رواية لعنة حب

رواية لعنة حب للكاتبة أسماء صلاح الفصل الثاني

اتجهت ليليان إلى الشخص، وقالت بضيق: انت مين ياعم انت؟
التفت يوسف إليها وقال: مالك يا لي لي
ليليان وهي تكاد تجن من طريقته وقالت بضيق أكثر: انت تعرفني منين
يوسف: عيب الناس بتتفرج علينا
ليليان: انت اصلا اللي جابك هنا
يوسف: الصدفه، مش بيقولوا صدفه خير من ألف ميعاد
ليليان: لا مش خير
يوسف: اجي أزور واحد صاحبنا وقولت اشوف حاجه اجيبها
ليليان: من السوبر ماركت؟!
يوسف: مش هما بيخدوا عصير وورد.

ضحكت ليليان مما أبرز غمازاتها وقالت اهااا وترمس كمان
يوسف: بتتريقي عليا
ليليان: لا
يوسف: هو انتي ساكنه هنا
ليليان: لا انا من بورسعيد
يوسف: احسن ناس
ليليان: برضو مش هاخد الشوكولاته
يوسف: اعتبرها هديه يا لي لي، ، استنى هرد على الفون
، أي يا أدهم انت فين
أدهم: انا تقربيا وصلت
يوسف: خلاص بس على الشارع ف سوبر ماركت كبير انا واقف في
أدهم: بتعمل اي
يوسف: بجيب عصير...
أدهم: هشوف مكان اركن ف العربيه و اجيلك.

يوسف: ما قولتلك تعالى مواصلات...
أدهم: اقفل يالا بدل ما اهزقك
يوسف: اي يا لي لي كنتي بتقولي اي
ليليان: شكرا انا همشي
يوسف: طب هشوفك تاني امتى
ليليان: لما صدفه تجمعنا تاني، يا بتاع الصدف
يوسف: انا نازل بكرا
ليليان: وانا مش هقابلك
يوسف: مش هتقدري تقاومي جمالي على فكره
ليليان: هههههههه ماشي
خرجت ليليان و ف طريقها قابلت أدهم...
أدهم بااستغراب: انتي؟
ليليان: نعم؟!
أدهم: انتي بتعملي اي هنا؟
ليليان: وانت مالك.

أدهم: انتي على طول لسانك طويل كدا!
ليليان: اهاااا
أدهم: طب يوسف فين
ليليان: وانا مالي
أدهم: يا بنتي كلميني عدل بدل ما اديكي على قفاكي...
ليليان: متقدرش
أدهم: ادهم يقدر يعمل اي حاجه
ليليان: على نفسك!
أدهم: احنا ف الشارع اتلمي
ليليان: هصوت واقول انك بتعاكسني
أدهم: اعاكسك؟على أي انتي مش شايفه نفسك
ليليان: شايفني طبعا
أدهم: بس انا مش شايفك...
ليليان بغيظ: انت رخم
أدهم: عادي
خرج يوسف و اتجه ناحيه أدهم...

ليليان: انا همشي
يوسف: ونبي متعرفيش الصيدليه اللي ف الشارع دا فين
أدهم: انت هتشحت يا ابني
يوسف: مش بدل ما نتهو
ليليان: اهااا اخر الشارع ف واحده
يوسف: طب انتي ماشيه ازاي
ليليان: على طول برضو مش هينفع امشي معاكم
أدهم: هو انتي تتطولي يا بنتي
ليليان: انا بتكلم مع يوسف اصلا
يوسف: يا كسفتك يا حازم، طب امشي انتي
ليليان: ماشي بأي
يوسف: عاوز اشوفك بكرا
ليليان: لا...
أدهم: اي عاوز اشوفك دي
يوسف: يا ابني بلاش الغرور دا.

أدهم: انا مغرور؟
يوسف: اهااا ويلا عشان منتاخرش ونطلع للناس...
أدهم: ماشي ياااخويا اتفضل
صعدت ليليان إلى المنزل وكان خالها وابنه وصلوا
منصور: كنتي فين
ليليان: كنت بجيب حاجات من تحت يا خالو
منصور: ومقولتليش ليه كنت اجبلك و انا جاي
ليليان: عادي يا خالو محبتش اتقل على حضرتك وبعدين السوبر ماركت على أول الشارع..
محمود: عملتي اي ف الجامعه
ليليان: تمام كويسه
محمود: الحمد الله، ، اتعرفتي على ناس ولا.

ليليان: لا متعرفش على حد
محمود: لا لازم تتعرفي على الناس وتبقى اجتماعه كدا المهم بلاش يكون ليكي علاقه بولاد
ليليان بضيق: أن شاء الله بعد اذنكم انا هدخل الاوضه.

قالت سهير معاتبه ابنها مش عيب يا ابني
محمود: انا بقول الصح يا أمي، ، ولا هنسيبها تدور على حل شعرها
سهير: ليليان كبيره مش صغيره واكيد عارفه هي بتعمل إي
منصور: صح يا ام محمود
محمود: طب اي يا بابا مش هتقول لعمتي
منصور: قولتلها وهي موافقه بس ناقص ابوه ليليان
محمود: وليليان؟
منصور: براحه على البنت يا ابني، وبعدين بلاش نفتحلها الموضوع دا عشان تعامل على طبيعتها ومتتحرجش
محمود: ماشي يا حج اللي تشوفه.

استيقظت ليليان ف الصباح و ارتديت ملابسها ( بنطلون جينز فاتح و عليه بلوزه سوده بكم و قامت بتسرح شعرها وربطته وقامت بوضع بعض الميك اب على وجهها ) خرجت من الغرفه ووجدت محمود يجلس ف الصاله فسغربت عدم ذهابه إلى الشغل...
محمود بغضب: اي القرف دا
ليليان: نعم؟ قرف اي
محمود: اللي انتي حطاها ف وشك و اللبس دا
ليليان بعصبيه: انا حره على فكره وانتي ملكش دعوه
محمود: تمسحي القرف دا حالا...

دمعت عينها وقالت بغضب: مش همسح حاجه وبعد اذنك بقا، عشان عندي محاضرات
نزلت ليليان على الدرج وهي تبكي، وأكملت الطريق على تلك الحاله حتى وصلت إلى الجامعه و دخلت إلى المدرج و لكن اتفاجات
ليليان بدهشه: انتم؟!
يوسف: تعالى اقعدي قولت اجي احجزلك المكان
ابتسمت ليليان: شكرا
زين: الجميل معيط ليه
ليليان: مفيش حاجه...
أدهم: الدكتور دخل...
جلست ليليان بجانبهم، وقالت بهمس ليوسف: هو انتم دخلتوا ازاي...
يوسف: عادي...

ليليان: مش خايف من الدكتور
يوسف: ولا يهمنا
زين: ركزي يا انسه المحاضره شغاله
ليليان: ههههههه حاضر...
أنتهت المحاضره وخرجوا الاربعه من المدرج...
يوسف: يلا عشان نروح نفطر
ليليان: لا شكرا
أدهم: ف حد مضايقك؟
ليليان: لا
زين: بابا منع عنك المصروف طيب
ليليان: ههههههه لا
أدهم: اومال اي
ليليان: مفيش حاجه بس انا مكسوفه امشي معاكم!
يوسف بدهشه: ليه يا اوختي
ليليان: مش عارفه!
زين: يلا يا بنتي امشي واضح أن شكلك عبيط...

