حصل اي؟
أدهم: الأستاذ قاعد معايا وبقولي انا مش هسمحلك تعملها حاجه زين: هي مين، انا مش فاهم حاجة؟ أدهم: ليليان زين: وليليان مالها أدهم: انا كنت بقولها اطلعي الرحلة وكدا فهو اتحمق اووووي عليها، فقولتله أن احنا مرتبطين و كدا زين: وانتم ارتبطوا امتى؟ أدهم: لسه انهارده يعني زين: ارتباط تسليه زي كل مره يعني أدهم: ايوه انا حر زين: أدهم ممكن تهدي الأول، عشان نعرف نتكلم وبعدين مش هتخسر صاحبك.
أدهم: يا ابني انا متكلمتش، هو اللي اتحمق اووووي زين: وأنت غيران؟ أدهم بدهشه: غيران من أي؟ كدا كدا هي متخصنيش بحاجه... زين: اممممم ماشي، يعني دلوقتي الموضوع واقف على أي؟ أدهم: معرفش... زين: طب كلم يوسف شوفه فين؟ أدهم: مش هكلم حد زين: انا مش فاهم انت مضايق ليه... أدهم: مش مضايق ولا حاجه... زين: لا مضايق يا أدهم انت مش شايف نفسك... أدهم: طيب خلاص بقا خلص الحوار زين: ماشي و لو على يوسف هو مش مضايق... أدهم: طيب.
زين: طب مش هتخرج معانا أدهم: لا زين: عشان البنات ميلاحظوش حاجه أدهم: في داهيه... زين: نفسي اسلوبك دا يتغير أدهم: مش هيتغير زين: ماشي أنا همشي و هبقي اكلمك أدهم: ماشي... غادر زين وذهب إلى الكافيه... سالي: كنت فين؟ زين: كنت بسأل على حاجه، و جيت على طول... سهر: وادهم فين؟ زين: معرفش يوسف: انا همشي زين: ليه سهر: انت هتهزر يا يوسف يوسف: مليش مزاج والله.
سالي: والله انتم بتستعبطوا يعني رضوي وليليان مشوا من بدري، وادهم مجاش وانت عاوز تمشي سهر: انا كلمت رضوي و ليليان، وليليان قالت إنها هتنزل وتيجي و رضوي نفس الكلام زين: بجد؟ سهر: اهااا اصل هما راحو من بدري مفهاش حاجه لو نزلوا شويه دلوقتي يوسف: ليليان... زين: خلاص قوم امشي يا يوسف وانا هفضل معاهم يوسف: لا عادي هخليني زين: اممممم هتخليك، امسك هاتفه و قام بإرسال رساله لادهم يخبره بقدوم ليليان.
زين: وهما هيجوا امتى... سهر: رضوي بعتلي على الواتس وقالت انهم في الطريق زين: اممممم ماشي، أدهم جي اهو سالي: بجد؟ أدهم: اهااااا و سحب المقعد وجلس سهر: كنت فين؟ أدهم: روحت عشان اغير سالي: ماشي، هو في حاجه ولا أدهم: لا مفيش... فجأة قال زين بهيام و هو ينظر على مدخل الكافية بجد ايه الجمال دا؟، نظر له يوسف و قال ايه؟ رد زين و هو باصص في صاروخ داخل الكافيه لمحته من برا حاجه تقول للقمر قوم و انا اقعد مكانك...
لفت نظرهم كلام زين ونظر كل من يوسف وادهم ولكن كانت الصدمه.
التف أدهم ويوسف، ولكن كانت الصدمه فتلك هي ليليان، وكانت ترتدي بنطلون جينز ضيق و عليه بلوزه بكم باللون الأحمر مفتوحه قليلا من عند الصدر و ينسدل شعرها الطويل على جسدها مما اعطها شكلا جذابا... زين بدهشه: دي ليليان!لا قمر الصراحه يوسف بإعجاب: اهااا سهر: فين...؟ اقترابت ليليان و رضوي منةم... ليليان: سوري اتاخرنا... سهر: يقلبي...
كان أدهم يجلس و لم ينطق ب كلمه بعد أن رآها و يكور قبضه يده بضيق وكان ينظر لها بضيق... سالي: نزلت ازاي يا رضوي؟ رضوي: روحت لاقيت ماما بتقولي ابوكي مسافر، فقولت الحمد الله سالي: ههههههههه كويس وانتي يا لي لي ليليان: عادي قولتلهم هخرج مع صاحبتي سهر: أدهم ساكت ليه؟ أدهم: ولا حاجه... يوسف: بس كدا مش هتتاخري ليليان: ماانا هروح انا و رضوي مع بعض... يوسف: امممم ماشي.
