رواية بريئة أحيت لي قلبي

رواية بريئة أحيت لي قلبي للكاتبة ريحانة الجنة الفصل العشرون

في المستشفي سجي و مازن و سامي مستنين مراد يخرج من العمليات و سجي كانت حتموت من العياط و من خوفها علي مراد. و فضل مراد 5 ساعات في العمليات لحد ما خرج الدكتور و كان بيكلم سامي و مازن و طبعا سجي مش فاهمة حاجة لانه بيتكلم إيطالي.
سجي: مازن هو بيقول ايه انا مش فاهمة.
مازن: بيقول ان مراد حالته خطيرة و العملية كانت صعبة و كمان قلبه وقف مرتين و رجعوه بالصدمة الكهربائية.

سجي: انهارت اكتر. يعني ايه مراد حيعيش ولا لا. انا عايزة اشوفه.
مازن: مش عارف هو بيقول انه حيفضل في العناية المركزة و كمان، و سكت.
سجي: كمان ايه هو لسة في حاجة تاني. اتكلم ارجوك.
مازن: مراد دخل في غيبوبة و مش عارفين اذا كان حيصحي تاني ولا لا.
سجي: ماستحملتش. و اغمي عليها...
بعد شوية سجي فاقت و لقت نفسها في أوضة و مازن قاعد يبكي و ماسك راسه بإيده.
سجي: مازن انا عايزة اشوف مراد. لوسمحت خدني ليه.

مازن: سجي لو سامحتي اهدي انا مضغوط مش عارف اعمل ايه اخاف علي اخويا اللي بين الحياه و الموت ولا اخاف عليكي. انتي مش حتستحملي تشوفيه و هو كده.
سجي: بتعيط. والله حستحمل بس اشوفه. انا مش حقدر اقعد و هو بعيد عني كده.
مازن: حاضر تعالي، و اخدها مازن للعناية المركزة. و طبعا كانوا واقفين من برة الازاز و ممنوع انهم يدخولوا.
سجي: كانت بتتقطع و هي شايفة مراد كدة. و مازن مكنش حاله يفرق كتير. و بعدين جه سامي.

سامي: مازن عايزك.
سجي: في ايه هو الدكتور قالك حاجة
سامي: لا ابدا انا بس عايز مازن في حاجة.
مازن: قول. سجي مراتوا و مش حخبي عليها حاجة.
سامي: تمام انا عايزكم تعرفوا ان مراد لسة في خطر و انتوا كمان لازم تسافروا في اقرب وقت. لو عرفوا ان مراد هو اللي ورا قتل زين و انه لسة عايش مش حيسبوه. لازم يرجع مصر و يبقي يكمل علاج هناك.
مازن: بس ده حالته خطيرة ازاي يسافر.

سامي: انا اتكلمت مع الدكتور و قالي ممكن يسافر في طيارة خاصة ومجهزة. المهم ده يحصل بسرعة.
مازن: انا حكلم فاروق يجي. هو اللي حيعرف يتصرف في الحاجات دي.
و كلم مازن فاروق و سافر فاروق بسرعة و جهزوا مراد و رجعوا بيه مصر و دخل المستشفي عند فاروق و فضل مراد في غيبوبة حاوالي شهر. و سجي ماكنتش بتسيبه ابدا ومعاه طول الوقت و قاعدة جنبه و مش بتروح البيت ابدا و نهي و مازن هما إلى بيجبولها كل حاجة.

و سجي كانت كل يوم تصلي قيام الليل و تدعي ربنا ان مراد يعيش و يرجع تاني ليها. و في ليلة سجي كانت بتصلي و بعد ما صلت كانت بتدعي ربنا بدموعها.
سجي: يارب رجعهولي يارب انا مقدرش اعيش من غيره. مراد بقي كويس و رجع عن الطريق اللي كان فيه يارب سامحه و اغفرله و رجعهولي يارب. مش ممكن بعد ما بقي كده تاخدوا مني يارب. يارب. يارب.

و قامت سجي من صلاتها. و قعدت تقرا. سورة يوسف. لان سورة يوسف فيها من الابتلاء الكتير اللي ابتلي بيه سيدنا يوسف و لما حد مننا يكون تعبان او مبتلي و يقرأها بيهدي و يعرف ان حتى الانبياء كانوا مبتلين و خصوصا سيدنا يوسف. و هديت سجي شوية و مسكت ايد مراد و كانت بتبوسها و بتعيط. حبيبي قوم بقي كفاية انا قلبي مش مستحمل يشوفك كدة. انا خلاص حموت و حضنت ايده و حطت راسها عليها، اتفاجأت، باللي سمعتوا.

