تسرقي فلوسي وتهربي، فاكره انك هتفلتي مني كان في ايده عصايه كبيره، راح ناحيتها، ياسمين افتكرت العصايه دي اللي ياما اتضربت بيها لانه كسر مره بيها دراعها ومرتين رجلها، شدها من شعرها لحد ما صرخت حاولت امها تدافع عنها إلى ان ضربه واحده من ابوها وقعتها في الارض، وراح على ياسمين وفضل يضرب فيها بالعصايه وهيا بتصرخ وتترجاه يبطل.
حسين(الاب): عايزاني اسيبك بعد ما سرقتيني انتي وامك وهربتو علشان تدورو على حل شعركم شدها من شعرها ووقفها وسألها: انتي كنتي مع محمود المصري؟ ياسمين: اه حسين: الظاهر انه اخد متعته منك يا عاهره صح؟ وسابك بعد ما زهق منك؟ورماكي بعيد، اد ايه هو راجل محظوظ فلوسه بتخليه يشتري اي حاجه حتى البشر، قوليلي دفع فيكي كام؟دفع اد ايه لخدماتك؟ بص لهدومها على اخر موضه حسين: شكله دفع كتير قوي...
باين عليكي اتغيرت نظرته لنظره هيا عارفاها كويس، نظره كانت بتخليها طول الليل سهرانه في اوضتها خايفه في اي لحظه الباب يتفتح عليها قرب منها قوي وقالها بصوت موتها من الخوف.
حسين: عنده حق، بقيتي ست حلوه جدا، لو مكنتش ابوكي؟احيانا اشك انك مش بنتي، بس مين اللي هيبص لواحده زي امك عيانه على طول انا هروح انام وانتي لو هربتي هقتل امك، مفهوم؟ سابهم ومشي، قربت الاوم من بنتها وحضنتها وفضلو يعيطوا هما الاتنينحاولت تقف بس ما قدرتش ياسمين: هو رجع امتي؟ صفاء: من اسبوع، طرد كل الموظفين.
ياسمين: عرف مكاني ازاي؟ صفاء: من الموظفين اللي في قصر محمود، راح سأل عليه فقالوه مشي مع واحده وادوله عنوانك ولما جه هنا شافني في الجنينه وعرف ياسمين: على راح فين؟ بصت لامها فامها بصت للارض فصرخت ياسمين: لأ اوعي، صفاء: لا ما ماتش بس اتخانق مع ابوكي فابوك ضربه بالنار بس جت في كتفه وهو حاليا في بيت قريب من هنا بيتعالج ياسمين: وسميره هيا فين؟
صفاء: هي اللي واخده بالها من على وبتيجي تساعدني وتمشي بسرعه لان ابوك حاول يعتدي عليها ياسمين: يالهوي يا ماما هنعمل ايه احنا هنا وحدنا؟ صفاء: عارفه حبيبتي... ياريتك ما رجعتي ياسمين: كان لازم ارجع ماما، ماليش مكان هناك عنده صفاء: ومالكيش مكان هنا برضه، هو مش هيمشي من هنا، كل يوم بيجيب اصحابه يشربو ويسكرو، وانا مش عايزاكي تفضلي هنا لما يجوا انتي عارفه دناوته، هيبيعك للي يدفع اكتر.
ياسمين: وبرضه مش هينفع اسيبك هنا لوحدك صفاء: انا عجوزه ومحدش هيهتم بيا، المهم انتي تروحي ياسمين: اروح فين بس؟ صفاء: عايزاكي تستخبي بالليل، يومين ولا تلاته ابوكي وضيوفه بيكونو سكرانين محدش هياخد باله من غيابك ياسمين: وهيحصل ايه بعد يومين؟ صفاء: انا عندي حل ياسمين: اوعي تقولي هنهرب تاني.
صفاء: لأ كفايه هروب، عندي حل تاني قضت ياسمين الليله في اوضتها ومعرفتش تنام من الالم امها اخدتها لبيت مهجور موجود فيه على وسميره صاحبتها واول ما شافت صاحبتها اترمت في حضنها كانت شكلها غريب ممكن اسبوع واحد لايغير الناس بالشكل ده لعنت ابوها لانه حطم حياتها وحياه اللي حواليها هيا وامها وعلى وسميره وحتى محمود كمان، عالجو جروحها ونوموها في السرير خافت ياسمين انها تسقط ده اذا كانت حامل اصلا، وما قالتش لاي حد عن شكوكها، حتى محمود محدش اتكلم عليه واخيرا نامت نوم مقطع كله كوابيس، وامها مشيت قبل ما ابوها يصحي اخر الليل قامت علشان تشوف على لانه كان نايم لما وصلو بصت عليه لقته نايم وكتفه ملفوفه واثار التعب باينه عليه وراحت اوضتها تاني، طلع الصبح ودخلت عليها سميره ومعاها الفطار.
سميره: اتحسنتي يا حبيبتي؟ ياسمين: عجينتك السحريه عملت مفعولها سميره: امك هنا مع على مستنياكي علشان تروحي معاها قبل ما ابوكي يصحي وعلى كمان صحي ومستنيكي نزلت واول ما شافته جريت عليه وحضنته واول ما حضنته حست بجسمه بيتصلب فبعدت بسرعه ومسحت دموعها بظهر ايدها ياسمين: اسفه يا على نسيت اصابتك على: ما تقلقيش عليا المهم انتي ياسمين: حالي رجع زي زمان، وانت عارف.
على: ما تخافيش هنلاقي حل الكل سكت كأنهم مش مصدقين انه ممكن يكون في حل صفاء: انا رحت السوق جبت شويه خضار واكل وجبت ده الكل بصلها لقوها طلعت لفه صغيره ياسمين: ايه ده يا ماما صفاء: ده سم الكل اتصدم وسكت واخيرا نطقت ياسمين: انتي عايزه تسمي ابويا؟
صفاء: ده الحل الوحيد يابنتي، لازم يموت، هو بقى اسوء من الاول، لو شوفتيه امبارح بعد ما جبتك هنا سكر هو واصحابه، البيت كان عامل زي بيوت الدعاره، هيموت ونخلص منه ومن شره، انا اتفقت انا وعلى بصت لعلي شافت الاصرار في عنيه ياسمين: خلاص هنعمل ايه؟ صفاء: هنرجع انا وانتي مع بعض ومعانا سميره، هو وحده دلوقتي لان اصحابه بيمشو الصبح، سميره هتعمل الغدا وهنحط السم فيه , وانا هتأكد انه اكله كله.
