رواية وعد ( رومانتيكا ) للكاتبة أسماء صلاح الفصل الثامن
صعدت وعد إلى المكتب وجدت نانسي تجلس على المكتب وعد: ايه يا بت مالك مكشره لي. نانسي: ولا حاجه بس زهقانه شويه. وعد: مايا فين اتصلت بيها تليفونها مقفول. نانسي: معرفش انا نفس الكلام برضو. وعد: خلاص بعد ما نخلص شغل نروح نشوف مايا و تحكيلي مالك. نانسي بابتسامه: طب يلا يا اختي خلصي الشغل استاذ ماجد بينتقم مننا.
بدأت وعد العمل هي الأخرى ولكن توفقت عن سماعها بصوت وصول رساله لها أمسكت هاتفها وفتحتها وجدت (حقي مش هسيبه يا وعد وهخلص عليكي ) اتسعت عين وعد بدهشه وخوف وارتعشت أطرافها وشحب وجهها. انتبهت لها نانسي وقالت بقلق: في اي يا وعد مالك. وعد بخوف: حد بيهددني. نانسي بقلق وقامت من على مكتبها وذهبت لتري الرسالة واخدت الهاتف... نانسي وهي تضع يدها على فمها: يا خبر مين دا وعاوز اي؟ وعد: معرفش... نانسي بقلق: ربنا يستر.
دلال وهي تقف أمام باب ابنتها المغلق وتقول بحزن: افتحي يا بنتي متوجعيش قلبي عليكي وصحابك بيكلموكي تليفونك مقفول مايا. مايا بصوت منبوح: مش عاوزه اتكلم مع حد سيبوني في حالي زهقت حرام عليكم. دلال: لا اله الا الله حسبي الله ونعم الوكيل فيك يا مجدي. واتجهت إلى المطبخ وهي قلبها مشغول عليها فهي منذ البارحة وهي لم تخرج من غرفتها.
فوزيه: برضو يا ابني هتتجوز بنت عمك. نادر: اومال هقول لا. فوزيه: حكم القوي بقا المهم انك هتاخد الجمل بما حمل وبعدين ابوها هيموت وترميها زي الكلبة وتتجوز واحده تاني. نادر بضيق: بنت دلال رافضاني قال. فوزيه: هي تتطول هي وأمه...
دخل خالد المكتب وقال: في مصيبه يا ادم. ادم بقلق: اي خالد: انهارده حصل مشكله في الحجز خناقه يعني وبعد اللي حصل في الحجز اكتشفنا من العسكري اللي كان واقف على الباب ان في تلاته دخلوا الحمامات واحد هرب واتنين اتقتلوا. ادم: حسن وسيد اتقتلوا. خالد: للأسف كان ناقص خطوه وهيتعرفوا بس اتقتلوا. ادم: ياربي نفسي اعرف مين اللي بيعمل كدا. خالد: ربنا يستر علينا احنا دا قدر يقتلهم وهما في السجن. ادم: يارب.
وصلت مادون وفؤاد بطيارتهم الخاصة إلى العين السخنة وذهبوا إلى المكان الذي سيقام بي المشروع. مادون بأعجاب: واووو المكان جميل اووووي يا بابا. فؤاد وهي يضع يده في جيبه وينظر لبحر: اهااا ولسه كمان لما القرية تتبنى. مادون: انا هسيب مصنع الأدوية واجي هنا. فؤاد: هههه ازاي يا دكتوره. مادون: بصراحه المكان جميل اووووي والمياه شكلها حلو كفايه اني هصحي الصبح الاقي البحر قدامي.
فؤاد: طب يلا عشان نروح على الشاليه عشان الناس هتيجي على هناك.
نانسي: وعد هنعمل اي. وعد: معرفش هي لحد دلوقتي مردتش علينا. نانسي: تعالي نروحها البيت طيب. وعد: انا خايفه انزل من هنا اصلا. نانسي: متخافيش اللي بعت بيهدد بس. وعد بقلق: ربنا يستر، استنى هكلم ادم الأول وبعدين ننزل. نانسي: ماشي. اتصلت وعد بأدم. ادم: ماشي يا وعد بس متتاخريش وروحي دلوقتي وابعتلي العنوان عشان اجي اجيبك. وعد: ماشي. نزلت وعد ونانسي وركبوا تاكسي لكي يوصلهم إلى منزل مايا.
واثناء الطريق سألت وعد نانسي وقالت: مالك يا نانسي كان وشك قالب ليه؟ تنهدت نانسي: مفيش يا ستي انا قاعده هنا وقرفانه في الشغل ومطحونة ليل نهار وقاعده لوحدي زي الكلبة في شقه منطقه عادية وبابا عايز يقعدني من الشغل بيقولي اني مش بيجيب فلوس واكلمت بألم عايز فلوس كتير عشان يشرب مخدرات بيهم والمفروض عليا اشوف شغل تاني.
وعد وهي تربت على يدها: بجد مش عارفه اقولك بس مفيش شغل تاني هيجيب فلوس اكتر من هنا سيبك منه. نانسي: ياريت كان ينفع يا وعد بيهددني بأمي واختي. وعد بحيره: اكيد في حل اكيد. توقف التاكسي تحت منزل مايا ونزلت وعد ونانسي وصعدوا. رنت وعد الجرس ففتحت لها دلال واستقبلتهم. وعد: عايزة اشوف مايا يا طنط. دلال بحزن: روحلها الاوضه يمكن ترضى تفتح وتقعد معاكم البت حالتها وحشه اوووي نانسي: خير يا طنط ان شاء الله.
وعد: مايا افتحي انا وعد. فتحت مايا الباب وصدمت كل من وعد ونانسي من شكلها الشاحب وعينها المتورمة. دخلت وعد ونانسي وعد: كل دا يحصل واحنا منعرفش.
