رواية حب بلا قيود

رواية حب بلا قيود للكاتبة أسماء صلاح الفصل الثالث والعشرون

نعمه:يلا يا نورا عشان نروح بيت جدك.
نورا:خلصت اهو يا ماما يلا.
سامي:رايحه فين.
نعمه:بيت ابوي.
سامي:ليه
نعمه:عشان اعرف اي اللي حصل هناك.
سامي:انتي عتتطلبي وراثك.
نعمه:اصل محدش من اخواتي كلمني ولا قولوا حاجه... فقولت اروح أنا.
سامي:طيب متتاخريش عاد.
نعمه:ماشي... يلا يا نورا.

ف قسم الشرطة.
عاصم:يعني مفيش حل.
ماهر:ف بس انه اللي عمل كدا يظهر... لان كل الأدلة ضد يوسف.
عاصم:بس ابني برى... كدا مسجون ظلم...وممكن يتعدم.
ماهر: اللي اقدر اقوله انك تشوف حل... وتتدور على القاتل وساعتها هيطلع منها.
عاصم:ازاي.
ماهر:مش هو حد من بيتكم... يعني سهله.
عاصم:ازاي
ماهر:يعني مين لي مصلحه ان يوسف يبعد من البيت.
عاصم بتفكير:اخويا عبد الرحمن... وابنه عمر.
ماهر: طب وليه ميطلعش حد منهم.
عاصم:يعني ممكن يكون منهم.
ماهر:ممكن بس المهم الدليل.

ف منزل العطار
نعمه: عامله اي يا سعاد.
سعاد:كويسه.
نعمه:ان شاء الله يوسف يخرج على خير.
سعاد:يارب.
زينب:ساميه عامله اي ف الجواز.
نعمه:زي الفل.
نورا:هي فين مني.
سعاد:فوق ف اوضتها.
نورا:طب انا هطلع ليها.
نعمه:هو فين ورث ابوي.

سعاد وهي تمتط شفتيها وقالت:يااختي مش لما نطلع من الهم اللي احنا ف الاول.
نعمه:وانا مقولتش حاجه بس دا حقي وحق بناتي... وانا بسأل.
زينب:لا يا اختي انبطتي ابوك كتب كل حاجه لملك.
نعمه بصدمه:كل حاجه... ازاي.
سعاد:والله زي ما بقول... بس عاوزين نتصرف.
نعمه:كيف يعني.

سعاد:يعني تكتمي على خبر دي لحد ما هنشوف هنعمل اي ونرجع حقنا كيف.
نعمه: بس ما ابوي كتب خلاص هنعمل احنا إي.
زينب:زي ما كتبت كل حاجه بيع وشرا... ملك تمضي وتبيع.
نعمه:وملك هترضي
سعاد:دي بقي سيبها علينا.

ف غرفه مني.
نورا:مالك مضايقه ليه.
مني:اتخنقت... قاعدين ناكل ف بعض واحنا اهل واخويا يدخل السجن ظلم وجدي يتقتل ف بيته... كل دا و مبقاش مضايقه.
نورا وهي ترتب على كتفها.
كل دا مش بمزاجنا واحنا اهو بنحاول نظهر الحقيقه.
مني:حقيقه اي يا نورا... يوسف ف السجن وابوه وأمه بيفكروا ياخدوا الورث ازاي... ولا اكن ابنهم مسجون... كل اللي ف دماغهم الفلوس.
نورا بحزن:ربنا يهديهم يا منى... بس احنا بنعمل اللي علينا.
مني:اها كنت عاوزه اكلمك انتي او ملك واقولك.
نورا:على اي.

مني:جدو كتب نص ثروته لملك والمحامي قال كدا بس هما مش عاوزين يقولوا ومعرفش ناويين على اي.
نورا:مش سايبين البت ف حالها...بصي انا كنت عاوزه اعرف حاجه.
مني:ايه
نورا:ملك ف حد حاول يقتلها وكلنا شاكين انه يكون من هنا.
مني:قصدك مين.
نورا:محدش بعينه... بس حد من الغفر اكيد اللي برا او بتوع المصنع اكيد حد من الرجالة دي.
مني:اممممم اكيد بس هنعرفه ازاي.

نورا:مين من الغفر اللي برا محل ثقه مثلا وممكن يعمل المهمة دي.
مني:بصي انا معرفش بس كل الغفر اللي هنا ممكن يرحوا لأي مهمه بس معتقدش ان حد منهم.
نورا:اشمعنا.
مني:اصل امين هيروح عشان يهدد واحده ف بيتها... ممكن يكون حد من برا.
نورا:بس بتاع البيت أمان اكتر متنسيش ان كلهم من ايام جدك.
مني:بصي هحاول اَعرف طب ملك شوفته.
نورا:لا سمعت صوته بس.

مني:صوته دي صعبه اوووووي.
نورا:اهو احنا بندور على اي حاجه.
مني:تفتكري لو اللي قتل دا سمعنا دلوقتي.
نورا:هيقتلنا او هيعذبنا.
مني:انا بكون نايمه وانا خايفه لحد يدخل يخلص عليا.
نورا:والله حاسة اني ف فيلم رعب.
مني: المهم انه يخلص.
نورا:المشكله بعد ما يخلص هيحصل اي.
مني:ربنا يستر.

ف منزل الشوربجي.
همام:مالك يا كريمة جاعده وحاطه ايدك على خدك ليه عاد.
كريمة:ولا حاجه يا اخويا بس انت شايف حال العيال مايل.
همام:ما عيال زي الفل واحمد مبسوط مع مراته... ونهله عروسه زي الفل وبكرا تتجوز ونروح بيها.
كريمة وهي تلوي فمها بضيق:ما هي العروسة عريسها اتجوز.
همام:الجواز نصيب يا كريمة وادهم اتجوز اللي اختارها.
كريمة:بس انا كنت متفقه مع اختك اني هاخد أدهم لنهله.
همام:يبقي مكنش من نصيبها... وربنا يرزق بنتنا بالزوج الصالح.

كريمة بضيق: طول عمرك مبتقولش حاجه مفيدة... بدل ما تكلم اختك وعاتبها... وتقول لابنك المحروس كلمتين.
همام:أدهم خلاص اتجوز... وكمان مراته حامل يعني خلاص الموضوع دا... واحمد هو ومراته كويسين احنا مالنا بجي.
كريمة:يعني انت منفسكش تفرح بعيال ابنك.
همام:نفسي طبعا بس دي حاجه هو اللي يحددها... مش كفايه احنا اللي اختارنا مراته وهو سمع كلامنا.
كريمة:وياريتنا ما اختارنا.

