رواية ترى يا قلب أحببت من؟

رواية ترى يا قلب أحببت من؟ للكاتبة ريحانة الجنة الفصل العشرون

وعدي يومين ومهاب مكنش بيسيب نغم واخد اجازة اليومين دول وكان معاها بيعملها كل حاجة أكنها طفلة صغيرة كان بيحاول يعتزلها بس بالفعل مش بالكلام مع انه كان ممكن يقول اسف بس مهاب كان ممكن يقول اي كلمة الا الاسف كانت كبيرة عليه حتى لنغم مكنش قادر يقولها. وده عيب من عيوبه. المهم بعد ما عدي كمان شهر علي الحادثة بتاعة نغم واتحسنت ومهاب اتطمن عليها فاق بقي لجيرمين ودور عليها وعرف انها في شاليه الساحل.

(في شاليه الساحل )
راح مهاب لجيرمين وكانت مش موجودة سهرانة برا ولما رجعت ودخلت الشاليه. واول ما ولعت النور لقت مهاب قاعد مستنيها وحاطت رجل علي رجل. اتصدمت ووقفت مش عارفة تعمل ايه
مهاب: ايه مالك يا جي جي اتخضيتي ليه يا حلوة شوفتي عفريت. بس تعرفي حقك بردوا اصلي ناوي اعرفتك أكتر من 100 عفريت.
جيرمين: حاولت تجري.

مهاب: لحقها ومسكها من شعرها. تعالي هنا راحة فين كنتي فاكرة اني نسيتك ونسيت اللي عملتيه لا يا حلوة انا بس كنت سايبك تطمني شوية وكمان كان عندي الاهم منك كان لازم اطمن علي مراتي. مراتي اللي بسببك كانت هتموت لولا ستر ربنا. بس انا اهو جتلك علشان اخد اجلك.
جيرمين: بتعيط. مهاب انت عارف اني بحبك والله بحبك واللي حصل كان غصب عني انا مليش دعوة
مهاب: ايوة بقي انا عايز اعرف مين اللي طبخهالك انطقي.

جيرمين: زياد الكومي. هو اللي خلاني اعمل كل ده من وقت ما كنا في السخنة. بس انا عملت كدة كمان علشان اكون قريبة منك حتى لو كان ده هيخليك تبهدلني كدة.
مهاب: ساب شعرها. جيرمين انتي ليه سايبة نفسك لزياد يعمل فيكي كدة ليه خايفة منه.

جيرمين: قعدت علي الارض بتعيط. بعد ما انت سيبتني. كنت ضعيفة وموجوعة منك وزياد كان بيقرب مني ووساني كتير ومع الوقت حكتلوا علي حصل بينا وهو بعدها هددني لو مبقتش معاه هيفضحني ويقول اللي كان بيني وبينك. وانت عارف سمعة بابا وشغله ازاي ممكن يتأثره بالكلام ده. ووفقت وفضلت معاه وانا اصلا مش طيقاه. ولما طلب مني اعمل معاك كدة. وفقت علشان كنت واحشني وكان نفسي اوي اكون معاك
وفضلت تعيط بحرقة.

مهاب: حس انه هو السبب في اللي حصلها وصعبت عليه. اخدها في حضنه. ليه مجتيش قولتيلي وانا كنت هعرف ازاي اجبلك حقك منه
جيرمين: كنت خايفة اضيع بينكم واتفضح. والمصيبة كمان انه دلوقتي بيهددني بالالعن
مهاب: ليه هو فيه تاني
جيرمين: بيهددني بال?يدوهات اللي كان بيصورهالي من غير ما اعرف وانا معاه.

مهاب: جز علي سنانه. اه يا بنت الكلب. ماشي يا زياد والله لوريك مين هو مهاب. خلاص يا جيرمين متخفيش منه انا حجبلك ال?يديوهات دي منه. ومش حخليه يعرف يهددك لا انتي ولا غيرك.
جيرمين: بصلته بإنكسار وضعف. يعني مش هتخليني ارجعله تاني.

مهاب: لا مش هترجعيله. بس ده مش معناه اني هرجعلك انا بساعدك وهنسي اللي عملتيه مع نغم. علشان انا حاسس بالذنب ناحيتك لكن انا عمري ما هخون نغم لاني فعلا بحبها. وانتي حاولي تنسي او تسافري وتغيري حياتك دي. اتفقنا
جيرمين: حضنته. اتفقنا.
(في مكتب مهاب )
سامح: اتفضل يا معلم اللي كل المعلومات اللي طلبتها اهي. وكمان التسجيل اهو
مهاب: ههههه تسلم يا وحش. اوعي يكونوا خدوا بالهم.

سامح: عيب عليك ده انا سمسم. بس ابوس ايدك انجز في الحوار ده عايز اخطب البت
مهاب: خلاص خلصنا انت هتصدعنا. قلتلك مفيش خطوبة الا لما اربي الكلب اللي اسمه زياد بس هانت. ورقبته بقت في ايدي. بقولك ايه انا داخل للواء سراج ولو خلصت معاه بخصوص الهباب ده. ممكن النهاردة نحدد معاد الخطوبة
سامح: اتنهد. الفرج من عندك يا رب. روح يا سيدي ما العيب علي الزمن اللي خلاك انت تبقي حمايا. ده وجع قلب.

مهاب: ههههههههه. كدة طيب وحياة امك فريال لالغي الخطوبة وخليك كدة مولع
سامح: لا بقولك ايه انا جبت اخري وربنا اخطفها.
مهاب: ههههههه يخربيتك هتموت
سامح: ههههه. انت بتقول فيها دي مجنناني شقية اوي يا مهاب. بس عسسل
مهاب: خلاص كلمها وشوف خلصت حاجتها ولا لا وانت ظبط حجز القاعة
اظن كدة عداني العيب يا معلم تمام
سامح: تمام التمام عن اذنك اروح اكلمها
مهاب: ما تكلمها هنا.

سامح: لا حكلمها من مكتبي اصلي بتكسف. ده انت غلس. وقام
مهاب: هههههه. يسهله يا معلم
سامح: ورحمة ابوك مانقصة قرك. دي خطوبة. اومال انت ايه بقي اتجوزت وعايش.
مهاب: اهو قرك ده هو اللي عامل فيا كدة البت اتخرشمت علي الاخر
سامح: بس خلاص بقت تمام. يلا انا رايح اكلمها
مهاب: طيب متتأخرش علشان نروح للزفت زياد
سامح: اوك مش هتأخر
(في شقة زياد الجرس رن )
زياد: فتح لقي مهاب وسامح
زياد: خاف بس مبينش اهلا يا رجالة اتفضله.

مهاب: دخل هو سامح وقفله الباب ومهاب كان متفق مع سامح ميدخلش مهاب مسك زياد وضربه وكل ما زياد يحاول يضربه مهاب يتفادا الضرب بمهارة ولما خلص عليه وبقي مش قادر يقوم من مكانه مهاب سابه وهو بياخد نفسه
مهاب: اوعي تفتكر انك ممكن تغلبني في اي حاجةدي بس قرصة ودن علي اللعبة الزبالة اللي لعبتها مع جيرمين
ولسة الكبيرة بقي
زياد: بيحاول يقوم وهو قاطع النفس
ليه وانت ناوي تعمل ايه تاني.

مهاب: قعد علي الكرسي لا انا خلاص عملت يا حلو. اسمع كدة التسجيل ده اصله بصوتك أكيد هيعجبك وشغل مهاب التسجيل اللي بيجمع بين زياد وتاجر مخدرات اسمه هاشم وبيتفق فيه علي عمولة زياد لما يعدي لهاشم المخدرات من الكمين
(التسجيل)
زياد: لا يا هاشم مش زياد الكومي اللي تعمل معاه الحركة دي
هاشم: اهدي بس علينا يا باشا والله السيولة بعافية اليومين دول خد بس النص مليون دول واوعدك النص التاني بعد التسليم.

