حلبه معقوده | مفتقه

مكونات المفتقه
2.5 كيلو عسل اسمر
2 كوب زيت
1/8 كيلو حلبه مطحونه ناعمه
50 جرام مغات
3 ليمونه
1/2 كوب دقيق
سمسم وسودانى


طريقة عمل المفتقه




طريقة عمل الحلبة المعقوده

حنحط الحلبه المطحونه على العسل الاسمر ونقلبهم كويس ونسيبهم لمده يوم كامل وكل فتره نقلبهم عشان الحلبه حتطلع ع الوش
بعد مرور 24 ساعه حنحط حله على النار ونحط الزيت
حننزل بالدقيق ونديله تحميصه خفيفه وبعدين ننزل بالسودانى ونحمصه شويه مع الدقيق
بعد كده حننزل بالسمسم ونحمصه شويه مع الدقيق والسودانى
حننزل بالمغات ونقلب شويه
ف الاخر حننزل بالعسل الاسمر اللى نقعنا فيه الحلبه 24 ساعه
حنسيبه على النار يغلى وبعد نص ساعه تقريبا حننزل بعصير الليمون بتاعنا
حنقلبه ونسيبه يغلى شويه وبعدين نختبر نقطتين من المفتقه على طبق زى المربات بالظبط
حنسيبه يهدى شويه ونعبيه فى البرطمانات ونغطيها بعد مايبرد خالص وبالف هنا وشفا