رواية ترى يا قلب أحببت من؟

رواية ترى يا قلب أحببت من؟ للكاتبة ريحانة الجنة الفصل السابع عشر

(في بورتوا السخنة )
مهاب ونغم بيتمشوا علي البحر ومسكين ادين بعض.
مهاب: عجبك المكان يا قلبي
نغم: موت يجنن جميل اوي
مهاب: كل ده لا انا بغير. مش عايز حاجة تجننك غيري
نغم: هههههههه طبعا مجنونة بيك انت حبيبي.
مهاب: انتي اللي حبيبتي وروحي انا قلبي مدقش غير معاكي انتي وبس
نغم: يعني خلاص نسيت كل الستات اللي كنت تعرفهم ومش ممكن تحب غيري
مهاب: هههههه اه والله نسيت جالي فقدان ذاكرة.

نغم: هههههه ححاول اصدقك. بس اعمل حسابك يوم ما تبص لغيري. انا اللي هموتك مش العصابة
مهاب: يا واد يا شقي انت. عموما متقلقيش. انا قلبي مفتاحه معاكي انتي وبس.
نغم: وانا خلاص رميت المفتاح في البحر ده علشان متعرفش تخرجني من قلبك.
مهاب: ابتسم. بقولك ايه ما تيجي نرجع الشاليه.
نغم: ههههههه لا انا عايزة اقعد علي الصخرة دي شوية.

مهاب: امم دي ماشي وكمان هسمعك اغنية حلوة علشان تعرفي ان خلاص مفيش في حياتي غيرك انتي وبس لحد ما اموت.
نغم: بعد الشر عليك متجبش سيرة الموت تاني كفاية اللي حصلك قبل كدة. انا خلاص مقدرش اعيش منغيرك.
مهاب: باس ايديها. حاضر تعالي بقي.

واخدها مهاب وقعدها علي الصخرة ووقف جنبها وسمعها الاغنية دي وهي كانت حضناه وهو واقف جنبها. وكانت اغنية لذيذة( لعمرو دياب اسمها اهو ليل وعدي)( اهو ليل وعدي ليل وعدي ليل وراح. اهو ليل وعدي ليل وعدي معتش تاني جراح. ملكيش في الكون بديل ما صعب ومستحيل. اعشق واحب واميل. معقولة احب عليكي. هنعيش كتير حكايات. وان كان علي الماضي فات. دلوقتي امنيات العمر كله ليكي. اهو ليل وعدي وراح. اهو ليل وعدي معتش تاني جراح. اجمل ما فيكي روح. قلبك كتاب مفتوح. دلوقتي مش مسموح لحد يبص ليكي. اهو ليل وعدي).

وبعد الاغنيه مهاب لفلها وحوطها بإيده.
مهاب: هاه فهمتي
نغم: ابتسمت اه فهمت.
مهاب: حبيبتي. اوعي تخافي من اي حاجة وانا معاكي. انا مش ممكن افكر في غيرك. انا مفكرش في حاجة غير فيكي وفي اني ازاي اسعدك واحميكي
نغم: اه يا مهاب. انا مش عارفة ازاي كنت عايشة من غيرك. قبلك كانت حياتي. ملهاش طعم. جامعة ومذاكرة وشغل. مكنتش بفكر في نفسي اصلا. بس من يوم ما شوفتك وانت دخلت قلبي وعقلي مكنتش ببطل تفكير فيك.

مش عارفة لو مكنتش روحت الحفلة وشوفتك. كنت هقبلك ازاي
مهاب: حضنها. اكيد كنا هنتقابل في مكان تاني. حبيبتي احنا اتخلقنا علشان نكون مع بعض.
ومن بعيد كان في تلاثة رجال بيتمشوا. ودول كانوا ظباط ومن دفعة مهاب وسامح. وكانوا. زياد الكومي. و. رأفت. و. ماجد.
زياد: بصوا مين هناك. مش ده مهاب عز الدين اللي حاضن البنت اللي هناك دي.
رافت: اه تقريبا هو تلاقيها موزة جديدة.
ماجد: ربنا يهده مبيعتقش.

زياد: بس شكلها جامدة. بقول ايه تعالوا نرخم عليه شوية
رافت: لا بقولك ايه بلاش مهاب. انت عارفه. دماغوا جزمة
ماجد: اه يا زياد مش حابة فضايح. وانت وهو مبتقبلوش بعض ولا بتتفقه
زياد: مش عيب عليكوا وانتوا شحطة كدة وخايفين منه
ماجد: لا مش خوف. بس مهاب طبعه صعب واحنا بنحتاجه في شغلنا بلاش نخسره علشان شوية هبل
زياد: طب ايه رايك بقي انا رايحلوا. وكمان هعلق منه البت دي.
رافت: بلاش يا زياد.

زياد: تعالوا انتوا بس وملكوش دعوة.
وقربوا من مهاب ونغم اللي كانوا بيتكلموا ويضحكوا.
وجه زياد من وراه مهاب وخبط علي كتفه. ازيك يا هوبا.
مهاب: لف كعادته بمنتهي الثبات والثقة. ولما شاف زياد ورافت وماجد. بان عليه الغضب. اهلا زياد ازيكم يا رجالة.
ماجد: ازيك يا مهاب عامل ايه.
رافت: حمد علي السلامة عرفنا انك كنت مصاب. بس معلش مجناش نشوفك. انت عارف مأموريات ووجع قلب.

مهاب: ولا يهمكم. عادي انا الحمد لله بقيت كويس
زياد: وهو بيبص لنغم. مبروك الترقية سمعنا انك اترقيت.
مهاب: اه عقبالك.
زياد: ياريت. بس انت كل القيادة بتحبك وخصوصا اللواء سراج
مهاب: انا اترقيت علشان شغلي مش محبة. احنا شغلنا مفهوش محسوبية وانت أكتر واحد فاهم ولا ايه
زياد: اه طبعا. بقولك حلوة الموزة دي ابقي اديهالي بعد ما تخلص.

مهاب: الدم غلي في دماغوا. ومسك زياد من هدومه وزنقه في الصخرة اللي وراه وضربه ضربة توجع. لو فكرت تتكلم عنها كدة تاني ورحمة ابويا اخلي السمك يعمل عليك حفلة النهاردة انت سامع
ماجد: اهدي يا مهاب معلش. محصلش حاجة
رأفت: حقك علينا يا مهاب انت عارف زياد بيحب يهزر
زياد: كدة يا مهاب ماشي شكلها داخلة دماغك. خلاص بس هي معهاش حد تاني جاية لوحدها ولا ايه.

مهاب: ضربه بالبوكس. وقعه علي الارض. دي مراتي يا حيوان. ولو فكرت تعيد كلمه كمان هدفنك هنا
زياد: تنح. مراتك وانت اتجوزت امتي
مهاب: بغضب. وانت مال اهلك. يخصك ايه زياد مش مهاب عز الدين اللي تلون معاه فاهم
زياد: ماشي يا مهاب بس انا مش هردلك اللي انت عملته قصاد مراتك. علشان بس متشوفكش بتضرب
مهاب: ههههه لا وحيات اهلك ما تعرف تعمل حاجة وجرب كدة وانت تشوف
رأفت: عيب كدة يا رجالة انتوا مش صغيرين علي كدة.

مهاب: قول للبيه اللي بيستهبل وبينسي نفسه.
ماجد: خلاص يا مهاب. وعموما ألف مبروك علي الجواز
مهاب: الله يبارك فيك.
زياد: علي فكرة يا مدام. تلاقي دلوقتي. كل واحدة من اللي جوزك كام يعرفها عاملة محزنة اصل مهاب كان بتاع ستات
مهاب: حط ايده في جيبه. وببرود. اه ما هي عارفة وانت كمان عارف اصل مهاب مش سهل يتنسي يا زياد. فاكر ولا افكرك
زياد: اتغاظ من مهاب. لا فاكر بس انت كمان ابقي افتكر لما اردهالك.