مايا بصوت باكي: مفيش حل يا وعد عشان اتكلم مع حد خلاص بابا اتفق معاهم وبعدين الجوازه مصلحه عشان الفلوس والورث وانا بقا مش مهم اولع بجاز المهم ان فلوسهم متطلعش برا، حتى مفكرش يسألني موافقه ولا هو عارف كويس ان نادر وحش واخلاقه زفت ومبيحبنش بس كل دا ملوش لازمه المهم الورث اللي بين الأخوات الله يسامح جدي كتب كل حاجه لبابا وانا اللي بدفع التمن معنديش اخوات لان ابويا متجوز امي غصب مكنش عاوزني اجي اصلا وتعال صوت بكائها وشهقتها بس دا مش ذنبي انا مش عاوزه الفلوس بتاعته في حاجه.
وعد وهي تبكي حزنا على صديقتها: اهربي يا مايا بتبصلولي ليه بجد اهربي مترضيش بحاجه مش عاجبكي اهربي وعيشي كفايه اللي انتي شوفتي في البيت دا كمان عاوزينك تكلمي باقي حياتك كدا اهربي وسيبي البيت. نانسي: بتقولي الكلام لمايا ولا ليكي ياوعد.
وعد ببكاء: لينا احنا الاتنين اتمنيت لو كنت هربت من بيتنا يا نانسي اكيد كنت هبقي مرتاحة وعايشه حياتي عادي لكن دلوقتي انا مش عارفه اعيش الماضي بيطاردني والحاضر مش بتاعي والمستقبل مجهول انا في نص الطريق ومش عارفه اروح فين وأكملت بحسره اهاا حققت نجاح بقيت صفحيه بنشر، بكتب، بس ضايعه، عيشت في البيت كله مشاكل وخناقات حياتي عباره عن اوضتي وخلاص مكنتش باخد غير تريقه واهانات بس تحطيم أحلامي بأي طريقة فضل يميز اخويا عني في كل حاجه لحد ما كرهنا بعض و ماما مش بيدها حاجه عشان كدا بقولها اهربي متعمليش زيي...
مايا: هروح فين يا وعد لو جابوني هيحصل اي. نانسي: الهروب مش حل يا جماعه. وعد ضحكت بسخرية و قالت: لا حل اومال اي الحل اني أخرس واسكت وارضي بالظلم والذل ارضى ان راجل صاحب ابويا كل يوم يجي بيتنا عشان يتحرش بطفله عندها 15 سنه بس لما اتكلمت اضربت و اتحبست في الاوضه لان هو مظلوم وانا كدابه المفروض اني ارضى عشان الهروب مش حل. نانسي وهي تحاول أن تهدي وعد: اهدي يا وعد كل حاجه هتتصلح.
وعد بحسره: ياريت كان في حاجه بتتصلح الكوبايه المكسورة مبترجعش حلها الوحيد انك تجيبي واحده جديده. مايا: لو هربت هروح فين. وعد: هتصرف انا واقولك. نانسي: انا خايفه ليحصل حاجه. وعد: مفيش اوحش من كدا يا نانسي، احنا هننزل دلوقتي عشان ادم جي وهكلمك اقولك هتعملي اي. ودعت وعد ونانسي مايا وبعدين استأذنوا من والدتها وغادروا وركبوا المصعد. نانسي: ناويه علي اي يا وعد.
وعد: هساعدها تهرب عارفه انه غلط بس معنديش حل تاني... خرجوا من العمارة وجدت ادم يقف أمام السيارة ينتظرها. وعد قدمتهم لبعض نانسي صاحبتي ادم صمتت قليلا وبعدين قالت جوزي. سلم ادم على نانسي و وصلها إلى منزلها... نانسي كانت تسكن في احدي المناطق المتوسطة في بيت عادي كانت تستأجر شقه متوسطة الحال وبها اثاث بسيط. وصل ادم ووعد إلى الفيلا وكانت الفيلا خاليه لأن فواد و مايا مسافرين. ادم: مالك واقفه كدا ليه؟
وعد: مفيش اصل اتعودت اقعد مع مادون وهي انهارده مش موجوده. ادم: كلها يومين وهتيجي يلا نطلع. صعدوا إلى الغرفه دخلت وعد اولا وبعدين دخل وغلق الغرفه. انتفضت وعد من صوت غلق الباب لاحظ ادم ذلك اقترب منها ولف ذراعه حول خصرها وقال: مالك يا وعد فيكي حاجه غربيه. وعد: لا مفيش انا كويسه. لفها ادم اليه ورفع وجهها لكي ينظر لها عينها وقال: خايفه مني. وعد: لا ادم: في حاجه حصلت طيب؟
قامت وعد بمعناقته وبكت اندهش ادم من فعلتها و اخذ ادم يرتب على ظهرها: مالك اي اللي حصل؟ وعد وهي تبتعد عنه: مايا باباها عاوز يجوزها غصب عنها وزعلانه عليها. ادم: زعلانه عليها ولا خايفه تبقى زيك وتتجوز غصب عنها. وعد وهي تبكي: الاتنين. ادم: هي بتكره وعد: اهاا هو ابن عمها. ادم وهو يمسك وجنتها بيده: وانتي بتكرهيني. نظرت له وعد بعيونها الدامعة مندهشة من سؤاله الذي لم تعرفه هي اجابته حتى الآن.
ادم: جاوبني انا مش هعملك حاجه. وعد: مش عارفه يا آدم بس انا مش بكرهك عمري ما حسيت الاحساس دا معاك اهاا مكنش نفسي اتجوز واحد عشان فضحيه وحوار حصل وعليتي خافت على سمعتها بس انا مش بكرهك. ادم: اومال ايه؟ وعد: معرفش. ادم: مايا هتهرب. وعد: ايوووه بس مش عارفه هتروح فين. ادم وهي يسمح دموعها: انا هتصرف متقلقيش. وعد: شكرا. ادم: يلا ادخلي اغسلي وشك وغيري وتعالي عشان تنامي. وعد بابتسامه: حاضر.