رضوي: انا احتمال اطلع الرحلة على فكره لو بابا فضل مسافر زين: يا حلاوتك، ان غاب القط العب يا فأر، وانتي يا لي لي ليليان: هطلع... يوسف: غيرتي رايك ليه؟ ليليان باستفزاز: مش أدهم عايزني اطلع... كان أدهم يجلس ويهز قدمه وينظر لها بضيق... يوسف بتعجب: أدهم؟! أدهم: نعم... يوسف: انت اي رايك؟ أدهم: براحتها... كان يوجد طاوله يجلس عليها شابان وكانوا ينظروا ليليان منذ أن دخلت... الشاب الأول: جامده اووووي الصراحه...
رد عليه الشاب الآخر: اهااااا والبنت اللي جنبها كمان الشاب الأول: انا عايز اكلمها بايه طريقه رد عليه الأخرى: ازاي دول معاهم تلات شباب الشاب الأول: اهااااا هستني لما يمشوا... كان أدهم يلاحظ نظرتهم ليها منذ أن دخلت أدهم بنفاذ صبر: ما تيجوا نمشي من هنا زين: المكان حلو وبعدين احنا على طول بنقعد في الكافيه دا يوسف: في حاجه ولا؟ أدهم بحنق: تمام مفيش، هقوم هروح الحمام... سالي: هو أدهم في حاجه مضايقها ولا؟ زين: لا.
يوسف: ليليان مش هتروحي؟ ليليان: هقعد شويه وهنمشي يوسف: ماشي... ذهب أدهم إلى الحمام وقام بغسل وجهه بالمياه البارد... وخرج وأثناء رجوعه لطاولتهم سمع الحديث بينهم... الشاب الأول: والله مش هسكت غير ما اكلمها وهتشوف، اصل محدش يسيب القمر دا ويمشي، جز أدهم على أسنانه و رجع خطوه وقف أمامهم و قام بقلب الترابيزه، تفاجأ الاثنين، قام أدهم سحب الشاب ولكمه في وجهه... زين: اي دا في اي؟ يوسف: دا أدهم.
شهقت سالي بصدمة و قالت أدهم... ذهب زين ويوسف اليه، وحاول زين تخليص الشاب من بين يده يوسف: أدهم في اي الناس كلها بتتفرج عليك... الشاب: انت مجنون احنا فب مكان محترم... أدهم: وانا هوريك الاحترام كويس يوسف: أدهم خلاص زين: خد صاحبك وامشي الشاب: مش همشي غير ما اخد حقي، رد عليه صديقه، يلا بس نمشي عشان الموضوع هيكبر شكله زين: أتفضلوا... يوسف: اي اللي انت عملته دا، دا انت شوهت الواد يعني فيها سجن لو عملك محضر.
أدهم: خلي يعمل... اقترابت سالي و سهر سالي: انت كويس؟ أدهم: اهااا سهر: هو حصل اي أدهم: مفيش... زين: تعالوا نقعد طيب... رضوي: هو أدهم اتجنن ليليان: معرفش الناس معلمتش حاجه اصلا رضوي: الواد وشه ضاع يا بنتي ليليان بقلق: أدهم اتعور... رضوي: اهااااا هو مش واخد باله ولا اي تركتها ليليان وذهبت ناحيته... ليليان: انت كويس؟ أدهم: اهااا ليليان: ايدك اتعورت أدهم: اهااا زين: اي دا ايدك اتعورت من أي؟
أدهم: ازاز الترابيزه اللي اتكسرت يوسف: طب تعالوا نروح نقعد بدل واقفتنا دي ظلت ليليان وافقه مكانها، و بعد ذلك خرجت من الكافيه ووقفت في الخارج، اتجهت وجلس الجميع على الطاولة ولاحظ أدهم خروج ليليان أدهم: ثواني وجاي سالي: طيب، خرج أدهم ليها... أدهم: واقفه برا ليه؟ ليليان: عادي أدهم: طب ادخلي وقفتك هنا مش حلوه اللي رايح واللي راجع بيبص عليكي... ليليان: هو انت اتخانقت ليه؟ أدهم: وانتي مالك.
ليليان بضيق: خلاص وانت مالك برضو أقف زي ماانا عاوزه... أدهم: ليليان مضايقنيش... ليليان: وانت تتضايق ليه، وبعدين انا معملتش حاجه انت اللي مش طايق نفسك من ساعه كنت في الجامعه و دلوقتي اتخانقت مع الناس من غير سبب و قاعد مش على بعضك اصلا حتى ولا اكن حد قاعد معاك... أدهم: اي اللي انتي لبسها دا؟ ليليان بضيق: انت سيبت كل حاجه وبتتكلم على اللبس.
أدهم: اهااا ما هو حضرتك نازله كدا ليه وبعدين مين سامحلك انك تيجي اصلا ليليان: ليه وانا هاخد منك الأذن مثلا... أدهم: براحتك، بس دا لو دا حصل تاني هزعلك ليليان: هو انت بتكلمني كدا ليه، انت مالك بيا أدهم: ادخلي هاتي شنطتك ويلا عشان تروحي ليليان: لسه هقعد شويه أدهم: لما تنزلي بلبس محترم تبقى تقعدي براحتك وخشي الحمام لمى شعرك دا و امسحي القرف اللي في وشك... ليليان وقد أوشكت على البكاء: انت...