مهاب: ههههههه ولا تعرف. انا خلاص سيبتهملك كلهم اشبع بيهم.
ماجد: يالا يا زياد خلينا نمشي. سلام يا مهاب.
ومشيوا وكان زياد بيبص لمهاب بغيظ وغل. وغيرة ومهاب بيبصله بتحدي وغرور.
وبعد ما مشيوا. مهاب لف لنغم اللي كان شكلها خايف وقلقان
مهاب: قلق. مالك يا حبيبتي وشك اصفر ليه كدة انتي تعبانة
نغم: هزت راسها. وعنيها دمعت
مهاب: مالك يا نغم في ايه يا روحي
نغم: بدموع. كنت خايفة عليك
مهاب: ابتسم. خايفة عليا من ايه بس.

نغم: منهم هما كانوا 3 وانت لوحدك خفت يشتبكوا معاك. وخصوصا اللي اسمه زياد ده شكله بيكرهك
مهاب: ههههههه. طيب خافي عليا من حد تاني ملقتيش غير زياد. ده بق علي الفاضي. وبعدين يا قلبي لو حتى كانوا10 مش3 انت لسة متعرفيش انتي متجوزة مين مهاب مبيخفش. فاهمة
نغم: فاهمة بس انا من بعد اللي حصلك وانا بخاف عليك اوي.

مهاب: متخفيش عليا. انا اعرف ازاي اتعامل مع اي حد. وبعدين انتي ماشوفتيهمش كانوا مرعوبين وخايفين ازاي. هما عارفين انا مين واقدر اعمل ايه
نغم: ربنا يخليك ليا. انت فعلا اماني يا مهاب. انا مبخفش علي نفسي بس بخاف عليك. تعرف كان نفسي اروح اضربه والله
مهاب: ههههههه يا خلاثثي يا روحي علي العسسل اللي عايزة تتخانق علشان جوزها. هو في كدة
نغم: هههههه اه في.

مهاب: باس ايدها. انت طول ما انتي معايا خلي قلبك قوي واوعي تخافي خلي عندك ثقة فيا سامعة.
نغم: ابتسمت. سامعة مهاب ممكن نروح الشاليه
مهاب: هههههه بقتي شقيه انتي يا ناني
نغم: هههههه بس بقي الله
مهاب: ههههههه خلاص متتكسفيش. تعالي يا حبيتي نروح الشاليه
(في شاليه زياد)
زياد: اه يا مهاب الكلب. ماشي والله لوريك.
جيرمين. واحدة من اللي كان مهاب يعرفها وكمان زياد.

جيرمين: اهدي بس وفهمني ايه اللي حصل وانت شوفت مهاب فين
زياد: هنا البيه بقيضي شهر العسل مع مراتوا
جيرمين: ? مهاب اتجوز. ازاي وامتي ده عمره ما فكر في الجواز
زياد: اهو فكر واتجوز لا وكمان حته موزة تخبل وكمان محجبة خسارة في امه
جيرمين: قعدت علي السرير وهي حزينه. اشمعن اتجوز دي وليه مفكرش يتجوزني انا بعد اللي عمله معايا.

زياد: علشان غبية. وانا وقتها حزرتك منه وقلتلك اني بحبك وهتجوزك بس انتي اللي سيبتيني وروحتيلوا وبعد ما اخد اللي هو عايزه رماكي وخلاكي ملطشة لصحابه
جيرمين: عيطت. كفاية يا زياد اسكت
زياد: لا مش هسكت. علشان لو كنتي حافظتي علي نفسك كان زمانك مراتي مش جايبك أقضي معاكي يومين.
جيرمين: انا غلطانة اني وثقت فيك وحكتلك كل حاجة وقربت منك.

زياد: لا متكدبيش علي نفسك. انتي جتيلي علشان كنتي عارفة اني بحبك. وفاكرة اني ممكن اتجوزك. لاكن انا لو بموت فيكي مش ممكن اتجوزك بعد ما سلمتيلوا نفسك. بس والله لهردهالوا. وانكد عليه عيشته وانتي هتساعديني
جيرمين: انا ازاي. لا ابعدني عنه
زياد: بسخرية. ايه لسة بتحبيه. وقلبك مش مطاوعك تأذيه
جيرمين: بينها وبين نفسها. اه بحبه بس هو جرحني وباعني.

زياد: بغيظ. مسكها من ذراعها وهزها. ساكته ليه. لسة بتحبيه يا شيخة حرام علكي. انتي ليه رخيصة كدة. كل اللي عمله فيكي ولسة باقية عليه. حتى بعد ما تجوز.
جيرمين: بتعيط. اي ايدي يا زياد خلاص قولي اعمل ايه وانا اعمله.
زياد: هقولك احنا هنتبتديها بقرصة ودن هنا ولما نرجع بقي هظبطلوا مصيبة علي كيفي. اسمعي..
(في القاهرة في مكتب سامح).

سامح متوتر وبيفكر. هو انا بس عايز اعرف انا اعجبت بندي علشان هي فعلا عجبتني ولا لانها شبه نغم ولا علشان اختها ولا ايه بس. اوففففف يارب انا متلخبط. لا بس انا اعجبت بيها هي شغلتني بيها وعمال افكر فيها
وابتسم. بس عسسل ورقة اوي. طيب ما اكلمها واحاول اقرب منها وساعتها هعرف اذا كنت بحبها فعلا ولا لا. ايوة ما اخت رقمها من مهاب. وطلع سامح تليفونه وكلم ندي..
ندي: لقت رقم غريب. ألو.

سامح: يا قلبي اللي اتوجع ايه الوا دي بس حرام عليكي. احلي الو سمعتها في حياتي.
ندي: عرفت صوت سامح وابتسمت بس ما بيتنش. مين اللي بيتكلم
سامح: لا كدة انا ازعل. معقول مش عارفة صوتي.
ندي: لا معرفش ولو مقولتش انت مين هقفل التليفون
سامح: لا استني بس هقولك. انا سامح
ندي: ابتسمت. سامح مين بالظبط
سامح: بغيرة. نعم وانتي تعرفي كام سامح ان شاء الله.
ندي: بتكتم ضحكتها. ااااه المقدم سامح.

سامح: اه هو. قوليلي بقي تعرفي حد تاني اسمه سامح ولا حاجة
ندي: لا معرفش. انا بس كنت بسأل. طيب حضرتك عايز ايه
سامح: انا اه كنت عايز اطمن علي مهاب
ندي: بتكتم. ضحكها. وانت متصل بيا تطمن علي مهاب. ومكلمتوش هو ليه
سامح: اصل انتي عارفة بقي واحد بيقضي شهر العسل. محبتش اكلمه واغلس عليه قولت اكلمك واطمن منك.
ايه ضايقتك.

ندي: في سرها ضيقتني ايه بس ده كنت هموت وتكلمني. احممم لا خالص بس كنت مستغربة. وكمان مش عارفة انت جبت رقمي منين
سامح: لا عادي دي حاجة سهلة المهم اني مش بضايقك بإتصالي.
ندي: ابتسمت. لا مفيش مشكلة وعموما انا لسة مكلمة نغم من شوية وقالتلي انهم كويسين ومبسوطين
سامح: ابتسم. عقبالي كدة لما ابقي كويس ومبسوط
ندي: هو انت خاطب
سامح: بخبث. تؤتؤ بس بفكر
ندي: قلبها دق وفرحت. احمم ويا تري مين العروسة.

سامح: والله انا لسة بظبطها علشان تحن وتوافق. اصلي خايف لترفضني
ندي: اتنطتت في مكانها. اممم ربنا معاك بس اكيد هتوفق.
سامح: بجد شايفة كدة يعني انا مثلا لو اتقدمتلك توافقي
ندي: تنحت اااانا. احمم ايه مش عارفة.
سامح: هههههه مالك اتلخبطي ليه.
ندي: معلش انا هقفل علشان ماما عايزاني
سامح: استني بس هقولك. انتي مينفعش تنزلي تقابليني ونتكلم شوية
ندي: انا ليه ونتكلم في ايه
سامح: عادي اهو نتعرف علي بعض.