دلفت وعد إلى الحمام وغسلت وجهها وقامت بتبديل ملابسها وانسدل شعرها الطويل علي ظهرها وخرجت. لم تجده في الغرفه فبحثت عنه وجدته يقف في البلكونة يدخن سيجاره والهوا يلفح صدره العاري. وعد: ادم ادم: ... وعد: ادم انتبه ادم لها: اي وعد: سرحانه في اي؟ ادم وهي يطفئ سيجارته: فيكي وعد: انا! ادم: مفيش غيرك. وعد: الجو برد هنا ادخل. امسك ادم يدها: بتهربي من كلامي ليه. وعد: مش بهرب بس...
التقط ادم شفتها في قبله طويله قاسيه يبث بها غضبه خوفه كل شي، قام بتركها لكي يلتقط أنفاسه... وعد وقد سقطت دموعها علي وجنتها: ليه عملت كدا يا آدم. ادم: انتي مراتي يا وعد متنسيش دا. وعد: انا داخله انام، و بعدين الجو برد هنا هتتعب. ادم: خايفه عليا؟ لم تجيبه وعد وهمت بالخروج من البلكونة ولكن اوقفها: مردتيش. وعد: سيب ايدي يا آدم ادم: مش هسيبك وعد وهي تنظر له بعيون دامعه: ايوه خايفه عليك.
ضمها ادم إلى صدره: مبحبش اشوف دموعك. وعد: يلا ندخل. ادم: حاضر يلا وقام بحملها بين ذراعه. تشبتت وعد بعنقه وقام بوضعها على السرير برفق وقام بتقبلها برقه على شفتها وبعدين على عنقها ومن ثم أصبحت قبلات متفرقه على جسدها... وعد: ادم مش هينفع. ادم: هينفع انا عاوزك...
لم تنطق وعد بعد ذلك واستجابت له ولرغبته او لرغبتها هي الأخرى في مشاعرنا ليس لنا عليها سلطه فهي مين تقيدنا ديما وتحكم علينا اهواها وتحركنا كيفما شاءت فالقلب حين يدق تسكن جميع الأشياء ويصبح هو كل شيء..
استيقظت وعد في الصباح وقامت باخد ملابسها المبعثرة على الأرض وذهبت إلى الحمام اخدت شاور وارتديت ملابسها، خرجت وجدته امامها ادم: صباح الخير وطبع على رقيقه على شفتيها. وعد بخجل: صباح النور. ادم: هلبس وانزل عشان اوصلك. وعد: ماشي. دخل ادم إلى الحمام واخد شاور وارتدي ملابسه وخرج كانت هي تجلس على الأريكة تنتظره... ادم: منزلتش تفطري ليه؟ وعد: مليش نفس ادم: خلاص نفطر برا. وعد: ماشي. ادم: في حاجه مضايقكي.
وهزت راسها نافيه ادم: مايا هنوديها شقه احمد صاحبي محدش هيشك في الموضوع خالص وهتقعد هناك لحد ما تقرر هتعمل اي. وعد: ازاي هتقعد مع احمد يعني. ادم: يا حبيتي احمد مسافر وشقته هتبقى مقفولة فاهمه وكمان هتكون في امان وانا هقوله انهارده. وعد: ماشي يلا بقا.
كانت مادون تسير علي الشاطئ وشارده الذهن زين: حلو المكان صح انتبهت له مادون وقالت بحده: اهاا حلو زين: بس انتي احلى مادون بحده و نبرة جادة: افندم! زين: ولا حاجه فؤاد: ابوك فين يا زين. زين: بيتفق مع العمال عشان التشطيب بتاع القرية. فؤاد: ماشي، يلا يا مادون روحي مع زين عشان تختاروا الأثاث اللي هيجي القرية. مادون وهي ترفع حاجيبها: انا. فؤاد: ايوه يا بنتي. زين: يلا يا دكتوره، سارت مادون بضيق خلفه.
زين: دي هي نص ساعه وخلاص مادون ببرود: طيب يلا عشان نلحق.
رن ادم جرس الباب فتح له احمد دلف ادم إلى الداخل وجلس على الاريكه احمد: لسه فاكر تيجي دا انا بقالي اسبوعين مشوفتكش. ادم: الشغل والله دا غير كدا انا بوصل وعد في كل مكان. احمد: امممممم حدفه ادم بالوسادة و قال في حد بيهددنا والعيال اتقتلوا في الحجز. احمد: نهار ابيض ادم: عاوزك في حوار كدا احمد: اي ادم: انت مسافر على اخر الاسبوع فانا عاوز الشقة بتاعتك عشان في واحده هتقعد فيها يومين مايا صاحبت وعد.
احمد: ماشي بس ليه؟ ادم: حوار طويل هحكيلك عليه احمد: اهاا نسيت اقولك بوسي بتقولي انها بتكلمك مبتردش عليها وزعلانه منك. ادم: وقتها خلص معايا. احمد: كلمها وشوف هي عاوزه اي. ادم: ماشي هبقي اكلمها. احمد بابتسامه: اتغيرت يا صاحبي ادم: اتغيرت أزاي. احمد: بتحبها... ادم: ...
رواية وعد ( رومانتيكا ) للكاتبة أسماء صلاح الفصل التاسع
احمد: بتحبها... ادم: معرفش والله يا احمد بس انا اول مره احس الاحساس دا و كان من ناحيتها عمري ما حسيته مع واحده تاني بس مش عارف دا حب ولا بس كل اللي انا اعرفه اني عايزها تفضل معايا. احمد: هي بتحبك. ادم: تصرفاتها تقول اهاا بتحبي بس خايفه تكون تخيلات. احمد: القلب عمره ما يكدب. ادم: طب يلا قوم عشان نروح الشركه بابا سافر امبارح وانا خدت اجازه انهارده وقولت انزل معاك. احمد: اشطا هدخل البس واجيلك.