زياد: ماشي هعديها بمزاجي بس لو اتكررت تاني هقلب عليكم وانت عارف
هاشم: اسمع يا باشا لا انت ولا احنا من مصلحتنا نهدد بعض احنا اللي بينا كبير ماشي
زياد: ماشي عموما تبلغني بمعاد التسليم علشان اكون موجود في الكمين. ولو جاتلي اي اخبار عن اي هجوم هبلغك سلام
مهاب: قفل التسجيل وابتسم ايه رأيك في الاغنية الحلوة دي عجبتك
زياد: خاف وبيبلع ريقه بصعوبة. اااانت جبت التسجيل ده ازاي.

مهاب: تؤتؤتؤ. ازعل منك مش مهاب عز الدين اللي تسالوا السؤال ده.
زياد: مهاب اوعي تكون بتفكر انك تسلم التسجيل ده
مهاب: هههههههه الحق يا سامح بيقولك افكر. يا حبيبي التسجيل ده متسجل بمعرفة اللواء سراج وكمان بإذن من النيابة. وزمانهم دلوقتي جاين يستلموك يا حلو
زياد: مهاب انا لما لعبت معاك كان بعيد عن الشغل. انت كدة بتدمر مستقبلي انا عمري ما فكرت اذيك في شغلك.

مهاب: مسكه من هدومه. ولا انت ولا غيرك تعرف تأذيني. علشان انا معنديش اللي ممكن حد يمسكه عليا. وانت عارف. لكن انت وسخ وزبالة وبتستغل شغلك وتتفق مع شوية مجرمين وتدخلهم الهباب اللي احنا بنموت كل يوم علشان نمنع دخوله. تبقي تستاهل اللي يجرالك
سامح: مهاب التليفون بيرن شكلهم جم تحت
مهاب: يا لا يا زياد يا حبيبي روح ظبط نفسك كدة والبسلك بدلة حلوة علشان تحضر التحقيق.

سامح: هههههه مالك تنحت ليه روح يا روح ماما. روح اجهز بسرعة واحب اطمنك احنا موصين عليك هناك هتتروق علي الاخر
وجت فعلا القوة واخدت زياد علشان يتحقق معاه. واتعمله قضية رشوة واتوقف عن العمل.
(في قاعة شيك ورقيقة)
كانت خطوبة سامح وندي وسامح قاعد هو وندي
سامح: ماسك ايدها ومبسوط. مبروك يا روح قلبي.
ندي: مبتسمة. الله يبارك فيك بس ايه يا عم الحلاوة دي موز انت علي الاخر بالبدلة دي.

سامح: ههههههه. انا بردوا اومال انتي ايه بقي بالفستان اللي يخبل ده
ندي: بدلع. عجبك
سامح: اوي لدرجة ان نفسي اخطفك واروح دلوقتي
ندي: ههههههه. تؤتؤ بعد كتب الكتاب
سامح: اه يا بنت اللذين. وربنا هتجننيني
فريال: جات جنبه. وضربته علي دماغه. ياواد سيب ايدها انت مصدقت
سامح: تصدقي فصلتيني. يا فوفة حرام عليكي وربنا النهاردة انا عريس. في عريس يتعمل فيه كدة.

فريال: ههههه اه انا امك اعمل اللي يعجبني. مش كدة ولا ايه يا دودو
ندي: كدة طبعا يا فوفة وانا معاكي. هنروقه سوا
سامح: اهلا انتوا هتتفقوا عليا لا والله اقلبلكم علي الوش التاني
فريال: سامح اتلم
سامح: حبيبتي يا فوفة.
ندي: هههههههه. عمري ماشوفت ظابط وبيخاف من امه
فريال: ههههههههه لا ده انا اعجبك. خليه بس كدة يزعلك وانا اوريكي هعمل فيه ايه
ندي: ربنا يخليكي ليا يا فوفة.

فريال: ويخليكوا لبعض وعقبال الفرح بقي عايزة ابقي تيتة. ومشيت
ندي: انكسفت.
سامح: هههه لا والله من امتي الكسوف ده.
ندي: اتغاظت. اقصدك ايه والله اقفلها عليك مياه ونور انت حر
سامح: لا كله الا كدة حقك عليا يا روحي.
ندي: بجد مبسوط يا سمسم
سامح: لا بلاش سمسم بالرقة دي قدام الناس انا كدة ممكن اتهور
ندي: ههههههه لا بجد يعني مبسوط انك خطبتني ولا كان كان نفسك في واحدة اكبر
سامح: اكبر ايه بس وهو في احلي من كدة.

ندي: يعني اصل ماما ونغم وامجد بيقولوا عليا مجنونة وكمان صحابي فقولت يمكن تكون عايز واحدة عاقلة ولا حاجة
سامح: هههههههه لا انا اصلا ميت في جنانك وشقوتك دي ده انتي واكله عقلي وربنا
ندي: يعني بتحبني
سامح: ياجدعان حد يقولها حرام كدة. بطلي دلع ربنا يهدك.
ندي: ههههههه خلاص هبطل
سامح: اه بس لما نكون لوحدنا غرقيني دلع بقي علي مزاجك
ندي: اممم افكر
سامح: بقولك ايه تعالي نكتب عرفي لحد ما تعدي السنتين المنيلين دول.

ندي: هههههههههه. بعينك
سامح: الصبر من عنك يا رب
وفي الوقت ده اصحاب ندي جم علشان يخدوها ترقص معاهم. بصت لسامح هزلها راسه روحي. وراحت ترقص معاهم
وعلي جنب واقف مهاب ونغم
مهاب: بيبص لنغم بإعجاب وبيبتسم. والله انتي ما كان ليكي نزول من البيت بالفستان ده
نغم: مبتسمة. ليه بقي
مهاب: مش عارفة. شكلك عسسل اوي
ايه بس ده انا بموت في اللون الاسود
نغم: هههههه. اه ما انا عارفة.

مهاب: حاوطها بإيده من خصرها. ولما انتي عارفة بتتعبيني معاكي ليه
نغم: ههههههه اعملك ايه. مش لازم اكون حلوة دي خطوبة اختي الوحيدة
مهاب: حلو الكلام. استحملي بقي اللي هيجرالك لما نروح
نغم: لما اشوف
وجات إيمان صاحبة ندي لنغم
إيمان: نغم ندي عايزاكي ترقصي معاها
نغم: انا انا مليش في الرقص بتاعكم ده
إيمان: تعالي حتى اوقفي جنبها هي عايزاكي
نغم: بصت لمهاب.
مهاب: وشوشها. روحي بس اوعي ترقصي. هدبحك وغمزها روحي.

نغم راحت مع إيمان ووقفت مع ندي اللي كانت بترقص وتتنطط وسامح هيكلها بعنيه وراح وقف جنب مهاب
مهاب: مبروك يا عريس
سامح: الله يبارك فيك. يارب تقولهالي كدة في الدخلة
مهاب: ههههههه ربنا يهدك. بتفكر في الدخلة من دلوقتي وانت لسة بتخطب
سامح: انا لكنت عايز خطوبة ولا نيلة انا كنت عايز اتجوز علي طول بس اعمل ايه لازم تمم السن القانوني.
مهاب: معلش هانت كلها سنتين
سامح: ربنا يقويني بقي.

وندي طلبت أغنيه تشتغل وكانت بترقص مع اصحابها وتبص لسامح وتشاور عليه وهو اصلا مجنون بيها وعجبته الاغنية جدا. اما نغم طبعا مبتعملش زي ندي بتتكسف بس كانت بتبص لمهاب وتبتسم وهو فاهم انها بتقوله. وانا كمان بقولهالك. وكان هو كمان بيبتسم ويغمزها اني فاهمك.

وكانت( اغنية جميلة لإليسا عمر جديد)( الحاجات دي جديدة عليا واللي انا عايشاه. حب عمره ما عدي عليا وكنت مش عارفاه. دي كل كلمة حب يقولها. عندي عمر جديد. خدني من الدنيا دي بحالها لدنيا تانية بعيد.