ندي: لا انا مبخرجش مع حد وكمان اقول لماما ايه خارجة مع المقدم سامح صاحب مهاب. ابسط حاجة هتقولي ليه بصفته ايه
سامح: ههههههه اه يا بنت الليذين. ده انتي بتدبسيني بقي
ندي: اتغاظت. نعم وادبسك ليه انا بقولك اللي هيحصل
سامح: هههههه لا متزعليش انا بهزر. بس اوعدك قريب اوي هيكون ليا صفة وصفة جامدة اوي
ندي: ابتسمت. طيب باي
سامح: طيب ممكن تقوليلي باي يا سامح.
ندي: ههههههههههه
سامح: لا بلاش الضحكة دي انا مش هتحمل.

ندي: برقة. باي يا سامح
سامح: لا وربنا انا كدة ممكن اتهور واحصل مهاب قبل ما يرجع من شهر العسل
ندي: اتكسفت. باي بقي
سامح: ماشي بس ممكن ابقي اتصل بيكي علشان اطمن علي مهاب وعنين مهاب وحلاوة مهاب
ندي: هههههه اه ممكن يالا سلام
سامح: سلام يا عسسل.
وقفل سامح: لا انا كدة اتأكدت دي تهبل بنت الايه وعليها رقة. ومسح شعره وبسعادة اه يا فريال شكلك هتفرحي قريب.
(في برتوا السخنة).

مهاب واقف في بلكونة الشاليه وبيشرب سيجارة. ونغم دخلت وراه وحضنته. وهو ابتسم
نغم: كدة ستيبني لوحدي وقاعد هنا
مهاب: لفلها وحضنها. ابدا يا روحي بس كنت بشرب سيجارة ومحبتش اشربها جوة علشان مضايقكيش. وكمان القمر يجنن النهاردة
نغم: كدة يعني انا احلي ولا القمر
مهاب: هههههه لا انتي احلي
نغم: بجد طيب ايه احلي حاجة فيا
مهاب: ليه السؤال الصعب ده اصلك كلك حلوة مفكيش غلطة
نغم: ههههههه لا والله.

مهاب: ههههههه اه والله. هو انا مش باين عليا اني متجنن بيكي ولا ايه
نغم: بدلع. اممم مش قوي
مهاب: كدة. طيب تعالي اسمعك أغنية حلوة تقولك انا بحب فيكي ايه وبعدين هثبتلك بطريقة تانيه. اوك
نغم: اوك عايزة اسمع.

مهاب شغلها اغنية شقيه شوية وجميلة وكانت لحماقي (احلي حاجة فيكي)( عارفة احلي حاجة فيكي ايه. بتحلي اي شئ عنيكي تيجي فيه. قمر ده ايه اللي تتاساوي بيه. وتعالي اقولك احلي حاجة فيكي ايه واللي انتي فاهمة قاصدي واللي بالي فيه. فيكي اللي ياما انا حلمت بيه. ليالي يالا انشاله اموت في هواكي انشاله. ده كتير عليا الحب ده والله. هتمني اكتر من كدة ايييه. حد بالبرائة دي مفيش ولا في الغلاوة دي انا معنديش. انا كلي ليكي متكدبيش. عليكي قلبي عقلي روحي عمري كلهم مش هردهم عمري. ولحد اخر يوم في عمري. شاريكي والله. ويالا انشاله اموت في هواكي انشاله ده كتير عليا الحب ده والله هتمني اكتر من كدة اييييه).

مهاب كان حاضنها وبيملس علي شعرها وهي بتسمعها.
مهاب: هاه عرفتي انا بحب فيكي ايه.
نغم: ابتسمت اه عرفت. بس لسة الاثبات
مهاب: ضحك ضحكة عالية. هههههههههه مش بقولك بقيتي شقية فين الكسوف بتاع زمان خلاص راح موسم الطماطم
نغم: ضربته في كتفه. غلس انا غلطانه
مهاب: تؤتؤ يا روحي مش غلطانة
وحاوطها بإيديه وشالها.
نغم: ايه رايح فين
مهاب: بخبث. مش انتي عايزة الاثبات انا هثبتلك. يا حبيبتي واعرفك انا بحب فيكي ايه..

(في فيلا الدكتور حسين)
أدم بيتكلم في التليفون مع حد مش مصري ودخلت دولت. وبعد ما خلص
دولت: كنت بتكلم مين يا حبيبي وسفر ايه اللي كنت بتتكلم عنه
أدم: اتنهد. ابدا دكتور تشارلي. عايزني اروح ادرس في الجامعة هناك في لندن وكمان اشتغل معاه في المستشفي بتاعته
دولت: بقلق. تسافر طيب وانت قولتله ايه
أدم: والله مش عارف انا محتار يا ماما.

من ناحية عايز اسافر وابعد وانسي نغم ومهاب وكل حاجة حصلت. ومن ناحية قلبي مش مطاوعني ابعد عنها عايز افضل جنبها انتي عارفة مهاب
ممكن يغدر بيها في ثانية وانا لازم اكون معاها مش ممكن اسيبه يبهدلها
دولت: أدم انت اعقل من كدة. مش ممكن تدخل بين راجل ومراته. وبعدين مفتكرش ان مهاب ممكن يأذي نغم ولا يغدر بيها ده بيحبها جدا وده واضح. انسي بقي يا أدم وخليك في حياتك بقولك ايه سافر يا أدم وكمل هناك في لندن.

أدم: انتي اللي عايزاني اسافر يا ماما ده انتي ايام الدراسة كنتي طول الوقت قلقانة وعايزاني ارجع دلوقتي بتقوليلي سافر.
دولت: ايوة انا اللي بقولك. انا اتحمل بعدك بس متحملش اشوفك بتتوجع كل يوم وهما قصاد عنيك. قلبي بيوجعني عليك
أدم: اتنهد. هفكر هفكر يا ماما واشوف هعمل ايه.
دولت: ربنا يريح بالك يا حبيبي. تصبح علي خير
أدم: بإبتسامة وجع. وانتي من اهله يا حبيبتي.

وقعد يفكر أدم في حاله واللي وصله وبيسأل نفسه هو العيب فيه ولا في اللي حبهم وهما محسوش بيه. وقعد سمع أغنية تعبر عن حالته واللي بيفكر فيه. وكانت (لحماقي من ضيقتي)( مستني اللحظة اللي هقول فيها خلاص انا فوقت كتر التفكير.

كان فادني بيه غير اني تعبت. وسواء كان كدة او كدة كله بيتنسي بالوقت. في الدنيا انا شوفت بعيني اللي مشفهوش ولا حد. كان في اسألة جوايه لا ليها جواب ولا رد. من ضمنها ليه مبقاش في حد بيحب بجد. بيا ومن غيري هتمشي فرحت انا ولا بكيت. مين فاكر ليا ان انا ضحيت وكتير اديت. والله انا منسي خلاص زي ما حبيت ونسيت. مضحكتش يوم علي نفسي وقولت كلام مش فيا. ولا يوم فكرت اتمني حاجات اصلا مش ليا. من وجهة نظري الدنيا دي فعلا جاية عليا. مشكلتي بس اننا عايش بس ده مش زمني ووقتي. وفي قلبي حاجات تعباني وهم كبير فوق طاقتي. وسامحني يا رب كلامي ده كان احساس من ضيقتي).

رواية ترى يا قلب أحببت من؟ للكاتبة ريحانة الجنة الفصل الثامن عشر

في الصباح في شاليه مهاب ونغم نغم صحيت ولقت مهاب حضنها ابتسمت وحاولت تشيل ايده بالراحة بس اول ما شالتها لقته حضنها تاني وقربها اكتر
نغم: ههههههه ايه ده انت صاحي
مهاب: ابتسم وهو بيملس علي شعرها بحنيه. من بدري بس كنت بتأمل كل تفصيلة فيكي. ومحبتش اصحيكي
نغم: ابتسمت. هو انت لسة بتتامل مزهقتش مني بقالي معاك اسبوع بحالو.

مهاب: اسبوع وعايزاني ازهق. والله ولو بعد 100 سنة عمري ما ازهق منك. انا مصدقت لقيتك واتجوزتك. تعرفي يا نغم انا عرفت ستات كتير بس انتي ليكي طعم تاني مختلفة بحس اني مش عارف اشبع منك
نغم: اه يا ربي انا دلوقتي اتاكدت اكتر ليه الستات كانت بتحبك.
مهاب: هههههههه ليه هو انتي فاكرة اني عمري قلت الكلام ده لحد قبلك
نغم: اومال كنت بتقولهم ايه.