مراد: سلامتك يا قبلي انا كلي فداكي
سجي: رفعت راسها و هي مش مصدقة مراد انت فوقت. حبيبي. حبيبي حمد لله علي سلامتك.
مراد: مبتسم عارفة انا فوقت و انتي بتصلي و سمعتك و انتي بتدعيلي و فضلت اسمعك و انتي بتقرأي قرأن. صوتك كان جميل اوي.
سجي: حبيبي انا انا، انت متعرفش انا حاسة بإيه دلوقتي. حاسة اني عايزة اصرخ بأعلي صوتي و اقول حبيبي رجعلي تاني حبيبي ماسبنيش.

مراد: حبيبتي معقول لسة بتحبيني بعد كل اللي جرالك بسببي. انا مستهلش الحب ده.
سجي: انت تستاهل و اكتر انا لو عشت عمر تاني علي عمري علشان احبك بردوا مش حيكفيني.
مراد: عارفة اكتر حاجة كانت و جعاني ايه لما حسيت اني حموت.
سجي: ايه يا روحي.
مراد: انتي. كنت زعلان اني حموت من غير ما تكوني مراتي من غير ما حققلك اليوم اللي اتمنيت احققهولك كتير.
سجي: حبيبي انا كلي ليك و لو عايز دلوقتي. انا تحت امرك.

مراد: ههههههه يا مفترية هو انا فيا نفس.
سجي: ههههههه ازاي بس ده انت مراد سلام. ولا نسبت.
مراد: اه نسيت. نسيت كل حاجة من يوم ماشوفتك. تعرفي انا مبسوط باللي حصلي.
سجي: اخس عليك ليه بتقول كدة ده انا كنت حموت عليك.
مراد: ايوة علشان احس اني اتولدت من جديد. و بقيت انسان تاني غير مراد بتاع زمان
سجي: الحمد لله. انك بقيت كويس. قوملي بقي انا خلاص حخلل جنبك عايزة اتجوز.

مراد: ههههههه هتموتي انتي يا بنت اللذين و تجوزي والله لزلك.
سجي: هههههههه لا انا عارفة مش حهون عليك.
مراد: طبعا يا روحي انا بس اخرج من هنا و خلاص مفيش حاجة حتمنعني عنك و حعوضك عن كل اللي حصل من يوم ما اتجوزنا.
سجي: انا مش عايزة حاجة. غير انك تكون معايا و قصاد عيني. و اكون في حضنك و بس
مراد: تؤتؤتؤ انا لازم اعملك اللي كنت عايز اعملهولك قبل ما اسافر.

سجي: نفسي اعرف ايه هي الحاجة المهمة دي اللي كانت مانعاك عني و كل شوية تقولي لما تحصل هتعرفي.
مراد: و لو اني كنت عايزها تكون مفاجأة بس حقولك علشان انتي تعبتي معايا كتير
انا كنت بحضرلك احلي و اجمل فرح في الدنيا علشان تلبسي الفستان الابيض و تكوني احلي عروسة.
سجي: بفرحة. انت بتتكلم جد فرح. ازي ما احنا اتجوزنا خلاص.

مراد: اومال انا كنت مانع نفسي عنك ليه علشان اعملك الفرح و انتي زي ما انت ببرائتك و عذريتك. و لما ده يحصل لازم تكوني بالفستان الابيض.
سجي: انا بحبك. بحبك اووووييي
مراد: انا اللي بحبك و بموت فيكي. يا احلي حاجة في دنيتي. بحبك...

و عدت فترة علاج مراد علي خير و خرج من المستشفي. و طبعا بعد عن المافيا و الشغل القذر اللي كان بيديروا. و اتعاون مع الداخلية و ادالهم معلومات عن المافيا و رجلتها في كل الدول. و هما اتاولوا حمايته منهم. و تابع شغله الاصلي اللي ورثه عن ابوه هو و مازن اخوه. و جهز لسجي احلي و اجمل فرح في الدنيا وحنشوف مراد حيعمل ايه اسجي يوم الفرح...