لو نام عيني ما بينامو واصحي وافكر في كلامه. واحضن بإيديا سلامه. من لهفة قلبي عليه. ده انا حاسة بحاجة غريبة حب وحنية وطيبة. بتمني اكون له حبيبة زي اللي بيحلم بيه. أما ثانية بيبعد عني روحي تجري وراه. قلبي يا ما ليالي خاصمني. قبل ما ابقي معاه. هو اهلي وكل حابيبي مش حبيب وخلاص. لما يبقي في حضني وجنبي بنسي كل الناس. لو نام ما بينامو واصحي وافكر في كلامه واحضن بإيديا سلامه. من لهفة قلبي عليه).

وكانت ليله جميلة عليهم هما الاربعة وسامح اخد ندي بعد الفرح وسهروا تاني لوحدهم.
ومهاب ونغم روحوا البيت وقضوا ليلة سعيدة كالعادة.

رواية ترى يا قلب أحببت من؟ للكاتبة ريحانة الجنة الفصل الحادي والعشرون

وعدي شهر علي خطوبة سامح وندي وكمان نغم بقت كويسة. وفي يوم بالليل نغم كانت بتاخد شاور ولما خرجت.
مهاب: قرب منها. ايه ده بس هو كل اللي يدخل وياخد حمام بيحلو كدة
نغم: هههههههه. اه عندك مانع
مهاب: لا طبعا احلوي زي ما بعجبك بس براحة عليا انا مش قدك
نغم: اتعلقت في رقبته. انت بجد هتجنني بكلامك ده وانا مش زيك عبيطة مبعرفش اقول كلام حلو
مهاب: حضنها. ومين قالك اني عايزك تتكلمي. انا عايز فعل علي طول.

نغم: هههههههه. انت كارثة مفيش فايدة فيك. اوعي بقي خليني البس هدومي
مهاب: ليه بس ما كدة حلو
نغم: هههههههه. اوعي يا بايخ
مهاب: ماشي علشان خاطرك بس. نغم عايزك تاخدي من الدواء ده كل يوم بالليل. وادلها علبة دواء
نغم: ?اخدتها منه. ايه ده يا مهاب
مهاب: اظن عيب دكتورة وتسأل السؤال ده
نغم: انا مش بسأل علي اسمه ولا بتاع ايه. انا عايزة اعرف انت ليه عايزني اخد دواء لمنع الحمل.

مهاب: اتنهد وقربها منه. مش احنا اتفقنا مفيش ولاد لحد ما نشبع من بعض
نغم: بعدت عنه. مهاب البيبي عمره ما هيمنعنا عن بعض
مهاب: اه بس هتتعبي وتنشغلي ده غير دراستك والمستشفي ايه انا فين بقي وقتها من كل ده
نغم: مهاب انت فيه حاجة مخبيها عليا. مش هو ده السبب كلمني بصراحة.
مهاب: اتنهد بضيق ومسح وشه بإيده وقعد علي السرير. اه يا نغم في
نغم: قعدت قدامه علي ركبتها. طيب قولي في ايه.

مهاب: انا مش عايز ولاد خالص لا دلوقتي ولا بعدين.
نغم: ?انت بتقول ايه ليه يا مهاب.

مهاب: مسك وشها بإيده. ارجوكي افهميني. انا خايف يا نغم خايف عليه يجي ويتأذي بسببي. و انتي بنفسك شوفتي انك اتأذيتي أكتر من مرة بسببي. وانا كنت هتجنن عليكي. نغم انا كل يوم في قلق طول ما انتي بعيد عني ببقي خايف عليكي انتي مش بتاخدي بالك انا بكلمك كل قد ايه تقريبا كل 10 دقايق نفسي احطك في قلبي والله علشان اخبيكي. حتى لما بوصلك البيت ببقي خايف وانتي لوحدك. عايزاني اتحمل الالم والقلق ده عليكي انتي وابني. بجد حرام يا نغم حرام.

نغم: بتعيط وحضنته. حبيبي ليه بتحمل نفسك فوق طاقتك. خليها علي ربنا سيبنا نعيش حياتنا واللي ربنا عايزه هو اللي هيكون. وبعدين هما كل الظباط بيعملوا زيك كدة.

مهاب: لا يا نغم مش كلهم. بس كمان مش كلهم. مراتتهم كانوا يتخطفوا. ويغتصبوهم وتتلفقلهم قضية اداب. ولا كلهم بيحفروا وراهم وعايزين يبوظوا حياتهم. ولا كلهم عندهم طار مع شوية مجرمين انا قتلت ابوهم في عمليه. ولا اخوهم ولا لا. نغم انا لما بمسك قضية مببقاش واخد الموضوع شغل وبس لازم اعمله وخلاص. لا انا بحس انه طار شخصي بيني وبين الكلاب دول والحمد لله مفيش قضية مسكتها الا وخلصت يا بالقبض عليهم او تصفيتهم. علشان كدة انا في 100 واحد نفسهم يا خدوا روحي وانتي روحي ولو سيبتك تخلفي هتبقي بجد بتحطي رقبتي تحت إيديهم. نغم الطفل ده ممكن يتخطف يوم ولاته. وممكن انتي نفسك تتخطفي وانتي حامل فيه. ارجوكي ريحيني كفاية عليا قلقي وخوفي عليكي انتي. بجد مش هتحمل والله كتير عليا يا نغم كتيير.

نعم: طبطبت عليه بأسي ووجع. خلاص يا حبيبي انا هريحك ومش هخلف. بس عايزاك تفتكر اني كل شئ بتاع ربنا وربنا هو اللي بيحمينا برحمته.
مهاب: شالها من علي الارض وحضنها. انا بحبك والله بحبك. ونفسي اكون اب منك بس ارجوكي افهميني صح ممكن
نغم: حضنته اوييي. حاضر يا حبيبي هفهمك صح.
مهاب: باسها من رقبته بحنيه. يعني مش زعلانة مني
نغم: ابتسمت. تؤتؤ مش زعلانة انت عندي بالدنيا.

مهاب: ابتسم. طيب تعالي بقي علشان عايزك في كلمتين وكويس. انك نسيتي تلبسي..
نغم: ههههههههه..
وبعد شهور عدي تكليف نغم وخلصته ورجعت اشتغلت مع أدم في المستشفي وكان بيساعدها كتير علشان تكون دكتورة شاطرة ومهاب كان بيوصلها كل يوم ويرجع ياخدها وكالعادة طول الوقت قلقان وخايف عليها.

أما سامح وندي فدول بقي الشقاوة كلها وكانوا بيجهزوا الشقة بتاعتهم وسامح كانت امه واخدالها الشقة اللي جنبها في نفس العمارة وفي نفس الدور. وفي يوم كان سامح وندي مع بعض في العربية في مكان هادي وندي قاعدة في حضن سامح
سامح: حبيبي انتي لو مش عايزة الشقة اللي جنب ماما انا ممكن اخدلك غيرها بعيد عادي اوعي تخافي بس قولي.

ندي: ابتسمت. يا حبيبي انت سألتني السؤال ده كتير من ساعة ما اتخطبنا وانا بجد مبسوطة اني هعيش جنب فوفة دي حبيبتي وزي ماما
سامح: طيب ليه كل لما أقولك تعالي شوفي الديكورات اللي خلصت مش بترضي. وبتروحي لوحدك مع مامتك
ندي: قامت من حضنه. اقولك بصراحة
سامح: اه يا روحي طبعا بصراحة
ندي: اصل يعني احنا اخدنا علي بعض بسرعة وخايفة لو روحت معاك انت و مامتك تقولوا عليا يعني اني.

سامح: حط ايده علي شفايفها. شششش اوعي تكملي. انا عارفك كويس ولو كان عندي شك واحد في 100 انك مش تمام مكنتش خطبتك وعايز الايام تجري بسرعة علشان اتجوزك. وباس ايديها وبعدين انتي اخاتي عليا علشان انا اللي اختك عليا علشان مش عايزك تخافي مني علشان بحبك وعايزك معايا وجنبي مش علشان انتي سهلة ولا وحشة ندي انتي هتبقي مراتي سامعة وعمري ما هسيبك.