مهاب: يا حبيبتي انا كانوا بيقولولي لكن انا عمري ما قلت كلمة اعجاب ولا حب لاي واحدة. مكنتش بلاقي اللي تستاهل. لكن انتي حبيبتي
نغم: طيب انا المفروض دلوقتي قلبي يتحمل كلامك ده يعني. ومهاب بنفسه بيعترفلي اني حبيبته الوحيدة اللي عمره ما قال لغيرها كلمة حلوة ازاي بس
مهاب: امممم. لا لو علي قلبك ده سيبهولي وانا اخليه يتحمل
نغم: ازي
مهاب: هقولك..
نغم: هههههههههههه طيب ممكن تسيبني بقي انا عايزة افطر.

مهاب: طيب ما احنا هنفطر اهو
نغم: ههههههه لا بجد جعانة
مهاب: اموت واعرف انتي بتودي الاكل ده فين بتكلي ومش بيبان عليكي يخرب عقلك.
نغم: يا حبيبي اهم وجبة في اليوم كله هي الفطار. علشان الجسم يبقي نشيط. ويحرق كويس
مهاب: اممم. تمام تعالي بقي لما افطرك فطار يشبعك لحد بالليل..
نغم: ههههههه لا والله ابدا. و قامت تجري منه
مهاب: كدة طيب والله ما انا سايبك. تعالي هنا وقام جري وراها..

بالليل مهاب ونغم قاعدين يتعشوا مع بعض في المطعم وبيتكلموا وجات جيرمين من ورا مهاب وحضنته من رقبته وباسته كتيييير.
جيرمين: حبيبي وحشتني اوي يا هوبا
نغم: فتحت عنيها وتنحت ?
مهاب: قام ولف بسرعة يشوف مين دي لقاها جيرمين.
وللعلم جيرمين جمييييلة جدا بنت بيضاء وبشعر اصفر خلاب وعيون خضراء تجنن وجسم ممشوق علي الاخر.
مهاب: احممم. جي جي انتي بتعملي ايه هنا
جيرمين: اتعلقت في رقبته. مش ممكن وحشتني جي جي دي منك اوي.

مهاب اصلا جيرمين كانت عاجباه زمان بس لما سلمته نفسها قبل كدة بقت بالنسبة ليه زيها زي غيرها بس لسة بتعجبه.
مهاب: بص لنغم وابتسم بإحراج. ايه اللي جابك هنا يا جيرمين
جيرمين: ابدا بقضي يومين كدة بس مصدقتش نفسي اول ما شوفتك يا روحي
مهاب: بيوشوشها. خفي الله يخربيتك
جيرمين: قربت منه وحشتك
نغم: قامت من مكانها وماشية
مهاب: مسك ايديها. نغم انتي راحة فين.

نغم: بنرفزة. قولت اسيبك تاخد راحتك مع الهانم علشان تعرف تسلم عليها براحتك
مهاب: نغم. جي جي صديقة مش أكتر
صح يا جي جي
جيرمين: بصت لنغم بقرف. مين دي يا هوبا
مهاب: مسكها من ذراعها وضغط عليها
لا بقولك ايه دي تبقي مراتي يعني لو بصتلها كدة تاني والله اوريكي مقامك فاهمة
نغم: ابتسمت وبصت لجيرمين بنصر
جيرمين: كدة يا مهاب ده انا الحب الاول. تعمل معايا كدة. وكمان تتجوز.

وهنا ابتدت جيرمين تعيط بجد. مش تمثيل زي ما كانت متفقة مع زياد الكومي.
جيرمين: بتعيط ليه يا مهاب انا كنت بحبك ليه سيبتني واتجوزت واحدة تانية
مهاب: حس انها صعبت عليه. خلاص يا جيرمين كل حاجة خلصت من زمان وانا عمري ما وعدتك بحاجة يبقي ملوش لزمة اللي بتعمليه ده ودلوقتي عن اذنك ومسك ايد نغم ومشي وطلع الشاليه
(في شاليه زياد)
زياد: ههههههههه حلو اوي اللي حصل ده.

جيرمين: بحزن هو ايه اللي كويس كسرة قلبي ولا الكلام اللي يوجع اللي سمعته منه. ولا انا فضل عليا واحدة تانيه وكمان قالهالي في وشي ولا اني بقيت لعبه في ايدك. تلعب بيها مع مهاب
زياد: بسخرية. اللي يسمعك كدة ميقولش انك اصلا كنتي لعبه بيلعب بيها مهاب. وكان عجبك وعلي مزاجك. جات عليا انا بقي ولا ايه
جيرمين: وتفتكر بقي اللي حصل ده هيعمل حاجة انت عارف مهاب ممكن يقدر في ثانية يخليها تنسي اللي حصل.

زياد: ههههههه وانتي فاكراني بقي خليتك تعملي كدة علشان مراته تتخانق معاه
جيرمين: اومال كنت تقصد ايه
زياد: بخبث. انا خليتك تعملي كدة علشان مراته تشوفك وتعرفك علشان اللي ناوي اعمله لما نرجع القاهرة
جيرمين: وانت ناوي علي ايه بقي مش فاهمة.
زياد: لما نرجع هبقي اقولك. بس انا عايزك كل لما تلاقيهم مع بعض هنا اليومين دول تخليها تشوفك وكمان عايز مهاب يشوفك ويحن لزمان. واظن دي حاجة علي مزاجك ولا ايه.

جيرمين: اتنهدت. وهزت راسها
(في شاليه مهاب ونغم)
مهاب: وبعدين يا نغم انا مش عارف انتي عاملة مشكلة ليه بس
نغم: بصوت عالي والله عايزني اشوف واحدة حاضنه جوزي وبتحب فيه وهو مبسوط ومعملش مشكلة
مهاب: بغضب. صوتك ميعلاش فاهمة
نغم: لا هعلي صوتي. ايه مش عايزني اغير كمان.

مهاب: مسح وشه بإيده مش عايز يتعصب عليها. نغم قولت صوتك ميعلاش واظن انا قلتلك قبل كدة اني ممكن اتعصب عليكي بشكل مش هيعجبك لو صوتك علي او رديتي عليا
متخلنيش اعمل حاجة انا مش عايز اعملها
نغم: اللي هي ايه بقي
مهاب: نغم شكلك طالبة معاكي خناق. انا نازل تحت لما تفوقي لنفسك وتعرفي تتكلمي معايا ابقي اطلع
نغم: انهارت وعيطت. روح تلاقيك عايز تنزل للهانم ام شعر اصفر ما انت واضح ان وحشتك الرمرمة.

مهاب: جز علي سنانه. يا نغم اتلمي احسن ليكي
نغم: ماشي خلاص هسكت ما انا مليش اني اتكلم ولا اغير. المفروض اعيش خارسة زي ما قلتلي قبل كدة.
ما انت مهاب محدش يتنفس معاك.
مهاب: اتضايق لما لاقاها بتعيط ومن كلامها وكمان انب نفسه علشان هو كان المفروض يحتويها مش يتعصب عليها. قرب منها علشان يحضنها لقاها خافت وبعدت
مهاب: مالك يا نغم انتي خايفة مني
نغم: بتعيط. افتكرتك ممكن يعني.

مهاب: استغرب. ايه يا نغم معقول افتكرتيني ممكن اذيكي
نغم: مش انت قلت دلوقتي انك ممكن تعمل حاجة مش عايز تعملها.
مهاب: انتي متخيلة اني ممكن امد ايدي عليكي يا نغم انا اضربك
نغم: عيطت اكتر. اصل انت مش شايف نفسك متعصب ازي
مهاب: شدها وحضنها. اوعي تفكري اني ممكن اعمل كدة. انتي حبيبتي. حقك عليا مكنش قصدي اتنرفز عليكي
نغم: هو انا مش من حقي اغير عليك.