نادر:كلمتي نورا.
ملك:لا لسه... قالت لما تمشي...هتكلمني.
أدهم:يارب بس تعرف.
ملك:بس انا خايفه لحد يعملها حاجه... لو سمعهم.
أدهم:متخافيش وقتها انا هتصرف متخافيش.
حازم:طب انا كنت عاوز ادرس قضيه يوسف دي.
أدهم:ليه.
حازم:اكيد هيتعدم وهو مظلوم... دا غير كدا يوسف يعرف حاجات كتير ممكن تفيدنا.
أدهم:خلاص روح القسم واطلب انك تقابله.
حازم:تمام.
ملك:انا عاوز اروح البيت.

أدهم:لا مش هينفع.
ملك:دا بيت جدو يا أدهم عادي.
أدهم:ازكان جدو اتقتل هناك ومحدش عارف يعمل حاجه.
حازم:أدهم كلامه صح يا ملك مش هينفع تروحي غلط.
نظر أدهم بضيق لحازم ولطريقه كلامه معها واكنها تخصه.
ملك:انتم مكبرين الموضوع ليه.
أدهم بضيق:لا يا ملك ولا هتروحي ولا هتيجي ف حته خلاص.
ملك:ماشي.

رن هاتف أدهم... وقام ليجيب على الهاتف وخرج برا البيت حتى لا يتمكن احد من سامعه.
ولاحظت ملك ذلك وظهر عليه وجهها الضيق.
أدهم:عاوزه اي.
بوسي:وحشتني فقولت اكلمك.
أدهم:بوسي انا مش عاوز وجع دماغ مش ناقصك.
بوسي:ماانت اللي روحت لوجع الدماغ يا حبيبي.
أدهم:عاوزه اي انتي.
بوسي:عاوزك انت.
أدهم بتأفف:انا مش طايق نفسي متخليش زهقي يطلع عليكي.

بوسي:تفرق اي ملك عني يا أدهم.
أدهم:بوسي انتي عارفه اننا كنا بنقضي وقت مع بعض وكل حاجه ليها وقت و بتنتهي ... انسى بقا.
بوسي:وملك.
أدهم:مالها.
بوسي:وقتها هيخلص امتى.
أدهم:لما امووت... وقفل المكالمة.
دخل أدهم... وجلس ف مكانه مره اخرى.
نادر:ف حاجه ولا اي.
أدهم:لا مفيش.
كانت ملك جالسه وكانت تهز رجليها بغيظ وضيق من تصرف أدهم.
قامت ملك من مكانها.

أدهم: رايحه فين.
ملك:عطشانة رايحه اشرب.
أدهم:طيب.
ادارت ملك ظهرها ليهم وذهبت ف اتجاه المطبخ... ولكنها سمعت حديثهم قبل أن تتدخل... وبعدين دخلت لكي لا تسمع شي اخر.
نادر:بوسي صح.
أدهم:اهااا.
حازم:عاوز اي.
أدهم:ولا حاجه.
نادر:انت مقولتش قدام ملك ليه.
أدهم:ماانت عارف ملك هتتضايق.
كانت ملك واقفه ف المطبخ... وتحبس دموعها...وقامت بالاتصال بسمر.
سمر:وحشاني عامله اي يقلبي.

ملك:مخنوقة اوووي.
سمر:ليه.
ملك:حياتي معقده اوووي... مش عارفه هعمل اي ولا اي زهقت.
سمر: حصل اي طيب.
ملك:ولا حاجه بس زهقت... ولا عارفه اوصل لحاجه ولا شكلي هوصل... وف الآخر هتقتل زي اهلي.
سمر:اهدي يا ملك... وحدي الله.
ملك:لا اله الا الله... ربنا يرحمني.
سمر: أدهم مزعلك طيب.

ملك:لا أدهم مش مزعلني بس انا مضايقه حاسة اني غلطت... متغلبطه.
سمر:ليه الكلام دا.
ملك:أدهم غيري ف كل حاجه حاسة ان ف اختلاف كبير اوووووي ... وكمان انهارده كلم بوسي وخبي عليا.
سمر:ملك انتي كنتي عارفه علاقته ببوسي من الأول يعني هو مكدبش عليكي.
ملك:المشكلة اني عارفه... بس عادي بقا.
سمر:ملك بلاش عبط انتي عارفه ان أدهم بيحبك... وبعدين بوسي كانت علاقه عابره.
ملك:ممكن.

سمر:بلاش تنكدي على نفسك يا ملك... واكيد بوسي بتعمل كدا عشان تتضايقك.
ملك:شكلي اتسرعت ف حاجات كتير... والله اعلم اللي جاي عامل ازاي.
سمر:خير ان شاء الله مش انتي كنتي تقوليلي ربنا مبيعملش حاجه وحشه.
ملك:اكيد.
سمر:خلاص بقا نتوكل على الله ونسيب كل حاجه عليها... كنت عاوزه اقولك على حاجه.
ملك:اي.
سمر:انا رجعت البس الحجاب تاني... بس بتمني ان ربنا يغفرلي.

ملك:ان الله غفور رحيم... المهم الثبات.
سمر:ان شاء الله هكمل... بس انت فرفشي كدا.
ابتسمت ملك:حاضر فرفشت اهو.
سمر:وبعدين ف حد هيسيب القمر دا وهيروح لبوسي.
ملك:ههههه لا هي احلى وكبيره... لكن انا لسه صغيره.
سمر:والله عادي انتي حلوه... وبعدين ف احلي من الصغير... دا انتي بس اعملي العمايل السودة اللي هي بتعلمها وهتبقى احلى.

ملك:ههههههههه لا مش عاوزه ازكان انتي بتقولي عمايل سوده.
سمر بخبث: لا ماانا أدهم جوزك يعني براحتك.
ملك:ههههههههه مالك يا سمر..، بتتكلمي كدا ليه.
سمر:والله انا غلطانه بدلك على الخير.
ملك:ههههه طيب يا اختي...انا هقفل بقا عشان اطلع اصلي مش كل دا بشرب.
سمر:ماشي وابقى كلميني.
ملك:حاضر.

بوسي:هتعمل اي.
مراد:مش عارف لحد دلوقتي كل الطرق بتتقفل ف وشي.
بوسي:انا عن نفسي مش هسكت.
مراد:طب ماانتي لسه مكلمها واحنا مطلعناش بحاجه.
بوسي: انا مش عارفه هو ازاي قاعد ف البلد هناك ومش خايف.
مراد:هو أدهم بيخاف.
بوسي:علي رايك بس هنعمل اي.
مراد:يعني انتي ملكيش صور مع أدهم.
بوسي:ليا طبعا.