ندي: ابتسمت. سامح انا بحبك وبجد انت اول راجل في حياتي علشان كدة انا بثق فيك. ومش بقلق ولا بخاف منك علشان كدة ارجوك خليك فاهمني صح انا عمري ما عرفت حد غيرك. وعيطت
سامح: شدها وحضنهابس ياروحي متعيطيش والله فاهمك انتي حبيبتي.

وعارف اني اول واحد في حياتك انا مش محتاج تقوليلي كدة انا عارفك كويس. ماشي كفاية عايط. وابتسم. ندي انتي بنوتي الصغيرة اللي فتحت علي ايدي وخلاص حفظتك وفهمتك وانا بحكم شغلي اعرف افرق كويس. فاهمة
ندي: هزت راسها. فاهمة
سامح: مسح دموعها. طب ينفع كدة بقي اديكي عيطي واحلويتي. اعمل انا ايه بقي دلوقتي. وانتي عايزة تتاكلي كدة
ندي: ابتسمت. هانت لما نتجوز ابقي كلني راحتك.

سامح: يا بنت الناس قلتلك تعالي نكتب عرفي الكام شهر اللي جاين انا هموت والله
ندي: ههههههههه خلاص بقي هانت يا حبيبي
سامح: هي فيها حبيبي. لا والله خلاص كدة بقي ودور العربية
ندي: ايه رايح فين
سامح: غمزها. رايح اوريكي الديكورات الجديدة.

وبعد تقريبا سنة عدت علي الجميع في حالة استقرار مهاب بينجح في شغله كل يوم عن اللي قبله هو وسامح طبعا. وكمان نغم بقت اكفأ كتير في شغلها مع أدم في المستشفي. وابتدت تساعد أدم في العمليات بنفسها و في يوم في بالليل في بيت مهاب ونغم
نغم واقفة قدام المرايا بتسرح شعرها ومهاب قرب من وراهاوحضنها وباسها
مهاب: حبيبتي وحشتيني
نغم: انت وحشتني اكتر. بس انت اللي كنت مشغول عني الفترة اللي فاتت.

مهاب: لفها ليه وحضنها. انا انشغل عن الدنيا كلها الا انتي. بس معلش انتي عارفة شغلي صعب ازاي
نغم: عارفة يا حبيبي. وسعيدة وفخورة بيك. انت يا حبيبي احسن ظابط في الدنيا
مهاب: هههههههه. بجد يعني انا ظابط شاطر
نغم: ههههههههه. اوي يا حبيبي
مهاب: اه يا ناس راح زمن الطماطم فاكرة.

نغم: هههههههه انت لسة فاكر خلاص بقي. بس بجد يا هوبا. علي قد ما انا مبسوطة بنجاحك في شغلك علي قد ما بخاف عليك. الكام عملية اللي طلعتهم الفترة اللي فاتت كنت كل مرة بحط ايدي علي قلبي وببقي خايفة
مهاب: باسها من خدها. لا يا روحي متخفيش ربنا معايا. بس انا عايزك لو جرالي حاجة في اي وقت. اوعي تنسيني يا نغم خليكي فاكرة اني عمري ماحبيت غيرك. وانتي كنتي روحي فاهمة
نغم: ليه بتقول كدة. ليه بتوجع قلبي.

مهاب: لا مش بوجع قلبك. بس ده شئ وارد وانا عايزك تبقي مستعدة لكدة وما تتفجأيش وقتها
نغم: بضيق. ممكن تبطل كلام في الموضوع ده لو سمحت.
مهاب: ابتسم. حاضر هتكلم في حاجة تانية. قوليلي حاضرتي نفسك لحفلة اللواء سراج.
نغم: طبعا بس الفستان مستني موافقة سيادة المقدم.
مهاب: هههههه. ماشي وريني جبتي ايه
نغم: ثواني وراحت فتحت الدولاب وطلعت الفستان وكان فستان لوني. احمر قاتم وفي تتريز بالاسود وشكله تحفة.

مهاب: صفر صفارة طويلة بإعجاب. ايه ده جميل اوي. بس هو انتي متخيلة اني ممكن انزلك بيه من البيت
نغم: بغضب. ليه بقي ما انت لسة قايل انه جميل
مهاب: ما هو علشان جميل وعارف انك لما تلبسية هتبقي صاروخ. بقولك كدة
نغم: ههههههههه غيار انت اوي يا حبيبي.
مهاب: اه بقي بمناسبة الغيرة وهو الواد سامح لما كان معاكي انتي وندي شافك وانتي بتقسيه.

نغم: لا طبعا احنا كنا في أوضة اللبس وهو برة. هو بس دخل لندي لما قاست فستانها علشان يشوفه
مهاب: باحسب كنت قتلك انتي وهو.
نغم: اعملك ايه مش انت اللي مشغول مع ان سامح فضي نفسه وجه معانا
مهاب: يا حبيبتي والله كان عندي اجتماع مع اللواء سراج. في موضوع مهم بنخلصه
نغم: موضوع ايه.
مهاب: مسح شعره بإيده بقلق. اممم مش عارف اقولك ولا لا
نغم: لا بقولك انت هتوقع قلبي ليه. قول يا مهاب ربنا يخليك في ايه.

مهاب: هههههه. متتخضيش اوي كدة. انا هقولك. بصي يا ستي اصل اللواء سراج مرشحني للنقل
نغم:؟ نقل لفين يعني مش فاهمة
مهاب: اتنهد. هتنقل للعمليات الخاصة
نغم: ايه ينهار. مش كفاية اللي احنا فيه. كمان عمليات خاصة لا كدة كتير
مهاب: يا حبيبتي انتي عارفة يعني ايه انهم يطلبوني بالاسم. اني ظابط شاطر
نغم: عارفة والله بس قلبي مش مطمن. طيب قولي انت وفقت.

مهاب: هو انا لسة ماجنيش حاجة رسمي. بس اللواء سراج طلب مني اختار الفريق بتاعي. وهو طبعا مبيعملش كدة مع حد. بس انا ليه معزة عنده وعارف اني مبعرفش اشتغل مع اي حد
نغم: وانت اخترت. مين
مهاب: هههههه اول واحد سامح طبعا. بس فيه كام حد قريب مني لسة بشوف
نغم: حضنته. خلي بالك من نفسك علشاني فاهم
مهاب: ضمها اكتر فاهم يا روحي. بس سيبلك من كل ده. هو احنا مش هنجرب الفستان الجديد.

نغم: بخبث. تؤتؤتؤ. انا جبت حاجة احلي من الفستان حنجربها سوا
مهاب: ههههههه ايوة بقي انتي فين من الصبح فرجيني يا قلبي..
وبعد يومين في حفلة اللواء سراج. راح مهاب ونغم وسامح وندي مع بعض وهما في الحفلة
سامح واقف هو وندي بيتوشوشه
مهاب: يا ابني ارحم نفسك كلت ودن البت
سامح: ههههههه وانت مالك ما انت بتاكل كل يوم حد بيقولك حاجة. وبعدين هي مبسوطة صح ياروحي
ندي: هههههههه صح يا حبيبي.

نغم: هههههه لا يا سامح انت بوظت اخلاقها ندي كانت مؤدبة
مهاب: ههههههه ده يبوظ بلد بحالها. مش عايزاه يبوظ ندي
سامح: ههههههه كل ده عليا ماشي احنا بقي سايبنكم خالص حنروح نتمشي بعيد شوية
مهاب: اتهد ربنا يهدك خلاص كلها 3 شهور وتتنيل تتجوزها بلاش فضايح وسط الناس
سامح: هههههههه الله يرحم ده انت كنت فاضحنا في كل حتة حتى وانت. مضروب بالنار مكنتش عاتق نفسك.

مهاب: يخربيت قرك. امشي يا لا انت روح شوف كنت رايح فين امشي
سامح: ههههههه. تعالي يا حبيبتي. عايزك في كلمة. سر
نغم: ههههههه مش ممكن الاتنين دول مجانين بجد
مهاب: حاوطها من خصرها وقربها منه. ووشوشها. بس مش اجن مننا مش كدة ولا ايه
نغم: ابتسمت. طبعا يا حبيبي. انا مجنونة بيك
وهما واقفين جه شخص هو ومراته وقربه من مهاب ونغم والشخص ده. خبط علي كتف مهاب. والشخص ده كان.
مراد سلام ومراته سجي?.

