طريقة عمل كفتة الحاتى افضل من الجاهزه

كفتة الحاتى



مكونات كفتة الحاتى
1 كيلو لحمه مفرومه
1 كيلو بصل مفروم
2 م.ص فلفل اسمر
2 م.ص جوزة الطيب
1/2 م.ص توابل لحوم
ملح حسب الرغبه


طريقة عمل كفتة الحاتى



طريقة تحضير كفتة الحاتى فى المنزل

نفرم البصل ونحط عليه معلقة ملح ونسيبه شويه بعد كده حنعصره ننزل الميه منه ودى مش حنستخدمها فى الخلطه بتاعتنا
حنحط البصل المفروم بعد ماصفينا ميته منه على اللحم المفروم
بعد كده نحط التوابل بتاعتنا
نبدا نعجن الخليط ده لحد مايتجانس كويس اوى
حنجيب معلقه خشب ايدها اسطوانيه ورفيعه او ممكن اى حاجه زى الشيش بتاع الكفته عشان نصبع عليها الكفته
نبدا ناخد قطعه من الخلطه بتاعه الكفته دى ونلفها على شكل صباع على المعلقه الخشب ونبل ايدينا من ميه البصل ونحاول نظبط الصوباع بتاع الكفته

بعد كده حنشيله من المعلقه الخشب ونحطه فى صينيه مدهونه زيت





نكمل كميتنا ولو حبينا نشيل فى الفريزر حنشكل الصوابع بتاعتنا ونرصها فى اطباق فبر ونلفها بورق استرتش ونحطها فى الفريزر
بعد كده حنحط الصينيه فى الفرن
اول ماتطلع الصينيه من الفرن حنجيب طبق فويل صغير ونحط فيه قطعه فحم نكون مسخنينها كويس لما تحمر ونحط عليها قطعه سمن صغيره اوى ونحطها فى الصينيه ونغطى الصينيه بورق فويل عشان الكفته تاخد من ريحة الفحم وتبقى زى الجاهزه بالظبط واحسن كمان
تقدم مع سلطة طحينه وسلطه خضرا وعيش