أدهم: فعلا
ذهبوا إلى الكافتريا و قام يوسف وزين لإحضار الطعام...
ادهم: كنتي جايه معيطه ليه؟
ليليان: ولا حاجه
أدهم: مش عاوزه تقولي ليه
ليليان: مفيش بس عشان أنا قاعده عند خالو وكدا و ابنه بيرخم عليا وزعقلي الصبح قبل ما انزل عشان لبسي و الميك اب
أدهم: امممم هو انتي مش محتاجه ميك اب فعلا حلوه ف الحالتين واللبس عادي بس ممكن تلبسي حاجه أطول عشان الشباب والجامعه وكدا فاهمه.

ليليان: اها بس هو بيجري شكلي وانا اصلا مش عاوزه اقعد عندهم، كفايه اني جيت هنا لوحدي...
أدهم: لوحدك ليه كلنا مش عاجبنك يعني
ليليان: انتم مش قدي، ولا معايا
وضع يوسف الاكل على الترابيزه وقال ادينا بنحضر معاكي اهو اعتبرنا قدك...
ابتسمت ليليان وقالت: هههه حاضر
زين: عندك حاجه بكرا؟
ليليان: لا بس هنزل...
يوسف: ليه
ليليان: مش حابه اقعد ف البيت...
زين: امممم
ليليان: هي سالي منزلتش.

يوسف: اهااا راحت عليها نومه و رضوي مش بتنزل كل يوم عشان ابوها رخم شويه...
ليليان: امممم وانتم...
زين: انا مبنزلش غير يوم واحد ف الأسبوع عشان بيقي عندي شغل...
يوسف: وانا يا باشا
أدهم: وانا
ليليان: بس انتم نزلتوا امبارح كمان
يوسف: انا نزلت عشان عارف انك هتبقى لوحدك فقولت انزلك بعد ما حد يرخم عليكي...
ليليان: شكرا...
أدهم: عندك محاضرات تانيه
ليليان: اهاا واحده الساعه ٢
يوسف: ٢.

ليليان: اهااا عادي هبقي احضر لوحدي انا بدأت اعرف المكان
زين: جدعه...
يوسف: شطوره، انت وراك حاجه يا زين
زين: اهااا للأسف معايا ورق قضيه هودي المكتب ولازم امشي...
يوسف: وانا عندي شغل الساعه ٢، أدهم وراك حاجه
أدهم: لا...
يوسف: خليك انت مع ليليان
ليليان: شكرا انا هحضر واروح...
أدهم: خلاص ماشي...
يوسف: يلا احنا هنمشي
ليليان: بأي
ليليان: هو انت على طول ساكت كدا؟
ابتسم أدهم: لا عادي بتكلم.

ليليان: لا يوسف هو اللي بيتكلم
أدهم: لا عادي برضو، بس عشان انتي مش بتكوني مرتاحه ف القعده فالازم كلنا نتكلم و نوترك...
ليليان: اممممممم، انت لو وراك حاجه امشي مش عاوزه اعطلك
أدهم: لا مش ورايا...
ليليان: هو انت مش بتحضر
أدهم: بحضر عادي بس مش ديما عشان بسفر كتير
ليليان: هو انت مش من هنا
أدهم: اهلي عايشين ف الامارات وكدا فاانا بسافرلهم
ليليان: طب وانت دخلت الجامعه هنا ليه
أدهم: عادي، عشان فتره ثانوي كانت هنا.

ليليان: هو باباك شاغل اي؟
أدهم: دكتور، جراحه تجميل وعنده مستشفى هناك، و ماما مهندسه، و اختي كارمن مخلصه وكانت ف كليه هندسه زي ماما
ليليان: اممممممم...
أدهم: وانتي منين
ليليان: بورسعيد
أدهم: طب مدخلتيش هناك ليه
ليليان: التنسيق بقا بس ممكن أحول...
أدهم: هتحولي ليه
ليليان: مش عارفه بس مش مرتاحه هنا
أدهم: ليه
ليليان: مش عارفه بس مش حابه القعده ف بيت خالو...
أدهم: امممم بس ممكن متنفعيش تحولي.

ليليان: اهااا ساعتها هرضي وخلاص
أدهم: ياااا لدرجه دي
ليليان: اهاااا
أدهم: هو ابن خالك قد اي
ليليان: مخلص تعليم أصلا
أدهم: أكبر منك يعني
ليليان: اهااا، بس حاططني ف دماغه وعامل نفسه ابويا
أدهم: هههههههه عادي ممكن يكون خايف عليكي...
ليليان: محدش طلب منة...
أدهم: دماغك ناشفه اووووي
ليليان: لا بس هو ملهوش حكم عليا
أدهم: امممم، بس، قطع حديثهم قدوم سلمي...
سلمي: أدهم...
سلم أدهم عليها وجلست بجانبه...

أدهم: ليليان، سلمي
سلمي: اهلا...
ابتسمت ليليان و قامت بمسك هاتفها لتقلب فيه
سلمي: مقولتش انك هنا
أدهم: عادي انتي عارفه اني مبخدش إذن من حد ولا اي
سلمي بضيق: مش هتبطل طريقتك دي
أدهم: انا حره يا سلمى و بعدين يوسف كلمني فنزلت
سلمي: طيب، انا هقوم
أدهم: ماشي
كانت ليليان تسمع حديثهم، وهي تقلب ف هاتفها، وبعد أن مشت سلمي تركته
ليليان: ممكن اسالك سؤال؟
أدهم: اي
ليليان: هو انت كلمتها وحش كدا ليه.

أدهم: عادي مش وحش بس كل واحد حر وانا مش بحب حد يتحكم فيا ويقولي بتعمل اي ومبتعملش اي...
ليليان: اممممممم
أدهم: الساعه ٢ مش يلا عشان المحاضره...
ليليان: ماشي، رن هاتف أدهم
أدهم: ثواني هرد على التليفون ابتعد أدهم عده خطوات عنها
أدهم: لا مش جاي
المتصل: يا أدهم بيه والد حضرتك قالي انك لازم تكون ف المستشفى دلوقتي عشان الاجتماع
ادهم: الاجتماع يتأجل ٣ساعات مش مشكله
المتصل: ازاي بس
أدهم: يتأجل ولا تترفد.

المتصل: تحت امرك يا أدهم بيه، قفل ادهم الخط و قال يلا
دخل أدهم و ليليان المدرج...
ليليان: انا ممكن احضر لوحدي عادي
أدهم: عادي انا مش ورايا حاجه...
صمتت ليليان و هي تتذكر مكالمته الذي قال بها انه مش جاي وقام بتأجيل الاجتماع
ظل الأثنين صامتين طول وقت المحاضره...
أدهم: هتروحي؟
ليليان: اهااا شكرا ليك وليوسف وزين
أدهم: على أي
ليليان: عشان جيتوا انهارده و محسيتش اني لوحدي
أدهم: هههه يلا عدي الجمايل بقا.

ليليان: حاضر
أدهم: ينفع أوصلك طيب بدل ما تروحي لوحدك
ليليان: لا شكرا...
أدهم: انا كدا كدا همشي
ليليان: ماشي.

اوصل أدهم ليليان، و ذهبت ليليان إلى منزلها...
محمود: اتاخرتي!
ليليان: افوووو لا متاخرتش وبعدين انا براحتي
محمود: لا انتي عايشه معانا و انا اقول اللي انا عاوزه
ليليان بضيق: وانا مش عاوزه اعيش معاكم اصلا...
خرجت سهير على صوتهم وقالت ف اي يا ولاد
محمود: الهانم مش عجبها كلامي
ليليان: بعد اذنك يا طنط، دخلت ليليان إلى غرفتها وقامت بوضع ملابسها ف الشنطه وخرجت
سهير: انتي بتعملي اي يا بنتي.

