مهلبيه الكاسترد ومهلبيه الشيكولاته

مهلبيه الكاسترد

مكونات مهلبيه الكاسترد
1 لتر لبن حليب كامل الدسم
نصف كوب نشا الا ملعقه كبيره
ملعقه كبيره كاسترد





ملعقه صغيره فانيليا
سكر حسب الرغبه


مكونات مهلبيه الكاسترد والشيكولاته
1 لتر لبن
نصف كوب نشا الا ملعقه كبيره
ملعقه كبيره كاسترد
ملعقه كبيره كاكاو خام
قطع شيكولاته
سكر حسب الرغبه

طريقة عمل مهلبيه الكاسترد والشيكولاته



طريقة تحضير مهلبيه الكاسترد والشيكولاته

فى البدايه احب اقول اننا ممكن نستغنى عن الكاسترد فى مهلبيه الشيكولاته
فى حله على النار حنحط فيها لتر لبن ونحليه بالسكر على حسب رغبتنا
ونسيبه لما يغلى
فى كوبايه حنحط 3/4 مياه ونحط الكاسترد والنشا وندوبه كويس
اول اللبن مايغلى حنحط الفانيليا
وننزل بالنشا والكاسترد سرسوب لحد ماالقوام يتقل معانا مش لازم كميه النشا كلها تتحط اول مانحس انه تقل ووصلنا للقوام المظبوط حنوقف تنزيل النشا
نستمر فى التقليب لحد مالنشا يستوى ونعرف ده من الفقاقيع اللى حتطلع من اللبن وهو على النار
حنغرف فى الاطباق ونزينها حسب الرغبه
هنا بقى فيه طريقتين لعمل مهلبيه الشيكولاته

اننا حنسيب نص كميه مهلبيه الكاسترد وندوب الكاكاو الخام فى مياه ونضيفها على الكاسترد ونقلب ونحط الشيكولاته الخام فى اخر حاجه قبل مانطفى النار مباشره ونغرف الاطباق
اننا حنستغنى عن الكاسترد ونغلى اللبن وندوب فيه الكاكاو والسكر وندوب النشا فقط فى الماء ونحط الفانيليا وننزل بالنشا سرسوب على اللبن وهو بيغلى ونستمر فى التقليب لحد القوام ما يتقل والنشا يستوى وقبل مانطفى النار مباشره حنحط قطع الشيكولاته ونغرف الاطباق ونزينها حسب رغبتنا
تقدم المهلبيه بارده
وبالف هنا وشفا