رواية بريئة أحيت لي قلبي للكاتبة ريحانة الجنة الفصل الحادي والعشرون

وجه يوم الفرح اللي مراد استناه كتير و كان نفسه يشوف سجي بالفستان الابيض و هي احلي عروسة. و في احلي و افخم فندق مصر كان مراد. واقف عند باب القاعة مستني سجي و هي داخلة مع باباها و مرديش يدخل هو معاها علشان كان عايز يستقبلها بطريقة رومانسيه و اول ما دخلت مراد اخد ايديها من باباها. و مسك ايديها و باسها و نزل علي ركبته علشان يلبسها الخاتم بتاع جوازهم و كان في استقبالهم اغنيه لعمرو دياب اسمها انا بقدم قلبي (انا بقدم قلبي اه لو تقبلوا. وادي كمان عمري في اولوا. والشوق ده كله قولي مين يتحملوا. يكون في عونك يالي زي مجرابوا. انا مكنش الحب عمره في نيتي وانا معاك غيرت رأي وفكرتي. اه يا حبيبي. لقيت في قربك فرحتي. لو حبي ليك قالوا عنه عادي بيكدبوا. انا بحبك قد كل الدنيا دي ولا قد الشمس والليل والهوي. من النهاردة قدرت اعرف قد ايه. انا بحبك قد كل دول سوا. )و فضل مراد حاضن سجي و يرقص معاها لحد الاغنيه ما خلصت و بعدين دخلوا و قعدوا. و ابتدي الناس تسلم عليهم و تبارك لهم.

سجي: بحبك يا مجنون.
مراد: حبيبتي هو انتى لسة شوفتي جنان. ده النهاردة ليلة العمر. هاه جاهزة للرقصة الجاية.
سجي: تاني ما احنا لسة راقصين و احنا داخلين.
مراد: نعم دي كانت بس البداية انتي النهاردة مش حتقعدي لحد الصبح انا حغني و ارقص انا بقولك اهو.
سجي: ههههههه فظيع بجد. انت كنت ساكت غلب.

مراد: ايوة بس الاغنية اللي جاية دي انتي بتحبيها اوي. استني، مراد شاور لشريف. و ابتدت الاغنية التانية و كانت (انا كلي ملكك لشيرين ) و دي كانت الاغنية اللي سجي قالت لمراد ان كان نفسها ترقص معاه عليها لو كانت عملت فرح. و مراد مكنش ناسي
سجي: مش ممكن انت لسة فاكر.

مراد: طبعا يا روحي هو انا اقدر انسى حاجة تقوليها ابدا. يالا تعالي في حضني علشان احس بالاغنية الحلوة دي. (انا. انا كلي ملكك انا كل حاجة حبيبي فيا بتنديك. انا. انا مش بحبك الحب كلمة قليلة بالنسبة ليك. انت فرحة جات لعندي بعد عمر من التعب. في السعادة اللي بعشها يا حبيبي انت السبب. ضحكتك عقلك جنونك والحنان اللي في عيونك. حوصف ايه واحكيلك ايه. معاك بضحك وبفرح مبقتش خايفة ازاي حخاف وانا بين ايديك. ساعات بخيالي بسرح قبل ما بحلم كل حاجة القيها فيك. والسنين حتفوت وتمشي منك انت انامش حمل. بوعدك ياحبيبي عمري شوقي ليك ما فيوم يقل. حبقي فرحك وقت حزنك. في التعب تلاقيني جضنك. كل يوم من عمري ليك. انا اناةكلي ملكك. ).

و كانت اغنية طويلة و جميلة و مراد مابقاش عايز يخرج سجي من حضنه. بس اول ما خلصت مراد شال سجي و قعد يلف بيها و اول ما شالها كل المكان اللي حاوليهم طلع دخان ملون و انوار و صواريخ. سجي ماكنتش مصدقة نفسها و كانت مبسوطة جدا.
مراد: تعرفي انا غلطان اني رقصت معاكي علي الاغنية دي دلوقتي. دي كانت عايزة ابقي انا و انتي لوحدنا علشان اول ما تخلص كان لازم اعمل حاجات جامدة اوي.

سجي: حبيبي مراد انا مبسوطة اوي مش مصدقة انك بتعمل كل ده علشاني
مراد: لا صدقي. انا حرمت نفسي منك كل الفترة اللي فاتت دي علشان اشوف الفرحة اللي في عنيكي دي. انا من يوم ما ابتديت احبك و انا اخت القرار ده اني لو حموت عليكي مش حلمسك الا و انتي بالفستان الابيض و اعملك احلي و اجمل فرح.
سجي: بحبك. بحبك اوي. انا حاسة اني حعيط.

مراد: انتي بجد عنيكي دمعت. لا اوعي انا عايزك النهاردة تفرحي علي قد ما تقدري مش عايز اليوم ده يروح من بالك.
سجي: حاضر. هاه حنقعد بقي ولا حنفضل واقفين كدة.
مراد: تقعدي ده ايه. ده لسة اكبر مغنين جاين يغنولك يا روحي و حترقصي لما يتهد حيلك النهاردة.
سجي: بجد. مين اللي جاي.
مراد: كتيييير
و اولهم حماقي انتي عارفة انا بحبه ازاي
سجي: انت حتقولي انا مش ممكن انسي الاغاني اللي انت سمعتهالي.