مراد:خلاص ابعتي لملك كام صور كدا بمواقف ساخنه.
بوسي:ما هي كانت عارفه اني حامل منه... وبرضو حصل اللي حصل.
مراد:هو كان مجرد واحد حتى لو كان ليها مشاعر من ناحيته لكن دلوقتي هو جوزها... ولما تشوفه على ست تانيه دمها هيتحرق... والمشاكل هتكتر فبكدا كل الظروف هتبقى ف صالحنا.

خرجت ملك لقيت نهله تجلس معهم.
احتقن وجهها دمها... وقالت بغيظ:ازيك يا نهله.
نهله:كويسه وانتي.
ملك:كويسه.
نادر:هو أحمد فين.
نهله:راح الشغل انت عارف عشان بابا تعبان هو اللي شايل الشغل.
أدهم:مش هو كان هيسافر إسكندرية.
نهله:اهااا بس لما بابا يخف شويه.
نادر:وامك خانقه البت ليه.

نهله:ههههه ماانت عارف شعل الحموات بقا.
نادر:ماانتي قايمه بالواجب... وبعدين كما تدين تدان... ومسيرك هتتجوزي وتجيلك اخته تعمل معاكي كدا.
نهله:لا انا عاوزه واحد معندوش اخوات بنات.
أدهم:وانتي هتلاقي فين دا.
نهله وهي تنظر له بأعجاب:موجود.
قامت ملك من مكانها.
أدهم:رايحه فين.
ملك:هدخل انام.
نهله:مش عاوزه تقعدي معانا ولا اي.
ملك:لا عادي بس تعبانة.

دخلت ملك الغرفة وقفلت الباب خلفها... وقامت بخلغ حجابها ورميته على الفراش بضيق.
تنهدت ملك بضيق... يارب بقا.
دخل أدهم...الغرفة وقفل الباب خلفه.
أدهم:دخلتي ليه.
دارت ملك بجسدها له وقالت ببرود:عادي.
أقترب أدهم منها...وامسكها واسند ظهرها على الحائط... واخد يداعب شعرها بيده.
أدهم:متزعليش مني.
ملك:هو انت بتعمل حاجه تزعل.

أدهم:طب زعلانه ليه.
ملك:مفيش حاجه اطلع اقعد مع قرايبك.
ادهم:امممم قصدك نهله يعني.
ملك:لا.
أدهم:ممكن متزعليش مني انا والله مش بكون عاوز ازعلك.
ملك ببراءه:بس بتزعلني... الصبح تتعصب عليا وبعدين كدا الاقي نهله قاعده وبتهرز وقاعده تبصلك.
أدهم:عشان خايف عليكي لو حد عملك حاجه هناك انا هخلص عليهم كلهم.
ملك:خلاص بقا مش مهم.

قام أدهم بوضع يده على وجنتيها وقال:انا مش بتحكم فيكي ولا عاوز افرض سيطرتي عليكي... بس انا بخاف عليكي ومش عاوزه تحصل حاجه تتضرك... لأني مش هسمح بدا يحصل.
ملك:بس يا أدهم انا بحس انك تعاملني على اني طفله صغيره مش مراتك.
ادهم:ايوه ما دي حقيقه انتي بنتي قبل ما تكوني مراتي... انا بخاف عليكي انتي بنتي وبحبك واي اب بيخاف على بنته وبيحميها... والأب مش هيسيب بنته مهما يحصل ... وانتي مراتي اللي بعشقها وبغير عليها.
ملك:انت ازاي كدا.
أدهم:مالي.

ملك:يعني ساعات تكون هادي وكويس وساعات متعصب وتخوف... بتتغير ف ثانيه.
ادهم: بس المهم مع كل التغيرات دي انا بحبكككككككك.
ملك:طب انت كنت بتكلم مين لما خرجت برا.
أدهم:امممممم... بوسي.
ملك:وبتقولها ف وشي كدا.
أدهم:يعنى اكدب عليكي.
ملك:لا بس برضو مش قدامي.
أدهم:لا قدامك لأني مش عاوز اخبي عليكي حاجه...وانا خرجت عشان متزعليش..
ملك:وكانت عاوزه اي.
أدهم:ولاحاجه.

ملك:امممممم ماشي.
أدهم:طب بما انك بتحبني كدا... مفيش بوسه لجوزك حبيبيك.
ملك:لا مفيش.
أدهم:يعني مش كفايه انها جواز من غير جواز وكمان مفيش... انتي بتعاملني كدا ليه يا بنتي.
ملك:ههههههههه خلاص بقا.
أدهم:عادي كل صبر نهايته خير أن شاء الله.
ملك:خلاص خليك صبور يا حبيبي.
أدهم:ماشي يا ملك.
ملك:ههههههههه والله بحبك.

أدهم ويقترب منها اكثر وقبل كل مكان ف وجهها.. قبلات كلها شوق وحب... حب ليس له حدود حب بالرغم الاختلاف مكمل ... حب بدون قيود... حب بدون اسباب... حب غير محدود لا يحكمه شي ولا يقيده اي قيود فهو حب بلا قيود بالرغم كثره القيود لكنه حر لأنه حب بلا قيود.

رواية حب بلا قيود للكاتبة أسماء صلاح الفصل الرابع والعشرون

نورا:بصي انا عندي فكره.
مني:اي هي.
نورا:ننزل دلوقتي ونقعد معهم عادي وبعدين نخرج برا نتمشى ف الجنينة ونشوف الغفر اللي واقفين برا يمكن نطلع بنتيجة.
مني:انا خايفه.
نورا:خايفه من أي.
مني:حاسه اني هموووت.
نورا:بعد الشر متخافيش يا منى.

مني:طيب بس بعد ما نخلص أروح عشان اشوف ملك.
نورا:ماشي يلا ننزل بس لان كلها شويه وامي هتقولي نروح.
نزلت نورا ومني واتجهوا الي المكان الذي يجلسون بي.
سعاد: الحمد الله انك نزلتي يا منى.
مني:قولت اسلم على عمتو... واتمشى ف الجنينة انا ونورا ماشي.
سعاد: ماشي...يا حبيبتي.
نعمه:انا هروح... وابقى تعالي على البيت.

نورا:حاضر يا ماما.
وخرجت نورا ومني.
زينب:هتمشي بدري ليه... استنى عاصم وعبد الرحمن واعرفي الأمور هتمشي ازاي.
نعمه:انا قعدت بقالي كتير.
سعاد:مش هيجر حاجه.
زينب:كلها شويه وهيجي وبعدين بيتك قريب.
نعمه:على رأيك اديني قاعده.

ف الخارج كانت تتمشى نورا ومني ويتحدثون.
نورا:تصدقي اني بقيت بخاف من البيت دا اوووي.
مني:وانا بقيت بخاف جدا... حاسه اني عايشه ف غابه او ربنا بيعاقبني على أعمالي الوحشة.