أدهم: خلصي، خمس دقايق وتكوني عملتي اللي قولتلك عليه، ويلا عشان الناس بتتفرج علينا... ليليان: ماشي، دخلت ليليان وأخذت الشنطه رضوي: اي يا بنتي ليليان: مفيش، وتركتهم وذهبت إلى الحمام وقامت بلم شعرها، واخذت منديل لتسمح ما على وجهها، وخرجت أدهم: اتفضلي... ليليان: مرتاح كدا أدهم: لا بس يلا عشان متتاخريش ليليان: طيب... فتح أدهم لها السيارة، ودخلت وركب هو الآخر... وقام باخد شاش ولازق و وضعهم على الجرح.
ليليان: انت بتبقي عامل حسابك على الخناقات بها أدهم: اهااااا متشرد بعيد عنك ليليان: اممممم ادهم: هو انتي بتضايقني؟ ليليان بتعحب: هضايقك ليه؟! انت اللي طايق نفسك وقاعد تضرب في خلق الله انا مالي... أدهم بنرفزة: ما هو بسببك انتي! ليليان: انا؟ أدهم: مفيش رحلات هتتطلع ليليان: هطلع أدهم: لا ليليان: هطلع يا أدهم، أوقف أدهم السيارة فجاه... ليليان: وقفت ليه؟ أدهم: هتتطلعي؟ ليليان: اهااا أدهم: ماشي براحتك.
ليليان: مش هو انت الصبح كنت عاوزني اطلع أدهم: اها ليليان: اي اللي غير رايك؟ أدهم: مفيش اطلعي، انتي حره بس استحملي اللي هيحصلك... ليليان: ماشي، ممكن توصلني بقا ولا انزل هنا واركب قاد أدهم السيارة دون أن يرد عليها، وصلها إلى منزلها وبعد ذلك ذهب إلى منزله... كانت ليليان تجلس في غرفتها و هي تبكي، رن هاتفها... ليليان: الو رضوي: اي يا بنتي هو حصل اي؟ ليليان: ولا حاجه رضوي: هو أدهم كان ماله؟
ليليان: معرفش انا اول مره اشوفه كدا رضوي: وانا ليليان: انا زهقت رضوي: من أي؟ ليليان: حوار أدهم دا مش عاجبني انتي شايفه عمل اي رضوي: تلاقي حاجه ضيقته ليليان: يروح يعمل كدا رضوي: هتتطلعي الرحلة ليليان: اهااا رضوي: اشطا وانا كمان اصل بابا مسافر شهرين ليليان: الحمد الله رضوي: الرحلة اسبوع ليليان: اهااا عارفه، انا بفكر مطلعش رضوي: ليه؟ ليليان: أدهم مش عاوزني اطلع، وتقريبا كدا مبيكلمنيش رضوي: هو اتجنن ولا اي؟
ليليان: معرفش رضوي: هنطلع يا بت ولا يهمك، خلي براحته ليليان: صح... رضوي: هو ملهوش حكم عليكي اصلا ليليان: فعلا... رضوي: هتنزلي بكرا ليليان: على الأسبوع الجاي بقا و بالمرة نحجز الرحلة... رضوي: اشطا... مر اسبوع أدهم لم يتحدث معها ولا مره... نزلت ليليان الجامعه وقابلت رضوي هناك... ليليان: هو حد نازل انهارده؟ رضوي: لا مفيش ليه؟ ليليان: ولا حاجه... رضوي: استنى يوسف بيرن اهو أصله قال ممكن ينزل، و أجابت قائلة الو.
يوسف: رحتوا الجامعه؟ رضوي: اهااا انا وليليان هناك... يوسف: امممم انا كنت عاوز اقولك على حاجه بس بلاش يبان عليكي حاجه عشان ليليان رضوي: طيب هستناك يوسف: أدهم في الجامعه مع سلمي ماشي حاولي تاخدي ليليان وتمشي وانا هيجيلكم رضوي: طيب، قفلت رضوي الخط وقالت ماتيجي نتمشى ليليان: لا مش قادره خليني قاعدين رضوي: هو انتي بتحبي أدهم يا ليليان؟ ليليان: اشمعنا؟ رضوي: ولا حاجه بسألك.
وقبل أن ترد ليليان رأت أدهم وهو يمشي مع سلمي... ليليان: أدهم... رضوي: ايييييه؟! ليليان: مش دي سلمي صح رضوي بااسف: اهااااا ليليان: طيب... رضوي: ليليان انتي كويسه... ليليان: اهااا رضوي: اروح اجبلك حاجه تشربها طيب ليليان: لا يقلبي شكرا أتت يوسف و فهم أن ليليان شافت أدهم يوسف: الحلوه زعلانه ليه ابتسمت ليليان وقالت: لا مش زعلانه أعطاها يوسف الشنطه اللي كانت معه، اتفضلي ليليان: اي دا يوسف: شوكولاتة.
