طريقة عمل الجبنه القديمه والمش

مكونات الجبنه القديمه
المرحله الاولى
جبن قريش
ملح خشن
شطه حمراء ناعمه


المرحله التانيه
قشر يوسفى
شطه حمراء مخلله فى جبن قديم سابق او جديده
فى حاله توفر مش قديم




موثوق فيه
مش قديم
ملح خشن
لبن حليب مغلى بارد او لبن رايب مضروب فى الخلاط
شطه حمراء ناعمه
مورته
دونكار للمش
فى حالة عدم توافر مش
حنزود عسل اسمر
طحينه حمراء



طريقة عمل الجبنه القديمه :

حنجيب ملح خشن ونحط عليهم الشطه الحمراء الناعمه ونخلطهم كويس
حنجيب الجبنه القريش ونلفها بالملح والشطه ونحطها فى مصفاه تحتها بوله عشان الميه اللى حتنزل منها
نغطيها بورق استرتش ونسيبها يومين
بعد مرور اليومين حنلاقي نزل منها ميه مش حنرميها وحناخد الجبنه نلفها مره تانيه بالملح والشطه ونسيبها يوم
بعد كده حناخد الجبنه ونغسلها فى الميه اللى نزلت منها عشان ننزل الملح الزياده منها (تابعى الفيديو)
ندخل على المرحلة الثانيه حنحط قشر السفندى بعد كده نحط الجبنه والشطه لحد مانخلص كميتنا
فى الخلاط حنحط المش ولو مفيش حنحط العسل الاسمر والطحينه الحمراء واللبن الرايب او الحليب والملح والشطه والمورته ونضربهم فى الخلاط
مقدار الملح اللى فى الخلاط 3-4 معالق كبار ملح خشن على قد الكميه اللى فى الدورق بتاع الخلاط لو عملنا دورقين يبقي كل دورق فيه 3-4 معالق
حنحط الخليط ده على الجبنه فى البرطمان
حنجيب الدونكار ونحط رشه خفيفه خالص على الوش ونقفل البرطمان ونحطه فى مكان ميكونش حر
ونسيبه لمدة 3 شهور ونبدا ناكل منه ولو كانت المده اطول يبقى افضل وبالف هنا وشفا