مراد: . كمان في أخر الفرح حخليه يغنيلك اغنية تحفة..
سجي: طيب قولي.
مراد: تؤتؤتؤ دي اغنية حكاية مجنونة جنان.
مازن: عقبالنا يا حبيبة قلبي.
نهي: ههههههه. انا مش قلت بطل طريقتك دي.
مازن: هو انا لسة قولت حاجة حرام عليكي يا شيخة ده انا مش عارف اكلمك كلمتين علي بعض.
نهي: احسن اصل انت لو سبتك محدش حيعرف يوقفك.
مازن: كدة ماشي. مش كنا عملنا خطوبتنا معاهم النهاردة و خلصنا اهو علي الاقل امسك ايدك.

نهي: لا طبعا انت عارف كويس اليوم ده مهم لسجي و مراد قد ايه و ماكنش ينفع حد يشاركهم فيه. ثم حضرتك عايز تمسك ايدي ليه مش مكفيك البنات الالمان اللي انت كنت صايع معاهم. هناك.
مازن: هههههه. و هما دول يجوا جنبك ايه انتي جمالك ملوش حل.
نهي: يا ربي. علي كلامك. انت مفيش فايدة فيك.
مازن: مسك ايديها و باسها. لا مفيش و بطلي تحلوي كدة و انتي مكسوفة. احسن والله. اجوزك دلوقتي انا اصلا غيران من مراد.

نهي: اتكسفت. بس بقي احسن انا حاسة ان وشي بيطلع نار.
مازن: هههههه فعلا وشك احمر. كل ده من كلمتين اومال لو بوستك دلوقتي كنتي عملتي ايه.
نهي: انت قليل الادب. اوعي انا مش حقف معاك.
مازن: تعالي هنا تمشي فين. دول حيرقصوا تاني. و انا حرقص معاكي دلوقتي تعالي.
نهي: مازن. استني ايدي يا مجنون...

و فضل مراد و سجي و مازن و نهي و كل اصحابهم يرقصوا طول الوقت و مراد كان فرحان جدا و كل المغنين جم و غنوا و سجي مكنتش مصدقة ان ده فرحها و مراد فاجأها بأغنية حماقي المجنونة و كمان كان بيرقص عليها مع سجي و يشاور عليها. كان عايز يقول لكل الناس ايوة انا وقعت فيها
وبحبها. (ودي كانت اغنية حيقولو لحماقي. ).

وفعلا اللي مسمعهاش يسمعها علشان يعرف قد ايه جميلة وان مراد كان بيقول لكل اللي كانوا نفسهم يناسبوه واستغربوا انه اتجوز سجي البنوتة الصغيرة المحجبة. ان اه هي دي اللي وقعت مراد سلام.

الاغنية (هيقولو كاني يقولوا ماني. يلوموا تاني لا ولا كنت يوم ودني. ده القيد بتاعي في خانة الوضع الاجتماعي. سجل يا سجل يا مدني. من طولي وقعت ما تلحقوني. جابت خبري. اجمل عيون في الكون نادوني. وما اتخطفت الناس شافوني. نحلوا في وبري. فاكرين حفضل عايش بطولي. هيقولوا كاني يقولوا ماني. ولا كنت يوم ودني. علي فكرة انا لاغي اللبس تماما من دماغي عادي معروف ان انا عندي. ومبتغلبش في الكلام علي المستوي الانساني. لساني الحلو ده سندي. من طولي وقعت ما تلحقوني. جابت خبري. اجمل عيون في الكون نادوني. واما اتخطفت الناس شافوني. نحلوا وبري. فاكرين حفضل عايش بطولي. ).

وخلص الفرح و مراد و سجي كانوا مبسوطين علي الاخر. و هما في العربية.
سجي: هههههههههه مش قادرة بجد انت مجنون ايه الرقص إلى رقصتوا ده معقول مراد سلام اللي كان بيرعب الناس و رجال الاعمال. يعمل كدة. و خصوصا في الاغنية الاخيرة دي مجنونة جنان كنت محسسني انك بتغيظ حد.

مراد: ههههههه و انتي بتقولي فيها. انا فعلا كنت بغيظهم. مفيش حد فيهم مكنش عايز يجوزني حد من طرفوا اللي اختوا و اللي بنتوا و اللي خالتوا و في كمان اللي مراتوا.
سجي: هههههههو مراتوا ازاي بس.
مراد: اه والله. ده في رجالة بالاسم بس فيهم اللي كان بيعرض عليا مراتوا كدة وش.
سجي: سكتت و اتضايقت و حست ان الكلام وجعها لان باباها هو اللي عرضها عليه. و مراد فهم.