ليليان: شوكولاتة تاني... يوسف: اهااا لاني عارف انك لما بتكوني مضايقه بتحبي تأكلها، نظرت له ليليان بتعجب وقالت بامتنان: شكرا رضوي: انا هقوم أجيب حاجه نشربها طيب يوسف: ماشي ليليان: هو انت كنت عارف ان أدهم هنا صح يوسف: اهااا... ليليان: اممم انت طالع الرحلة يوسف: هطلع ليليان: ماشي... يوسف: وادهم طالع ليليان: انا مسالتش يوسف: بس عاوزه تعرفي... ليليان: اهااااا، انا عاوزه اقوم امشي من هنا يوسف: هتروحي...
ليليان: اهااا يوسف: أدهم على طول كدا ليليان: اهااا عادي يوسف: طب مش هتكلمي ليليان: لا مليش علاقه بي اصلا... عدي أدهم وسلمى من أمامهم ولكن تلك المرة رآها أدهم، وهي تجلس مع يوسف أدهم: سلمي تعالى هنسلم على يوسف و ليليان سلمي: ماشي، اقترب أدهم ومعه سلمي منةم... يوسف بتوتر: أدهم؟ أدهم بضيق: مقولتش انك نازل؟ يوسف: عادي، ازيك يا سلمى... سلمي: كويسه وانت يوسف: تمام.
كنت ليليان تمنع نفسها عن البكاء و احست انها فقدت السيطرة على اعصابها، فقامت ليليان من مكانها... يوسف: اي اللي انت بتعمله دا انت مجنون... أدهم: اتكلم عدل يا يوسف يوسف: انت بضايقها يعني أدهم: وانا هضايقها ليه مليش علاقه بيها اصلا... يوسف: ماشي، بعد اذنك هروحلها انا طلالما انت ملكش علاقه بيها... أدهم: استنى، انا رايح، ثواني وراجع يا سلمى...
كانت ليليان تجلس في جنب لوحدها وتضع وجهها في الارض و دموعها تبهط على وجنتها جلس أدهم جانبها، ليليان... مسحت ليليان دموعها، وقامت، امسكها من معصمها وقال اقعدي... ليليان: ملكش دعوه بيا... أدهم: حاضر، اقعدي بس ليليان: عايزة اي؟ أدهم: بتعيطي ليه؟ ليليان: مجنونه أدهم: بتغيري؟ ليليان: هغير ليه، مليش دعوه اصلا أدهم: امممم بجد... ليليان: اهااا بعد اذنك أدهم: استنى بس ليليان: انت ملكش كلام معايا اصلا.
أدهم: دا مين اللي قال كدا ليليان: انا و مفيش حاجه بينا اصلا احنا صحاب وبس أدهم: الصحاب بتتضايق من بعض ليه؟ ليليان: انا مش مضايقه منك أدهم: واضح ليليان: عايز اي؟ أدهم: بس احنا مش صحاب ليليان: لا صحاب وروح عشان الناس اللي مستنياك أدهم: حاضر، قام أدهم وتركها... ليليان: مهزق اووووي و بكت مره اخرى... رجع أدهم ليها تاني، طب تاخدي منديل طيب... ابتسمت ليليان: لا شكرا... أدهم: ممكن تبطلي عياط...
ليليان: لا انا زعلانه... أدهم: مني؟ ليليان: اهااا أدهم: طب اعملك اي ومتعيطش... نظرت له ليليان بعيونها الدامعة و الحمراء: متعملش حاجه، ويلا قوم امشي... أدهم: مش قادر اسيبك والله... ليليان: عادي ماانت سيبتني، ومش بتكلمني أدهم: انا اسف... ليليان: و ماشي مع سلمي ليه؟ أدهم: عادي والله مفيش بينا حاجه ليليان: بتتضحك عليا! أدهم: والله هي متفرقش معايا بحاجه ليليان: ولا انا افرق... أدهم: مكنتش جيتلك... ليليان: مش مصدقاك.
أدهم: ماانتي مش بتسمعي الكلام ونازله عشان عاوزه تروحي الرحلة برضو مع اني قولتلك لا ليليان: وانت غيرت رايك ليه فجأه كدا أدهم: عادي بس يوسف كلامه صح الرحلات للبنات مش حلوه... ليليان: طب ما البنات طالعين عادي و رضوي هتبقى معايا... أدهم: ماشي يا ليليان بس ولا هيبقى في طلوع و لا نزول غير برأيي ليليان: اومال انا مسافره ليه؟ أدهم: انا هعملك اللي انتي عاوزها بس هيبقى معايا انا... ليليان: هو انت بتعمل كدا ليه؟
أدهم: مجنون ليليان: طيب أدهم: متزعليش طيب... ليليان: أدهم انت اتغيرت فجأه وكل حاجه بقيت تقول عليها لا وبقي مش عاجبك لبسي ولا عاجبك حاجه خلاص انا مش لاقيه سبب لدا، مع اني مش مختلفة عن حد كلهم كدا... أدهم: لا بالنسبالي مختلفة... ليليان: ولما انا كدا بالنسبالك بتعاملني كدا ليه... أدهم: مش عارف والله بس بضايق لما حد بيبصلك... ليليان: طب وانا مالي.