مهاب: طبعا يا حبيبتي من حقك غيري زي ما يعجبك. بس انا مكدبتش عليكي. وانتي عارفة اني كنت بعرف ستات قبل كدة. وانتي الفترة اللي جاية ممكن تتعرضي للموقف ده تاني. يبقي بقي كل مرة نتخانق علشان واحدة زبالة عايزة تنكد علينا
نغم: بعني هي مش عجباك وكنت عينك هتطلع عليها
مهاب: ابتسم بخبث. بصراحة هي صاروخ
نغم: عضته من ايده.
مهاب: اه يا مجنونة. كدة بتعضيني
نغم: اه بعضك. والمرة الجاية اللي تقول كدة قدامي هكلك بسناني.

مهاب: قربها وحصنها. وانا تحت أمرك. كليني
نغم: ابتسمت بعتاب. يا سلام اضحك عليا.
مهاب: تؤتؤ انا لسة هضحك. عليكي
نغم: لا انا لسة زعلانة
مهاب: طيب ممكن اصالحك
نغم: سكتت.
مهاب: تعالي. تعالي
نغم: لا انا عايزة ادخل اخد حمام. حاسة ان الزفته دي خلت دماغي تغلي
مهاب: وانا ميرضنيش. تعالي انا جاي معاكي
نغم: هاها لا لوحدي
مهاب: وحياتك ما هيحصل انا جاي يعني جاي
نغم: جريت بسرعة علي الحمام.

مهاب: هههههههه هجيبك. وجري وراها ولحقها قبل ما تقفل الباب. ودخل وقفل الباب..

وقضي مهاب مع نغم باقي الاسبوع هناك وكانوا كل لما يشوفوا جيرمين. يتجاهلوها. ومهاب فهم نغم انها تنسي خالص وتتأكد انه بيحبها هي والدليل انها الوحيدة اللي اتجوزها. ورجعوا القاهرة وعدي كام شهر وابتدي التكليف بتاع نغم ومهاب بعلاقاته. خلي التكليف بتاعها في مستشفي قريبة منهم علشان يبقي مطمن عليها وكان بيوصلها كل يوم الصبح ويرجع يرجعها البيت ويرجع تاني شغله. ونسيوا زياد وجيرمين بس زياد كان في مأمورية ومش ناسي مهاب وبيظبطلوا مصبيبة يبوظ بيها علاقته بنغم.

وكمان ابتدت الدراسة. وسامح كان من وقت للتاني بيكلم ندي فون ويحاول يقرب منها وهي كانت معجبه بيه جدا ومع الوقت حبيته وهو كمان حبها جدا واتعلق بيها بس كان خايف تكون بس معجبه بيه وبإهتمامه بيها ومتوفقش تتجوزه علشان يعني هو اكبر منها. بس في يوم قرر انه لازم يكلمها ويعرف رأيها وفعلا راحلها اليوم ده عند الجامعة. وكلمها في الفون..
ندي واقفة مع اصحابها ايمان ورشا. ولما الفون رن ولقت رقم سامح فرحت.

ندي: يا بنات سامح بيتصل
إيمان: طيب ردي عليه
ندي: احمم الو.
سامح: الو ازيك يا ندي.
ندي: الحمد لله انت عامل ايه
سامح: انا بكون كويس لما بسمع صوتك
ندي: ابتسمت. وسكتت
سامح: هههههههه. ماشي مترديش. قوليلي انتي في الجامعة صح
ندي: اه في الجامعة
سامح: طيب خلصتي محضراتك ولا لسة.
ندي: اه خلصت وكنت مروحة بعد شوية
سامح: طيب بصي انا واقف برة الجامعة. تعالي علشان عايزك في موضوع مهم
ندي: اتنطتت وقلبها دق. تمام خلاص جاية.

سامح: بس متتأخريش
ندي: لا مش هتأخر. سلام
ندي: الحقوني قلبي هيقف. سامح برة الجامعة وعايزني في موضوع مهم
رشا: لا بجد. ده انا هموت واشوفة. اصلي مجيتش فرح نغم وملحقتش الفيلم من اوله. تعالي وريهولنا بسرعة
ندي: تعالوا. بس والله واحدة فيكم تعاكسوا هخنوقها
إيمان: اه يا رشا ده حته موز يلوح
ندي: زغدتها. كدة طيب خليكي هنا بقي
إيمان: لا لا خلاص. جاين من سكات.

وخرجت ندي واصحابها ولما قربت من سامح. كان هو واقف مستنيها وساند علي عربيته.
ندي: اهو هو ده
رشا: مش ممكن اللي لابس نظارة شمس ده
ندي: ايوة هو
رشا: لا حد يسندني هيغمي عليا. يخربيتك حظك مولع ايه ده بس
ندي: بتجز علي سنانها. اتلمي بقي بلاش فضايح. يالا سلام انا رايحالو.

وندي لما قربت من سامح لقت فيه 4 بنات واقفين قريب منه وعنيهم عليه ومعجبين بيه جدا بس هو مكنش واخد باله كان مركز علي ندي لحد ما يشوفها. ولما راحتلو قرب عليها وابتسم
سامح: ايه يا ندي اتأخرتي ليه
ندي: بغيظ. عادي ما انت واضح انك كنت بتسلي نفسك
سامح: عقد حاجبه. مش فاهم بسلي نفسي ازاي
ندي: مش واخد بالك حضرتك من اللي واقفين جنبك دول وعنيهم هتطلع عليك.

سامح: بص علي البنات ورجع بصلها وابتسم. ايه تكونيش بتغيري عليا ولا حاجة
ندي: ايه لا وانا اغير عليك ليه.
سامح: بص حاواليه. ومسك ايديها طيب تعالي نروح مكان نشرب حاجة علشان عايز اتكلم معاكي
ندي: اتكسفت وقلبها دق لما مسك ايديها. هزت راسها. حاضر
سامح: ابتسم وفتحلها وركبها وركب وراح مكان هادي في المقطم ووقف العربية. ندي خافت
ندي: ااانت جيت هنا ليه
سامح: ههههههه مالك خوفتي ليه ايه خايفة اغرر بيكي ولا ايه.

ندي: ايه لا طبعا انا مبخفش. بس انت قلت هنقعد في مكان نشرب حاجة
سامح: اتكلم معاكي الاول وبعدين اشربك اللي انتي عايزاه بس نتكلم الاول
ندي: اتفضل اتكلم
سامح: احمم. الاول عايز اسألك سؤال
انتي ايه رأيك لما اتنين يرتبطوا ببعض وفي فرق سن بينهم مثلا 10 سنين كدة وممكن اكتر تفتكري حاجة كويسة ولا لا
ندي: ابتسمت. عادي اصلها مش بالسن
سامح: اتنفس. حلو اوي اومال بإيه.

ندي: يعني المهم يكونوا متفاهمين وعايزين بعض والاهم انهم اااه
سامح: ايوة الاهم ايه بقي
ندي: احمم يعني انهم يكونوا بيحبوا بعض
سامح: ابتسم طيب انا عايز اقولك علي حاجة
ندي: اتفضل قول
سامح: طيب ممكن تبصيلي وانا بقولها
ندي: قلبها عمال يدق ومكسوفة وبصتله اهو قول بقي
سامح: بحبك يا ندي من اول ما شوفتك وانا بحبك
ندي: حطت ايديها علي وشها وهي هتموت من السعادة.

سامح: هههههه مالك خبيتي وشك ليه بس. ومسك ايديها وشالها من علي وشها. بصيلي وردي عليا
ندي: ارد اقول ايه بس
سامح: هي كلمة من الاتنين بحبك او مش بحبك هاه قولي بقي نشفتي ريقي
ندي: غمضت عنيها. وقالتها. بحبك بحبك اوي كمان
سامح: يا عسسل انتي ايوة بقي كنت خايف تكوني مش بتحبيي واكون جيت غلط
ندي: ابتسمت. لا مش غلط
سامح: باس ايديها. يعني يا ندي مش هيجي يوم وتندمي انك اتجوزتي واحد اكبر منك بالفرق اللي بينا ده كله.