مراد: عارفة انا نفسي الف بيكي الدنيا بحالها و اقول هي دي حبيبتي اللي خطفت قلبي. انا كل يوم ببقي نفسي اروح ابوس ابوكي علشان كان السبب في جوازنا.
سجي: ابتسمت. مراد والله بابا مش وحش.
مراد: حبيبة قلبي عارف والله انا مقصدتش اضايقك. و بعدين انا اللي واقع فيكي. و الناس كلها شافوني و انا حطير بيكي.
سجي: كان اجمل يوم في حياتي يا مراد. بجد انت محصلتش.

مراد: لسة اليوم مخلصش التقيل جاي ورا انا حالف اربيكي علي اللي عملتيه فيا و المقالب اللي شوفتها علي ايدك يا بنت اللذين. و كله كوم بقي و لما قولتيلي ان حكاية اني بتاع ستات دي اشاعة والله لوريكي اذا كانت اشاعة ولا لا يا سجي و كمان انا مدي الشغالين كلهم اجازة علشان محدش يلحقك.
سجي: لا انا كدة ابتديت اخاف منك انت ناوي علي ايه.

مراد: اممممم ماينفعش اقولك خاليها مفاجاة. بس المشكلة في الفستان اللي كله رباطة ده انا لو خنقني حقطعوا. انا بقولك اهو.
سجي: ليه حرام خسارة. و بعدين انا حقلعه لوحدي.
مراد: نعم انا داخل علي سنة حموت علي اليوم ده و انتي تقوليلي انتي اللي حتغيريه. و بعدين يا حبيبتي خسارة ليه. تكونيش ناوية تتجوزي تاني ولا حاجة.
سجي: هههههههه ربنا يستر و اليوم ده يعدي علي خير.
في الفيلا.

سجي اول ما نزلت من العربية لقت مراد عاملها طريق من اول باب العربية لحد الاوضة من الشموع علي الجنبين و ورد و كمان الاوضة كلها ورد و شموع و السرير عليه قلب كبير بالورد الاحمر.
سجي: حتطير من الفرحة. مش ممكن ايه كل ده. مراد انا بحبك. بحبك بحبك.
مراد: هههههههه. وانا بحبك بحبك بحبك. لحد اخر يوم في عمري بحبك.
هاه قوليلي بقي جاهزة تكوني مراتي وحبيبتي.
سجي: هزت راسها. جاهزة
،
تاني. يوم الصبح.

سجي صحيت لقت مراد قاعد قدامها و باصص عليها.
سجي: حبيبي صباح الخير.
مراد: صباح النور يا روحي. نمتي كويس.
سجي: جداااااااا. و انت
مراد: يا بختك. انا بقي معرفتش انام. كل ما عيني تغمض اصحي اخاف اغمض عيني و انام لصحي و القيني كنت بحلم انك كنتي معايا بجد. كل شوية ابص عليكي وانتي نايمة. اصل انا خلاص ادمنت الحكاية دي.
سجي: من ليلة واحدة ادمنت.

مراد: امممم تعرفي اني كنت بشوفك كل يوم و انتي نايمة ووانتي صاحية و كمان و انتي بتلبس كل حاجة كنت بشوفها.
سجي: قامت قعدت. ازاي. علي فكرة انا كنت شاكة فيك وقلت ده حاطتلي كاميرا بس قلبت الاوضة كلها ملقتش حاجة
مراد: ههههههه ومكنتيش حتلاقي عايزة تعرفي انا كنت بشوفك ازاي.
سجي: اه قول بقي
مراد: قومي معايا و انا اوريكي. تعالي
سجي: استني بس البس الروب.

مراد: روب ايه و احنا حد معانا تعالي، قوليلي ايه رأيك في المرايا دي.
سجي: حلوة ما انا عارفاها.
مراد: مش انتي عندك زيها في الاوضة التانية.
سجي: اه في بس ده ايه دخله بإن انت كنت بتشوفني.
مراد: بصي كدة، وفتح مراد المرايا وسجي لقت الباب الازاز.
سجي: تنحت. مش ممكن. ايه ده يعني كنت بتشوف كل حاجة. اه يا قليل الادب.

مراد: ههههههه احلي حاجة لما كنتي تقفي قدام المرايا كنتي اكنك واقفة قدامي. كنت ببقي عايز افتحها و اجيلك.
سجي: حضنته. انا مكنتش اتخيل انك تحبني كدة.
مراد: ولا انا كنت اتخيل اني احب اصلا لكن انتي بصراحة تجنني. بقولك ايه.
سجي: قول.
مراد: انا فيه حاجة امبارح نسيت اقولك عليها تعالي لما اقولهالك بسرعة
سجي: ههههههه كل ده و نسيت. ده انت رغاي بقي
مراد: طبعا. ده انتي حتصدعي تعالي بقي ده انا مصدقت...