أدهم: ماانتي اللي حلوه نعمل اي بقا، ما تنقبي احسن يا ليليان، ضحكت ليليان أدهم: انتي فكراني بهرز ليليان: بتتكلم جد؟ أدهم: اهااا ليليان: انا قايمه احسن أدهم: هاجي اوصلك ليليان: طب و سلمي أدهم: عادي... ابتسمت ليليان قامت معه، طبعا كانت فرحانه انه ساب سلمي و مشى، وخرجوا من الجامعه... ليليان: أدهم... أدهم: نعم ليليان: مش المفروض كنا نقولهم اننا هنمشي أدهم: انا هقولهم ليليان: ماشي أدهم: اركبي طيب ليليان: حاضر.
أدهم: الرحلة بكرا ليليان: اهااا أدهم: بس هتسافري معايا مفيش ركوب في الباص ليليان: اي دا ليه؟ أدهم: هيبقى في شباب كتير وكدا وعشان محدش يضايقك... ليليان: ما سهر و سالي و رضوي هيبقوا معايا أدهم: اهااا كل واحد براحته ليليان: ماشي يا أدهم، حاضر... أدهم: اوعى تكوني مضايقه ليليان: لا طبعا انا هطق من الانبساط أدهم: ومفيش حاجات عريانه ولا قصيره أو مفتوحه و شعرك يفضل ملموم و مفيش ميك اب.
ليليان: مجيش احسن يا أدهم والله، دا انا بعيب على محمود ابن خالي... أدهم: هو ابن خالك كان بيعمل كدا ليليان: اهااا وكنت بضايق منة أدهم: اممممم ماشي، ، على فكره موضوع قعدتك عند خالك دي رخمه ليليان: اهااا و هعمل اي في دي كمان اسافر بورسعيد و تتحرق الجامعه... أدهم: لا بس ليها حل تاني ليليان: اي هو.. أدهم: نتجوز... ليليان بدهشه: ايه!؟ أدهم: ايه، هو انا قولت حاجه غلط ليليان: انت بتهزر أدهم: لا بتكلم جد...
ليليان: أدهم انت كويس...؟ أدهم: اي المشكله يعني ليليان: ولا حاجه بس مش شايف انك متسرع شويه دا غير اني لسه صغيره وفي سنه اولى و أهلي مش هيرضوا وانت لسه في رابعه وناقصلك تلات سنين دا غير أن اصلا انت عايش في الامارات... أدهم: عادي انتي عندك ١٨ سنه يعني مش صغيره ولا حاجه، وأهلك دول مش كانوا عاوزين يخطبوكي لابن خالك.
ليليان: اهااا كانت هتبقى خطوبه عشان هو قريبي واصلا هما مكنوش عاوزين يقولوا لبابا عشان هو رافض... أدهم: ما هو قعدتك عندهم... ليليان: مفهاش حاجه لان انا قاعده عند خالو مش في الشارع يعني وبرضو هما خايفين عليا... أدهم: ماشي يا ليليان... ليليان: اتقمصت... أدهم: ايييييه؟! ليليان: مقموص يعني زعلان وكدا أدهم: لا مش مقموص... ليليان: ماشي اشوفك بكرا بقا أدهم: اممممم ماشي ليليان: أدهم أدهم: نعم ليليان: بجرب الاسم.
ابتسم أدهم: انتي بتجري شكلي بقا ليليان: ههههه اها، اصل ليك طلبات غريبه أدهم: هو فين الغريب ليليان: يعني هو في حد بيتجوز حد فجأه كدا أدهم: لا... ليليان: اومال اي أدهم: ماشي يا ستي براحتك خليكي لما تخلصي ادينا مستنيين يا ست الصغيره ليليان: ههههههههه حاضر أدهم: بس، ولا بلاش ليليان: ايه... أدهم: ولا حاجه... ليليان: بأي أدهم: ليليان ليليان: اي أدهم: ...
نظرت له و قالت في حاجه... -بحبك، ، اتوترت ليليان و لكن لم توصف سعادتها عندما سمعت هذه الكلمة منة و قالت انا نازلة... أمسك أدهم يدها، عارف انك متفاجأه و اني اتسرعت بس انا بحبك... ليليان: أدهم... أدهم: وانتي؟ ليليان: انا اي أدهم: بتحبني ولا... ليليان: أدهم انت غريب اوووي انهارده أدهم: بتحبني ولا؟ ليليان: مش هقولك حاجه غير لما اتأكد منةا... أدهم: ماشي... ليليان: اي مضايقتش يعني؟
أدهم: عادي اصل دي حاجه بتاعتك انتي انا مش هقدر اغصبك عليها ليليان: امممممممم أدهم: بس كدا كدا انتي بتاعتي انا سواء بمزاجك أو غصبن عنك... ليليان: مش بقول برضو متبقش أدهم لو مهددتنيش... أدهم: عشان بقولك الحقيقه ليليان: محدش بيعمل حاجه غصبن عنه أدهم: لا بتحصل عادي... ليليان: انا هنزل بقا أدهم: ماشي لما تتطلعي كلمني، وانا بكرا الصبح هبقي عندك عشان نسافر ليليان بتوتر: امممم ماشي أدهم: انتي خايفه تسافري معايا؟
ليليان فعلا خايفه خصوصا أن كلام رضوي عنه و تحذير ليها بس قالت لا أدهم: امممم مش باين بس ماشي.