ياسمين: هو مفجوع وهياكل طبقه كله صفاء: بمجرد ما نحط الاكل عايزاكي تختفي من قدامه ياسمين: لا طبعا مش هسيبك وحدك معاه صفاء: لازم يا ياسمين. انا الليس حطتنا في الموقف ده لو كنت قويه زمان ووقفت في وشه مكانش وصل للدرجه دي او حتى كنت سيبته لازم اعملها وحدي ( بصت لسميره) وانتي يا سميره اول ما تسمعي صوتي تيجي على هنا بسرعه وتجيبي على علشان يساعدنا في دفن الجثه مفهوم؟ سميره: ةمفهوم جدا.
صفاء: هنمشي دلوقتي وانت يا على حضر نفسك. سميره هتجيلك خلال ساعتين تلاته بالكتير.
على: في انتظارها على نار لاحظت ياسمين نظره على لسميره، لو كانو في ظروف تانيه كانت علقت بخبث على العلاقه الجديده اللي بتتولد بينهم، بس هما الاتنين يستاهلو بعض، وطيبين زي بعض راحو بسرعه على البيت وراحت صفاء تتطمن على جوزها لقته لسه نايم على الكنبه في المكتب وجنبه زجاجات الشرب الفاضيه بصتله بحقد الليله هتكون نهايتك هصحح غلطه عمري.
مش هسمحلك تأذي بنتي حتى لو كان اخر حاجه اعملها في حياتي بدأ يصحي وقام وقف وبصلها حسين: بتعملي ايه هنا يا وش الشؤم صفاء: بصحيك، معاد الغدا قرب حسين: اه، انا جعان، بنتك كانت فين امبارح؟ صفاء: كانت هنا، في المطبخ قرب منها وزهقها بعيد حسين: انا مش قلتلك عايزها تيجي هنا تسهر معانا صفاء: مقدرتش انت نسيت ضربك ليها؟ حسين: اه ماشي خلاص بس الليله تسهر معانا فاهمه يا اما هقتلكم واخلص منكم.
صفاء: حاضر زي ما تحب جهزوا الغدا وياسمين جهزت الصفره مع امها وابوها دخل وهيا راحت المطبخ لسميره وقلبها بيدق كأنه هيطلع من مكانه ياسمين: يارب الموضوع يخلص بسرعه سميره: ما تخافيش انا حطيت الكميه كلها. مش هيفلت منها عدي الوقت وهما مستنين اي اشاره من امها، ياتري ايه اللي بيحصل؟ليه امها ما ندهتش عليهم؟ عدت ساعه ودخلت امها وهيا غضبانه.
صفاء: سميره انتي متأ كده انك حطيتي السم في الاكل؟، لسه حي، وشرب تلات زجاجات وعايز الرابعه سميره: اه حطتها كله في الحله وهيا على النار صفاء: يالهوي على النار يا سميره، قلتلك حطيها بعد ما ينزل من على النار، النار بتضعف فعاليته جدا ياسمين: ودلوقتي ايه العمل؟ صفاء: هو حاسس بوجع في بطنه هو تأثير السم بس مش كفايه يقتله لازم نشوف حل تاني.
فكرت شويه ومسكت سيخ حديد، شافتها ياسمين وفهمت امها عايزه تعمل ايه فمسكتها ياسمين: لا مش هتقدري، هو اقوي منك وهيقتلك؟ لمع حقد وكبت سنين طويله في عنيها صفاء: لا اسم بالله هيموت الليله ياانا ياهو خرجت بعدها بسرعه وسمعو صوت صرخه وصوت حاجه بتقع على الارض، جريو بسرعه لقو ابوها واقع على الارض ودمه نازل وامها واقفه وماسكه السيخ في ايدها ياسمين: سميره دورك بسرعه روحي ل...
رواية موعد مع القدر للكاتبة الشيماء محمد الفصل الخامس عشر
ابو ياسمين ماسك رقبه صفاء وبيخنق فيها حاولت سميره تتدخل فرمي صفاء بعيد ومسك سميره وبدأ يخنق فيها هيا، جريت ياسمين على المكتب وخرجت مسدسها اللي كانت ديما محتفظه بيه ومش عارفه ليه يمكن لانه بيحسسها بامان، جريت لقت امها واقعه في الارض ومش بتحررك وسميره خلاص بتموت بين ايدين ابوها معرفتش هيا ازاي جتلها الجرأه بس قربت من ابوها واول ما اخد باله من المسدس بعد عن سميره اللي اول ما سابها اغمي عليها.
حسين: ياسمين حبيبتي انا ابوكي، ما تتهوريش ياسمين: انت عمرك ما كنت ابويا، انت الراجل اللي عذبني طول حياتي، لازم تموت علشان انا اعرف اعيش، ده الحل الوحيد، لازم تموت فضل يصرخ وحاول يبعد بس اول رصاصه دخلت كتفه والتانيه بطنه والتالته والرابعه في صدره واخيرا وقع على الارض قربت ياسمين منه لقت الدم مغرقه، كده اكيد مات... اخيرا حست با حساس غريب ماكانتش متخيلها، حست بحاجه عمرها ما حستها قبل كده...
الارتياح الخالص... اخيرا ارتاحت بعدت عن جثه ابوها وجريت على امها والحمد لله لسه بتتنفس، جريت على سميره اللي كانت بتفوق وساعدتها وقعدتها جنب امها جابت ميه وحاولت تفوق امها واخيرا فتحت عنيها وبصت لبنتها حاولت تتكلم بس ياسمين منعتها.