مراد سلام: ازيك يا مهاب باشا
مهاب: لف يشوف مين. مش معقول مراد سلام ازيك
مراد: الحمد لله انت عامل ايه والله ليك واحشة يا باشا
مهاب: وانت كمان. مع اني زمان كنت. اخر واحد ممكن يوحشني
مراد: هههههههه. خلاص بقي يا باشا انت لسة فاكر
مهاب: لا خلاص. بس انا لحد النهاردة مش مصدق ان مراد سلام يتغير كدة. حاجة كدة ولا الاحلام.

مراد: حاوط سجي بإيده وابتسم. لا صدق الحب يعمل المعجزات. البركة في حبيبتي سجي هي اللي خلقت مراد سلام جديد
مهاب: حضن نغم بإيده. وبصلها وابتسم. انت هتقولي ما انا مجرب
مراد: اه صحيح مبروك علي الجواز والترقية معلش هما متأخرين بقي
مهاب: لا عادي ولا يهمك. دي المدام مش كدة
مراد: ايوة دي سجي مراتي.
مهاب: اهلا يا مدام فرصة سعيدة ان احنا شوفنا المعجزة اللي غيرت مراد سلام.

سجي: هههههه انا اسعد والله علي فكرة مراد بيتكلم عن حضرتك واللواء سراج كتير
مهاب: يارب يكون بالخير
سجي: اكيد طبعا. دي المدام بتاعة حضرتك
مهاب: ايوة الدكتورة نغم
سجي: بأبتسامة. اهلا دكتورة نغم انا مبسوطة اني شوفتك
نغم: ابتسمت انا كمان والله شكلك كدة يدخل القلب
سجي: متشكرة اوي بس انا بقي بستاذنك نبقي نتكلم ونتقال
نغم: اه طبعا معنديش مانع
مراد: طيب استأذنك يا مهاب باشا علشان ماشين
مهاب: ليه بدري كدة.

مراد: اصل سجي عندها محكمة الصبح. اصل انا مراتي اشطر محامية في مصر. ده غير ان الولاد لوحدهم مع الدادا وبنبقي قلقانين عليهم
مهاب: انت عنك ولاد
مراد: هههه ايوة مالك 5 سنين وملك سنة بس ايه مجنني
مهاب: ربنا يخليهوملك. يا مراد
مراد: ربنا يخليك. وانتوا ايه الاخبار مفيش حاجة في السكة
نغم: بصت لمهاب بحزن وسكت
مهاب: احممم. لا لسة احنا لسة مشبعناش من بعض. ونغم كمان مشغولة بالرسالة بتاعتها.

سجي: ان شاء الله. تخلصي الرسالة وتجبلنا بيبي جميل زيك كدة.
نغم: ابتسمت بحزن. ان شاء الله ومتنسيش بقي تكلميني عايزة اشوف الولاد العسل دول
سجي: اكيد طبعا. وادتلها الفون. اتفضلي سيفي رقمك
نغم: اخت منها الفون. وسيفت رقها. ورنت لنفسها. خلاص كدة تمام
سجي: خلاص هكلمك قريب. عن اذنكم
وبعد ما مشيوا.
مهاب: حاسس ان نغم متضايقة لم جات سيرة الولاد والخلفة
مهاب: احمم. بس تعرفي مراته شكلها بنت ناس ومحترمة.

نغم: اه فعلا. بس مين ده شكلكم تعرفوا بعض كويس
مهاب: ده يا سيتي كان وحش من وحوش السلاح والمخدرات. في الوطن العربي
نغم: تنحت. مش ممكن شكله ميقولش كدة ومراته دي محامية. وانت ازاي سيبتني اديها رقمي.

مهاب: هههههه يا حبيبتي بقولك كان. كان بيتاجر في السلاح والمخدرات. بس كان حويط محدش كان عارف يمسك عليه حاجة. بس فجأة كدة. من 5 سنين حصلتله حادثة تصفية كان بيحاول يبعد عن المافيا وهما حاولوا يخلصوا منه. وبعد لما خف عمل صلح مع الدخلية وادلنا معلومات كتير عن المافيا ورجالتهم في الوطن العربي. وكمان هنا في مصر وفعلا قبضنا علي كتير منهم. ومن ساعتها وهو بقي واحد تاني خالص واوقات بنحتجلوا في شغلنا بناخد منه معلومات عن ناس كتير. وكمان هو قريب من اللواء سراج. اصل مراد مشارك. احمد ابن اللواء سراج في بيزنس بينهم.

نغم: سبحان الله. بقي من تاجر مخدرات وسلاح لواحد كدة
مهاب: ههههههه. ده كله كوم بقي والستات كوم كان عانتيل
نغم: ههههه لا والله اللي يسمعك يقول انك كنت مستقيم. ما انت كنت زيه
مهاب: ههههه لا والله ده كنت بالنسبة ليه ملاك. ده كان خربها. بس من ساعة ما اتجوز. وهو ربنا تاب عليه
نغم: بس مراته حلوة وشيك
مهاب: مش احلي منك يا حياتي. بقولك ايه ما تيجي نروح
نغم: اممم طيب وسامح وندي.

مهاب: لا دول مع نفسم بقي هو يبقي يروحها. ومسك ايديها تعالي ده النهاردة في موضوع مهم اوي لازم نتكلم فيه بعد الفستان المنيل اللي لبستيه ده
نغم: هههههههه يالا ربنا يستر.
وبعد مرور 4 شهور كان سامح وندي حددوا معاد الفرح وجه يوم فرحهم. وعملو الفرح في قاعة كبيرة جدا. وسامح كان طاير من السعادة. وبعد ما خلص الفرح وروحوا شقتهم ودخلوا
سامح: قفل الباب. وقرب من ندي. روح قلبي اخيرا ده انا خلاص كنت قربت انتحر.

ندي: ههههه ليه يعني. مش اوي كدة
سامح: لا ده اوي واوي جدا كمان. تعالي بقي ده انتي وحشاني.
ندي: جريت وبتستخبي ورا الكرسي. لا لا اهدي ياسمسم
سامح: لا بقولك ايه انتي هتجريني وراكي. وتفرهديني علي الفاضي تعالي وخليكي عاقلة
ندي: هههههه لا مش جاية. وبعدين انا مش عاقلة انا مجنونة.
سامح: طاوعيني هتندمي
ندي: تؤتؤتؤ
سامح: كدة ماشي انا هوريكي الجنان شكله ايه. وقلع البدلة بسرعة
ندي: طلعت تجري علي الاوضة بسرعة.

سامح: ههههه والله لجيبك. وجري وراها ودخل الاوضة وقفل الباب
وبعد شوية. سامح خرج بسرعة وراح شقة مامته اللي جنبه في نفس الدور. ودخل صاحي مامته
سامح: ماما. فريال. قومي بسرعة
فريال: اتخضت. انت يا واد ايه اللي جابك هنا وسايب عروستك ليه
سامح: تعالي بسرعة شوفي ندي اغمي عليها ومش عارف افوقها
فريال: يخربيتك عملت فيها ايه
سامح: انتي لسة هتستجوبيني قومي بسرعة البت قاطعة النفس جوه.

فريال قامت بسرعة وراحت معاه ودخلت لقت ندي لاقتها مغمي عليها. وحاولت تفوقها.
فريال: ربنا يهدك عملت فيها ايه يا واد
سامح: هو انا لحقت اعمل حاجة انا يا دوب بقول يا هادي ودي طبت كدة انا خايف عليها اروح اجبلها دكتور
فريال: لا دكتور ايه عايز الناس تقول ايه وانت جايبلها دكتور ليلة دخلتها
سامح: ما يتفلقوا الناس المهم مراتي
فريال: طيب بقولك ايه هاتلي فريفوم من بتوعك
سامح: اشمعن
فريال: اخلص يا غبي.