رن هاتف احمد عده مرات وقام ادم بمسك الهاتف وجد المتصل بوسي تترد في الإجابة وبعدين حزم امره ورد. ادم: الو بوسي بفرحه: وحشتني يا آدم. ادم ببرود: طيب. بوسي: ياها لدرجه دي مش طايقني. ادم: بوسي موضوعنا انتهى. بوسي: بس انا بحبك يا آدم. ادم: انا واحد متجوز دلوقتي. بوسي: على الاقل تودعني حتى تعالي انهارده ليا الشقة ونتكلم. ادم: تمام لما اخلص شغل وقفل الخط.
رمت بوسي الهاتف بغيظ على الأريكة: ماشي يا آدم باشا عليا وعلى اعدائي والله ما هسكت زيزي: مالك يا بت متعصبه ليه؟ بوسي بضيق: الباشا رمي توبتي زيزي ببرود: اي الجديد يا بوسي انتي عارفه ادم كويس واللعب معاه خطر. بوسي: واللعب معايا مش سهل.
زفرت نانسي بضيق: انا عاوزه اروح تعبانة. وعد: وانا والله وكمان عاوزه اكلم مايا نانسي: اهاا صحيح هتروح فين وعد: عند صاحب أدم نانسي: ازاي يا وعد وبعدين ابوها صعب. وعد: مش عارفه يا نانسي مفيش حل تاني وصاحبه مسافر فهي هتقعد في شقه صاحبه نانسي: ربنا يستر والله انا خايفه ومش مرتاحة اليومين دول حاسه ان في حاجه وحشه هتحصل...
كانت جالسه في غرفتها تفكر فماذا تفعل هل تسمع كلام وعد ولا تظل في منزلها وترضي بنصيبها. مايا لنفسها: هتعملي اي يعني انتي عارفه لو اتجوزتي نادر هتبقى انتهيتي... قطع شرودها اتصال وعد مايا: الو يا وعد وعد: انا اتصرفت يا مايا هتقعدي عند صاحب ادم. مايا: ازاي مش فاهمه. وعد: المهم انتي هتعرفي تنزلي من بيتك ومحدش يشوفك امتى. مايا: لما ماما تنام وقبل ما بابا يجي من برا يعني الساعة 11...
وعد: تمام الساعة 11 تنزلي وتركبي العربية هبقي مستنياكي، وهاتي اهم الحاجات اللي هتحتاجها. مايا بتردد: حاضر.. طرقت دلال الباب مايا: ادخلي يا ماما دلال: عامله اي انهارده يا حبيبتي. مايا: كويسه. دلال: طب تعالي كُلي معايا. مايا وقد ترقرت الدموع في عينها فاليوم سوف تفارقها لمده لم تعلم كم هي. مايا وهي تحاول حبس دموعها: ماشي يا ماما يلا.
خرجت مايا ومع والدتها وهي تتحضنها ودلفوا إلى المطبخ وقامت مايا بإعداد العشاء. وخرجت و وضعته على السفرة وجلست برفقه والدتها ومن يخلو حديثهم من الهزار والمرح فهو حديث الوادع. دلال: تعالي نتفرج على فيلم وبعدين ادخل انام انا بصحي اصلي الفجر مايا: ماشي لسه الساعة 8 اصلا.
روحت وعد إلى الفيلا بعد أن أخبار آدم ليها بانه في المنزل ينتظرها ومعه احمد. دلفت وعد إلى الداخل واخبرتها ناديه انهم يجلسون في غرفه المكتب اتجهت وعد إلى الغرفه وكان الباب موارب ويتحدثون وقفت أمام الباب وكانت لتدخل ولكن اوقفها حديثهم واستمعت اليه. ادم: والله انا اتخنقت مش عارف اعمل اي. احمد: ولا انا بصراحه موضوعك صعب اوووي ادم: من ناحيه بوسي ومن ناحيه وعد.
احمد: كدا كدا وعد ابوك اتفق ان الجواز هيبقى شهرين يا ابني وصعب تقف في وش محمد البنهاوي هو كمان. ادم: عارف وبوسي مش هتسيبني في حالي. احمد: لو بتحب وعد قولها ورح دماغك. ادم: انا نفسي مش متأكد من دا الحب بنسبالي كان لواحده بس واكتر واحده حبيتها وانت عارف. احمد: حب عن حب يفرق يا آدم... كتمت وعد شهقتها وحبست دموعها فهي عرفت ان ادم لا يحبها وانه على علاقه بأخرى.
طرقت الباب فسكت ادم واحمد و خشوا ان تكون سمعت حديثهم. ادم: جيتي امتى. وعد وهي تحاول أن تظهر طبيعية: دلوقتي. احمد: صاحبتك هتجهز امتى. وعد: خلاص قدمنا ساعه ونص. ادم: خلاص انا هخلي احمد يروح يجبها ويوصلها على الشقة وبعدين هنروح مشوار انا وهو. وعد: هتروح فين؟ ارتبك ادم وقال: شغل عشان بابا مسافر. وعد: تمام هتصل بمايا اعرفها وانت هتروح مع احمد ولا هتسبقه على الشغل. حس ادم من نبره صوتها انها قد سمعتهم: لا هسبقه.
وعد: ماشي وغادرت الغرفه ادم: انا خايف تكون سمعت. احمد: ربنا يستر المهم انك تخلص موضوع بوسي، وانت بتحبها المفروض تقولها الوقت بيعدي. ادم: بس... احمد: ادم انت كنت بتحب مامتك ومتعلق بيها اوووي وهي الله يرحمها لو كانت موجوده كانت هتفرح اوووي لأن دي مراتك. ادم: بس هي ماتت وسيبتني. احمد: الله يرحمها كانت تعبانة اوي في اخر أيامها. ادم: خلاص هقولها بس هنهي علاقتي ببوسي الأول.
صعدت وعد إلى غرفتها واغلقت الباب خلفها وأطلقت لدموعها العنان.