ياسمين: ارتاحي، خلاص كل حاجه انتهت غمضت عنيها والدموع نزلت من عنيها وبنتها سابتها تعبر عن مشاعرها بصت لسميره وادتها الميه تشرب ولاحظت الكدمات على رقبتها من ايدين ابوها، عرفت انه كان هيقتلها وبعد كده الدور كان هيكون عليها، لولا انها افتكرت المسدس كانو التلاته في خبر كان وقفت وبصت عليهم، امها رقبتها زرقاء وجسمها كمان مكان وقعتها وسميره بتاخد نفسها بالعافيه ورقبتها كمان زرقاء هيا اقل واحده مصابه شدت غطا الصفره وغطت ابوها وعرفت ان المشوار لعلي من نصيبها لنهم الاتنين مش قادريت يتحركوا، فجريت تنادي عليه، اول ما دخلت عليه.
على: ياسمين، انتي ليه هنا وفين سميره؟ ياسمين: يالا بسرعه وفي الطريق هحكيلك وفعلا في الطريق قالتله على كل اللي حصل، بصلها بعطف على: طول عمري عارف ان اخرته هتكون على ايدك انتي، انتي اكتر واحده عانت منه ياسمين: ما كنتش لوحدي، امي كمان،.
على: لا لا مش زيك، هو كان جوزها، هيا اختارته، اما انتي بنته ومحدش بيختار ابوه سكتو وكملوا طريقهم، وصلو البيت اخيرا واول ما دخلو لاحظ على اثار الضرب عليهم هما الاتنين وشاف المسدس فاخده وحطه في جيبه ياسمين: خدوه وادفنه في مكان بعيد ومش عايزه اعرف مكانه صفاء: بسرعه لان اصحابه زمانهم جايين. وانت لازم تكون موجود معانا علشان نعرف نطردهم.
على: مجهز المكان هدفنه وارجع بسرعه ونشوف هنعمل ايه ساعته ياسمين ولفه بسجاده وشالوه هما الاربعه وحطوه في العربيه على مشي وهما نظفوا البيت في حاله من الصمت غريبه، عدي ساعتين ورجع على وشكله كان تعبان جدا لدرجه ان ياسمين ساعدته يقعد واخيرا نطق على: تمت المهمه بنجاح ياسمين: انا اسفه يا على اني ورطتك معايا.
على: ما تقوليش كده، انا ما ساعدتكيش علشان انتي اختي بس، لكن علشان انتقامي انا كمان، ولولا ان انا معملتش حاجه تذكر ياسمين: ما تقولش كده انت عملت علشان خاطرنا كتير على: عايزين نحضر خطه نغطي بيها على غيابه، مش هسمح تدخلي السجن في كلب زي ده وافقته صفاء: ايوه يا بنتي ايه رأيك لو قلنا انه سرق دهبك وفلوسك وطفش.
على: ايوه فكره كويسه هتخبي دهبك وتقولي انه اخده، مش لازم حد يعرف بموته والا كلنا هندخل في مشاكل لاحصر لها، ولو اكتشفوا انه مات انتي وامك اول اتنين هيشكوا فيهم بسبب الخلافات بينكم صفاء: على عنده حق مش لازم حد يعرف انه ميت ياسمين: ولو غيابه طال وحد شك؟ على: محدش يقدر يعمل حاجه من غير جثه على: محدش بيحبه فمحدش هيسأل عليه متخافيش ياسمين: واصحابه قربوا يجوا هنعمل معاهم ايه.
على: سيبي الموضوع ده عليا انا هتكفل بيهم وفعلا اول ما صحابه جم خرج لهم على وقالهم انه سافر وهددهم بالسلاح علشان يمشوا ومحدش يرجع تاني اليومين اللي بعد كده قضوهم في تنظيف البيت ورجعوا عمالها تاني لشغلهم وكانو فرحانين برجوعهم جدا وخلال اسبوع بدأت الحياه ترجع لروتينها تاني، ولولا تعبها وقله اكلها اللي خلي امها تلاحظ ان بنتها فيها حاجه مخبياها وفي يوم دخلت عليها الصبح صفاء: هاه مش هتقولي لامك في ايه.
ومالك؟ ياسمين: انا حامل يا ماما صفاء بهدوء: ومحمود عارف بحملك؟ ياسمين: لا مشيت قبل ما اتأكد صفاء: هو اساء معاملتك؟ ياسمين: لو قصدك انه ضربني فلأ لكن اللي عمله كان اسوء بكتير هزت امها راسها بتفهم صفاء: كان بيخونك صح؟ ياسمين والدموع في عنيها: قعدتي كانت مهزله وعشيقته فضلت جنبه ولما حبيت امشي ما مانعش فهفضل ليه؟ صفاء: ما كانش المفروض تسيبيهولها كده.
ياسمين: وكنتي عايزاني اعمل ايه اوطي على رجله وابوسها واترجاه ولا افضل واتحمل الذل وابقي ز... سكتت ومكملتش كلمتها صفاء: قوليها زي انا؟ ياسمين: مش قصدي يا ماما بس انا مش هقدر اتحمل دهه صفاء: عندك حق دي حياتك بس مش لوحدك والنونو اللي جواكي ده من حقه يعرف ابوه.
ياسمين: عارفه وعلشان كده قررت اني اديه لابوه لانه هيوفره حياه مش هقدر اوفرهاله انا قربت من امها وانامت في حضنها زي عيل صغير كل يوم بيعدي بتتخيل البوليس بيخبط ويجرجروها، حطت ايدها على بطنها وفكرت في ابنها اللي كانت متخيله بعد ضرب ابوها وكل اللي حصل انها هتجهض بس محصلش الظاهر انه هيكون قوي زي ابوه، مرت سحابه حزن لما افتكرت ابوه عدي شهر على موته وهيا عايشه بهدوء، اخيرا مشي الخوف وبقى من حقها تعيش حياه طبيعيه ومحدش فيهم اتكلم عن الموضوع ده تاني ابدا احتفلوا بخطوبه سميره وعلى وهيا تكفلت بكل حاجه وزارهم سمرمع خالد وحضروا الخطوبه ولاحظت ياسمين على سمر انها بقت انسانه جديده.