سامح: ، اهو اتفضلي
فريال شممت ندي منها وفوقتها. وندي ابتدت تفوق واول ما فتحت عنيها وشافت فريال مسكت فيها
سامح: قرب منها حبيبتي وقعتي قلبي مالك ايه اللي حصل
ندي: انا عايزة اروح عند ماما
سامح: نعم ياختي سمعيني كدة تروحي فين
فريال: ههههههههه. بقولك ايه اخرج وسيبني مع ندي شوية
سامح: دي بتقولك اروح لماما
فريال: اخرج بقولك بدل ما اقوملك
سامح: وهو خارج. ايه يا ربي الليلة دي بس. والله حرام كدة. وبعد ماخرج.

فريال: مالك يا حبيبتي انا زي ماما قوليلي سامح عملك حاجة زعلتك
ندي: لا بس انا خايفة اوي
فريال: لا يا حبيبتي متخفيش سامح بيحبك ومش ممكن يأذيكي. تعالي انا هقولك كلمتين في ودنك..
وبعد شوية خرجت فريال لسامح اللي كان رايح جاي قلقان
فريال: سامح. تعالي اسمع بقي خليك هادي البنت صغيرة خدها واحدة واحدة. هي مش هتطير منك
سامح: وانا كنت عملت ايه بس
فريال: معلش قدر خوفها وقلقها. وخليك حنين انا بردوا اللي هقولك.

سامح: حاضر روحي نامي انتي بقي معلش يا فوفة قلقتك
فريال: ابتسمت. لا يا حبيبي ولا قلق ولا حاجة ربنا يهنيك يالا تصبح علي خير.
سامح دخل لندي وقعد جنبها علي السرير
سامح: كدة يا دودو تخافي مني انا ده انا سمسم حبيبك
ندي: مكسوفة. لا والله مش خايفة منك هو بس الموقف اللي صعب
سامح: قرب منها وحضنها. خلاص متخفيش مفيش حاجة هتحصل تعالي ننام وبكرة تكوني هديتي. اوك
ندي: تؤتؤ
سامح: ابتسم يعني ايه.

ندي: يعني خلاص انا مش خايفة
سامح: بخبث. متأكدة
ندي: هزت راسها. متأكدة
سامح: ايوة بقي فرحي قلبي تعالي يا موزتي دي الليلة ضرب نار..

رواية ترى يا قلب أحببت من؟ للكاتبة ريحانة الجنة الفصل الثاني والعشرون

وبعد مرور 4 شهور سامح وندي منتظرين في معمل تحاليل
سامح: حبيبتي انتي كويسة ولا لسة دايخة
ندي: لا دايخة شوية. ربنا يستر ونشوف النتيجة
سامح: ان شاء الله خير يا حبيبتي ولو طلع في حمل. مش عايزك تقلقي. فوفة مش هتتعبك ابدا وتخلي بالها منك.
ندي: انا عارفة يا حبيبي وانا والله نفسي ابقي حامل بس خايفة اتعب انت عارف لسة فاضلي سنة هعمل ايه مع الحمل والدراسة.

سامح: متشليش هم انا معاكي ومش هسيبك. وطول ما انا في البيت معاكي هخلي بالي من البيبي وانتي ابقي ذاكري.
ندي: حبيبي يا سمسم. ربنا يخليك ليا. انت مفيش منك. بس يارب لو طلعت حامل يطلع ولد عسل زيك كدة
سامح: هههههه حبيبتي يا عسسسل انتي بس انا عايز بنوتة حلوة وزي القمر زيك كدة
الدكتور: خرج مبروك يا سيادة المقدم. مدام ندي حامل.

سامح: ابتسم. الله يبارك فيك يا دكتور. متشكر اوي. وحضن ندي مبروك يا قلبي والله وهتبقي مامي
ندي: ههههه الله يبارك فيك يا حبيبي. انا فرحانة اوي يا سمسم انا هبقي ام
سامح: تعالي بقي لما نروح نفرح فوفة دي ممكن تقعد تزغرد لحد الصبح امي وانا عارفها
ندي: تعالي يا حبيبي وكمان نعدي علي ماما في الطريق دي هتفرح اوي
سامح: تعالي يا قلبي من عنيا
(وتاني يوم في مكتب مهاب)
مهاب: ايه حامل!

سامح: هههههه اه ايه مالك اتفاجأت ليه.
مهاب: وانت عادي كدة. سيبتها تحمل مش خايف عليها
سامح: واخاف عليها من ايه مش فاهم
مهاب: بعصبية انت هتنقطنى. يعني مش عارف اللي بينخربوا ورانا ممكن يعملوا ايه
سامح: لا عارف بس هعمل ايه والله كل شئ بتاع ربنا انا هشغل نفسي ليه.

انا المهم اتجوز وانبسط واخلف عيل حلو كدة يملي عليا حياتي. ولو بقي جرالي حاجة ولا مت يبقي علي الاقل سيبت لندي عيل مني يفكرها بيا وكمان يخلي باله منها.
مهاب: قصدك تسيب عيل لواحد غيرك يربيه ويا عالم يطلع كويس ولا لا وهيعمل ايه في ابنك من بعدك
سامح: يا ابني كفياك تشاؤم بقي انت ليه مسودها كدة. انت كمان لازم تغيرك دماغك وتخلي نغم تخلف.

مهاب: اتنهد. انا مش مسودها انا بس بفكرك لو ناسي. لاني انا مش عارف انسي اني ممكن في يوم اموت واسيب نغم لراجل تاني مش قادر اتخيل ان ممكن راجل غيري يلمسها. كمان عايزني اسيب ابني لا مستحيل
سامح: بس والله حرام عليك. نغم ذنبها ايه في دماغك دي وكمان. لسة لما تعرف ان ندي حامل اكيد هتزعل علي نفسها.
مهاب: اه يا سامح. كفاية انا اللي فيا مكفيني اسكت. وعوموما الف مبروك.

سامح: لا والله انت لسة فاكر تبارك. بعد ما نكدت علي اللي خلفوني وعكننت عليا ربنا يهدك
مهاب: معلش يا سامح حقك عليا.
سامح: طب ايه مش يالا بينا نروح
مهاب: اه خلاص انا خلصت شغلي يالا بينا.
شقة نغم ومهاب
نغم: حبيبتي يا ماما نورتيني والله واحشاني جدا
سهام: انتي كمان يا حبيبتي وحشاني. بس انا زعلانة منك مش بتيجي ليه تشوفيني يا نغم.

نغم: والله غصب عني انتي عارفة مهاب مش بيسبني اخرج لوحدي أبدا لازم يوصلني بنفسه واليومين دول هو مشغول جدا في المكان الجديد اللي اتنقل فيه. معلش متزعليش
سهام: لا ياحبيبتي خلاص مش زعلانة. المهم تريحي جوزك. ليكي عندي بقي خبر هيفرحك اوي
نغم: خير يا ماما قولي
سهام: ندي حامل.
نغم: حست بإحساس غريب. هي فرحانة لأختها بس كمان حزنت علي نفسها وانها مش هتقدر تكون ام علشان متزعلش مهاب.
سهام: مالك يا نغم في ايه.

نغم: ايه لا ابدا مفيش. بس ليه ندي مقلتليش انا لسة مكلماها النهاردة
سهام: هي عدت عليا امبارح هي وسامح وقالتلي وانا اللي قولتلها متقولكيش وتسيبني انا اللي اقولك.
نغم: ابتسمت. الف مبروك يا ماما انا بكرة ان شاء الله هكلمها واباركلها
سهام: ماشي يا حبيبتي. ربنا يخليكوا لبعض. نغم انا عايزة اكلمك في موضوع الخلفة ده. انتي من يوم ما اتجوزتي مهاب بقالكم كدة سنتين ومحصلش حمل انتي مخبيه عليا حاجة.

نغم: ايه لا وهخبي ايه مفيش حاجة
سهام: لا في يا بنتي لو عنك مشكلة نشوفلها حل ولا يكون مهاب عنده مشكلة
نغم: لا يا ماما مهاب كويس وانا كمان كويسة. وعلي فكرة انا اصلا حملت قبل كدة والبيبي نزل
سهام:! ايه امتي وازاي مقولتليش كدة يا نغم تخبي عليا حاجة زي دي.