ليليان: انا همشي يا طنط ولما خالو يرجع قوليله
سهير: يا ليليان يا بنتي، لم تستجيب ليليان لهم و غادرت...
اتجهت ليليان إلى محطه السوبر جيت وقامت بحجز تذكره و انتظرت ف المحطه حتى أتى وقت السفر
وصلت ليليان بوسعيد و ذهبت إلى المنزل طرقت الباب
فتحت والدتها، صباح بصدمه: ليليان!؟
ليليان: اها يا ماما
صباح: جيتي لوحدك ازاي يا بنتي
ليليان: عادي...
صباح: ف حاجه حصلت
ليليان: لا بس انا عاوزه ادخل انام شويه بس.

صباح: يادي المصيبه السوده وهقول لابوكي اي انا
ليليان وهي تعطي لها ظهرها، أي حاجه يا ماما قوليله سابت الكليه ومش عاوزه تروح
رجع منصور إلى المنزل وحكت له سهير ما حدث...
منصور بغضب: ازاي تمشي يعني
سهير: والله كلمتها و مسمعتش كلامي
منصور: وانت يا محمود مالك بيها
محمود: يعني اسكت على الغلط
منصور: وانت حاشر ليه
محمود: مش بنت عمتي
منصور: انا داخل الاوضه اكلمهم الله يكسفكم والله الناس يقولوا علينا اي دلوقتي.

ف اليوم التالي ذهب يوسف إلى الجامعه وانتظرها ف المدرج مع سالي ولكنها لم تأتي
خرجوا الاتنين وذهبوا إلى الباقي
زين: ليليان مجتش
يوسف: اهااا المشكله ان محدش معها رقمها
سهر: يمكن خدت اجازه عادي
يوسف بقلق: اهاااا، هو أدهم مجاش ليه
زين: اتصل من شويه وقال مش هيعرف يجي عشان مسافر الإمارات
يوسف: ماشي
عدي اسبوع على نفس الحال، ويوسف مش عارف يوصلها
كان يوسف يتحدث مع أدهم على الهاتف...
يوسف: هترجع امتى.

أدهم: بكرا او بعده بالكتير
يوسف: ماشي ابقى قولي
أدهم: ماشي انت اي أخبارك و أخبار الباقين
يوسف: تمام بس ليليان بقالها اسبوع مختفيه ومش بتيجي...
أدهم: ليه...
يوسف: مش عارف ومحدش معها رقم ليها
أدهم: اكيد عندها ظروف يعني عادي
يوسف: اهااا ممكن، يلا انا هقفل
أدهم: ماشي سلام قفل أدهم الخط و نزل من غرفته، واتجه لوالدته
أدهم: انا هنزل مصر دلوقتي
امل: نعم ليه كدا
أدهم: عندي امتحان بكرا بدري ولازم أحضره
امل: بس يا ابني.

أدهم: ابقى بلغي بابا لما يرجع
امل: طيب، انت حجزت تذكره طيب
أدهم: اها انا هطلع احضر شنطتي
امل: طب مش هتسلم على اختك
أدهم: مش هلحق
ف منزل ليليان.

محسن: مش ناوي ترجعي لدراستك
ليليان: انا كنت عاوزه أحول
محسن: مفيش تحويل احنا مش هنلعب
ليليان: يا بابا
محسن: بلا بابا بلا زفت ارجعي لكليتك
ليليان: طب انا عاوزه اروح المدينه الجامعيه
محسن: شوفي بنتك يا صباح لحسن انا هطق
ليليان بضيق: خلاص هسافر الأسبوع الجاي.

وصل أدهم إلى مطار القاهره و ذهب إلى منزله، وقام بالاتصال بأحد...
أدهم: أنا كنت عاوز اعرف بيانات طالبه عندكم ف إعلام
سامي: محتاج ساعه وهجيبلك البيانات
أدهم: انا عاوز رقم تليفونها
سامي: حاضر شويه كدا و هشوفلك حد ف شؤون إعلام
أدهم: تمام شكرا يا دكتور سامي
سامي: العفو يا أدهم...
عدي ساعه وكان أدهم ينظر اتصاله، رن هاتفه
سامي: الرقم اهو...
ادهم: شكرا لحضرتك يا دكتور
سامي: هو ف حاجه ولا اي.

أدهم: لا مفيش بس هي صاحبه واحده معرفه كدا وكانت عاوزه توصلها
سامي: ماشي
قفل أدهم الخط وقام بالاتصال بها...
دخلت ليليان غرفتها ووجدت هاتفها يرن
ليليان، : الوو.

رواية لعنة حب للكاتبة أسماء صلاح الفصل الثالث

تحدث أدهم قائلا ليليان؟، استغربت ليليان و قالت ايوه مين حضرتك؟، رد عليها و قال أدهم...
ليليان بدهشه أدهم؟ جيبت رقمي ازاي؟..
-انتي مختفية ليه؟
-عادي سافرت بورسعيد، تنهد أدهم و سألها بقلق انتي كويسه يعني؟
ليليان: اها الحمد الله
أدهم: هتيجي أمتي؟
ليليان: الأسبوع الجاي
أدهم: اشمعنا
ليليان: عادي بس قولت ارتاح شويه
أدهم: كدا ضاعت عليكي محاضرات كتير
ليليان: اهااا هبقي اعوض
أدهم: ماشي سلام
ليليان: سلام...

ليليان بدهشه: هو. جاب رقمي مين؟ قامت ليليان بالاتصال بيه
أدهم: جيبته وخلاص
ليليان: انت عرفت اني هسال ازاي؟
أدهم: اكيد يعني دي حاجه تفوتك
ليليان: هههه لا
أدهم: يوسف قالي انك مختفيه بقالك اسبوع فقولت اسأل عليكي...
ليليان: وانت مخدتش بالك مني؟
أدهم: ماانا كنت مسافر فمعرفش
ليليان: امممم ماشي مش عايز تقولي
أدهم: عادي اعرف دكتور في الجامعه صاحب بابا هو اللي جابلي الرقم من الشؤون...
ليليان: امممم ماشي.

أدهم: هو لازم تيجي الأسبوع الجاي
ليليان: اشمعنا
أدهم: عادي بسأل؟
ليليان: انا ممكن اجي بكرا...
أدهم: الساعه كام
ليليان: ممكن على الساعه ٨ الصبح كدا و عقبال ما اوصل تبقى عشره...
أدهم: ماشي، تيجي بالسلامة
ليليان: الله يسلمك، باي، قفلت ليليان و خرجت من غرفتها...
ليليان كانت فرحانه من اهتمام أدهم بيها و بدأ إعجابها يزيد لي
ليليان: ماما انا هسافر بكرا
صباح: مش قولتي بعد اسبوع يا بنتي.

ليليان: على أي بقا ماانا كدا كدا هروح و كفايه اللي ضاع...
صباح: ماشي يا بنتي...
ليليان: انا هدخل انام عشان اصحى بدري
صباح: طب مش هتقولي لابوكي
ليليان: قوليله انتي لما يجي، تصبحي على خير
دخلت ليليان إلى غرفتها و قامت بتقليب فكداي هاتفها إلى أن وصلت لها. ، فتحت ليليان الرسالة، (. انا هبقي عندك الساعه ٨ الصبح)
وقامت برد عليه (لا شكرا انا هجي لوحدي ).

رد عليها أدهم (انا قولت هبقي عندك الساعه ٨، مش بدل ما تيجي الطريق لوحدك )
كتبت ليليان رساله ( يعني انت هتجي بورسعيد مخصوص عشاني )رد أدهم عليها(لا، روحي نامي عشان تصحى )
ليليان (هو انت رجعت من السفر امتى )
أدهم(لسه راجع انهارده)
ليليان(ماشي، هو يوسف عامل اي)
أدهم (يوسف كويس و كان بيسأل عليكي)
ليليان (انا هبقي انزل بكرا، ممكن تقوله)
أدهم (حاضر، اشوفك الصبح)
ليليان (ماشي سلام).