نزلت ليليان من السياره وصعدت إلى منزلها قاد أدهم سيارته و اتصل بزين أدهم: اي يا زين انت فين؟ زين: في المكتب في حاجه ولا؟ أدهم: لا مفيش هتسافر بكرا بعربيتك زين: مع اني نفسي اروح بالباص بس هسافر بالعربيه وامري لله أدهم: هتمشي على أمتي زين: الباص هيتحرك ٧ واحنا نفس الكلام أدهم: تمام زين: سهر و سالي و رضوي و ليليان طالعين في الباص أدهم: اهااا بس ليليان هتيجي معايا زين: ليه؟
أدهم: ماانت عارف ان الباص هيبقى في شباب وكدا، و بصراحه انا مش عايز اعمل مشاكل في الجامعه زين: اهااا، انت مش شايف انك غريب شويه أدهم: ليه؟ زين: مش عارف بس طريقتك غريب يعني، على كلامك انها مش فارقه معاك ولا تخصك في ليه كل دا، انت لو جوزها مش هتعمل معها كدا أدهم بضيق: سلام يا زين زين: بتزعل من الحق انت أدهم: خلاص يا زين، انا حر وانت عارف ان مفيش واحده بتفارق مع أدهم النشار.
زين: طيب يا عم لما نشوف يا ابني انت مش بتبقى شايف نفسك عامل ازاي اصلا أدهم: اقفل فصل أدهم المكالمه... زين: بتقفل في وشي ماشي يا عم...
سهير طبعا مش موافقه انها تبات برا البيت و قالت هو يا بنتي لازم تروحي ليليان: اهااا اعمل اي بقا... سهير: طالما حاجه هتفيدك خلاص بس انا كنت خايفه لابوكي يعرف انك سافرتي ليليان: ومين اللي هيقوله بس سهير: اممممم طب حضري حاجاتك و ابقى كلمينا ليليان: حاضر يا طنط سهير: بس اسبوع كتير اوووي برضو ليليان: انا هكلمكم كل يوم و هطمنكم عليا و متخافيش ولا بابا ولا ماما هيعرفوا حاجه...
دخلت ليليان إلى الغرفه و قامت بوضع أغراضها في الشنطه، طرقت منة الباب ودخلت منه: يا واد يا جامد ليليان: هههههه ليه؟ منه: اصلي عمري ما طلعت رحله ليليان: دي مش رحله منه: اي يا لي لي انتي بتتضحكي عليا طب الكلام دا يخش على بابا اهااا لكن انا لا ليليان: بصراحه اهااا طالعه رحله بس انا قولتلهم انه معسكر عشان هنصور وكدا... منه: اممممم المهم خلي بالك من نفسك ليليان: حاضر.
كانت رضوي تجلس مع والدتها سميره: انا قلقانه والله رضوي: يا ماما دا اسبوع واحد وبعدين بابا مش هيجي دلوقتي خالص يعني مفهاش حاجه سميره: انتي عارفه يعني اي اسبوع بيات برا البيت رضوي: انا مش لوحدي معايا سالي وليليان... سميره: يا بنتي برضو رضوي: متخافيش يا ماما انا مش صغيره سميره: طيب يا بنتي ربنا يستر بس عشان ابوكي لو عرف هتبقى مصيبه... رضوي: ربنا هيسترها أن شاء الله... سميره: حضرتي حاجتك.
رضوي: اهااا وهدخل انام... دخلت رضوي إلى غرفتها واتصلت بليليان رضوي: اي نمتي ولا اي؟ ليليان: لا يقلبي صاحيه رضوي: جهزتي ولا ليليان: اهاااا، أدهم قالي انه هيوصلني بكرا رضوي: أدهم؟! ليليان: اهااا رضوي: ليليان هو انتي واثقه في أدهم اوووي كدا ليليان: مش فاهمه رضوي: قصدي أن أدهم غريب عنك و كمان مش عارفين بعض بقالكم كتير... ليليان: هو انتي قلقانه من أدهم ليه؟
رضوي: ادهم مستهتر و مش شايل مسئولية حاجه و كمان محدش بيفرق معها... ليليان: انتي تعرفي حاجه عن أدهم... رضوي بتهيدة لا بس انا بقولك خدي بالك مش اكتر ليليان: حاضر، انتي كلمتي سهر وسالي رضوي: اهاااا ليليان: اشطا رضوي: نتقابل في العين السخنة بقا... ليليان: ماشي يقلبي.
