رواية حب بلا قيود

رواية حب بلا قيود للكاتبة أسماء صلاح الفصل السابع عشر

جمع عبد الحميد أفراد عائلته
عبد الرحمن:اي يا ابوي ومين دي.
عبد الحميد: هتعرفوا كل حاجه دلوق.
نعمه:ساميه مش هتعرف تيجي ياابوي.
عبد الحميد:تبقي تقوليلها انتي... طب كلكم عاوزين تعرفوا دا مين...وانا قولتلكم عاوز اقعد معاكم ليه... انا هقولكم دا مراد وهيبقي جوز ملك كمان يومين... وانا عاوز اخد بتار ابني وبنته.

عاصم:ودا مين عشان يتجوز ملك... وبعدين احنا هناخد التار من مين.
عبد الحميد:أدهم النوري.
عاصم:ودا قتل بنت اخوي ليه يعني.
عبد الحميد:كانت مشاكل يا ولدي... والمهم ان حق بنتنا يرجع.
عاصم:مشاكل... امممممم
عبد الحميد:وانتم مش عاوزين تاخدوا تار اخوكم وبنته ولا اي.
عبد الرحمن: عاوزين طبعا... يا ابوي وهنخلص عليه.

عاصم:امممم اكيد هنخلص عليه طبعا.
نورا:طب هو الفرح هيكون امتى.
عبد الحميد:لسه هنحدد...ولا اي رايك يا ملك
ملك:اللي تشوفه يا جدي.
مراد:الوقت اللي حضرتك هتتحدده بس المهم كل الناس تعرف...ويكون ف اسرع وقت.
عبد الحميد:اكيد يا ولدي...سعاد حضري اوضه الضيوف لمراد.
سعاد بخنقه:امرك يا ابوي.
عبد الحميد بصوت عالي:يا سيد.

دخل سيد:امرك يا حج.
عبد الحميد:عاوز البلد كلها تتعزم على فرح ملك ومراد... وبلغ كل الغفر.
سيد: ماشي يا حج.
وبعد ما طلع سيد علي طول اتصل باادهم وأخبره.
عبد الحميد:انا هطلع فوق.
نعمه: يلا يا نورا عشان نمشي.
نورا:لا يا ماما انا هقعد مع ملك شويه.
نعمه:طيب يا بنتي.
سعاد: قومي يا منى حضري الاوضه انتي.
مني:حاضر.

ملك:استنى يا منى خديني معاكي...يلا يا نورا.
مراد:لما تخلصي قوليلي يا ملك.
ملك:حاضر.
سعاد:انا طالعه اوضتي.
زينب:وانا خديني معاكي يا اختي.
كان مراد يجلس مع عبد الرحمن وعاصم.
عاصم: واحنا هنقتل اخوك ازاي.
مراد:وانت مش عاوز تاخد تار اخوك وبنته.
عاصم:عاوز... بس مش غريب ان واحد يبقى عاوز يقتل اخوه من غير سبب.
مراد:لا ف سبب.

مني:انا قلقانه يا ملك من الموضوع دا.
نورا:وانا مراد دا شكله مش سهل خالص.
ملك:هو عاوز ينتقم من أدهم بايه طريقه وخلاص.
نورا:بس انتي ممكن تتجوزي فعلان.
ملك:لو الأمر اجبرني اني هعمل كدا هجوزه.
مني:وادهم.

ملك:انا ممكن اضحي بحياتي كلها عشان أدهم... بس لو دا الحل الوحيد هعمله.
نورا:والله العظيم انا هتتجن منك بتحبي أدهم وعاوزه تتجوزي اخوه .
مني:انا شايفه ان مراد بستخدمك.
ملك:ماانا عارفه واكيد القاتل هيعمل نفس الحكاية.
نورا:بس انتي مش قلقانه من أدهم وسكوته دا.
ملك:دا مخوفني اوووي... بس انا عارفه انا مستحيل أدهم ياذيني...هو ممكن يعمل حاجه مجنونه.

نورا:ربنا يعديها على خير... الخطوة الجاية هنعمل اي.
ملك:اكيد القاتل هيتهور ويعمل حاجه طول ما مراد قدومه... وكلنا قايلين ان أدهم القاتل .
نورا:طب انتي كلمتي نادر دا.
ملك:لا لسه...ويلا بقا عشان نطلع مش كل دا بنعمل ف اوضه.
خرجوا من الغرفة ونادت ملك على مراد... وقالت:انا خلصت.
مراد:ماشي.

نورا:انا هروح بقا.
ملك:طيب يا حبيبتي.
مني:يلا يا ملك نطلع احنا فوق.
ملك:يلا.
دخلت مني غرفتها وكذلك ملك وبعدين خرجت تاني وراحت عند غرفه جدها.
طرقت الباب.
عبد الحميد:ادخل.
فتحت ملك الباب وقالت:ممكن اتكلم مع حضرتك شويه.
عبد الحميد:تعالي يا حبيبتي...اقعدي جنبي هنا.

جلست ملك على الفراش بجانبه.
ملك: هو انت خليت بابا يمشي ليه طلالما انت بتحبنا كدا.
عبد الحميد:لأنه وقف قصاد واتجوز امك وانا مكنتش موافق عليه... بس كنت غلطان يا بنتي... واهو الحمد الله انتي قاعده قدامي اهووو.
ملك:طب ليه محاولتش ترجع بابا.
عبد الحميد:كان بقالي عشرين بحاول يا بنتي ان ارجعه...وكنت الاول بنزل الشغل ف القاهرة وادور وعاصم عمك دور كتير اوووووي... وكنا سايبين الشغل هنا لعمك عبد الرحمن ولما يوسف وعمرو كبروا بقى هما اللي يشوفوا الشغل بقا... ولما عرفت مكانه كان فات الأوان... كنت كتبله نص املاكي عشان أعوضه.
ملك:الله يرحمهم.

عبد الحميد:يارب يا بنتي... وانا كتبتلك كل حاجه... لما عرفت انك بنته الوحيدة بعد وفاه ندى
ملك:بس دا كتير اوي...وبعدين.
عبد الحميد:عمامك واخدين حقهم... وزياده يا ملك لكن انتي ابوكي اللي اتظلم.
ملك:جدي انا كنت عاوزه اقولك حاجه بخصوص موضوع أدهم.
عبد الحميد:أدهم.
ملك:أدهم ما.
ولكن لم تكمل ملك وسمعت بالخارج... أكن حد خبط ف باب الغرفة.
عبد الحميد:سكتي ليه يا بنتي.
ملك:مفيش يا جدو هجيلك بكرا.
خرجت ملك واتجهت ناحيه السلم تشوف ف حد ولا... ولكن لم تجد احد.
ملك:يا ترى مين اللي كان واقف ورا الباب.