نورا:لا يا منى متقوليش كدا وبعدين انتي مش وحشه ولا حاجه كفايه انك بتساعدني اهو... وكمان الحقد مش ملي قلبك ولا حاجه وبتساعدي ملك مع انك ممكن كنتي تعمل زيهم... انتي لسه كويسه وكويسه اووووي كمان يمكن الظروف مكنتش مساعدكي بس مش اكتر... وعشان موضوع القديم بتاع سعيد فاحنا كلنا بنغلط يعني... واهو لولا الموضوع دا مكنش بقينا صحاب.

ابتسمت مني... وقالت:والله وانا بقيت بحبكم اووووي.
نورا:تفتكري اني غفير من دول.
مني وهي تنظر عليهم... مش عارفه.
نورا:ممكن سيد.
مني:لا مفتكرش.
نورا:عاوزه اعرف اوووي.
مني:انا عندي فكره.
نورا بحماس:اي.
مني:بصي هو مش واخدين بالهم مننا احنا نصور كل واحد فيهم تمام.

نورا بعدم فهم... تمام وبعدين.
مني:وانا هنسجل لكل واحد ريكود بصوته.
نورا:تمام بس هنعمل كدا ازاي.
مني:بصي هما مش وافقين جنب بعض وكله واحد لوحده فاحنا لو سألنا كل واحد نفس السؤال وصورنا الصور من بعيد محدش هيحس بحاجه...وبعدين احنا هنكلم الناس القريبين بس واللي هما من زمان... ويتوثق فيهم
نورا:امممم تعالي نجرب...بس هنسال على اي متنسيش انهم يعرفونا.
مني:اهااا يعرفونا... واحنا نعرفه ودي فرصه عشان تسالي براحتك ... يلا
مسكت مني الهاتف والتقطت صور لهم.

وبعد أن انتهت ذهبت لواحد منهم...وكانت تفتح مسجل الصوت
مني:عم سيد.
سيد:نعم يا بنتي.
مني:انا هخرج اجيب حاجه وارجع
سيد:ماشي يا بنتي بس متتاخريش عشان الست سعاد.
نحجت مني ف تسجيل أصواتهم.
نورا:خلصنا.
مني:تعالي نخرج نروح لملك بقا.
خرجوا من المنزل وذهبوا الي منزل ملك.

طرقت مني الباب...فتح لهم أدهم.
نورا:ملك موجوده
أدهم:اهااا ادخلوا.
دخلت نورا ومني... واستقبلتهم ملك وقام بمعناقه مني.
مني:وحشتني اوووي
ملك:وانتي اكتر.
وجلس الجميع.
مني:بصوا انا حولت اجمع تسجيلات لبعض الغفر واللي هما بقالهم كتير عندنا ومحل ثقه.
أدهم:كويس اوووي... افتحي التسجيلات كدا.
فتح مني التسجيل الأول.
ملك:لا مش دا.
أدهم:ركزي.

ملك:انا فاكره الصوت كويس.
قامت مني بفتح التسجيل التاني والتالت
 وكانت نفس النتيجة.
فتحت الرابع.
ملك: شغلي دا تاني.
قامت مني بتشغيله مره اخرى.
ملك:هو دا.
مني:دا عم غريب ودي صورته.
أدهم:ابعتي الصورة دي.
قامت مني بإرسال الصورة والتسجيل له.
نادر:فكره جامده الصراحه.

ابتسمت مني وقالت:الحمد الله انه طلع حد منهم.
مني:صحيح يا ملك... جدو كتبلك نص املاكه... وهما مش عاوزين يقولوا وعاوزين يزوروا ف الورق.
ملك بحزن:انا مش عارفه هما بيعملوا معايا كدا ليه.
مني: ربنا يهديهم.
حازم:بس ممكن يكون حد شافك وانتي بتصورهم.
مني: ربنا يستر .
أدهم:طب احنا هنسيبكم تقعدوا مع بعض شويه.
ملك:هتروح فين.
أدهم:هشوف حاجه وهرجع.
نادر:محدش يمشي ولا تفتحوا لحد... ولو ف حاجه نادي على الحرس اللي برا.
ملك:حاضر.
خرجوا وقام أدهم بقفل الباب خلفه وتوصيه الحرس.

ملك بامتنان:شكرا على وقفتكم معايا.
نورا:احنا اخوات يا ملك.
مني:وانتي تستاهلي كل خير.
ملك:تفتكروا اي اللي هيحصل.
منى:مش عارفه والله بس اكيد لو عرفوا حاجه اول واحده هيخلصوا عليها انا.
نورا:بعد الشر.
ملك:لا خير يا منى.

مني:لو حصلي حاجه متسبوش حقي... وابقى ادفنوني جنب جدو... عشان هو كان بيحبني اوووي... وانا كنت بحبه والله بس كنت بضايقه كتير... انتي عارفه انه كان بيحبك اوووي يا ملك لدرجه اني كنت بغير منك من غير ما اشوفك... كان نفسه تيجي تعيشي معانا... ويعوضك عن كل حاجه... بس الموت خده مننا... انا كل يوم بتاكد ان لما جدو كتبلك النص مظلمش حد... لان هو عارفهم هياكلوا حقك.
نورا وهي تمسح دموعها:اي دا انتم هتنكدوا عليا قاعدين تعيطوا.
مسحت ملك دموعها:لا خلاص مش هنعيط.

مني:ههههه اهااا خلاص مفيش عياط تاني.
ملك:احكيلي جدو كان بيتكلم عني ازاي.
مني:لما عرف ان اختك وباباكي ماتوا وقتها كتب الحاجه باسمك... كان بيتمني انه يشوفك قبل ما يموت عشان يكفر عن اللي عمله زمان... كان نفسه يجمعنا كلنا... بس عمر القلوب اللي اتملت حقد هتصفي.
نورا:ربنا يرحمه كان حنين اوووي.
ملك:يارب.
نورا: كفايه نكد بقا عشان اناجوعت.
ملك:وانا... يلا قوموا نعمل اكل.
مني: هههه يلا

أدهم:اخرج انت وغريب يا سيد.
سيد:ليه يا بيه ف حاجه.
أدهم:لا بس انا عاوزك تخلي غريب يخرج برا البيت بايه طريقه.
سيد: طيب يا بيه اديني خمس دجايج.
أدهم:نادر ادي اشاره للرجالة اول ما يخرج ويمشي خطوات... يخده ف العربية.
نادر:تمام.

سيد:يا غريب.
غريب:اي.
سيد:انا شوفت حد بيلف حولين البيت اطلع شوفه من برا وانا هروح اشوفه عند الباب التاني.
غريب:يا ترى مين دي... لما اطلع اشوف... وانت خلي بالك ليكون حد عاوز يدخل البيت.
خرج غريب من البيت... ومشي خطوه للأمام بحذر... ولكن ف تلك اللحظة كان نادر أشار ليهم... وفجأه عديت عربيه من جنبه وخذوا.

