قصة المشعوذة الصغيرة الجزء الثانى

 استمر الامر علي هذا الوضع عده ايام حاولت مها وصفيه اخبار والدها او حتي سؤاله عن سبب شراء كل هذه الملابس لريهام ولكن الصوت يلاحقهم في كل مكان وخاصه عند الاقتراب من والدها ففكرت صفيه ان تسال والدتها فهي يمكن ان تساعدهم في حل المشكله
صفيه وتتلفت يمينا ويسارا: اسمعي يا بت يا مها
امي ست كبيره وناصحه اكيد تعرف تقولنا علي كويس انا هروح لها دلوقتي اسالها خليكي انت هنا عشان لو حصل حاجه تاني.

مها بخوف: هتسبيني لوحدي انا خايفه منها.
صفيه بقلق وهي تتلفت: افهمي بقي عشان نخلص من الموال ده لازم اروح فهمتي.
مها بخوف وقلق: طب بس ما تتاخريش.
تركتها وخرجت صفيه ذهبت الي والدتها
عنيات(والدة صفيه): ايه بنت مالك شكلك مش علي بعضك وكمان بقالك كام يوم مابتجيش ايه في ايه انت متخنقه مع شكري ؟.

صفيه برعب: لاء يا امي دي البنت ريهام اللي كنت عملاه خدمتي زي ما قولتيلي اتقلبت علينا وعماله لنا انا والبنت مها رعب ومش عارفه اعمل ايه ؟
عنيات: احكي لي كل حاجه بالتفصيل والحلول كلها عند امك.
قصت عليها صفيه كل ما حدث
عنيات بصدمه: انت ايه اللي بتقوليه ده يا بنت هي البنت دي عرفت الحجات دي منين ؟
صفيه بضيق: وهو انا لو اعرف كنت جيتلك ما انا مش عارفه..

عنيات بمكر: طب اسمعي مش مهم عرفت منين احنا نروح للشيخ بسطاوي ده سره باتع وهو اللي هيعرف يلمها.
صفيه: بسطاوي ايه ده نصاب بقولك البنت مكهربنا.
عنايات بتفكير: خلاص اسمعي في واحد تاني بيقولو انه واصل ومخاوي جن تعالي نروحله هو اكيد اللي هيجبلك داغها.
صفيه: خلاص ماشي يلا بينا
خرجت صفيه وعنايات وذهبا الي احد السحره كان منظر البيت من الخارج مرعب كأنه بيت اشباح وقفت صفيه امام الباب خائفه.

صفيه بخوف: يالهوي يا اما ده منظر الباب يرعب هندخل جوه ازي تعالي نرجع.
عنايات: نرجع ده ايه لاء طبعا احنا ندخل عشان هو ده اللي هيعرف يجيب اخر البنت دي جمدي قلبك يالا وادخلي.
دخلتا الاثنتين وكانت صفيه في غاية الرعب والخوف وكانت عنايات تشد ازرها كي لا تخاف دخلو غرفه منظرها مخيف مليئه بالجماجم ويجلس بها رجل شكله مخيف ويضع امامه اناء به نار تعلو وتهبط وهو يتمم بكلامات غريبه غير مفهومه.

الرجل بصوت عالي مخيف: عايزه ايه يا صفيه انتي وامك جاين هنا ليه
صفيه برعب شديد: اننننننتتتتتت عرررررفت اسسسسمي منين يا عم ؟
الرجل بنفس الصوت المرعب: انا كمان عارف انتو جاين ليه بس خلي بالك الموضوع مش سهل ؟
عنايات بخوف: طب مادومت عارف شوفلنا حل مع البنت بنت الكلب دي اللي عامل لهم زعر ورعب.
الرجل بنفس الصوت المرعب: ماشي بس تنفذو كلام الاسياد وتجيبو كل الطلبات..

عنايات بخوف: خلاصنا منها واحنا هنجبلك كل اللي انت عايزه.
الرجل بصوته المرعب: قولي اسمها يا صفيه عشان نبدأ نأدبها.
صفيه برعب شديد: ررررريهام.
بدأ الرجل يقول بعض التعاويذ ويتمم ببعض الكلامات وصفيه تمسك بوالدتها من شدة الرعب وترتعش من الخوف وفجأه علت النار وحوطت الرجل وظهرت بها صورة ريهام وهي تنظر لهم بشكل مرعب.