ف شقه سمر.
نادر:اي اخبار ملك.
سمر:لحد دلوقتي تمام...بس انا كنت عاوزه اسافرلها.
نادر:لا هي معها نورا ومني هناك.
سمر:تفتكري اي اللي هيحصل ومين القاتل.
نادر:هموووت واعرف اقسم بالله.
سمر:بس اكيد هو مش هيخلي حد يعرف لأنه لحد دلوقتي مغلطتش غلطه واحده.
نادر:مسيره يغلط.
سمر:بس ملك قالت إنها ممكن تتجوز مراد.
نادر:ازاي.

سمر:معرفش.
نادر:شكل الموضوع هيتعقد مننا.
سمر:انا خايفه من كدا فعلا.
نادر:المشكلة دلوقتي أدهم هيفاجنا والله... صاحبي وانا عارفه.
سمر:انا بكلمها كل يوم ومتابعه اللي بيحصل.
نادر:و قوليلي على الجديد على طول.
سمر:هو أدهم ممكن يعمل حاجه وحشه لملك.
نادر:متوقعش... بس أدهم عامل زي الأسد لو فك محدش هيقدر عليه.

ف منزل النوري.
سليمان:انا معزوم على فرح هتيجي.
ايمان:مين.
سليمان:مراد ابنك وملك حفيده العطار.
ايمان بذهول:ملك ومراد.
سليمان:انت تعرفيها.
ايمان:لا.
سليمان:هتروحي.
إيمان:بعد اللي انت قولتله دا انا مليش ولاد غير أدهم.
سليمان:هو ف اي.

ايمان بحزن:مفيش حاجه يا سليمان عليه العوض ومنه العوض... انا هطلع اوضتي... صعدت ايمان الي غرفتها وشرعت ف البكاء.
ليه كدا يا ابني ليه عاوز تكسر قلب اخوك ليه.
مسحت دموعها وامسكت هاتفها وقامت بالاتصال بااحمد.
احمد:ازيك يا عمتو.
ايمان:كويس يا حبيبي َ... تعرف تجيبلي من مراتك رقم ملك.
احمد:ثواني طيب... يا ساميه.
ساميه:اي يا حبيبي.
احمد:معاكي رقم ملك
ساميه:اهااا ليه.
احمد:عمتي ايمان عاوزها.

ساميه:طيب.
احمد:الرقم.
ايمان:شكرا يا ابني... قفلت ايمان الخط واتصلت بملك.
ملك:الو.
ايمان:انا ام أدهم.
ملك بدهشه:ام أدهم.
ايمان:ليه يا بنتي... انتي عاوزه تكسري أدهم ليه.
ملك وقد ادمعت عينها:انا بعمل كدا عشان اللي اتكسر بين أدهم ومراد يتصلح... عشان ادهم ميكنش مهتم ف حاجه معملهاش.
ايمان:بس مش لدرجه تتجوزي مراد.

ملك:احسن ما أدهم يتقتل.
ايمان بفزع:يتقتل.
ملك:ايوه مراد عاوز يقتل أدهم... انا مش عارفه اعمل حاجه غير أن مراد يكون قدامي عيني عشان الحق اتصرف... مراد الكره عمها... انا للحظه ضعفت وصدقت ان أدهم قتل اختي... بس لا أدهم ميعملش كدا.
ايمان:اختك.
ملك:انا اخت ندى اللي مراد كان بيحبها.
ايمان بصدمه:لا حول ولا قوه الا بالله... الدنيا صغيره اوووي بس والله يابنتي أدهم ما قتل اختك.
ملك:وانا متأكدة من كدا.

ايمان:انا مش فاهمه يا بنتي طلالما انتي عارفه ليه عاوزه تتعبي نفسك.
ملك:عاوزه اعرف مين قتل اختي.
ايمان:بس يا بنتي.
ملك:متقلقيش على أدهم... انا مش هخلي حد يجي جنبه حتى اخوه... وانا معرفش اخوه بيعمل كدا ليه.
ايمان:ربنا يكفيك شر الكره يا بنتي... والقسوة

ف الشركة.
أدهم كان يجلس على مكانه... ويخطط بقلم ف ورقه.
خبط نادر ودخل ولكن لم ينبه له أدهم ومازال مشغول ف الشخابيط.
نادر:أدهم.
أدهم:انت هنا من امتى
نادر:دلوقتي انت بتعمل اي.
أدهم:ولا حاجه بشخبط على الورق.
نادر:ف حاجه... حصلت جديده.
أدهم:ملك هتتجوز مراد.
نادر:بجد... وانت هتعمل اي.
أدهم:هجوزها.

نادر:ازاي.
أدهم:هجوزها غصبن عنها... بايه طريقه.
نادر:أدهم متعملش حاجه تندم عليها.
أدهم:ملك متنفعش تتجوز مراد.
نادر: بس ممكن تكون هي اختارته.
أدهم: انت عارف كويس انه مينفعش، وبعدين دي مشكلتها هي...انا هتجوزها غصبن عن أي حد.

طرق مراد الباب... قامت ملك تفتح.
ملك:ف حاجه يا مراد.
مراد:ممكن اتكلم معاكي.
ملك:اتفضل... سابت ملك الباب موارب.
مراد:انتي مقفلتيش الباب ليه.
ملك:عشان الوضع دا غلط.
مراد:انتي كنتي قاعده مع أدهم... ومقفول عليكم شقه واحده.

ملك:مراد مش عشان انا قولت اني موافقه على اني اتجوزك... واني ابقى ضد أدهم يبقى انا بكره.
مراد:مش فاهمك.
ملك:يعني انا بحب أدهم ومش هحب غيره حتي لو اتجوزك انت... فحبي كله عمره ما هيكون لحد غير أدهم... حتى لو هو اللي قتل اختي.
مراد:انتي بتقولي كدا وانتي عارفه ان كمان كام ساعه هتبقى مراتي.
ملك:بقول الحقيقه يا مراد... اكدب عليك يعني.
مراد:بتحبي اوووووي كدا.
ملك:فوق ما تتخيل.
مراد:واختك يا ملك.
ملك:ربنا يرحمها ونفسي اعرف مين قتلها لأنه مش أدهم.
مراد:ههههه فعلا الحب أعمى.
ملك:انت صدقت ان اخوك قتل... بس انا عمري ما هصدق ان حبيبي يقتل.