رواية بريئة أحيت لي قلبي للكاتبة ريحانة الجنة الفصل الثاني والعشرون والأخير

و بعد مرور اربع شهور علي جواز مراد و سجي. في يوم في الصباح. مراد بيلبس هدوموا علشان نازل الشركة
سجي: فتحت عنيها. صباح الخير يا روحي.
مراد: قرب منها و باسها. صباح النور يا قلبي. اسف قلقتك و انا بلبس.
سجي: اتعلقت في رقبته. تؤتؤتؤ انا اصلا قلقت من اول ما قمت من جنبي. لما بتقوم بحس بفراغ فظيع.
مراد: هههههههه يا بنت اللذين بطلي مياصة عايز انزل ورايا اجتماع مهم.
سجي: اممم مع رجالة ولا ستات.

مراد: ههههه لا يا ستي ماتخفيش رجالة. و بعدين هو انتي مخلياني عارف اشوف ولا حتى اتكلم مع واحدة ست. حتي ميادة خلتيتي امشيها. و اجيب راجل مكانها.
سجي: طبعا اومال كنت عايزني افضل سايباك معاها علشان ترجعوا. زي زمان.
مراد: حرام عليكي انا خلاص توبت علي ايدك. و بعدين بصراحة صعبت عليا مردتش امشيها نقلتها وبس. انتي عارفة مصاريف علاج مامتها.
سجي: بس شكلك زعلان علشان مشتها من مكتبك.

مراد: بصراحة البنت كانت شايفة شغلها علي الاخر. كانت جامدة.
سجي: زغدتة في قلبه
مراد: اي. كدة. هان عليكي قلبي توجعيه.
سجي: علشان تحرم تغظني يا بايخ.
مراد: طيب ممكن بقي تسيبني انزل. بدل والله اقلع و انام جنبك و اسيب الاجتماع.
سجي: لا خلاص حسيبك. بس في حاجة عايزة اقولهالك. قبل ما تنزل.
مراد: قولي يا حبيبتي. عايزة ايه.

سجي: انا مش عايزة حاجة انا بس كنت عايزة اقولك انا عملت ايه امبارح عند الدكتور انا و نهي. انت اصلك بالليل مدتنيش فرصة اكلمك.
مراد: ااااه. انا اسف يا قلبي والله لما رجعت امبارح. نسيت اسالك اصلك بتبقي وحشاني مببقاش عارف اشبع منك. هاه قوليلي ايه اللي كان بيوجعك.
سجي: مفيش. هو انا بس، اممم
حامل.
مراد: تنح و بيبص علي بطنها و بيبصلها. انتي بتتكلمي جد. حامل.
سجي: هزت راسها. اه حامل.

مراد: حضنها. حبيبتي بجد انا فرحان جدا مش ممكن. اتجوزك و ابقى اب كمان ورا بعض كدة. لا كده كتير عليا انا مش عايزك تتحركي من السرير تقعدي ترتاحي لحد ما تولدي فاهمة.
سجي: هههههه ليه يعني هو انا اول واحدة تحمل و تولد.
مراد: ايوة اول واحدة تحمل من مراد سلام و حتجبيلوا ولي العهد. اه يا بنت اللذين اعمل فيكي ايه كل يوم بتنوري و تحلي دنيتي اكتر من اليوم اللي قبله.

سجي: حبيبي ربنا يخليك ليا. مراد في حاجة عايزة اعملها انا و انت و كان نفسي فيها اوي خصوصا بعد الحادثة بتعتك و بعد ما ربنا نجاك منها. بس ساعتها انت فاجأتني بالفرح و كمان الاربع شهور اللي فاتوا دول كانوا زي الحلم محستش بيهم.
مراد: اؤموري يا قلبي عايزة ايه وانا انفذه حالا.

سجي: عايزة اعمل عمرة انا و انت انا عارفة ان انت خلاص مابقتش زي زمان بس انا عايزاك تتوب بجد و تعاهد ربنا قصاد الكعبة انك مترجعش زي زمان.
مراد: ياااه يا سجي عمرة. تصوري انا مفكرتش فيها. قبل كدة.
سجي: لا لازم تفكر و بعدين انا متأكدة انك حترجع من هناك احسن كمان من دلوقتي.
مراد: خلاص يا روحي حخلي شريف يحجزلنا علي اقرب رحلة و نسافر مع بعض و كمان ناخد معانا نهي و مازن و خالتك و جوزها و باباكي. ايه رايك.