ريهام بصوت حاد ومرعب: اوعو تفكرو ان النصاب ده هينفعكو ارجعي بيتك يا صفيه وابعدي عن الوليه دي وخلي بالك المره دي تحذير انما المره الجايه مش هيحصل كويس
ثم هدأت النار قام الرجل من مكانه مفزوع وقف بعيد عن النار
الرجل بفزع وزعر: امشو من هنا وايكو تيجو تاني اللي بتحربوها دي لا انتو قدها ولا حتي انا متفكروش تيجو تاني يلا بره
خرجت الاثنتان وكل منهم تجر الاخري من شدة الرعب اوصلت صفيه والدتها الي منزلها.

عنايات برعب: يالهوي يا بنت دي طلت جباره دا انا كنت هموت من الرعب والخوف روحي يا بنتي ربنا يعينك.
صفيه ببكاء: ماهو انا لو كنت اتقيت ربنا فيها مكنتش وصلت لكده سمعت كلامك وعملتها خدامه عندي وادي اخرتها الله يسامحك يا اما وكنت بتخطتيلي عشان اجوزها واحد من عيالي عشان يفضل عندي خدامه وادي اخرتها.
عنايات بضيق: معلش يا بنتي كنت عايزه اريحك سامحيني وانا هدعي ربنا انه يسامحني..

ذهبت صفيه وهي تبكي فهي لا تعرف ما الذي سيحدث وكيف سينتهي بها الحال.
وصلت المنزل دخلت وعندما راتها مها اسرعت اليها ولكنها فزعت من منظرها
مها بفزع: في ايه يا ماما ايه حصل مالك ؟
صفيه ببكاء: اللي شوفته محدش شافه اسمعي يا بنتي احنا ملناش الا ربنا نتوب اليه ونلجأ له يمكن يسامحنا ويحوش عنا.
مها ببكاء: يالهوي يالهوي يعني هنفضل كده تحت رحمتها وهي هتبقا الامر الناهي..

صفيه ببكاء: ده انتقام ربنا منا عشان اللي عملنا فيها هي كانت غلبان وراضيه بالقليل واحنا اللي افترينا عليها.
ودخلت الاثناتان الي غرفة والدها وظلت تبكيان كان هو بالخارج
صفيه ببكاء: اسمعي يا بنتي خلاص احنا هنسكت خالص ومش هنقول ابوكي حاجه.
كانت ريهام في غرفتها تجلس دخل عليها الجني
فاشارت له ان يقف بعيد
ريهام: جاي من غير اذن ليه ؟
الجني: كنت جاي اقولك قول اللي حصل مع مرات عمك.
ريهام: قول اللي عندك..

الجني: راحت لواحد دجال ومعرفش يعمل لهم حاجه وخلاص رفعو رايت الاستسلام مش قولتلك هحققلك كل احلامك بقيتي خلاص الامر الناهي في البيت.
ريهام: انا عارفه كل اللي قولته بس انا اللي عملت ده مش انت اوعي تفكر انك هتضحك عليا.
الجني بخبث: ماشي بكره تحتاجيني ولما هتحتجاني هتلاقيني خادمك الامين.

ذهب الجني وجلست ريهاب تضحك وعلت صوت ضحكاتها في البيت حتي ان الجميع سمعها وعرف الجميع بالامر ذهبو لامهم ومها يسالوها ماذا حدث
صفيه ببكاء: انا عارفه اني غلطانه وان ده ذنب اللي عملته فيها وخلاص محدش منكم يتدخل في الموضوع.
شادي بضيق: حذرتكم كتير من نتيجه اللي بتعملو معها
سامي: انا كمان يا ماما قولت لكم ما ينغعش تشيليها كل شغل البيت بس انت مشيتي ورا مها وغيرتها منها..

عاطف: بقولكو ايه بلاش كلام فاضي هي هتعيش عندنا فده اقل حاجه ممكن تقدمها لنا انها تخدمنا طنشوها وهي يومين ثلاثه وهتعدل ولو ماتعدلتش ارنهالك عالقه هتتعدل.
صفيه ببعض التفكير: طب اسكوتو دلوقتي وربنا يحلها بعد كده
شادي بضيق: ماما ماتسمعيش كلام عاطف عشان ربنا يكرمنا.
كاد عاطف ان يضربه الا انه جري بسرعه من امامه وخرج الي الشارع.

