محامية شهيرة ترد على ريهام سعيد اللى قولتيه دا جريمه سب وقذف

محامية شهيرة ترد على ريهام سعيد: "اللى قولتيه دا جريمه سب وقذف"








  وصفت المحامية، نهاد أبو القمصان، تصريحات الإعلامية ريهام سعيد، عن الأشخاص الذين يعانون من السمنة بأن تصريحاتها جاءت على طريقة "برامج الجريمة لا تفيد". كانت "سعيد"، قد شنت هجومًا لاذعًا على من الأشخاص الـ"تخان"، ووصفتهم بأنهم "ميتين"، الأمر الذي أثار استياءا واسعا، واعتبر البعض هذه التصريحات بها نوع من العنصرية. وتابعت "أبو القمصان"، في تصريحات لها عبر صفحتها على موقع التواصل الاجتماعي: "الا احنا صحيح ازاى تخان ؟ ازاى عيشين اصلا مش ميتين ؟ هل احنا عبئ على الدولة ؟ دا باعتبار ان الدولة بنت خالتك مثلا واشتكتلك او جوز امك وقالك مش قادر يصرف علينا عشان بناكل كثير". وأضافت: "بصى يا استاذة ريهام اولا : اللى قولتيه دا جريمه سب وقذف عقوبتها توصل الى ٣ سنين سجن، انا ٨٠ كيلو صحيح بس مش هرفعها بس ادينى قولت اه للى عايز، وربنا يقدرنا على فعل الخير، ثانيا : موضوع التخن دا له علاقه بالفكر والثقافة ومفهوم الجمال ( دى حاجات مالكيش علاقة بيها اصلا ) بس اكسب فيكى ثواب واقولك ، يعنى مثلا فى الثقافة العربية الست التخينه المربربة هى رمز الجمال والعز وكانت الاسر بتاكل بناتها كثير علشان يتجوزوا رجال ميسورين وفى الاغانى الشعبية كلام رائع بس ماينفعش اقوله لانه خارج شويه وانا مؤدبة". وأردفت: "لو انتى يا ريهام بتحبى جسمك متصالحة مع نفسك مش هيفرق معاكى تخين واللا رفيع وكنتى هتبقى اسعد باى حال، انما اى انسان بيبقى كاره نفسه ومش متصالح معاها بيخبط فى نفسه وفى الناس اما بقى بنت خالتك اللى زعلانه اننا بناكل كثير قولى لها: وانت مال اهلك".