سجي: فرحت. بجد يا مراد.
مراد: بجد يا روح مراد. استني بقي.
سجي: انت بتعمل ايه بتقلع ليه مش كنت مستعجل.
مراد: لا بقي خلاص انا مش حسيبك لحد ما تولدي حقعد جنبك.
سجي: ههههههه مش ممكن حتفضل مجنون. انا مش عارفة انت حتبقي اب ازاي.
مراد: مجنون مجنون و بعدين اللي خلاكي انتي يا بيبي حتبقي ام. انا مش حبقي اب. تعالي بقي علشان في حاجات مهمة لازم تخلي بالك منها الفترة الجاية و انا لازم اشرحهالك بالتفصيل...

و فعلا مراد و سجي و مازن و نهي و خالتها و جوزها و باباها سافروا العمرة و مراد مع انه تاب و ندم علي اللي كان بيعمله بس اول ما وقف اقدام الكعبة. كان الموضوع مختلف. مراد بكي بكي مبكهوش في حياتوا كان حاسس انه بيغسل نفسه بالدموع دي و تاب بجد و حس وقتها انه ضيع من عمره كتير في معاصي و ظلم و فساد بس خلاص مراد بقي انسان بقلب و روح جديدة و سجي هي السبب اللي ربنا بعتهولوا علشان يتغير. و بعد ما رجعوا مراد مبقاش بيسيب صلاته ابدا ولا بقي يهجر القران زي الاول و سجي ولدت و جابت ولد زي القمر وسموه مالك و عاش مراد مع سجي احلي و اجمل 4 سنين. و في يوم. مراد بيلعب مع مالك.

مراد: يا سجي تعالي يا حبيبتي بقي شوفي حل مع ابنك ده.
سجي: ايه بس عملك ايه. ده حتى مالك كيوت و مؤدب.
مراد: كده ما انتي صحيح. لازم تقولي كدة ما انا اتركنت علي الرف خلاص
سجي: و هو انا اقدر يا روحي. قولي بس عملك ايه
مراد: الواد ده كل شوية يغلبني في البلاي اشتيشن انا مش عارف هو بقي حريف ازاي كده
مالك: انت يا بابي اللي مش بتعرف تلعب. قولتلك ابقي اتضرب شوية
سجي: ههههههه انت اللي جبته لنفسك مليش دعوة.

مراد: كده ماشي يا مالك انا حوريك ابقي شوف بقي مين اللي حيعلمك ركوب الخيل ابقي خالي مامي بقي تعلمك.
مالك: متقدرش حتعلمني. او حقول لعموا مازن يعلمني علشان بابي مش بيعرف
مراد: يخربيت لامضتك. انت مصيبة. اوعي بقي لما اروح اشوف مامي الحلوة دي
سجي: عايز مني ايه.

مراد: عايز اطمن عليكي يا روحي. اصلك وحشاني اوي و الواد البايخ اللي اسمه مازن ده مستهبل و سايبلي كل حاجة و مبلط في المانيا مع نهي. انا مشفتش حد يا خد شهر عسل 5 شهور بيعمل ايه المفتري ده.
سجي: هههههه. يا حبيبي سيبهم ينبصتوا دول كانوا حيتجننوا علي بعض وخصوصا مازن نهي كانت مطلعة عينوا السنين اللي فاتت دي لحد ما خلصت و بقت معيدة كمان.

مراد: طيب و بعدين هما ينبصتوا و يسبونا و بعدين نهي لازم تبقي معاكي الشهر اللي جاي انتي خلاص علي ولادة و ممكن تولدي. في اي وقت.
سجي: اه يا مراد انا خايفة اولد في رمضان انا حدخل في التاسع مع اول يوم في رمضان.
مراد: اه انا بقي فرحان انتي متعرفيش رمضان ده بيعدي عليا ازاي مببقاش عايز الايام تمشي. بس خسارة انتي مش حتصلي معايا التراويح.

سجي: ههههه اعمل ايه بس بقولك نفس شهر الولادة عايز يجيني الطلق و انا في المسجد ربنا يستر بقي
مراد: عموما انا مش حسيبك و حفضل معاكي. بقولك ايه تعالي اوضتنا علشان عازيك في حاجة بعيد عن الواد اللمض ده.
مالك: بابي انا عارف انت عايز مامي ليه.
مراد: والله ليه بقي يا لمض
مالك: علشان تبوسها انت كل شوية تعمل كده. عيب مامي مؤدبة
سجي: ههههههههه مش ممكن الواد ده طلعلك بشكل واخد قلة ادبك كلها.