صفيه بغضب: اتلم يا عاطف واقعد ساكت وربنا يحلها ابعدو عنها خالص فتره لما نشوف اخرتها ايه وانا ومها هنقوم بشغل البيت..
وبعد مرور عدت ايام اصبحت ريهام متحكمه في كل من في المنزل واصبحت هيا الامر الناهي ولا يستطيع احد مخالفة اومرها جلست ريهام تتذكر اول يوم لها في منزل عمها اغلقت عينها واخذت نفس عميق
فلاش باك
كانت ريهام تبكي علي وفاة عائلتها جلست مها بجوارها وربطت علي كتفها
مها ببكاء: معلش يا ريهام ربنا يصبرك حبيبتي اعتبري نفسك في بيتك وكلنا اخواتك..

شكري بحزن: اكيد بنتي مصبنا كبير واللي فقدناهم اكبر ربنا يصبرك ويصبرنا ومن هنا ورايح اعتبري البيت بيتك ومرات عمك هي امك ولاد عمك هما اخواتك وانت يا مها خديها معاكي في اوضتك وخلي بالك منها
مها: ريهام صاحبتي من واحنا صغيرين وهتبقي اختي وضمتها في حنان
صفيه: اكيد يا بنتي ده بيتك.
دخلت ريهام مع مها غرفتها فتحت مها دولابها واخرجت جلباب جديد بكيسه واعطته.

مها: دي جلبيه جديده بابا كان جايبها لي متغلاش عليكي
ريهام: شكرا ليكي هبقي اخلي عمي ياخدني ونروح نجيب لبس جديد.
مها: ان شاء الله يلا غيري هدومك عشان ننام اكيد تعبانه وعايزه ترتاحي.
ريهام: طب ينفع اخد حمام الاول حاسه جسمي ملزق من العرق.
مها: اكيد طبعا واخرجت لها بعض الملابس الداخليه واعطتها لها
اخذت ريهام الملابس ودخلت الحمام خرجت مها لوالديها.

مها: ادتها الجلبيه اللي قولتي عليها يا ماما بس مليش دعوه تجبولي غيرها.
صفيه: متخافيش يا حبيبتي بابا هيقبض فلوس الدفنه والجنازه بتوعها وياخدك انتي وهي ويجبلكم لبس جديد.
شكري: طب ولزومه ايه اجيب ل مها ماهي عندها كتير.
صفيه: انت عايزها تلبس احسن من بنتك
شكري: هروح بكره اخلص اجرأت المعاش واجيب الفلوس وهبقا اخصص لها مبلغ كل شهر اعينه لها عشان لما تيجي تتجوز..

صفيه: بقولك ايه البيت اولي ده مبلغ هيشبرق علينا واهي هتعيش معنا وان عجبت واد من العيال نجوزهالو وهي منا فينا.
شكري: سيبي الموضوع ده دلوقتي بس راعي البت وخالي بالك منها.
صفيه: ماتخفش عليها انت بس انا بس هخليها تساعدني علي ما امتحنات مها تخلص وبعد كده خلاص..

ومرت الايام واصبحت هي من تقوم بكل اعمال المنزل ظهرت نتيجة مها وكان الكل حزين لانها لم تستطع دخول الثانويه العامه وستدخل ثانوي تجاري كانت ريهام تقف في المطبخ تعد الطعام وسمعت مها وهي تتحدث مع والدتها
مها: مليش دعوه طلعوه من الثانوي العام ودخلوها اي حاجه او حتي قعدوها في البيت والا هولع لكم في البيت.
صفيه: بس يا بنت بطلي هبل انت مفكره انها هتعرف تدخل جامعه مع كل شغل البيت ده..

مها بمكر: وانا بقي هتفنن في مضيقتها عشان ماتعرفش تركز
شعرت ريهام بالحزن من كلام ابنة عمها وفكرت ان تكلم عمها ولكن تراجعت لانها تعلم انه غاضب من مها ولا تريد ان تغضبه اكثر فهي تظن انها غيره عاديه وستمر ولكنها لم تمر وازداد الامر سوء وعدي كل تخيلات ريهام
عوده من الفلاش باك
فتحت ريهام عينيها وبدأت في البكاء.

ريهام لنفسها ببكاء: انا ليه محكتش لعمي وليه مسألتوش هو ليه عمل كده معيا يمكن كان قالي حاجه تريحني مش عارفه ليه رغم اني انتقمت منهم وذلتهم واخدت حقي منهم كلهم بس مش مرتاحه وحاسه اني تعابنه، ومسحت دموعها واكملت، وانا اعيط ليه انا هروح لعمي اساله عمل في كده ليه ظلمني ليه وسابهم يذلو فيا واعرف ليه مخفش عليا..