انتهوا من تناول الطعام... وكان يجلسون لمشاهده فيلم رعب.
ملك وهي تغمض عينها:لا انا خايفه.
نورا:ما كفايه الرعب اللي احنا فيه.
مني:بصراحه انا خايفه اقوم...هو الفيلم حلو بس مرعب شويه كانت فكره مين دي.
نورا:انتم.
ملك:دا مجرد فيلم.
نورا:اهااا... احنا هنخاف ولا اي.

غريب:انتم مين.
أدهم:مين اللي بعتك لملك.
غريب:ملك مين.
أدهم بعصبيه:مش عاوز استعباط يا روح امك.
حازم:أنجز وقول بذوق بدل ما تتكلم بالعافية.
أدهم:ولا اكل ولاشرب... واوعوا يهرب... وكل ساعه تسلموا عليه... ولما يعوز يتكلم ابقوا كلموني.
خرجوا وركبوا السيارة وذهبوا البيت.
طرق أدهم الباب.
ملك بخوف:الباب بيخبط.
نورا:اكيد رجعوا
ملك:مين.

أدهم باستغراب ونظر لنادر وحازم:هو اي اللي مين افتحي يا ملك.
مني:انا هقوم افتح... قامت مني وفتحت لهم.
أدهم:ف اي.
ملك:مفيش كنت بشوف مين.
نادر:اممم ما هو مفيش، حد هيجي... غيرنا.
نورا:الاحتياط واجب برضو... يلا احنا هنمشي.
أدهم:ما تخليكم هنا انهارده.
نورا:دي نعمه كانت تموتني.
مني:طبعا مينفعش.
أدهم:ما انتم معاكم ملك.
نورا:اهااا بس انت وملك متجوزين... دا غير برضو انكم تلات رجاله ف البيت... فمش هينفع.

أدهم:براحتكم بس استنوا حد يوصلكم.
نورا:أنا و مني مع بعض عادي محدش هيكلمنا.
نادر:لا اسمعوا الكلام يا تخليكم هنا.
مني:نسمع الكلام.
ملك:متخليكم هنا انهارده احسن.
نورا:يا خبر ابيض هقول لأمي اي مش هينفع... احنا صعايدة يا ملك.
نادر:يا بنتي هو انتم هتباتوا ف شقه مشبوهة... ف اي... وبعدين دا احسن مكان ف البلد وأمان.
نورا:برضو احنا نفهم ف الأصول.
نادر: احم احم قصدك اي.

نورا:ولا حاجه والله بس انا ابويا لو عرف يقتلني... ومني نفس الكلام.
أدهم:لو حد اتكلم انا هتصرف.
نورا:طب انت ترضى ان ملك تبات برا ف بيت ف شباب.
أدهم:بصراحه لا.
نورا:اهو عشان انت جوزها وخايف عليها... والخوف مش بمعنى انكم وحشين لا بس هنا الناس عقلها مقفل ولو حصل كدا هيفتحوا موال وملهوش اخر.
ملك:طب خلوا حد يوصلك.
أدهم:اهااا... نادر اطلع معهم وخلي فهد يوصلهم... نورا ومني يوصلهم بالعربية.
نادر:ماشي يلا.

حازم:انا هدخل انام... تصبحوا على خير.
أدهم:وانت اهله.
ملك:وانا هدخل انام.
أدهم:ماشي وانا هاجي وراكي.
دخلت ملك الغرفة وابدلت ملابسها.. وقامت بتصفيف شعرها لينسدل على ظهرها ونامت على الفراش.. ولكن أعلن هاتفها عن وصول رساله.. قامت ملك واخدت الهاتف وفتحت الرسالة.
شاهدت ملك الصور بصدمه... فهي صور تجمع أدهم وبوسي.
وبعدين وصلت رساله... (وطبعا انتي عارفه الباقي... واخر حاجه لما كنت حامل من جوزك... )

قفلت ملك الهاتف بهدوء ووضعت جانبها.
تنهدت ملك... يارب انا زهقت مش عارفه اعمل اي... مش قادره اتحكم ف اعصابي لما بشوف حاجه زي كدا... يارب اديني الصبر عشان استحمل... بجد قلبي بيوجعني اوووي.
دخل أدهم الغرفة وجدها نايمه على الفراش وتسند راسها على طرف الفراش...وتعقد ساعديها.
أدهم:سرحانه ف اي.
ملك: فيك.
أدهم:بحاجه حلوه ولاوحشه.
ملك:يعني... عملت اي.
أدهم:ولا حاجه هستني لحد ما ينطق.

ملك:ماشي... تصبح على خير.
أدهم:على طول كدا.
ملك: اومال هعمل اي.
أدهم:اي حاجه.
ابتسمت ملك.
اتجه أدهم ناحيتها وجلس بجانبها... ورفع يدها الي شفتيه ليقبلها... وحشتني.
ملك:ماانا على طول معاك.
أدهم:ماانتي بتوحشيني حتى وانتي معايا.
ملك:بحبك.
أدهم:وانا كمان بحبك... ف حاجه.
ملك:لا بس بفكر ف كل الأحداث الصعبة اللي بتحصل دي.
أدهم:هي اي.

ملك:كل حاجه... وخايفه يجي يوم ونسيب بعض.
ادهم:اليوم دا مش هيجي لأني عمري ما هسيبك.
ملك:بس الظروف ممكن تفرض عليك دا.
أدهم:وانا اتحدي كل الظروف اللي ممكن تقف قدامنا.

وفجأه قامت ملك بلف يدها حول عنقه وتشبتت بي ودفنت وجهها على صدره... وقالت ببكاء: ادهم انا قلبي بيوجعني اوووي لما بشوفك معها... مش بكون عاوزه اضايقك.. بحس ان قلبي بيتقطع لما شوفت صورتها ف حضنك... انا بحبك اووووي انت بالنسبالي كل حاجه... وعارفه انك بتحبني ودا مش ذنبك لأنك بعدت عنها... بس انا غصبن عني... بتغير لما اشوف حاجه زي دي... انا مش قادره اتخيل انك كنت معها قبلي... وكل حاجه بتحصلنا بيننا كان بيحصل زيها بينكم واكتر.
تنهدت أدهم وقام برفع وجهها ومسح دموعها بيده:هي كانت ماضي وانتهى وانتي لما ظهرتي ف حياتي بعدت... بس من الصعب الماضي ينتهي او يروح... وانا هتصرف معها ومش هخليها تبعتلك حاجه تاني.