مراد بعصبيه وصوت عالي:ملك.
ملك:اوعي تكون فاكره اني ممكن اسيبك تأذي أدهم يا مراد... انا بس وقفت ف طريق مفهوش رجوع... وانا اللي متحكمة ف الطريق.
مراد:هتندمي.
ملك:يوم ما هتفكر تأذي أدهم انا اللي هقتلك يا مراد و انت عارف اني اقدر اعملها.
مراد مصدوم من كلامها... وسابها وخرج معقول تكون ملك ضحكت عليه وعملته لعبتها.
مراد بتوعد:انا هوريكي يا ملك...انهارده أدهم هيمووووت قدام عينك.
ملك:ابقي اعملها لو تقدر
خرج من الغرفة والشرار يتطير من عينه.

عاصم:أمور الفرح كلها جهزت يا ابوي.
عبد الحميد:عال يا ولدي... انهارده اكبر فرح ف البلد.
عبد الحميد:تعالي يا مراد... خبر اي يا عريس شكلك مضايق ليه.
مراد:لا مفيش... الخبر وصل لادهم.
عبد الحميد:ايوه يا ولدي... وانا مدى أوامر اول ما يجي يقتله.
مراد:خلاص انا هروح اجهز للفرح.

ف غرفه ملك
مني:الفرح بليل يا ملك.
ملك:عادي... انا كلمت نادر وقولتله متخليش أدهم يجي انهارده.
نورا:انتي كدا هتتجوزي مراد.
ملك:عادي المهم اعرف القاتل .
نورا:طب اجهزي عشان الفرح..
مني:انا هنزل اجيب حاجه نشربها.
نورا:ياريت بس بسرعه.
كانت مني معديه ف الطرقة ولكن توفقت عند سمعت صوت والدها.

عاصم:انا مش عارف القصة دي اتفتحت تاني ليه.
سعاد:ولا انا... ملك دي شورتها هباب والله.
عاصم:والله انا كنت بفكر اقتلها واخلص منها.
مني بصدمه:مش معقول.
رجعت مني الغرفة ليهم وكانت ملامح وجهها متغيره.
نورا:مالك يا بت..
مني:بابا... هو القاتل .
ملك:عرفت ازاي.
مني:سمعتهم.
نورا:لا مش معقول.

سمعت ملك رنين هاتفها بوصول رساله فتحت ملك الرسالة وجدت بها.
لو عاوزه تعرفي مين القاتل اطلعي برا البيت بشويه وهتلاقيني مستنياكي.
قامت ملك وقفت... انا هنزل.
نورا:ملك هتروحي فين ملك. استنى طيب .
نزلت ملك بسرعه ولم تجيبها... وخرجت برا البيت مشيت خطوات قليله حتى اتت عربيه... وخدوها.
ملك بصراخ:انتم مين.
لما تروحي هتعرفي بنفسك.

نزلت نورا عشان تشوفها ولكنها لم تجدها... دخلت نورا المنزل وقالت.
ملك اتخطفيت.
عبد الحميد:انتي بتقولي اي.
نورا:والله هي خرجت عشان جالها رساله عقبال ما نزلت وراها كانت اختفت.
عبد الحميد:عاصم خد الرجالة واقلب البلد وشوف ملك راحت فين.
نزل مراد من فوق لما سمع الأصوات.
مراد:ف اي.

عبد الحميد:مش لاقيين ملك.
مراد:راحت فين يعني.
عبد الحميد:معرفش.
ف تلك اللحظة اتي يوسف وعمر.
يوسف:هو ف حاجه ولا اي انا شايف بابا برا ماشي مع رجاله كتير.
عبد الحميد:بنتك عمك اتخطفت من قدام البيت يا يوسف.
عمر:ازاي يعني.
عبد الحميد:مخربش... روحوا بلغوا البوليس... يلا عاوز ملك تيجي حالا.

رواية حب بلا قيود للكاتبة أسماء صلاح الفصل الثامن عشر

توقفت السيارة... ولكن كانت ملك مغيبة عن الوعي تاما...فلم تكن داريه بشي
 أدهم:هي فين.
الراجل:ف العربية يا باشا بس انا اديتها مخدر عشان مكنتش راضيه تسكت ... اجيبها.
أدهم:لا... انا هخدها.
حملها أدهم من السيارة ووضعها ف سيارته.

وبعد كدا خدها على الشقة بتاعته... ووضعها على الفراش.
أدهم وهو يضرب على وجهها بخفه:ملك... ملك.
قام واحضر ازازاه البرفيوم...واخد يضعها على انفها لكي تستنشقه.
بدأت ملك تفيق... روايدا روايدا.
ملك:انا فين...؟
أدهم:معايا.
فافت ملك اول ما سمعت صوت أدهم وقامت قعدت.
ملك:أدهم.
أدهم:محدش يقدر يعملك حاجه غيري.
ملك:ليه بعتلي الرسالة دي.
أدهم:عشان اخرجك من البيت.

ملك:اللي حصل دا مينفعش... ازاي تاخدني من بيتي.
أدهم:عاوزه تتجوزي مراد يا ملك.
ملك:اهااا عادي.
خبط أدهم الحائط بقبضه يده... ملك متخلنيش افقد اعصابي.
خافت ملك ولكنها أظهرت عدم الخوف وقالت انا عاوزه امشي يا أدهم... انا حره اتجوز مراد اتجوز اللي عاوزها.براحتي.
اخرج أدهم السلاح من جيبه.
ابتلعت ملك ريقها بصعوبة... قام أدهم بوضع السلاح على التسريحة.
أدهم: جهزي نفسك.

ملك: ليه.
أدهم:عشان هتجوزك.
ملك وتعالت نبضاب قلبها... أدهم بعد اذنك انا عاوزه اروح.
أدهم بغضب..:ملك انا مش باخد رايك... كلها دقايق والمأذون هيجي.
ملك:وانا مش موافقه هتتجوزني بالعافية.
أدهم:اهااا بالعافية... ومفيش مشي من هنا.
... لما امووت بقا ابقى امشي... مش دا اللي انتي عاوزها.
ملك:انا مش عاوزه اتجوزك
أدهم:انا اللي هقرر.
ملك:انا مش موافقه... مش.
ادهم بغضب: مش... اي ما تقولي
ملك:انا بكرهك.

تماسك أدهم اعصابه... وسيبها وخرج أدهم وقفل الباب وراها.
ارتمت ملك على الفراش... وظلت تبكي.
َوبعد شويه دخل أدهم... ولاقها ف تلك الحالة.
اتجه أدهم ناحيه الفراش...وضع يده على كتفها... ملك قومي.
قامت ملك واعتدلت ف جلستها
وقالت ملك:ابعد عني.
أدهم:ماشي... بس يلا عشان المأذون برا.