نغم: اهدي بس يا ماما. انا هقولك فاكرة لما وقت من علي السلم انا وقتها كنت حامل واجهضت. بسبب الوقعة وانا ومهاب محبناش نقول لحد وكمان طلبت من الدكتور ادم انه ميقولكوش حاجة وقتها
سهام: طيب ليه بس وكمان لما انتي كويسة ليه محملتيش تاني
نغم: اتنهدت. انا ححكيلك..

سهام: لا حول ولا قوة الا بالله. بس بصراحة مهاب مزودها. يا بنتي كل شئ بتاع ربنا ده ربنا مبيسألناش عن عبادة بكرة نقوم احنا نسأله عن رزق بكرة واللي هيحصل فيه
نغم: والله يا ماما قولتله كتير واتكلمت معاه بس هو دماغه ناشفة
سهام: بس ده حقك وهو كدة بيجي عليكي وبيحرمك من انك تبقي ام. طيب تحبي اكلمه انا.

نغم: لا يا ماما اوعي. انا قولتلك بس علشان تبقي عارفة لكن مش عايزة مهاب يعرف اني حكتلك حاجة مش عايزاه يحس اني بشتكي حتى لو ليكي
سهام: بس انتي كدة مش لتظلمي نفسك
نغم: لا يا ماما انا مش بظلم نفسي انا بحب مهاب ومقدرش ازعله او اخسره علشان اي حاجة حتى لو كان الثمن اني مخلفش باقي عمري المهم مهاب يفضل مرتاح ومشيلوش الهم.

سهام: خلاص يا حبيبتي المهم انك مرتاحة. وفي الاول والاخر دي حياتكم وانتم حرين تعيشوها زي ما يعجبكم. طيب اقوم انا بقي
نغم: ليه بس خليكي معايا شوية
سهام: معلش يا حبيبتي اصلي لسة هعدي علي ندي وسامح علشان اودلهم هما كمان الاكل بتاعهم
نغم: والله انا مش عارفة انتي تعبتي نفسك ليه بس وعملتي كل ده.

سهام: ولا تعب ولا حاجة. وبعدين سامح هو يا حبيبي اللي طلب مني طاجن ورق العنب والحمام امبارح قلت لازم زي ما هعمله اعمل لمهاب حبيبي
نغم: ههههه تسلم ايدك يا ماما. بس سامح هيفضل تاعبك كدة. ده من ايام خطوبتهم وهو هاريكي طلبات وبالذات ورق العنب ده وبعدين هو مش متجوز وكمان مامته جنبه لازم يتعبك
سهام: ولا تعب ولا حاجة وهو انا عندي مين غيركم اعمله يعني وكمان بيني وبينك بيقولي انه بيحبه ايدي.

وان لا ندي ولا فريال بيعرفوا يعملوه زيي. وانتي عارفة لو فريال سمعته هتضربنا كلنا
نغم: ههههههههه. انتي هتقوليلي بس بصراحة ست طيبة وبتحب ندي
سهام: اه والله الحمد لله هي حماقية شوية بس قلبها ابيض. وحاطة ندي في عنيها وبتحبها اكنها بنتها.
نغم: ربنا يهنيها هي وسامح يستاهلوا كل خير.
سهام: طيب يا حبيبتي يالا تصبحي علي خير
في الوقت ده مهاب رجع وفتح الباب
مهاب: اهلا لا انا كدة بقي حماتي بتحبني فعلا.

سهام: ههههههه بحبك بس ده بموت فيك يا هوبا
مهاب: حبيبتي يا سوسو. ايه رايحة فين كدة
سهام: مروحة بقي انا هنا من بدري
مهاب: لا طبعا مفيش الكلام ده انتي هتتعشي معانا وتباتي كمان. نغم حبيبتي عاملة اكل ولا اطلب من برة
نغم: لا يا حبيبي عاملة والله وماما كمان جايبة أكل معاها وهي جابة
سهام: لا يا حبيبي معلش مش هينفع والله.
مهاب: يعني تبقي جايبة الاكل وكمان مش عايزة تتعشي معانا.

سهام: ههههه معلش اصلي لسة هعدي علي سامح وندي.
مهاب: قولي بقي كدة عايزة تتعشي مع سامح وانا لا كدة سامح نساكي هوبا ده حتى انا الحب الاول
سهام: هههههههه طبعا انتي حبيبي بس اصل هو طالب مني ورق عنب وحمام زعايز يتعشي منهم النهاردة. وانا قلت لازم اجيب لحبيبي الاول قبل ما اوديله. ومش عايزة بقي اتأخر عليه.

مهاب: هههههه طفس من يومه. بس ماشي خلاص انا هسيبك تروحي علشان حرام اخاف علي ندي الغلبانة ده ممكن لو جاع ياكلها.
نغم: هههههههه والله معاك حق ده سامح ده مصيبة
سهام: هههههه ماشي يالا سلام تصبحوا علي خير
مهاب: لا استني انا جاي اوصلك
سهام: لا يا حبيبي انت جاي تعبان ارتاح انت
مهاب: لا طبعا ميصحش. وبعدين انا اخاف عليكي تمشي لوحدك بالليل كدة. ولا انا بقي كلامي مبيمشيش.

سهام: حبيبي ربنا يخليك ليا انت وسامح وامجد رجالتي ربنا يحميكم. بس متخفش عليا أمجد جاي يا خدني
مهاب: طيب هوصلك لحد تحت
سهام: قلت لا بقي متوجعش قلبي. روح بس انت الحق كل الحمام
مهاب: هههههه ماشي تسلم ايدك يا ست الكل
سهام: تسلملي يا حبيبي يالا تصبحوا علي خير. ومشيت
مهاب: عارف ان نغم أكيد زعلانة من خبر حمل ندي. مالك يا حبيبتي. انتي تعبانة.

نغم: لا ابدا انا كويسة يالا يا حبيبي انت روح خد حمامك وانا هجهزلك الاكل بسرعة.
مهاب: اتنهد. ماشي روحي
ودخل مهاب واخد حمام وخرج لنغم لقاها في المطبخ ووقفة بتعيط. صعبت عليه وراح وراها وحضنها.
مهاب: حقك عليا انا السبب
نغم: مسحت دموعها بسرعة. احمم السبب في ايه
مهاب: في دموعك دي
نغم: ااانا مش بعيط. وهي هعيط ليه
مهاب: لفها ليه ومسك وشها بإيديه. بصي في عيني وقوليلي انك مكنتيش بتعيطي.

نغم: بتحاول تمسك دموعها. لا مكنتش بعيط
مهاب: انتي عرفتي ان ندي حامل صح
نغم: مقدرتش تستحمل. وعيطت ورمت نفسها في حضنه. انا اسفة بس غصب عني
مهاب: غمض عنيه وجز علي سنانه. وهو زعلان من نفسه انه هو اللي وجعها كدة. حقك عليا معلش متزعليش. بس انا فهمتك كل حاجة. قبل كدة يا نغم
نغم: عارفة وفاهمة والله بس معلش غصب عني متزعلش مني.

مهاب: مين اللي يزعل من التاني. انا اللي زعلتك ووجعتك حقك عليا. بس اوعدك اعيد حساباتي في الموضوع ده
نغم: رفعت راسها من حضنه بفرحة. صحيح يا هوبا بتتكلم جد.
مهاب: هز راسه وابتسم. اه يا عيون هوبا بتكلم جد. بس سيبيني كدة اظبت نفسي واقرر هعمل ايه. بس المهم اني مشوفش دموعك دي تاني اتفقنا يا روحي
نغم: ابتسمت. اتفقنا. تعالي بقي علشان تاكل ورق العنب والحمام اللي ماما عاملاه.

مهاب: هههههه ماشي. بس انت اللي هتتحملي النتيجة. الحمام بالليل بيكتم علي القلب.
نغم: ههههههه سلامة قلبك يا حبيبي.
مهاب: انا بقول بلاها حمام وتعالي اقولك حاجة جوا
نغم: هههه لا انا جعانة ومكلتش من الصبح ومستنياك
مهاب: خلاص تعالي ناكل وبعدين نتكلم.
وبعد شهر
(في فيلا الفيومي )
عدنان: وبعدين يا عزمي احنا سبناه بما فيه الكفاية هنفضل ساكتين عليه لحد امتي.