ملك:انا اسفه.
أدهم:على اي.
ملك:عشان كل شويه أضايقك.
أدهم:لا انتي عمرك ما هتتضايقني... بالعكس بكون مبسوط لما بتيجي ف حضني لما تكون ف حاجه مضايقكي حتى لو مني.
ملك:ربنا يخليك ليا.
أدهم:ويخليكي ليا
ملك:طيب مش هتغير هدومك.
أدهم:هقوم اغير اهو.
ملك:ماشي يا حبيبي.

اخرج أدهم ملابسه ودلف الي المرحاض كانت ملك تراقبه عيون ضائعة وعقل حائر.
وضعت راسها على الوسادة واغمضت عينها.
خرج أدهم من المرحاض واتجه الي الفراش ونام بجانبها وقام بلف ذراعه حول خصرها ليضمها الي صدره العاري.
أدهم:نمتي.
ملك:لسه.
أدهم:نامي.

حاولت مني ولكنها فشلت... خرجت من غرفتها واتجهت للأسفل ولكنها سمعت صوت حد يتحدث بالأسفل بصوت منخفض نسيبا... نزلت على أطراف اصابعها...وسمعت.
يعني غريب الأرض اتشقت وبلعته...لازم يظهر... لو مظهرش انا هروح ف داهيه انتم فاهمين و لا .
قفل تلك الشخص الهاتف لكنه احس ان هناك أحد يراقبه ولف بظهره...كانت الصدمة.

رواية حب بلا قيود للكاتبة أسماء صلاح الفصل الخامس والعشرون

ف منزل عبد الحميد.
كانت تقف سعاد وزينب لتحضير الفطار.
زينب:هو محدش صحي ليه.
سعاد:والله مش عارفه يااختي.
زينب:بت يا حسنه هاتي الفطار برا... يلا نطلع احنا يا سعاد.
خرجت سعاد وزينب من المطبخ واتجهوا ناحيه طاوله الطعام...وكان الجميع يجلس عليها ماعدا مني.
سعاد وهي تحسب الكرسي لتقعد عليه... مصحتش مني ليه يا عاصم.
عاصم:بحسب صحيت.

أتت حسنه وضعت الطعام على الطاولة.
عبد الرحمن:اطلع صحي مني عشان تفطر.
هزت حسنه راسها موافقا:حاضر يا بيه.
شرع الجميع ف تناول طعامهم.
عبد الرحمن وهو يضع الطعام ف فمه: هتعمل اي انهارده يا عمر.
عمر:هقعد ف البيت اصل كلها يومين وهنزل القاهرة.
نزلت حسنه من فوق واتجهت ناحيتهم.
حسنه:ست مني مش فوق.

سعاد بعصبيه و قلق:يعني اي مش فوق.
زينب:اهدي يا اختي... يمكن راحت عند نعمه.
عاصم:انا هقوم اكلم نعمه.
قام عاصم واتصل على نعمه.
عاصم:مني جتلك يا نعمه.
نعمه:لا يا اخوي... ليه ف حاجه.
عاصم بحيره:اصل البت مش موجوده... فقولت أسألك.
نعمه:لا يا اخوي مجتش... استنى خليك معايا.
بت يا نورا... نورا.
نورا:نعم يا اما.

نعمه:شوفتي بنت عمك مني او كلمتها.
نورا:لا ليه.
نعمه:مش موجوده ف البيت.
نورا بصدمه:ازاي... يعني راحت فين.
رفعت نعمه السماعة على اذنها مره اخرى وقالت:لا يااخوي... طب يمكن خرجت.
عاصم:احنا لسه الصبح هتكون راحت فين...قفل عاصم الخط.
سعاد:اي مني فين.
عاصم:محدش شافها.

عبد الرحمن:انا هطلع اسأل الغفر يمكن حد شافها.
زينب:اهدي بس يا سعاد..
سعاد:اهدي كيف ابني مسجون وبنتي مش لاقيها.
عمر:اكيد يعني هتتخطف من بيتها.
سعاد:ماجدك اتقتل ف بيته.
عاصم:زينب خدي سعاد واطلعوا فوق عقبال ما نشوف فين مني.

سعاد:انا مش هسكت... يا عاصم... هاتلى عيالي احسن ما اقلب البيت على دماغكم...ابني اتسجن وسكت بنتي هي كمان راحت فين.
عمر:اهدي يا مرات عمي...هنلاقيها.
زينب:تعالي بس نطلع فوق.
سعاد:انا هقعد هنا ومش هروح ف حته... عاوزه بنتي.
جلس عاصم ودفن وجهه بين يديه وتنهدت بضيق... وقال:كلم البوليس يا عمر لما نشوف اخرتها بقا.

نعمه:انا هروح لهم لما ابوكي يصحى قوليله اني مشيت.
نورا:هي راحت فين يا ماما.
نعمه:معرفش... ربنا يستر علينا.
نورا:ماشي.. طمنني.
خرجت نعمه من المنزل وقفلت الباب وراها... ودلفت نورا الي غرفتها... واتصلت بملك.
ملك بصوت ناعس:الو.
نورا:ملك فوقي ف مصيبه.
اعتدلت ملك وجلست على الفراش... وقالت بقلق:اي.

نورا:مني مش موجوده ف البيت... تقريبا حد خدها.
ملك بصدمه:اييييييييييييه.
نورا:مش عارفه بقا... انا خايفه.
ملك:ربنا يستر... يارب محدش يعملها حاجه بس...وقفلت ملك الخط ووضعت الهاتف جانبها.
استيقظ أدهم.
أدهم:كنتي بتكلمي مين.
ملك:نورا بتقولي ان مني مش موجوده.
أدهم:راحت فين.

ملك:حد خدها اكيد.
أدهم:اهدي طيب وانا هتصرف.
ارتمت ملك ف حضنه.
ملك:انا خايفه اوووي... حتى خدوا مني ومحدش عارف هي راحت فين... وهي كانت طول عمرها عايشه ف البيت دا ومش عارفه حصلها اي.
ادهم: متخافيش ومني هلاقيها وهترجع كويسه... مش عاوزك تقلقي.
ملك:يارب يا أدهم... انا مش هستحمل موت حد تاني.
أدهم:مش عاوزك تقلقي من حاجه... وانا هتصرف... انا هروح مشوار وهرجع خليكي ف اوضتك.

ملك:حاضر بس متتاخريش.
قبل أدهم راسها: حاضر يا حبيبتي.
قام أدهم... ارتدي بملابسه... وخرج من الغرفة وقفل الباب خلفه.
نادر:رايح فين يا عم.
أدهم:هروح القسم لازم اشوف يوسف... مني اتخطفت او الله اعلم اي حصلها... وانا خايف على ملك... وكدا مش ناقص غيرها هي ونورا.
نادر:طب انا هاجي معاك.
أدهم:حازم فين.
نادر:لسه نايم.
أدهم:طيب... يلا نمشي.