ملك:انا بكرهك.
أدهم:طيب... يلا.
ملك:عاوز تتجوزني ليه يا أدهم.
ادهم: ملك... خليني ساكت... ويلا قومي وبدون ناقش... عشان متندميش.
ملك بعيون دامعه:يعني هتعملي ايه.
أدهم:براحتك... بس اظن الجواز احسن... بدل اللي يحصل بعده... هعمله دلوقتي.

نظرت له ملك...بعيون خايفه... خافت ملك تهديده... وهي تعلم أن ما يريده أدهم سوف يفعله... وقامت معه
احس أدهم بوغز ف قلبه لأنه لأول مره يرى تلك النظرة ف عينها.
خرج أدهم وخلفه ملك وكان يوجد مأذون واتنين شهود برا.
جلس أدهم وملك ...وكل منهم ينظر للآخر نظرات ذات معنى.
المأذون:بسم الله توكلنا على الله، يلا قولي ورايا.

كانت ملك تردد الكلمات وراه المأذون وهي تنظر لادهم بعيون دامعه... غير مستوعبه من هذا الشخص الذي تراه امامها...لماذا يبدو بكل هذه القسوة... وكذلك أدهم كان يبدلها النظرات.
المأذون:خدي يا بنتي امضي هنا... وانت.
مضى أدهم وملك.
..وبعد كدا مشي المأذون والشهود.
ملك: ارتاحت كدا.
أدهم:ملك اسكتي... عشان معملش حاجه تضايقك.
ملك:هو انت بتعمل كدا ليه معايا.

قام أدهم و دخل الغرفة و لم يجيبها... فتح أدهم الدولاب وأخرج ملابسه... كان يفتح ازاز القميص... دخلت ملك وراها.
ملك:انا بكلمك يا أدهم.
أدهم بيكمل فتح القميص وغير منتبه لها وقال:ملك اسكتي احسنلك.
ملك: لو مسكتيش هتعمل اي ... ولما انت مش طايقني كدا اتجوزتني ليه... هو انت بتحبني بمزاجك وبتسيبني بمزاجك.
رمي ادهم قميصه على الطريق ولفها...وقال بنرفزة ... اهاا بمزاجي يا ملك... وانتي اللي خليتني اعمل كدا.
ارتعشت ملك من شده الخوف...وقالت:طب مش انت نفذت اللي ف دماغك سيبني امشي.
أدهم:تمشي فين... عاوزه تروحيله.

ملك:انت مجنون ... اروح لمين.
أدهم:مراد.
اغرقت عينها بالدموع واتجهت ناحيه الباب لكي تخرج دون أن ترد عليه.
أدهم:ملك.
 ملك دون أن تلتف له... نعم...عاوز تقول حاجه تاني.
أدهم:لما اكون بكلمك متسبنيش وتمشي انا جوزك متنسيش دا.
ملك:عاوز اي مني تاني.
ادهم:هو انتي مضايقه اوووي كدا عشان اتجوزتك... ولا مراد قام بالواجب.

درات ملك بجسدها له وصفعت أدهم على وجنته بقوه... وابتعدت عنه ... حيوان وبتتجوزني ليه لما انا كدا يا أدهم باشا ولا انت مش راجل.
تسمر أدهم ف مكانه... ازدادت قبضته على يده... واحمرت عيونه من كثره الغضب.

اقترب أدهم منها... رجعت ملك خطوه للخلف وهي خايفه... وتسارعت نبضات قلبها...وايدها جات على التسريحة واللي كان عليها السلاح... امسكته ملك...وقالت وهي ترتعش يدها:متفكرش يا أدهم لو قربت مني هقتلك... ابعد عني
أدهم:طيب اقتلني... لو هتعرفي... مش انا مش راجل.
تركت ملك المسدس من يدها.
ملك:براحتك يا ا.
قطع أدهم كلامها بقبلاته المفاجئة...واحتضانه اياها بقوه.
وكل ما تبتعد عنه يحكم عليها قبضبته بقوه.

وفجاه دفعها أدهم بقوه على الفراش... ارتمت ملك على الفراش... وهي منهارة بالدموع.
أدهم بغضب:انا هوريكي انا راجل ولا.
انهال عليها بقبلاته الجنونية.
اغمضت ملك عينها... لكي لا ترى ما يفعله بها.
ملك بتوسل:أدهم... ارجوك سيبني
توقف أدهم عن ما كان يفعله... وتركها وغادر الغرفة وقفل الباب وراها.
جلست ملك على الفراش... ودفنت وجهها بين ركبتيها وجلست تبكي.

ف منزل عبد الحميد.
عاصم: قلبنا البلد ملهاش أثر يا ابوي.
عبد الحميد:يعني راحت فين.
عبد الرحمن:محدش عارف يا ابوي.
عبد الحميد:والفرح اللي كمان ساعات دا هنعمل ف اي.
مراد:هيكون مين اللي خدها يعني.
يوسف: البوليس قال هيدور.
سعاد:تلاقيها راحت مع عشيقها.

عبد الحميد بغضب:اسكتي... مسمعش حسك واصل.
نظرت نورا ومني لبعض... وهمست نورا لمنى.
انا هطلع اكلم نادر دا يمكن تكون مع أدهم.
مني:ماشي بسرعه.
صعدت نورا وقامت بالاتصال بنادر.
نورا:الو.
نادر:مين.
نورا:انا نورا قريبه ملك.
نادر:اي ف حاجه حصلت.
نورا:ملك اتخطفيت ومش لاقينها.
نادر:نعم ازاي يعني.

نورا:احنا كنا قاعدين مع بعض... مني نزلت تجيب حاجه وبعدين رجعت بسرعه وقالت إنها سمعت ابوها بيتكلم وانه ممكن يكو ن القاتل... بعدها بدقايق كان ف رساله جات لملك... بيقول انزلي برا البيت لو عاوزه تعرفي مين القاتل.
نادر: هي مني دي امان ولا.
نورا:قصدك اي.
نادر:قصدي ان ممكن يكون ليها علاقه بحاجه خصوصا انها كانت هتوديكم ف داهيه قبل كدا... اشمعنا يعني ملك جالها الرسالة بعد ما مني دخلت... وازاي مني هتقول على ابوها.
نورا:لا مني مش هتعمل كدا.