ندي: هزت راسها لا طبعا عمري ماهندم. انا لو هندم هندم اني مقبلتكش من زمان
سامح: هههههههه ده علي اساس اني كنت اروح اخدك من الحضانة صح
ندي: اتغاظت. هنلغبط بقي من اولها لا بقولك ايه انت متعرفنيش انا مجنونة
سامح: ههههههه لا خلاص واضح فعلا انك مجنونة. بس بجد بقي انا اللي ندمان اني مشوفتكيش من اول ما مهاب اتقدم لنغم كان زمانة متجوزين دلوقتي.
ندي: لا طبعا مش لما اكمل 21 سنة تبقي نتجوز.

سامح: خبط راسه بإيده. يا نهار مش فايت لهو انا هستني لحد لما تكملي 21 سنة ده ممكن اموت
ندي: هههههههههههه
سامح: بتضحكي. لا مش هينفع بصي انا ممكن اخطفك عادي لحد لما تتميهم وبعدين ارجعك ونعمل فرح ايه رأيك
ندي: ههههه امم افكر
سامح: عض علي شفايفه. اه يا بنت اللذين انتي شكلك هتطلعيهم علي جتتي.
ندي: ممكن تروحني بقي اتأخرت
سامح: غمزها. متخلينا شوية
ندي: لا كفاية كدة علشان ماما متقلقش عليا.

سامح: وانا ميرضنيش قلق ماما تعالي اروحك. وعلي فكرة انا هكلم مهاب واخليه يحدد معاد مع مامتك واتقدملك. واهو نعمل خطوبة لحد لما الحظر يتفك.
ندي: هههههه ماشي.

ووصلها سامح وكلم مهاب وحدد معاد واتقدم لندي وفعلا حصل قبول وحددوا معاد الخطوبة وفي يوم نغم كانت عند مامتها بتجهز مع ندي لخطوبتها وطبعا مش ممكن تمشي الا لما مهاب يروح ياخدها. ومهاب كان في اليوم ده رجع البيت لوحده يخاد حمام ويلبس ويروح لنغم. بس وهو لسة بيلبس الجرس رن. ومهاب راح يفتح. اتصدم ?
مهاب: جيرمين انتي ايه اللي جابك هنا
جيرمين: زقته ودخلت. ايه موحشتكش.

مهاب: بعصبية. جيرمين بقولك ايه متعمليهمش عليا فكك من الحوار ده قلتلك
جيرمين: اتعلقت في رقبته. تؤتؤ انت وحشتني اوي اوي ومش ممكن هفكني من الحوار ده انا لسة بحبك وعارفة انك لسة جواك حاجة ليه.
مهاب: كان فعلا معجب بيها وحس انه ممكن يضعف. جيرمين انا خلاص اتجوزت شوفي حالك بعيد عني. وشال ايديها وبعد عنها.

جيرمين: قربت منه تاني. طيب ما انا عارفة انك اتجوزت. بس ايه اللي يمنع انك تكون معايا واوعدك محدش هيعرف. مهاب انت عايزني وبتكابر
مهاب: جيرمين بقولك ايه امشي دلوقتي
جيرمين: حضنته لا بقولك وحشتني وانا كمان عارفة ان مراتك مش هنا.

مهاب: حس انها وراها حاجة. اتعصب ومسكها من شعرها. قولي كدة بقي ناوية علي ايه يا جيرمين تمام وحيات امك لربيكي تعالي وفتح الباب علشان يخرجها بس المفاجأة انه لقي نغم ونغم اتصدمت لما شافت مهاب من غير القميص بتاعه وجيرمين خارجة من الشقة دموعها نزلت ورجعت لورا
مهاب: اتخض عليها علشان السلم وراها وخاف تقع. نغم استني اوعي تقعي.

نغم: كنت من الصدمه مش سامعة بترجع وهي مصدومة ورجلها فلتت ووقعت علي السلم واغمي عليها
مهاب: جري عليها نغم. نغم فوقي يا نغم. اه يا بنت الكلب انتي السبب والله لوريكي هعمل فيكي ايه
جيرمين: جريت بسرعة علي تحت وهي خايفة من مهاب
مهاب: شال نغم بسرعة وطلع بيها علي المستشفي. وهي غايبة عن الوعي ودماغها بتنزف.

رواية ترى يا قلب أحببت من؟ للكاتبة ريحانة الجنة الفصل التاسع عشر

(في المستشفي عند أدم)
مهاب مستني نغم برة أوضة العمليات واول لما خرج أدم جري عليه
مهاب: أدم قولي نغم عاملة ايه حصلها ايه
أدم: بغيظ وجدية. ممكن تيجي معايا علي المكتب
مهاب: مكتب ايه دلوقتي انا عايز اطمن علي نغم
أدم: وهو مين اللي عمل فيها كدة. اسمع تعالي علي المكتب علشان صوتنا ميعلاش
وراح مهاب مع أدم علي مكتبه
مهاب: ممكن تبطل برود بقي وتقولي مراتي حصلها ايه.

أدم: ممكن انت تقولي نغم حصلها ايه ومين اللي وقعها كدة
مهاب: بعصبية. هو انت بتحقق معايا. رد عليا نغم عاملة ايه بدل والله اروح ادخلها العمليات. انا مش ناقص برود الدكاترة ده.
أدم: والله ما حد بارد غيرك يعني تبهدلها وكمان مش عايز حد يسألك.
مهاب: انا خارج اطمن عليها انا مش ناقصني ارفك.

أدم: استني. نغم الحمد لله ربنا سترها معاها واضح انها وقعت علي رجلها الاول قبل ما دماغها تتخبط كان ممكن يجيلها ارتجاج في المخ. بس رجلها حصلها شرخ بسيط. وهتتجبس اسبوعين. والجرح اللي في راسها الحمد لله سطحي. بس طبعا جسمها كله كدمات واضح انها وقعت من مكان عالي.
مهاب: جز علي سنانه ومسح شعره بغل. اه يا بنت الكلب ورحمت ابيويا لفرمك. أدم طيب هي دخلت العمليات ليه وليه انت مش معاها.

أدم: علشان انا مينفعش اكون معاها. مش تخصصي. نغم بتعمل عملية تنظيف وكحت
مهاب:؟ مش فاهم
أدم: نغم كانت حامل في شهر واسبوع
مهاب:! حامل ازاي انا كنت متفق معاها مفيش خلفة.
أدم: نعم ليه بقي تحرمها من انها تكون ام
مهاب: مش وقتك يا أدم. انا عايز اطمن علي نغم.
وخرج مهاب ووقف مستني نغم تطلع من العمليات.

ولما خرجت وراحت أوضتها قعد جنبها واتألم من الكدمات اللي في وشها وايديها وكمان رجلها اللي اتجبست. وراسها المجروحة ومربوطة
ملس علي شعرها بأسي.
مهاب: حبيتي. انا السبب في اللي. حصلك. بس والله ما حصل اللي انتي فهمتيه. بس وحياة اللي حصلك ما انا سايب بنت الكلاب دي في حالها أكيد هي اللي كانت مظبطة اللي حصل. بس انا مش عارف انتي جيتي ازاي بس من غير ما اجبلك انا قلبي بيقولي ان الموضوع في حاجة.

وفضل مهاب جنب نغم لحد ما ابتدت
تفوق. واول لما شافته عيطت ودارت وشها عنه.
مهاب: لفلها الناحية التانية. ومسك ايدها وحضنها. حبيبتي والله فهمتي غلط والله ما خنتك يا نغم.
نغم: واللي انا شوفته ده كان ايه
مهاب: ابدا والله كل اللي حصل اني كنت بلبس علشان اجيلك. وبعدين الباب خبط ولما فتحت لقيت جيرمين. اتفاجأت. ولما لقتها بتحاول تغريني صدتها والله. واول لما فتحت الباب علشان اخرجها لقيتك قدامي.

نغم: بتعيط. يعني مخنتنيش. اوعي يا مهاب الا انت متحملهاش منك
مهاب: مسح دموعها اللي كانت بتوجعه هو قبلها وباس راسها
ابدا يا روحي والله ما حصل حاجة نغم انا عمري ما دخلت واحدة من دول بيتي قبل لما اتجوزك. معقول اعملها بعد ما اتجوزتك. صدقيني يا نغم مخنتكيش.
نغم: مصدقاك. اعمل ايه في قلبي اللي موديني في داهية ده. شوفت حصلي ايه.