وعد وهي تسمح دموعها اتجهت واخرجت دفترها من الخزانة وامسكت قلمها و تساقطت دموعها وهي تكتب (اليوم تحطم قلبي لم أجد شي اقوله غير السكوت فماذا اقول اذا في القلب ليس عليه سيطرة ولا عتاب لشي ولكن لماذا يحدث لي هكذا لماذا تتحطم احلامي هكذا بتلك الطريقة فالحياة غير عادله بالمرة فهي تأخذ مني كل شي حتى الحب لم تمنحني ولكن ماذا سأفعل هل اهرب مثلما تفعل مايا ام اظل هنا لحد ما يقرر مصيري يارب اخرجني من ذلك اريد ان ارتاح وليس اي شي اخر. ).
انتهت وعد من كتابتها وقامت بالاتصال بمادون لكي تتطمن عليها.
كان أحمد يجلس بسيارته ينتظر مايا، وبعد مده من انتظاره وجد فتاه تقترب منه ترتدي فستان وعليه شال يخبي شعرها وتضعه على نص وجها فتظهر عينها العسلية الجميلة. احمد: هي القمر دي مش معقول ونزل من السيارة. اقتربت منه مايا وقالت: حضرتك احمد. احمد بابتسامه: ايوووه اي رايك حلو. مايا وهي تنزع الشال عن وجهها وتظهر جمالها: نعم.
احمد: اممم اتفضلي واخذ منها الشنطه وفتح لها باب السيارة الأمامي ولكن رفضت ذلك وركبت في الخلف. غلق باب السيارة بحرج وركب هو وكان يراقبها طول الطريق حتى وقف أمام العمارة التي يسكن بها. احمد: وصلنا صعدت مايا معه بتوتر فتح احمد الشقة وضع شنطتها على الأرض وقال: اتفضلي. دخلت مايا الشقة احمد: الشقة شقتك وانا مسافر بعد بكره ان شاء الله ورقمي اهو وأعطي لها كارت لو احتاجتني في حاجه انا تحت امرك. مايا: شكرا.
احمد: المهم انك متخرجيش من هنا خالص عشان اكيد باباكي هيبلغ البوليس. مايا: اهااا احمد: عندك الاكل جوه و كل حاجه موجوده هنا واعطي لها مفتاح الشقة ومش معايا نسخه تاني على فكره وانا همشي. مايا: ماشي شكرا اوووي. خرج احمد من الشقة وغلق الباب خلفه. تجولت مايا في الشقة وكانت الشقة في قمه الروعة واثاثها جميل جدا وهادي. اتصلت بوعد واخبرتها بما حدث وبعدها تسطحت على الأريكة ونامت...
رن ادم جرس شقه بوسي وفتحت له وكانت ترتدي فستان عاري تماما وقصير لغايه وتضع ميك اب يظهر جمالها. بوسي وهي تلف يديها حول عنقه: وحشتني ادم وهو يبعد يدها عنه: عاوزه اي بوسي: عايزك ادم بحده: بوسي انجزي. بوسي بدلال: خلاص طالما انت عاوز تبعد انا مش هغصبك على حاجه بس نقضي الليلة دي مع بعض و تكون ليله الوداع ادم وهو يشك في كلامها: وانا موافق. ودلفوا إلى الغرفه وقضوا ليلتهم.
استيقظ ادم ولبس ملابسه وغادر على الفور عندما سمعت صوت الباب استيقظت بوسي وقامت بوضع الكرسي وبعدها التقطت الكاميرا اللي كانت وضعتها في الليلة الماضية. وقالت بتوعد: انا هوريك يا آدم باشا.
كان يسير ادم بسيارته وهو شارد الذهن مشغول البال بما حدث فذلك تعتبر خيانة هل لو عرفت وعد هل ستبقى ام لا كانت تلك الأفكار تدور بعقله وبعدها رد على اتصال خالد وذهب إلى عمله. استيقظت وعد من نومها ولم تجد ادم فعلمت انه لم يأتي البارحة وتأكدت من حقيقه الكلام. دلفت إلى الحمام اخذت شاور وبعدها خرجت وكان تلفونها يرن أمسكت الهاتف لقيت رقم مجهول حاولت الاتصال بي اجابها المتصل: عايزة اديكي حاجه مهمه.
وعد: انتي مين. بوسي: مش مهم تعرفي الموضوع بخصوص ادم جوزك لو عاوزه تعرفي تعالي في الكافية، و أعطيت لها العنوان. وعد: ماشي. اغلقت وعد الهاتف وهي تفكر بماذا تريد تلك...
كان يجلس سامي في المزرعة ويدخن سيجارته الذي اعتاد عليها في تلك الفترة الأخيرة وامسك هاتفه. سامي: الو يا باشا. الباشا: عملت اي؟ سامي: هيحصل هو بكرا بكتير وهبقي مفيش وعد وساعتها الظابط الحلو هيتشغل فيها والطريق هيفضلنا. الباشا بتحذير: اي غلطه انت اللي هتتدفع تمنها خد بالك وافتكر اللي حصل لي سيد وحسن. سامي: متقلقش يا باشا كل حاجه تحت السيطرة...
استيقظت دلال في الصباح ودخلت غرفه مايا وجدتها فارغه. دلال بخوف: دي راحت فين بس يا ربي. واخدت هاتفها و رنيت عليه ولكن كان مقفول تسرب القلق اليها وقامت بالاتصال بمجدي وهي تقول بهلع: الحقني يا مجدي مايا مش موجوده في البيت. مجدي بحده: بتقولي اي اقفلي انا جاي. دلال: ربنا يستر يا بنتي يا ترى روحتي فين.
اتصلت وعد بمايا وقالت: اي يا بنتي اصحى امك اتصلت بيا ومنهارة. مايا: ربنا يستر بابا لو عرف مكاني هيقتلني. وعد: مستحيل يعرف مكانك متخافيش.