نادر:طب ممكن يكون أدهم مثلا لأنه قالي انه مش هيسيبها.
نورا:طب اسأله... ولو معها طمني عليها لو سمحت.
نادر:حاضر... اقفلي واول ما هكلمه هقولك.
انهت نورا المكالمة ونزلت مره اخرى.
عبد الحميد:عاوز اعرف أدهم دا فين... وخلصوا عليه.
مراد:اديني شويه وانا هعرف هو فين.
عبد الحميد:زين انا هدخل المكتب... عاصم بلغ الرجالة انكم هتنزلوا القاهرة.
دلف عبد الحميد الي المكتب.

سعاد:والله دي بقيت عايشه تخنق... كل شويه ملك اتخطفت... ملك هتتجوز... حاجه هم الله يحرق ملك على عايشتها الهباب.
زينب:والله يا اختي الواحد تعب... خنقونا.
سعاد:ربنا يستر... انا هدخل المطبخ.
زينب:خديني معاكي.
مني:كلمتي نادر.
نورا:ااااهااا ممكن تكون مع أدهم.
مني:انا خايفه يا نورا.
نورا:ليه.
مني:خايفه يطلع بابا.
نورا:تفتكري
مني:معرفش.

نورا:طب تعالي نروح عندي البيت... عشان نكون براحتنا انا حاسة اننا متراقبين.
مني:طيب يلا.
ذهبت مني ونورا الي منزلها.
نعمه:تعالوا يا بنات... اي اللي حصل.
نورا:مش لاقيين ملك... والبيت مولع نار.
نعمه:هتكون راحت فين بس.
نورا:مش عارفين يا ماما والله ادعيلها انتي بس.
نعمه: ربنا معها يا بنتي.

اتصل مراد ببوسي.
بوسي:اهلا يا عريس.
مراد:عريس اي أدهم خدها.
بوسي:خدها.
مراد:ايوه انا عاوز اعرف هي فين َ.
بوسي:انا معرفش بس اكيد هو خدها ازاي.
مراد:معرفش.
بوسي: تلاقي نادر هيكون عارف بس.
مراد:لازم الاقيها بس أدهم يكون...عمل حاجه.
بوسي:أدهم مش هياذيها يعني... بيحبها.

مراد:دي المشكلة... لو عرفتي حاجه قوليلي.
بوسي:بس انا هحاول اروح لسمر يمكن اوصل الحاجه... او هتصل بيها اقفل... لو عرفت حاجه هبلغك.
قفلت بوسي الخط وقامت بالاتصال بسمر.
بوسي:عامله اي.
سمر: كويسه.
بوسي:عرفتي اللي حصل.
سمر:اي.
بوسي:مش ملك كانت هتتجوز مراد اخوه أدهم.

سمر وهي تمثل انها لا تعرف شي:بجد
بوسي:وادهم خطفها
سمر:ازاي.
بوسي: طب ما تشوفي نادر.
سمر: قطعت علاقتي بنادر اصلا... وحتي ملك معرفش عنها حاجه.
بوسي:امممممم انا قولت اساعد لو كنتي بتكلمها.
قفلت سمر الخط...واتصلت بنادر.
سمر:شكل بوسي متفقه مع مراد.
نادر:وانتي عرفتي ازاي.
سمر:لسه مكلمني وقالت إن ملك اتخطفت هي متصلة تجرجني ف الكلام... وانا قولتها ان انا معرفش حاجه.
نادر:خلي بالك منها يا سمر... وانا هتصرف.
سمر: ماشي.

كان ادهم يجلس ف الخارج ويدخن سيجارته.
رن هاتفه.
نادر:أدهم انت فين.
أدهم:ف البيت... ليه.
نادر:ملك معاك.
أدهم:وانت مالك بيها.
نادر:أدهم... انت فاهم كل حاجه غلطت ملك مش ضدك ولا حاجه...بس هي من حقها تعرف مين قتل اختها... ملك بتحبك يا أدهم متعملش حاجه تندم عليها... واديها تليفونها عشان تكلم نورا.

أدهم:مش هتخاف عليها اكتر مني يا نادر.
نادر:عارف بس انا بقولك عشان متندميش وتعمل حاجه تخليك تخسرها للأبد.
قفل ادهم الخط واطفي سيجارته.

قامت ملك ودلفت الي المرحاض لتغسل وجهها... نظرت ف المرأة وجدت عينها متورمه و حمراء...وحجابها المبعثر...فكت حجابها...وضعتها حول عنقها ... وانسدال شعرها على ظهرها... وأخذت تغسل وجهها عده مرات بالمياه.
خرجت ملك من المرحاض... وجدت أدهم يفتح باب الغرفة.
أدهم: خبطت على الباب بس انتي مردتيش فقلقت عليكي.
ملك بتوتر:ماشي... و وضعت الطرحة على شعرها.
أدهم:خدي التليفون وكلمي نورا.

اخدت ملك من الهاتف... امسك أدهم يدها.
أدهم:اسف بس انتي السبب.
ملك:انا اللي قولتلك اخطفني و اتجوزني بالطريقة دي صح.
أدهم: لا اسيبك تتجوزي اخويا و اتفرج عليكي.
ملك: وانا مش عاوزك يا أدهم.
أدهم بضيق: مش عاوز اسمع صوتك
ملك: هتتضربني؟ كمان ولا
أدهم بانفعال: لا يا ملك بس حاولي تعدى اليوم دا على خير
ملك: ماشي يا أدهم
أدهم: انا مكنتش عاوز نوصل لكدا
ملك ببرود: عادي اللي حصل حصل.

أدهم:يعني مش زعلانه.
ملك: لا هزعل من اي.
قام أدهم بلف ذراعه حول خصرها... وضمها اليه... تسارعت دقات قلبها بشكل ملحوظ. لاحظه أدهم.
قام أدهم برفع الحجاب بتاعها.
أدهم:شكلك كدا احلى.
ملك:أدهم.
أدهم: والله بحبك...وانحني ببطء ليقبل شفتها برقه.
ملك:ممكن تسيبني عاوزه اكلم نورا.
احكم أدهم قبضته عليها أكثر.
ملك:عاوزه اكلم نورا.

أدهم:كلميها هو انا ماسكك.
ملك:اهااا... حاض.
أدهم:اهااا اي.
ملك:مفيش... ممكن اكلمها.
تركها أدهم... اتفضلي كلميها.
اتصلت ملك بنورا.
نورا بلهفه:ملك انتي فين...انتي كويسه ولا.
ملك:اهااا الحمد الله.
نورا بارتياح:الحمد الله... بس ف كارثه.