أدهم (انا كنت عايز اقولك على حاجه)
ليليان (حاجه اي)
أدهم (لما اشوفك)
وضعت ليليان الهاتف جنبها و نامت على الفراش...
ليليان: هو اي اللي انا بعمله دا؟ ازاي وافقت، ، بابا لو عرف هيضايق مني، ولكن سمعت صوت بكاء والدتها وخرجت...
ليليان بقلق: ماما في أي؟
صباح: لا حول ولا قوه الا بالله...
ليليان: في اي بس يا ماما...

صباح: ابوكي يا بنتي كان عند عمتك عشان تعبانة وطلعت محتاجه زراعة قلب و الدكتور قال حالتها خطيرة و لازم تتحجز في المستشفي، شقهت ليليان بصدمة و قالت ربنا يشفيها
صباح: ربنا يصبرها ويصبر ابوكي دا أمه مات بنفس المرض ودلوقتي اخته، الاتنين جالهم فشل في القلب
ليليان: أن شاء الله هتبقى كويسه وهتخف زراعة القلب بتتعمل...
صباح: يارب يا بنتي ادخلي انتي نامي بس
ليليان: وانتي
صباح: لا انا هستني ابوكي...

ليليان: ماشي...
استيقظ آدهم في الصباح و ارتدى ملابسه و نزل من المنزل وذهب لمقابله ليليان، وبعت رساله يوسف يخبره بأنه سوف ينزل الجامعه ومعه ليليان
استيقظت ليليان من نومها و ارتدت ملابسها و انتظرت قدوم أدهم، وصل ليها رساله بمكان الذي ينتظرها بي...
خرجت ليليان من غرفتها، ولم تجد امها في المنزل فعلمت انها ذهبت لوالدها، وقامت بالاتصال بها
ليليان: انتي روحتي لعمتو
صباح: ايوه لسه نازله، انتي صحيتي امتى.

ليليان: مش شويه ولبست وهنزل
صباح: طيب يا بنتي انا كلمت خالك وقولتله
ليليان: ماشي، يلا سلام
صباح: سلام
نزلت ليليان من المنزل و وصلت عند المكان الذي يوجد بي أدهم، نزل أدهم من السيارة...
أدهم: عامله اي؟
ليليان: الحمد الله وانت؟
أدهم: كويس، اخذ أدهم الشنطه منةا. وقام بفتح باب السيارة لها
ركب أدهم وانطلق بالسيارة...
أدهم: مالك؟
ليليان: مفيش
أدهم: شكلك مضايقه أو مش نايمه كويسه في حاجه؟
ليليان: لا.

أدهم: قولي ممكن اقدر اساعدك
ليليان: عمتو لازم تعمل عملية زراعة قلب...
أدهم: زراعة قلب؟
ليليان: اهااااا و بابا زعلان عليها وكدا
أدهم: طب و نظامها ايه و المتبرع العملية دي بتكون صعبة اوي
ليليان: معرفش بس بقولوا أن تيته ماتت بنفس المرض
ادهم: انا اعرف دكاترة كويسه في المجال دا، و لو دكتور شاطر هيعملها العملية و هتنجح بس بتبقي محتاجه رعاية
ليليان: يارب...
أدهم: أن شاء الله...
ليليان: يعني ممكن تبقى كويسه؟

أدهم: مش عارف بس مفيش حاجه مستحيلة
ليليان: ربنا يشفيها...
أدهم: يارب
ليليان: ربنا معها، هو انت هتخصص اي؟
أدهم: جراحه تجميل
ليليان: اشمعنا
أدهم: عادي زي بابا
ليليان: طب ما جراحه أورام احسن حاجه تنفع بيها الناس أو جراحه القلب تكون حاجه مفيدة يعني...
أدهم: اممممم افكر...
ليليان: انت هتروح على الجامعه
أدهم: اهااا يوسف وزين هناك و رضوي
ليليان: ماشي...
في الجامعه كان يوسف يجلس مع زين
يوسف: انا مش فاهم حاجه والله.

زين: لما يجي أدهم هنفهم منة كل حاجه
يوسف: اهااااا لما يجي، هي رضوي جات ولا
زين: كلمتها قالت هتخلص محاضراتها وتيجي
يوسف: اممممم ماشي...
زين: هو انت عجبك ليليان؟
يوسف: ايه؟
زين: احساسي بيقولي كدا
يوسف: وانت حساس اووووي
زين: ظريف
يوسف: مش عارف والله بس حاسس اني معجب بيها...
زين: طب اتصل بيهم...
وصل أدهم و ليليان إلى الجامعه و ذهبوا إلى يوسف و زين...
يوسف بلهفة: حد يختفي فجأه كدا؟
ليليان: ظروف والله...

زين: يا عم سيبها تقعد و تاخد نفسها الأول، وانت يا أدهم جيت أمتي انت قولت انك هتنزل بكرا او بعده نزلت فجأه ازاي
أدهم: عادي يا زين
لاحظت ليليان هروب أدهم من السؤال، وقالت محدثه نفسها، اومال هو نزل فجأه كدا ليه...؟!، طبعا ليليان سالت على رضوي و قالت رضوي من خلفها رضوي اهي والله وحشتني يا لولو، التفت ليليان وقامت و احتضنها بشوق...
يوسف: اقعدوا وبعدين ابقوا احضنوا في بعض...

ضحكت رضوي و قالت حاضر يا عم، اهاا صحيح يا أدهم انا قابلت سلمي وكانت بتسأل عليك...
أدهم باقتضاب: ماشي
زين: وانا محدش سال عليا، ابتسمت رضوي و قالت لا
ليليان: انتي هتمشي امتى؟
رضوي: يعني همشي كمان ساعه كدا
ليليان: امممم ماشي، نظرت لهم رضوي و قالت ما حد يشوفلي شغل يا جماعه، ، نظر لها يوسف بتعجب و قال و ابوكي يا اختي؟

-لا طبعا مش هيوافق بس انا هقولهم تدريب و كدا، ، زين نظر لها و قال يا بنتي الشغل مش سهل كدا وبعدين لو عرف هيبقى شكلك وحش، ، تنهدت رضوي بحزن و قالت اصله مش راضي و خايفه معرفش اشتعل...
أدهم: بصي خلصي بس انتي و انا هشغلك في المكان اللي انتي عايزها، نظرت له و قالت بجد و لا هتسرح بيا؟
ضحك يوسف و قال يا بت مش كدا و بعدين دا أدهم النشار..
ابتسمت رضوي و قالت اهاا بس يارب ميخلص و يخلع...

ليليان كانت قاعدة ساكته، فتحدث زين موجه حديثه لها وانتي يا لي لي مش عايزة تشتغل؟، وضعت يده على خدها و قالت نفسي بس محدش هيرضي، ، ابتسم يوسف و قال مستسلمة أوي...
-لا بس انا لسه في سنه اولى، لما اخلص ابقى اشتغل
يوسف: مش يمكن تتجوزي وأحد يقولك بلاش شغل
ليليان: لا ماانا هشتغل الأول...
رضوي بحزم: ايوه الست ملهاش غير شغلها
أدهم: فعلا ابقوا قابلوني بقا انتم الاتنين.