نزلت وعد وذهبت إلى الشغل نانسي: اي اللي حصل. وعد: ولا حاجه حد اتصل بيكي ولا اي؟ نانسي: اهاا مامت مايا صعبانه عليا اوووي والله. وعد: هنعمل اي نانسي: على رأيك وانتي هتعملي اي. وعد: عايزة امشي نانسي بدهشه: انتي بتقولي اي؟ وعد: انا وآدم مش بنحب بعض وهنسيب بعض قريب وبعدها بابا مش هيسيبني وهرجع لمعاناتي من اول تأني عشان كدا بقرر امشي. نانسي: غريبه يا وعد بس هتروحي فين. وعد: معرفش.
نانسي بحسره: ياريتني كنت اقدر اهرب بس انا مقيده اوووي. وعد: احنا اللي بنقيد نفسنا يا نانسي. نانسي: تعرفي اني نفسي اشوف ماما واختي اوووي وكنت عاوزه اقعد معاكي انتي ومايا. وعد: الايام قدامنا طويله يا بنتي ممكن تاخدي اجازه بكرا من استاذ ماجد وتسافري البلد تشوفهم ولما ترجعي نظبط ونقعد مع بعض اصل دلوقتي محدش ينفع يشوف مايا عشان أهلها.
بقلم أنهت وعد دوامها وبعدها ذهبت إلى الكافية كما اخبرتها بوسي، وجدتها تجلس على الطاولة وتشاور له جلست وعد على الكرسي. بوسي: عارفه انك متعرفنيش بصي انا ليا علاقه بأدم وانا حبيت اوصلك الموضوع دا بدل ما تفضلي مخدوعة في بشكل دا. وعد: لوسمحت وضحى اكتر.
بوسي وقد أخرجت CD من شنطتها خدي دا وانتي هتفهمي كل حاجه وبعدها خرجت بوسي من الكافية وبعدها وعد وذهبت إلى المنزل وصعدت إلى الغرفه ووضعت الCDفي اللاب توب لم تقدر تكميل الباقي وقام بتكسير كل شي أمامها وكان تصرخ صراخ هستيري وبعدها جلست في احدي زوايا الغرفه وهي منهارة بل محطمه تماما. وصل ادم إلى المنزل ودخل الغرفه وصعق بما رأي. ادم بقلق: مالك يا وعد. وعد وهي تنظر له بعتاب و ألم وقهره: طلقني...
ادم: مش فاهم حاجه وعد بصراخ: طلقني دلوقتي يا آدم بكرهك بكرهك يا آدم. ادم: فاهمني اي حصل... وعد وهي تبكي بشده: بتخوني يا آدم انا عملت اي ليك عشان تعمل معايا كدا بس فعلا دي مش غلطتك انا اللي غلطانه عشان حبيت واحد زيك. كان يقف ادم وينظر لها بصدمه اهي حقا تحبه ولكن فات الوقت هو خسر كل شي خسر وعد خسر حبيبته... ادم: وعد انا بحبك وعد بسخريه: بتحبني بعد اي يا آدم بعد اي لو بتحبني طلقني.
ادم بغضب: أنا مش هسيبك واعملي اللي انتي عايزها فاهمه مش هسيبك وانهال على شفتها بقسوة وعنف وحاولت ان تبتعد عنه وهو يحكم قبضتها بعنف. وعد: سيبني حرام عليك. ادم: مش هسيبك انتي بتاعتي انا. وعد: انا اللي هسيبك يا آدم انا بكرهك ادم وهو يضمها اليه: مقدرش ابعد عنك مقدرش اسيبك يا وعد. كانت تبكي وهي بين ذراعه فهي لا تستطيع منع دموعها من السقوط.
ادم: اهدي عارف اني غلطان واستأهل اي حاجه بس مش قادر اشوفك كدا ومسح دموعها بيده. ابتعدت وعد عنه وقالت طلقني انا مش هقدر اكمل معاك ادم: دي الحاجه الوحيدة اللي مش هقدر اعملها وعد: لوسمحت يا...
لم تكمل كلامها وقام بتقبلها مره اخرى ولكن تلك المرة لم تدفعه بعيد عنها فاستجابت لقبلاته القاسية وفهي تعشقه رغم ما حدث واصبحت قبلات متفارقه على باقي جسدها وقضوا تلك الليلة التي كانت تحمل الكثير من المشاعر المبعثرة الحب الألم الخاينه العشق فهم عكس بعض ولكن هذا هو العشق عندما يتمكن من قلوبنا. ولكن ماذا ستفعل بعد ذلك هل ستركه او ستسامحه..
رواية وعد ( رومانتيكا ) للكاتبة أسماء صلاح الفصل العاشر
استيقظت وعد في الصباح وارتديت ملابسها كان ادم مازال نايم، خرجت وعد من الحمام و وقفت أمام المرآه تمشط شعرها ومن حين لآخر تنظر إلى ادم ربطت شعرها إلى الخلف ولم تضع اي شي على وجهها وباد وجهها شاحب كثيرا. استيقظ ادم من نومه ووجدها تقف شارده أمام المرأة. ادم: هتنزلي دلوقتي. وعد: اهااا. ادم وهو يجلس على الفراش: احمد سافر، مش هتروحي لمايا. وعد: مش هينفع عشان باباها وممكن حد يشوفني وانا رايحلها. ادم: ماشي.
وعد: انا نازله عايز حاجه ادم: عاوزك متزعليش مني وتسامحني. وعد: سيبها بظروفها يا آدم. قام ادم من مكانه ووقف أمامها وقال: والله بحبك ومش بحب غيرك وعد وهي تنظره له بعدم تصديق: بجد. ادم وهو يلف ذراعه حول خصرها وضمها لصدره العاري: بحبك. وعد وهي تبتعد عنه: انا هنزل عشان هتاخر. ادم: استنى اوصلك. وعد: لا خليك انا هروح. ادم: هاجي اجيبك. وعد: هبقي اكلمك. ركبت وعد السيارة وغادرت، أمسكت هاتفها وقامت بالاتصال بمايا.