ملك:اي
نورا:مراد بيقول ان أدهم هو اللي خدك شاعلل الدنيا ف البيت... وجدك قال للرجالة انهم هينزلوا القاهرة.
ملك:ياربي اقفلي يا نورا وروحي على البيت دلوقتي شوفي هيحصل اي... وانا هكلم جدك.
قفلت ملك الخط.
أدهم:ف اي.
ملك:بيدوروا عليك.
أدهم:طب فيها أي.
ملك:بلاش هدوك الغريب دا يا أدهم.
أدهم:هو انتي خايفه ليه.
ملك:خايفه عليك انت ... عشان مش هقدر اشوف حد بيعملك حاجه... انا مش متخيله ان ممكن يحصلك حاجه اصلا.

أدهم:متخافيش... انا معاكي ومش هسيبك.
قامت ملك باحتضان أدهم ولفت يدها حول عنقه... وقالت:انا عملت دا كله عشانك انت... ومفيش حاجه من اللي قولتلها صح... بس انا زعلت من طريقتك معايا... انت عملتني وحش اوووي يا أدهم... وقولت عليا.
أدهم وضع يده على فمها:هشششش...، انسى كل اللي قولته... انا عارف ان مفيش حاجه من دي.
ملك: انا خايفه
أدهم: متخافيش انا جنبك
ملك:طب هتصل بجدو.

أدهم:قطعتي اللحظة الرومانسية مرتاحة كدا.
ابتسمت ملك على مازحته.

اتصلت ملك بي تليفون المكتب بتاع جدها.
عبد الحميد:الو.
ملك:انا ملك يا جدو.
عبد الحميد بقلق:انتي فين. وانا هجيلك ...حد عملك حاجه...اي اللي حصل.
ملك:لا انا كويسه بس كنت عاوزه اقولك على حاجه.
عبد الحميد:قولي يا بنتي.

ملك:أدهم مش هو اللي قتل ندى... اللي قتل حد من البيت وكان بيتصنت علينا لما كنت عندك عشان كدا مردتيش اقول.
عبد الحميد:انت عتقولي اي يا ملك.
ملك:والله دي الحقيقه.
عبد الحميد:لما هو بيهددك قوليلي.
ملك:لا يا جدو انا متأكدة والله... حتى ممكن يكون واقف ورا الباب دلوقتي.
عبد الحميد بص على الباب فعلا و شاف خيال حد واقف ورا الباب.
استنى يا بنتي شكلك كلامك صووح ف حد واقف برا.
ملك:ف اي يا جدو.

ترك عبد الحميد السماعة مرفوعة واتجه بخطوات بطيئة... الي الباب... ولكن كان ذلك الشخص فتح الباب ودخل.
عبد الحميد:ف اي... انت...لم يحلق يكمل كلامه... لم تحدث تلك الشخص وقام بطعنه... بالسكينة التي كان يحملها ف يده.
تأوه عبد الحميد... وسقط على الأرض... ولفظ أنفاسه الأخيرة.
كانت ملك على السماعة لا تستطيع سماع شي.
أدهم:اي.

ملك:سأبني على السماعة... وقال إن ف حد برا... انا حاسة انه شاف القاتل
أدهم: يمكن عرف حاجه.
ملك بقلق:انا حاسة ان ف حاجه انا خايفه اوووي يا ادهم.
أدهم وهو يحتضنها... متخافيش... لفت ملك يدها حول عنقه... وتشبتت بي... كأنها تخشي فقدانه... انا خايفه اوووووي.
 أدهم:انا معاكي يا ملك
رن هاتفها وكانت نورا المتصلة.
نورا بانهيار:ملك.
ملك:ف إي يا نورا مال صوتك.

نورا:جدك يا ملك.
ملك:حصل اي اتكلمي.
نورا:دخلت البيت انا ومنى لاقيتهم بيصوتوا وبيقولوا ان جدك اتقتل...دخلت شوفته غرقان ف دمه... والبوليس موجود
ملك بصدمه وسقط الهاتف من يدها... اتقتل.

رواية حب بلا قيود للكاتبة أسماء صلاح الفصل التاسع عشر

تعال الصويت والنواح ف منزل العطار...واجتمع كثيرا من اهل البلد.
ف ظل ذلك كانت نورا ومني خايفين...،ويدور ف دماغهم ان زي ما جدهم اتقتل هو هيخلص عليهم.
نعمه:ليه يا ابوي سيبتني يا ابوي.
كانت نورا وساميه... بيحاولوا يوسوها .
نورا:ربنا يرحمه يا ماما.
نعمه:كيف ابوي يتقتل ف بيته... ااااهااا يا ابوي.
سعاد:يا عيني عليك يا حج... كان حسك موجود معانا ف الدنيا.

زينب:لا حول لا قوه الا بالله... ربنا يرحمك يا حج.
وكان ف داخل المكتب... والجثة مغطي على الأرض بعد ما أخذوا البصمات
الظابط:عاوز نتيجة البصمات على مكتبي خلال ساعات.
عاصم:عاوز اعرف مين عمل كدا دلوق.
الظابط ماهر وهو يرتب على كتفه:متقلقش القاتل هيظهر الحج عبد الحميد كان خيره علينا كلنا... بس انا عاوز اعمل تحقيق مع كل اهل البيت... وخصوصا لو شاكين ف حد معين ياريت اعرف.

عبد الرحمن:التحقيق هيبقى امتى.
ماهر:بكرا... عشان يبقي اسرع ونلحق نوصل للقاتل.
مشي الظابط.
وبقي ف المكتب عاصم وعبد الرحمن ويوسف وعمر.
عاصم:مين اللي عملها.
عبد الرحمن:معرفش.
عاصم:زمن ملك هتظهر عشان تتطالب بوراثها.
يوسف:هي ليه متكونش ملك هي اللي عملت كدا.
عاصم:لا مفتكرش اللي عمل كدا وراها مصيبه.
عمر:هو ممكن يكون حد مننا.

عبد الرحمن:ممكن.
يوسف:طب يلا عشان نلحق ندفنه.

ملك وهي منهارة بالدموع:اتقتل يا أدهم.
أخذها أدهم ف حضنه ورتب على ضهرها.
وقال:اهدي يا حبيبتي... ربنا يرحمه.
ملك:انا عاوزه اسافر.
أدهم:لو روحتي هتعملي اي... دا غير كدا انتي هيكون ف خطر عليكي... وانا مش هقابل بدا.
ملك:أدهم اوعي تسيبني... انا مليش غيرك.
قبل أدهم راسها... وقال:انا عمري ما هسيبك يا ملك.

تم دفن جثمان الحج عبد الحميد... وانتهيت مراسيم العزاء.