رضوي بفخر: ههههههههه يا ابني انا طالعه ب ٩٠٪ من الثانويه العامه
أدهم بثقه: وانا كنت طالع ب ٩٩
رضوي بتهزر: انت باشا ملناش دعوه بيك
زين: ههههههههه فعلا
يوسف: انا هقوم امشي...
زين: ليه؟
يوسف: عشان هروح الشغل لأمي
زين: يا ابني هو انت مش دكتور
يوسف: اهااااا وسواق وساعات بكون طباخ
ضحكت رضوي و قالت ابقى دوقنا بقا يا جو
يوسف: اتريقي يا اختي، أدهم انا هاجي عندك انهارده
أدهم: ماشي
يوسف: يلا باي...

زين: انت هتمشي امتى يا أدهم...
أدهم: كمان شويه هقوم اروح لسلمي و بعدين ارجع اوصل ليليان...
زين: وانتي يا رضوي
رضوي: هخليني مع ليليان
زين: اشطا، انا همشي
قام أدهم وزين و بقى رضوي وليليان بمفردهم
نظرت رضوي إلى ليليان و قالت انا عايزة أسألك سؤال؟
-اتفضلي؟
-انتي مرتبطة ولا؟، استغربت ليليان من سؤالها و قالت لا ليه؟
تنهدت رضوي و قالت بسأل عادي يا لي لي، طب عندك اخوات و لا؟

-لا انا بنت وحيده ومن بورسعيد اصلا و جيت هنا عند خالو عشان الجامعه وكدا، ، اومأت ليليان برأسها و انتهزت فرصة الأسئلة و قالت هي سلمي تقرب لادهم ايه؟

رضوي كانت حاسه ان ليليان معجبة بادهم و قالت مرتبطين مش عارفه، بس هو أدهم بتاع بنات فمحدش يعرفله حاجه، ليليان شعرت بالضيق و طبعا كان باين عليها، فسألتها رضوي قائلة انتي معجبة بادهم؟، اتوترت ليليان و قالت بنفي لا طبعا انا بسأل، ، لاحظت رضوي توترها و قالت مالك اتوترتي ليه؟ بصي يا ليليان انا وحيده زيك يعني مليش اخت اتكلم معها و لا حاجه فخلينا اخوات واللي هتقولي مش هيطلع برا، ، و بصراحه أدهم كصاحب جدع اووووي غير كدا لا.

سألتها ليليان بتعجب ازاي؟
-اصل مين اللي هترتبط بواحد كل يوم مع واحده، ، و كمان مغرور و طريقته وحشه، فمحدش بيستحمل فاهمه، و بعدين اللي زي أدهم دا بيتجوز اللي أهله بيجبوها لي و هو بيسلي وقته مش اكتر، ، تنهدت ليليان و قالت و يوسف.

-يوسف حنين اوووي و لطيف و برضو كصاحب جدع جدااا بس كارتباط الله اعلم لأنه طبعه رخم شويه، ابتسمت ليليان و قالت دمرتي الشلة، ، ابتسمت رضوي و قالت دي الحقيقه يا لي لي و بصراحه انا مش عايزكي توقعي معاهم و خصوصا أدهم لان هو سكته غيرك و بصراحه انا خايفه عليكي و من واجبي انصحك، ، ارتسمت عليها وجهها ابتسامه حزينه و قالت هو انتي تعرفيهم من امتى؟
-من شهرين بس و عرفت يوسف عن طريق سالي وبعد كدا زين وادهم.

-اممممم هي سالي منزلتش ليه؟
- سالي مش بتاعت حضور وكدا و بعدين محدش بينزل اصلا...
-بجد؟
-والله يا بنتي محدش بينزل أدهم دا قال إنه طول سنه تانيه كان بيحضر محاضراته الصبح و بيمشي محدش كان بيشوفه اصلا و يوسف نفس الكلام و طبعا سالي ولا ليها في مذاكرة و لا بتاع و سهر بتشتغل و هما اللي حكوا اصلا...
استغربت ليليان و قالت اممم ماشي...
نظرت له و قالت بحزن هتمشي، ، قام أدهم و قال اهاا عندي مشوار.

سلمي اضايقت طبعا و قالت باقتضاب طيب يا ادهم بس ابقى كلمني، ، اومأ بعدم اهتمام و تركها و ذهب إلى ليليان و رضوي، اول لما رضوي شافت أدهم قالت انا همشي بقا؟
-استنى هاجي اوصلك، ابتسمت رضوي و قالت بيتي قريب يا أدهم و انتي يا لي لي كلميني اول لما تروحي، و أخذت رضوي أغراضها و غادرت، جلس أدهم و قال اتاخرت؟
-لا
-عايزة تروحي و لا حابه تقعدي شوية، نظرت لها ليليان و قالت عايزة اروح معلش تعبتك معايا انهاردة...

ابتسم أدهم و قال انا معملتش حاجه، ليليان طبعا بدأت تقلق من كلام رضوي و خصوصا أنها شافت طريقته الفاذه مع من تدعي سلمي و أرادت أن تبتعد عنه لكي لا يحدث شي سي، ، قامت معاها و خرجوا و اتجه أدهم الي سيارته و كذلك هي ركبت معه، ، و انطلق أدهم بالسيارة، كانت ليليان سرحانة في كلام رضوي و خايفه لما تعمل مشكلة لنفسها، لاحظ أدهم و وضع يده على يدها، اتفزعت ليليان و سحبت ايدها و قالت ايه َ.

استغرب و قال لاقيتك سرحانه مالك؟
ابتلعت ريقها و قالت مفيش حاجه...
ذهبت ليليان الي المنزل...
منصور بعتاب: كدا يا ليليان؟، اتجهت ليليان له و احتضتنه قائلة اسفه يا خالو، تنهد منصور، رتب عليها قائلا ماشي يا بنتي خشي ارتاحي، و محمود مش هيدخل في حاجه تاني...
-هي طنط سهير و منة فين؟
-راحت عند اختها ومنة معها، استأذنت ليليان و قامت دخلت إلى غرفتها...

وصل أدهم إلى منزله، رن هاتفه، أجاب قائلا نعم، ردت والدته ايه يا أدهم متصلتش تتطمني عليك و برن عليك مش بترد...
-كان عندي مذاكرة يا ماما في حاجه ولا ايه؟
-طيب يا حبيبي خد بالك من نفسك
-حاضر، سلام...

قفل أدهم الخط و بعد ذلك بعت رساله لسلمي على الواتساب (سلمى انا قررت نفركش علاقتنا دي عشان انا زهقت، ، ) وترك الهاتف ودلف إلى المرحاض، خرج أدهم من المرحاض واتجه ليفتح الباب و قال تعالى يا يوسف، ، دلف يوسف و قال طب انت أسعد واحد في الدنيا انهاردة عشان هابت معاك انهاردة...
ضحك أدهم و قال طب اسكت بدل ما افهمك غلط...
-بهزر يا عم المهم انت هتسافر تاني امتي؟
-بعد امتحانات نص السنه...
يوسف: كمان شهرين يعني.

-روحت ليليان
-اهاا، تنهد يوسف و قال أمم كويس
-بتقولها من غير نفس ليه؟
-عادي بس حاسس انك مهتم بيها لدرجه دي انك تنزل في نفس اليوم اللي اقولك فيه أنها مختفيه وتوصلها وتروح تجيبها، ، لم يتهم إلى حديثه و قال عادي يا يوسف...
-انا عارفك كويس يا أدهم، بس بلاش ليليان شكلها على نياتها و مش فاهمه حاجه، زفر أدهم بضيق و قال هو انا هعملها ايه يعني؟
-سبت سلمي صح؟
-اهااا زهقت الصراحة و عايز اغير
-مش بقولك؟

-ماانت عارف اني بزهق على طول
-عارف اهااااا، طب سيبتها امتى وأزاي؟
-بعتلها رساله قولتلها اني زهقت
يوسف بتعجب والله انت غريب اوي
-انا هدخل البس عشان نخرج كلمت زين ولا
-زين مش جاي
دخلت ليليان غرفتها و غيرت ملابسها و قامت بتفحص هاتفها، ووجدت رقم أدهم ظهر أمامها على الواتس، فتحت ليليان الصورة بتاعته...
ليليان: بصراحه حلو اووووي، بس رخم، ، نهار اسود...