قامت ملك ودلفت الي المرحاض توضأت وخرجت... وارتديت الاسدال... وصليت.
وبعد أن انهت الصلاة جلست على السجادة ورفعت يدها الي ربها.
يارب استرها معانا وفك كربنا يارب... ويسترها معاكي يا منى... يارب.
انتهت ملك وخرجت من الغرفة ذهبت إلى المطبخ... وأخذت زجاجه مياه لتشرب.
ولكن وجدت حازم امامها.

اتجهت ملك لتخرج من المطبخ.
حازم:مش هتسلمي عليا.
ملك:عادي... بس وجودنا مع بعض مينفعش.
حازم:اهااا بس من ساعه اخر حاجه وانتي مكلمتيش معايا.
ملك:بعد اذنك يا حازم انا خارجه.
حازم:هو انتي بتعملي كدا ليه.

ملك:حازم انت قولت انك زي اخويا الكبير لما شوفتني وبعد كدا طلبتني للجواز وانا رفضت مش عشان انت وحش بس عشان انا كنت شايفك زي اخويا ومفيش واحده ممكن تتجوز اخوها ... ودلوقتي انا مرات صاحبك يعني مفيش اي مجال اننا نفتح كلام مع بعض.
حازم:خايفه من أدهم لدرجه.
ملك بضيق:لا مش خايفه... بس أدهم دا جوزي وبحبه ولي حق عليا ومن ابسط حقوقه اني معملش حاجه تتضايقه.
حازم:ماشي يا ملك.
خرجت ملك من المطبخ ودخلت غرفتها وأغلقت الباب خلفها.

ف منزل الشوربجي.
دخل احمد الي غرفته.
احمد:اي يا سوسو.
ساميه: مني اختفيت يا احمد... وانا خايفه على نورا وملك اوووي هي كانت بتساعدهم... والله اعلم حصلها اي.
جلس احمد جانبها ورتب على ظهرها... وقال:ان شاء الله مش هيحصل حاجه يا حبيبتي.
ساميه:يارب يا احمد.
احمد:طب البس اوديكي لنورا عشان تتطمني عليها.
ابتسمت ساميه:حاضر... ربنا يخليك ليا.
احمد:انا هستناكي تحت.

ماهر:تعالي يا يوسف.
يوسف:عاوزين اي.
ماهر:انا هسيبكم مع بعض شويه... خرج ماهر من المكتب.
يوسف بتهكم: أدهم النوري هنا بنفسه.
أدهم:بص انا مش جاي اهزر انا عاوز اخرجك.
يوسف:دا على اساس انك بتحبني بقا وكدا.
أدهم:انا ولا بحبك ولا بكرهك...بس انت ابن عم مراتي.
يوسف:يعني ملك هي اللي عاوزني اخرج.
أدهم:مش بنت عمك... وعارفه انك مظلوم.

يوسف:تمام بس انت هتخرجني ازاي.
أدهم:اختك مني اتخطفيت واللي خدها نفس اللي قتل جدك ونفس اللي دخلك السجن.
يوسف بقلق:وطب مني حصلها حاجه.
نادر:لحد دلوقتي لا محصلش حاجه بس الوقت مش ف صالحنا.
يوسف:تمام انا معاكم بس هخرج من هنا ازاي.
أدهم:بس احنا هنحاول نخرجك قانوني لو منفعش هتهرب.
نادر:هو مين ف بيتكم ممكن يعمل كدا.

يوسف:انا هموووت واعرف... لان عمر ما حد هيقدر يدخل بيت العطار وياخد حد او يقتل حدَ.
أدهم:خلال يومين وهتكون برا.
يوسف:ماشي.
أدهم:احنا هنمشي دلوقتي وبكرا هتترحل على النيابة يا هتاخد براءة يا هتهرب بعد الجلسة.
نادر:واحنا اللي هنجيب المحامي.
يوسف:بس بابا مقوم محامي كبير.
أدهم:خلينا بس المحامي بتاعتنا و انت هتبلغ ابوك بالكلام دا بكرا.
يوسف:وانا اي اللي يثبتلي انك مش كداب وعاوزين توقعوني.
أدهم:اللي يثبت كلام أدهم النوري كلمته جرب وشوف مش هتخسر حاجهَ.
يوسف بتفكير:متفقين.

كانت ملقاه على الأرض ف مكان مظلم ...ومربوط يدها خلف ظهرها... ورجلها
مني بصراخ:يا جماعه اللي هنا انا فيين...انا فين... ولكن لم تجد اجابه.

ف السيارة.
نادر: هتروح فين.
أدهم:هشوف غريب الكلب دا يمكن ينطق.
نادر:ماشي.
رن هاتف أدهم واجاب.
أدهم:حصل اي.
هي معانا من بليل يا باشا.
أدهم:تمام علموها الأدب... وقفل أدهم الخط.
نادر:مين دي... انتي بتتكلم عن مين.
أدهم:بوسي.
نادر:عملت اي.
أدهم:هربيها.

نادر:هي عملت اي.
أدهم:قولتلها تبعد عن ملك ومش عاوزه تفهم ... وكمان بتتفق مع مراد.
نادر:غبيه.
أدهم:فعلا... انا هعملها درس بسيط بس.. وبعد كدا هسيبها.
نادر:ماشي.
اوقف أدهم السيارة ونزل هو ونادر.
أدهم:اتكلم.
رد عليه واحد من الرجالة:لا يا باشا... اضرب لما شبع ضرب ومش راضي يتكلم.
أدهم:اممم خلاص... عاوز طريق مراته وعيال وتتغطوا عليه بيهم... ولو متكلميش خلصوا عليه.
الراجل:أوامرك يا باشا.
ركب أدهم ونادر السيارة... ومشوا.

بوسي:قول لادهم انه هيندم.
الراجل:اخرسي... ولما الباشا يجي تبقى تتكلمي معها.
بوسي:انتم عارفين انا مين عشان تعملوا معايا كدا... انا مخطوفه.
الراجل:انتي ضيفه هنا لحد ما أدهم باشا يجي فاهمه.
بوسي بتوعد: طيب يا أدهم وديني لوريك... عشان حته عيله تعمل معايا كدا.

مراد:هتجنن يا معتز البت بوسي من امبارح وهي اختفت.
معتز: مراد انا شايف ان اللي انت بتعمله غلط.
مراد:ليه.
معتز:أدهم اخوك مهما كان برضو وملك دلوقتي مراته... لو مش عامل حساب لكدا اعمل حساب انها اخت مراتك.
مراد:بس دي ضحكت عليا.
معتز:اي واحده هتحب واحد هتعمل زيها وبعدين هي مقالتش انها بتحبك مثلا.