خرجت ريهام مسرعه الي غرفه عمها مما لفت انتباه الجميع وذهبو خلفها احتيطا ان تضر ابهم بشئ او تاخذ منهم شئ جديد دخلت الي الغرفه افاقته فهو كان شبه نائم مغنطيسيا اومسلوب الاراده.

ريهام بالم وحزن: عمي ممكن تقولي ليه كده ليه عاملتني انت وولادك كخدامه ومعاملتنيش كبنت لك ليه بعد ما اتحرمت من حنان الام والاب كملت عليا وذلتني وليه سبتهم يذلوني ويكسروني وانا اللي كنت فاكرك هتبقي مكان ابويا الله يرحمه ليه جيت عليا زي الدنيا ما جت عليا مش كفيا عليا الي انا فيه وليه ما اتقتش ربنا فيا واخدت معاش ابويا وحرمتني منه وحتي ابسط حقوق ليا وانفجرت في البكاء واكملت، وهيا تبكي وخلتني احس باليتم والقهر والوحده وكل انواع المرار لما احس انك شايف ولادك بيذلوني وساكت ليه ياعمي ليه حرام عليك عمري ما هسامحك عمري ما هنسي اللي عملتو فيا انت ووالدك..

وخرجت تجري الي غرفتها ودخلت واغلقت الباب وجلست تبكي سمعت الباب يدق
ريهام وهي تمسح دموعها: مين
شادي: انا شادي ممكن ادخل
اخذت نفس وابتلعت ريقها ريهام: ادخل يا شادي الباب مفتوح
شادي: معلش افتحي مش راضي يفتح فتعجبت وقامت وفتحت الباب
ريهام بتعجب: الباب مفتوح مش ماتربس انت اهبل.

شادي: معلش انا جاي اعتذرلك نيابتا عن بابا وماما والجميع احنا كنا غلطانين وظلمناكي وبنتمنا انك تسامحينا ولو رضيتي هيجو كلهم يعتذرو ليكي ويرضوكي وهما عشان عارفين ان انا الوحيد الي عمري ماذيتك ولا عملتك وحش بعتوني انا همشي وهستنا منك رد.
وتركها وخرج اغلقت الباب وابتسمت.

ريهام بلسان ثقيل: ياه يااااا ياااااا ايه ده انا مش قادره انطق ليه اسم رب رب رب ايه ده مال لساني تقيل قوي كده ليه اه من اعمالي وانا هسامحهم واديهم فرصه تانيه ولو رجعو تاني خلاص عرفت السكه واعيش معاهم في سلام انا هاخرج اقول لهم وافرحهم.
وفتحت الباب وخرجت اذا بهم مجتمعين في الصاله سمعت اصوتهم يتكلمون عنها فوقفت تسمع ما يقولون
شكري بخبث: ها ايه يا واد يا شادي تفتكر هتصدق ولا لاء.

شادي بتفاخر: اكيد طبعا ابنك ممثل شاطر عرف يقرتصها ويضحك عليها وشويه وهتلاقوها جايه عمها بفرح: اه وسعتها هعرف ادبها كويس بنت الكلب دي اللي فكره نفسها حاجه وجاي تحاسبني
صفيه بمكر: اه وواقتها هعرفها الادب ازي وعرفها الرعب الي رعبتهولي وانا هوريها بنت الكلب دي. فاشتعلت اعين ريهام من الغضب وعادت الي الغرفه دون ان تدخل اليهم في الصاله واغلقت الباب.

ريهام بغضب وعينها تخرج شرار: بتضحكو عليا فكرني هبله لاء انا هوريكو الرعب الحقيقي وبتشتمو ابويا ماشي هتشوفو العذاب كله وهتعرفو مين هيا ريهام.
وكان الجن المساعد لها يقف خلفها ويضحك ضحكه شريره.

الجني بزهو الانتصار: وهو ده الي انا عايزه عايزها ليا انا وبعد اللعبه الي عملتها عليها دي مش هتفكر تسامحهم تاني ابدا وكان ينظر في اصرار وعينيه تخرج شرار ويخرج منه دخان كانه مشتعل نار ولكن ريهام لم تسمعه او تراه فقد انطلت عليها خدعته وصدقت انهم يخدعونها ويتوعدونها..

تاااابع ◄ المشعوذة الصغيرة