ياسمين: خالد وحشتني جدا ازيك وعامل ايه خالد: كويس جدا يا احلي حد عرفته في حياتي ياسمين: ايه ده كله في ايه؟ خالد: انتي عرفتيني عليها تبقي احلي حد ولا لأ ياسمين: ماشي يا بكاش المهم قولتلها ولا لسه؟ خالد: لسه ومش عارف اقولها ازاي وبعدين انا عايش في حلم جميل خايف اصحي منه ياسمين: ماهو مش هينفع تفضل في الكوخ ده على طول ولا ايه انت اهوه داخل على تالت شهر ليك.
خالد: احنا يا دوب بدأنا في الشهر التالت بس فعلا لازم اقولها لانه مش هينفع اخليها في الكوخ ده وخصوصا في الظروف الجديده دي ياسمين: ظروف ايه؟ خالد: ايه ده هو انا مقلتلكيش؟ ياسمين: لا يا اخويا مقلتليش خالد: سمر حامل، ياسمين: بجد مبروك يا خالد انا فرحانه لك جدا. كده لازم بقى تاخدها لقصرك وقولها هديه البيبي خالد: تصدقي فكره فعلا هعملهالها مفاجأه بمناسبه البيبي سابها خالد وراح لسمر علشان يبدأ في خطته الجديده.
خالد: سموره روح قلبي يالا بينا عندي مفاجأه ليك يا قمر سمر: احنا لسه جايين مفاجأه ايه خالد: تعالي بس انا استأذنت من ياسمين وعلى يالا بينا سمر: براحتك يالا بينا بس قولي المفاجأه هتعجبني خالد: والله ده شيئ يرجع لنظرتك للامور، سمر: مش فاهمه؟ خالد: هتفهمي دلوقتي ربنا يستر سمر: احنا مش هنركب ولا ايه شوفلنا اي تاكسي خالد: لا هنتمشي شويه تعالي بس.
سمر: ادينا معاك اهو لما نشوف اخرتها ايه مسكت ايده ومشيوا جنب بعض بهدوء شديد والخوف ماليهم هو خايف يصحي من حلمه وهيا خايفه من سرحانه وبعده عنها كأن في حاجه مخوفاه مش عارفه ايه هيا المهم وصلو قدام فيلا كبيره ووقف خالد قدامها كان النور منور كله وظاهره من الاضواء وهم سمر: ايه ده الفيلا دي طول عمرها مهجوره ياتري مين سكن فيها، تعرف كان نفسي من زمان ياخالد اشوف شكلها من جوه.
خالد: واهو جتلك الفرصه تشوفي شكلها، تعالي، سمر: ايه ده هندخل كده وخلاص، انت مجنون ولا ايه استني بس شدها خالد ودخلو من الباب ومشيوا في الجنينه لحد ما وصلو لباب الفيلا سمر: انت اكيد مجنون طب هنقول لاصحابها ايه، هاي احنا جايين نتفرج على بيتكم يالا بقى بلاش جنون خالد: اصبري واسكتي شويه، خبط خالد على الباب وفتحتله الخادمه وقالتلهم: اهلا وسهلا اتفضلوا سمر: ايه ده هيا تعرفنا منين.
خالد: ادخلي واسكتي دخلت سمر وهيا مبهوره بكل حاجه حواليها وفضل خالد يتفرج عليها خالد: هاه عجبتك حلوه؟ سمر: انت بتهرج حلوه ايه دي خرافه مش حلوه؟ خالد: يعني نفسك تعيش فيها سمر: لا طبعا انا عاجبني بيتي الصغير ومش هبدله باي شيئ في الدنيا خالد: بيتنا الصغير هيفضل ديما ليه مكانته الخاصه في قلوبنا بس من النهارده ده بيتك اتصدمت سمر ومعرفتش ترد سمر: اه حلو الهزار ده بس يالا بقى نروح انا تعبت.
خالد: سمر بقولك ده بيتنا، سمر: مش فاهمه يعني ايه ده بيتنا يعني هنبات هنا الليله دي استأذنت من صاحبه مثلا؟ خالد: سمر ده بيتي انا... انا صاحبه وده هديه البيبي ليكي. دي هديتي ليكي سمر اتصدمت وفجأه سابته وجريت على بره وفضلت تجري وهو وراها بينادي عليها خالد: سمر استني، استني يا مجنونه استني ومسكها غصب عنها ووقفها خالد: اقفي انتي نسيتي انك حامل انتي مجنونه.
سمر: ايوه مجنونه لما حبيت واحد كداب زيك,,واحد كان كله همه يزلني وخلاص، جبته منين القصر ده، اوعي يكون رشوه من محمود علشان تقلب اللعبه جد وتتجوزني، علشان كده وافق محمود، ده انا كنت غبيه خالد: انتي فعلا غبيه بتفكيرك ده، انا خالد احمد الحسيني، صاحب شركات الحسيني جروب للاكترونيات لو سمعتي عنها، انا غني ابا عن جد بس بحب التمثيل مش اكتر سمر: وبرافو طلعت ممثل شاطر جدا وعرفت تمثل دورك صح.
خالد: التمثيل الوحيد في اللي حصل ان انا خبيت عنك اني غني وبس كل حاجه كانت حقيقه سمر: اه ومشاعرك برضه كانت حقيقه صح؟ خالد: مشاعري اكتر حاجه كانت حقيقه، مشاعري هيا اللي خلتني العب الدور ده، لو جيتلك باسمي كنت هتوافقي عليا وخلاص اهو اي واحد غني زي محمود غني وخلاص، اكن لازم توافقي عليا انا الاول سمر: كفايه انا مش عايزه اسمعك اكتر من كده روحني ارجوك خالد: راوحك فين بالظبط واهاو ده بيتك.