مراد:بس انا مش قادر أسيب حقي.
معتز:براحتك يا مراد... بس على اللي انا شايفه فااخوك أدهم مش هيسكت لو ملك حصلها حاجه... واكيد هو اللي ورا اختفاء بوسي دا.
مراد:انا هتصرف وزي ما قولتلك مفتاح دمار أدهم ف ايد ملك.
معتز:برضو يا مراد... ماانت عملت اكتر من حاجه وبرضو زي ما هما... هتعمل اي تاني.
مراد:اكيد هلاقي.

حازم:انتم كنتوا فين.
أدهم:كنت بشوف يوسف... وبكرا الجلسة وانت هتحضرها... جبتلك ورق القضية.
حازم:تمام.
أدهم:عاوزه يطلع بايه طريقه.
حازم:هيطلع.
أدهم:طب انا هدخل اشوف ملك.
قام أدهم ودخل الي الغرفة.
أدهم:حبيبي بيعمل اي.
ابتسمت ملك:قاعده... مش بعمل حاجه ..
جلس أدهم جانبها ووضع بده على كتفها... اتاخرت.
ملك:يعني مش اوي.

أدهم:لا انا مخدتش غير ساعتين.
ملك:كتير.
أدهم:اي الدلع دا... انتي ف القاهرة ممكن تقعدي يومين متشوفنيش هتعملي اي بقا.
ملك:ماانا هشتغل معاك عشان اكون جنبك.
أدهم:وهتشتغلي اي بقا.
ملك:انت ناسي اني مهندسه ولا اي.
أدهم:اهااا ولسه ناقص 3 سنين... لما تتخرجي.
ملك:اشتغل ف قسم الترجمة.
أدهم:ترجمه تاني.

ملك:اي حاجه بس عشان اكون جنبك.
أدهم:اهااا نبقي نتكلم بعدين ف الموضوع دا.
وضعت ملك يدها على رأسها.
أدهم بقلق:مالك.
ملك: مفيش يا حبيبي دماغي وجعاني بس.
أدهم:طيب استنى اكلم الدكتور.
ملك:مش لازم انا كويسه دا صداع عادي.
ادهم:ماشي.
ملك: هقوم اجيب مياه.
أدهم:خليكي انتي وانا هجيبلك.
ملك:انا كويسه والله.

قامت ملك ومشيت خطوتين ولكنها توقفت ف منتصف الغرفة لشعورها بتعب... واحست ان الارض تدور بها وسقطت مغشيا عليها.
أدهم:ملك
وقبل ان تقع قام أدهم بسرعه ليسندها...ولف ذراعه حول ظهرها... قام أدهم بحملها واتصل بالدكتور.
خرج أدهم من الغرفة.
أدهم:نادر لما الدكتور يجي خلي يدخل.
نادر:ف اي.
ادهم:ملك تعبانة.

ودخل أدهم الغرفة وجلس جانبها.
وصل الدكتور وفتح له نادر.
نادر:اتفضل يا دكتور.
طرق نادر على الغرفة... فتح أدهم ودخل الدكتور.
اتجه الدكتور ناحيتها... وقام بقياس ضغطها... وقام بغرز حقنه ف ذراعها.
ادهم بقلق:هي مالها يا دكتور.
الدكتور:ضغطها واطي شويه هي كويسه مفهاش حاجه.
قام الدكتور واوصله أدهم الي باب الغرفة وبعدين رجع لملك تاني.
أدهم:ملك.

ملك:هو اي حصل.
أدهم:تعبتي... وجبتلك الدكتور.
ملك:نورا اتصلت.
أدهم:ارجوكي يا ملك متتجهديش نفسك ولا تفكري ف حاجه انا هرجع مني... ولو قلقانه على نورا اجيبها تقعد معاكي.
ملك:يا أدهم انا على طول ضغطي بيوطي...علي طول عادي.
أدهم:لا مش عادي...لو تعبتي تاني هوديكي إسكندرية بعيد عن المشاكل اللي هنا.
ملك:ماانا لو بعدت عنك هتعب برضو.

أدهم:خلاص متفكريش ف حاجه واي حاجه عاوزها انا هعملهلك.
ملك:يا حبيبي متخافش عليا اوووي كدا والله انا كويسه.
امسك أدهم يدها وقبلها...:مش هبطل اخاف عليكي طول ماانا عايش.
ملك:بحبك اووووي.
أدهم:بس مش اكتر مني...انا بحبك لدرجه انا نفسى مش عارف وصلت ليها امتى وازاي... بس كل اللي عاوزه انك تفضلي جنبي ومعايا.
ملك:رغم كل المشاكل دي... وجودك معايا بيخليني فرحانه.
أدهم:وانا مش عاوز حاجه غير انك تكوني فرحانه.

ف منزل العطار.
سعاد:عملت اي يا عاصم.
عاصم:لما يعدي 24 ساعه.
سعاد:يعني بنتي ضاعت.
زينب:اهدي يا حبيبتي ان شاء الله... خير وبنتك هترجع بسلامه.
عمر:انا قولت الرجالة يدوروا عليها.
سعاد:يا ترى انتي فين يا بنتي... وعامله اي دلوق.
عبد الرحمن:متقلقيش هترجع ان شاء الله
سعاد:يارب ترجعلي بنتي.
نعمه:ان شاء الله خير... يمكن تكون راحت هنا ولا هنا.
سعاد:يارب والاقيها داخله عليا يارب.

مني:هو مفيش حد بيرد عليا ليه... يا جماعه.
دخل احد... وقال:انتي عامل دوشه ليه.
مني:حرام هو انا عملت اي.
قام ذلك الشخص بشدها من شعرها وقال بعصبيه:كنتي بتحاولي تكشفيني وماشيه ورا ملك ونورا اوعوا تكونوا فاكرين اني مش وآخده بالي... انا هخليكي هنا زي الكلب ولا حد هيعرفكلك طريق لحد ما تموتي عارفه ليه لأنك ف مخزن بيتك وطبعا محدش هيفكر ان ف حد مخطوف ف بيته ... وهخلص على نورا وملك هما كمان لو مبعدوش عن طريقي.
مني بصراخ:انا عاوزه اخرج.
قام الشخص بوضع لازقه على فمها... وخرج.

كانت سمر تتحدث مع والدتها ف الهاتف.
عزه:يعني مش عاوزه تشوفيني.
سمر:عادي يا ماما ماانتي سيبتني وقت ما كنت محتاجكي...ف دلوقتي عادي يعني.
عزه:طيب انا هيجي عشان اشوفك.
سمر:ماشي يا ماما... هبقي استناكي بس بلاش تخذليني زي كل مره.
عزه:لا هاجي يا بنتي.
قفلت سمر الخط... دق جرس وقامت لتفتح.
سمر:مين...!