عزمي: احنا مكناش ساكتين عليه كنا سايبنه يستوي شوية. اوعي تفتكر انه كان متهني ومبسوط ده كان خايف ومرعوب مننا لانه عارف ان احنا صعايدة ومنسبش طارنا ابدا. وكمان متنساش. اننا اتفقنا اننا مش هنلعب معاه الا لما يعدلنا البضاعة الجديدة. واحنا كنا لسة بنقنع الجماعة اللي برا. اديك شوفت كانوا خايفين بعد موت ابوك وظبط البضاعة اللي فاتت. وكمان كانوا عايزين فلوسهم مرة واحدة وانا كان لازم اجهزلهم فلوسهم. بس خلاص كل حاجة خلصت. هما خدوا فلوسهم والبضاعة قربت توصل. المهم الرجالة بتراقب الزفت مهاب ومراته.

عدنان: كل يوم بيجيلي تقرير بخط سيرهم. البيه مبيسبهاش. ابدا كل يوم
لازم يوصلها لشغلها ويرجع يرجعها تاني بخاف عليها زي عنيه
عزمي: هههههههه مش قلتلك مرعوب. تمام خليه اكيد هنعرف نظبطها. قولي انت شوفت مراته
عدنان: لا الرجالة معرفوش يصوروها خايفين للزفت ده ياخد باله منهم
بس بيقوليلي موزة جامدة
عزمي: حلو يعني هننبسط يا برنس
عدنان: اناهموت علي اليوم اللي اقتله فيه واخد طار ابويا منه.

عزمي: انا بقي عايز أكسر في عينه واجيب راسه في الارض. الاول وكمان اخليه بنفسة يعدي البضاعة اللي جاية. وبعدين اقتله
عدنان: طيب هنفذ امتي امتي
عزمي: ابتسم بخبث. قريب اوي
وبعد اسبوع في المستشفي
سهي: اه يا نغم مش ممكن انا حاسة اني هتجنن. هو ليه أدم مش حاسس بيا
نغم: يا سهي يا حبيبتي. لازم تعرفي ان أدم شخصية غامضة بجد. ومش سهل ابدا انه يدخل في علاقة علي اي واحدة.
سهي: بس ده نشف ريقي وجنني معاه.

المهم انه مش هيروح من ايدي والله ماهيحصل
نغم: تمام اوعي بقي عايزة الحق اروح قبل ما مهاب يرجع يا خدني علشان الحق اعمله المفاجأة
سهي: ماشي خليكي كدة. مقضياها انتي حب وغرام ومفأجأت.
نغم: يارب ارحمني من البنت الغلسة دي
سهي: انا ماشي. بس ابقي خلي بالك من نفسك وانتي ماشية
نغم: هههههه حاضر سلام
سهي: سلام
ومشيت نغم وبعد شوية جه مهاب ولما سأل عليها ملقاهاش اتجنن
في مكتب أدم.

مهاب: ازاي تخرج لوحدها ليه سيبتها يا أدم تخرج لوحدها بس
أدم: وانا هعمل ايه كنت همنعها بصفتي ايه
مهاب: يعني ايه بصفتك ايه
انت عارف اني سايبها امانة في ايدك هنا لحد لما ارجع واخدها كان لازم تكلمني
أدم: انا مش عارف انت ليه مكبر الموضوع كدة عادي أكيد وراها مشوار ولا حاجة
مهاب: اتعصب. مشوار ايه وزفت ايه انا لما اشوفها ليها معايا حساب كبير عن اذنك يا أدم. وخرج مهاب.

سهي: دخلت لادم. هو المقدم مهاب كان بيزعق ليه يا دكتور أدم
أدم: سهي انتي تعرفي نغم خرجت ليه من غير ما تستني مهاب
سهي: ايوة اعرف
أدم: طيب مشيت ليه
سهي: اصل النهاردة عيد ميلاد مهاب وكانت عايزة تعمله مفاجأة وجو رومانسي قبل لما يرجع البيت علشان كدة روحت قبله
أدم: بحزن. اه جو رومانسي تمام.

ومشي مهاب ورجع البيت زي المجنون عايز يطمن علي نغم بسرعة وكل لما يكلمها تليفونها مقفول. ودخل الشقة ودور عليها ملقهاش اتجنن.
مهاب: راحت فين دي بس انا كدة قلقت أكتر. طيب هكلم طنط سهام اسألها. واتصل مهاب بسهام..
سهام: الو
مهاب: ازيك يا طنط. بقولك ايه هي نغم عندك
سهام: لا يا حبيبي مجتش عندي ليه في حاجة
مهاب: لا ابدا. خلاص تلاقيها بتجيب حاجة وراجعة. تصبحي علي خير.

مهاب قفل معاها واتجنن اكتر واتصل علي سامح وندي تليفونتهم مقفولة نزل وراح لسامح.
في شقة سامح
سامح مع ندي في أوضتهم. والباب خبط
ندي: مين اللي جاي دلوقتي
سامح: انا عارف. بقولك ايه سيبك من الباب وركزي معايا كنتي بتقوليلي اني واحشك صح
ندي: هههههه اه كنت بقول كدة
الباب خبط تاني
ندي: سمسم روح شوف مين
سامح: هيكون مين تلاقيها فوفة بتطمن اتعشيت ولا لا سيبها دلوقتي تزهق وتمشي
ندي: ههههههه انت فظيع.

سامح: ههههه يعني بذمتك حد يسيب القمر ده ويقوم ازاي بس
الباب خبط بجنون جامد
ندي: خافت لا يا سامح انا قلقت شوف مين اللي بيخبط كدة
سامح: عندك حق استني.
وقام سامح ولبس هدومه وراح فتح ولقي مهاب
سامح: مهاب فيه ايه. ايه اللي جابك دلوقتي
مهاب: بعصبية. انت بارد ليه كل ده بتفتح كتك فتح دماغك
سامح: مالك داخل بزعابيبك ليه كدة. ايه اللي حصل
مهاب: قولي نغم عندكم
سامح: نغم لا وهي ايه اللي هيجبها دلوقتي.

مهاب: يا نهار اسود اكيد جرالها حاجة انا هتجنن
سامح: اهدي بس وفهمني ايه اللي حصل
مهاب: معرفش انا روحت اخدها من المستشفي زي كل يوم ملقتهاش قالولي انها مشيت روحت البيت بردوا ملقتهاش اتصلت بطنط سهام مرحتلهاش ومجتش عندكم يبقي ايه بقي اكيد حصلها حاجة
سامح: اهدي بس ان شاء الله خير
مهاب: سامح انده لندي خليني اسألها يمكن تعرف هي كانت رايحة فين لما خرجت
سامح: حاضر ثواني هندهلها
ودخل سامح لندي.

ندي: في ايه يا سامح مين اللي بيزعق برة كدة
سامح: قومي يا ندي البسي بسرعة وتعالي برة مهاب عايز يسألك علي حاجة
ندي: حاجة ايه
سامح: لما تخرجي هتعرفي قومي البسي بسرعة
ندي: حاضر اهو هقوم. ولبست ندي وخرجت
مهاب: ندي نغم فين
ندي: نغم معرفش هي مش في البيت
مهاب: لا مشيت من المستشفي لوحدها ومرجعتش البيت طيب مقلتلكيش رايحة فين.

ندي: ايوة هي كانت عايزة تروح قبلك علشان تحضرلك حفلة علي قدك انت وهي علشان عيد ميلادك كانت عملالك مفاجأة
مهاب: عيد ميلاد ايه وزفت ايه بس اديها مرجعتش البيت راحت فين بس انا هتجنن
ندي: عيطت. اختي حصلها ايه انا خايفة عليها اوي
سامح: حضنها. اهدي يا حبيبتي ان شاء الله خير ونطمن عليها متقلقيش
مهاب: تليفونه رن، الو
المتصل: ..
مهاب:.