سمر: لا ده بيتك انت بيت واحد انا معرفوش انا عايزه اروح بيتي اخدها خالد وراحوا على بيتهم الصغير واول ما جه يدخل سمر: ارجوك انا محتاجه افض لوحدي شويه سيبني لوحدي ودخلت وسابته بره البيت ودي كانت اول ليه يقضوها بعيد عن بعض.
طلع النهار وخرجت ياسمين بلكونتها تستقبل يوم جديد، لفت نظرها حركه تحت فبصت لقت واحد هيا عارفاه كويس واحد عمرها ما هتنسي شكله او هيئته ابدا دخلت بسرعه اوضتها وهيا مش عارفه تتلم على اعصابها لحظه ودخلت سميره تجري سميره: محمود تحت وعايزك، ليكون عرف حاجه سكتت ياسمين وهيا بتغير هدومها علشان تنزل ومش عارفه تتكلم سميره: انتي نسيتي انه قاضي ممكن يكون عرف حاجه وجاي.
ياسمين: اسكتي يا سميره ارجوكي انا مش عارفه هو جاي ليه نزلت وهيا بتحاول رجليها ماتترعش وهيا نازله وهو كان واقف بهيبته وطوله وباصص لبره ومشبك ايديه وراه، واول ما شافها بصلها بهدوء محمود: ازيك يا ياسمين؟ ياسمين: انا كويسه محمود: انا حبيت اتكلم معاكي الاول قبل اي اجراء بصتله باستفهام لانها مش قادره تنطق فجاوبها محمود: انا هنا بصفتي قاضي مش جوزك...
رواية موعد مع القدر للكاتبة الشيماء محمد الفصل السادس عشر والأخير
الحلقه ال16 والاخيره موعد مع القدر محمود قالها انه جاي بصفته قاض مش جوزها غمضت عنيها علشان ما يشوفش الرعب فيها وعضت على شفايفها علشان ما تصرخش محمود: ياسمين... اقعدي من فضلك طاوعته وقعدت على طرف الكرسي كأنها مستعده للهرب في اي لحظه حست انه مختلف، بارد ومتباعد... خرج شويه ورق وقلم، اكيد عايز يسجل اعترافها وحست انها نهايه حياتها وهتقضي باقي عمرها في زنزانه رفع راسه وبصلها وبعد كده رمي قنبلته.
محمود: فين ابوكي يا ياسمين؟ بصتله بدهشه، طالما بيسأل يبقى ما لقوش جثته ياسمين: هو... انا... ما اعرفش هو فين هيا كده مش بتكدب لانها فعلا ما تعرفش هو ادفن فين محمود: هو كان هنا... في بيتك؟ ياسمين: مشي بعد يومين من وصولي محمود: مشي راح فين؟ ياسمين: قلتلك ما اعرفش ما اعرفش... وبعدين انت هنا ليه؟ محمود: ابوكي متهم بسرقه واستدانه فلوس ومسددهاش... كمل بتريقه في عادات مش بتتغير.
ولا ايه؟ بدأت تسترد انفاسها واتكلمت بهدوء ياسمين: ماعارفش عنه حاجه كل اللي اعرفه اني رجعت لقيته هنا وحاولت اطرده لكن هو قالي مش هيمشي من غير ما اديله كل مجوهراتي محمود: واديتيله فعلا؟ ياسمين: لا بس هو سرقها وانا بره البيت وهرب محمود: هرب امتي؟ ياسمين: قلتلك بعد ما رجعت بيومين محمود: انتي متأكده انك ما تعرفيش مكانه؟
ياسمين: ايوه متأكده وقف محمود وانهي الاستجواب وطلب منها انها تنادي امها وسميره ولما قامت مسكها من دراعها وهو وراها حست هيا برعشه في جسمها من لمسته بس تمالكت نفسها محمود: يا سمين انتي حامل.؟
ياسمين: انت قلت ان الاستجواب انتهي، بعد اذنك ردها كان كفيل يرجعله برودته فسابها تمشي في المطبخ قابلت امها وسميره وحكتلهم بسرعه عن اللي حصل وراحوا علشان يردوا على اسئلته فضل معاهم اكتر من ساعتين يستجوب فيهم وبعد كده محمود استأذن ومشي ياسمين: قالكم ايه واتأخرتم كده ليه؟ صفاء: اهدي ما فيش حاجه الموضوع وما فيه ان ابوكي عليه حكم بعشر سنين سجن وجوزك بيحاول يلاقيه.
ياسمين: هو قالي انه مستلف فلوس من ناس ومرجعهاش صفاء: فعلا تلاته من اصحابه رفعوا عليه دعوه بعد ما اختفي ياسمين: ارحمني يارب كنت هقع من البلكونه اول ما شفته الصبح ولما قابلته حسيت انه هياخدني لحبل المشنقه صفاء: ما تخافيش؟ما حدش هيعرف مكان الجثه، المهم قولتيله عن حملك؟ ياسمين: لا ما قلتلوش على الرغم من سؤاله ما حبتش اقوله في ظروف زي دي صفاء: عندك حق ده مش وقت مناسب... على فكره سأل عن على برضه.
ياسمين: وقلتوله عن مكانه؟ صفاء: قولتله انه ساعات بيجي هنا وانه ساكن في بيت بعيد مهجور منعرفش مكانه عدي يومين وجالها خالد يزورها وحكالها عن اللي حصل خالد: ادي ياستي اللي حصل ومن ساعتها وانا بنام بره ياسمين: ههههههههههههههههههههههههههه هههههههههههههههههههههههههه خالد: انتي بتضحكي ماشي براحتك ياسمين: تستاهل، الكدب ديما اخرته وحشه خالد: طيب قولي لنفسك؟ ياسمين: ليه بقى وانا كدبت في ايه؟
خالد: بتكدبي على محمود ومخبيه عنه انك حامل او انك بتحبيه ياسمين: ايه ده وانت عرفت منين؟ خالد: عرفت من امك وانت مسافره وحكتلي، اما الحمل فده لاحظته عليكي زي مالاحظته على سمر يعني نفس الاعراض وكده وخمنت واهو طلع تخميني صح ياسمين: انا اختلف عنكم وظروف جوازي غيركم خالد: دي حجج مش اكتر الكدب كدب مهما كانت الاسباب ولا ايه... قوليله انك بتحبيه، كلمه بحبك بتعمل المستحيل.