وسافر مراد الي القاهرة...وذهب الي معتز.
معتز:ونبي استفدت اي دول ممكن كانوا لبسوك قضيه قتل.
مراد:انا متغاظ من ملك اوووي.
معتز:انا اللي اعرفه عنها أنها بنت كويسه ومحترمه.
مراد:انا بنت زي دي تتضحك عليا.
معتز:هي عملت اي.

مراد:طلعت بتحب أدهم لدرجه غربيه... لدرجه انها تشك ف كلامي وتصدقه هو.
معتز:ودا يضايقك ف اي.
مراد:حاسس ان لو ملك حصلها حاجه يبقى قضيت على أدهم للأبد.
معتز:انت ناسي انها كانت اخت مراتك.
مراد:انا بس هعلمها درس بسيط.
معتز:اي هو.
مراد:بفكر ف حاجه.

معتز:انت شكلك اتجننت...، وتخيل بها لو أدهم متجوزه... هتعمل كدا برضو.
مراد:لا التانيه دي هخلي بوسي تعملها.
معتز:بوسي.
مراد:اهااا.
معتز: مراد هتندم والله.
مراد:ندمت بما ف الكفاية وانا ومش هعمل بوسي هي اللي هتعمل.
معتز:ما ملك عارفه علاقه بوسي وادهم.
مراد:عارفه حاجه وتشوف حاجه تانيه... الوحيدة اللي تقدر تتدمر أدهم هي ملك.

كانت ملك نايمه بين ذراعه.
ادهم:ملك... ملك.
كانت ملك مستغرقة ف النوم، وضع أدهم راسها على المخدة بخفه كي لا تستيقظ... وقام من الفراش...واتجه الي الدولاب واخد ملابسه وارتديها.
وبعدين خرج من الغرفة.
وقام بالاتصال بنادر.
أدهم:ف حاجه جديده ولا.
نادر:لحد دلوقتي لا بس انا مش مرتاح.
أدهم:وملك حالتها بقيت صعبه اوووي... طول الليل بتصحي تصوت وتنام.
نادر:ليه كدا.

أدهم:يا ابني الراجل كان بيكلمها واتقتل ف بيته... كدا الدور عليها وعليا.
نادر:انا نفسي خايف والله.
أدهم:ربنا معانا.
نادر:سمر كانت عاوزه تشوف ملك وتعزيها.
أدهم:ماشي هاتها وتعالي بس خد بالك ليكون ف حد مراقبك.
نادر:حاضر.
وضع أدهم التليفون على الترابيزه... ولكنه سمع صوت ملك... ركض على الغرفة بسرعه.
ملك بصراخ:أدهم.
اتجه ادهم اليها وجلس على الفراش بجانبها.

وضع يدها على وجنتيها وقال:انا جنبك يا حبيبتي.
 لفت ملك يدها حول عنقه وادمعت عينها وقالت:انت كنت فين... سيبتني ليه.
أدهم:كنت برا والله... مرضتيش اصحيكي.
ملك:ماشي.
أدهم:سمر هتيجيلك.
ملك:ماشي... انا عاوزه اكلمها.
أدهم:ماشي هتقوليلها اي.
ملك:هخليها تروح بيتي تجيبلي هدومي من هناك.
أدهم:انا هجبلك اللي انتي عاوزها.
ملك:لا انا عاوزه هدومي.
أدهم:حاضر يا حبيبتي هجيبلك هدومك.

قام أدهم... أمسكت ملك يده... وقالت:انت ماشي ليه.
أدهم:هجيبلك فطار.
ملك:لا مليش نفس.
أدهم:لازم تأكلي.
ملك باستسلام:طيب.
خرج أدهم من الغرفة واتجه الي المطبخ.
وبعدين دخل ومعه صينه يحمل عليها الطعام.
أدهم:يلا كولي.
ملك:حاضر.
أدهم:واشربي العصير.
ملك:حاضر.

ف قسم شرطه سوهاج... كان ماهر ينتظر أفراد عيله العطار لتحقيق معهم واخذ بصمات الجميع للتطابقها مع تقرير البصمات.
دلفت نعمه الي الداخل.
ماهر: اتفضلي.
جلست نعمه.
ماهر:كنتي فين وقت الحادثة.
نعمه:كنت ف البيت... وكانت مني ونورا جايين... ومشوا وبعد كدا اتصلوا بلغوني الخبر.
ماهر:انتي شاكه ف حد.
نعمه:لا.
ماهر:تمام اتفضلي انتي.
خرجت نعمه ودخلت وراها سعاد.
ماهر:اتفضلي.
جلست سعاد.
ماهر: كنتي فين.
سعاد: كنت ف المطبخ.
ماهر:يعني محستيش حد دخل البيت غريب.

سعاد:الله اعلم... اصل بيتنا مش بيفضي بالناس
ماهر:يعني مش شاكه ف حد معين.
سعاد:لا.
ماهر:اتفضلي.
خرجت سعاد ودخلت زينب.
جلست زينب.
ماهر:كنتي فين وقت الحادثة.
زينب:كنت ف المطبخ مع سعاد.
ماهر:اممم... يعني انتي محستيش بحاجه غريبه.

زينب: لا... احنا كنا بنخبط على المكتب مردش لما فتحنا وشوفنا اللي حصل اتصلنا ببوليس.
ماهر:امممممم طيب اتفضلي... وخلي مني ونورا يدخلوا.
خرجت زينب وقالت:بيقول عاوزه نورا ومني.
سعاد:اشمعنا هيدخلوا دول مع بعض.
مني:عادي يا اما.
سعاد:متتكلمش يا بت...ومتقوليش اي حاجه مفيدة فاهمه.
مني:حاضر حاضر.
دخلت مني ونورا.
ماهر:اتفضلوا... عاوز اعرف كل حاجه بتفاصيل.
نورا:احنا مكناش ف البيت.
ماهر:وانتم كنتوا فين.
مني:ف بيت نورا.
ماهر:امممممم طب روحتوا هناك ليه.

نورا:عشان... ولكن لم تكمل نورا كلامها وصل على هاتفها رساله.
ماهر:امممم سمعك كملي.
نورا:حاضر... فتحت نورا الرسالة وجدت (متجبيش سيره ملك ولا القتل ولا حاجه... ويفضل القضية تبقى ضد مجهول بدل ما هتروحي لجدك... )
ارتجفت نورا بخوف وقالت:عشان كنا هنروح.
ماهر:المفروض مني بس اللي كانت تروح... وف حاجه ملك دي فين انا الحج كان مكلمني وقال انها اتخطفيت.
مني:لا هي نزلت القاهرة.
ماهر:مش المفروض كانت تبقى عزا جدها.