قامت ليليان بالاتصال بي مكالمه واتس، أي اللي انا هببته دا، يارب ميخدش باله يارب، والله مش قصدي يا ربي
وجدت أدهم يتصل بها...
شعرت ليليان بدقات قلبها تتسارع: ياربي؟، هقوله اي...
فتحت ليليان المكالمة وقالت بتوتر: ...

رواية لعنة حب للكاتبة أسماء صلاح الفصل الرابع

قالت ليليان بتوتر انا، قطعها أدهم و قال اكيد رنيتي غلط؟
ليليان بحرج اهاا والله، ابتسم أدهم و قال يعني مكنتيش بتفتحي الشات عشان تشوفي صورتي...
احمر وجهها بشده و قالت بخجل لا طبعا؟
ضحك أدهم و قال عارف اني حلو على فكرة، بس عايز اعرف رايك؟
ليليان بحزم انا هقفل...
-مفهاش حاجه لو قولتي حلوة يعني؟، ابتسمت ليليان و قالت انت رخم اوي، ابتسم و قال حبيبتي...
-على فكرة صورتك مش حلوة خالص...
-احلفي كدا؟

-لا، ابتسم لأنه عارف انها بتكدب و قال هتنزلي الجامعة بكرا...
-اها و انت؟
-هنزل عشانك، ، شعرت بتسارع ضربات قلبها و اشتعال وجنتها و قالت سلام بقا، ، ضحك و قال ماشي سلام
قفل أدهم وخرج ليوسف...
يوسف بضيق من تأخيره: كل دا؟
أدهم: كنت بلبس...
يوسف: طب يلا عشان نلحق سهرتنا...
أدهم: يلا
كانت سالي تجلس في منزلها وتشاهد التلفاز...
سهر: انتي مش بتنزلي جامعتك ليه؟
سالي: عادي، هبقي انزل على الامتحانات بقا.

سهر: يا بنتي بلاش استهتار وركزي في مذاكرتك ودراستك
سالي بتافف: حاضر...
سهر: هي مامي فين؟
سالي: مش عارفه تلاقيها عند خالتو
سهر: امممم ماشي هتنزلي بكرا ولا
سالي: لا
سهر: يا بنتي دي رضوي كل يوم بتنزل ومعها ليليان
سالي: افوووو فككك بقا مني انا حره...
سهر: انا غلطانه يا ستي...
ذهب أدهم ويوسف إلى ملهى ليلي ليقضوا سهرتهم و بعد أن انتهت السهر ذهبوا إلى المنزل...
يوسف: انا هدخل انام
أدهم: ماشي...

جلس أدهم على الاريكه و لكن غلبه النعاس ونام، استيقظ أدهم و امسك هاتفه وجد الساعه ٩...
أدهم: ياربي انا نمت هنا ازاي...؟
دلف أدهم إلى الغرفه و ابدل ملابسه، وذهب إلى الجامعه، واتصل بها
أدهم: انتي فين؟
ليليان: لسه هدخل الجامعه اهو
أدهم: ماشي انا مستنياكي
ليليان: ماشي...
دخلت ليليان الجامعه ووجدته يقف في انتظارها
ليليان: انت هنا من امتي
أدهم: من شويه
ليليان: وراك حاجه
أدهم: لا ماانا قولتلك نازل عشانك.

ليليان: هنفضل واقفين هنا؟، لاحظ أدهم هروبها من الرد و قال بتوهي و كدا، ابتسمت ليليان و قالت بخجل بتكسف...
-ليليان نظرت لها بزرقتها و قالت نعم؟، شرد بعينها الساحرة لوهله و قال انتي مرتبطة؟، هزت رأسها نافية...
تنهد أدهم و قال اممم حلو، عندك محاضرات.

-لا انهاردة مفيش، نظر لها و قال واضح ان مش انا بس اللي نازل عشانك، اتحرجت ليليان و قالت همشي والله، ابتسم و قال خلاص يا لي لي، تعالي نقعد هنا، جلست ليليان و أدهم، و بدأ أدهم في الحديث قائلا ابن خالك بيضايقك لسه؟
-لا الحمد الله
-اممممم هو اصلا القعده عندهم مش حلوه...
ليليان بحزن ما بابا مش موافق اني اروح مدينه جامعيه و لا موافق اني أجر شقة و اقعد فيها...
أدهم: ليه؟
ليليان: مش عارفه.

أدهم: هتسافري بورسعيد امتى؟
ليليان: بعد امتحانات نص السنه هقضي الاجازه هناك
أدهم: وانا برضو هسافر لأهلي...
ليليان: هتقعد كتير
أدهم: مش عايزني اسافر؟
ليليان: لا سافر انا مالي...
أدهم: امممم المفروض اني هقعد هناك الاجازة
ليليان: مش كتير، هو انت ليه اهلك عايشين هناك
أدهم: عادي بقالهم ٢٠ سنه هناك وهما حابين المكان وكدا
ليليان: و انت ليه مش عايش معاهم؟

ادهم: عيشت هناك ١٥ سنه وبعدين جيت هنا في ثانوي، عشان اقعد مع كارمن بدل ما تبقى لوحدها و عشان اساعدها
ليليان: اختك
أدهم: اهااااا، كارمن أكبر مني بسنتين عشان هما كانوا بينزلوا زياره وكدا وكارمن قعدت فتره هنا مع ام بابا عشان كانت تعبانة، ، وبابا قالي انت كبرت انزل عشان تقعد مع اختك وكدا...
ليليان: جدتك يعني؟
أدهم: مكنتش بحبها اصلا، كنت قاعد في الامارات مرتاح هي اللي خلت بابا ينزلني مصر...

ليليان: ههههههههه
ادهم: بتتضحكي؟!
ليليان: لدرجه دي مكنتش بتحبها
أدهم: كنت سامعهم وهما بيتكلموا في الفون بتقوله مش كفايه عيالك اتربوا برا، كمان عاوز الواد يقضي حياته كلها برا ومين اللي هياخد باله من مالك اللي هنا يا ابني، طب كارمن مسيرها تتجوز وهتشيل اسم جوزها، لكن أدهم بقا، والله معرفش اقنعته ازاي بس خلال ساعات كنت انا نازل علي اول طياره رايحه مصر، اتخنقت كانوا تالت سنين ما يعلم بيهم الا ربنا...

ليليان: وهي ماتت امتى؟
أدهم: بعد امتحانات تالته ثانوي على طول...
ليليان: طب ليه مسافرتش
أدهم: عادي حبيت القعده هنا خصوصا اني كنت اتعرفت على يوسف و زين وكنت خدت على البلد وبقيت بروحلهم من وقت لتأني، وقولت بعد ما اخلص دراسة هبقي ارجع هناك تاني...
ليليان: اممممم وليه مش هتفضل هنا على طول؟
أدهم: اهلي كلهم هناك...
ليليان بحزن اهااااا...
كانت سلمي تجلس في الجامعه مع صديقتها...

سلمي: مش طايقه نفسي والله، انا يتقالي كدا دا حتى مردش عليا...
مروه: ماانا قولتلك دا عيل، و فلوس أهله مجننها
سلمي: بس برضو مش انا اللي يتعامل معايا كدا
مروه: ماانا قولتلك بلاش ما هو ساب مني صاحبتنا عشانك، ودلوقتي اكيد سابك عشان واحده تانيه
سلمي بغيظ: والله دمي محروق اوووووي و حيات امي لو اتأكدت أن في واحده وار الحوار دا مش هسيبها
مروه: والله كبرى ملهاش لازمه اصل هي مالها...
سلمي: يعني يرضيكي اللي حصل دا.