ياسمين: ما تقلقش عليا اكيد هيجي يوم واقولها، بس احسها الاول منه سابها ومشي خالد وبالليل جالهم على وقالهم ان محمود زاره ومعرفش منه اي حاجه وخصوصا ان اصابته خفت فمستحيل يشك ياسمين حست بالرغم من الكل بيحاول يطمنها بالقلق جوزها مش غبي وذكي جدا، وفي فريق تحت قيادته بيحقق في موضوع اختفاء ابوها في ناس قاله انهم شافوه ماشي وناس قاله انه مستخبي في البلد وكل واحد برأي بس الشكوك ماليه راس محمود خرج من بيته بالليل وراح ناحيه بيت ياسمين كانت ياسمين لسه هتقوم علشان تنام، من ساعه حملها وهيا حاسه انها على طول عايزه تنام وفي الليله دي على كان بايت معاهم وكلهم سهرانين مع بعض، اتخضوا من خبطه على الباب وقام على يفتح واتفاجؤا هما الاتنين ببعض.
محمود: عايزكم كلكلم هنا، بص لعلي... وكويس انك انت كمان موجود بصو كلهم لبعض بخوف، هو فضل رايح جي زي نمر محبوس في قفص محمود: طول الاسبوع اللي فات بنحقق عن اختفاء ابوكي ومفيش اي حد، اي حد نهائي عارف مكانه او حد شافه اكيد بيمشي من هنا على: انت مقدرتش تستني للصبح يعني، محمود: انا لسه مكملتش كلامي بص لياسمين اللي بصت للارض علشان ما يشوفش الخوف في عنيها محمود: فكرت انه ممكن يكون هرب.
بس استبعدت الفكره دي، لسبببيين اولا. انه في واحد هنا ابوكي ليه فلوس عنده وايوكي مش هيسيب مليم عند حد وثانيا الكل هنا عرف انك مراتي فابوكي مش هيسيب الموضوع ده يعدي كده من غير ما يجي ياخد نسبته ولا ايه؟ حست ياسمين انها عايزه تهرب علشان بس تتنفس.
محمود: وانا بفكر ما لقتش غير تفسير واحد، انه هو ميت هنا حست انها خلاص هيغمي عليها بصتلهم كلهم لقت الرعب مرسوم على وش سميره وامها وشها جامد وملامحه متصلبه، على الوحيد اللي كان مسيطر على اعصابه ورد بهدوء على محمود على: وليه بقى فكرت كده؟ محمود: خلينا نقول اننا كلنا عارفين طبيعته وحقارته على: فعلا اعدؤاه كتير محمود: عندك حق بس في درجات للعداوه وبعمليه حسابيه بسيطه نلاقي ان في تلاته على القمه... انت...
لانه قتل ابوك وخطيبتك ياسمين: لانه عذبها طول حياتها صفاء: كان جوزك وعانت منه الامرين زاد غضب على ولسه هيرد فقاطعته صفاء بهدوء.
صفاء: عايزينا نقولك ايه؟انه كان احقر انسان على وج الارض، انه كان بيخوني في بيتي، انه كان بيضرب بينتي بعمود حديد لحدما يكسر اطرافها، انه كسرها مرتين ايديها ومرتين رجليها، انه كان بيحبسها بالاسبوع في الاسطبل من غير اكل او شرب لولا على كان بيهربلها الاكل والشرب كانت زمانها ماتت من زمان، انها كانت بتنام كل يوم تحت السرير خوف منه لحسن يتهجم عليها لما يشرب، عايزنا نقولك ايه بالظبط، طول كلام صفاء ومحمود عنيه على ياسمين للدرجه دي هو كان اعمي واتهمها انها شريكته للدرجه دي هو عذبها لما كان فاكر نفسه انه لما يقرب جيهان منه هيا هتغير بس كل اللي عمله انه كان في نظرها زي ابوها ما كان بيخون مراته قدام مراته هو جرحها بنفس الطريق حس محمود ان الدنيا بتلف بيه.
محمود: يعني فعلا هو ميت مقتول صفاء: ايوه انا قتلته ياسمين: لا يا ماما...
صفاء: ايوه انا قتلته سميته ياسمين: لا ما تصدقهاش انا اللي ضربته بالنار سميره: لا انا اللي حطتله السم في اكله على: لا انا اللي قتلته ودفنته هما مالهمش دعوه بصلهم محمود كلهم ولاول مره في حياته يقف عاجز عن الكلام قعد وقالهم محمود: عايز اعرف الحقيقه كامله تطوع على وحكاله كل اللي حصل بالتفصيل كان بيبصلهم كلهم بس نظرته كانت بتطول على ياسمين كان نفسه يقوم ويضمها بس خاف من رده فعلها ولما خلص على كلامه.
محمود: يعني قتلتوه كلكم مع بعض رفعت ياسمين راسها ومسحت دموعها واتكلمت بصوت واطي بس هادي ياسمين: في اللحقيقه انا اللي قتلته والباقيين ساعدوني خصوصا على هو ماكنش موجود اصلا محمود: بس هو اللي اخد الجثه ودفنها، مش مهم مين نفذ لانكم كلكم شركاء في جريمه واحده وقف وبص لعلي.
محمود: عايزك توريني دفنته فين وفعلا اخدوا وراحو، ياسمين كانت نايمه على حجر امها وبتبكي بس حاسه ان في ثقل انزاح من على صدرها واللي يحصل يحصل عدت ساعه وبعد كده رجعوا ودخل على ومحمو د كلهم وقفوا مستنينه يتكلم محمود: بكره هسلم تقريري النهائي... هكتب فيه ان المدعو حسين هرب لوجهه مجهوله ومحدش عارف مكانه الكل سكت من صدمتهم لان دي اخر حاجه توقعوها منه وقبل ما حد يتكلم.