مهاب: كان بيضغط علي شفايفة من الغيظ. معلش انا عارف انتي اتبهدلتي بسبب العك اللي كنت بعكه زمان بس ملحوقة انا بقي هنيمها زيك كدة بس مش هيلقوا فيهاحتة تتعالج هخليها عبرة. بس حبيبتي انا عارف انه مش وقته
بس انتي ازاي نزلتي من غير ما انا اجياك وجيتي لوحدك.

نغم: هقولك. انا واحنا قاعدين مع بعض انا وندي بنختار القاعات علي النت وبنشوف الفساتين. لقيت رسالة جاتلي علي الفون ومعاها صورة. من جيرمين بتقولي يا ريت تتأخري شوية علشان انا ومهاب نقضي وقت اكتر مع بعض. وكانت متصورة صورة قصاد العمارة بتاعتنا وجنب عربيتك. اتغاظت أكتر. وبعتلها انتي كدابة.

لقتها بعتت صورة تانية قصاد باب الشقة اتجننت واخت شنطيتي ونزلت وروحتلك علي طول. انا اول ما شوفت صورتها كنت بموت وانا اصلا عارفة انها كانت عجباك.
مهاب: تمام كدة انا فهمت كدة شكلها مطبخة. بس دي مش دماغ جيرمين. اصل معني كدة انها اتصورت قصاد الشقة ونزلت تاني ولما لقتك قربتي طلعتلي علشان تيجي وتشوفيها معايا
قرب منها. شوفتي بقي انها لعبة وسخة معمولة علشان نخسر بعض
نغم: هزت راسها.

مهاب: ابتسم. طيب ايه بقي ماتخديني جنبك علي السرير ده
نغم: هههههه حرام عليك مش قادرة اضحك. تعبانة
مهاب: وانا مستعد دلوقتي اخليكي تجري زي الحصان.
نغم: لا انت اكيد مجنون. وانا كدة وكمان في المستشفي.
مهاب: لاسف مفيش حاجة ممكن تمنعني منك غير الشديد القوي.
نغم: اللي هو ايه بقي
مهاب: قرب منها. ومسك ايديها. نغم هو مش احنا اتفقنا نأجل الحمل لحد لما تخلصي التكليف وتعملي الماجستر.

نغم: لا عادي ده كان كلام بس ليه بتقول كدة
مهاب: يعني انتي مكنتيش تعرفي انك حامل
نغم: فرحت. انا حامل
مهاب: بأسي. كنتي حامل بس من الوقعة حصل اجهاض علشان الحمل لسة في اوله
نغم: غمضت عنيها وعيطت.
مهاب: حضنها. بس يا روحي الحمد لله انك بخير انتي اهم
نغم: ازاي وانتي بتقولي اني حته مني راحت بسبب اللي حصل ازاي بس. انا كنت حامل عارف يعني ايه كنت. حامل.

مهاب: عارف والله وزعلان زيك ماهو كان حته مني انا كمان. بس يا قلبي كفايه والله انا ممكن اصالحك دلوقتي ولا يهمني بقي عاملة عملية ولا لا انا مجنون
نغم: ابتسمت. اه ما انا عارفة بس بجد زعلت اوي يا مهاب
مهاب: متزعليش. الحمد لله ملناش نصيب فيه. سلامتك عندي بالدنيا واللي فيها بولاد بفلوس بكل حاجة انتي حياتي وقرب منها وباسها.
نغم: وبعدين لما حد يتخل بقي دلوقتي
مهاب: راح عند الباب. وقفله بالوك بتاعه.

نغم: هههههه والله انت مجنون. لما حد يفتح ويلقيه كدة يقول ايه
مهاب: طب يبقي حد يفتح بوقه وانا اوريه
نغم: ابتسمت. طيب مش كنت روحت تنام في البيت
مهاب: قلع التيشرت بتاعه. تؤتؤ انا هنام هنا جنبك..
(في عربية جيرمين)
جيرمين: بتتلكلم فون مع زياد
زياد: وانتي بقي سايبة شقتك وراحة لفين كدة.
جيرمين: بتعيط. راحة الشالية بتاع بابا اللي في الساحل الشمالي. انت عايزني استني لحد لما الاقيه جاي يموتني دي مراتوا كانت بتموت.

زياد: هههههه بتموت كل ده من وقعة المهم انه دلوقتي زمانه حالتوا زفت وهيتجنن.
جيرمين: ليك حق تضحك ما انت مش ظاهر في الصورة. بس والله يا زياد لو مهاب فكر يأذيني لهكون قايلالوا ان انت اللي ورا كل اللي حصل
زياد: وهو انتي فاكرة اني مش عايزه يعرف ده انا بنفسي هروح ازور المدام. بتاعته
جيرمين: بتعيط. انا مش عايزة اشوفك تاني ولا اسمع صوتك. انتوا كلكم كلاب اذا كنت انت ولا هو مش عايزة اعرفكم تاني فاهم.

زياد: لا وحيات اموك انتي نسيتي نفسك ولا ايه. مش زياد الكومي اللي تقوليلوا كدة. انا بس هسيبك يومين تغيري جو. لكن بعد كدة اول ما اطلبك الاقيكي احسن وحياة بابا رجل الاعمال المحترم. انزل ?يديوهاتك معايا كلها علي اليويت يوب من الصبح وانتي عارفاني اعملها
جيرمين: اتصدمت. هو انت كنت بتصورني يا زياد. عيطت اكتر. الله يخربيتك منك لله بس هتفضح نفسك عادي.

زياد: ههههه لا يا حلوة انا مش ظاهر انتي بس انا كنت عامل حساب اليوم اللي ممكن تبعدي عني فيه ده غير اني كان لازم انتقم منك علي رفضك ليا في الاول وجريك ورا مهاب. سلام يا حلوة وانتي حرة في اللي تعمليه
(في الصباح في المستشفي)
في غرفة نغم. نغم صحيت
ومهاب نايم علي السرير اللي جنب نغم والباب خبط.
نغم: مهاب، مهاب اصحي الباب بيخبط قوم بسرعة
مهاب: قام وهو مصدع. مين اللي بيخبط بدري كدة ايه الغلاسة دي.

نغم: هههههه ده علي اساس ان احنا في البيت مش في المستشفي.
مهاب: احنا حرين وانتي عارفة انا مجنون ممكن اسيب اللي بيخبط. يخبط راسه في الحيطة عادي
نغم: لا قوم افتح بس تلاقي حد بيطمن عليا
مهاب: قام فتح وهو اصلا مش مركز انه كان نايم وواخد راحته. ولقي أدم
مهاب: ايه يا ادم حد يصحي حد الصبح كدة هو مفيش راحة في المستشفي دي.

أدم: ? يا نهارك مش فايت ادخل بسرعة البس حاجة بالهوت شورت اللي انت لابسه ده انت في مستشفي مش في البيت
مهاب: بلا مبلاه. بص علي نفسه. عادي انا اقعد زي ما يعجبني
أدم: الله يخربيتك. روح البس وكمان حضرتك قافل الباب ليه. بجد انت انسان مستفز. روح البس ولما تخلص ابقي ابعتلي علشان اطمن علي نغم. وهوماشي. لف أدم تاني لمهاب وبضيق انسان بجح والله
مهاب: قفل الباب وهو بيضحك. هههههههه ادم ده فظيع بيتكسف زي البنات.

نغم: ههههههه بس بصراحة عنده حق انت بجح
مهاب: كدة طيب اتلمي بدل ما اوريكي البجاحة شكلها ايه. دلوقتي
نغم: لا خلاص. المهم البس بسرعة بقي قبل ما الدكتورة تيجي او حد من الممرضات وتشوفك كدة. والله اموتك
مهاب: ههههههه بس انا مبسوط كدة
نغم: والله اقوملك يا مهاب انا اصلا مش طايقاك من امبارح
مهاب: خلاص هلبس. بس انسي امبارح ده انتي خلاص فهمتي الحوار بقي
نغم: اتنهدت. فهمت ومش عارفة هفضل افهم كدة لحد امتي.