استيقظت رضوي فالصباح و ارتديت ملابسها وقام بالاتصال بسالي... ذهبت رضوي لمقابلتهم... سالي: فين ليليان؟ رضوي: هتيجي مع أدهم سالي: اشمعنا يعني؟ سهر: ما زين قالنا بلاش الباص... رضوي: عشان نستمتع بالرحله سالي: هو أدهم و ليليان بينهم حاجه رضوي: اهااا ارتبطوا سهر: بجد؟! رضوي: البااص وصل، صعدت الفتيات إلى الباص.
ذهب أدهم إلى ليليان.. ليليان: الباص لسه طالع أدهم: عرفت ويوسف و زين لسه طالعين على الطريق ليليان: اهاااا بعد مرور ساعتين وصلوا الجميع و كانت الفتيات تنظرهم هناك، وصل يوسف وزين وبعدهم أدهم زين: طب أي هنطلع نغير وبعدين ننزل سالي: اهاااا يوسف: اشطا، رضوي وليليان هتقعدوا مع بعض رضوي: اهاااا أدهم: اشطا يلا اطلعوا ليليان: وانت أدهم: هطلع برضو صعدت ليليان و رضوي و سالي و سهر.
سهر و هي تودعهم قبل أن تدخل إلى غرفتها: كلمونا رضوي: اشطا دخلت رضوي و ليليان إلى الغرفه و قاموا بوضع اغراضهم في الدولاب رضوي: هتعملي اي؟ ليليان: معرفش استنى لما نشوف الباقي، ، هي سلمي ف الرحله دي رضوي: اهااا كانت معانا فالباص ليليان بحزن: امممم ماشي رضوي: بلاش نكد على نفسنا ليليان: حاضر.
فالغرفه عند سالي و سهر سهر: انا بفكر اناملي ساعتين سالي: مكنتش متوقع أن ليليان كدا سهر: كدا ازاي؟ سالي: ارتبطت بالواد كدا من غير ما تقول لحد سهر: عادي واحنا من امتى بنعلق على حد ولا انت لسه بتفكري في أدهم يا سالي سالي: لا، هفكر في ليه؟ سهر: يبقى خلاص ملناش دعوه أدهم حر وهي حره سالي: اهاااا انا هنزل استكشف المكان... سهر: اممممم ماشي.
خرجت سالي من الغرفه ونزلت... سلمي: سالي سالي: اي يا سوسو سلمي: اي يقلبي رايحه فين؟ سالي: قولت اتمشى شويه سلمي: طب هاجي معاكي اصل مروه نامت وسابتني سالي: تعالى، خرجت الاثنين من الفندق... سلمي: هو أدهم جي ولا؟ سالي: اهااا سلمي: امممم ماشي سالي: هو انتي وادهم فركشتوا سلمي: مش بظبط...! سالي: اصل أدهم ارتبط بليليان سلمي: بجد؟ سالي: اهااا والله سلمي: متعرفيش اوضه أدهم فين سالي: الدور التالت، ١٢٣...
سلمي: اممممم ماشي.
ذهب يوسف لهم وطرق الباب الغرفه فتحت ليليان الباب، اتفضل يوسف: جهزتوا عشان ننزل ولا؟ ليليان: اهااا خلصنا... يوسف: اشطا احنا هنزل وانتم تعالوا على تحت على طول ليليان: خلاص اشطا... دخلت ليليان، رضوي خلصتي رضوي: اهاااا يلا ليليان: يلا نزلت ليليان و رضوي ولكنها تذكرت انها نسيت هاتفها في الغرفه ليليان: رضوي انا نسيت تليفوني فوق.
صعدت ليليان إلى غرفتها ولكنها رأت سلمي تطرق الباب على غرفه أدهم، وقفت ليليان لتراقب ما يحدث، فتح أدهم الباب... أدهم: سلمي سلمي: قولت اجي اشوفك أدهم: اممممم فحاجه ولا اي؟ سلمي: ولا حاجه يا روحي وحشتني أدهم: اممممم طب ممكن تنزلي بس عشان محدش يشوفنا سلمي: لو حد شافنا يعني؟ أدهم: طب يلا ننزل سلمي: ماشي يلا دخلت ليليان غرفتها سريعا، و بدأت بالبكاء... نزل أدهم ومعه سلمي... سلمي: انا هروح لمروه و هجيلك.
أدهم: ماشي، ، اتجه أدهم إليهم أدهم: هي ليليان فين رضوي: طلعت تجيب تليفونها أدهم: اممم ماشي زين: اي خطتكم سهر: هنخرج وهنبسط يوسف: ههههه اكيد رضوي: اشطا يوسف: انا عاوز انزل المياه سهر: ونبي اقعد بدل ما تبرد الجو سقعه.