محمود: ودلوقتي لو سمحتم عايز اتكلم مع مراتي على انفراد سابوهم ومشيوا وهو اخد نفس طويل كأنه بيدور على حاجه يبدأ بيها كلامه ياسمين: عملت كده ليه؟ محمود اتفاجأ بسؤالها: لانه كان ندل وحقير وما يستهلش ان حد يدخل السجن بسببه حست ياسمين بخيبه امل من جوابه، كان نفسها يقول علشان خاطرك ياسمين: على العموم شكرا ليك محمود: ما تشكرينيش لاني فكرت في نفسي الاول بصتلها باستفهام فجاوبها.
محمود: انت مراتي ومش عايز حياتك تتحطم ياسمين: ومن امتي بتهتم بيا؟ محمود قرب منها: ما ساعه ما شوفتك اول مره وانا بهتم بس عندك خلاكي ما تلاحظيش غير اللي انتي عايزه تلاحظيه ياسمين: انت انسان مغرور ومتكبر ضحك محمود وحست انه بيسحرها بضحكته الصافيه اللي اول مره تشوفها طالعه من قلبه كده محمود: على فكره انتي المفروض حاليا تحاولي ترضيني باي طريقه.
ياسمين: ده في احلامك ضحك زياده واستغربت من مرحه بس مسكها وشدها عليه محمود: عارفه انا بحبك زي ما انتي كده، عنيده بتعمل اللي في مزاجها ومش بيهمها اي حد مهما كان ياسمين: انت بتحبني؟ محمود: ايوه انا بحبك وما تبصليش كده وتستغربي كلامي ياسمين: انت مش بتحبني انت بس عايزيني اخلفلك عيال وخلاص اتنهد وشد ايده على وسطها كأنه عايز يدخلها جواه.
محمود: فعلا عايز عيال، اي واحد متجوز وبيحب مراته بيكون عايز منها عيال، بس ده مش السبب اللي خلاني افضل متجوزك، انا وقعت في هواكي من ساعه ما ابويا وراني صورتك وعلشان كده ما فسختش العقد لانه طبعا كان سهل يتفسخ بما اني مكنتش في حالتي الطبيعيه وان انتي كمان امضائك كان مزور، اي محامي كان هيفسخ العقد ياسمين: يعني انت ضحكت عليا.
محمود: انتي اللي صعبتيها عليا واتمردتي اعملك ايه مكانش قدامي طريقه تانيه احافظ عليكي بيها ياسمين: تقوم تعمل كده، كان كفايه قوي تقولي بتحبني محمود: انت ما اول ما شوفتيني وانتي ب تتجنبيني، انا جيت اشتغلت عندك اجير وماكنتش بشوفك ولا نسيتي، وبصراحه كنت بشوفك مع على وكنت فاكر انه حبيبك ياسمين: على، على ده زي اخويا بالظبط محمود: مانا اخدت بالي وعرفت حاجات كتير قوي ما كنتش واخد بالي منها ياسمين: وجيهان؟
محمود: مالها جيهان؟ شوفي انا مش هنكر علاقتي بيها هيا فعلا كانت عشيقتي لمده اسبوعين بعد ما جوزها مات وكانت غلطه عارف، فنهيت العلاقه بس هيا متقبلتش رفضي ليها ومن سنتين وانا بتفاداها ياسمين: ماهو كان باين فعلا انك بتتفاداها وانت على السفينه ضحك محمود وقربها منه ورفع وشها وبص في عنيها محمود: اولا هيا كان عندها مشكله ماليه وطلبت مساعدتي ومفيش مره اجتمعنا فيها في مقصورتها الا وكان قبطان السفينه معانا.
ياسمين: وثانيا محمود: ثانيا كنت عايزك تغيري وتتحركي ياسمين: امال بعتهالي ليه في المقصوره محمود: بعتهالك لانها طلبت مني انها تعتذرلك لما انا طلبت منها انها تحاول تحافظ على تصرفاتها قدامك وانك بتتضايقي منها فقالتلي هتروح تعتذرلك فوافقت بس رجعت متشحوره ضحكت هيا بكسوف ياسمين: هيا كدابه، جت قالتلي انك بعتها علشان تقنعني ان انا اقبلها عشيقه ليك اترسمت الدهشه على وش محمود: يا بنت ال...
انا اسف بجد انا افتكرت انها استسلمت للامر الواقع ان ما فيش حاجه تربطني بيها خلاص مسك وشها بايديه: كانت غلطانه لاني متعلق بمراتي ومش عايزها تبعد عني مسكت ياسمين ايدين محمود على وشها وبصتله ياسمين: طيب ليه مقولتليش قبل كده.
محمود: كبريائي الغبي هو اللي منعني، وانتي مسهلتيش الموضوع كمان، طول الوقت بتقولي انك بتكرهيني ومش سهل ابدا على راجل يقول لواحده بتكرهه انه بيحبها، وزودت عليها الليله اللي قضيناها على السفينه كنتي لوح ثلج وده زود احباطي وعنفي معاكي، انا اسف جدا على الليله دي ياسمين: كرامتي كانت واقفه بينا وانا اسفه فعلا على الليله دي بس انت كنت بتهنني كتير.
محمود: انا اسف بجد، كنت عايز اعذبك زي ما بتعذبيني انتي كنتي بتقتليني ببرودك وكلامك ونظراتك قرب منها لدرجه ان شفايفهم اتلامست وده كن كفيل انه يولع النار بينهم نار مستنيه من زمان ان حد يشعللها واخيرا لما قدر انه يبعد شفايفه عنها كانوا هما الاتنين بينهجوا ضمها محمود بحنان محمود: ايه رأيك لو نرجع فرنسا مع بعض ياسمين: انت مش هتعيش هنا؟
محمود: بمجرد ما ارفع تقريري النهائي هقدم استقالتي انا مكاني مش هنا وحياتي كلها هناك، ايه رأيك نرجع مع بعض وناخد مامتك معانا ياسمين بتقل: يعني انتي عايزنيي مراتك بجد؟ محمود: ده سؤال ما يتسألش يا حبيبه قلبي ياسمين: والاولاد، هتعمل ايه لو مااقدرتش اخلفلك محمود : مش مهم لو مخلفناش هنتبني طفل وخلاص ياسمين: موضوع التبني ده مش هيكون مهم مسكت ايده وحطتها على بطنها وهو فهم صرخت اول ما شالها.
