كفتة فراخ
مكونات كفتة الفراخ
صدر فرخه مفروم
2 بصله صغيره مبشوره
1/2 كوب بقسماط
1 م.ص بصل بودر
1 م.ص ثوم بودر
ملح وفلفل حسب الرغبه
1 م.ص كارى
1 م.ص بهارات فراخ
بيضه
خضره وشبت
طريقة عمل كفتة الفراخ فى الفرن
حنبشر البصل ونحط عليه معلقة ملح ونسيبه ينزل ميته بعد كده حنصفيه من الميه
حنحط الفراخ والبيضه والبصل والتوابل والبقسماط المطحون ونعجن كويس
حنحط الخضره والشبت ونعجن لو لقينا القوام طرى زياده حنحط بقسماط
حنجيب حاجه نصبع عليها الكفته ونرصها فى صينية مدهونه زيت
حنحطها فى الفرن لحد ماتستوى بتاخد حوالى 30-35 دقيقه
نقدمها بالطريقه اللى تعجبنا بالف هنا وشفا