مروه: لا بس هتعملي ايه؟
سلمي بحيره: ولا حاجه...
ذهب يوسف إلى شركته لوالدته كما طلبت منة...
يوسف: نعم يا أمي
ميرفت: كنت فين امبارح؟
يوسف: عند أدهم
ميرفت: وصاحي العصر!
يوسف: كنا سهرانين بنذاكر يا ماما
ميرفت: اممممم ماشي يا يوسف، بس انت عارف انا مش عاجبني حوار أدهم وأنه عايش لوحده و انك تروح تبات برا دا
يوسف: طيب انا اعمل دلوقتي؟
ميرفت: ولا حاجه بس اديني قولتلك مفيش بيات برا تاني...
يوسف: مذاكرش يعني؟

ميرفت: يعني انتم بتذاكروا اصلا وبعدين ممكن تبقى تذاكروا في البيت عندنا...
يوسف: حاضر
ميرفت: وبعدين انت كبرت وانا عاوزه...
يوسف: متكمليش ونبي
ميرفت: وهي مالها بنت خالتك
يوسف: ملهاش وانا همشي عشان حضرتك جبتلي صداع
ميرفت: انت يا ولد
يوسف: بلا يا ولد بلا يا زفت سلام...
ميرفت بعصبية: يوسف...
خرج يوسف من الشركه و اتصل با أدهم و عندما اخباره بأنه في الجامعة، ذهب إليه، ، نظرت له ليليان و قالت في حاجه؟

-لا يوسف قفل معايا و جاي، وصل يوسف للجامعه و ذهب أهم..
يوسف: ازيكم...
أدهم: اي يا عم مالك؟
يوسف: ولا حاجه أمي يا عم مش لاقيه حد تأكل ودانه غيري
أدهم: حصل اي؟
يوسف: محصلش غير اني قليل الادب و مش بذاكر وكلام كتير كدا
أدهم: دا اللي مزعلك يعني؟
يوسف: لا يا خفه بس انت عارف امي بتحرب على أي؟
أدهم: على حوار سالي برضو
يوسف: والله مش هتسكت غير ما اطفش، ، ست خنيقه اوووووي، يا بختك امك مريحه دماغها منك...

أدهم: قول الله أكبر يا عم، و بعدين انت مش موافق ليه؟
يوسف: معرفش، مش عجبني الموضوع الصراحه
أدهم: على فكره سالي حلوه يعني
يوسف: اتجوزها انت على الأقل يعني
أدهم: بس يا يوسف انا اسف...
يوسف: ههههههههه ماشي، وانتي هتفضلي ساكته كدا
ليليان: ماانا بسمعكم
يوسف: ماشي يا لي لي...
ليليان: على فكره مامتك خايفه على مصلحتك اكيد
يوسف: تعالى اقعدي مع امي يوم واحد وهتكرهي نفسك...
ليليان: كل دا عشان مش عاوزك تبات برا.

يوسف: عادي بس هي مقتنعة ان انا وادهم صحاب سوء
ليليان: اشمعنا انت وادهم وزين لا
يوسف: والله مش عارف، بس زين سوسه، ، بقولها بنذاكر مش عاجب
ليليان: وانتم بتذاكروا؟! فعلا ولا؟
يوسف: لا بنخرج
ليليان: يبقى عندها حق بقا
أدهم: قوليله يا بنتي
يوسف: ونبي اسكت انت...
أدهم وانا عملت اي بس؟
يوسف: سيبوني، انا مضايق دلوقتي
أدهم: حاضر يلا يا بنتي نقوم
يوسف: تقوموا فين انا بهزر يا جماعه، ، ضحكت ليليان و قالت حاضر...

ذهب محسن إلى منزله بعد أن أنهى شغله
صباح: عديت على نجلاء انهارده ولا؟
محسن: لا، هعدي عليها بليل
صباح: طيب احضرلك الغدا
محسن: ماشي، هي ليليان عملت اي
صباح: عند خالها
محسن: والله انا مضايق من قعدتها هناك عند اخوكي لأنه عنده ابنه كبير وميصحش
صباح: والله منصور اخويا قالي برضو وحتى كان عاوز يطلب ايد ليليان لمحمود ابنه بس كان محروج يطلب منك حاجه زي كدا عشان هي قاعده عندهم وكدا
محسن: وانتي رايك اي.

صباح: محمود اي واحده تتمناه الصراحه...
محسن: وليليان؟
صباح: مش عارفه بس انا شايفه ان محمود كويس
محسن: خلاص انتي شوفي ليليان و يبقى على بركه الله حتى نبقى مطمئنين على البنت وهي قاعده مع جوزها
صباح: ماشي انا هدخل احضرلك الغدا
محسن: ماشي، وابقى كلمي اخوكي...
صباح: هو كان عايز يكلمك الصبح عشان يسأل على اختك
محسن: ماشي انا هبقي اتصل بي، اتصل محسن بمنصور...
محسن: السلام عليكم
منصور: وعليكم السلام، عامل اي.

محسن: الحمد الله ماشي الحال
منصور: واختك عامله اي؟
محسن: ربنا معها، ويشيفها، هي ليليان رجعت ولا؟
منصور: يارب، لا لسه مرجعتش...
محسن: صباح قالتلي على موضوع محمود
منصور: انا كنت مكلم صباح من بدري حتى قبل ما ليليان تيجي
محسن: وانا موافق مش هلاقي احسن من محمود لبنتي
منصور: على خيره الله
قفل منصور مع محسن و قال بسعادة يا سهير...
سهير: اي يا ابو محمود في حاجه ولا اي
منصور: محسن موافق
سهير: بجد.

منصور: اهااا بس بلاش تقولي حاجه لمحمود دلوقتي، استنى الأول لما صباح تكلم ليليان وتقولها...
سهير: حاضر، هقوم أشوف مين اللي جي
قامت سهير وفتحت الباب...
سهير: تعالى يا لولو، اتاخرتي ليه...؟
ليليان: كان عندي محاضرات كتير
سهير: طب ادخلي غيري وبعدين تعالى عشان تتغدي
ليليان: حاضر، دخلت ليليان إلى غرفتها وبدلت ملابسها، رن هاتفها...
أخرجت ليليان هاتفها من الشنطه واجابت
أدهم: وصلتي
ليليان: اهااا لسه داخله البيت.

أدهم: ماشي يا لي لي...
ليليان: بأي
أدهم: بأي
قفلت ليليان مع أدهم ولكن وجدت مكالمه فائتة من والدتها...
ليليان: الو
صباح: اي يا بنتي مش بتردي ليه؟
ليليان: لسه راجعه البيت والتليفون كان في الشنطه
صباح: ماشي يا بنتي، خالك قالك حاجه
ليليان: لا هو في حاجه ولا اي؟
صباح: اصل خالك كان عاوز يأخدك لمحمود وابوكي وافق
ليليان بصدمه: ايه!؟
صباح: هو اي اللي أيه؟
ليليان: ومين قال اني هوافق؟
صباح بضيق: وماله ابن خالك بقا.

ليليان: انا مش موافقه...
صباح: بلاش قله ادب يا بت وبعدين انتي بترفضي كدا على أساس اي الواد شاريكي دا غير أنه ابن خالك وهيخاف عليكي...
ليليان: افوووو لا مش موافقه ومش هوافق، لو غصبتوني يا هموت نفسي يا هطفش واسيب البيت
صباح: ونبي لو ابوكي سمعك ليقتلك
ليليان: اديني قولت، انا مش هتجوز حد، وقفلت ليليان المكالمة، وارتديت ملابسها وخرجت من الغرفه
سهير: ليليان رايحه فين؟ لم ترد عليها وخرجت من المنزل...