مهاب: قرب منهاو باس ايديها. نغم انتي عارفة اني بحبك فلو سمحتي متخليش حد يدخل بينا ويعكر الحب ده ارجوكي خلي عقلك كبير
نغم: هزت راسها. حاضر. هكبر عقلي.
مهاب: طيب انا هدخل اغسل وشي كدة وافوق واروح البيت اجيبلك هدوم واغير هدومي وارجع اخدك اتفقنا.
نغم: اتفقنا. بس متتأخرش عليا
مهاب: ابتسم لا يا حبيبتي مش هتأخر
وخرج مهاب من الاوضة وراح لأدم مكتبه
(في مكتب أدم).

أدم كان قاعد غيران ومتعصب من وقت ماشاف مهاب كدة مع نغم وهو جواه احساس مش عارف يخبيه ولا يتجاهلوا. ودخلت ليه دكتورة زميلته اسمها مديحة.
مديحة: مالك يادكتور أدم شكلك تعبان او مضايق
أدم: بضيق. لا ابدا بس مصدع شوية ارهاق مش أكتر
مديحة: قربت من ادم. أدم انت عرف انا بعزك قد ايه قول ايه اللي مضايقك
في الوقت ده مهاب فتح الباب ودخل ولما لاقهم قريبين كدة
مهاب: سوري يا جماعة شكلي جيت في وقت مش مناسب.

مديحة: اتحرجت. وبعدت عن أدم
أدم: اتغاظ من مهاب. لا عادي بس مش تخبط
مهاب: حقك عليا يا دومة بس انت ليه مش قافل باللوك
مديحة: بصت لأدم بإستغراب. ايه يعني ايه
أدم: جز علي سنانه معلش يا دكتورة مديحة مهاب اصله بيحب يهزر بس هزاره تقيل شوية
مهاب: كان بيكتم ضحكته.
مديحة: طيب عن اذنكم. وخرجت
مهاب: انفجر من الضحك. هههههههههههه. شكلكم يموت من الضحك وانتوا مكسوفين كدة.

أدم: بعصبية. تصدق انك بجد مستفز ايه اللي انت قولتوا ده. مش عيب
مهاب: وانا مالي انت اللي غشيم وسايب الباب مفتوح طب كنت اقفله بدل ما حد يقفشك
أدم: انت مجنون يا بني أدم انت. دي زميلة مش أكتر كل الحكاية اني كنت تعبان شوية وهي بتطمن عليا مش اكتر. ثم انا مش زيك بجح.
مهاب: هههههه يا ريتك يا اخويا كنت بجح مكنش بقي ده حالك.
أدم: يارب صبرني علي الانسان المتطفل ده.

مهاب: ماشي هعديها انا دي. بقولك ايه خلي بالك من نغم لحد ما ارجع انا رايح اجيب حاجات من البيت وجاي اوك
أدم: مهاب ممكن تقولي ايه اللي حصل لنغم
مهاب: اتنهد بنفاذ صبر. وقعت يا أدم وقعت من علي السلم
أدم: وايه اللي طلعها علي السلم مش فيه أسانسير
مهاب: اه فيه بس عادي وقعت قضاء وقدر سلام.
وراح أدم انغم أوضتها يطمن عليا. ودخل وهو مش متحمل يشوفها تعبانة قعد علي كرسي قريب منها
أدم: بإبتسامه سلامتك يا نغم.

نغم: الله يسلمك يا دكتور. الحمد لله
أدم: لا احنا بقينا زمايل دلوقتي تقوليلي يا أدم طول ما احنا بعيد عن الشغل. اتفقنا
نغم: بإبتسامة اتفقنا
أدم: قوليلي يا نغم انتي ايه اللي عمل فيكي كدة. اوعي يكون مهاب هو اللي عمل فيكي كدة
نغم: لا طبعا مهاب بيحبني ومش ممكن يأذيني ابدا انا بس اللي دوخت شوية وانا خارجة من الاسانسير ورجلي فلتت ووقعت علي السلم
أدم حس انها بتكذب. وان فيه حاجة تانية بس هي مش عايزة تتكلم.

أدم: ماشي يا نغم. بس عايز اقولك كلمتين وافهميهم كويس. انتي مش لوحدك انا وبابا وماما معاكي يعني لو في يوم مهاب زعلك. تيجي تقوليلنا واحنا هنعرف اذاي نجبلك حقك. احنا اهلك زي ما احنا اهله تمام فاهمة يا نغم
نغم: فاهمة. و ليك جدا يا دكتور أدم انت فعلا انسان نادر ومفيش منك
أدم: ابتسم. متشكر المهم بقي عايزك تخلي بالك من نفسك لحد ما تخفي وتقومي. عن اذنك عندي مرور لو احتاجتي حاجة ابعتيلي وانا اجياك علي طول.

ومامة نغم وندي وسامح وامجد راحوا لنغم المستشفي واطمنوا عليها وكل لما حد يسألها تقول نفس الكلام ومجبتش سيرة ابدا عن اللي حصل
ومهاب اخد نغم البيت ولما وصله البيت
مهاب: تعالي يا روحي ارتاحي في الاوضة
نغم: لا انا هدخل اخد حمام عايزة افوق من قعدة المستشفي
مهاب: حاضر يا حبيبتي تعالي وانا هساعدك.
واخدها مهاب وساعدها ولما خلصت قعدها علي السرير وجبلها السيشوار.
مهاب: اتفضلي يا روحي نشفي شعرك.

نغم: لا مش مهم انا مهمدة وايدي بتوجعني مش لازم
مهاب: لا بس شعرك مبلول كدة ممكن تتعبي. بصي خلاص انا هعملهولك
نغم: ههههههه هتعرف
مهاب: ههههههه هجرب فيكي.
نغم: بعتاب ويتري بقي عملت كدة لحد قبلي
مهاب: بنفاذ صبر. بقولك ايه ايه رأيك علي ما انا انشفلك شعرك. تسلي نفسك وتسمعي الاغنية دي ماشي
نغم: ابتسمت ماشي.

وشغلها مهاب الاغنية اللي بيعاتبها فيها علي انه من الاول قلها انه كان ليه علاقات كتير فمش كل شوية تأنبوا. وابتدي ينشفلها شعرها ويسرحهولها وهما بيسمعوا الاغنيه ومهاب يبتسم ويغمزها. وكانت أغنية لحماقي( انت بتعند معايا)( زعلان مني ليه حبيبي اوي كدة ومشيلني ذنبك. وده بقي سببه ايه حاجة غريبة اوي انا مجتش جنبك. انت بتعند معايا ليه بس ليه ومكبر الحكاية ليه بس ليه. حبيبي من البداية فاكر قولنا ايه. ولا انت شكلك مش هنا. انا لو جيت عليك. حبيبي انا كدة باجي علي حتة مني. واديني اهو براضيك انا حبيبك انا متزعلش مني. انت بتعند معايا ليه بس ليه ومكبر الحكاية ليه بس ليه حبيبي من البداية فاكر قلنا ايه ولا انت شكلك مش هنا).

وبعد لما خلصت ومهاب نشفلها شعرها وسرحها كمان. قعد قصادها
مهاب: حبيبتي والله بحبك ومحبتش غيرك. وعايزك تنسي اللي فات كله وتنسي اني كنت بعرف غيرك. كل اللي بيحصل ده من غيرتهم اني فضلتك عليهم. علشان خاطري ماتيدهومش فرصة يبوظوا حياتنا. ممكن يا حبيبتي
نغم: ابتسمت. ممكن بس لازم تعرف اني بحبك وبغير عليك وده غصب عني
مهاب: عارف يا روحي بس لازم نحاول ماشي
نغم: ماشي.

مهاب: طيب تعالي بقي انيمك في حضني انتي تعبانة ومحتاجة ترتاحي
نغم: ابتسمت. انا فعلا تعبانة. بس وانا في حضنك بنسي كل تعبي
مهاب: ابتسم وحضنها ونيمها وكان بيملس علي شعرها بهدوء لحد ما ناموا هما الاتنين.