وعد: عامله اي مايا: الحمد الله بس زهقانه انا قاعده مبعملش حاجه. وعد: حد طايل يرتاح المهم ابوكي بلغ البوليس والدنيا مقلوبه عليكي. مايا بخوف: انا خايفه اوووي. وعد: متخافيش. مايا: في حاجه مضايقكي ولا اي. وعد: لا مفيش انا رايحه الشغل اهو هتابع الاخبار هناك وابقى اقولك يلا سلام.
فوزيه وهي تلوي فمها: اكيد هربت بنات آخر الزمن. فتحي: خلاص يا ام نادر، النصيب كدا. فوزيه: صحيح دلال هتجيب اي يلا ربنا يستر الناس بقيت بجحه والله. فتحي: انا هنزل هروح لي مجدي. فوزيه بسخريه: روح يا اخويا طول عمرك صاحب واجب.
سعاد: احضرلك الفطار يا هانم. منال: لا مليش نفس، اعملي فنجان قهوه وهاتي هنا. سعاد: حاضر يا هانم عن اذنك. منال: هاتي الموبيل يا سعاد عشان اكلم وعد وحشتني. ناولتها سعاد الموبيل وقالت: اهااا والله يا هانم سلميلي عليها. حاولت منال الاتصال عده مرات ولكن كان الهاتف يعطيها مقفول. منال: يا ترى مش بتردي ليه يا وعد.
تجمع كثير من الناس حول الحادثة و التي كانت عبارة عن انفجار سيارة. شخص: لا حول ولا قوه الا بالله دي السيارة اتفحمت حد يطلب المطافئ و البوليس والاسعاف. رد شخص آخر: اكيد كان فيها حد لا اله الا الله. وصل المطافئ بعد قليل واطفت النار وتفحص احدي رجال المطافئ السيارة وجد بيها جثه لشخص ما مفحم لا توجد لها ملامح. وصلت سيارة الشرطة خالد: العربية كان فيها حد.
احدي رجال المطفي: ايوه بس مش واضحه ملامحها ومن الواضح انها كانت ست. اخد خالد يتفحص السيارة التي أمامه ليصل لأي شي ولكن السيارة كانت مفحمه تمام ولكن شك خالد في ان تكون هذه سيارة وعد فهي تشبها رغم انها محطمه ولكن هو يتذكر شكل السيارة جيد والأسوء ان كل شي كان في السيارة اتحرق، و كانت قربيه من مقر العمل التي تعمل بي وعد، وقال خدوا الجثة المستشفى. اتصل خالد لادم خالد: ادم في خبر مش حلو. ادم بقلق: اي.
خالد: هي وعد في البيت ادم: لا نزلت من شويه كدا وكانت رايحه الشغل. ابتلع خالد ريقه وقال: في عربيه شبه بتاعتها انفجرت من شويه وكانت على نفس طريق وعد وقريبه اوووي من الشغل بتاعها ادم بصدمه: انت بتقول اي فين انا جاي... ساق السيارة بسرعه جنونيه حتى وصل إلى مكان الحادثة. نزل من السيارة وهو يخشى ان تكون هذه حبيبته كان يخشى فراقها فكيف له بأن يفرقها إلى الأبد. خالد: العربية اهي والجثة راحت المستشفى.
ادم: عربيه وعد خالد: تعالي المستشفى عشان تتأكد. دخل ادم إلى المستشفى مع خالد ودخلوا الغرفه كانت مغطاه كشف ادم الغطاء عن وجهها ولكن لم تكون لها أي ملامح ولكن كانت نفس الطول والجسم فمن المؤكد انها هي. انهار ادم وقال وهو يبكي: لا يا وعد متمشيش مش انتي قولتي هترجعي لا يا وعد لا والله مكنتش هعمل حاجه وحشه تاني ليه ربنا عاقبني فيكي انتي. خالد وهو يخرجه من الغرفه: وحد الله يا آدم ادعيلها بالرحمة.
ادم وهي يبكي: لا هي ممتيتش، وعد موجوده. خالد: كلم أهلها يا آدم. أعطاه ادم الهاتف لكي يخبر أهلها الخبر.
دخل ادم غرفتها مره اخري وجلس بجانبها وقال ودموعه تنزل على تلك الجثة المشوهة: ليه كدا يا وعد والله كنت هسيبك لو فضلتي مصممه انا عمري ما كنت هذيكي انتي موتى وانتي زعلانه مني ليه مدتنيش فرصه اثبتلك اني هبقي كويس ليه روحتي وسيبتني ماما سابتني زيك وانا كنت محتاجلها راحت وسابتني وانتي كمان سيبتني انا محبتش غيرك ولا عمري هحب غيرك ليه حتى مسمحتيش اني اودعك ليه مشيتي من غير ما تقولي انا بحبك اووووي.
وصل محمد وفؤاد وزين ومادون واحمد ومنال إلى المستشفى. منال: بنتي فين؟ خالد: البقاء لله صرخت منال بقوه هزت أرجاء المستشفى قبل أن تسقط على الأرض. وكانت مادون تبكي هي الأخرى ودلفت إلى الغرفه وجدت ادم يبكي ويكلمها وضعت يدها على كتفه. مادون وهي تبكي: ربنا يرحمها يا آدم ادم: سابتني... مادون: دا قدر ربنا. فؤاد: البقاء لله. محمد: ونعمه بالله. زين: هندفنها دلوقتي. خرج ادم و سمع زين و قال بصراخ: هي ممتيش عشان تتدفن.
احمد بحزن على صديقه: اهدي ياادم هي ماتت ربنا يرحمها لازم تتدفن مش كفايه العذاب بتاع الحرق.