أتصل أدهم بها ولكنها لم ترد عليه... رضوي: انا هطلع اشوف ليليان، ولكن وجدت ليليان قادمه، فقالت اتاخرتي ليه يا لي لي ليليان: كنت بكلم خالو اضايق أدهم من فستانها القصير الذي يكشف ساقها كامله و شعرها المفرود... ليليان: تعالى نتمشي رضوي: اشطا حد قايم سهر: لا روحوا انتم بقا رضوي: اشطا قامت ليليان و رضوي رضوي: انتي غيرتي ليه؟ ليليان: عادي قولت دا احسن رضوي: اهااا شكله حلو اوووي عليكي الصراحه.
ليليان: اهاااا قمر انا برضو.
يوسف: هتنزل المياه ولا أدهم بجمود: هنزل يوسف: وانت يا زين زين: المياه متلجه يا عم هنزل اعمل اي قام أدهم بخلع قميصه و اتجه ناحيه المياه و تابعه يوسف... زين: متخلفين والله سهر: ههههه حلاليف يا ابني حد ينزل المياه في شهر ١٢ سالي: انا هموت وانزل بس هتبقى ساقعه اوووي سهر: نبقى ننزل فالبسين سالي: اهاااا خرج يوسف من المياه و اخد منةم فوطه وقام بنشيف جسده و شعره يوسف: انا متلج بجد زين: قولتلك.
يوسف: أدهم المجنون بعد اووووي سهر: ونبي مش هتسكوا غير لما تتعبوا يوسف: انا هقوم اجبلي حاجه سخنه اشربها... رجعت ليليان و رضوي... ليليان: هو آدهم فين سهر: بيعوم ليليان بدهشه: بيعوم؟ رضوي: في الجو دا سهر: اهاااا... خرج أدهم من المياه وقام باارتدي ملابسه، وقام بسحبها من يدها، اندهش الجميع من فعلته ليليان: في اي يا أدهم؟ أدهم: اي اللي انت لبسها دا ليليان: هتبرد كدا.
أدهم: ملكيش دعوه بيا، اي اللي انت اللي لبسها دا رجلك كلها باينه ليليان: عادى فستان و كل اللي قاعد كدا أدهم: وأنتي مالك بيهم ليليان: انا حره أدهم: مش حره ليليان: لا حره يا أدهم البس اللي انا عاوزها براحتي و بعدين زيي زي اي واحده قاعده أدهم: طيب خلي كل اللي قاعد يبص على جسمك، تركها أدهم ومشى رجعت ليهم ليليان... زين: في اي ليليان: مش عارفه رضوي: هو راح فين ليليان: مقالش... زين: اكيد هيجي، آت يوسف...
سالي: اي كل دا يوسف: كنت بغير و بجيب قهوه سالي: ربنا يستر و متبردش بس يوسف: عيب عليكي هي هتبقى اول مره ولا اي سهر: هههههههه يوسف: أدهم فين؟ زين: معرفش طلع ومقالش لحد يوسف: اشطا عايزين بقا نغير ونروح نخرج في مكان مع بعض سهر: اشطا زين: هنسهر برا يعني يوسف: اهااا سهر: انا هطلع اغير واكلم ماما سالي: وهاتلي الجاكت بتاعي سهر: ماشي ليليان: وانا هطلع اغير رضوي: وانا زين: انجزوا بس رضوي: حاضر.
يوسف: اتصل باادهم زين: رنيت عليه مردش يوسف: هو حصل حاجه زين: لا يوسف: طيب هستني انا هقوم اطلعله زين: طيب.
صعد يوسف له، فتح أدهم الباب يوسف: انت طلعت ليه؟ أدهم: عادي شكلي خدت برد يوسف: مش هتخرج معانا أدهم: لا أخرجوا انتم يوسف: في حاجه ولا اي؟ أدهم: مفيش والله بس بدل ما اتعب يوسف: ماشي...
في غرفه رضوي وليليان رضوي: هتلبسي اي؟ ليليان: هخليني بالفستان وخلاص رضوي: طيب ليليان: انا مش عاوزه اخرج رضوي: ليه؟ ليليان: عادي رضوي: انتي نكديه ليليان: طب اغير ولا رضوي: براحتك انا شايفها حلو ليليان: هو قصير رضوي: جدا الصراحه و ضيق برضو ليليان: اممممم... غيرت ليليان ملابسها هي الأخرى.
خلصت سهر ونزلت لهم... سهر: ناقص رضوي و ليليان وأدهم يوسف: أدهم مش جاي نزلت ليليان و رضوي لهم ليليان: أدهم فين؟ يوسف: مش جاي قال إنه تعبان سهر: مش يلا بقا... مشيت ليليان وتركتهم فجأه رضوي: ليليان سهر: هي راحت فين...؟ رضوي بحيره: معرفش، ، طبعا كلهم مشوا و رضوي كانت قلقانه عليها لان سابتهم فجأة..
تحميل محتوى الموضوع
عرض نسخة صالحة للطباعة
أرسل هذا الموضوع إلى صديق
[4]
الدعوات : 2قوة السمعة : 10
رواية لعنة حب