نقدم لكم اليوم طبق الدجاج بالكريمة البصل والفطر لوجبة دافئة ومنعشة ومشبعة.
المكونات تكفي شخصين
- 2 صدور دجاج
- 2 بصل جوليان
- 250 مللي مياه
- 250 مللي لبن بارد
- معلقة كبيرة نشا
- سمن او زيت
- 1/4 كوب بقدونس او شبت متقطع صغير
- 2 ورق لورا
- 1 معلقة كبيرة سكر
- جوزة الطيب
- ملح و فلفل
طريقة التحضير 45 دقيقة
- بنتبل الفراخ بملح و فلفل و جورة الطيب و في طاسة سخنة بننزل بالسمنة او الزيت او اي مادة دهنية و ننزل بالفراخ تاخد لون دهبي جميل زي اللي في الصورة كده.
- بعد كده بنشيل الفراخ و في نفس الطاسة بنحط حتة زبدة كمان و بننزل بالبصل و السكر و ورق اللورا و ملح و فلفل لحد ما البصل ياخد لون كراميل كده.
- بنحط البقدونس او شبت و نززل بالمرقة او بالمياه على حسب الرغبة و نسبها تغلي.
- في اللبن البارد ندوب النشا و ننزل بيه على الكلام الجميل ده و نسبها تغلي و بعدين ننزل بالفراخ تاني و نسبها على نار هادية تستوي و هي متغطية.
- ممكن تتقدم مع ارز و سلطة او سوتيه.
- بالهنا و الشفا