نورا:هي مع جوزها ف القاهرة... و تعبانة... ف معرفتش تيجي.
ماهر:طب انا عاوز اتواصل مع ملك.
مني:ملك.
نورا:مش معانا رقمها.
ماهر:تمام اتفضلوا... خرجت نورا ومني.
ماهر:العيلة كلها يتشك فيها والله... ياترى وراكم اي يا عيله العطار.
مني:انتي وشك جاب الوان ليه.
نورا:جاتلي الرسالة دي على التليفون.
مني:نهار ابيض.
نورا:انا حاسة اني هموووت من الخوف.
سعاد:يلا عشان نمشوا.

فتح أدهم لنادر وسمر.
أدهم:اتفضلوا.
دلفوا اللي الداخل وجلسوا.
نادر:فين ملك.
أدهم:جواه.
خرجت ملك وسلمت على سمر.
سمر:البقاء لله يا حبيبتي.
ملك:ونعمه بالله.
نادر:اي ملك من اولها كدا هتتعبي... احنا شكلنا داخلين على ايام سوده.
ملك:فعلا.
سمر:كلمتي نورا او مني.
ملك:لا اخر حاجه لما عرفت انه جدو مات.
سمر:زمان مراد مشي من هناك.

أدهم:اهااا مشي امبارح بليل.
سمر:بس انتي المفروض كنتي روحتي.
ملك:ازكان انا كنت بكلم جدو... واتقتل انا بقا كان هيحصلي اي.
نادر:هو صحيح لو كنتي لسه هناك... وفجأه لقيتي حد قدامك وبقولك انا اللي انتي بتدوري عليه.
ملك:مش عارفه... والله بس اكيد كنت هقاوم.
سمر:بصراحه موقف زي الزفت.
ملك:المشكلة ان هو مين اصلا... الصدمة هتبقى لوحدها كفايه.
نادر:طب كلمي نورا.
ملك:خايفه اكملها...يكون ف حاجه.
أدهم:كلميها عشان لو ف حاجه نعرفها.
ملك:ماشي.

قامت ملك بالاتصال بنورا.
نورا: ملك.
ملك:اي اللي حصل.
نورا:ولا حاجه... بس البوليس كان بيحقق معانا وانا حد بعتلي رساله تهديد على الفون و مرضتيش اجيب سيرتك زي ما طلب.
ملك:رساله تهديد.
نورا:اهااا انا مرعوبة والله.
ملك:طب ومني.
نورا:حالتها من حالتي... بجد انا حاسة انهم هيموتوني.
ملك:انا عاوزه اوصل للظابط.
نورا:هو سأل عليكي... بس يا ملك الموضوع ف خطر.

ملك:ماهو لازم الظابط يعرف الحقيقه عشان نوصل للقاتل.
نورا:الموضوع طلع مش سهل خالص يا ملك.
ملك:هو كدا كدا حطنا ف دماغه...فنتكلم احسن ما يخلص علينا.
نورا:اقفلي يا ملك البوليس شكله جاي يقبض على حد.
قفلت ملك... الخط.
أدهم:اي.
ملك:بتقول البوليس شكله جاي يقبض على حد.
نادر:امممم...هو ليه بيحصل معانا كدا.
سمر:طب اي.

ملك:انا عاوزه اروح للظابط.
أدهم:ماشي.
نادر:خلاص نكلم حازم.
أدهم:ماشي.
نادر:بس بلاش تقولي لحد انك رايحه.
ملك:حاضر
نادر:بس المشكلة بقا احنا هنلاقيها من مراد ولا من القاتل دا.
ملك:هو مراد ممكن يعمل حاجه.
نادر:اكيد... أصل اكيد مش هيصرف نظر يعني.
أدهم:براحته بقا... بس انا استحملته كتير... ولحد ملك هيكون خط أحمر.
نادر:المشكلة انه اخوك.

أدهم:ربنا يسهل بقا...انا هنزل اشتري حاجات...واشوف حازم
نادر:ماشي يلا.
أدهم:خلي بالك منها يا سمر ولو حصل حاجه كلموني.
ملك:متتاخرش.
أدهم:ساعتين وهكون عندك.
سمر:اي يا ملك عامله اي.
ملك:كويسه.
سمر:ربنا يستر.
ملك:تفتكري هيحصل اي.
سمر:الله اعلم... اصل محدش كان متوقع ان جدك يتقتل ف بيته... وأنك تتجوزي أدهم بالطريقة دي ..
ملك:فعلا.

ف السيارة.
نادر:احنا رايحين فين.
ادهم:هشتري لبس لملك.
نادر:ماشي... وبعد كدا هنطلع على المكتب عند حازم.
أدهم:هو ازاي ابويا معرفش أن عبد الحميد العطار مات.
نادر:اهااا صحيح مش المفروض كان يروح يعزي.
أدهم:اهااا غربيه برضو.

ف منزل العطار.
ماهر وكان معه القوات.
ماهر:عندي امر بتفتيش المكان.
عاصم:تفتيش..
ماهر:ايوه بعد اذنك يا عاصم بيه... دا شغلي ودا امر نيابة.
عاصم:اتفضلوا.
صعدوا القوات للتفتيش ف الدور العلوي.
ماهر:هاااا.

اجاب عليه امين الشرطة...:شكوك سعادتك صح... احنا لقينا السكنية اللي اتقتل بها ف اوضه من اللي فوق وتطابقت مع البصمات.
ماهر:استاذ يوسف انا عندي امر بالقبض عليك.
يوسف بصدمه: انتم اتجننتوا.
عاصم:ازاي يعني.
ماهر:اتفضل معانا.
سعاد:ولدي... الحق يا عاصم خدوا ابننا.
عاصم:اهدي يا سعاد انا هروح وراها... متخافيش.
عبد الرحمن:انا جاي معاك.
سعاد ببكاء:انا عاوزه اجي معاك... ابني.
عاصم:مش هينفع عاد... مني خلي بالك من امك.

ف قسم الشرطة.
ماهر:الإنكار مش هيفيدك.
يوسف:والله ماانا اقسم بالله مقتلتش حد.
ماهر:واومال تفسر السكنية اللي كانت ف اوضتك دي بايه...والبصمات.
يوسف:طب انا هقتله ليه.
ماهر:ما دا اللي احنا هنعرفه بقا.
يوسف:اقسم بالله مقتلتش حد.
ماهر:يا عسكري نزله على الحجز لحد ما يعترض على النيابة.