وصلوا إلى المدافن وكان يحمل الصندوق ادم واحمد وزين وخالد. منال بصراخ وهما بيخرجوا الجثة ليضعوها في قبرها: يا حبيبتي يا بنتي ليه كدا يا رب ليه تاخد بنتي وكانت تواسيها شقيقتها ومادون، دا غير حاله ادم التي كانت تقطع القلب فهو كان تايه مشتت مصدوم يبكي بشده فهو لم يستطع أن يراها مره اخرى كيف سيتحمل فراقها. تم غلق القبر وقرا الشيخ بعض آيات القرآن وبدأ الناس في المغادرة. احمد: يلا يا ادم مش هتمشي.
ادم: لا مش هسيبها هفضل معاها انهارده اول يوم ليها روح انت وصل بابا ومادون وقول لمايا على اللي حصل. تركه الجميع وكان هو يجلس بجانب القبر ويمسك المصحف بيده ويقرا لها...
طرق احمد الباب ففتحت له مايا. احمد: بصي عاوزك تجمدي قلبك مايا بقلق: في اي يا استاذ احمد احمد: وعد صاحبتك توفيت انهارده. مايا بصدمه: انت بتقول اي بس وعد كانت لسه مكلمني الصبح بتهزر صح. احمد: بجد والله مايا وقد ادمعت عينها فهي لا تصدق: لا وعد مش هتسيبني لوحدي انت بتكدب عليا لا وعد لسه مكلمني لا. احمد: ارجوكي اهدي يا مايا. مايا وهي تسمح دموعها: اهدي اي بلاش هزار بقا لا وعد عايشه صح قولي انها عايشه.
احمد بحزن: للأسف لا هي ماتت. مايا وهي تبكي وتصرخ: وووووووعد.
فؤاد: اهدي يا بنتي مش كدا مادون: ياريني ما كنت سافرت وفضلت معاها اليومين دول. فؤاد: ربنا يرحمها يا بنتي لازم تكوني أقوى من كدا انت شايفه حاله ادم عامله ازاي. مادون وهي تبكي: هحاول يا بابا.
كانت تسير في الشارع ضائعة لم تعرف أين طريقها تذهب وتخبرهم الحقيقه او تموت حيه لكن هل هي كانت حيه ام ماذا. تذكرت وعد الموقف مره اخرى وانفجار السيارة فهي التي كانت ستصبح مكان نانسي المسكينة. عديت وعد على نانسي في الصباح وركبت السيارة واتجهت إلى طريقها كالعادة. وعد: هركن هنا وانزل اجيب حاجات من السوبر ماركت هتيجي. نانسي: لا يا اختي مش قادره انزل هاتلى حاجه افطرها معاكي. وعد: ماشي.
نزلت وعد من السيارة ودخلت السوبر ماركت واشتريت ما تريد ولكن وهي بالداخل سمعت صوت انفجار. خرج كل من في السوبر ماركت مسرعا بيما فيهم وعد سقطت الشنطه من يديها فتلك التي تحترق سيارتها صديقتها وقفت عاجزة مكانها وبعدها ركضت مثل من فقد عقله لا تعرف طريقها او ماذا تفعل. ذهبت وعد إلى المطار عاوزه احجز رحله لدبي. موظف: تمام في رحله رايحه الصبح. وعد: تمام عاوزه احجز فيها.
دخلت منال غرفه وعد وجلست على سريرها وظلت تبكي وهي تنظر لي كل شي في غرفتها فهي رحلت الان عن تلك الحياه وامسكت المصحف وظلت تقرأ.
اليوم التالي رجع ادم إلى المنزل وصعد إلى الغرفه وهو غير مصدق انه لم يجدها تنتظره فوق لم يصدق انها لم تكن موجوده بعد الآن كيف لها أن ترحل و تتركه لم تسمح حتى له بأن يودعها... ارتدي ملابسه وذهب إلى عمله خالد: جيت ليه يا آدم انهارده المفروض كنت ارتحت. ادم وهو يجمع جميع أغراضه من المكتب لأني مش هاجي هنا تاني. خالد: مش فاهم ادم قبل أن يخرج من المكتب: مش عايز الشغل دا خلاص. وذهب إلى مكتب اللواء.
اللواء مجدي: البقاء لله يا آدم. ادم: ونعمه بالله انا كنت جاي أقدم استقالتي مجدي: ليه كدا يا آدم فكر ادم: دا قراري يا افندم ومش هرجع فيه انا مش هقدر اكمل. مجدي بحزن: انا هخسر احسن ظابط عندي بس طلالما دا طلبك انا موافق وموجود في إي وقت. ادم ويصافحه: شكرا.
أعلنت الطياره عن وصولها إلى دبي. وصلت وعد وركبت تاكسي واخبرته العنوان التي تريد الذهاب اليه. وصلت إلى احدي القصور الفاخرة ونزلت من التاكسي ودخلت اوقفها حارس القصر الحارس: حضرتك رايحه فين؟ وعد: لي مدام سميه الحارس: مين انتِ وعد: قولها وعد. أخبر الحارس سميه بوجود فتاه تريد مقابلتها واذنت لها بالدخول دخلت وعد إلى القصر وفتح لها احدي الخدم وجلست على الأريكة وبعد قليل جاءت سميه سميه: مش مصدقه وعد عندي.
وعد وهي تحتضنها: وحشاني اوي يا عمتو. سميه: يابت دا انتي اخر مره مكلمني من شهر. وعد: والله عشان اللي حصلي سميه: اي اللي حصل. حكت لها وعد ما حدث معها منذ خطفها وزواجها إلى الحادثة. سميه بحزن: الحمد الله انك كويسه بس انتي كدا ميته. وعد: عشان جيت هنا. سميه: بس انتي خرجتي ازاي من البلد. وعد: انا كنت محضره ورق السفر وكدا وكنت هجيلك بس بعد اسبوع بس بعد اللي حصل حجزت على طول و جيت. سميه: ربنا يرحمها صاحبتك.
تحميل محتوى الموضوع
عرض نسخة صالحة للطباعة
أرسل هذا الموضوع إلى صديق
[7]
الدعوات : 2قوة السمعة : 10
رواية وعد رومانتيكا فتاه تعمل صحفية