محمود: ايه رأيك لو توريني فين اوضتك علشان عايز انتقم منك. في حساب بينا لازم اصفيه جاوبته وهيا ايديها حاولين رقبته ياسمين: بجد، بس انا معملتش حاجه يا سياده القاضي محمود: بجد... هو انتي مش انكرتي ان في حاجه حصلت بينا في اخر ليله لينا في السفينه؟ الانكار مش بيفيد على فكره ياسمين: عرفت منين انت كنت سكران.
محمود: حبيبتي، انتي فاكره اني ممكن انسي ليله قضتها معاكي، ليله من اجمل ليالي العمر وانتي تنكريها انت عافه خليتيني حاسس بايه لما نكرتيها ياسمين: نكرتها لانك وانت نايم ناديت على جيهان وصدمتني بعد الروعه اللي عيشناها وكنت انا وبس اللي في حضنك وجواك وتنام تنادي على عشيقتك عايزني اعمل ايه يعني؟
محمود: انا مش فاكر ليه بس الليله دي بالذات اخدتني جيهان اوضتها وحاولت تغويني بكل طريقه ورفضتها فمكن اكون حلمت بكده ليه قولتي اني بنادي عليها مش ممكن اكون ببعدها عني، ياسمين: انا اسفه ان مسألتكش محمود: هنقضي الليله كلها كلام اوضتك فين؟
ياسمين: إلى الامام وفعلا شالها وخرج بيها وكانوا كلهم بره ولما شافوهم انسحبوا بهدوء وسابولهم البيت وهما بدؤا اول ليله ليهم مع بعض كانت ليله حب، ليله عتاب، ليله كل واحد بيعبر فيها عن حبه للتاني... ليله طال انتظارها، ليله كل واحد فيهم يشبع حرمانه من نصه التاني خالد كمان اخيرا اتصالح مع مراته خالد: افتحي يا سمر بقى حرام عليكي كده هموت وحشتيني سمر: لا خليك بره كده. مش هتدخل عندي انت كداب خالد: ده كان حب.
مش كدب كفايه كده وحشتيني حرام عليكي بقى سمر: لا مش وحشتك. كداب خالد: وحشتينييييييييييييييييييييييييييييي. هموت عليكي كفايه كده. هكسر الباب يا سمر سمر: مش هتقدر خالد: ماشي، وبدأ يخبط في الباب ويكسر فيه. سمر خافت انه يكسر الباب فتحت الباب على فجأه في وقت كان خالد بيحاول يكسر الباب فيه فطبعا وقع على الارض وهيا ماتت من الضحك عليه.
خالد: بقى كده بتتضحكي، انا هوريكي تضحكي ازاي؟ قام وجري وراها وهيا بتجري وتصرخ لحد ما اخيرا مسكها، كانت فعلا وحشاه فأول ما طالها باسها بكل غل وحب وشوق ولهفه، هيا كمان كانت هتموت عليه فضمته بكل الحب اللي جواها، وكان احلي صلح احلي لقا بعد غياب، وهما نايمين على السرير بعد ما طفوا نار غيابهم سمر: ما تعرفش كنت واحشني اد ايه خالد: لو واحشك ما كنتيش تسيبيني 3 ايام بعيد عنك وتخليني اقعد اعد النجوم طول الليل بره.
سمر: مش عايزاك تكدب عليا تاني ابدا خالد: كان لازم يا سمر اتأكد انك بتحبيني انا مش عايزه اي واحد وخلاص وبعدين ما تنسيش ظروف تعارفنا سمر: من اول مره شوفتيني وبوستني فيها وانت ملكت قلبي بس كنت خايفه اعترف بده، انا بحبك قوي خالد: طب ممكن بقى نروح بيتنا.
سمر: يالا بينا، بيتك هو بيتي في اي مكان تحبه هروح معاك فيه اخدها خالد وراح بيها البيت الجديد وبدؤا حياتهم الفعليه بكل وضوح راحوا حضروا الحفله اللي عملها محمود كتعويض عن فرحه واصر ان.
ياسمين تلبس فستان ابيض وعملها فرح ما حصلش كتعويض بيت ياسمين محمود اقترح عليها يكون هديه جواز على وسميره وسميره كمان استلمت شغل ياسمين وكان الكل مبسوط وبعد كام شهر في مزرعتهم في فرنسا ماتيلدا كانت اول واحده تشيل النونو اللي ملي الدنيا بعياطه وخرجت لمحمود تبشره بتشريف ولي العهد بس هو كان مهتم اكتر بحبيبته فسابهم كلهم ودخل لحبيه قلبه.
محمود: حمد الله على السلامه يا اغلي حاجه في حياتي مسك ايديها وفضل يبوس فيها ياسمين: شفت ابنك شبهك على فكره، ومتعب زي ابوه محمود: ضمها جامد والدموع في عنيه: انا اسف جدا بس اعمل ايه بحبك قوي.
ياسميم: انا اللي بحبم ومش عايزاك تبعد عني لحظه تعال جنبي اخدها محمود في حظنه وفضل جنبها خالد كمان مراته جابت بنوته زي القمر ومتمرده زي امها ابوها اول ما شالها قالها مسيره يجيلك اللي يكسر تمردك ده زي امك وكان ردها مخده خبطت في وشه. تمت نهاية الرواية أرجوا أن تكون نالت إعجابكم
تحميل محتوى الموضوع
عرض نسخة صالحة للطباعة
أرسل هذا الموضوع إلى صديق
[13]
الدعوات : 2قوة السمعة : 10
رواية موعد مع القدر