مراد: تعرف ان انت غلس اوي زي عمك مازن. بس ماتخفش انا عايزها في حاجة تانيه اهم بس مش حينفع اقولك لما تكبر حتعرف. تعالي بقي علشان انا حخنوق الواد ده
سجي: هههه لا مش جاية بس
مراد: يا حبيبتي الدكتور قال الحركة كويسة علشان الولادة.
سجي: لا والله. بس الحركة مش اللي في دماغك.
مراد: يا بيبي كلها رياضة تعالي بقي...

وجه رمضان و عدي علي مراد و سجي كالعادة في سعادة و مراد مكنش فعلا عايز الشهر يخلص و في يوم 29 رمضان. بعد المغرب و مراد و سجي فطروا. سجي تعبت.
سجي: اه اه مراد. الحقني انا شكلي حولد مش قادرة. اه لالا لا اه
مراد: قلق. حبيبتي طيب تعالي بسرعة علي المستشفي، عم صالح خالي بالك من مالك لحد ما نرجع.
في المستشفي
مراد: مش ممكن يا سجي. البنت دي عسل شبهك بالظبط.

سجي: بجد طيب هات اشوفها بقي، يا خلاثي يا مراد. تعرف واخدة منك كتير.
مراد: حرام عليكي عايزاها تعنس جنبنا. دي شبهك انتي تمام.
سجي: ليه يا حبيبي ده انت قمر كل الستات بتموت فيك.
مراد: انا مبسوط اوي يا سجي الحياه معاكي ليها طعم جديد كل يوم اتمني اني كنت اقبلك من زمان. و مسك ايدها و باسها. ربنا يخليكي ليا.
سجي: و يخليك ليا يا حبيبي.
قولي بقي هتسميها ايه
مراد: ملك علشان يبقوا ملك ومالك.

سجي: ابتسمت. و انا موافقة
الباب خبط و دخل مازن و نهي و معاهم بلالين بتاعت البيبي
مازن: حمد علي السلامة يا موا العيال.
مراد: ههههه اهلا يا ندل كل ده شهر عسل ده انا حنفوخك.
نهي: حبيبتي يا سجي حمد لله علي سلامتك.
سجي: اخس عليكي يا وحشة اقولك تعالي انا قربت اولد تقوليلي مينفعش انزل. ماشي مازن نساكي اختك.
نهي: ههههه لا والله هو فعلا نساني الدنيا بحالها. بس انت لا انتي اختي حبيبتي.

مازن: يا حبيبتي انتي اللي نستيني نفسي. مش بس الدنيا
مراد: الله الله ايه الحب ده كله. عصافير يا خواتي و حياه ربنا لربيك و افحتك في الشغل علي الفترة اللي دبستني فيها دي يا ندل انت.
مازن: لا بقولك ايه انا مراتي محتجاني جنبها الفترة اللي جايه
مراد: ليه يا خويا بقي ان شاء الله.
مازن: انتم السابقون ونحن اللاحقون. نهي حامل.
سجي: بجد. اخس عليكي ليه مقولتليش.
نهي: والله انا لسة عارفة حالا
مراد: ازاي بقي.

مازن: الهانم اول ماركبنا الطيارة
هاتك يا ترجيع لما بهدلتني معاها و الطيار و المضيفات و الركاب كانوا عايزين يرموانا من الطيارة و اول ما نزلنا كشفوا عليها و عملولها تحليل و عرفنا و حتى روحنا علي الفيلا. و بعدين عم صالح قلنا ان انتوا هنا. غيرنا و جينا بسرعة
مراد: عموما الف مبروك.
مازن: الله يبارك فيك. ممكن بقي اشيل البنت السكر دي
مراد: ممكن بس خالي بالك منها فاهم، حاسب رقبتها يا بني براحة.

مازن: انت حتزلني. انا بكرة مراتي تجبلي بيبي و العب بيه براحتي.
مراد: طيب يا خويا ابقي الغب ببنك انت. لكن بنتي لا. دي هي دي اللي حتتدلع دلع الدنيا كلها.
سجي: و انا روحت فين.
مراد: انتي الدلع نفسه يا روحي، بقول ايه صحيح محدش فيكوا عرف هما شافوا الرؤية ولا لسة
مازن: اه شافوها و سمعناها في العربية و احنا جاين. كل سنة وانتوا طيببين بكرة العيد.
مراد: اه يا بنت المحظوظة اتولتي ليلة العيد.

مراد: قرب من سجي و باسها. كل سنة و انتي طيبة و معايا يا نور عيني.
سجي: و انت طيب يا حبيبي. بحبك يا مراد بحبك اوي
مراد: بحبك يا روحي بحبك اوووووي.
تمت
نهاية الرواية
أرجوا أن تكون نالت إعجابكم