منصور: في حاجه ولا اي يا سهير
سهير: البت مشيت ومش عارفه راحت فين والله يا اخويا
منصور: ليليان
سهير: اهااا، يمكن حصل حاجه
منصور: يمكن، استنى هتصل بيها، مش بترد
سهير: ربنا يستر...
كانت ليليان تسير في الشارع بمفردها، وهي تبكي، وظل هاتفها يرد، ولم ترد عليه...

اتصلت رضوي بأدهم و سألته بلهفة أدهم متعرفش ليليان فيها؟
أدهم: لا بس هي كانت معايا انا ويوسف وروحت من بدري
رضوي بقلق: بتصل بيها مش بترد عليها...
-هو في حاجه و لا إيه؟
-لا بس قلقت عليها لأنها مش عادتها...
-لو عرفت حاجه هكلمك، و قفل أدهم و لكنه شعر بالقلق على ليليان و اتصل بيوسف و قال يوسف متعرفش حاجه هو ليليان؟
يوسف بقلق و فزع و قال مالها ليليان؟

-رضوي بتقول انها بترن عليها من بدري و مش بترد و خايف يكون حصلها حاجه
-طب مفيش اي حاجه تانيه نوصلها بيها
أدهم بحيره: مفيش...
منصور: انا بدأت اقلق البت بقالها اربع ساعات برا والساعة داخله على ١٠...
سهير: وانا طب حاول تتصل بها
منصور: حاولت
منه: هتكون راحت فين يعني
سهير: مش عارفين يا بنتي، ربنا يستر وامها متتصلش
منه: استنوا لما محمود يجي ينزل يدور عليها
سهير: انا مش عارفه هو اتأخر ليه هو التاني.

منه: اكيد عشان شغله يا ماما.

أدهم كان بيحاول يتصل بيها و كانت نفس النتيجة برضو و نزل يدور عليها و اتصل بسالي يسألها و محدش كان يعرف عنها حاجه، اتصل بيوسف تاني و قال مش بترد وصلت لحاجة؟
-لا انا في الشارع من بدري و مش عارف توصلها...
-انا هتجنن هتكون راحت فين؟
-و انا خايف عليها اوي.

-ربنا يستر خليك وراها لحد ما ترد، تنهد أدهم و قال ماشي و انت دور و لو وصلت لحاجه كلمني، قفل معها و حاول الاتصال بيها مرة أخرى و عندما أجابت شعر بالارتياح و قال ليليان، ، رد عليه الطرف الآخر صاحبه التليفون دا في المستشفى...

أدهم بقلق: مستشفى اي؟!أخبرته الممرضة، ، قفل معها أدهم و ذهب إلى عنوان المستشفى و كلم يوسف و قاله و خلال دقائق كانوا الاتنين في المستشفي، سأل أدهم الممرضة قائلا لوسمحتي في واحده اسمها ليليان لسه جايه المستشفى دلوقتي
الممرضة: ايوه، آخر الطرقة غرفه ١٠٢، اتجه أدهم الي الغرفه و طرقة الباب ودخل، كانت الممرضة تساعد ليليان على الوقوف، ولكن تفاجأت بدخول أدهم...
ليليان: أدهم؟

أدهم بقلق واتجه ناحيتها: انتي كويسه؟ حصلك اي؟
الممرضه: يبقى حضرتك اللي انا ردت عليه، انسه ليليان كويسه، بعد اذنكم...
أدهم: انتي كويسه
ليليان: اهااا الحمد الله، طرق يوسف الباب ودخل...
يوسف: حادثه اي اللي حصلت
ليليان: مفيش حاجه والله، انا كويسه
أدهم: مكنتش بتردي ليه؟ والحادثة حصلت ازاي؟
ليليان: كنت بعدي الطريق وعربيه خبطتني...
يوسف: والزفت اللي خبطك دا راح فين؟
ليليان: عادي مش مستأهله انا محصليش حاجه.

أدهم: ومكلمتنيش ليه؟
ليليان: مش مستأهله انا كويسه والله
يوسف: طب كلمتي حد من أهلك
ليليان: لا بس مش هكلم حد و مش مروحه ليهم
أدهم: ف حاجه في البيت ولا أي؟
ليليان: لا
يوسف: وانتي اي اللي نزلك من البيت اصلا
ليليان: عادي كنت بتمشي شويه
أدهم بعصبية: في اي يا ليليان، حد عملك حاجه طيب
ليليان: لا...
يوسف: يا بنتي لو في حاجه قولي
ليليان: كنت مضايقه شويه
أدهم: مالك؟
ليليان: شويه مشاكل...
أدهم: اي هي.

ليليان: اصل ماما كلمتني في موضوع ان عشان ابن خالي عاوز يتقدملي...
أدهم: نعم؟!
يوسف: هو الجواز بالعافية
ليليان: مش عارفه بس انا قولتهم هسيب البيت وامشي...
أدهم: مفيش جواز بالعافية، ولو مش عاوزه تروحي ليهم خلاص...
يوسف: انت بتقول اي يا أدهم...؟ دي بنت هتروح فين يعني؟
أدهم: بقول اللي سمعته
يوسف: اتصلي باهلك وطمنيهم عليكي مينفعش اللي انتي عملتي دا...
أدهم: يا ابني بتقولك عايزين يجوزها غصبن عنها...

ليليان: انا همشي
أدهم: استنى لما اعرف حالتك الأول وبعدين هروحك
ليليان بخوف: انا عاوزه...
أدهم بنرفزة: قولت استنى
يوسف: خلاص يا أدهم اخرج شوف انت الدكتور
أدهم: طيب
خرج أدهم من الغرفه وبقي يوسف مع ليليان
يوسف: متخافيش، هنطمن عليكي بس و هتروحي
ليليان: ماشي
يوسف: لو في حاجه بعد كدا ابقى كلميني
ليليان: حاضر
يوسف: هاتي تليفونك عشان اكتبلك رقمي...
استجابت ليليان لطلبه وأعطته الهاتف و سجل رقمه...

دخل أدهم إلى الغرفه وقال: الدكتور قال إنها كويسه بس في شرخ في رجلها من الخبطه...
يوسف: هتقدري تمشي ولا تخليكي
ليليان: هقدر
أدهم: طب يلا، قامت ليليان، وامسك أدهم يدها لكي يسندها
أدهم: لو تعبانة خليكي هنا...؟
ليليان: لا انا عايزة امشي
يوسف: خليكي وانا هكلم حد من أهلك يجيلك
ليليان: لا انا كويسه والله
أدهم: ماشي يلا...

أخبر أدهم يوسف انه سوف يوصلها، فتركهم يوسف و ذهب إلى سيارته و طبعا مكنش مرتاح يسببها مع أدهم بس مكنش عايز يكبر الموضوع، ركب أدهم العربية و مشوا، ، ليليان كانت قاعدة تعيط و طبعا كانت مش عايزة تروح البيت، نظر لها أدهم و قال لو مش عايزة؟
-خايفه اروح...
-لو في حاجه حصلت كلميني، هزت ليليان رأسها، و بعد قليل وصل أدهم إلى المنطقة التي تسكن بها...
ليليان: انا هنزل
أدهم: هتعرفي
ليليان: اها شكرا.

يوسف: طمنيني عليكي...
ليليان: حاضر...
نزلت ليليان من السيارة وقفلت الباب و بعد ذلك مشت خطوات، ولكن وجدت أمامها..